ᱵᱚᱱᱣᱟᱨᱤᱞᱟᱞ ᱯᱩᱨᱚᱦᱤᱛ
| ᱵᱚᱱᱣᱟᱨᱤᱞᱟᱞ ᱯᱩᱨᱚᱦᱤᱛ | |
|---|---|
 ᱯᱩᱨᱚᱦᱤᱛ ᱒᱐᱒᱓ ᱨᱮ | |
| ᱒᱙-ᱟᱹᱱᱤᱡ ᱯᱚᱧᱡᱟᱵᱽ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱓᱑ ᱚᱜᱚᱥᱴ ᱒᱐᱒᱑ – ᱒᱘ ᱡᱩᱞᱟᱭ ᱒᱐᱒᱔ | |
| ᱫᱤᱥᱚᱢ ᱜᱚᱢᱠᱮ | ᱨᱟᱢ ᱱᱟᱛᱷ ᱠᱚᱵᱤᱱᱫᱽ ᱫᱨᱚᱣᱯᱚᱫᱤ ᱢᱩᱨᱢᱩ |
| ᱥᱤᱨᱟᱹ ᱢᱚᱱᱛᱨᱤ | ᱚᱢᱚᱨᱤᱱᱫᱚᱨ ᱥᱤᱝ ᱪᱚᱨᱚᱱᱫᱤᱛ ᱥᱤᱝ ᱪᱟᱱᱱᱤ ᱵᱷᱚᱜᱽᱣᱚᱱᱛ ᱢᱟᱱ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱣᱤ. ᱯᱤ. ᱥᱤᱝ ᱵᱟᱫᱽᱱᱳᱨ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱜᱩᱞᱟᱵᱽ ᱪᱟᱸᱫᱽ ᱠᱟᱴᱟᱨᱤᱭᱟ |
| ᱑᱖-ᱟᱹᱱᱤᱡ ᱪᱚᱱᱰᱤᱜᱚᱰ ᱨᱤᱱᱤᱡ ᱪᱟᱪᱞᱟᱣᱤᱭᱟᱹ | |
| ᱟᱹᱢᱟᱹᱞᱤ ᱨᱮ ᱓᱒ ᱚᱜᱚᱥᱴ ᱒᱐᱒᱑ – ᱒᱘ ᱡᱩᱞᱟᱭ ᱒᱐᱒᱔ | |
| ᱫᱤᱥᱚᱢ ᱜᱚᱢᱠᱮ | ᱨᱟᱢ ᱱᱟᱛᱷ ᱠᱚᱵᱤᱱᱫᱽ ᱫᱨᱚᱣᱯᱚᱫᱤ ᱢᱩᱨᱢᱩ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱣᱤ. ᱯᱤ. ᱥᱤᱝ ᱵᱟᱫᱽᱱᱳᱨ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱜᱩᱞᱟᱵᱽ ᱪᱟᱸᱫᱽ ᱠᱟᱴᱟᱨᱤᱭᱟ |
| ᱑᱔-ᱟᱹᱱᱤᱡ ᱛᱟᱢᱤᱞ ᱱᱟᱰᱩ ᱨᱤᱱᱤᱡ ᱯᱚᱱᱚᱛ ᱜᱚᱢᱠ | |
| ᱟᱹᱢᱟᱹᱞᱤ ᱨᱮ ᱖ ᱚᱠᱛᱚᱵᱚᱨ ᱒᱐᱑᱗ – ᱑᱗ ᱥᱮᱯᱴᱮᱢᱵᱚᱨ ᱒᱐᱒᱑ | |
| ᱫᱤᱥᱚᱢ ᱜᱚᱢᱠᱮ | ᱨᱟᱢ ᱱᱟᱛᱷ ᱠᱚᱵᱤᱱᱫᱽ |
| ᱥᱤᱨᱟᱹ ᱢᱚᱱᱛᱨᱤ | ᱤᱫᱟᱯᱯᱟᱫᱤ ᱠᱮ. ᱯᱚᱞᱟᱱᱤᱥᱣᱟᱢᱤ ᱮᱢ. ᱠᱮ. ᱥᱴᱟᱞᱤᱱ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱤ. ᱵᱤᱫᱽᱭᱟᱥᱟᱜᱚᱨ ᱨᱟᱣ (ᱮᱰᱤᱥᱳᱱᱟᱞ ᱪᱟᱨᱡᱽ) |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱟᱨ. ᱮᱱ. ᱨᱚᱵᱤ |
| ᱒᱕-ᱟᱹᱱᱤᱡ ᱟᱥᱟᱢ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱒᱒ ᱚᱜᱚᱥᱴ ᱒᱐᱑᱖ – ᱒᱙ ᱥᱮᱯᱴᱮᱢᱵᱚᱨ ᱒᱐᱑᱗ | |
| ᱫᱤᱥᱚᱢ ᱜᱚᱢᱠᱮ | ᱨᱟᱢ ᱱᱟᱛᱷ ᱠᱚᱵᱤᱱᱫᱽ |
| ᱥᱤᱨᱟᱹ ᱢᱚᱱᱛᱨᱤ | ᱥᱚᱨᱵᱚᱱᱚᱱᱫᱚ ᱥᱚᱱᱚᱣᱟᱞ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱯᱚᱫᱽᱢᱚᱱᱚᱵᱷᱟ ᱟᱪᱟᱨᱭᱚ (additional charge) |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱡᱚᱜᱽᱫᱤᱥ ᱢᱩᱠᱷᱤ |
| ᱑᱖-ᱟᱹᱱᱤᱡ ᱢᱮᱜᱷᱟᱞᱚᱭᱚ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ[᱑] | |
| ᱟᱹᱢᱟᱹᱞᱤ ᱨᱮ ᱒᱗ ᱡᱟᱱᱩᱣᱟᱨᱤ ᱒᱐᱑᱗ – ᱕ ᱚᱠᱴᱚᱵᱚᱨ ᱒᱐᱑᱗ | |
| ᱫᱤᱥᱚᱢ ᱜᱚᱢᱠᱮ | ᱨᱟᱢ ᱱᱟᱛᱷ ᱠᱚᱵᱤᱱᱫᱽ |
| ᱥᱤᱨᱟᱹ ᱢᱚᱱᱛᱨᱤ | ᱢᱩᱠᱩᱞ ᱥᱚᱸᱜᱽᱢᱟ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱣᱤ. ᱥᱚᱱᱢᱩᱜᱚᱱᱚᱛᱷᱚᱱ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱜᱚᱝᱜᱟ ᱯᱨᱚᱥᱟᱫᱽ |
| ᱯᱟᱨᱞᱤᱭᱟᱢᱮᱴ ᱥᱚᱦᱮᱫ, ᱞᱳᱠ ᱥᱚᱵᱷᱟ for ᱱᱟᱜᱽᱯᱩᱨ[᱒] | |
| ᱟᱹᱢᱟᱹᱞᱤ ᱨᱮ ᱑᱙᱘᱔ – ᱑᱙᱙᱑ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱡᱚᱢᱵᱩᱣᱟᱱᱛᱨᱟᱣ ᱫᱷᱳᱛᱮ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱫᱚᱛᱛᱟ ᱢᱮᱜᱷᱮ |
| ᱟᱹᱢᱟᱹᱞᱤ ᱨᱮ ᱑᱙᱙᱖ – ᱑᱙᱙᱘ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱫᱚᱛᱛᱟ ᱢᱮᱜᱷᱮ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱵᱤᱞᱟᱥ ᱢᱩᱛᱛᱮᱢᱣᱟᱨ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱑᱖ ᱮᱯᱨᱤᱞ ᱑᱙᱔᱐ ᱱᱟᱣᱟᱞᱜᱚᱰ, ᱨᱟᱡᱽᱯᱩᱛᱱᱟ ᱮᱡᱮᱱᱥᱤ, ᱵᱽᱨᱤᱴᱤᱥ ᱤᱱᱰᱤᱭᱟ (ᱱᱤᱭᱟᱹᱦᱟᱞᱤ ᱨᱟᱡᱚᱥᱛᱷᱟᱱ, ᱥᱤᱧᱚᱛ) |
| ᱨᱟᱡᱽᱟᱹᱨᱤ ᱫᱚᱞ | ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ |
| ᱚᱲᱟᱜ | ᱨᱟᱡᱽ ᱵᱷᱚᱵᱚᱱ, ᱯᱚᱧᱡᱟᱵᱽ |
ᱵᱚᱱᱣᱟᱨᱤᱞᱟᱞ ᱯᱩᱨᱳᱦᱤᱛ (ᱡᱟᱱᱟᱢ ᱑᱖ ᱮᱯᱨᱤᱞ ᱑᱙᱔᱐) [᱓] ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱯᱚᱧᱡᱟᱵᱽ ᱥᱤᱧᱚᱛ ᱨᱤᱱᱤᱡ ᱟᱭᱟᱨ ᱯᱚᱱᱚᱛ ᱜᱚᱢᱠᱮ ᱟᱨ ᱥᱮᱯᱴᱮᱢᱵᱚᱨ ᱒᱐᱒᱑ ᱫᱷᱟᱹᱵᱤᱡ ᱪᱚᱱᱰᱤᱜᱚᱰ ᱨᱤᱱᱤᱡ ᱯᱨᱚᱥᱟᱥᱚᱠ, ᱒᱐᱑᱗ ᱠᱷᱚᱱ ᱒᱐᱒᱑ ᱫᱷᱟᱹᱵᱤᱡ ᱛᱟᱢᱤᱞᱱᱟᱰᱩ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ ᱟᱨ ᱒᱐᱑᱖ ᱠᱷᱚᱱ ᱒᱐᱑᱗ ᱫᱷᱟᱹᱵᱤᱡ ᱟᱥᱟᱢ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ ᱞᱮᱠᱟᱛᱮᱭ ᱛᱟᱦᱮᱸ ᱟᱠᱟᱱᱟ ᱾ ᱩᱱᱤ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱨᱤᱱᱤᱡ ᱥᱚᱦᱮᱫ ᱮ ᱛᱟᱦᱮᱸ ᱟᱠᱟᱱᱟ ᱾ ᱩᱱᱤ ᱫᱚ ᱱᱟᱜᱽᱯᱩᱨ (ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ) ᱠᱷᱚᱱ ᱯᱮ ᱫᱷᱟᱣ ᱥᱚᱦᱮᱫ ᱮ ᱛᱟᱦᱮᱸ ᱟᱠᱟᱱᱟ, ᱵᱟᱨ ᱫᱷᱟᱣ ᱵᱷᱟᱨᱚᱛᱤᱭᱚ ᱨᱟᱥᱴᱨᱤᱭᱚ ᱠᱚᱸᱜᱽᱨᱮᱥ ᱨᱤᱱᱤᱡ ᱥᱚᱦᱮᱫ ᱞᱮᱠᱟᱛᱮ ᱟᱨ ᱢᱤᱫ ᱫᱷᱟᱣ ᱫᱚ ᱵᱷᱟᱡᱚᱯᱟ ᱨᱤᱱᱤᱡ ᱥᱚᱦᱮᱫ ᱞᱮᱠᱟᱛᱮ ᱦᱚᱸᱭ ᱛᱟᱦᱮᱸ ᱟᱠᱟᱱᱟ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱟᱡ ᱵᱟᱵᱟ ᱟᱜ ᱧᱩᱛᱩᱢ ᱫᱚ ᱵᱷᱚᱜᱚᱵᱟᱱᱫᱟᱥ ᱯᱩᱨᱚᱦᱤᱛ ᱠᱟᱱᱟ, ᱩᱱᱤᱭᱟᱜ ᱵᱟᱯᱞᱟ ᱫᱚ ᱯᱩᱥᱯᱟ ᱫᱮᱵᱤ ᱯᱩᱨᱚᱦᱤᱛ ᱥᱟᱶ ᱦᱩᱭ ᱞᱮᱱ ᱛᱟᱦᱮᱸᱫ ᱟᱨ ᱩᱱᱤ ᱨᱤᱱ ᱫᱚ ᱯᱮᱭᱟ ᱜᱤᱫᱽᱨᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱵᱟᱨᱭᱟ ᱦᱚᱯᱚᱱ ᱨᱟᱡᱮᱱᱫᱽᱨᱚ ᱯᱩᱨᱚᱦᱤᱛ ᱟᱨ ᱨᱟᱠᱮᱥ ᱯᱩᱨᱚᱦᱤᱛ ᱟᱨ ᱦᱚᱯᱚᱱ ᱮᱨᱟ ᱢᱤᱱᱟ ᱯᱩᱨᱚᱦᱤᱛ ᱡᱚᱥᱤ ᱾ ᱩᱱᱤ ᱨᱤᱱ ᱛᱩᱨᱩᱭ ᱦᱚᱲ ᱜᱚᱲᱚᱢ ᱠᱚᱲᱟ ᱟᱨ ᱜᱚᱲᱚᱢ ᱠᱩᱲᱤ ᱟᱨ ᱢᱤᱫᱴᱟᱹᱝ ᱜᱚᱲᱚᱢ ᱜᱤᱡᱽᱨᱟᱹ ᱤᱡ ᱜᱤᱫᱽᱨᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱤᱡ ᱡᱚᱛᱚ ᱠᱷᱚᱱ ᱢᱟᱨᱟᱝ ᱜᱚᱲᱚᱢ ᱠᱩᱲᱤ, ᱚᱨᱪᱚᱱᱟ ᱯᱩᱨᱚᱦᱤᱛ ᱚᱜᱚᱨᱣᱟᱞ, ᱢᱤᱫ ᱵᱤᱡᱽᱱᱮᱥ ᱠᱳᱪ, ᱥᱴᱟᱨᱴᱳᱯ ᱜᱟᱶᱛᱟ ᱛᱷᱟᱯᱚᱱᱤᱭᱟᱹ ᱟᱨ ᱵᱩᱠ ᱮᱡᱮᱱᱥᱤ ᱟᱰᱰᱟ ᱨᱤᱱᱤᱡ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱵᱷᱚᱵᱚᱱᱥ ᱵᱷᱚᱜᱚᱵᱟᱱᱫᱟᱥ ᱯᱩᱨᱚᱦᱤᱛ ᱵᱤᱫᱽᱭᱟ ᱢᱚᱱᱫᱤᱨ, ᱱᱟᱜᱽᱯᱩᱨ ᱨᱤᱱᱤᱡ ᱯᱟᱨᱥᱮᱛ ᱦᱚᱸ ᱠᱟᱱᱟᱭ ᱾ ᱩᱱᱤ ᱵᱚᱸᱜᱟ ᱛᱟᱞᱟ ᱟᱠᱟᱱ ᱠᱟᱹᱱᱦᱟᱹᱭᱞᱟᱞ ᱢᱟᱱᱮᱠᱞᱟᱞ ᱢᱩᱱᱥᱤ ᱦᱚᱛᱮᱛᱮ ᱑᱙᱓᱘ ᱨᱮ ᱛᱷᱟᱵᱯᱚᱱ ᱟᱠᱟᱱ ᱵᱷᱟᱨᱚᱛᱤᱭᱚ ᱵᱤᱫᱽᱭᱟ ᱵᱷᱚᱵᱚᱱ ᱟᱥᱲᱟ ᱨᱤᱱᱤᱡ ᱦᱚᱸ ᱪᱟᱭᱨᱮᱛ ᱞᱮᱠᱟᱛᱮ ᱢᱮᱱᱟᱭᱟ ᱾
ᱨᱟᱡᱽᱟᱹᱨᱤᱛ ᱠᱟᱹᱢᱤᱦᱚᱨᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱟᱭᱚᱢ ᱛᱮ ᱩᱱᱤ ᱫᱚ ᱠᱚᱸᱜᱽᱨᱮᱥ ᱨᱮᱭ ᱥᱮᱞᱮᱫ ᱮᱱᱟ ᱾ ᱤᱱᱫᱤᱨᱟ ᱜᱟᱱᱫᱷᱤ ᱦᱚᱛᱮᱛᱮ ᱠᱚᱸᱜᱽᱨᱮᱥ ᱨᱮᱱᱟᱜ ᱦᱟᱹᱴᱤᱧ ᱠᱟᱛᱮ ᱠᱚᱸᱜᱽᱨᱮᱥ (ᱤᱱᱫᱤᱨᱟ) ᱵᱮᱱᱟᱣ ᱛᱟᱭᱚᱢ, ᱯᱩᱨᱚᱦᱤᱛ ᱑᱙᱗᱘ ᱨᱮ ᱱᱟᱜᱽᱯᱩᱨ ᱢᱟᱬᱟᱝ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱠᱚᱸᱜᱽᱨᱮᱥ (ᱟᱭᱤ) ᱨᱤᱱᱤᱡ ᱥᱚᱦᱮᱛ ᱞᱮᱠᱟᱛᱮ ᱵᱷᱟᱪᱱᱟᱣ ᱨᱮ ᱞᱟᱹᱰᱷᱟᱹᱭ ᱠᱟᱛᱮ ᱵᱤᱫᱷᱟᱭᱚᱠ ᱮ ᱵᱟᱪᱷᱚᱱ ᱮᱱᱟ ᱾ ᱟᱨ ᱑᱙᱘᱐ ᱨᱮ ᱱᱟᱜᱽᱯᱩᱨ ᱫᱩᱠᱷᱤᱱ ᱠᱷᱚᱱ ᱫᱚᱦᱲᱟ ᱵᱟᱪᱷᱚᱱ ᱦᱩᱭ ᱮᱱᱟ ᱟᱨ ᱑᱙᱘᱒ ᱨᱮ ᱵᱟᱡᱟᱨ ᱩᱛᱱᱟᱹᱣ, ᱱᱟᱪᱟᱨ ᱵᱩᱥᱛᱤ ᱥᱩᱫᱷᱨᱟᱹᱣ ᱟᱨ ᱦᱟᱣᱥᱤᱝ ᱨᱤᱱᱤᱡ ᱯᱚᱱᱚᱛ ᱢᱚᱱᱛᱨᱤᱭ ᱵᱮᱱᱟᱣ ᱮᱱᱟ ᱾
᱑᱙᱘᱔ ᱨᱮ, ᱩᱱᱤ ᱫᱚ ᱠᱚᱸᱜᱽᱨᱮᱥ ᱨᱤᱱᱤᱡ ᱥᱚᱦᱮᱫ ᱞᱮᱠᱟᱛᱮ ᱤᱨᱟᱹᱞ ᱟᱹᱱᱤᱡ ᱞᱳᱠᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱮᱱᱟ ᱾ (ᱥᱟᱹ) ᱑᱙᱘᱙ ᱨᱮ ᱩᱱᱤ ᱫᱚ ᱠᱚᱸᱜᱽᱨᱮᱥ ᱟᱜ ᱴᱤᱠᱤᱴ ᱛᱮ ᱫᱚᱦᱲᱟ ᱛᱮᱭ ᱵᱟᱪᱷᱚᱱ ᱮᱱᱟ ᱾
