ᱵᱟᱥᱩᱵᱟᱦᱮᱱ
ᱵᱟᱥᱩᱵᱟᱦᱮᱱ (᱒᱓ ᱢᱟᱨᱪ ᱑᱙᱒᱔ - ᱑᱓ ᱰᱤᱥᱮᱢᱵᱚᱨ ᱒᱐᱒᱐), ᱡᱟᱱᱟᱢ ᱵᱟᱥᱩᱵᱟᱦᱮᱱ ᱨᱟᱢᱯᱨᱚᱥᱟᱫᱽ ᱵᱷᱚᱴ, ᱜᱩᱡᱽᱨᱟᱛ ᱨᱮᱱ ᱜᱩᱡᱽᱨᱟᱛᱤ ᱯᱟᱹᱨᱥᱤ ᱠᱟᱹᱦᱱᱤ ᱚᱱᱚᱞᱤᱭᱟᱹ ᱟᱨ ᱱᱳᱵᱷᱮᱞ ᱚᱱᱚᱞᱤᱭᱟᱹᱭ ᱛᱟᱦᱮᱸ ᱠᱟᱱᱟ, ᱵᱷᱟᱨᱚᱛ ᱠᱷᱚᱱ᱾ ᱩᱱᱤ ᱫᱚ ᱜᱩᱡᱽᱨᱟᱛ ᱨᱮ ᱟᱭᱢᱟ ᱚᱞ ᱤᱱᱰᱤᱭᱟ ᱨᱮᱰᱤᱭᱳ ᱥᱴᱮᱥᱚᱱ ᱨᱮᱱ ᱰᱟᱭᱨᱮᱠᱴᱚᱨ ᱮ ᱛᱟᱦᱮᱸ ᱠᱟᱱᱟ ᱥᱟᱶᱛᱮ ᱜᱩᱡᱽᱨᱟᱛ ᱯᱚᱱᱚᱛ ᱥᱟᱶᱛᱟ ᱨᱩᱠᱷᱤᱭᱟᱹ ᱵᱳᱨᱰ ᱨᱮᱱ ᱪᱮᱭᱟᱨᱢᱮᱱ ᱦᱚᱸᱭ ᱛᱟᱦᱮᱸ ᱠᱟᱱᱟ᱾
ᱡᱤᱭᱚᱱ ᱠᱟᱹᱦᱱᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱥᱩᱵᱟᱦᱮᱱ ᱫᱚ ᱒᱓ ᱢᱟᱨᱪ ᱑᱙᱒᱔ ᱨᱮ ᱵᱟᱨᱳᱰᱟ (ᱱᱤᱛᱚᱜ ᱵᱟᱫᱳᱫᱟᱨᱟ) ᱨᱮ ᱨᱟᱢᱯᱨᱚᱥᱟᱫᱽ ᱵᱟᱞᱠᱨᱤᱥᱱᱟ ᱥᱟᱥᱛᱨᱤ ᱟᱨ ᱥᱟᱨᱟᱥᱣᱟᱛᱤᱵᱮᱱ ᱴᱷᱮᱱ ᱡᱟᱱᱟᱢ ᱞᱮᱱᱟ᱾ ᱟᱡ ᱵᱟᱵᱟ ᱫᱚ ᱵᱟᱨᱳᱰᱟ ᱯᱚᱱᱚᱛ ᱨᱮᱱ ᱥᱟᱭᱟᱡᱤᱨᱟᱣ ᱜᱟᱭᱮᱠᱣᱟᱰ ᱛᱮᱥᱟᱨ ᱟᱜ ᱨᱟᱡᱽᱟᱹᱨᱤ ᱥᱩᱛᱨᱮᱛ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱮᱭᱟᱭ ᱵᱚᱭᱦᱟ ᱢᱤᱥᱨᱟ ᱢᱩᱫᱽ ᱨᱮ ᱢᱚᱬᱮᱭᱟᱜ ᱮ ᱛᱟᱦᱮᱸ ᱠᱟᱱᱟ᱾ ᱟᱡᱟᱜ ᱜᱷᱟᱨᱚᱸᱡᱽ ᱫᱚ ᱟᱦᱢᱮᱫᱟᱵᱟᱫᱽ ᱨᱮᱱ ᱡᱟᱹᱛᱤ ᱛᱟᱦᱮᱸ ᱠᱟᱱᱟ ᱟᱨ ᱟᱡ ᱟᱭᱳ ᱯᱟᱦᱴᱟ ᱨᱮᱱ ᱜᱷᱟᱨᱚᱸᱡᱽ ᱫᱚ ᱵᱷᱚᱨᱩᱪ ᱥᱩᱨ ᱨᱮ ᱟᱢᱚᱫ ᱟᱹᱛᱩ ᱨᱮᱱ ᱠᱚ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱵᱟᱨᱳᱰᱟ ᱠᱷᱚᱱ ᱟᱡᱟᱜ ᱤᱥᱠᱩᱞ ᱥᱮᱪᱮᱫ ᱮ ᱯᱩᱨᱟᱹᱣ ᱠᱮᱫᱟ᱾ ᱩᱱᱤ ᱫᱚ ᱮᱥ. ᱮᱱ. ᱰᱤ. ᱴᱤ. ᱠᱚᱞᱮᱡᱽ (ᱱᱤᱛᱚᱜ SNDT ᱛᱤᱨᱞᱟᱹ ᱡᱮᱜᱮᱛ ᱵᱤᱨᱫᱟᱹᱜᱟᱲ) ᱠᱷᱚᱱ ᱜᱩᱡᱽᱨᱟᱛᱤ, ᱢᱚᱱᱮ ᱥᱟᱬᱮᱥ ᱟᱨ ᱥᱟᱶᱛᱟ ᱥᱟᱬᱮᱥ ᱨᱮ ᱜᱽᱨᱤᱦᱤᱛᱟ ᱜᱟᱢᱟ (ᱵᱮᱪᱮᱞᱚᱨ ᱚᱯᱷ ᱟᱨᱴᱥ ᱥᱟᱶ ᱥᱚᱢᱟᱱ) ᱮ ᱯᱩᱨᱟᱹᱣ ᱠᱮᱫᱟ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱮᱰᱩᱠᱮᱥᱚᱱ ᱨᱮ ᱵᱮᱪᱮᱞᱚᱨ ᱞᱟᱹᱜᱤᱫ ᱮ ᱯᱟᱲᱦᱟᱣ ᱠᱮᱫᱟ᱾
ᱩᱱᱤ ᱫᱚ ᱑᱙᱔᱙ ᱥᱟᱞ ᱨᱮ ᱚᱞ ᱤᱱᱰᱤᱭᱟ ᱨᱮᱰᱤᱭᱳ (ᱱᱤᱛᱚᱜ ᱟᱠᱟᱥᱵᱟᱬᱤ) ᱨᱮᱭ ᱥᱮᱞᱮᱫ ᱮᱱᱟ, ᱛᱟᱭᱚᱢ ᱛᱮ ᱟᱦᱢᱮᱫᱟᱵᱟᱫᱽ, ᱨᱟᱡᱽᱠᱳᱴ ᱟᱨ ᱵᱟᱫᱳᱫᱟᱨᱟ ᱨᱮ ᱰᱟᱭᱨᱮᱠᱴᱚᱨ ᱞᱮᱠᱟᱛᱮᱭ ᱠᱟᱹᱢᱤ ᱠᱮᱫᱟ ᱟᱨ ᱑᱙᱘᱒ ᱥᱟᱞ ᱨᱮᱭ ᱨᱤᱴᱟᱭᱟᱨ ᱮᱱᱟ᱾ ᱩᱱᱤ ᱫᱚ ᱡᱩᱵᱷᱮᱱᱟᱭᱤᱞ ᱠᱟᱹᱭᱤᱱ ᱯᱟᱹᱨᱥᱤ ᱩᱪᱟᱹᱲᱤᱭᱟᱹ ᱵᱳᱨᱰ, ᱟᱦᱢᱮᱫᱟᱵᱟᱫᱽ ᱨᱮᱱ ᱪᱮᱭᱟᱨᱯᱟᱨᱥᱚᱱ ᱮ ᱛᱟᱦᱮᱸ ᱠᱟᱱᱟ ᱟᱨ ᱜᱩᱡᱽᱨᱟᱛ ᱯᱚᱱᱚᱛ ᱥᱟᱶᱛᱟ ᱨᱩᱠᱷᱤᱭᱟᱹ ᱵᱳᱨᱰ ᱨᱮᱱ ᱪᱮᱭᱟᱨᱢᱮᱱ ᱮ ᱛᱟᱦᱮᱸ ᱠᱟᱱᱟ᱾[᱑][᱒][᱓][᱔] ᱩᱱᱤ ᱫᱚ ᱜᱩᱡᱽᱨᱟᱛ ᱥᱛᱨᱤ ᱠᱮᱞᱵᱟᱱᱤ ᱢᱟᱱᱰᱟᱞ ᱟᱨ ᱫᱟ ᱪᱤᱞᱰᱨᱮᱱ ᱮᱠᱟᱰᱮᱢᱤ ᱨᱮᱱ ᱯᱨᱮᱥᱤᱰᱮᱱᱴ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟ᱾ ᱩᱱᱤ ᱫᱚ ᱟᱱᱟᱱᱫᱟᱢ ᱪᱮᱛᱟᱱ ᱨᱮ ᱦᱚᱸᱭ ᱯᱟᱥᱱᱟᱣ ᱠᱮᱫᱟ᱾ ᱩᱱᱤ ᱫᱚ ᱢᱤᱫ ᱮᱠᱴᱨᱮᱥ ᱦᱚᱸᱭ ᱛᱟᱦᱮᱸ ᱠᱟᱱᱟ᱾[᱕]
ᱩᱱᱤ ᱫᱚ ᱑᱓ ᱰᱤᱥᱮᱢᱵᱚᱨ ᱒᱐᱒᱐ ᱨᱮ ᱟᱦᱢᱮᱫᱟᱵᱟᱫᱽ ᱨᱮ ᱡᱤᱞᱤᱧ ᱦᱟᱨᱟᱢᱤ ᱛᱟᱭᱚᱢ ᱮ ᱜᱩᱨ ᱮᱱᱟ᱾[᱖]
ᱠᱟᱹᱢᱤ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱢᱤᱫ ᱠᱟᱹᱦᱱᱤ ᱚᱱᱚᱞᱤᱭᱟᱹᱭ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱟᱡᱟᱜ ᱯᱟᱹᱴᱷᱩᱣᱟᱹ ᱡᱤᱭᱚᱱ ᱚᱠᱛᱚ ᱨᱮ ᱚᱞ ᱮ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱱᱟ᱾ ᱯᱟᱨᱤᱠᱥᱟ ᱠᱮ ᱠᱟᱨᱠᱟᱥᱟ? ᱩᱱᱤᱭᱟᱜ ᱯᱩᱭᱞᱩ ᱠᱟᱹᱦᱱᱤ ᱛᱟᱦᱮᱸ ᱠᱟᱱᱟ᱾ ᱯᱟᱱᱰᱟᱰᱮ ᱯᱟᱱᱰᱟᱰᱮ ᱢᱳᱛᱤ ᱩᱱᱤᱭᱟᱜ ᱯᱩᱭᱞᱩ ᱠᱟᱹᱦᱱᱤ ᱡᱟᱣᱨᱟ ᱛᱟᱦᱮᱸ ᱠᱟᱱᱟ᱾ ᱚᱱᱟ ᱛᱟᱭᱚᱢ ᱮᱴᱟᱜ ᱠᱟᱹᱦᱱᱤ ᱡᱟᱣᱨᱟ ᱦᱮᱡ ᱮᱱᱟ ᱡᱮᱞᱮᱠᱟ ᱥᱟᱨᱥᱤᱡᱽ (᱑᱙᱙᱖), ᱫᱤᱵᱟᱥᱮ ᱛᱟᱨᱟ ᱨᱟᱛᱮ ᱵᱟᱫᱟᱞ (᱑᱙᱖᱘), ᱢᱟᱱᱟᱨᱟᱡᱽ (᱑᱙᱗᱓), ᱜᱷᱟᱰᱤᱠ ᱟᱥᱟᱫᱷ ᱜᱷᱟᱰᱤᱠ ᱯᱷᱟᱜᱟᱱ (᱑᱙᱘᱐) ᱟᱨ ᱵᱮ ᱟᱱᱠᱷᱱᱤ ᱥᱟᱨᱟᱢ (᱑᱙᱙᱖)᱾ ᱡᱟᱠᱟᱞᱯᱤᱪᱷᱳᱰᱤ (᱑᱙᱕᱙) ᱫᱚ ᱢᱤᱫ ᱛᱤᱨᱞᱟᱹ ᱟᱜ ᱡᱤᱭᱚᱱ ᱪᱮᱛᱟᱱ ᱨᱮ ᱢᱤᱫ ᱱᱳᱵᱷᱮᱞ ᱠᱟᱱᱟ᱾ ᱩᱱᱤᱭᱟᱜ ᱠᱟᱹᱦᱱᱤ ᱠᱚᱫᱚ ᱦᱤᱱᱫᱤ, ᱤᱝᱞᱤᱥ, ᱠᱟᱱᱱᱟᱰᱟ ᱟᱨ ᱢᱟᱞᱟᱭᱟᱞᱟᱢ ᱨᱮ ᱩᱪᱟᱹᱲ ᱟᱠᱟᱱᱟ᱾[᱗]
ᱥᱤᱨᱯᱷᱟᱹ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱑᱙᱗᱘ ᱥᱟᱞ ᱨᱮ ᱟᱠᱟᱥᱵᱟᱬᱤ ᱨᱮ ᱟᱨᱴᱤᱥᱴᱤᱠ ᱯᱨᱳᱜᱨᱟᱢ ᱞᱟᱹᱜᱤᱫ ᱫᱤᱞᱞᱤ ᱥᱤᱨᱯᱷᱟᱹ ᱮ ᱧᱟᱢ ᱞᱮᱫ ᱛᱟᱦᱮᱸᱱᱟ᱾ ᱩᱱᱤᱭᱟᱜ ᱠᱟᱹᱴᱤᱡ ᱠᱟᱹᱦᱱᱤ ᱡᱟᱣᱨᱟ ᱯᱟᱱᱰᱟᱰᱮ ᱯᱟᱱᱰᱟᱰᱮ ᱢᱳᱛᱤ (᱑᱙᱖᱓) ᱟᱨ ᱡᱤᱭᱚᱱ ᱠᱟᱹᱦᱱᱤ ᱭᱳᱜᱟᱱᱩᱭᱳᱜ (᱒᱐᱐᱒) ᱫᱚ ᱜᱩᱡᱽᱨᱟᱛᱤ ᱥᱟᱦᱤᱛᱭᱚ ᱯᱚᱨᱤᱥᱚᱫ ᱦᱚᱛᱮᱛᱮ ᱥᱤᱨᱯᱷᱟᱹ ᱛᱮᱠᱚ ᱢᱟᱱᱚᱛ ᱞᱮᱫᱮᱭᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Brahmabhatt, Prasad (2010). અર્વાચીન ગુજરાતી સાહિત્યનો ઈતિહાસ - આધુનિક અને અનુઆધુનિક યુગ [History of Modern Gujarati Literature – Modern and Postmodern Era] (in ᱜᱩᱡᱽᱨᱟᱴᱤ). Ahmedabad: Parshwa Publication. pp. 251–252. ISBN 978-93-5108-247-7.
