ᱵᱟᱢᱟᱠᱳ ᱤᱱᱤᱥᱤᱭᱮᱴᱤᱵᱷ
ᱵᱟᱢᱟᱠᱳ ᱤᱱᱤᱥᱤᱭᱮᱴᱤᱵᱷ ᱫᱚ ᱑᱙᱘᱗ ᱥᱟᱞᱮ ᱨᱮ ᱢᱟᱞᱤ ᱨᱮᱭᱟᱜ ᱵᱟᱢᱟᱠᱳ ᱨᱮ ᱟᱯᱷᱨᱤᱠᱟᱱ ᱦᱚᱲᱢᱚ ᱥᱟᱶᱟᱨ ᱢᱚᱱᱛᱨᱤ ᱠᱚ ᱦᱚᱛᱮᱛᱮ ᱟᱯᱱᱟᱨ ᱟᱠᱟᱱ ᱢᱤᱫ ᱥᱚᱨᱠᱟᱨᱤ ᱵᱤᱵᱽᱨᱤᱛᱤ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮᱭᱟᱜ ᱡᱚᱥ ᱫᱚ ᱥᱟᱵᱽ-ᱥᱟᱦᱟᱨᱟᱱ ᱟᱯᱷᱨᱤᱠᱟᱱ ᱠᱚ ᱞᱟᱹᱜᱤᱫ ᱡᱟᱹᱨᱩᱲᱟᱱ ᱨᱟᱱ ᱟᱨ ᱮᱴᱟᱜ ᱦᱚᱲᱢᱚ ᱥᱟᱶᱟᱨ ᱥᱮᱵᱟ ᱨᱮᱭᱟᱜ ᱧᱟᱢᱚᱜ ᱵᱟᱲᱦᱟᱣ ᱞᱟᱹᱜᱤᱫ ᱵᱮᱱᱟᱣ ᱟᱠᱟᱱ ᱨᱚᱬᱱᱤᱛᱤ ᱞᱟᱹᱜᱩ ᱛᱟᱦᱮᱸ ᱠᱟᱱᱟ ᱾[᱑] ᱭᱩᱱᱤᱥᱮᱯᱷ ᱨᱮᱱ ᱮᱠᱡᱤᱠᱤᱣᱴᱤᱵᱷ ᱰᱟᱭᱨᱮᱠᱴᱚᱨ, ᱡᱮᱢᱥ ᱯᱤ. ᱜᱨᱟᱱᱴ ᱦᱚᱛᱮᱛᱮ ᱥᱚᱫᱚᱨ ᱟᱠᱟᱱ ᱵᱤᱪᱟᱹᱨ ᱫᱚ ᱛᱟᱦᱮᱸ ᱠᱟᱱᱟ ᱡᱮ, ᱭᱩᱱᱤᱥᱮᱯᱷ ᱟᱨ ᱮᱴᱟᱜ ᱫᱟᱱ ᱮᱢᱚᱜ ᱠᱚ ᱫᱤᱥᱚᱢ ᱠᱚᱨᱮ ᱨᱟᱱ ᱠᱚ ᱮᱢᱟ ᱠᱚᱣᱟ ᱡᱟᱦᱟᱸ ᱫᱚ ᱠᱤᱨᱤᱧ ᱫᱟᱢ ᱠᱷᱚᱱ ᱱᱟᱥᱮ ᱵᱟᱹᱲᱛᱤ ᱫᱟᱢ ᱨᱮ ᱟᱠᱷᱨᱤᱧᱚᱜᱼᱟ ᱾ ᱱᱚᱣᱟ ᱟᱠᱷᱨᱤᱧ ᱠᱷᱚᱱ ᱧᱟᱢᱚᱜ ᱞᱟᱵᱷ ᱫᱚ ᱟᱯᱱᱟᱨ ᱛᱮ ᱴᱤᱠᱟᱹᱣ ᱦᱚᱨᱟ ᱛᱮ ᱟᱨᱦᱚᱸ ᱵᱟᱹᱲᱛᱤ ᱨᱟᱱ ᱠᱤᱨᱤᱧ ᱞᱟᱹᱜᱤᱫ ᱵᱮᱵᱷᱟᱨᱚᱜᱼᱟ ᱾[᱒] ᱑᱙᱘᱘ ᱥᱮᱨᱢᱟ ᱫᱷᱟᱹᱵᱤᱡ ᱛᱮ, ᱥᱟᱵᱽ-ᱥᱟᱦᱟᱨᱟᱱ ᱟᱯᱷᱨᱤᱠᱟ ᱨᱮᱭᱟᱜ ᱒᱐ ᱜᱚᱴᱟᱝ ᱫᱤᱥᱚᱢ ᱯᱞᱟᱱ ᱠᱚ ᱵᱮᱱᱟᱣᱮᱫ ᱛᱟᱦᱮᱸᱫ ᱾ ᱦᱟᱨᱰᱚᱱ (᱑᱙᱙᱐; ᱕: ᱑᱘᱖-᱑᱘᱙)[᱓] ᱦᱚᱛᱮᱛᱮ ᱚᱞ ᱟᱠᱟᱱ ᱢᱤᱫ ᱦᱮᱞᱛᱷ ᱯᱚᱞᱤᱥᱤ ᱮᱱᱰ ᱯᱞᱟᱱᱤᱝ ᱚᱱᱚᱞ ᱱᱚᱣᱟ ᱤᱱᱤᱥᱤᱭᱮᱴᱤᱵᱷ ᱵᱟᱵᱚᱛ ᱞᱟᱛᱟᱨ ᱨᱮ ᱚᱞ ᱟᱠᱟᱱ ᱞᱮᱠᱟᱛᱮ ᱵᱟᱨᱜᱮᱞ ᱮᱫᱟ:
