ᱵᱟᱹᱡᱟᱹᱞ ᱥᱚᱨᱮᱱ

ᱵᱟᱹᱡᱟᱹᱞ ᱥᱚᱨᱮᱱ
ᱵᱟᱹᱡᱟᱹᱞ ᱥᱚᱨᱮᱱ
	ᱵᱟᱹᱡᱟᱹᱞ ᱥᱚᱨᱮᱱ ᱟᱜ ᱢᱩᱴᱷᱟᱹᱱ, ᱟᱵᱽᱫᱟᱨᱯᱩᱨ ᱯᱷᱩᱴᱵᱚᱞ ᱴᱟᱺᱰᱤ, ᱵᱚᱲᱚᱵᱟᱜᱟᱱ, ᱥᱤᱣᱲᱤ, ᱵᱤᱨᱵᱷᱩᱢ, ᱯᱚᱪᱷᱤᱢ ᱵᱟᱝᱞᱟ ᱾
ᱡᱟᱱᱟᱢ	ᱥᱩᱱᱫᱚᱨᱯᱟᱦᱟᱲᱤ, ᱜᱚᱰᱰᱟ, ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ
ᱵᱚᱝᱥᱚ	ᱥᱚᱨᱮᱱ
ᱠᱟᱹᱢᱤ	ᱥᱟᱱᱛᱟᱞ ᱟᱹᱭᱩᱨᱤᱭᱟᱹ, ᱟᱹᱫᱤᱵᱟᱹᱥᱤ ᱟᱹᱭᱩᱨᱤᱭᱟᱹ

ᱵᱟᱹᱡᱟᱹᱞ ᱥᱚᱨᱮᱱ ᱫᱚ ᱵᱤᱨ ᱵᱟᱹᱡᱟᱹᱞ ᱢᱮᱱᱛᱮ ᱦᱚᱸᱭ ᱵᱟᱰᱟᱭᱚᱜᱼᱟ, ᱡᱟᱦᱟᱸᱭ ᱫᱚ ᱥᱟᱱᱛᱟᱞ ᱥᱟᱶᱛᱟ ᱨᱤᱱᱤᱡ ᱢᱤᱫ ᱥᱤᱧᱚᱛᱤᱭᱟᱹ ᱯᱷᱩᱨᱜᱟᱹᱞ ᱵᱤᱨᱵᱟᱱᱴᱟᱭ ᱛᱟᱦᱮᱸ ᱠᱟᱱᱟ᱾ ᱜᱚᱴᱟ ᱥᱟᱱᱛᱟᱞ ᱥᱟᱶᱛᱟ ᱥᱟᱶᱛᱮ ᱩᱱᱤ ᱦᱚᱸ (᱑᱘᱕᱕-᱑᱘᱕᱖) ᱨᱮ ᱦᱩᱭ ᱞᱮᱱ ᱥᱟᱱᱛᱟᱞ ᱦᱩᱞ ᱨᱮᱱᱟᱜ ᱢᱟᱬᱟᱝ ᱨᱮᱜᱮ ᱑᱘᱕᱐-᱕᱕ ᱚᱠᱛᱚ ᱨᱮ ᱵᱨᱤᱴᱤᱥ ᱥᱟᱢᱨᱟᱡᱽ ᱛᱟᱹᱨᱤ ᱨᱮ ᱢᱚᱦᱟᱡᱚᱱ ᱠᱚᱣᱟᱜ ᱱᱟᱦᱟᱪᱟᱨ ᱨᱮᱭ ᱯᱟᱲᱟᱣ ᱞᱮᱱᱟ᱾^[᱑]^[᱒]^[᱓]^[᱔] ᱟᱨ ᱩᱱᱠᱩ ᱵᱤᱨᱩᱫᱽ ᱨᱮᱭ ᱦᱩᱞ ᱞᱮᱫᱟ᱾

ᱡᱟᱱᱟᱢ

ᱵᱟᱹᱡᱟᱹᱞ ᱥᱚᱨᱮᱱ ᱫᱚ ᱥᱤᱧᱟᱛ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱭᱟᱜ ᱜᱚᱰᱰᱟ ᱦᱚᱱᱚᱛ ᱨᱮᱭᱟᱜ ᱠᱟᱞᱦᱟᱡᱳᱲ ᱟᱹᱛᱩ ᱨᱮ ᱑᱘᱒᱔ ᱥᱮᱨᱢᱟ ᱨᱮᱱᱟᱜ ᱒᱘ ᱢᱮᱹ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡ ᱵᱟᱵᱟ ᱫᱚ ᱪᱩᱱᱠᱩ ᱥᱚᱨᱮᱱ ᱾ ᱟᱨ ᱟᱡ ᱵᱚᱭᱦᱟ ᱫᱚ ᱡᱮᱴᱷᱟ ᱥᱚᱨᱮᱱ ᱾

ᱞᱟᱹᱲᱦᱟᱹᱭ ᱡᱤᱭᱚᱱ

᱑᱘᱕᱕-᱕᱖ ᱥᱮᱨᱢᱟ ᱥᱮᱡ ᱦᱩᱞ ᱞᱟᱦᱟ ᱚᱠᱛᱚ ᱨᱮ ᱦᱚᱲ ᱦᱚᱯᱚᱱ ᱪᱮᱛᱟᱱ ᱨᱮ ᱢᱚᱦᱟᱡᱚᱱ ᱠᱩ ᱟᱹᱰᱤ ᱜᱮ ᱵᱟᱹᱰᱤᱡ ᱜᱮ ᱠᱩ ᱵᱮᱵᱷᱟᱨ ᱟᱠᱟᱫᱟ᱾ ᱟᱹᱠᱩᱣᱟᱜ ᱵᱮᱵᱽᱥᱟ ᱠᱷᱟᱹᱛᱤᱨ ᱦᱚᱲ ᱠᱚᱠᱚ ᱴᱷᱚᱠᱟᱣ ᱠᱟᱫ ᱠᱚᱣᱟ ᱟᱨ ᱚᱱᱠᱟᱛᱮ ᱠᱤᱥᱟᱹᱬ ᱠᱚ ᱵᱮᱱᱟᱣ ᱞᱮᱱᱟ᱾ ᱡᱟᱸᱦᱟᱸ ᱞᱮᱠᱟ ᱠᱮᱱᱟᱨᱟᱢ, ᱵᱮᱪᱟᱨᱟᱢ ᱟᱜ ᱠᱟᱛᱷᱟ ᱵᱚ ᱟᱸᱡᱚᱢ ᱟᱠᱟᱫᱟ ᱚᱝᱠᱟᱜᱮ ᱨᱩᱯᱩᱥᱤᱝ ᱛᱟᱹᱢᱩᱞᱤ ᱦᱚᱸ ᱥᱩᱫᱽ ᱠᱷᱳᱨ ᱢᱚᱦᱟᱡᱚᱱᱮ ᱛᱟᱦᱮᱸ ᱠᱟᱱᱟ ᱚᱱᱟ ᱵᱤᱫᱟᱹᱞᱨᱮ᱾

ᱵᱟᱹᱡᱟᱹᱞ ᱫᱚ ᱢᱤᱫ ᱡᱚᱢ ᱧᱩ ᱚᱲᱟᱜ ᱨᱮᱜᱮᱭ ᱡᱟᱱᱟᱢ ᱞᱮᱱᱟ᱾ ᱮᱱᱨᱮᱦᱚᱸ ᱟᱡ ᱵᱟᱵᱟ ᱨᱩᱯᱩᱥᱤᱝ ᱥᱟᱶᱛᱮ ᱠᱟᱨᱵᱟᱨ ᱪᱟᱞᱟᱣ ᱠᱟᱛᱮᱡ ᱟᱭᱟᱜ ᱚᱛ ᱦᱟᱥᱟ, ᱢᱮᱨᱚᱢ, ᱰᱟᱝᱜᱽᱨᱟ ᱡᱚᱛᱚᱜᱮᱭ ᱪᱟᱵᱟ ᱠᱮᱫᱟ᱾ ᱛᱟᱭᱚᱢ ᱛᱮᱫᱚ ᱟᱡᱨᱮᱱ ᱜᱩᱛᱤ ᱠᱚᱲᱟᱭ ᱵᱮᱱᱟᱣ ᱠᱤᱫᱤᱭᱟ᱾ ᱮᱱᱛᱮᱨᱮᱦᱚᱸ ᱜᱩᱛᱤ ᱠᱟᱹᱢᱤ ᱠᱟᱛᱮᱫ ᱦᱚᱸ ᱨᱤᱱ ᱫᱷᱟᱨ ᱵᱟᱝ ᱪᱟᱵᱟᱞᱮᱱᱛᱟᱭᱟ᱾ ᱵᱟᱹᱡᱟᱹᱞ ᱟᱡ ᱵᱟᱵᱟᱭ ᱵᱚᱸᱜᱟᱛᱟᱞᱟᱭᱮᱱ ᱠᱷᱟᱱ ᱟᱹᱰᱤ ᱫᱩᱠᱷ ᱨᱮᱠᱚ ᱯᱟᱲᱟᱣ ᱮᱱᱟ᱾ ᱨᱩᱯᱩᱥᱤᱝ ᱛᱟᱹᱢᱩᱞᱤ ᱛᱟᱶ ᱦᱚᱸ ᱵᱟᱹᱡᱟᱹᱞ ᱛᱟᱹᱠᱩ ᱴᱷᱮᱱ ᱨᱤᱱ ᱫᱷᱟᱨ ᱢᱤᱴᱟᱹᱣ ᱞᱟᱹᱜᱤᱫ ᱦᱟᱱᱟ ᱱᱟᱣᱟᱭ ᱠᱚᱭᱮᱛ ᱠᱩ ᱛᱟᱸᱦᱮᱱᱟ᱾ ᱵᱟᱹᱡᱟᱹᱞ ᱫᱚ ᱟᱡ ᱟᱨ ᱟᱡ ᱜᱚᱜᱚ ᱟᱹᱥᱩᱞ ᱞᱟᱹᱜᱤᱫ ᱰᱟᱝᱜᱽᱨᱟᱭ ᱜᱩᱯᱤᱭᱮᱛ ᱠᱚ ᱛᱟᱦᱮᱸᱱᱟ ᱟᱨ ᱩᱱ ᱚᱠᱛᱚ ᱨᱮᱜᱮ ᱛᱤᱨᱤᱭᱚ ᱚᱨᱚᱝ ᱮᱫ ᱛᱟᱦᱮᱸᱱᱟᱭ᱾

