ᱵᱟᱫᱟᱜᱟ

ᱵᱟᱫᱟᱜᱟ

᱑᱙᱐᱙ ᱥᱟᱞᱮ ᱨᱮ ᱱᱤᱞᱜᱤᱨᱤ ᱵᱩᱨᱩ ᱨᱮ ᱵᱟᱫᱟᱜᱟ ᱜᱷᱟᱨᱚᱸᱡᱽ
ᱯᱟᱹᱨᱥᱤ ᱠᱚ
ᱵᱟᱫᱟᱜᱟ
ᱫᱷᱚᱨᱚᱢ
ᱦᱤᱱᱫᱩ

ᱵᱟᱫᱟᱜᱟ ᱠᱚ ᱦᱮᱛᱷᱟ ᱦᱟᱵᱽᱵᱟ ᱯᱟᱨᱟᱵᱽ ᱠᱚ ᱢᱟᱱᱟᱣᱮᱫᱼᱟ᱾

ᱵᱟᱫᱟᱜᱟ ᱫᱚ ᱥᱤᱧᱚᱛ ᱨᱮᱱᱟᱜ ᱛᱟᱢᱤᱞᱱᱟᱰᱩ ᱨᱮᱭᱟᱜ ᱱᱤᱞᱜᱤᱨᱤ ᱦᱚᱱᱚᱛ ᱨᱮ ᱛᱟᱦᱮᱸᱱ ᱠᱟᱱ ᱢᱤᱫ ᱡᱟᱹᱛᱤ-ᱯᱟᱹᱨᱥᱤ ᱜᱩᱴ ᱠᱟᱱᱟ ᱠᱚ᱾ ᱱᱚᱶᱟ ᱦᱚᱱᱚᱛ ᱨᱮ ᱵᱟᱫᱟᱜᱟ ᱠᱚ ᱔᱐᱐ ᱜᱟᱱ ᱟᱹᱛᱩ ᱨᱮᱠᱚ ᱛᱟᱦᱮᱸᱱᱟ, ᱡᱟᱦᱟᱸ ᱫᱚ ᱦᱟᱴᱴᱤ (Hattis) ᱠᱚ ᱢᱮᱛᱟᱜᱼᱟ᱾ ᱵᱟᱫᱟᱜᱟ ᱠᱚᱫᱚ ᱵᱟᱫᱟᱜᱟ ᱯᱟᱹᱨᱥᱤ ᱛᱮᱠᱚ ᱨᱚᱲᱟ᱾

