ᱵᱚᱨᱥᱟ ᱵᱷᱳᱥᱞᱮ
ᱵᱚᱨᱥᱟ ᱵᱷᱳᱥᱞᱮ (᱑᱙᱕᱖ - ᱘ ᱚᱠᱴᱚᱵᱚᱨ ᱒᱐᱑᱒) ᱫᱚ ᱢᱩᱢᱵᱟᱭ ᱨᱮ ᱛᱟᱦᱮᱸᱱ ᱢᱤᱫ ᱵᱷᱟᱨᱚᱛᱤᱭᱚ ᱥᱮᱨᱮᱧᱤᱭᱟᱹ, ᱥᱟᱹᱜᱟᱹᱭᱟᱹ ᱟᱨ ᱚᱱᱚᱞᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱯᱞᱮᱭᱵᱮᱠ ᱥᱮᱨᱮᱧᱤᱭᱟᱹ ᱟᱥᱟ ᱵᱷᱳᱥᱞᱮ ᱨᱤᱱᱤᱡ ᱠᱩᱲᱤ ᱜᱤᱫᱽᱨᱟᱹᱭ ᱛᱟᱦᱮᱸ ᱠᱟᱱᱟᱭ ᱾[᱑]
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱳᱥᱞᱮ ᱫᱚ ᱢᱤᱫ ᱯᱨᱚᱯᱷᱮᱥᱚᱱᱟᱞ ᱦᱤᱱᱫᱤ ᱟᱨ ᱵᱷᱳᱡᱽᱯᱩᱨᱤ ᱯᱞᱮᱭᱵᱮᱠ ᱥᱮᱨᱮᱧᱤᱭᱟᱹᱭ ᱛᱟᱦᱮᱸ ᱠᱟᱱᱟ, ᱟᱨ ᱟᱡ ᱟᱭᱳ ᱥᱟᱶ ᱠᱚᱱᱥᱚᱨᱴ ᱨᱮᱭ ᱥᱮᱞᱮᱫ ᱞᱮᱱ ᱛᱟᱦᱮᱸᱱ ᱾ ᱵᱚᱨᱥᱟ ᱫᱚ ᱑᱙᱗᱓ ᱥᱟᱞ ᱨᱮ ᱦᱤᱞ ᱜᱽᱨᱟᱸᱡᱽ ᱦᱟᱭ ᱥᱠᱩᱞ, ᱯᱮᱰᱟᱨ ᱨᱳᱰ, ᱢᱩᱢᱵᱟᱭ ᱠᱷᱚᱱ ᱟᱡᱟᱜ ᱟᱥᱲᱟ ᱮ ᱯᱩᱨᱟᱹᱣ ᱠᱮᱫ ᱛᱟᱦᱮᱸᱱ, ᱟᱭᱤᱮᱥᱥᱤ ᱥᱟᱶ ᱾[᱒] ᱩᱱᱤ ᱫᱚ ᱮᱞᱯᱷᱤᱱᱥᱴᱳᱱ ᱠᱚᱞᱮᱡᱽ ᱨᱮ ᱯᱳᱞᱤᱴᱤᱠᱟᱞ ᱥᱟᱭᱮᱱᱥ ᱮ ᱯᱟᱲᱦᱟᱣ ᱞᱮᱱ ᱛᱟᱦᱮᱸᱱ, ᱡᱟᱦᱟᱸ ᱫᱚ ᱢᱩᱢᱵᱟᱭ ᱨᱮ ᱵᱚᱢᱵᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱡᱩᱲᱟᱹᱭ ᱢᱮᱱᱟᱜᱼᱟ ᱾
ᱩᱱᱤ ᱫᱚ ᱑᱙᱙᱗ - ᱒᱐᱐᱓ ᱚᱠᱛᱚ ᱨᱮ ᱵᱷᱟᱨᱚᱛᱤᱭᱚ ᱣᱮᱵᱽ ᱯᱚᱨᱴᱟᱞ ᱨᱮᱰᱤᱯᱷ ᱞᱟᱹᱜᱤᱫ ᱠᱳᱞᱚᱢ ᱠᱚᱭ ᱚᱞ ᱞᱮᱫ ᱛᱟᱦᱮᱸᱱ; ᱑᱙᱙᱔ - ᱑᱙᱙᱘ ᱚᱠᱛᱚ ᱨᱮ ᱫᱤ ᱥᱟᱱᱰᱮ ᱳᱵᱽᱡᱟᱨᱵᱷᱚᱨ ᱞᱟᱹᱜᱤᱫ ᱠᱳᱞᱚᱢ ᱠᱚ; ᱟᱨ ᱑᱙᱙᱓ ᱨᱮ ᱡᱮᱱᱴᱤᱞᱢᱮᱱ ᱢᱮᱜᱟᱡᱤᱱ ᱞᱟᱹᱜᱤᱫ ᱾ ᱩᱱᱤ ᱫᱚ ᱫᱤ ᱴᱟᱭᱤᱢᱥ ᱚᱯᱷ ᱤᱱᱰᱤᱭᱟ ᱟᱨ ᱨᱟᱠᱥᱟᱠ - ᱫᱤ ᱯᱨᱳᱴᱮᱠᱴᱟᱨ ᱯᱩᱞᱤᱥ ᱢᱮᱜᱟᱡᱤᱱ ᱞᱟᱹᱜᱤᱫ ᱦᱚᱸ ᱟᱹᱰᱤ ᱠᱚᱢ ᱚᱱᱩᱪᱷᱮᱫ ᱮ ᱚᱞ ᱞᱮᱫ ᱛᱟᱦᱮᱸᱱ ᱾
