ᱵᱚᱠᱮᱥᱥᱚᱨ ᱞᱚᱞᱚ ᱵᱤᱡᱽᱞᱤ ᱛᱟᱞᱢᱟ
ᱯᱚᱪᱷᱤᱢ ᱵᱟᱝᱞᱟ ᱯᱟᱣᱟᱨ ᱰᱮᱵᱷᱞᱚᱯ ᱠᱚᱨᱯᱳᱨᱮᱥᱚᱱ ᱞᱤᱢᱤᱴ ᱨᱮᱭᱟᱜ ᱵᱚᱠᱨᱮᱥᱣᱚᱨ ᱞᱚᱞᱚ ᱵᱤᱡᱽᱞᱤ ᱛᱟᱞᱢᱟ ᱫᱚ ᱑᱐᱕᱐ ᱢᱮᱜᱟᱣᱟᱴ (5x210 MW) ᱨᱮᱭᱟᱜ ᱵᱤᱡᱽᱞᱤ ᱵᱮᱱᱟᱣ ᱛᱟᱞᱢᱟ ᱠᱟᱱᱟ ᱟᱨ ᱱᱚᱣᱟ ᱫᱚ ᱟᱨ ᱕᱐᱐ ᱢᱮᱜᱟᱣᱟᱴ ᱫᱟᱲᱮ ᱵᱟᱹᱲᱛᱤ ᱞᱟᱹᱜᱤᱫ ᱯᱨᱚᱥᱛᱟᱵᱽ ᱟᱠᱟᱱᱟ᱾
ᱴᱷᱟᱶ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱚᱠᱮᱥᱥᱚᱨ ᱞᱚᱞᱚ ᱵᱤᱡᱽᱞᱤ ᱛᱟᱞᱢᱟ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱵᱤᱨᱵᱷᱩᱢ ᱡᱤᱞᱟᱹ ᱨᱮᱭᱟᱜ ᱪᱤᱱᱯᱟᱭ ᱟᱨ ᱵᱷᱩᱨᱠᱩᱱᱟ ᱜᱽᱨᱟᱢ ᱯᱚᱧᱪᱟᱭᱮᱛ ᱴᱚᱴᱷᱟ ᱨᱮ ᱒᱓°᱕᱐′ᱠᱚᱧᱮ ᱘᱗°᱒᱗′ᱥᱟᱢᱟᱝ ᱨᱮ ᱢᱮᱱᱟᱜᱼᱟ᱾[᱑] ᱱᱚᱣᱟ ᱫᱚ ᱯᱟᱱᱟᱜᱚᱲ-ᱢᱳᱨᱜᱽᱨᱟᱢ ᱦᱟᱭᱣᱮ ᱟᱲᱮ ᱨᱮ ᱢᱮᱱᱟᱜᱼᱟ, ᱵᱟᱠᱨᱮᱥᱥᱚᱨ ᱨᱮᱭᱟᱜ ᱞᱚᱞᱚ ᱫᱟᱜ ᱡᱷᱟᱨᱱᱟ ᱟᱨ ᱵᱚᱠᱨᱮᱥᱥᱚᱨ ᱨᱮᱭᱟᱜ ᱢᱟᱱᱫᱤᱨ ᱠᱷᱚᱱ ᱞᱟᱛᱟᱨ ᱱᱟᱠᱷᱟ ᱨᱮ ᱢᱮᱱᱟᱜᱼᱟ᱾ ᱚᱱᱰᱟᱞᱼᱥᱟᱭᱛᱷᱤᱭᱟ ᱪᱟᱸᱜᱟ ᱨᱮᱞ ᱰᱟᱦᱟᱨ ᱨᱮ ᱪᱤᱱᱯᱟᱭ ᱨᱮᱞᱣᱮ ᱥᱴᱮᱥᱚᱱ ᱟᱨ ᱵᱚᱠᱨᱮᱥᱥᱚᱨ ᱛᱷᱟᱨᱢᱟᱞ ᱯᱟᱣᱟᱨ ᱯᱞᱮᱱᱴ ᱴᱟᱣᱩᱱᱥᱤᱯ ᱥᱩᱨ ᱨᱮ ᱢᱮᱱᱟᱜᱼᱟ᱾
ᱫᱟᱲᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱙᱙, ᱒᱐᱐᱑, ᱒᱐᱐᱘ ᱟᱨ ᱒᱐᱑᱐ ᱨᱮ ᱒᱑᱐ ᱢᱮᱜᱟᱣᱟᱴ ᱨᱮᱭᱟᱜ ᱢᱚᱬᱮ ᱭᱩᱱᱤᱴ ᱠᱚ ᱪᱟᱹᱞᱩ ᱞᱮᱱᱟ᱾[᱒][᱓] ᱯᱩᱭᱞᱩ ᱯᱮ ᱭᱩᱱᱤᱴ ᱞᱟᱹᱜᱤᱫ ᱡᱟᱯᱟᱱ ᱵᱮᱝᱠ ᱯᱷᱚᱨ ᱤᱱᱴᱟᱨᱱᱮᱥᱚᱱᱟᱞ ᱠᱚᱯᱚᱨᱮᱥᱚᱱ ᱫᱚ ᱘᱐.᱘ ᱢᱤᱞᱤᱭᱚᱱ ᱭᱮᱱ ᱥᱮ ᱒᱕.᱒᱕ ᱵᱤᱞᱤᱭᱚᱱ ᱜᱟᱱ ᱴᱟᱠᱟ ᱮᱢ ᱞᱮᱱᱟᱭ᱾ ᱯᱩᱭᱞᱩ ᱭᱩᱱᱤᱴ ᱫᱚ ᱓᱗ ᱪᱟᱸᱫᱚ ᱨᱮᱠᱚᱨᱰ ᱚᱠᱛᱚ ᱨᱮ ᱯᱩᱨᱟᱹᱣ ᱞᱮᱱᱟ ᱟᱨ ᱑᱙᱙᱙ ᱥᱟᱞᱟᱜ ᱑᱗ ᱡᱩᱞᱟᱭ ᱦᱤᱞᱚᱜ ᱠᱚ ᱪᱟᱹᱞᱩ ᱞᱮᱫᱟ᱾[᱑] ᱒᱐᱐-᱒᱕᱐ ᱢᱮᱜᱟᱣᱩᱴ ᱨᱮᱭᱟᱜ ᱵᱤᱡᱽᱞᱤ ᱭᱩᱱᱤᱴ ᱵᱮᱱᱟᱣ ᱞᱟᱹᱜᱤᱫ ᱠᱮᱴᱨᱚᱞ ᱵᱤᱡᱽᱞᱤ ᱯᱨᱟᱫᱷᱤᱠᱚᱨᱚᱱ ᱨᱮᱭᱟᱜ ᱢᱟᱹᱪᱤ ᱔᱘ ᱪᱟᱸᱫᱚ ᱠᱟᱱᱟ᱾[᱑]