- ↑ Modi, Binit (23 March 2012). "વસુબહેન : નામ નહીં 'સર્વ'નામ, સર્વે જણ માટે એક જ નામ". Binit Modi (in ᱜᱩᱡᱽᱨᱟᱴᱤ). Archived from the original on 13 April 2017. Retrieved 2017-04-13.
- ↑ Ravi Bhushan (1995). Reference India: Biographical Notes on Men & Women of Achievement of Today & Tomorrow. Rifacimento Int. p. 372.
- ↑ Ajīta Kaura; Arpana Cour (1976). Directory of Indian Women Today, 1976. India International Publications. p. 191.
- ↑ Tevani, Shailesh (2003). C.C. Mehta. Sahitya Akademi. p. 84. ISBN 978-81-260-1676-1.
- ↑ "આકાશવાણી પૂર્વ નિર્દેશક વસુબહેન ભટ્ટ નું ૯૬ વર્ષની વયે અવસાન થયું: તેઓ ઘણા વખતથી પથારીવશ હતાં". Akila News. Archived from the original on 2022-10-26. Retrieved 2020-12-16.
- ↑ Shastri, Prithvinath; Lal, P. (9 March 2017). "The Writers Workshop Handbook of Gujarati Literature: A-F". Google Books. Retrieved 13 April 2017.