ᱛᱟᱭᱚᱢ ᱛᱮ, ᱛᱤᱱ ᱡᱚᱦᱚᱜ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱫᱚ ᱚᱡᱚᱫᱷᱭᱟ ᱨᱮ ᱨᱟᱢ ᱢᱩᱫᱽᱨᱤ ᱵᱮᱱᱟᱣ ᱞᱟᱹᱜᱤᱫ ᱦᱩᱞᱥᱟᱹᱭ ᱠᱚ ᱮᱛᱚᱦᱚᱵ ᱠᱮᱫ-ᱟ, ᱮᱱᱠᱷᱟᱱ ᱩᱱᱤ ᱫᱚ ᱚᱱᱟ ᱨᱮᱭ ᱥᱮᱞᱮᱫ ᱮᱱᱟ ᱟᱨ ᱑᱙᱙᱑ ᱨᱮ ᱵᱷᱟᱡᱚᱯᱟ ᱠᱚᱭᱤᱡ ᱩᱢᱩᱫᱽᱵᱟᱨ ᱞᱮᱠᱟᱛᱮ ᱞᱳᱠᱥᱚᱵᱷᱟ ᱵᱟᱪᱷᱚᱱ ᱮ ᱞᱟᱹᱰᱷᱟᱹᱭ ᱮᱱᱟ ᱾ ᱤᱠᱷᱟᱹᱱ ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱸᱜᱽᱨᱮᱥ ᱨᱤᱱᱤᱡ ᱫᱚᱛᱛᱟ ᱢᱮᱜᱷᱮ ᱴᱷᱮᱱ ᱮ ᱦᱟᱨᱟᱣ ᱮᱱᱟ ᱾ ᱑᱙᱙᱖ ᱨᱮ, ᱩᱱᱤ ᱫᱚ ᱵᱷᱟᱡᱚᱯᱟ ᱠᱚᱭᱤᱡ ᱩᱢᱤᱫᱽᱵᱟᱨ ᱞᱮᱠᱟᱛᱮ ᱜᱮᱢᱤᱫ ᱟᱹᱱᱤᱡ ᱞᱳᱠᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱮᱱᱟ ᱾
᱑᱙᱙᱙ ᱨᱮ, ᱯᱨᱚᱢᱚᱫᱽ ᱢᱚᱦᱟᱡᱚᱱ ᱥᱟᱶ ᱜᱟᱺᱦᱤᱨ ᱢᱚᱱᱵᱤᱵᱟᱹᱫᱽ ᱦᱩᱭ ᱮᱱ ᱛᱟᱭᱚᱢ, ᱩᱱᱤ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱵᱟᱹᱜᱤ ᱠᱟᱛᱮ ᱥᱤᱧᱚᱛᱤᱭᱟᱹ ᱡᱟᱹᱛᱭᱟᱹᱨᱤ ᱠᱚᱸᱜᱽᱨᱮᱥ ᱟᱜ ᱛᱤᱭ ᱥᱟᱵ ᱠᱮᱫ-ᱟ ᱾ ᱩᱱᱤ ᱫᱚ ᱑᱙᱙᱙ ᱨᱮ ᱨᱟᱢᱴᱮᱠ ᱠᱷᱚᱱ ᱞᱳᱠᱥᱚᱵᱷᱟ ᱵᱟᱪᱷᱚᱱ ᱮ ᱞᱟᱹᱰᱷᱟᱹᱭ ᱮᱱᱟ, ᱤᱠᱷᱟᱹᱱ ᱮ ᱦᱟᱨᱟᱣ ᱮᱱᱟ ᱾
᱒᱐᱐᱓ ᱨᱮ, ᱩᱱᱤ ᱫᱚ ᱵᱤᱫᱚᱨᱵᱷᱚ ᱨᱟᱡᱽᱡᱭᱚ ᱯᱟᱨᱴᱤ ᱧᱩᱛᱩᱢ ᱛᱮ ᱟᱡᱟᱜ ᱯᱟᱨᱴᱤᱭ ᱵᱮᱱᱟᱣ ᱠᱮᱫ-ᱟ ᱟᱨ ᱒᱐᱐᱔ ᱨᱮ, ᱱᱟᱜᱽᱯᱩᱨ ᱠᱷᱚᱱ ᱞᱳᱠᱥᱚᱵᱷᱟ ᱵᱟᱪᱷᱚᱱ ᱮ ᱞᱟᱹᱰᱷᱟᱹᱭ ᱮᱱᱟ, ᱤᱠᱷᱟᱹᱱ ᱮ ᱦᱟᱨᱟᱣ ᱮᱱᱟ ᱾
ᱛᱟᱭᱚᱢ ᱛᱮ, ᱩᱱᱤ ᱫᱚ ᱟᱨ ᱦᱚᱸ ᱵᱷᱟᱡᱚᱯᱟ ᱨᱮᱭ ᱥᱮᱞᱮᱫ ᱮᱱᱟ ᱾