ᱵᱚᱠᱮᱥᱥᱚᱨ ᱯᱟᱣᱟᱨ ᱯᱨᱚᱡᱮᱠᱴ ᱥᱴᱮᱡᱽ ᱒ ᱨᱮ ᱵᱟᱨ ᱭᱩᱱᱤᱴ ᱒᱑᱐ ᱢᱮᱣᱣᱟᱴ ᱛᱷᱟᱯᱚᱱ ᱦᱩᱭᱩᱜᱼᱟ ᱡᱟᱦᱟᱸ ᱨᱮ ᱒᱐ ᱵᱤᱞᱤᱭᱚᱱ ᱠᱟᱹᱣᱰᱤ ᱠᱷᱚᱨᱚᱪ ᱦᱩᱭᱩᱜᱼᱟ᱾[᱔]
ᱱᱤᱞ ᱱᱤᱨᱡᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱚᱠᱞᱮ ᱜᱟᱰᱟ ᱨᱮ ᱱᱤᱞ ᱱᱤᱨᱡᱟᱱ (ᱢᱮᱱᱛᱮ ᱞᱤᱞ ᱮᱠᱞᱟ) ᱧᱩᱛᱩᱢ ᱛᱮ ᱵᱟᱱᱟᱣ ᱟᱠᱟᱱ ᱡᱟᱜᱟ ᱫᱚ ᱛᱷᱟᱨᱢᱟᱞ ᱯᱟᱣᱟᱨ ᱯᱞᱟᱱᱴ ᱨᱮ ᱫᱟᱜ ᱮᱢ ᱞᱟᱹᱜᱤᱫ ᱵᱮᱱᱟᱣ ᱟᱠᱟᱱᱟ, ᱱᱚᱣᱟ ᱫᱚ ᱱᱤᱛ ᱧᱮᱞᱡᱚᱝ ᱴᱷᱟᱶ ᱞᱮᱠᱟ ᱵᱟᱰᱟᱭᱚᱜ ᱠᱟᱱᱟ᱾[᱕]
ᱨᱟᱡᱽᱟᱹᱨᱤ ᱨᱟᱯᱟᱪᱟᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱚᱠᱮᱥᱥᱚᱨ ᱛᱷᱟᱨᱢᱟᱞ ᱯᱟᱣᱟᱨ ᱥᱴᱮᱥᱚᱱ ᱫᱚ ᱟᱭᱢᱟ ᱥᱮᱨᱢᱟ ᱠᱷᱚᱱ ᱨᱟᱡᱽᱱᱤᱛᱤ ᱞᱟᱹᱲᱦᱟᱹᱭ ᱨᱮ ᱯᱟᱲᱟᱣ ᱞᱮᱱᱟ᱾ ᱯᱩᱭᱞᱩ ᱨᱮ ᱱᱚᱣᱟ ᱫᱚ ᱛᱟᱞᱢᱟ ᱥᱚᱨᱠᱟᱨᱟᱜ ᱜᱚᱲᱚ ᱛᱮ ᱵᱮᱱᱟᱣ ᱞᱟᱹᱜᱤᱫ ᱯᱨᱚᱥᱛᱟᱵᱽ ᱞᱮᱱᱟ ᱢᱮᱱᱠᱷᱟᱱ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨᱟᱜ ᱠᱩᱨᱩᱢᱩᱴᱩ ᱠᱟᱛᱮ ᱦᱚᱸ ᱛᱟᱞᱢᱟ ᱥᱚᱨᱠᱟᱨᱟᱜ ᱥᱚᱦᱚᱝ ᱵᱟᱝ ᱦᱮᱡ ᱞᱮᱱᱟ᱾ ᱑᱙᱗᱗ ᱥᱟᱞᱨᱮ ᱢᱤᱫ ᱫᱷᱟᱣ ᱞᱮᱯᱷᱴ ᱯᱷᱨᱚᱱ ᱫᱚ ᱟᱠᱚᱣᱟᱜ ᱥᱚᱨᱠᱟᱨ ᱛᱮᱭᱟᱨ ᱛᱟᱭᱚᱢ, ᱵᱚᱠᱮᱥᱥᱚᱨ ᱫᱚ ᱟᱹᱰᱤ ᱜᱟᱹᱦᱤᱨ ᱨᱟᱡᱽᱟᱹᱨᱤ ᱮᱴᱠᱮᱴᱚᱬᱮ ᱨᱮ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱯᱨᱚᱡᱮᱠᱴ ᱞᱟᱹᱜᱤᱫ ᱛᱟᱞᱢᱟ ᱥᱚᱨᱠᱟᱨ ᱫᱷᱚᱱ ᱮᱢ ᱨᱮ ᱵᱤᱞᱚᱢ ᱫᱚ ᱢᱟᱨᱠᱥᱤᱥ ᱱᱮᱛᱟ ᱠᱚ ᱯᱚᱪᱷᱤᱢ ᱵᱟᱝᱞᱟ ᱪᱮᱛᱟᱱ ᱛᱟᱞᱢᱟ ᱥᱚᱨᱠᱟᱨᱟᱜ ᱨᱮᱭᱟᱜ "ᱠᱟᱹᱠᱤ ᱜᱚᱜᱚ" ᱞᱮᱠᱟ ᱵᱮᱵᱷᱟᱨ ᱨᱮᱭᱟᱜ ᱠᱟᱛᱷᱟ ᱠᱚ ᱞᱟᱹᱭ ᱥᱚᱫᱚᱨ ᱞᱮᱫᱟ᱾ ᱟᱭᱢᱟ ᱥᱮᱨᱢᱟ ᱦᱟᱹᱵᱤᱡ ᱵᱚᱠᱮᱥᱥᱚᱨ ᱯᱨᱚᱡᱮᱠᱴ ᱞᱟᱹᱜᱤᱫ ᱥᱚᱵᱷᱤᱭᱮᱛ ᱭᱩᱱᱤᱭᱚᱱ ᱫᱚ ᱠᱟᱹᱣᱰᱤ ᱜᱚᱲᱚ ᱮᱢ ᱞᱟᱹᱜᱤᱫ ᱱᱮᱦᱚᱨ ᱦᱩᱭ ᱞᱮᱱᱟ᱾ ᱟᱭᱢᱟ ᱥᱮᱨᱢᱟ ᱛᱟᱺᱜᱤ ᱟᱨ ᱜᱟᱞᱚᱪ ᱛᱟᱭᱚᱢ ᱦᱚᱸ ᱥᱚᱵᱷᱤᱭᱮᱛ ᱠᱟᱹᱣᱰᱤ ᱵᱟᱝ ᱦᱮᱡ ᱞᱮᱱᱟ᱾ ᱱᱚᱣᱟ ᱫᱚ ᱢᱩᱪᱟᱹᱫ ᱨᱮ ᱯᱚᱱᱚᱛ ᱥᱚᱨᱠᱟᱨ ᱦᱚᱛᱮᱛᱮ ᱛᱮᱭᱟᱨ ᱞᱮᱱᱟ᱾[᱓]
ᱟᱨᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱑.᱐ ᱑.᱑ ᱑.᱒ Sarajit Pramanick, Birbhumer Ahankar:Bakreshwar Tapbidyut Kendra, Paschim Banga, Birbhum special issue, pp. 189–192, (in Bengali), February 2006, Information and Culture Department, Government of West Bengal
- ↑ "West Bengal Power Development Corporation Limited". Archived from the original on 10 ᱮᱯᱨᱤᱞ 2009. Retrieved 10 ᱮᱯᱨᱤᱞ 2009.
- ↑ ᱓.᱐ ᱓.᱑ Bhattacharya, AK. "Bakreshwar, Haldia and Singur". Business Standard, 24 September 2008. Retrieved 10 April 2009.
- ↑ "Bakreshwar unit-V may be put off". Archived from the original on 30 January 2010. Retrieved 10 April 2009.
- ↑ Sarkar, Joydeep, Paryatan Boichitre Birbhum Jela, Paschim Banga, p. 200