ᱵᱟᱢᱟᱠᱳ ᱤᱱᱤᱥᱤᱭᱮᱴᱤᱵᱷ ᱫᱚ ᱡᱮᱜᱮᱛ ᱥᱟᱶᱟᱨ ᱜᱟᱶᱛᱟ / ᱡᱟᱹᱛᱤ ᱢᱤᱫᱩᱜ ᱜᱤᱫᱽᱨᱟᱹ ᱯᱷᱚᱸᱰ (WHO/UNICEF) ᱨᱮᱭᱟᱜ ᱢᱤᱫ ᱡᱚᱲᱟᱣ ᱤᱱᱤᱥᱤᱭᱮᱴᱤᱵᱷ ᱠᱟᱱᱟ ᱡᱟᱦᱟᱸ ᱨᱮᱭᱟᱜ ᱡᱚᱥ ᱫᱚ ᱥᱟᱵᱽ-ᱥᱟᱦᱟᱨᱟᱱ ᱟᱯᱷᱨᱤᱠᱟ ᱨᱮ ᱯᱩᱭᱞᱩ ᱦᱚᱲᱢᱚ ᱥᱟᱶᱟᱨ ᱨᱮ ᱠᱟᱹᱣᱰᱤ ᱮᱢᱚᱜ ᱨᱮᱭᱟᱜ ᱮᱴᱠᱮᱴᱚᱬᱮ ᱥᱚᱞᱦᱮ ᱠᱟᱱᱟ ᱾ ᱱᱚᱣᱟ ᱫᱚ ᱥᱮᱯᱴᱮᱢᱵᱚᱨ ᱑᱙᱘৭ ᱨᱮ ᱢᱤᱫ ᱴᱚᱴᱷᱟᱠᱤᱭᱟᱹ WHO ᱢᱤᱫᱩᱜ ᱨᱮ ᱮᱛᱚᱦᱚᱵ ᱞᱮᱱᱟ, ᱡᱟᱦᱟᱸ ᱨᱮ ᱭᱩᱱᱤᱥᱮᱯᱷ ᱨᱮᱱ ᱰᱟᱭᱨᱮᱠᱴᱚᱨ ᱢᱤᱥᱴᱟᱨ ᱜᱨᱟᱱᱴ ᱫᱚ ᱥᱟᱵᱽ-ᱥᱟᱦᱟᱨᱟᱱ ᱟᱯᱷᱨᱤᱠᱟ ᱥᱟᱢᱟᱝ ᱮᱫ ᱟᱹᱰᱤ ᱵᱟᱹᱲᱤᱡ ᱠᱟᱹᱣᱰᱤᱟᱹᱨᱤ ᱮᱴᱠᱮᱴᱚᱬᱮ, ᱦᱚᱲᱢᱚ ᱥᱟᱶᱟᱨ ᱪᱮᱛᱟᱱ ᱨᱮ ᱮᱰᱡᱟᱥᱴᱢᱮᱱᱴ ᱯᱨᱚᱜᱨᱟᱢ ᱨᱮᱭᱟᱜ ᱵᱟᱹᱲᱤᱡ ᱚᱨᱥᱚᱝ, ᱟᱨ ᱯᱩᱭᱞᱩ ᱦᱚᱲᱢᱚ ᱥᱟᱶᱟᱨ ᱯᱨᱚᱜᱨᱟᱢ ᱨᱮᱭᱟᱜ ᱞᱮᱛᱟᱲ ᱠᱷᱚᱨᱪᱟ ᱠᱚ ᱮᱢᱚᱜ ᱨᱮ ᱫᱟᱱ ᱮᱢᱚᱜ ᱠᱚᱣᱟᱜ ᱵᱟᱝ ᱨᱮᱵᱮᱱ ᱵᱟᱵᱚᱛ ᱮ ᱨᱚᱲ ᱞᱮᱫᱟ ᱾ ᱩᱱᱤ ᱫᱚ ᱟᱡᱟᱜ ᱧᱮᱱᱮᱞ ᱮ ᱥᱚᱫᱚᱨ ᱞᱮᱫᱟ ᱡᱮ ᱪᱮᱫ ᱞᱮᱠᱟᱛᱮ ᱠᱤᱨᱤᱧ ᱫᱟᱢ ᱠᱷᱚᱱ ᱵᱟᱹᱲᱛᱤ ᱫᱟᱢ ᱨᱮ ᱨᱟᱱ ᱟᱠᱷᱨᱤᱧ ᱠᱟᱛᱮ ᱥᱟᱶᱛᱟ ᱨᱮ ᱠᱟᱹᱣᱰᱤ ᱟᱨᱡᱟᱣ ᱛᱟᱞᱟ ᱛᱮ ᱯᱩᱭᱞᱩ ᱦᱚᱲᱢᱚ ᱥᱟᱶᱟᱨ ᱨᱮ ᱱᱟᱣᱟ ᱡᱤᱣᱤ ᱮᱢ ᱦᱩᱭ ᱫᱟᱲᱮᱭᱟᱜᱼᱟ ᱾ᱱᱚᱣᱟ ᱜᱟᱞᱢᱟᱨᱟᱣ ᱛᱟᱭᱚᱢ, ᱢᱤᱫᱩᱜ ᱨᱮ ᱥᱮᱞᱮᱫ ᱟᱯᱷᱨᱤᱠᱟᱱ ᱦᱚᱲᱢᱚ ᱥᱟᱶᱟᱨ ᱢᱚᱱᱛᱨᱤ ᱠᱚ ᱢᱤᱫ ᱯᱨᱚᱥᱛᱟᱵᱽ ᱠᱚ ᱟᱯᱱᱟᱨ ᱠᱮᱫᱟ ᱡᱟᱦᱟᱸ ᱨᱮ ᱩᱱᱠᱩ ᱯᱩᱭᱞᱩ ᱦᱚᱲᱢᱚ ᱥᱟᱶᱟᱨ ᱞᱟᱜᱮ ᱞᱟᱹᱜᱤᱫ ᱠᱚ ᱫᱟᱵᱤ ᱞᱮᱫᱟ: * ᱦᱚᱱᱚᱛ ᱛᱷᱚᱠ ᱨᱮ ᱟᱯᱱᱟᱨ-ᱠᱟᱹᱣᱰᱤ ᱮᱢᱚᱜ ᱦᱚᱨᱟ ᱠᱚ ᱜᱚᱴᱟ ᱟᱨ ᱞᱟᱹᱜᱩ ᱠᱟᱛᱮ * ᱦᱚᱲᱢᱚ ᱥᱟᱶᱟᱨ ᱥᱮᱵᱟ ᱮᱢᱚᱜ ᱨᱮ ᱥᱚᱢᱟᱱ ᱵᱮᱵᱷᱟᱨ * ᱥᱟᱶᱛᱟᱨᱤ ᱢᱤᱫᱩᱜ ᱨᱮ ᱩᱫᱽᱜᱟᱹᱣ ᱟᱨ * ᱨᱟᱱ ᱨᱮᱭᱟᱜ ᱞᱮᱛᱟᱲ ᱧᱟᱢᱚᱜ ᱜᱚᱴᱟ ᱠᱟᱛᱮ ᱾ ᱨᱤᱵᱷᱚᱞᱵᱷᱤᱝ ᱰᱨᱚᱜᱽ ᱯᱷᱚᱸᱰ ᱥᱟᱶ ᱱᱟᱯᱟᱭ ᱟᱹᱭᱠᱟᱹᱣ ᱫᱚ ᱥᱟᱶᱛᱟ ᱠᱟᱹᱣᱰᱤ ᱮᱢᱚᱜ ᱦᱚᱨᱟ ᱞᱟᱹᱜᱩ ᱨᱮᱭᱟᱜ ᱢᱤᱫ ᱠᱟᱨᱚᱱ ᱞᱮᱠᱟᱛᱮ ᱩᱫᱩᱜ ᱞᱮᱱᱟ ᱡᱟᱦᱟᱸ ᱫᱚ ᱨᱟᱱ ᱟᱠᱷᱨᱤᱧ ᱠᱷᱚᱱ ᱧᱟᱢᱚᱜ ᱠᱟᱹᱣᱰᱤ ᱪᱮᱛᱟᱱ ᱨᱮ ᱴᱮᱦᱟᱸᱰ ᱢᱮᱱᱟᱜᱼᱟ ᱾
ᱦᱚᱨᱟ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱢᱟᱠᱳ ᱤᱱᱤᱥᱤᱭᱮᱴᱤᱵᱷ ᱫᱚ ᱦᱚᱲᱢᱚ ᱥᱟᱶᱟᱨ ᱨᱮᱭᱟᱜ ᱜᱚᱴᱟ ᱠᱟᱹᱢᱤ ᱫᱚ ᱴᱚᱴᱷᱟᱠᱤᱭᱟᱹ ᱛᱷᱚᱠ ᱨᱮ ᱦᱟᱹᱴᱤᱧ ᱟᱨ ᱥᱟᱵᱽ-ᱥᱟᱦᱟᱨᱟᱱ ᱟᱯᱷᱨᱤᱠᱟᱱ ᱠᱚ ᱞᱟᱹᱜᱤᱫ ᱡᱟᱹᱨᱩᱲᱟᱱ ᱨᱟᱱ ᱧᱟᱢᱚᱜ ᱵᱟᱲᱦᱟᱣ ᱞᱟᱹᱜᱤᱫ ᱥᱟᱹᱨᱤᱭᱟᱱ ᱡᱟᱹᱛᱤᱭᱟᱹᱨᱤ ᱨᱟᱱ ᱯᱚᱞᱤᱥᱤ ᱵᱮᱱᱟᱣ ᱨᱮᱭᱟᱜ ᱯᱨᱚᱥᱛᱟᱵᱽ ᱮ ᱮᱢ ᱞᱮᱫᱟ ᱾[᱔]