᱒᱐᱐᱙ ᱨᱮ, ᱩᱱᱤ ᱫᱚ ᱟᱨ ᱦᱚᱸ ᱵᱷᱟᱡᱚᱯᱟ ᱨᱮᱭᱟᱜ ᱴᱤᱠᱤᱴ ᱛᱮ ᱵᱷᱟᱪᱱᱟᱣ ᱮ ᱞᱟᱹᱰᱷᱟᱹᱭ ᱮᱱᱟ, ᱤᱠᱷᱟᱹᱱ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱸᱜᱽᱨᱮᱥ ᱨᱤᱱᱤᱡ ᱵᱤᱞᱟᱥ ᱢᱩᱛᱛᱮᱢᱵᱟᱨ ᱴᱷᱮᱱ ᱵᱟᱪᱷᱚᱱ ᱮ ᱦᱟᱨᱟᱣ ᱮᱱᱟ ᱾
ᱯᱚᱱᱚᱛ ᱜᱚᱢᱠᱮ ᱠᱟᱹᱢᱤᱦᱚᱨᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱮᱴᱟᱜ ᱠᱟᱹᱢᱤᱦᱚᱨᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱨᱚᱦᱤᱛ ᱫᱚ ᱑᱙᱗᱙ ᱨᱮ ᱥᱚᱨᱵᱷᱮᱸᱴᱥ ᱳᱯᱷ ᱤᱱᱰᱤᱭᱟ ᱥᱳᱥᱟᱭᱴᱤ ᱠᱷᱚᱱ ᱱᱟᱜᱽᱯᱩᱨ ᱨᱮᱱᱟᱨ ᱫᱤᱱᱟᱹᱱ ᱵᱮᱣᱨᱟ ᱥᱟᱠᱟᱢ "ᱦᱤᱛᱵᱟᱫᱽ" ᱨᱤᱱᱤᱡ ᱢᱟᱹᱞᱤᱠᱟᱱᱟᱭ ᱟᱢᱮᱴ ᱠᱮᱫ-ᱟ ᱾ ᱱᱚᱣᱟ ᱵᱮᱣᱨᱟ ᱥᱟᱠᱟᱢ ᱨᱮᱱᱟᱜ ᱮᱛᱚᱦᱚᱵ ᱫᱚ ᱑᱙᱑᱑ ᱨᱮ ᱜᱳᱯᱟᱞ ᱠᱨᱤᱥᱱᱟ ᱜᱚᱠᱷᱚᱞᱮ ᱛᱚᱨᱟᱣ ᱞᱮᱫ ᱛᱟᱦᱮᱸᱫ ᱟᱨ ᱯᱩᱨᱚᱦᱤᱛ ᱫᱚ ᱱᱚᱣᱟ ᱨᱤᱱᱤᱡ ᱱᱤᱛᱚᱜᱩᱡ ᱥᱟᱥᱟᱯᱲᱟᱣᱤᱡ ᱠᱟᱱᱟᱭ ᱾ ᱩᱱᱤ ᱫᱚ ᱱᱟᱜᱽᱯᱩᱨ ᱨᱮ ᱢᱮᱱᱟᱜ ᱥᱨᱤ ᱨᱟᱢᱫᱮᱵᱽᱵᱟᱵᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ (ᱟᱨᱵᱤᱭᱩ) ᱨᱤᱱᱤᱡ ᱪᱟᱭᱨᱮᱛ ᱦᱚᱸ ᱠᱟᱱᱟᱭ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "President Mukherjee accepts V Shanmuganathan's resignation".
- ↑ "Banwarilal Purohit Lok Sabha Profiel". Lok Sabha. Retrieved 1 October 2017.
- ↑ "His Excellency Governor of Tamil Nadu". www.assembly.tn.gov.in. Retrieved 15 March 2021.