ᱢᱤᱫ ᱫᱤᱱ ᱨᱩᱯᱩᱥᱤᱝ ᱛᱟᱹᱢᱩᱞᱤ ᱥᱟᱫᱚᱢᱨᱮ ᱫᱮᱡ ᱠᱟᱛᱮᱫ ᱰᱩᱝᱨᱤ ᱟᱲᱮᱨᱮ ᱵᱟᱹᱡᱟᱹᱞᱮ ᱧᱟᱢ ᱠᱤᱫᱤᱭᱟ ᱟᱨᱮ ᱢᱮᱛᱟ ᱫᱮᱭᱟ ᱡᱮ ᱟᱡ ᱵᱟᱵᱟᱣᱟ ᱫᱮᱱᱟ ᱵᱟᱝ ᱪᱟᱵᱟᱣ ᱟᱠᱟᱱᱟ᱾ ᱢᱤᱫᱴᱟᱹᱝ ᱛᱚᱣᱟ ᱜᱟᱹᱭᱮ ᱮᱢ ᱞᱮᱠᱷᱟᱱ ᱜᱮ ᱥᱟᱱᱟᱢ ᱫᱮᱱᱟᱧ ᱢᱩᱠᱷᱩᱵᱽ ᱛᱟᱯᱮᱭᱟ᱾ ᱟᱫᱚ ᱵᱟᱹᱡᱟᱹᱞᱮ ᱢᱮᱛᱟᱫᱮᱭᱟ ᱩᱢᱩᱠ ᱫᱤᱱ ᱦᱤᱡᱩᱜ ᱢᱮ ᱟᱨ ᱜᱟᱹᱭ ᱤᱫᱤᱭᱮᱢ᱾ ᱱᱮᱸᱰᱟ ᱞᱮᱠᱟᱜᱮ ᱨᱩᱯᱩᱥᱤᱝ ᱛᱟᱹᱢᱩᱞᱤ ᱥᱟᱫᱚᱢ ᱨᱮ ᱫᱮᱡ ᱠᱟᱛᱮᱭ ᱦᱮᱡ ᱮᱱᱟ᱾ ᱟᱫᱚ ᱩᱱ ᱡᱚᱠᱷᱚᱡ ᱵᱟᱹᱡᱟᱹᱞᱮ ᱢᱮᱛᱟ ᱫᱮᱭᱟ ᱦᱟᱹᱱᱤ ᱜᱟᱹᱭᱮᱢ ᱧᱮᱞᱮᱠᱟᱱ ᱩᱱᱤᱜᱮ ᱤᱫᱤᱭᱮᱢ᱾ ᱩᱱ ᱡᱚᱠᱷᱚᱡ ᱨᱩᱯᱩᱥᱤᱝ ᱥᱟᱫᱚᱢ ᱪᱮᱛᱟᱱ ᱠᱷᱚᱡ ᱜᱮ ᱜᱟᱹᱭᱮ ᱩᱭᱩᱝ ᱫᱤ ᱛᱟᱦᱮᱸᱱᱟ᱾ ᱩᱱ ᱡᱚᱠᱷᱚᱡ ᱜᱮ ᱵᱟᱹᱡᱟᱹᱞ ᱯᱟᱥᱮᱨᱮ ᱡᱷᱩᱯᱩᱛᱩᱲᱩ ᱨᱮᱭ ᱩᱠᱩ ᱟᱠᱟᱫ ᱛᱟᱨᱣᱟᱲᱤ ᱩᱰᱩᱝ ᱠᱟᱛᱮᱫ ᱥᱟᱫᱚᱢ ᱪᱮᱛᱟᱱ ᱨᱮᱜᱮ ᱨᱩᱯᱩᱥᱤᱝ ᱟᱜ ᱵᱚᱦᱚᱜᱼᱮ ᱦᱮᱞᱮᱡ ᱠᱮᱫ ᱛᱟᱭᱟ᱾ ᱟᱫᱚ ᱥᱟᱫᱚᱢ ᱫᱚ ᱚᱝᱠᱟ ᱛᱮᱜᱮᱭ ᱫᱟᱹᱲ ᱠᱮᱫᱟ ᱟᱨ ᱵᱟᱹᱡᱟᱹᱞ ᱫᱚᱭ ᱢᱮᱱ ᱠᱮᱫᱟ 'ᱛᱤᱦᱤᱧ ᱫᱚ ᱥᱟᱱᱟᱢ ᱫᱮᱱᱟᱧ ᱦᱟᱞᱟ ᱠᱮᱫᱟ' ᱟᱨ ᱚᱱᱟ ᱢᱮᱱ ᱢᱮᱱ ᱛᱮᱜᱮ ᱰᱩᱝᱜᱽᱨᱤ ᱪᱮᱛᱟᱱᱮ ᱧᱤᱨ ᱤᱫᱤ ᱠᱮᱫᱟ ᱟᱨ ᱢᱤᱫ ᱟᱲᱮᱨᱮ ᱨᱩᱯᱩᱥᱤᱝ ᱟᱜ ᱚᱱᱟ ᱵᱚᱦᱚᱜᱼᱮ ᱛᱚᱯᱟ ᱠᱮᱫᱟ᱾

ᱤᱱᱟᱹ ᱛᱟᱭᱚᱢ ᱟᱡ ᱫᱚᱭ ᱩᱠᱩᱭᱱᱟ᱾ ᱤᱝᱨᱮᱹᱡᱽ ᱯᱩᱞᱤᱥ ᱠᱚ ᱱᱚᱣᱟ ᱠᱟᱛᱷᱟ ᱵᱟᱰᱟᱭ ᱠᱟᱛᱮ ᱵᱟᱹᱡᱟᱹᱞ ᱥᱮᱸᱫᱽᱨᱟ ᱠᱚ ᱫᱷᱩᱨᱟᱹᱣ ᱮᱱᱟ᱾ ᱟᱫᱚ ᱵᱟᱹᱠᱩ ᱥᱟᱵ ᱫᱟᱲᱮᱣᱟᱭ ᱠᱟᱱ ᱛᱟᱸᱦᱮᱸᱱᱟ᱾ ᱵᱟᱹᱡᱟᱹᱞ ᱢᱟ ᱮᱱᱮᱡ ᱥᱮᱨᱮᱧ ᱟᱹᱰᱤ ᱠᱟᱡᱟᱠᱮ ᱠᱩᱥᱤ ᱟᱜ ᱠᱟᱱ ᱛᱟᱸᱦᱮᱱ ᱟᱨ ᱟᱡ ᱦᱚᱸ ᱟᱹᱰᱤ ᱱᱟᱯᱟᱭ ᱛᱟᱹᱨᱭᱟᱹᱭ ᱚᱨᱚᱝ ᱠᱷᱟᱹᱛᱤᱨ ᱤᱝᱨᱮᱹᱡᱽ ᱠᱩ ᱮᱱᱮᱡ ᱥᱮᱨᱮᱧ ᱨᱮᱱᱟᱜ ᱠᱩ ᱵᱮᱵᱚᱥᱛᱷᱟ ᱠᱮᱫᱟ᱾ ᱚᱸᱰᱮ ᱵᱟᱹᱡᱟᱹᱞ ᱡᱚᱠᱷᱚᱱ ᱛᱟᱹᱨᱭᱟᱹ ᱚᱨᱚᱝᱮ ᱦᱮᱡ ᱮᱱᱟ ᱩᱱ ᱚᱠᱛᱚ ᱨᱮᱜᱮ ᱩᱱᱤ ᱫᱚ ᱠᱩ ᱥᱟᱵ ᱠᱤᱫᱤᱭᱟ ᱟᱨ ᱥᱤᱣᱲᱤ ᱡᱮᱦᱮᱞ ᱛᱮᱠᱩ ᱤᱫᱤ ᱠᱤᱫᱤᱭᱟ᱾ ᱩᱱ ᱚᱠᱛᱚᱨᱮᱱᱟᱜ ᱢᱤᱫ ᱥᱤᱨᱤᱧ ᱱᱤᱛ ᱦᱚᱸ ᱟᱵᱚ ᱦᱚᱲ ᱦᱚᱯᱚᱱ ᱠᱩ ᱠᱚ ᱥᱮᱨᱮᱧᱟ᱾ ᱚᱱᱟ ᱥᱮᱨᱮᱧ ᱫᱚ ᱱᱚᱝᱠᱟ -

ᱛᱚᱠᱚᱭ ᱦᱩᱠᱩᱢᱛᱮ ᱵᱟᱹᱡᱟᱹᱞ ᱛᱚᱠᱚᱭ ᱵᱚᱞᱮᱛᱮ

ᱨᱩᱯᱩᱥᱤᱝ ᱛᱟᱹᱢᱩᱞᱤ ᱫᱚᱢ ᱢᱟᱜ ᱠᱮᱫᱮᱭᱟ?

