ᱴᱣᱤᱝᱠᱟᱹᱞ ᱠᱟᱞᱤᱭᱟ
| ᱴᱣᱤᱝᱠᱟᱹᱞ ᱠᱟᱞᱤᱭᱟ | |
|---|---|
.jpg) | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | 1982 |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | selling insurance |
| ᱧᱩᱢᱱᱟᱢ | running a free ambulance service |
| ᱡᱤᱭᱚᱱ ᱥᱚᱦᱮᱫ | ᱦᱤᱢᱟᱝᱥᱩ ᱠᱟᱞᱤᱭᱟ |
ᱴᱣᱤᱝᱠᱟᱹᱞ ᱠᱟᱞᱤᱭᱟ (ᱡᱟᱱᱟᱢ ᱑᱙᱘᱒) ᱫᱚ ᱫᱤᱞᱞᱤ ᱨᱮᱭ ᱛᱟᱦᱮᱱ ᱠᱟᱱ ᱢᱤᱫ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱮᱢᱵᱩᱞᱮᱱᱥ ᱮ ᱯᱷᱟᱸᱰ ᱟᱨ ᱰᱨᱟᱭᱤᱵᱷ ᱮᱫᱼᱟ ᱾ ᱩᱱᱤ ᱫᱚ ᱒᱐᱑᱗ ᱨᱮ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱪᱮᱛᱟᱱ ᱥᱤᱨᱯᱷᱟᱹ ᱱᱟᱨᱤ ᱥᱟᱠᱛᱤ ᱯᱩᱨᱚᱥᱠᱟᱨ ᱠᱚ ᱮᱢᱟᱫᱮᱭᱟ ᱾[᱑]
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱞᱤᱭᱟ ᱫᱚ ᱑᱙᱘᱐ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱡᱚᱠᱷᱚᱱ ᱩᱱᱤ ᱒᱐᱐᱒ ᱨᱮ ᱟᱡᱤᱡ ᱜᱷᱟᱹᱨᱤᱸᱡᱡᱟᱹ ᱥᱟᱶ ᱵᱟᱯᱞᱟ ᱞᱟᱹᱜᱤᱫ ᱮ ᱦᱮᱡ ᱮᱱᱟ ᱩᱱᱤ ᱞᱟᱹᱭ ᱠᱮᱫᱟ ᱡᱮ ᱩᱱᱤ ᱫᱟᱦᱮᱡ ᱵᱟᱭ ᱠᱷᱚᱡᱚᱜ ᱠᱟᱱᱟ, ᱢᱮᱱᱠᱷᱟᱱ ᱩᱱᱤ ᱢᱤᱫ ᱠᱤᱨᱟᱭᱟᱹ ᱨᱮ ᱦᱟᱛᱟᱣ ᱟᱠᱟᱱ ᱮᱢᱵᱩᱞᱮᱱᱥ ᱮ ᱰᱨᱟᱭᱤᱵᱷ ᱮᱫ ᱛᱟᱦᱮᱸᱱᱟ ᱟᱨ ᱩᱱᱤ ᱟᱡᱟᱜ ᱛᱟᱦᱮᱱ ᱦᱚᱸᱭ ᱠᱩᱥᱤᱭᱟᱜ ᱜᱮᱭᱟ ᱾ ᱟᱡᱟᱜ ᱫᱟᱲᱮ ᱨᱮᱱᱟᱜ ᱰᱨᱟᱭᱤᱵᱷ ᱫᱚ ᱱᱚᱣᱟ ᱛᱟᱦᱮᱸ ᱠᱟᱱᱟ ᱡᱮ ᱩᱱᱤ ᱫᱚ ᱑᱔ ᱥᱮᱨᱢᱟ ᱨᱮ ᱠᱟᱹᱢᱤ ᱞᱟᱹᱜᱤᱫ ᱛᱮ ᱪᱟᱞᱟᱣ ᱦᱩᱭ ᱞᱮᱱ ᱛᱟᱭᱟ ᱪᱮᱫᱟᱜ ᱥᱮ ᱟᱡᱤᱡ ᱵᱟᱵᱟ ᱛᱩᱨᱩᱭ ᱥᱮᱨᱢᱟ ᱞᱟᱹᱜᱤᱫ ᱠᱳᱢᱟ ᱨᱮᱭ ᱪᱟᱞᱟᱣ ᱮᱱᱟ ᱾ ᱢᱤᱫ ᱠᱳᱢᱟ ᱩᱱᱤ ᱵᱟᱭ ᱦᱩᱭ ᱠᱮᱫ ᱜᱮᱭᱟ ᱡᱩᱫᱤ ᱜᱷᱟᱨᱚᱸᱡᱽ ᱴᱟᱲᱟᱝ ᱵᱚᱨᱵᱟᱫᱽ ᱠᱟᱛᱮ ᱢᱤᱫ ᱮᱢᱵᱩᱞᱮᱱᱥ ᱯᱟᱸᱡᱟ ᱨᱮ ᱵᱟᱠᱚ ᱪᱟᱞᱟᱣ ᱠᱮᱫ ᱠᱷᱟᱱ ᱾[᱒]
