ᱴᱤᱥᱠᱟ ᱪᱳᱯᱨᱟ
| ᱴᱤᱥᱠᱟ ᱪᱳᱯᱨᱟ | |
|---|---|
 ᱴᱤᱥᱠᱟ ᱪᱳᱯᱨᱟ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑ ᱱᱚᱵᱷᱮᱢᱵᱚᱨ ᱑᱙᱗᱓ ᱠᱟᱥᱩᱞᱤ, ᱦᱤᱢᱟᱪᱚᱞ ᱯᱨᱟᱫᱮᱥ, ᱥᱤᱧᱚᱛ |
| ᱥᱮᱪᱮᱫ ᱟᱠᱷᱲᱟ | Hindu College, Delhi |
| ᱠᱟᱹᱢᱤ | ᱮᱠᱴᱨᱮᱥ, ᱚᱱᱚᱞᱤᱭᱟᱹ ᱟᱨ ᱯᱨᱚᱰᱩᱭᱩᱥᱚᱨ |
| ᱡᱤᱭᱚᱱ ᱥᱚᱦᱮᱫ | ᱥᱚᱱᱡᱚᱭ ᱪᱳᱯᱨᱟ |
| ᱦᱚᱯᱚᱱ | 1 |
ᱴᱤᱥᱠᱟ ᱪᱳᱯᱨᱟ (ᱡᱟᱱᱟᱢ ᱑ ᱱᱚᱵᱷᱮᱢᱵᱚᱨ ᱑᱙᱗᱓) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱟᱠᱴᱨᱮᱥ, ᱚᱱᱚᱞᱤᱭᱟᱹ ᱟᱨ ᱯᱷᱤᱞᱢ ᱯᱨᱚᱰᱭᱩᱥᱚᱨ ᱠᱟᱱᱟᱭ ᱾ ᱩᱱᱤ ᱫᱚ ᱔᱕ ᱜᱚᱴᱟᱝ ᱯᱷᱤᱞᱢ ᱨᱮ ᱠᱟ.ᱢᱤ ᱟᱠᱟᱫᱟᱭ ᱾
ᱛᱟᱨᱮ ᱡᱚᱢᱤᱱ ᱯᱟᱨ, ᱟᱡᱟᱜ ᱡᱚᱛᱚ ᱠᱷᱚᱱ ᱵᱟᱰᱟᱭᱚᱜ ᱯᱷᱤᱪᱚᱨ ᱯᱷᱤᱞᱢ, ᱟᱠᱰᱮᱢᱤ ᱟᱣᱟᱨᱰ ᱨᱮ ᱥᱤᱧᱚᱛ ᱨᱮᱱᱟᱜ ᱳᱯᱷᱤᱥᱤᱭᱟᱞ ᱮᱱᱴᱨᱤ ᱛᱟᱦᱮᱸ ᱠᱟᱱᱟ ᱾[᱑] ᱱᱚᱶᱟ ᱫᱚ ᱟᱡᱟᱜ ᱯᱷᱤᱞᱢ ᱯᱷᱮᱭᱟᱨ ᱟᱨ ᱢᱟᱨᱟᱝ ᱧᱩᱛᱩᱢ ᱠᱚ ᱦᱚᱸᱭ ᱟᱢᱮᱴ ᱞᱮᱫᱼᱟ ᱾ ᱒᱐᱑᱓ ᱥᱮᱨᱢᱟ ᱨᱮ ᱴᱳᱨᱳᱱᱴᱳ ᱯᱷᱤᱞᱢ ᱯᱷᱮᱥᱴᱤᱵᱟᱞ ᱨᱮ ᱟᱨ ᱢᱤᱫᱴᱟᱝ ᱯᱷᱤᱞᱢ ᱠᱤᱥᱟ ᱧᱩᱛᱩᱢ ᱛᱮ ᱮᱛᱦᱚᱵ ᱞᱮᱱᱟ,[᱒] ᱟᱨ ᱱᱮᱴᱯᱟᱠ ᱟᱣᱟᱨᱰ ᱯᱷᱚᱨ ᱵᱮᱥᱴ ᱮᱥᱤᱭᱟᱱ ᱯᱷᱤᱞᱢ ᱧᱟᱢ ᱞᱮᱫᱟ᱾ ᱯᱷᱤᱞᱢ ᱫᱚ ᱒᱔ ᱜᱚᱴᱟᱝ ᱯᱷᱮᱥᱴᱤᱵᱷᱮᱞ ᱨᱮ ᱦᱮᱡ ᱟᱠᱟᱱᱟ, ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱤᱨᱯᱷᱟᱹ ᱠᱚ ᱟᱢᱮᱴ ᱟᱠᱟᱫᱟ ᱟᱨ ᱟᱰᱤ ᱜᱟᱱ ᱥᱟᱨᱦᱟᱣᱱᱟ ᱠᱚ ᱧᱟᱢ ᱟᱠᱟᱫᱟ ᱾ ᱛᱤᱥᱠᱟ ᱫᱚ ᱫᱤᱞᱞᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱤᱝᱞᱤᱥ ᱥᱟᱶᱦᱮᱫ ᱨᱮ ᱟᱡᱟᱜ ᱵᱷᱮᱪᱞᱚᱨ ᱰᱤᱜᱽᱨᱤ ᱦᱟᱛᱟᱣ ᱞᱮᱫᱼᱟ ᱟᱨ ᱛᱷᱤᱭᱮᱴᱚᱨ ᱨᱮ ᱟᱹᱰᱤ ᱠᱟᱹᱢᱤ ᱞᱮᱫᱼᱟ ᱾ ᱱᱩᱭ ᱫᱚ ᱱᱟᱥᱮᱨᱩᱫᱫᱤᱱ ᱥᱟᱦ ᱟᱨ ᱛᱷᱤᱭᱮᱴᱚᱨ ᱰᱟᱭᱨᱮᱠᱴᱚᱨ ᱯᱷᱤᱨᱚᱡᱽ ᱠᱷᱟᱱ ᱥᱟᱶ ᱟᱡᱟᱜ ᱠᱟᱹᱢᱤ ᱦᱚᱨᱟ ᱠᱚ ᱪᱟᱨᱪᱟ ᱟᱠᱟᱫᱟ ᱾ ᱯᱩᱞᱤᱛᱡᱟᱨ ᱥᱤᱨᱯᱷᱟᱹ ᱡᱤᱛᱠᱟᱹᱨ ᱟᱠᱟᱱ ᱰᱨᱟᱢᱟ, ᱰᱤᱱᱚᱨ ᱣᱤᱴ ᱯᱷᱨᱮᱸᱰᱥ ᱨᱮ ᱟᱡᱟᱜ ᱮᱱᱮᱡ ᱫᱚ ᱥᱤᱧᱚᱛ, ᱠᱚᱧᱮ ᱥᱟᱢᱟᱝ ᱮᱥᱤᱭᱟ ᱟᱨ ᱛᱟᱞᱟ ᱯᱩᱨᱩᱵᱽ ᱨᱮ ᱟᱹᱰᱤ ᱧᱩᱛᱩᱢᱟᱱ ᱛᱟᱦᱮᱸ ᱠᱟᱱᱟ, ᱟᱫᱚ ᱟᱹᱰᱤ ᱠᱚᱢ ᱦᱚᱲ ᱠᱚᱣᱟᱜ ᱥᱟᱨᱦᱟᱣ ᱮ ᱧᱟᱢ ᱞᱮᱫᱼᱟ ᱾ ᱩᱱᱤ ᱫᱚ ᱥᱮᱪᱮᱫ ᱯᱨᱚᱫᱮᱥ ᱨᱮ ᱱᱟᱣᱟ ᱟᱹᱨᱤᱪᱟᱹᱞᱤ ᱨᱮ ᱥᱮᱢ ᱯᱤᱴᱨᱳᱰᱟ ᱥᱟᱶᱮ ᱠᱟᱹᱢᱤ ᱟᱠᱟᱫᱟ ᱾
ᱟᱡᱟᱜ ᱯᱚᱛᱚᱵ ᱮᱠᱴᱤᱝ ᱥᱢᱟᱨᱴ (ᱦᱟᱨᱯᱟᱨ ᱠᱚᱞᱤᱱᱥ) ᱫᱚ ᱢᱤᱫ ᱵᱮᱥᱴ ᱥᱮᱞᱚᱨ ᱠᱟᱱᱟ ᱟᱨ ᱦᱤᱱᱫᱤ ᱛᱮ ᱦᱚᱸ ᱛᱚᱨᱡᱚᱢᱟ ᱦᱩᱭᱩᱜ ᱠᱟᱱᱟ ᱾ ᱟᱡᱟᱜ ᱫᱚᱥᱟᱨ ᱯᱚᱛᱚᱵ What's Up With Me? ᱢᱟᱨᱪ ᱒᱐᱒᱑ ᱨᱮ ᱵᱮᱵᱦᱟᱨ ᱞᱮᱱᱟ ᱾ ᱱᱚᱣᱟ ᱯᱚᱛᱚᱵ ᱫᱚ ᱠᱩᱲᱤ ᱜᱤᱫᱨᱟᱹ ᱠᱚ ᱞᱟᱹᱜᱤᱫ ᱪᱟᱸᱫᱚ ᱨᱩᱣᱟᱹᱲ ᱟᱨ ᱵᱷᱤᱲᱟᱹᱣ ᱨᱮᱭᱟᱜ ᱵᱟᱰᱟᱭ ᱮᱢᱚᱜ ᱨᱮᱭᱟᱜ ᱠᱟᱱᱟ. ᱴᱤᱥᱠᱟ ᱫᱚ ᱑᱐ ᱢᱤᱞ ᱞᱚᱵᱽ ᱯᱷᱤᱞᱢ ᱨᱮ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱱᱤᱭᱩ ᱭᱳᱨᱠ ᱤᱱᱰᱤᱭᱟᱱ ᱯᱷᱤᱞᱢ ᱯᱷᱮᱥᱴᱤᱵᱷᱚᱞ ᱨᱮ ᱵᱤᱥᱴ ᱟᱠᱴᱨᱮᱥ ᱞᱮᱠᱟᱛᱮ ᱧᱩᱛᱩᱢ ᱮ ᱧᱟᱢ ᱟᱠᱟᱫᱟ ᱾ ᱱᱚᱶᱟ ᱥᱤᱨᱤᱭᱮᱞ ᱫᱚ ᱡᱚᱛᱚ ᱠᱷᱚᱱ ᱱᱟᱯᱟᱭ ᱮᱱᱥᱮᱢᱵᱞ ᱠᱟᱥᱴ (Best Ensemble Cast) ᱮ ᱧᱟᱢ ᱞᱮᱫ-ᱟ ᱾ ᱢᱚᱢᱵᱟᱭ ᱮᱠᱟᱰᱮᱢᱤ ᱚᱯᱷ ᱢᱳᱵᱤᱝ ᱤᱢᱮᱡᱽ (MAMI) ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱨᱮ ᱡᱩᱨᱤ ᱞᱮᱠᱟᱛᱮ ᱠᱟ. ᱪᱷᱩᱴᱱᱤ, ᱟᱡᱟᱜ ᱠᱚᱢᱯᱟᱱᱤ, ᱫ ᱤᱥᱴᱚᱨᱱ ᱣᱮ (The Eastern Way) ᱨᱮ ᱚᱞ ᱟᱨ ᱯᱨᱚᱰᱭᱩᱥ ᱟᱠᱟᱱ ᱢᱤᱫ ᱠᱮᱴᱮᱡ ᱯᱷᱤᱞᱢ ᱫᱚ ᱵᱟᱨᱭᱟ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ (ᱥᱚᱨᱮᱥ ᱟᱠᱴᱨᱮᱥ ᱟᱨ ᱥᱚᱨᱮᱥ ᱠᱮᱴᱮᱡ ᱯᱷᱤᱞᱢ) ᱮ ᱟᱢᱮᱴ ᱠᱮᱫ-ᱟ ᱾ ᱱᱤᱛᱚᱜ ᱩᱱᱤ ᱫᱚ ᱵᱟᱨᱭᱟ ᱯᱷᱤᱪᱚᱨ ᱯᱷᱤᱞᱢ ᱨᱮᱭᱟᱜ ᱥᱠᱨᱤᱯᱴ ᱛᱮᱭᱟᱨ ᱮᱫᱟᱭ ᱾ ᱟᱡᱟᱜ ᱯᱨᱚᱡᱮᱠᱴ ᱠᱚᱫᱚ ᱦᱩᱭᱩᱜ ᱠᱟᱱᱟ Bioscopewala, 3Dev ᱟᱨ The Hungry (ᱥᱮᱠᱥᱯᱤᱭᱚᱨᱟᱜ Titus Andronicus ᱮᱱᱮᱡ ᱵᱟᱵᱚᱫ ᱛᱮ) ᱾[᱓] ᱴᱤᱥᱠᱟ ᱫᱚ ᱛᱟᱱᱤᱥᱠ, ᱴᱟᱭᱴᱟᱱ ᱜᱚᱱᱥᱣᱟᱭᱟᱨ, ᱳᱞᱮ, ᱦᱚᱨᱞᱤᱠᱥ, ᱢᱟᱨᱠᱥ ᱮᱸᱰ ᱥᱯᱮᱱᱥᱚᱨ, ᱜᱚᱫᱽᱨᱚᱡᱽ, ᱵᱟᱡᱟᱡᱽ ᱢᱳᱴᱚᱨᱥ ᱟᱨ ᱠᱮᱞᱳᱜᱽᱥ ᱞᱮᱠᱟᱱ ᱵᱨᱟᱱᱰ ᱠᱚ ᱮᱢᱟᱱ ᱠᱚ ᱥᱚᱫᱚᱨ ᱟᱠᱟᱫᱟ ᱾[᱔]
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱴᱤᱥᱠᱟ ᱪᱳᱯᱨᱟ ᱫᱚ ᱑ ᱱᱚᱵᱷᱮᱢᱵᱚᱨ ᱑᱙᱗᱓ ᱥᱟᱞᱮᱨᱮ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱮᱱᱟᱜ ᱠᱟᱥᱟᱣᱞᱤ ᱨᱮ ᱢᱤᱫ ᱥᱮᱪᱮᱫᱤᱭᱟᱹ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾[᱕] ᱩᱱᱤ ᱫᱚ ᱠᱟᱵᱩᱞ, ᱟᱯᱷᱜᱟᱱᱤᱥᱛᱟᱱ ᱨᱮᱭ ᱦᱟᱨᱟ ᱵᱩᱨᱩ ᱞᱮᱱᱟ, ᱪᱮᱫᱟᱜ ᱥᱮ ᱟᱡ ᱵᱟᱵᱟ ᱫᱚ ᱤᱱᱰᱤᱭᱟ ᱤᱱᱴᱚᱨᱱᱮᱥᱱᱟᱞ ᱟᱥᱲᱟ ᱨᱤᱱᱤᱡ ᱯᱨᱤᱱᱥᱤᱯᱟᱞ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱟᱨ ᱛᱟᱭᱚᱢ ᱛᱮ ᱫᱤᱞᱞᱤ ᱛᱮᱭ ᱨᱩᱣᱟ.ᱲ ᱮᱱᱟ ᱾[᱖][᱗] ᱩᱱᱤ ᱫᱚ ᱮᱯᱤᱡᱮᱭᱤ ᱟᱥᱲᱟ, ᱚᱱᱚᱭᱫᱟ ᱠᱷᱚᱱ ᱟᱡᱟᱜ ᱯᱟᱛᱷᱟᱢ ᱯᱟᱥᱱᱟᱣ ᱞᱮᱫ-ᱟ, ᱡᱟᱦᱟᱸ ᱨᱮ ᱟᱡ ᱵᱟᱵᱟ ᱫᱚ ᱯᱨᱤᱱᱥᱯᱟᱞ ᱛᱟᱦᱮᱸ ᱠᱟᱱᱟᱭ ᱾ ᱛᱟᱭᱚᱢ ᱦᱤᱱᱫᱩ ᱠᱚᱞᱮᱡᱽ, ᱫᱤᱞᱞᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱤᱝᱞᱤᱥ ᱥᱟᱶᱦᱮᱫ ᱮ ᱯᱟᱲᱦᱟᱣ ᱞᱮᱱᱟ ᱾ ᱩᱱᱤ ᱫᱚ ᱟᱢᱮᱴᱚᱨ ᱛᱷᱤᱭᱮᱴᱚᱨ ᱥᱟᱶ ᱦᱚᱸ ᱠᱟᱹᱢᱤ ᱮᱦᱚᱵ ᱞᱮᱫ-ᱟ ᱾ ᱠᱚᱞᱮᱡᱽ ᱨᱮ ᱛᱟᱦᱮᱸ ᱠᱟᱱ ᱚᱠᱛᱚ ᱨᱮ, ᱩᱱᱤ ᱫᱚ ᱟᱭᱢᱟ ᱯᱨᱚᱡᱮᱠᱥᱚᱱ ᱞᱟᱹᱜᱤᱫ ᱮ ᱚᱞ ᱮᱦᱚᱵ ᱞᱮᱫ-ᱟ ᱟᱨ ᱢᱤᱫ ᱟᱢᱮᱴᱚᱨ ᱛᱷᱤᱭᱮᱴᱚᱨ ᱜᱽᱨᱩᱯ ᱟᱨ ᱠᱚᱞᱮᱡᱽ ᱯᱷᱮᱥᱴᱤᱵᱚᱞ ᱞᱟᱹᱜᱤᱫ ᱮᱱᱮᱡ ᱨᱮ ᱮᱱᱮᱡ ᱞᱮᱫ-ᱟ ᱾ ᱟᱡᱟᱜ ᱥᱮᱪᱮᱫ ᱯᱩᱨᱟᱹᱣ ᱛᱟᱭᱚᱢ, ᱩᱱᱤ ᱢᱩᱢᱵᱟᱭ ᱮ ᱥᱮᱱ ᱮᱱᱟ ᱟᱨ ᱧᱩᱛᱩᱢᱟᱱ ᱛᱷᱤᱭᱮᱴᱚᱨ ᱢᱟᱨᱟᱝ ᱯᱷᱤᱨᱚᱡᱽ ᱟᱵᱟᱥ ᱠᱷᱟᱱ ᱟᱨ ᱱᱟᱥᱮᱨᱩᱫᱫᱤᱱ ᱥᱟᱦ ᱥᱟᱶ ᱮᱱᱮᱡ ᱨᱮ ᱥᱮᱪᱮᱫ ᱮ ᱧᱟᱢ ᱞᱮᱫᱼᱟ ᱾[᱘] ᱩᱱᱤ ᱫᱚ ᱧᱩᱛᱩᱢᱟᱱ ᱥᱤᱧᱚᱛᱤᱭᱟᱹ ᱚᱱᱚᱞᱤᱭᱟᱹ ᱠᱷᱩᱥᱣᱚᱱᱛ ᱥᱤᱝ ᱟᱜ ᱢᱟᱨᱟᱝ-ᱵᱟᱵᱟ ᱠᱟᱱᱟᱭ ᱾[᱙]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Rockstah Media. "Review: Taare Zameen Par may change your life | Rajeev Masand – movies that matter : from bollywood, hollywood and everywhere else". www.rajeevmasand.com (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Archived from the original on 31 December 2016. Retrieved 12 April 2017.
- ↑ "Qissa Movie Review - NDTV Movies". NDTVMovies.com (in ᱟᱝᱜᱽᱨᱮᱡᱤ). Archived from the original on 26 December 2018. Retrieved 12 April 2017.
- ↑ Godrej Expert (2 February 2016), Godrej Expert Rich Crème Hair Colour: Colour Ke Saath, Dekhbhaal Rich Crème Ki, archived from the original on 15 December 2021, retrieved 12 April 2017ᱪᱷᱟᱸᱪ:Cbignore
- ↑ sautanki (8 August 2012), Tisca Chopra - Kellogg's All Bran 2012, retrieved 12 April 2017