ᱥᱤᱫᱷᱩ ᱦᱩᱠᱩᱢᱛᱮ ᱱᱟᱭᱳᱜᱚ ᱠᱟᱹᱱᱩ ᱵᱚᱞᱮᱛᱮ

ᱨᱩᱯᱩᱥᱤᱝ ᱛᱟᱹᱢᱩᱞᱤ ᱫᱚᱧ ᱢᱟᱜ ᱠᱮᱫᱮᱭᱟ᱾

ᱛᱤ ᱨᱮᱛᱟᱢ ᱦᱟᱹᱲᱤ ᱵᱟᱹᱡᱟᱹᱞ ᱡᱟᱸᱜᱟ ᱨᱮᱛᱟᱢ ᱵᱮᱹᱲᱤ

ᱱᱟᱢ ᱫᱚᱢ ᱪᱟᱞᱟᱜ ᱠᱟᱱ ᱵᱟᱹᱡᱟᱹᱞ ᱥᱤᱣᱲᱤ ᱡᱮᱦᱮᱞᱛᱮ᱾

ᱛᱤ ᱨᱮᱛᱤᱧ ᱛᱤᱨᱤᱭᱳ ᱱᱟᱭᱳ ᱡᱟᱸᱜᱟ ᱨᱮᱛᱤᱧ ᱞᱤᱯᱩᱨ

ᱱᱤᱧ ᱫᱚᱧ ᱪᱟᱞᱟᱜ ᱠᱟᱱᱟ ᱱᱟᱭᱳ ᱥᱤᱣᱲᱤ ᱢᱮᱞᱟ ᱧᱮᱞ᱾

ᱥᱤᱣᱲᱤ ᱡᱮᱦᱮᱞ ᱠᱷᱚᱱ ᱛᱟᱭᱚᱢ ᱫᱟᱨᱟᱢ ᱛᱮ ᱵᱟᱹᱡᱟᱹᱞ ᱫᱚ ᱵᱷᱟᱜᱚᱞᱯᱩᱨ ᱡᱮᱦᱮᱞ ᱛᱮᱠᱩ ᱤᱫᱤ ᱞᱤᱫᱤᱭᱟ᱾ ᱡᱮᱦᱮᱞ ᱨᱮᱦᱚᱸ ᱵᱟᱹᱡᱟᱹᱞ ᱫᱚ ᱞᱤᱴᱷᱩᱨ ᱟᱲᱟᱝ ᱛᱮ ᱛᱤᱨᱤᱭᱳᱭ ᱚᱨᱚᱝ ᱮᱛ ᱛᱟᱸᱦᱮᱸᱱᱟ᱾ ᱩᱱ ᱚᱠᱛᱚᱨᱮ ᱦᱚᱲ ᱠᱩ ᱟᱜ ᱟᱸᱡᱚᱢ ᱠᱟᱛᱷᱟ ᱞᱮᱠᱟᱛᱮ ᱵᱟᱝᱢᱟ ᱡᱮᱞᱟᱨ ᱥᱟᱦᱮᱵᱽ ᱨᱮᱱ ᱦᱚᱯᱚᱱ ᱮᱨᱟ ᱵᱟᱹᱡᱟᱹᱞ ᱟᱜ ᱛᱤᱨᱤᱭᱳ ᱟᱸᱡᱚᱢ ᱛᱮᱭ ᱢᱩᱦᱤᱛ ᱞᱮᱱᱟ᱾ ᱟᱫᱚ ᱛᱟᱭᱚᱢ ᱫᱟᱨᱟᱢ ᱛᱮ ᱵᱟᱹᱡᱟᱹᱞ ᱫᱚ ᱵᱟᱝᱢᱟ ᱠᱩ ᱯᱷᱟᱸᱥᱤ ᱠᱤᱫᱤ ᱥᱮ ᱠᱩ ᱪᱮᱠᱟ ᱠᱤᱫᱤ ᱚᱱᱟ ᱟᱨ ᱵᱟᱰᱟᱭ ᱵᱟᱝ ᱧᱟᱢ ᱞᱮᱱᱟ᱾ ᱦᱚᱲ ᱠᱚᱠᱚ ᱞᱟᱹᱭᱟ ᱵᱟᱹᱡᱟᱹᱞ ᱥᱚᱨᱮᱱ ᱫᱚᱠᱚ ᱯᱟᱹᱥᱤ ᱮᱭᱟ ᱢᱮᱱᱛᱮ᱾ ᱟᱡᱟᱜ ᱛᱨᱤᱭᱟᱣ ᱚᱨᱚᱝ ᱛᱮ ᱨᱤᱡᱷᱟᱣ ᱞᱮᱱ ᱡᱮᱞᱟᱨ ᱥᱟᱦᱮᱵᱽ ᱨᱮᱱ ᱦᱚᱯᱚᱱ ᱮᱨᱟ ᱜᱮ ᱛᱟᱞᱟᱨᱮᱭ ᱜᱟᱸᱰᱮ ᱮᱱᱟ, ᱢᱮᱱᱠᱮᱫᱼᱟᱭ ᱱᱩᱭ ᱫᱚ ᱟᱞᱚ ᱯᱮ ᱯᱟᱹᱥᱤ ᱮᱭᱟ, ᱟᱵᱚ ᱫᱤᱥᱚᱢ ᱛᱮᱵᱚ ᱤᱫᱤᱭᱮᱭᱟ᱾ ᱱᱩᱭ ᱴᱷᱮᱱ ᱦᱤᱸᱥᱟᱹ ᱥᱩᱭᱟᱹ ᱫᱚ ᱵᱟᱹᱱᱩᱜ ᱟᱱᱟ ᱴ᱾ ᱟᱹᱰᱤ ᱱᱟᱯᱟᱭ ᱟᱨ ᱥᱚᱛ ᱪᱩᱨᱤᱛᱟᱱ ᱟᱨ ᱫᱤᱞᱜᱟᱹᱨᱤᱭᱟᱹ ᱦᱚᱲ ᱠᱟᱱᱟᱭ᱾ ᱟᱫᱚ ᱵᱟᱝ ᱯᱟᱹᱥᱤ ᱠᱟᱛᱮ ᱟᱠᱚ ᱫᱤᱥᱚᱢ ᱠᱚ ᱤᱫᱤ ᱠᱮᱫᱮᱭᱟ᱾^[᱕]^[᱖]^[᱗]^[᱘]^[᱓]^[᱔]^[᱙]