ᱠᱟᱞᱤᱭᱟ ᱨᱮᱱᱟᱜ ᱚᱠᱛᱚ ᱫᱚ ᱱᱚᱣᱟ ᱛᱟᱦᱮᱸ ᱠᱟᱱᱟ ᱡᱚᱠᱷᱚᱱ ᱩᱱᱤ ᱞᱤᱵᱟᱨ ᱠᱮᱱᱥᱟᱨ ᱮ ᱛᱟᱦᱮᱸ ᱠᱟᱱᱟ ᱟᱨ ᱮᱢᱵᱩᱞᱮᱱᱥ ᱟᱨ ᱧᱮᱞ ᱫᱚᱦᱚ ᱨᱮᱱᱟᱜ ᱜᱚᱱᱚᱝ ᱮ ᱵᱟᱰᱟᱭ ᱠᱮᱫᱟ ᱾ ᱩᱱᱤ ᱟᱨ ᱟᱡᱤᱡ ᱡᱟᱶᱟᱭ ᱵᱟᱱᱟᱨ ᱜᱮ ᱵᱟᱧᱪᱟᱣ ᱞᱟᱹᱜᱤᱫ ᱵᱤᱢᱟ ᱠᱤᱱ ᱟᱹᱠᱷᱨᱤᱧ ᱮᱫᱟ ᱢᱮᱱᱠᱷᱟᱱ ᱩᱱᱠᱩ ᱟᱠᱚᱣᱟᱜ ᱥᱟᱨᱮᱡ ᱠᱟᱹᱣᱰᱤ ᱮᱢᱵᱩᱞᱮᱱᱥ ᱠᱤᱨᱤᱧ ᱟᱨ ᱪᱟᱞᱟᱣ ᱨᱮ ᱠᱤᱱ ᱞᱟᱜᱟᱣ ᱮᱫᱟ ᱾ ᱠᱟᱞᱤᱭᱟ ᱦᱚᱸ ᱯᱤᱞᱤᱭᱟ ᱠᱷᱚᱱ ᱦᱚᱸᱭ ᱯᱤᱲᱟᱹ ᱮᱱᱟ ᱡᱟᱦᱟᱸ ᱫᱚ ᱟᱡᱟᱜ ᱵᱟᱹᱱᱩᱜ ᱴᱟᱠᱟ ᱠᱟᱛᱮ ᱫᱚᱭᱟᱨ ᱱᱤᱠᱟᱥ ᱛᱮ ᱦᱩᱭ ᱠᱟᱱᱟ ᱢᱮᱱᱛᱮ ᱯᱟᱹᱛᱤᱭᱟᱹᱣ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱜᱮᱭᱟᱛᱤ ᱪᱟᱞᱟᱣ ᱠᱮᱫᱟ ᱢᱮᱱᱠᱷᱟᱱ ᱪᱮᱫ ᱦᱚᱸ ᱵᱟᱭ ᱦᱩᱭ ᱞᱮᱱᱟ ᱟᱨ ᱩᱱᱤ ᱵᱟᱰᱟᱭ ᱧᱟᱢ ᱠᱮᱫᱟ ᱡᱮ ᱱᱚᱣᱟ ᱨᱮᱱᱟᱜ ᱮᱠᱞᱟ ᱦᱚᱨ ᱨᱟᱡᱽᱱᱮᱛᱟ ᱵᱮᱱᱟᱣ ᱜᱮ ᱛᱟᱦᱮᱸ ᱠᱟᱱᱟ ᱾ ᱠᱟᱞᱤᱭᱟ ᱒᱐᱑᱗ ᱨᱮ ᱴᱚᱴᱷᱟᱠᱤᱭᱟᱹ ᱯᱟᱨᱤᱥᱚᱫ ᱞᱟᱹᱜᱤᱫ ᱮ ᱛᱤᱸᱜᱩ ᱮᱱᱟ ᱾[᱓]
ᱩᱱᱤ ᱫᱚ ᱒᱐᱑᱙ ᱨᱮ ᱱᱟᱨᱤ ᱥᱟᱠᱛᱤ ᱯᱩᱨᱚᱥᱠᱟᱨ ᱮ ᱮᱢᱟᱫᱮᱭᱟ ᱾ "᱒᱐᱑᱘" ᱨᱮᱱᱟᱜ ᱥᱤᱨᱯᱷᱟᱹ ᱫᱚ ᱵᱷᱟᱨᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱦᱚᱛᱮᱛᱮ ᱯᱨᱮᱥᱤᱰᱮᱱᱴᱤᱭᱟᱞ ᱢᱟᱦᱟᱞ ᱨᱮ ᱵᱮᱱᱟᱣ ᱦᱩᱭ ᱞᱮᱱ ᱛᱟᱦᱮᱸᱱᱟ ᱾ ᱢᱩᱠᱷᱭᱟᱹ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ ᱦᱚᱸᱭ ᱥᱮᱴᱮᱨ ᱛᱟᱦᱮᱸ ᱠᱟᱱᱟ ᱾[᱔]
᱒᱐᱑᱙ ᱨᱮ, ᱩᱱᱠᱩ ᱮᱴᱟᱜ ᱥᱚᱦᱚᱨ ᱨᱮ ᱦᱚᱸ ᱚᱯᱮᱨᱮᱥᱟᱱ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤ ᱟᱨ ᱦᱤᱢᱟᱝᱥᱩ ᱠᱟᱞᱤᱭᱟ ᱠᱳᱞᱠᱟᱛᱟ ᱨᱮ ᱮᱢᱵᱩᱞᱮᱱᱥ ᱨᱮᱱᱟᱜ ᱟᱠᱚᱣᱟᱜ ᱜᱩᱴ ᱠᱷᱚᱱ ᱮᱴᱟᱜ ᱛᱷᱟᱯᱚᱱ ᱨᱮ ᱜᱟᱞᱢᱟᱨᱟᱣ ᱞᱟᱹᱜᱤᱫ ᱢᱚᱢᱚᱛᱟ ᱵᱟᱱᱟᱨᱡᱤ ᱟᱨ ᱢᱮᱭᱚᱨ ᱯᱷᱤᱨᱦᱟᱫ ᱦᱟᱠᱤᱢ ᱥᱟᱶ ᱠᱤᱱ ᱧᱟᱯᱟᱢ ᱮᱱᱟ ᱾[᱕]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Nitnaware, Himanshu (2021-07-02). "Free Ambulance Rides for 80000 Patients: Couple's Story of 20 Years of Sacrifices". The Better India (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2023-02-20.
- ↑ Pankhuri, Yadav. "How a personal loss 25 years ago inspired a mission to save lives | Delhi News - Times of India". The Times of India (in ᱟᱝᱜᱽᱨᱮᱡᱤ). Retrieved 2020-04-25.
- ↑ Banka, Richa (2017-03-21). "City's 'first woman ambulance driver' joins civic poll fray". DNA India (in ᱟᱝᱜᱽᱨᱮᱡᱤ). Retrieved 2020-04-25.
- ↑ "Nari Shakti Puraskar - Gallery". narishaktipuraskar.wcd.gov.in. Retrieved 2020-04-11.
- ↑ "Free ambulance service provider to come to Kolkata". The Statesman (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2019-11-13. Retrieved 2020-04-25.