ᱵᱟᱬᱤᱥᱨᱤ

ᱵᱟᱬᱤᱥᱨᱤ (ᱡᱟᱱᱟᱢ ᱨᱟᱛᱱᱟ ᱠᱩᱢᱟᱨᱤ) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱛᱮᱞᱩᱜᱩ, ᱛᱟᱢᱤᱞ, ᱟᱨ ᱠᱟᱱᱱᱟᱰᱟ ᱯᱷᱤᱞᱢ ᱨᱮ ᱟᱡᱟᱜ ᱠᱟᱹᱢᱤ ᱠᱷᱟᱹᱛᱤᱨ ᱵᱟᱰᱟᱭᱚᱜ ᱠᱟᱱᱟᱭ᱾ ᱔᱐ ᱥᱮᱨᱢᱟ ᱯᱷᱤᱞᱢ ᱠᱟᱹᱢᱤ ᱥᱮᱵᱟ ᱚᱠᱛᱮ ᱨᱮ, ᱩᱱᱤ ᱯᱮᱭᱟ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰᱥ ᱥᱟᱣᱛᱷ, ᱫᱟ ᱱᱟᱱᱫᱤ ᱟᱣᱟᱨᱰᱥ ᱟᱨ ᱫᱟ ᱛᱟᱢᱤᱞ ᱱᱟᱰᱩ ᱥᱴᱮᱴ ᱯᱷᱤᱞᱢ ᱟᱣᱟᱨᱰ ᱮ ᱧᱟᱢ ᱟᱠᱟᱫᱟ᱾

ᱠᱟᱹᱢᱤ

ᱵᱟᱬᱤ ᱫᱚ ᱑᱙᱖᱒ ᱨᱮ ᱛᱮᱞᱩᱜᱩ ᱢᱩᱵᱷᱤ ᱵᱷᱤᱥᱢᱟ ᱥᱟᱶ ᱟᱡᱟᱜ ᱰᱮᱵᱭᱩ ᱵᱮᱱᱟᱣ ᱠᱮᱫᱟ᱾ ᱩᱱᱤ ᱠᱮ. ᱵᱟᱞᱟᱪᱟᱸᱫᱟᱨ ᱴᱟᱭᱤᱴᱮᱞ ᱟᱠᱟᱫ ᱥᱩᱠᱷᱟ ᱫᱩᱠᱷᱟᱞᱩ ᱟᱨ ᱢᱟᱨᱟᱯᱩᱨᱟᱱᱤ ᱠᱟᱛᱷᱟ (᱑᱙᱖᱗) ᱯᱮᱱ ᱟᱠᱟᱫ ᱯᱷᱤᱞᱢ ᱨᱮ ᱥᱚᱯᱳᱨᱴᱤᱝ ᱨᱳᱞ ᱥᱟᱶ ᱫᱷᱮᱭᱟᱱ ᱮ ᱧᱟᱢ ᱠᱮᱫᱟ᱾ ᱵᱟᱱᱤᱥᱨᱤ ᱠᱨᱤᱥᱱᱟᱵᱮᱱᱤ, ᱯᱨᱮᱢ ᱱᱟᱜᱟᱨ, ᱫᱩᱥᱮᱦᱨᱟ ᱵᱩᱞᱳᱰᱩ, ᱟᱨᱟᱫᱷᱟᱱᱟ, ᱡᱤᱵᱷᱤᱛᱟ ᱪᱟᱠᱨᱟᱢ, ᱨᱚᱝᱜᱩᱞᱟ ᱨᱟᱛᱱᱟᱢ, ᱥᱨᱤ ᱠᱨᱤᱥᱱᱟ ᱛᱩᱞᱟᱵᱟᱨᱟᱢ, ᱵᱷᱟᱠᱛᱟ ᱠᱟᱱᱟᱯᱟ, ᱟᱨ ᱵᱳᱵᱤᱞᱤ ᱨᱟᱡᱟ ᱞᱮᱠᱟᱱ ᱥᱩᱯᱟᱨ ᱦᱤᱴ ᱨᱮ ᱥᱴᱟᱨ ᱟᱠᱟᱱᱟᱭ᱾