ᱱᱟᱜᱟᱢ

ᱵᱟᱫᱟᱜᱟ ᱧᱩᱛᱩᱢ ᱨᱮᱭᱟᱜ ᱢᱮᱱᱮᱛ ᱫᱚ 'ᱮᱛᱚᱢ ᱥᱮᱫ ᱨᱮᱱ', ᱡᱟᱦᱟᱸ ᱫᱚ ᱢᱟᱨᱮ ᱠᱟᱱᱱᱟᱰᱟ ᱵᱟᱫᱟᱜᱟᱱᱟ ᱠᱷᱚᱱ ᱦᱮᱡ ᱟᱠᱟᱱᱟ, ᱢᱮᱱᱮᱛ 'ᱮᱛᱚᱢ'᱾ ᱵᱟᱫᱟᱜᱟ ᱠᱚᱣᱟᱜ ᱠᱟᱛᱷᱟ ᱞᱮᱠᱟᱛᱮ, ᱩᱱᱠᱩ ᱨᱮᱱ ᱦᱟᱯᱲᱟᱢ ᱠᱚᱫᱚ ᱵᱷᱚᱠᱠᱟᱞᱤᱜᱟ ᱠᱚ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱢᱩᱥᱞᱤᱢ ᱠᱚᱣᱟᱜ ᱱᱟᱦᱟᱪᱟᱨ ᱠᱷᱚᱱ ᱵᱟᱧᱪᱟᱣᱜ ᱞᱟᱹᱜᱤᱫ ᱢᱟᱭᱥᱩᱨ ᱨᱮᱭᱟᱜ ᱥᱚᱢᱟᱱ ᱚᱛ ᱠᱷᱚᱱ ᱠᱚ ᱦᱮᱡ ᱞᱮᱱᱟ᱾ ᱟᱢᱮᱨᱤᱠᱟᱱ ᱮᱱᱛᱷᱨᱚᱯᱚᱞᱚᱡᱤᱥᱴ ᱯᱚᱞ ᱦᱚᱠᱤᱝᱥ ᱟᱜ ᱢᱮᱱ ᱞᱮᱠᱟᱛᱮ, ᱡᱟᱦᱟᱸᱭ ᱫᱚ ᱖᱐ ᱥᱮᱨᱢᱟ ᱠᱷᱚᱱ ᱵᱟᱫᱟᱜᱟ ᱠᱚ ᱪᱮᱛᱟᱱ ᱨᱮ ᱠᱷᱚᱸᱫᱽᱨᱚᱸᱫᱽ ᱮᱫᱟᱭ, "ᱱᱚᱶᱟ ᱡᱟᱹᱛᱤ ᱫᱚ ᱱᱤᱞᱜᱤᱨᱤ ᱨᱮ ᱩᱱᱟᱹᱜ ᱜᱮ ᱢᱟᱨᱮ ᱠᱟᱱᱟ ᱠᱚ ᱛᱤᱱᱟᱹᱜ ᱫᱚ ᱵᱨᱤᱴᱮᱱ ᱨᱮ ᱤᱝᱨᱮᱡᱽ ᱠᱚ᱾" ᱩᱱᱠᱩ ᱫᱚ ᱛᱷᱟᱞᱟᱭᱢᱟᱞᱟᱭ ᱵᱩᱨᱩ ᱨᱮ ᱛᱟᱦᱮᱸᱱ ᱠᱟᱱ ᱮᱭᱟᱭ ᱵᱚᱭᱦᱟ ᱢᱤᱥᱨᱟ ᱠᱷᱚᱱ ᱦᱮᱡ ᱟᱠᱟᱱᱟ ᱢᱮᱱᱛᱮ ᱠᱚ ᱞᱟᱹᱭᱟ᱾ ᱢᱤᱫ ᱢᱩᱥᱞᱤᱢ ᱥᱟᱥᱚᱱᱤᱭᱟᱹ ᱩᱱᱠᱩ ᱨᱮᱱ ᱢᱤᱥᱨᱟ ᱪᱮᱛᱟᱱ ᱨᱮ ᱱᱟᱦᱟᱪᱟᱨ ᱨᱮᱭᱟᱜ ᱮ ᱪᱮᱥᱴᱟ ᱞᱮᱫ ᱠᱷᱟᱹᱛᱤᱨ ᱩᱱᱠᱩ ᱫᱚ ᱱᱤᱞᱜᱤᱨᱤ ᱨᱮᱭᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱴᱷᱟᱶ ᱨᱮᱠᱚ ᱵᱟᱥᱟ ᱞᱮᱱᱟ᱾ ᱫᱚᱥᱟᱨ ᱵᱚᱭᱦᱟ, ᱦᱮᱛᱷᱟᱯᱯᱟ, ᱫᱚ ᱵᱟᱦᱨᱮ ᱨᱮᱭ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱡᱚᱠᱷᱚᱱ ᱵᱟᱨᱭᱟ ᱴᱚᱰᱟ ᱩᱱᱤ ᱨᱮᱱ ᱮᱨᱟ ᱪᱮᱛᱟᱱ ᱨᱮ ᱱᱟᱦᱟᱪᱟᱨ ᱠᱟᱛᱮ ᱩᱱᱤᱭᱟᱜ ᱡᱤᱱᱤᱥ ᱠᱚᱠᱚ ᱤᱫᱤ ᱠᱮᱫᱟ᱾ ᱩᱱᱤ ᱫᱚ ᱵᱟᱨᱭᱟ ᱵᱟᱭᱟᱞᱩᱨᱩ ᱴᱷᱮᱱ ᱜᱚᱲᱚᱭ ᱠᱷᱚᱡᱽ ᱠᱮᱫᱟ, ᱡᱟᱦᱟᱸᱭ ᱫᱚ ᱜᱚᱲᱚ ᱮᱢᱚᱜ ᱠᱤᱱ ᱨᱮᱵᱮᱱ ᱮᱱᱟ ᱡᱩᱫᱤ ᱩᱱᱤ ᱟᱡ ᱨᱮᱱ ᱵᱟᱨᱭᱟ ᱠᱩᱲᱤ ᱜᱤᱫᱽᱨᱟᱹ ᱩᱱᱠᱤᱱ ᱥᱟᱶ ᱮ ᱵᱟᱯᱞᱟ ᱠᱟᱹᱠᱤᱱᱟ᱾ ᱩᱱᱠᱩ ᱫᱚ ᱴᱚᱰᱟ ᱠᱚᱠᱚ ᱜᱚᱡ ᱠᱮᱫ ᱠᱚᱣᱟ, ᱟᱨ ᱚᱱᱟ ᱚᱠᱛᱚ ᱨᱮᱱ ᱟᱹᱛᱩ ᱦᱚᱲ ᱫᱚ ᱵᱟᱭᱟᱞᱩᱨᱩ ᱟᱨ ᱵᱟᱫᱟᱜᱟ ᱨᱮᱱ ᱠᱩᱲᱤ ᱜᱤᱫᱽᱨᱟᱹ ᱠᱷᱚᱱ ᱠᱚ ᱦᱮᱡ ᱟᱠᱟᱱᱟ ᱢᱮᱱᱛᱮ ᱠᱚ ᱞᱟᱹᱭᱟ᱾