ᱮᱴᱠᱮᱴᱚᱬᱮ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱤᱱᱤᱥᱤᱭᱮᱴᱤᱵᱷ ᱨᱮ ᱟᱭᱢᱟ ᱮᱴᱠᱮᱴᱚᱬᱮ ᱛᱟᱦᱮᱸ ᱠᱟᱱᱟ ᱡᱮᱞᱮᱠᱟ ᱡᱚᱛᱚ ᱠᱷᱚᱱ ᱨᱮᱸᱜᱮᱡ ᱦᱚᱲ ᱠᱚ ᱥᱟᱶ ᱵᱷᱮᱫᱽᱵᱷᱟᱵᱽ, ᱨᱟᱱ ᱟᱠᱷᱨᱤᱧ ᱪᱮᱛᱟᱱ ᱨᱮ ᱴᱮᱦᱟᱸᱰ ᱟᱠᱟᱱ ᱢᱤᱫ ᱡᱟᱹᱛᱤᱭᱟᱹᱨᱤ ᱦᱚᱲᱢᱚ ᱥᱟᱶᱟᱨ, ᱟᱨ ᱴᱚᱴᱷᱟᱠᱤᱭᱟᱹ ᱠᱟᱹᱣᱰᱤ ᱛᱮ ᱟᱨᱡᱟᱣ ᱵᱤᱨᱩᱫᱷ ᱨᱮ ᱨᱟᱱ ᱟᱹᱜᱩ ᱞᱟᱹᱜᱤᱫ ᱵᱤᱫᱮᱥ ᱠᱟᱹᱣᱰᱤ ᱨᱮᱭᱟᱜ ᱡᱟᱹᱨᱩᱲ ᱾[᱒]:127 ᱦᱚᱲᱢᱚ ᱥᱟᱶᱟᱨ ᱯᱚᱞᱤᱥᱤ ᱨᱮ ᱠᱟᱹᱢᱤ ᱠᱟᱱ ᱢᱤᱫ ᱮᱱᱡᱤᱳ ᱦᱮᱞᱛᱷ ᱮᱠᱥᱚᱱ ᱤᱱᱴᱚᱨᱱᱮᱥᱱᱟᱞ ᱫᱚ ᱱᱚᱣᱟ ᱟᱨ ᱮᱴᱟᱜ ᱮᱴᱠᱮᱴᱚᱬᱮ ᱠᱚ ᱥᱚᱞᱦᱮ ᱞᱟᱹᱜᱤᱫ ᱟᱨ ᱜᱟᱞᱢᱟᱨᱟᱣ ᱩᱫᱽᱜᱟᱹᱣ ᱞᱟᱹᱜᱤᱫ ᱜᱚᱴᱟ ᱢᱟᱦᱟᱫᱮᱥ ᱨᱮ ᱜᱟᱞᱢᱟᱨᱟᱣ ᱯᱷᱚᱨᱟᱢ ᱠᱚ ᱮᱛᱚᱦᱚᱵ ᱠᱮᱫᱟ ᱾[᱒]:128
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Bamako Initiative". Archived from the original on 2006-11-28. Retrieved 2006-12-28.
- 1 2 3 Chetley, Andrew (1990). A Healthy Business?: World Health and the Pharmaceutical Industry (1st ed.). pp. 126–132. ISBN 978-0862327354.
- ↑ Hardon A (1990). "Ten best readings in … the Bamako Initiative". Health Policy Plan. 5 (2): 186–9. doi:10.1093/heapol/5.2.186.
