ᱵᱚᱞᱤᱨᱟᱢ ᱢᱟᱨᱟᱱᱰᱤ
| ᱵᱚᱞᱤᱨᱟᱢ ᱢᱟᱨᱟᱱᱰᱤ Boliram Marandi | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱡᱟᱱᱩᱣᱟᱨᱤ ᱗, ᱑᱙᱖᱒ ᱢᱚᱦᱩᱞ ᱯᱟᱦᱟᱲᱤ, ᱯᱟᱠᱩᱲᱤ, ᱵᱤᱦᱟᱨ (ᱱᱤᱛᱚᱜ ᱡᱷᱟᱨᱠᱷᱚᱸᱰ) |
| ᱥᱮᱪᱮᱫ | ᱮᱢ.ᱮ. (ᱫᱚᱨᱥᱚᱱ ᱥᱟᱥᱛᱨᱚ), ᱮᱞ.ᱮᱞ.ᱵᱤ. |
| ᱥᱮᱪᱮᱫ ᱟᱠᱷᱲᱟ | ᱵᱷᱟᱜᱚᱞᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ |
| ᱠᱟᱹᱢᱤ | ᱚᱱᱚᱞᱤᱭᱟᱹ, ᱥᱮᱨᱮᱧ ᱜᱟᱵᱟᱱᱤᱭᱟᱹ, ᱥᱟᱯᱲᱮᱫ |
| ᱟᱯᱟᱛ ᱮᱸᱜᱟᱛ | ᱱᱚᱱᱫᱚᱞᱟᱞ ᱢᱟᱨᱟᱱᱰᱤ (ᱵᱟᱵᱟ) ᱥᱚᱸᱛᱷᱤ (ᱟᱭᱳ) |
ᱵᱚᱞᱤᱨᱟᱢ ᱢᱟᱨᱟᱱᱰᱤ (ᱡᱟᱱᱟᱢ: ᱗ ᱡᱟᱱᱩᱣᱟᱨᱤ ᱑᱙᱖᱒) ᱫᱚ ᱢᱤᱫ ᱥᱟᱱᱛᱟᱲ ᱥᱮᱨᱮᱧ ᱜᱟᱵᱟᱱᱤᱭᱟᱹ ᱟᱨ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱵᱤᱦᱟᱨ ᱯᱚᱱᱚᱛ (ᱱᱤᱛᱚᱜᱟᱜ ᱡᱷᱟᱨᱠᱷᱚᱸᱰ) ᱨᱮᱱᱟᱜ ᱯᱟᱠᱩᱲ ᱡᱤᱞᱞᱟᱹ ᱨᱮ ᱡᱟᱱᱟᱢ ᱞᱮᱱᱟᱭ᱾
ᱡᱟᱱᱟᱢ ᱟᱨ ᱜᱷᱟᱨᱚᱸᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱚᱞᱤᱨᱟᱢ ᱢᱟᱨᱟᱱᱰᱤ ᱫᱚ ᱗ ᱡᱟᱱᱩᱣᱟᱨᱤ ᱑᱙᱖᱒ ᱥᱟᱞ ᱨᱮ ᱵᱤᱦᱟᱨ ᱯᱚᱱᱚᱛ ᱨᱮᱱᱟᱜ ᱯᱟᱠᱩᱲ ᱡᱤᱞᱞᱟᱹ, ᱯᱟᱠᱩᱲᱤᱭᱟ ᱛᱷᱟᱱᱟ ᱨᱮᱱᱟᱜ ᱵᱟᱞᱤᱭᱟᱰᱤ ᱰᱟᱠ ᱚᱲᱟᱜ ᱛᱟᱹᱨᱤ ᱨᱮ ᱢᱮᱱᱟᱜ ᱢᱚᱦᱩᱞ ᱯᱟᱦᱟᱲᱤ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱᱟᱭ᱾ ᱟᱡ ᱵᱟᱵᱟ ᱟᱜ ᱧᱩᱛᱩᱢ ᱫᱚ ᱱᱚᱱᱫᱚᱞᱟᱞ ᱢᱟᱨᱟᱱᱰᱤ ᱟᱨ ᱟᱭᱳ ᱟᱜ ᱧᱩᱛᱩᱢ ᱫᱚ ᱥᱚᱸᱛᱷᱤ ᱢᱟᱨᱟᱱᱰᱤ᱾
ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤᱭᱟᱜ ᱮᱛᱚᱦᱚᱵ ᱥᱮᱪᱮᱫ ᱵᱟᱵᱚᱛ ᱛᱮ ᱡᱟᱹᱥᱛᱤ ᱵᱟᱰᱟᱭ ᱵᱟᱹᱱᱩᱜᱼᱟ᱾ ᱩᱱᱤ ᱫᱚ ᱑᱙᱖᱘ ᱥᱟᱞ ᱨᱮ ᱯᱟᱠᱩᱲᱤᱭᱟ ᱮᱥ.ᱮᱥ. ᱦᱟᱭ ᱤᱥᱠᱩᱞ ᱠᱷᱚᱱ ᱢᱮᱴᱨᱤᱠ ᱮ ᱯᱟᱥ ᱞᱮᱫᱟ᱾ ᱑᱙᱗᱕ ᱥᱟᱞ ᱨᱮ ᱫᱩᱢᱠᱟᱹ ᱥᱟᱱᱛᱟᱞ ᱯᱟᱨᱜᱟᱱᱟ ᱠᱚᱞᱮᱡᱽ ᱠᱷᱚᱱ ᱚᱱᱟᱨᱥ ᱥᱟᱶᱛᱮ ᱵᱤ.ᱮ. ᱮ ᱯᱟᱥ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ ᱑᱙᱗᱘ ᱥᱟᱞ ᱨᱮ ᱵᱷᱟᱜᱚᱞᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱫᱚᱨᱥᱚᱱ ᱥᱟᱥᱛᱨᱚ (Philosophy) ᱨᱮ ᱮᱢ.ᱮ. ᱟᱨ ᱑᱙᱗᱙ ᱥᱟᱞ ᱨᱮ ᱴᱤ.ᱮᱱ.ᱵᱤ. ᱠᱚᱞᱮᱡᱽ ᱵᱷᱟᱜᱚᱞᱯᱩᱨ ᱠᱷᱚᱱ ᱟᱹᱭᱤᱱ (Law) ᱮ ᱯᱟᱥ ᱞᱮᱫᱟ᱾ ᱑᱙᱘᱘ ᱥᱟᱞ ᱨᱮ ᱠᱟᱲᱦᱟᱨᱵᱤᱞ ᱥᱟᱱᱛᱟᱲᱤ ᱥᱟᱶᱦᱮᱫ ᱯᱟᱨᱤᱥᱟᱫᱽ ᱠᱷᱚᱱ "ᱟᱹᱠᱤᱞᱢᱟᱱ" ᱮ ᱯᱟᱥ ᱞᱮᱫᱟ᱾
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱚᱞᱤᱨᱟᱢ ᱢᱟᱨᱟᱱᱰᱤ ᱫᱚ ᱠᱟᱹᱢᱤ ᱛᱮ ᱢᱤᱫ ᱪᱟᱹᱠᱨᱤᱡᱤᱵᱤ ᱠᱟᱱᱟᱭ᱾ ᱱᱚᱣᱟ ᱥᱟᱶᱛᱮ ᱩᱱᱤ ᱫᱚ ᱟᱭᱢᱟ ᱜᱟᱱ ᱥᱟᱶᱛᱟ ᱟᱹᱨᱤ ᱜᱟᱶᱛᱟ ᱠᱚ ᱥᱟᱶ ᱡᱚᱯᱲᱟᱣ ᱢᱮᱱᱟᱭᱟ᱾
ᱥᱟᱶᱦᱮᱫ ᱪᱟᱨᱪᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱮᱨᱮᱧ ᱜᱟᱵᱟᱱ ᱛᱟᱞᱟ ᱛᱮ ᱩᱱᱤᱭᱟᱜ ᱥᱟᱶᱦᱮᱫ ᱪᱟᱨᱪᱟ ᱫᱚ ᱮᱛᱚᱦᱚᱵ ᱞᱮᱱᱟ᱾ ᱩᱱᱤ ᱫᱚ ᱟᱭᱢᱟ ᱜᱟᱱ ᱫᱩᱞᱟᱹᱲ ᱥᱮᱨᱮᱧ (Romantic songs), ᱫᱷᱚᱨᱚᱢ ᱟᱨ ᱥᱟᱶᱛᱟ ᱟᱹᱨᱤ ᱥᱮᱨᱮᱧ ᱠᱚᱭ ᱚᱞ ᱟᱠᱟᱫᱟ᱾ ᱥᱟᱱᱛᱟᱲ ᱯᱟᱨᱟᱵᱽ ᱯᱩᱱᱟᱹᱭ ᱵᱟᱵᱚᱛ ᱛᱮᱦᱚᱸ ᱟᱭᱢᱟ ᱚᱱᱚᱞ ᱠᱚᱭ ᱚᱞ ᱟᱠᱟᱫᱟ᱾ ᱩᱱᱤᱭᱟᱜ ᱚᱞ ᱠᱚ ᱫᱚ 'ᱦᱚᱲ ᱥᱚᱢᱵᱟᱫᱽ', 'ᱥᱚᱢᱟᱡᱽ ᱛᱟᱵᱚᱱ' ᱮᱢᱟᱱ ᱯᱟᱛᱷᱟᱢ ᱠᱚᱨᱮ ᱩᱪᱷᱟᱹᱱ ᱟᱠᱟᱱᱟ᱾ ᱩᱱᱤ ᱫᱚ ᱑᱙᱗᱖-᱗᱗ ᱥᱟᱞ ᱨᱮ "ᱥᱚᱢᱟᱡᱽ ᱛᱟᱵᱚᱱ" ᱧᱩᱛᱩᱢᱟᱱ ᱢᱤᱫ ᱜᱮᱞ ᱢᱚᱬᱮ ᱢᱟᱦᱟᱸᱨᱤ (Fortnightly) ᱯᱟᱛᱷᱟᱢ ᱨᱮᱱᱤᱡ ᱥᱟᱯᱲᱮᱫ ᱮ ᱛᱟᱦᱮᱸ ᱠᱟᱱᱟ᱾ ᱱᱤᱛ ᱫᱷᱟᱹᱵᱤᱡ ᱛᱮ ᱟᱡᱟᱜ ᱚᱞ ᱟᱠᱟᱱ ᱡᱟᱦᱟᱸ ᱯᱩᱛᱷᱤ ᱫᱚ ᱵᱟᱝ ᱩᱪᱷᱟᱹᱱ ᱟᱠᱟᱱᱟ᱾