- ↑ "Tisca Chopra birthday: 12 times the Qissa actress swept us off our feet with her radiant beauty; in pics". Times Now. 1 November 2018. Archived from the original on 27 March 2019. Retrieved 27 March 2019.
- ↑ "The stage is set". The Hindu (in Indian English). 7 May 2015. Retrieved 17 February 2022.
- ↑ Kaushik, Divya (19 August 2021). "Tisca Chopra: It's heartbreaking to see the people of Afghanistan suffer like this". The Times of India (in ᱟᱝᱜᱽᱨᱮᱡᱤ). Archived from the original on 17 February 2022. Retrieved 17 February 2022.
- ↑ 'I enjoyed working with Aamir' Archived ᱒ ᱡᱩᱞᱟᱭ ᱒᱐᱑᱘ at the Wayback Machine., Rediff.com, 8 June 2007.
- ↑ Sen, Somit; Manthan K Mehta (12 April 2014). "Only 10 public transport services for every 90 private vehicles in Mumbai". The Times of India. TNN. Archived from the original on 12 April 2014. Retrieved 12 April 2014.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
Media related to ᱴᱤᱥᱠᱟ ᱪᱳᱯᱨᱟ at Wikimedia Commons
- Tisca Chopra (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- ᱴᱤᱥᱠᱟ ᱪᱳᱯᱨᱟ ᱯᱷᱮᱥᱵᱩᱠ ᱨᱮ