- ↑ "Bamako Initiative revitalizes primary health care in Benin". Archived from the original on 6 January 2007. Retrieved 2006-12-28.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱭᱩᱱᱤᱥᱮᱯᱷ - ᱵᱟᱢᱟᱠᱳ ᱤᱱᱤᱥᱤᱭᱮᱴᱤᱵᱷ
- Knippenberg R, Alihonou E, Soucat A, et al. (June 1997). "Implementation of the Bamako Initiative: strategies in Benin and Guinea". Int J Health Plann Manage. 12 (Suppl 1): S29–47. doi:10.1002/(SICI)1099-1751(199706)12:1+S29::AID-HPM4653.0.CO;2-U. PMID 10173105.
- ᱥᱟᱢᱵᱽᱲᱟᱣ ᱫᱟᱲᱮᱭᱟᱜ ᱵᱟᱢᱟᱠᱳ ᱤᱱᱤᱥᱤᱭᱮᱴᱤᱵᱷ ᱯᱞᱟᱱ ᱠᱚ
- ᱡᱟᱹᱨᱩᱲᱟᱱ ᱨᱟᱱ ᱮᱢᱚᱜ — ᱵᱟᱢᱟᱠᱳ ᱤᱱᱤᱥᱤᱭᱮᱴᱤᱵᱷ
- Uzochukwu BS, Onwujekwe OE, Akpala CO (December 2002). "Effect of the Bamako-Initiative drug revolving fund on availability and rational use of essential drugs in primary health care facilities in south-east Nigeria". Health Policy Plan. 17 (4): 378–83. doi:10.1093/heapol/17.4.378. PMID 12424209.