ᱱᱤᱡᱮᱨ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱟᱡ ᱟᱭᱳ ᱥᱟᱶ ᱢᱩᱢᱵᱟᱭ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱢᱤᱫ ᱥᱯᱳᱨᱴᱥ ᱚᱱᱚᱞᱤᱭᱟᱹ ᱟᱨ ᱯᱚᱵᱽᱞᱤᱠ ᱨᱤᱞᱮᱥᱚᱱ ᱯᱨᱳᱯᱷᱮᱥᱚᱱᱟᱞ ᱦᱮᱢᱟᱱᱛ ᱠᱮᱱᱠᱨᱮ ᱥᱟᱶ ᱮ ᱵᱟᱯᱞᱟ ᱞᱮᱱ ᱛᱟᱦᱮᱸᱱ ᱢᱮᱱᱠᱷᱟᱱ ᱑᱙᱙᱘ ᱨᱮ ᱩᱱᱠᱤᱱ ᱵᱟᱨᱭᱟ ᱜᱮᱠᱤᱱ ᱵᱟᱯᱟᱜᱽ ᱪᱟᱵᱟ ᱞᱮᱱᱟ ᱾ ᱩᱱᱤ ᱫᱚ ᱰᱤᱯᱨᱮᱥᱚᱱ ᱨᱮᱱᱟᱜ ᱢᱤᱫ ᱱᱟᱜᱟᱢ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱢᱤᱫ ᱥᱩᱨ ᱜᱟᱛᱮ ᱭᱤᱡ ᱜᱩᱨ ᱠᱷᱟᱹᱛᱤᱨ ᱵᱟᱹᱲᱛᱤ ᱜᱮ ᱵᱟᱹᱲᱤᱡ ᱞᱮᱱ ᱛᱟᱦᱮᱸᱱ, ᱟᱨ ᱩᱱᱤ ᱫᱚ ᱢᱟᱱᱥᱤᱠ ᱛᱮ ᱦᱚᱸ ᱛᱤᱠᱪᱷᱟᱹ ᱪᱟᱹᱞᱩ ᱠᱟᱱ ᱛᱟᱭᱟ ᱾ ᱙ ᱥᱮᱯᱴᱮᱢᱵᱚᱨ ᱒᱐᱐᱘ ᱨᱮ, ᱩᱱᱤ ᱫᱚ ᱨᱤᱯᱳᱨᱴ ᱞᱮᱠᱟᱛᱮ ᱢᱤᱫ ᱰᱷᱮᱨ ᱢᱟᱛᱨᱟ ᱨᱮ ᱨᱟᱱ ᱦᱟᱛᱟᱣ ᱠᱟᱛᱮ ᱜᱚᱡ ᱨᱮᱱᱟᱜ ᱠᱩᱨᱩᱢᱩᱴᱩ ᱞᱮᱫ ᱛᱟᱦᱮᱸᱱ, ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱢᱩᱢᱵᱟᱭ ᱨᱮᱱᱟᱜ ᱡᱟᱥᱞᱳᱠ ᱦᱟᱥᱯᱟᱛᱟᱞ ᱨᱮ ᱵᱷᱤᱛᱨᱤ ᱦᱩᱭ ᱞᱮᱱ ᱛᱟᱦᱮᱸᱱ ᱾ ᱘ ᱚᱠᱴᱚᱵᱚᱨ ᱒᱐᱑᱒ ᱨᱮ, ᱵᱷᱳᱥᱞᱮ ᱫᱚ ᱢᱩᱢᱵᱟᱭ ᱨᱮ ᱟᱡᱟᱜ ᱯᱨᱚᱵᱷᱩ ᱠᱩᱸᱡᱽ ᱨᱮ ᱜᱚᱡ ᱨᱮᱱᱟᱜ ᱠᱩᱨᱩᱢᱩᱴᱩ ᱠᱮᱫ ᱛᱟᱦᱮᱸᱱ ᱾ ᱟᱡᱟᱜ ᱦᱚᱲᱢᱚ ᱫᱚ ᱟᱡ ᱟᱭᱳ ᱤᱡ ᱰᱨᱟᱭᱵᱷᱟᱨ ᱟᱨ ᱠᱟᱹᱢᱤ ᱠᱩᱲᱤ ᱦᱚᱛᱮᱛᱮ ᱟᱡ ᱚᱲᱟᱜ ᱨᱮᱱᱟᱜ ᱥᱳᱯᱷᱟ ᱪᱮᱛᱟᱱ ᱨᱮ ᱢᱤᱫ ᱧᱮᱞᱛᱟᱹᱨᱤ ᱨᱟᱠᱛ ᱨᱮ ᱧᱟᱢ ᱞᱮᱱ ᱛᱟᱦᱮᱸᱱ ᱾ ᱢᱩᱢᱵᱟᱭ ᱯᱩᱞᱤᱥ ᱫᱚ ᱛᱟᱭᱚᱢ ᱛᱮ ᱜᱚᱡ ᱨᱮᱱᱟᱜ ᱠᱩᱨᱩᱢᱩᱴᱩ ᱮ ᱯᱩᱥᱴᱟᱹᱣ ᱠᱮᱫ ᱛᱟᱦᱮᱸᱱ ᱟᱨ ᱞᱟᱹᱭ ᱠᱮᱫ ᱛᱟᱦᱮᱸᱱ ᱡᱮ ᱩᱱᱤ ᱫᱚ ᱢᱤᱫ ᱞᱟᱭᱥᱮᱱᱥ ᱟᱠᱟᱱ ᱦᱟᱹᱛᱤᱭᱟᱹᱨ ᱛᱮ ᱟᱡᱟᱜ ᱵᱚᱦᱚᱜ ᱨᱮ ᱜᱩᱞᱤ ᱜᱚᱡ ᱠᱮᱫᱟ ᱾[᱓][᱔]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Why did Asha Bhosles daughter Varsha commit suicide? Police clueless". India Today. 8 October 2012. Retrieved 2 August 2019.
- ↑ "Varsha Bhosle: Asha Bhosle's daughter had a troubled life – Times of India". The Times of India/Mumbai Mirror. 8 October 2012. Retrieved 2 August 2019.
- ↑ Mateen Hafeez; Bharati Dubey (8 October 2012). "Varsha Bhosle, daughter of Asha Bhosle, commits suicide". The Times of India. TNN. Retrieved 2 August 2019.
- ↑ Aditi Raja (8 October 2012). "Asha Bhosles daughter varsha bhosle commits suicide". India Today. Retrieved 2 August 2019.