ᱵᱟᱞᱥᱚᱠᱨᱟ
| ᱵᱟᱞᱥᱚᱠᱨᱟ | |
|---|---|
| ᱟᱹᱛᱩ | |
  ᱵᱟᱞᱥᱚᱠᱨᱟ  ᱵᱟᱞᱥᱚᱠᱨᱟ | |
| Coordinates: 23°32′54″N 84°55′25″E / 23.5483°N 84.9236°ECoordinates: 23°32′54″N 84°55′25″E / 23.5483°N 84.9236°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱡᱷᱟᱨᱠᱷᱚᱸᱰ |
| ᱦᱚᱱᱚᱛ | ᱨᱟᱺᱪᱤ |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱞᱮᱠᱷᱟᱜᱩᱴ | ᱕,᱕᱑᱘ |
| ᱯᱟᱹᱨᱥᱤ ᱠᱚ (*ᱯᱟᱹᱨᱥᱤ ᱵᱩᱴᱟᱹ ᱞᱟᱹᱜᱤᱫ ᱪᱟᱱᱦᱳ ᱵᱚᱱᱚᱛ#ᱯᱟᱹᱨᱥᱤ ᱟᱨ ᱫᱷᱚᱨᱚᱢ ᱧᱮᱞ ᱢᱮ) | |
| • ᱟᱹᱢᱟᱹᱞᱮᱛ | ᱦᱤᱱᱫᱤ, ᱥᱟᱱᱛᱟᱲᱤ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱘᱓᱕᱒᱓᱙ |
| ᱴᱮᱞᱤᱯᱷᱚᱱ/ᱮᱥ.ᱴᱤ.ᱰᱤ ᱠᱳᱰ | ᱐᱖᱕᱑ |
| ᱜᱟᱹᱰᱤ ᱨᱤᱡᱤᱥᱴᱨᱤ | JH 01 |
| ᱥᱤᱠᱷᱱᱟᱹᱛ | ᱗᱘.᱒᱖% |
| ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱞᱳᱦᱟᱨᱫᱟᱜᱟ |
| ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱢᱟᱱᱰᱟᱨ |
| ᱣᱮᱵᱽᱥᱟᱭᱤᱴ | ranchi |
ᱵᱟᱞᱥᱚᱠᱨᱟ ᱫᱚ ᱥᱤᱧᱚᱛ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ ᱨᱟᱺᱪᱤ ᱦᱚᱱᱚᱛ ᱨᱮᱱᱟᱜ ᱨᱟᱺᱪᱤ ᱥᱟᱫᱟᱨ ᱦᱩᱰᱤᱧ ᱦᱟᱹᱴᱤᱧ ᱨᱮᱱᱟᱜ ᱪᱟᱱᱦᱳ ᱥᱤ.ᱰᱤ ᱵᱞᱚᱠ ᱨᱮ ᱢᱮᱱᱟᱜ ᱢᱤᱫ ᱟᱹᱛᱩ ᱠᱟᱱᱟ ᱾
ᱚᱛᱱᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱮᱛᱚᱢ ᱪᱷᱳᱴᱟᱱᱟᱜᱽᱯᱩᱨ ᱦᱟᱹᱴᱤᱧ ᱨᱮ ᱨᱟᱺᱪᱤ ᱦᱚᱱᱚᱛ ᱨᱮᱱᱟᱜ ᱥᱚᱦᱚᱨ, ᱱᱚᱜᱚᱨ ᱟᱨ ᱴᱷᱟᱶ ᱠᱚ M: ᱱᱚᱜᱚᱨ ᱯᱟᱞᱤᱠᱟ, CT: ᱦᱚᱲ ᱞᱮᱠᱷᱟ ᱥᱚᱦᱚᱨ, R: ᱟᱹᱛᱩ/ ᱥᱚᱦᱨᱤ ᱛᱟᱞᱢᱟ, H: ᱱᱟᱜᱟᱢᱤᱭᱟᱹ/ ᱫᱷᱚᱨᱚᱢ ᱛᱟᱞᱢᱟ, T: ᱧᱮᱞᱡᱚᱝ ᱛᱟᱞᱢᱟ, D: ᱰᱮᱢ ᱠᱟᱹᱴᱤᱡ ᱱᱚᱠᱥᱟ ᱨᱮ ᱴᱷᱟᱶ ᱵᱟᱝ ᱛᱟᱦᱮᱱ ᱠᱷᱟᱹᱛᱤᱨ, ᱥᱟᱹᱨᱤ ᱴᱷᱟᱶ ᱠᱚ ᱢᱟᱨᱟᱝ ᱱᱚᱠᱥᱟ ᱠᱷᱚᱱ ᱱᱟᱥᱮ ᱵᱷᱮᱜᱟᱨ ᱦᱩᱭ ᱫᱟᱲᱮᱭᱟᱜᱼᱟ |
ᱴᱷᱟᱶ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱞᱥᱚᱠᱨᱟ ᱫᱚ 23°32′54″N 84°55′25″E / 23.5483°N 84.9236°E ᱨᱮ ᱢᱮᱱᱟᱜᱼᱟ ᱾
ᱴᱚᱴᱷᱟ ᱢᱤᱫ ᱧᱮᱱᱮᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱶᱛᱮ ᱢᱮᱱᱟᱜ ᱱᱚᱠᱥᱟ ᱨᱮ ᱨᱟᱺᱪᱤ ᱢᱟᱪᱷᱟ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱧᱮᱞᱚᱜ ᱠᱟᱱᱟ, ᱚᱱᱟ ᱨᱮᱱᱟᱜ ᱵᱟᱹᱲᱛᱤ ᱫᱚ ᱫᱚᱨᱭᱟ ᱛᱷᱟᱨ ᱠᱷᱚᱱ ᱒,᱑᱔᱐ ᱯᱷᱤᱴ ᱩᱥᱩᱞ ᱨᱮ ᱢᱮᱱᱟᱜᱼᱟ ᱾ ᱡᱤᱞᱤᱧ ᱨᱮᱱᱟᱜ ᱠᱚᱧᱮ-ᱥᱟᱢᱟᱝ ᱦᱤᱥ ᱨᱮ ᱮᱠᱮᱱ ᱢᱤᱫ ᱠᱟᱹᱴᱤᱡ ᱦᱤᱥ ᱫᱚ ᱞᱟᱛᱟᱨ ᱨᱟᱺᱪᱤ ᱢᱟᱪᱷᱟ ᱠᱟᱱᱟ, ᱚᱱᱟ ᱫᱚ ᱥᱤᱞᱞᱤ, ᱨᱟᱦᱮ, ᱥᱚᱱᱟᱦᱟᱛᱩ, ᱟᱨ ᱛᱟᱢᱟᱲ ᱥᱤᱰᱤ ᱵᱞᱚᱠ ᱨᱮ ᱫᱚᱨᱭᱟ ᱟᱴᱮᱫ ᱠᱷᱚᱱ ᱕᱐᱐ ᱠᱷᱚᱱ ᱑᱐᱐᱐ ᱯᱷᱤᱴ ᱩᱥᱩᱞ ᱨᱮ ᱢᱮᱱᱟᱜᱼᱟ ᱾ ᱨᱟᱺᱪᱤ ᱨᱮᱱᱟᱜ ᱮᱛᱚᱢ-ᱯᱟᱪᱮ ᱨᱮ ᱑᱖ ᱠᱤᱞᱚᱢᱤᱴᱟᱨ ᱡᱤᱞᱤᱧ ᱢᱤᱫ ᱫᱷᱟᱯ ᱢᱮᱱᱟᱜᱼᱟ ᱾ ᱛᱟᱞᱟ ᱢᱟᱪᱷᱟ ᱨᱮ ᱯᱷᱟᱨᱪᱟ ᱵᱩᱨᱩ ᱠᱚ ᱢᱮᱱᱟᱜᱼᱟ ᱾ ᱡᱤᱞᱤᱧ ᱨᱮᱭᱟᱜ ᱢᱟᱨᱟᱝ ᱜᱟᱰᱟ, ᱥᱚᱵᱚᱨᱱᱟᱠᱷᱟ, ᱨᱟᱛᱩ ᱥᱩᱨ ᱠᱷᱚᱱ ᱮᱦᱚᱵᱚᱜᱼᱟ, ᱥᱟᱢᱟᱝ ᱥᱮᱫ ᱪᱟᱞᱟᱜᱼᱟ, ᱟᱨ ᱦᱩᱸᱰᱨᱩ ᱡᱷᱟᱨᱱᱟ ᱨᱮ ᱯᱟᱞᱮᱱ ᱓᱐᱐ ᱯᱷᱤᱴ ᱠᱷᱚᱱ ᱧᱩᱨᱩᱜᱼᱟ ᱾ ᱥᱚᱵᱚᱨᱱᱟᱠᱷᱟ ᱟᱨ ᱮᱴᱟᱜ ᱞᱟᱹᱠᱛᱤᱭᱟᱱ ᱜᱟᱰᱟ ᱠᱚ ᱱᱚᱠᱥᱟ ᱨᱮ ᱪᱤᱱᱦᱟᱹ ᱟᱠᱟᱱᱟ ᱾ ᱵᱤᱨ ᱴᱚᱴᱷᱟ ᱫᱚ ᱱᱚᱠᱥᱟ ᱨᱮ ᱩᱢᱩᱞ ᱟᱠᱟᱱᱟ ᱾[᱑] ᱠᱚᱧᱮ ᱠᱚᱨᱱᱟᱯᱩᱨᱟ ᱴᱚᱴᱷᱟ ᱨᱮᱱᱟᱜ ᱢᱤᱫ ᱢᱟᱨᱟᱝ ᱦᱟᱹᱴᱤᱧ ᱟᱨ ᱥᱮᱱᱴᱨᱟᱞ ᱠᱚᱞᱯᱷᱤᱞᱰᱥ ᱞᱤᱢᱤᱴᱮᱰ ᱨᱮᱱᱟᱜ ᱯᱤᱯᱟᱨᱵᱟᱨ ᱴᱚᱴᱷᱟ ᱨᱮᱱᱟᱜ ᱛᱤᱱᱟᱹᱜ ᱜᱟᱱ ᱥᱤᱢᱟᱹ ᱴᱚᱴᱷᱟ, ᱵᱟᱱᱟᱨ ᱜᱮ ᱠᱚᱧᱮ ᱠᱚᱨᱱᱟᱯᱩᱨᱟ ᱠᱚᱞᱯᱷᱤᱞᱰ ᱨᱮ ᱢᱮᱱᱟᱜᱼᱟ, ᱟᱨ ᱨᱟᱺᱪᱤ ᱦᱚᱱᱚᱛ ᱨᱮ ᱢᱮᱱᱟᱜᱼᱟ ᱾[᱒][᱓] ᱯᱷᱩᱨᱜᱟᱹᱞ ᱛᱟᱭᱚᱢ ᱠᱷᱚᱱ ᱨᱟᱺᱪᱤ ᱦᱚᱱᱚᱛ ᱨᱮ ᱯᱟᱥᱱᱟᱣ ᱠᱟᱹᱨᱜᱟᱲ ᱠᱟᱹᱢᱤᱦᱚᱨᱟ ᱧᱮᱞ ᱟᱠᱟᱱᱟ ᱾[᱔] ᱨᱟᱺᱪᱤ ᱦᱚᱱᱚᱛ ᱫᱚ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱯᱚᱱᱚᱛ ᱨᱮ ᱯᱩᱭᱞᱩ ᱫᱷᱟᱯ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱦᱚᱱᱚᱛ ᱨᱮ ᱘.᱘᱓% ᱦᱚᱲ ᱠᱚ ᱛᱟᱦᱮᱱ ᱠᱟᱱᱟ - ᱕᱖.᱙% ᱟᱹᱛᱩ ᱦᱚᱲ ᱟᱨ ᱔᱓.᱑% ᱥᱚᱦᱚᱨ ᱦᱚᱲ ᱾[᱕]
ᱱᱳᱴᱥ: ᱥᱟᱶᱛᱮ ᱮᱢ ᱟᱠᱟᱱ ᱢᱟᱱᱪᱤᱛᱟᱹᱨ ᱨᱮ ᱦᱚᱱᱚᱛ ᱨᱮᱱᱟᱜ ᱠᱤᱪᱷᱩ ᱧᱩᱛᱩᱢᱟᱱ ᱡᱟᱭᱜᱟ ᱠᱚ ᱚᱞ ᱟᱠᱟᱱᱟ ᱾ ᱢᱟᱱᱪᱤᱛᱟᱹᱨ ᱨᱮ ᱪᱤᱱᱦᱟᱹ ᱟᱠᱟᱱ ᱡᱚᱛᱚ ᱴᱷᱟᱶ ᱢᱟᱨᱟᱝ ᱯᱩᱨᱟᱹ ᱥᱠᱨᱤᱱ ᱢᱟᱱᱪᱤᱛᱟᱹᱨ ᱨᱮ ᱥᱮᱞᱮᱫ ᱢᱮᱱᱟᱜᱼᱟ ᱾
ᱦᱚᱲᱞᱮᱠᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱵᱟᱞᱥᱚᱠᱨᱟ ᱨᱤᱱ ᱜᱩᱴ ᱦᱚᱲ ᱮᱞ ᱫᱚ ᱕,᱕᱑᱘ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱱᱟ ᱢᱩᱸᱫᱽ ᱠᱷᱚᱱ ᱒,᱘᱔᱘ (᱕᱒%) ᱠᱚᱲᱟ ᱟᱨ ᱒,᱖᱗᱐ (᱔᱘%) ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱐ ᱠᱷᱚᱱ ᱖ ᱥᱮᱨᱢᱟ ᱩᱢᱮᱨ ᱨᱮ ᱦᱚᱲ ᱮᱞ ᱫᱚ ᱙᱔᱒ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱵᱟᱞᱥᱳᱠᱨᱟ ᱨᱮ ᱥᱤᱠᱷᱱᱟᱹᱛ ᱟᱠᱟᱱ ᱦᱚᱲ ᱠᱚᱣᱟᱜ ᱞᱮᱠᱷᱟ ᱫᱚ ᱓,᱕᱘᱑ ᱦᱚᱲ ᱠᱚ (᱖ ᱥᱮᱨᱢᱟ ᱠᱷᱚᱱ ᱰᱮᱦᱮᱨ ᱩᱢᱮᱨ ᱦᱚᱲ ᱠᱚᱣᱟᱜ ᱗᱘.᱒᱖%) ᱛᱟᱦᱮᱸ ᱠᱟᱱᱟ ᱾[᱖]