ᱟᱹᱨᱤᱪᱟᱹᱞᱤ

ᱵᱟᱫᱟᱜᱟ ᱢᱚᱱᱫᱤᱨ

ᱜᱚᱴᱟ ᱦᱚᱱᱚᱛ ᱨᱮ ᱵᱟᱫᱟᱜᱟ ᱠᱚ ᱔᱐᱐ ᱜᱟᱱ ᱟᱹᱛᱩ ᱨᱮᱠᱚ ᱛᱟᱦᱮᱸᱱᱟ, ᱡᱟᱦᱟᱸ ᱫᱚ ᱦᱟᱴᱴᱤ ᱠᱚ ᱢᱮᱛᱟᱜᱼᱟ᱾ ᱛᱷᱩᱱᱰᱩ (ᱢᱤᱫ ᱯᱩᱸᱰ ᱞᱩᱜᱽᱲᱤ) ᱟᱨ ᱥᱤᱞᱮ ᱫᱚ ᱵᱟᱫᱟᱜᱟ ᱠᱩᱲᱤ ᱠᱚᱣᱟᱜ ᱢᱩᱬᱩᱛ ᱦᱚᱨᱚᱜ ᱵᱟᱸᱫᱮ ᱠᱟᱱᱟ᱾ ᱵᱟᱫᱟᱜᱟ ᱠᱚᱫᱚ ᱟᱠᱚᱣᱟᱜ ᱥᱟᱶᱛᱟ ᱛᱟᱞᱟ ᱨᱮᱜᱮ ᱠᱚ ᱵᱟᱯᱞᱟᱜᱼᱟ ᱟᱨ ᱟᱠᱚᱣᱟᱜ ᱵᱟᱯᱞᱟ ᱟᱹᱨᱤᱪᱟᱹᱞᱤ ᱠᱚ ᱢᱟᱱᱟᱣᱟ᱾ ᱩᱱᱠᱩᱣᱟᱜ ᱢᱤᱫ ᱢᱩᱬᱩᱛ ᱯᱟᱨᱟᱵᱽ ᱫᱚ ᱫᱮᱵᱽᱵᱟ ᱦᱟᱵᱽᱵᱟ ᱠᱟᱱᱟ᱾ ᱫᱮᱵᱽᱵᱟ ᱦᱟᱵᱽᱵᱟ ᱫᱚ ᱵᱟᱫᱟᱜᱟ ᱠᱚᱣᱟᱜ ᱩᱯᱮᱞ ᱵᱟᱵᱚᱛ ᱟᱹᱰᱤ ᱞᱟᱹᱠᱛᱤᱭᱟᱱ ᱠᱟᱛᱷᱟ ᱠᱚᱭ ᱥᱚᱫᱚᱨᱟ᱾ ᱜᱤᱫᱽᱨᱟᱹ ᱡᱟᱱᱟᱢ ᱠᱷᱚᱱ ᱮᱦᱚᱵ ᱠᱟᱛᱮ ᱩᱢᱮᱨ ᱨᱮ ᱥᱮᱴᱮᱨᱚᱜ, ᱵᱟᱯᱞᱟ, ᱧᱩᱛᱩᱢ ᱪᱷᱟᱹᱴᱭᱟᱹᱨ, ᱮᱭᱟᱭ ᱪᱟᱸᱫᱚ ᱨᱮᱭᱟᱜ ᱯᱮᱨᱮᱡ ᱦᱚᱲᱢᱚ, ᱱᱟᱶᱟ ᱚᱲᱟᱜ ᱵᱚᱞᱚᱱ ᱟᱨ ᱢᱩᱪᱟᱹᱫ ᱨᱮ ᱜᱩᱡᱩᱜ ᱫᱷᱟᱹᱵᱤᱡ ᱟᱠᱚᱣᱟᱜ ᱟᱹᱨᱤᱪᱟᱹᱞᱤ ᱠᱚ ᱢᱟᱱᱟᱣ ᱞᱟᱹᱜᱤᱫ ᱩᱱᱠᱩᱣᱟᱜ ᱠᱤᱪᱷᱩ ᱱᱤᱭᱚᱢ ᱠᱟᱱᱩᱱ ᱢᱮᱱᱟᱜᱼᱟ᱾ ᱩᱱᱠᱩ ᱫᱚ ᱟᱠᱚ ᱨᱮᱱ ᱮᱭᱟᱭ ᱵᱩᱱᱤᱭᱟᱹᱫᱤ ᱦᱟᱯᱲᱟᱢ ᱠᱚ ᱦᱮᱛᱷᱟᱯᱯᱟ ᱥᱮ ᱦᱮᱛᱷᱟ ᱧᱩᱛᱩᱢ ᱛᱮᱠᱚ ᱵᱚᱸᱜᱟ ᱟᱠᱚᱣᱟ᱾ ᱑᱙᱐᱐ ᱥᱮᱨᱢᱟ ᱨᱮᱭᱟᱜ ᱮᱛᱚᱦᱚᱵ ᱥᱮᱫ, ᱩᱱᱠᱩ ᱫᱚ ᱥᱨᱤ ᱢᱟᱨᱤᱭᱟᱢᱢᱟᱱ ᱢᱚᱱᱫᱤᱨ ᱨᱮ ᱟᱹᱰᱤ ᱠᱮᱴᱮᱡ ᱠᱤᱨᱤᱭᱟᱹ ᱦᱟᱛᱟᱣ ᱞᱟᱹᱜᱤᱫ ᱠᱚ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ᱾ ᱱᱚᱶᱟ ᱞᱟᱹᱜᱤᱫ ᱩᱱᱠᱩ ᱫᱚ ᱩᱢ ᱠᱟᱛᱮ, ᱱᱟᱹᱨᱠᱟᱹᱲ ᱟᱨ ᱡᱚ ᱠᱚ ᱟᱹᱜᱩᱭᱮᱫ ᱛᱟᱦᱮᱸᱫ ᱟᱨ ᱢᱤᱫᱴᱟᱹᱝ ᱡᱤᱭᱟᱹᱞᱤ ᱠᱚ ᱜᱚᱡᱮ ᱠᱟᱱ ᱛᱟᱦᱮᱸᱫ᱾ ᱡᱤᱭᱟᱹᱞᱤ ᱭᱟᱜ ᱵᱚᱦᱚᱜ ᱫᱚ ᱢᱚᱱᱫᱤᱨ ᱨᱮᱭᱟᱜ ᱥᱤᱲᱦᱤ ᱨᱮᱠᱚ ᱫᱚᱦᱚᱭᱮᱫ ᱛᱟᱦᱮᱸᱫ, ᱟᱨ ᱮᱭᱟᱭ ᱯᱷᱩᱴ ᱥᱟᱺᱜᱤᱧ ᱠᱷᱚᱱ ᱢᱚᱱᱫᱤᱨ ᱨᱮᱭᱟᱜ ᱥᱤᱲᱦᱤ ᱥᱮᱫ ᱛᱟᱲᱟᱢ ᱠᱟᱛᱮ ᱵᱚᱸᱜᱟ ᱢᱩᱨᱛᱤ ᱥᱟᱢᱟᱝ ᱨᱮ ᱡᱩᱞᱩᱜ ᱠᱟᱱ ᱵᱟᱹᱛᱤ ᱠᱚ ᱤᱬᱤᱡᱮᱫ ᱛᱟᱦᱮᱸᱫ᱾ ᱮᱢᱚᱱᱠᱤ ᱵᱨᱤᱴᱤᱥ ᱵᱤᱪᱟᱹᱨᱤᱭᱟᱹ ᱠᱚᱦᱚᱸ ᱠᱳᱨᱴ ᱨᱮ ᱱᱚᱶᱟ ᱟᱹᱨᱤᱪᱟᱹᱞᱤ ᱠᱚ ᱢᱟᱱᱟᱣᱮᱫ ᱛᱟᱦᱮᱸᱫ ᱟᱨ ᱚᱠᱛᱚᱼᱚᱠᱛᱚ ᱨᱮ ᱜᱚᱣᱟ ᱠᱚ ᱥᱟᱹᱨᱤ ᱠᱟᱛᱷᱟ ᱠᱚ ᱞᱟᱹᱭᱮᱫᱟ ᱥᱮ ᱵᱟᱝ ᱚᱱᱟ ᱴᱷᱟᱹᱣᱠᱟᱹᱭ ᱞᱟᱹᱜᱤᱫ ᱠᱳᱨᱴ ᱨᱮᱱ ᱢᱤᱫ ᱚᱯᱷᱤᱥᱟᱨ ᱥᱟᱶ ᱱᱚᱶᱟ ᱟᱹᱨᱤᱪᱟᱹᱞᱤ ᱠᱚᱨᱟᱣ ᱞᱟᱹᱜᱤᱫ ᱠᱚ ᱵᱷᱮᱡᱟᱭᱮᱫ ᱠᱚ ᱛᱟᱦᱮᱸᱫ᱾ ᱛᱮᱦᱮᱧ ᱦᱚᱸ ᱩᱱᱠᱩ ᱫᱚ ᱥᱨᱤ ᱢᱟᱨᱤᱭᱟᱢᱢᱟᱱ ᱪᱮᱛᱟᱱ ᱨᱮ ᱟᱹᱰᱤ ᱯᱟᱹᱛᱭᱟᱹᱣ ᱢᱮᱱᱟᱜ ᱛᱟᱠᱚᱣᱟ: ᱮᱯᱨᱤᱞ ᱪᱟᱸᱫᱚ ᱨᱮ ᱩᱱᱠᱩ ᱫᱚ ᱩᱴᱤ ᱨᱮ ᱥᱨᱤ ᱢᱟᱨᱤᱭᱟᱢᱢᱟᱱ ᱢᱚᱱᱫᱤᱨ ᱨᱮ ᱢᱤᱫ ᱨᱚᱛᱷ ᱯᱟᱨᱟᱵᱽ ᱠᱚ ᱢᱟᱱᱟᱣᱟ ᱡᱚᱠᱷᱚᱱ ᱩᱱᱠᱩ ᱫᱚ ᱟᱠᱚᱣᱟᱜ ᱨᱩ-ᱥᱮᱨᱮᱧ ᱟᱨ ᱮᱱᱮᱡ ᱥᱟᱶᱛᱮ ᱥᱨᱤ ᱢᱟᱨᱤᱭᱟᱢᱢᱟᱱ ᱟᱜ ᱢᱩᱨᱛᱤ ᱥᱟᱶ ᱨᱚᱛᱷ ᱠᱚ ᱚᱨᱟ᱾