ᱵᱟᱨᱦᱮ ᱡᱚᱱᱚᱲ

ᱯᱷᱮᱰᱟᱛ

↑ "UG_Syllabus Santali, Vidyasagar University" (PDF). vidyasagar.ac.in. Archived from the original (PDF) on 7 ᱰᱤᱥᱮᱢᱵᱚᱨ 2025. Retrieved 23 ᱡᱩᱱ 2024.
↑ "एक क्रांतिकारी की प्रेम कहानीः बैजल सोरेन और ब्रिटिश जेलर की बेटी का प्यार" [Love story of a revolutionary: Love between Baijal Soren and the daughter of a British jailor]. etvbharat.com. 14 ᱯᱷᱮᱵᱽᱨᱩᱣᱟᱨᱤ 2020. Retrieved 23 ᱡᱩᱱ 2024.
1 2 "1885 में महाजनी प्रथा के खिलाफ बैजल बाबा ने छेड़ी थी मुहिम" [In 1885, Baijal Baba had started a campaign against the money lending system]. jagran.com. Retrieved 23 ᱡᱩᱱ 2024.
1 2 "BISWA ADIBASI DIBAS 2023". Paschim Banga Adibasi Gaonta. Retrieved 23 ᱡᱩᱱ 2024.^{[permanent dead link]}
↑ ᱵᱤᱨᱵᱟᱱᱴᱟ ᱵᱟᱹᱡᱟᱹᱞ (ᱯᱩᱭᱞᱩ ᱩᱪᱷᱟᱹᱱ ed.). ᱟᱵᱽᱫᱟᱨᱯᱩᱨ, ᱵᱚᱲᱚᱵᱟᱜᱟᱱ, ᱥᱤᱣᱲᱤ, ᱵᱤᱨᱵᱷᱩᱢ,ᱥᱤᱧᱚᱛ: ᱟᱵᱽᱫᱟᱨᱯᱩᱨ ᱟᱹᱫᱤᱵᱟᱹᱥᱤ ᱥᱩᱥᱟᱹᱨ ᱜᱟᱶᱛᱟ. ᱑᱙ ᱡᱟᱱᱩᱣᱟᱨᱤ ᱒᱐᱑᱙. {{cite book}}: Check date values in: |date= (help)
↑ "Santhals bank on icon for fight against CAA". telegraphindia.com. Retrieved 23 ᱡᱩᱱ 2024.
↑ "महाजनी प्रथा के खिलाफ आवाज बुलंद करने वाले बैजल सोरेन को भुला दिया सब ने" [Everyone has forgotten Baijal Soren who raised his voice against the money lending system]. hindi.news18.com. 15 ᱚᱜᱚᱥᱴ 2018. Archived from the original on 19 ᱢᱮ 2026. Retrieved 23 ᱡᱩᱱ 2024.
↑ "পায়ে বেড়ি, তবু সুর খেলাতেন সাঁওতাল বিদ্রোহের যোদ্ধা বাজাল" [Shackled on his feet, but the Santal Rebellion fighter Bajal played tunes]. anandabazar.com. Retrieved 23 ᱡᱩᱱ 2024.
↑ Bharat, E. T. V. (13 ᱯᱷᱮᱵᱽᱨᱩᱣᱟᱨᱤ 2020). "Baijal Soren: A tribal warrior with a love story". ETV Bharat News (in ᱟᱝᱜᱽᱨᱮᱡᱤ). Retrieved 8 ᱯᱷᱮᱵᱽᱨᱩᱣᱟᱨᱤ 2025.