ᱯᱟᱹᱨᱥᱤ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱞᱥᱳᱠᱨᱟ ᱨᱮᱱᱟᱜ ᱯᱟᱹᱨᱥᱤ ᱠᱚᱫᱚ ᱩᱨᱫᱩ ᱟᱨ ᱟᱨᱚᱵᱤ ᱠᱟᱱᱟ ᱾ ᱟᱹᱰᱤᱜᱟᱱ ᱵᱟᱝ ᱥᱚᱨᱠᱟᱨᱤ ᱴᱚᱴᱷᱟᱠᱤᱭᱟᱹ ᱯᱟᱹᱨᱥᱤ ᱦᱚᱸ ᱠᱚ ᱨᱚᱲᱼᱟ ᱾ ᱱᱚᱣᱟ ᱨᱮ ᱩᱨᱫᱩ ᱯᱟᱹᱨᱥᱤ ᱫᱚ ᱡᱟᱦᱟᱱ ᱯᱟᱹᱨᱥᱤ ᱠᱷᱚᱱ ᱵᱟᱹᱲᱛᱤ ᱯᱟᱹᱦᱤᱞ ᱢᱮᱱᱟᱜᱼᱟ ᱪᱮᱫᱟᱜ ᱥᱮ ᱙᱙% ᱦᱚᱲ ᱫᱚ ᱤᱥᱞᱟᱢ ᱫᱷᱚᱨᱚᱢ ᱠᱚ ᱯᱟᱥᱱᱟᱣᱼᱟ ᱾
ᱫᱷᱚᱨᱚᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱞᱥᱳᱠᱨᱟ ᱨᱤᱱ ᱥᱟᱱᱟᱢ ᱦᱚᱲ ᱜᱮ ᱢᱩᱥᱞᱤᱢ ᱠᱟᱱᱟ ᱠᱚ ᱾ ᱟᱹᱛᱩ ᱨᱮ ᱟᱨ ᱥᱩᱨ ᱥᱩᱯᱩᱨ ᱨᱮ ᱟᱭᱢᱟ ᱢᱚᱥᱡᱤᱫᱽ ᱢᱮᱱᱟᱜᱼᱟ ᱾ ᱵᱟᱞᱥᱳᱠᱨᱟ ᱫᱚ ᱘᱙ ᱜᱚᱴᱟᱝ ᱟᱹᱛᱩ ᱨᱮᱱᱟᱜ ᱢᱟᱨᱠᱟᱡᱽ ᱠᱟᱱᱟ ᱾ ᱵᱟᱞᱥᱳᱠᱨᱟ ᱨᱮ ᱢᱤᱫ ᱢᱟᱨᱫᱚᱨᱟᱥᱟ, ᱫᱟᱨᱩᱞ ᱩᱞᱩᱢ ᱠᱟᱥᱢᱤᱭᱟ, ᱧᱩᱛᱩᱢᱟᱱᱟᱜ ᱠᱟᱱᱟ, ᱟᱨ ᱚᱱᱟᱛᱮ ᱵᱟᱞᱥᱳᱠᱨᱟ ᱫᱚ ᱢᱟᱨᱫᱚᱨᱟᱥᱟ ᱦᱚᱸ ᱠᱚ ᱢᱮᱛᱟᱜ ᱠᱟᱱᱟ ᱾
ᱥᱟᱜᱟᱲᱚᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱓᱙ (ᱨᱟᱺᱪᱤ-ᱰᱟᱞᱴᱚᱱᱜᱚᱸᱡᱽ), ᱨᱟᱺᱪᱤ ᱦᱚᱱᱚᱛ ᱨᱮᱱᱟᱜ ᱢᱤᱫ ᱞᱟᱹᱠᱛᱤᱭᱟᱱ ᱥᱚᱲᱚᱠ ᱰᱟᱦᱟᱨ ᱠᱟᱱᱟ, ᱵᱟᱞᱥᱚᱠᱨᱟ ᱞᱮᱠᱟᱛᱮ ᱪᱟᱞᱟᱜᱼᱟ ᱾[᱗][᱘]
ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱟᱨᱩᱞ ᱩᱞᱩᱢ ᱠᱟᱥᱢᱤᱭᱟ ᱧᱩᱛᱩᱢᱟᱱ ᱢᱤᱫ ᱢᱚᱫᱽᱨᱚᱥᱟ ᱫᱚ ᱢᱚᱨᱟᱞ ᱜᱚᱱᱚᱠ ᱠᱚ ᱪᱮᱫ ᱮᱫᱟ ᱢᱤᱫ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱟᱱᱟ ᱾ ᱱᱚᱸᱰᱮ ᱠᱷᱚᱱ ᱜᱨᱮᱡᱩᱭᱮᱴ ᱟᱠᱟᱱ ᱦᱚᱲ ᱠᱚ ᱢᱩᱫᱽ ᱨᱮ ᱩᱞᱮᱢᱟ (ᱤᱥᱞᱟᱢᱤ ᱯᱟᱲᱦᱟᱣᱤᱭᱟᱹ) ᱟᱨ ᱦᱩᱯᱷᱯᱷᱟᱡᱽ ᱠᱚ ᱢᱮᱱᱟᱜ ᱠᱚᱣᱟ ᱾ ᱥᱩᱨ-ᱥᱩᱯᱩᱨ ᱨᱮᱱᱟᱜ ᱠᱚᱞᱮᱡᱽ ᱠᱚ ᱫᱚ ᱪᱟᱱᱦᱳ ᱠᱚᱞᱮᱡᱽ ᱟᱨ ᱢᱟᱱᱰᱟᱨ ᱠᱚᱞᱮᱡᱽ ᱥᱮᱞᱮᱫ ᱢᱮᱱᱟᱜᱼᱟ ᱾
ᱵᱟᱞᱥᱚᱠᱨᱟ ᱨᱮᱱᱟᱜ ᱮᱴᱟᱜ ᱟᱥᱲᱟ ᱠᱚᱺ
- ᱩᱨᱫᱩ ᱢᱤᱰᱤᱞ ᱥᱠᱩᱞ ᱵᱟᱞᱥᱚᱠᱨᱟ - ᱑᱘᱙᱗ ᱥᱟᱞ ᱨᱮ ᱛᱷᱟᱯᱚᱱ ᱟᱠᱟᱱ ᱢᱤᱫ ᱥᱚᱨᱠᱟᱨᱤ ᱟᱥᱲᱟ ᱠᱟᱱᱟ ᱾ ᱱᱚᱶᱟ ᱫᱚ ᱵᱟᱞᱥᱚᱠᱨᱟ ᱨᱮᱱᱟᱜ ᱛᱟᱞᱟ ᱨᱮ ᱢᱮᱱᱟᱜᱼᱟ ᱾
- ᱟᱞ-ᱦᱤᱞᱟᱞ ᱮᱠᱮᱰᱮᱢᱤ ᱫᱚ ᱵᱟᱞᱥᱚᱠᱨᱟ ᱨᱮ ᱑᱙᱙᱓ ᱥᱟᱞᱮ ᱨᱮ ᱛᱷᱟᱯᱚᱱ ᱟᱠᱟᱱ ᱢᱤᱫ ᱯᱨᱟᱭᱵᱷᱮᱴ ᱟᱥᱲᱟ ᱠᱟᱱᱟ ᱾ ᱱᱚᱶᱟ ᱫᱚ ᱟᱡᱟᱜ ᱥᱮᱪᱮᱫ ᱨᱮᱱᱟᱜ ᱜᱩᱱ ᱟᱨ ᱰᱤᱥᱤᱯᱞᱤᱱ ᱞᱟᱹᱜᱤᱫ ᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ ᱾
- ᱟᱠᱩᱥᱟ ᱮᱠᱮᱰᱮᱢᱤ ᱫᱚ - ᱑᱙᱙᱘ ᱥᱟᱞᱮ ᱨᱮ ᱛᱷᱟᱯᱚᱱ ᱟᱠᱟᱱ ᱢᱤᱫ ᱯᱨᱟᱭᱵᱷᱮᱴ ᱟᱥᱲᱟ ᱠᱟᱱᱟ ᱾
- ᱵᱤᱨᱥᱟ ᱢᱩᱱᱰᱟ ᱢᱮᱢᱚᱨᱤᱭᱟᱞ ᱥᱮᱠᱮᱱᱰᱟᱨᱤ ᱪᱮᱛᱟᱱ ᱟᱥᱲᱟ
- ᱡᱷᱟᱨᱠᱷᱚᱸᱰ ᱯᱟᱵᱽᱞᱤᱠ ᱟᱥᱲᱟ
- ᱮᱞᱤᱜᱮᱱᱴ ᱯᱟᱵᱽᱞᱤᱠ ᱟᱥᱲᱟ
ᱠᱷᱮᱞᱚᱸᱰ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱞᱥᱚᱠᱨᱟ ᱨᱮᱱ ᱦᱚᱲ ᱠᱚ ᱠᱨᱤᱠᱮᱴ, ᱵᱚᱞᱤᱵᱚᱞ, ᱵᱮᱰᱢᱤᱱᱴᱚᱱ ᱟᱨ ᱯᱷᱩᱴᱵᱚᱞ ᱞᱮᱠᱟᱱ ᱨᱟᱹᱥᱠᱟᱹ ᱠᱟᱹᱢᱤᱦᱚᱨᱟ ᱠᱚ ᱨᱟᱹᱥᱠᱟᱹᱭᱟ, ᱡᱟᱦᱟᱸ ᱨᱮ ᱠᱨᱤᱠᱮᱴ ᱫᱚ ᱡᱚᱛᱚ ᱠᱷᱚᱱ ᱵᱟᱰᱟᱭᱚᱜ ᱠᱟᱱᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "District Census Handbook, Ranchi, Series 21, Part XII A" (PDF). Pages 10-11: Physiography, Drainage. Directorate of Census Operations Jharkhand. Retrieved 19 September 2021.
- ↑ "Central Coalfields Limited". Areas – North Karanpura. CCL. Retrieved 19 September 2021.
- ↑ "Central Coalfields Limited". Areas – Piparwar. CCL. Retrieved 19 September 2021.
- ↑ "District Census Handbook, Ranchi, Series 21, Part XII A" (PDF). Page 14: Industry. Directorate of Census Operations Jharkhand. Retrieved 19 September 2021.
- ↑ "District Census Handbook, Ranchi, Series 21, Part XII A" (PDF). Pages 10-11: Physiography, Drainage. Directorate of Census Operations Jharkhand. Retrieved 19 September 2021.
- ↑ "District Census Handbook, Ranchi , Series 21, Part XII B" (PDF). Rural PCA-C.D. blocks wise Village Primary Census Abstract, location no. 374218, page 250-251. Directorate of Census Operations Jharkhand. Retrieved 7 September 2021.
- ↑ "District Census Handbook Ranchi, Census of India 2011, Series 21, Part XII A" (PDF). Page 15 Transport. Directorate of census Operations, Jharkhand. Retrieved 25 September 2021.
- ↑ Google maps