ᱯᱟᱹᱨᱥᱤ

ᱵᱟᱫᱟᱜᱟ ᱯᱟᱹᱨᱥᱤ ᱫᱚ ᱵᱟᱫᱟᱜᱟ ᱥᱟᱶᱛᱟ ᱨᱮᱱ ᱦᱚᱲ ᱠᱚ ᱨᱚᱲᱟ᱾ ᱱᱚᱶᱟ ᱯᱟᱹᱨᱥᱤ ᱫᱚ ᱠᱟᱱᱱᱟᱰᱟ ᱥᱟᱶ ᱟᱹᱰᱤ ᱥᱩᱨ ᱥᱟᱹᱜᱟᱹᱭ ᱢᱮᱱᱟᱜᱼᱟ᱾ ᱯᱮᱨᱤᱥ ᱨᱮᱭᱟᱜ LACITO ᱨᱮ ᱯᱟᱨᱚᱢᱮᱱ ᱵᱟᱨ ᱜᱮᱞ ᱥᱮᱨᱢᱟ ᱨᱮ ᱡᱟᱣᱨᱟ ᱟᱠᱟᱱ ᱟᱭᱢᱟ ᱞᱮᱠᱟᱱ ᱵᱟᱫᱟᱜᱟ ᱠᱟᱹᱦᱱᱤ ᱟᱨ ᱥᱮᱨᱮᱧ ᱠᱚ ᱫᱚᱦᱚ ᱟᱠᱟᱱᱟ᱾

ᱥᱮᱪᱮᱫ

ᱟᱭᱢᱟ ᱵᱟᱫᱟᱜᱟ ᱠᱚ ᱥᱤᱧᱚᱛ ᱥᱚᱨᱠᱟᱨ ᱨᱮᱭᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱴᱷᱟᱶ ᱨᱮ ᱚᱯᱷᱤᱥᱟᱨ ᱠᱚ ᱵᱮᱱᱟᱣ ᱟᱠᱟᱱᱟ᱾ ᱞᱳᱠ ᱥᱚᱵᱷᱟ ᱨᱮᱱ ᱢᱟᱨᱮ ᱮᱢ.ᱯᱤ., ᱵᱚᱸᱜᱟ ᱛᱟᱞᱟᱣᱟᱠᱟᱱ ᱟᱠᱠᱟᱢᱢᱟ ᱫᱮᱵᱤ, ᱫᱚ ᱯᱩᱭᱞᱩ ᱵᱟᱫᱟᱜᱟ ᱠᱩᱲᱤ ᱠᱟᱱᱟᱭ ᱡᱟᱦᱟᱸᱭ ᱫᱚ ᱠᱚᱞᱮᱡᱽ ᱠᱷᱚᱱ ᱜᱨᱮᱡᱩᱭᱮᱴ ᱞᱮᱱᱟᱭ ᱟᱨ ᱑᱙᱖᱒ ᱠᱷᱚᱱ ᱑᱙᱖᱗ ᱫᱷᱟᱹᱵᱤᱡ ᱱᱤᱞᱜᱤᱨᱤ ᱞᱳᱠ ᱥᱚᱵᱷᱟ ᱛᱟᱞᱢᱟ ᱠᱷᱚᱱ ᱮ ᱯᱨᱚᱛᱤᱱᱤᱫᱷᱤ ᱞᱮᱫᱟ᱾ ᱵᱮᱞᱞᱤ ᱞᱚᱠᱥᱢᱤ ᱨᱟᱢᱟᱠᱨᱤᱥᱱᱟᱱ ᱮᱢ.ᱮ. ᱫᱚ ᱥᱟᱶᱛᱟ ᱠᱟᱹᱢᱤ ᱨᱮ ᱯᱚᱥᱴ ᱜᱨᱮᱡᱩᱭᱮᱴ ᱟᱠᱟᱫ ᱯᱩᱭᱞᱩ ᱵᱟᱫᱟᱜᱟ ᱠᱩᱲᱤ ᱠᱟᱱᱟᱭ, ᱟᱨ ᱩᱱᱤ ᱫᱚ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱥᱚᱨᱠᱟᱨ ᱨᱮᱭᱟᱜ ᱦᱚᱲᱢᱚ ᱥᱟᱶᱟᱨ ᱟᱨ ᱜᱷᱟᱨᱚᱸᱡᱽ ᱵᱷᱟᱹᱞᱟᱹᱭ ᱵᱤᱵᱷᱟᱜᱽ ᱨᱮ ᱠᱟᱹᱢᱤ ᱟᱠᱟᱫ ᱯᱩᱭᱞᱩ ᱠᱩᱲᱤ ᱜᱮᱡᱮᱴᱮᱰ ᱚᱯᱷᱤᱥᱟᱨ ᱮ ᱵᱮᱱᱟᱣ ᱞᱮᱱᱟ᱾