[1] "UG_Syllabus Santali, Vidyasagar University" (PDF). vidyasagar.ac.in. Archived from the original (PDF) on 7 ᱰᱤᱥᱮᱢᱵᱚᱨ 2025. Retrieved 23 ᱡᱩᱱ 2024.

[2] "एक क्रांतिकारी की प्रेम कहानीः बैजल सोरेन और ब्रिटिश जेलर की बेटी का प्यार" [Love story of a revolutionary: Love between Baijal Soren and the daughter of a British jailor]. etvbharat.com. 14 ᱯᱷᱮᱵᱽᱨᱩᱣᱟᱨᱤ 2020. Retrieved 23 ᱡᱩᱱ 2024.

[:0-3] 1 2 "1885 में महाजनी प्रथा के खिलाफ बैजल बाबा ने छेड़ी थी मुहिम" [In 1885, Baijal Baba had started a campaign against the money lending system]. jagran.com. Retrieved 23 ᱡᱩᱱ 2024.

[:1-4] 1 2 "BISWA ADIBASI DIBAS 2023". Paschim Banga Adibasi Gaonta. Retrieved 23 ᱡᱩᱱ 2024.^{[permanent dead link]}

[5] ᱵᱤᱨᱵᱟᱱᱴᱟ ᱵᱟᱹᱡᱟᱹᱞ (ᱯᱩᱭᱞᱩ ᱩᱪᱷᱟᱹᱱ ed.). ᱟᱵᱽᱫᱟᱨᱯᱩᱨ, ᱵᱚᱲᱚᱵᱟᱜᱟᱱ, ᱥᱤᱣᱲᱤ, ᱵᱤᱨᱵᱷᱩᱢ,ᱥᱤᱧᱚᱛ: ᱟᱵᱽᱫᱟᱨᱯᱩᱨ ᱟᱹᱫᱤᱵᱟᱹᱥᱤ ᱥᱩᱥᱟᱹᱨ ᱜᱟᱶᱛᱟ. ᱑᱙ ᱡᱟᱱᱩᱣᱟᱨᱤ ᱒᱐᱑᱙. {{cite book}}: Check date values in: |date= (help)

[6] "Santhals bank on icon for fight against CAA". telegraphindia.com. Retrieved 23 ᱡᱩᱱ 2024.

[7] "महाजनी प्रथा के खिलाफ आवाज बुलंद करने वाले बैजल सोरेन को भुला दिया सब ने" [Everyone has forgotten Baijal Soren who raised his voice against the money lending system]. hindi.news18.com. 15 ᱚᱜᱚᱥᱴ 2018. Archived from the original on 19 ᱢᱮ 2026. Retrieved 23 ᱡᱩᱱ 2024.

[8] "পায়ে বেড়ি, তবু সুর খেলাতেন সাঁওতাল বিদ্রোহের যোদ্ধা বাজাল" [Shackled on his feet, but the Santal Rebellion fighter Bajal played tunes]. anandabazar.com. Retrieved 23 ᱡᱩᱱ 2024.

[9] Bharat, E. T. V. (13 ᱯᱷᱮᱵᱽᱨᱩᱣᱟᱨᱤ 2020). "Baijal Soren: A tribal warrior with a love story". ETV Bharat News (in ᱟᱝᱜᱽᱨᱮᱡᱤ). Retrieved 8 ᱯᱷᱮᱵᱽᱨᱩᱣᱟᱨᱤ 2025.

[᱑]

[᱒]

[᱓]

[᱔]

[᱕]

[᱖]

[᱗]

[᱘]

[᱙]