ᱥᱮᱰᱭᱩᱞᱰ ᱴᱨᱟᱭᱤᱵᱽ ᱥᱴᱮᱴᱟᱥ

ᱥᱤᱧᱚᱛᱤᱭᱟᱹ ᱥᱚᱢᱵᱤᱫᱷᱟᱱ ᱞᱮᱠᱟᱛᱮ ᱵᱟᱫᱟᱜᱟ ᱠᱚ ᱥᱮᱰᱭᱩᱞᱰ ᱴᱨᱟᱭᱤᱵᱽ ᱨᱮᱭᱟᱜ ᱛᱟᱹᱞᱠᱟᱹ ᱨᱮ ᱥᱮᱞᱮᱫ ᱨᱩᱣᱟᱹᱲ ᱞᱟᱹᱜᱤᱫ ᱟᱹᱰᱤ ᱫᱤᱱ ᱠᱷᱚᱱ ᱫᱟᱹᱵᱤ ᱢᱮᱱᱟᱜᱼᱟ᱾ ᱑᱙᱓᱑ ᱨᱮᱭᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱵᱨᱤᱴᱤᱥ ᱨᱟᱡᱽ ᱚᱠᱛᱚ ᱨᱮ ᱵᱟᱫᱟᱜᱟ ᱠᱚᱫᱚ ᱟᱹᱫᱤᱵᱟᱹᱥᱤ ᱛᱟᱹᱞᱠᱟᱹ ᱨᱮᱠᱚ ᱛᱟᱦᱮᱸ ᱠᱟᱱᱟ᱾ ᱯᱷᱩᱨᱜᱟᱹᱞ ᱛᱟᱭᱚᱢ, ᱑᱙᱕᱑ ᱨᱮᱭᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱚᱠᱛᱚ ᱨᱮ ᱵᱟᱫᱟᱜᱟ ᱠᱚᱫᱚ ᱥᱮᱰᱭᱩᱞᱰ ᱴᱨᱟᱭᱤᱵᱽ ᱛᱟᱹᱞᱠᱟᱹ ᱨᱮᱠᱚ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱛᱟᱭᱚᱢ ᱛᱮ ᱩᱱᱠᱩ ᱫᱚ ᱠᱚ ᱚᱪᱚᱜ ᱠᱮᱫ ᱠᱚᱣᱟ᱾

ᱱᱚᱶᱟ ᱦᱚᱸ ᱧᱮᱞ ᱢᱮ

• ᱠᱚᱰᱮᱨᱤ

ᱥᱟᱹᱠᱷᱭᱟᱹᱛ

ᱥᱟᱫᱷᱟᱨᱚᱱ ᱥᱟᱹᱠᱷᱭᱟᱹᱛ

* Gazetteer of India by B.L.Rice, 1877.
* Mysore, Canara and Malabar by Buchanan in 1807
* Madras District Gazateer (The Nilgiris) by W.Francis, 1908
* Mysore, Canara and Malabar by Buchanan in 1807
* Letters on the Climate, inhabitants, Production etc., South India by James Hough, 1826
* Breeks, J.W. (1873), An Account of the Primitive Tribes of the Nilgiris; Nilgiri Manual, vol. i. pp. 218–228; Madras Journ. of Sci. and Lit. vol. viii. pp. 103–105; Madras Museum Bulletin, vol. ii., no. i, pp. 1–7.
  *Hockings, P. (1988). Counsel from the ancients, a study of Badaga proverbs, prayers, omens and curses. Berlin and New York: Mouton de Gruyter.
  *Hockings, P. (1989). "The cultural ecology of the Nilgiris District" In P. Hockings (Ed.), Blue Mountains: The ethnography and biogeography of a South *Indian region (pp. 360–376). New Delhi and New York: Oxford University Press.
  *Hockings, P. (1999). Kindreds of the earth: Badaga household structure and demography. New Delhi and Thousand Oaks, CA: Sage.
  *Hockings, P. (2001). "Mortuary ritual of the Badagas of Southern India". (Fieldiana: Anthropology, n.s., 32.) Chicago: Field Museum of Natural History.