ᱩᱱᱤ ᱤᱫᱽᱫᱟᱨᱩ ᱟᱢᱢᱟᱭᱤᱞᱩ (᱑᱙᱗᱒) ᱨᱮ ᱰᱩᱭᱮᱞ ᱨᱳᱞ ᱯᱞᱮ ᱠᱮᱫᱟ (᱑᱙᱖᱙ ᱨᱮᱱᱟᱜ ᱨᱤᱞᱤᱡᱽ ᱠᱟᱱᱱᱟᱰᱟ ᱯᱷᱤᱞᱢ ᱠᱟᱯᱩ ᱵᱤᱞᱩᱯᱩ ᱨᱮᱱᱟᱜ ᱛᱮᱞᱩᱜᱩ ᱨᱤᱢᱮᱠ), ᱜᱟᱝᱜᱟ ᱢᱟᱝᱜᱟ (ᱦᱤᱱᱫᱤ ᱯᱷᱤᱞᱢ ᱥᱤᱛᱟ ᱟᱩᱨ ᱜᱤᱛᱟ ᱨᱮᱱᱟᱜ ᱑᱙᱗᱓ ᱨᱮ ᱨᱤᱢᱮᱠ), ᱡᱤᱵᱟᱱᱟ ᱡᱭᱳᱛᱤ (᱑᱙᱗᱕), ᱟᱨ ᱪᱤᱞᱤᱯᱤ ᱠᱨᱤᱥᱱᱩᱰᱩ (᱑᱙᱗᱘)᱾ ᱩᱱᱤ ᱥᱭᱟᱢ ᱵᱮᱱᱮᱜᱟᱞ ᱟᱜ ᱢᱤᱫ ᱛᱮᱞᱩᱜᱩ ᱯᱷᱤᱞᱢ ᱟᱱᱩᱜᱽᱨᱟᱦᱟᱢ (᱑᱙᱗᱗) ᱨᱮ ᱥᱢᱤᱛᱟ ᱯᱟᱴᱤᱞ ᱥᱟᱶ ᱠᱳ-ᱥᱴᱟᱨ ᱠᱟᱛᱮ ᱯᱷᱟᱭᱱᱮᱸᱥ ᱟᱨ ᱥᱴᱟᱨ ᱠᱮᱫᱟ᱾

ᱮᱠᱴᱚᱨ ᱮᱢ. ᱡᱤ. ᱟᱨ ᱥᱟᱶ ᱵᱟᱱᱤᱥᱨᱤ ᱯᱮᱭᱟ ᱯᱷᱤᱞᱢ ᱨᱮ ᱮᱠᱴᱤᱝ ᱠᱮᱫᱟ: ᱠᱟᱱᱱᱟᱱ ᱮᱱ ᱠᱟᱫᱷᱟᱞᱟᱱ (᱑᱙᱖᱘), ᱛᱷᱟᱞᱟᱭᱵᱟᱱ (᱑᱙᱗᱐), ᱟᱨ ᱳᱨᱩᱠᱠᱩ ᱩᱡᱷᱟᱭᱤᱯᱟᱵᱟᱱ (᱑᱙᱗᱖)᱾

ᱩᱱᱤ ᱟᱠᱠᱤᱱᱮᱱᱤ ᱱᱟᱜᱮᱥᱣᱟᱨᱟ ᱨᱟᱣ ᱥᱟᱶ ᱒᱐ ᱛᱮᱞᱩᱜᱩ ᱯᱷᱤᱞᱢ ᱟᱨ ᱥᱩᱯᱟᱨ ᱥᱴᱟᱨ ᱠᱨᱤᱥᱱᱟ ᱥᱟᱶ ᱑᱘ ᱛᱮᱞᱩᱜᱩ ᱯᱷᱤᱞᱢ ᱨᱮ ᱮᱠᱴᱤᱝ ᱠᱮᱫᱟ ᱡᱮᱞᱮᱠᱟ ᱢᱟᱨᱟᱯᱩᱨᱟᱱᱤ ᱠᱟᱛᱷᱟ, ᱜᱟᱝᱜᱟ ᱢᱟᱝᱜᱟ, ᱪᱤᱠᱟᱴᱤ ᱵᱮᱞᱩᱜᱩᱞᱩ, ᱤᱞᱩ ᱤᱞᱟᱞᱩ᱾ ᱩᱱᱤ ᱥᱤᱵᱟᱡᱤ ᱜᱟᱱᱮᱥᱟᱱ ᱥᱟᱶ ᱩᱭᱚᱨᱱᱛᱷᱟ ᱢᱟᱱᱤᱛᱷᱟᱱ (᱑᱙᱖᱘), ᱱᱤᱨᱟᱭ ᱠᱩᱰᱟᱢ (᱑᱙᱖᱙), ᱠᱩᱞᱟᱢᱟ ᱜᱩᱱᱟᱢᱟ (᱑᱙᱗᱑), ᱵᱟᱥᱟᱱᱛᱷᱟ ᱢᱟᱞᱤᱜᱟᱭᱤ (᱑᱙᱗᱒), ᱥᱤᱵᱟᱠᱟᱢᱤᱭᱤᱱ ᱥᱮᱞᱵᱷᱟᱱ (᱑᱙᱗᱔), ᱵᱟᱱᱤ ᱨᱟᱱᱤ (ᱦᱤᱱᱫᱤ ᱯᱷᱤᱞᱢ ᱥᱤᱛᱟ ᱟᱩᱨ ᱜᱤᱛᱟ ᱨᱮᱱᱟᱜ ᱛᱟᱢᱤᱞ ᱨᱤᱢᱮᱠ) (᱑᱙᱗᱔), ᱨᱳᱡᱟᱵᱷᱤᱱ ᱨᱟᱡᱟ (᱑᱙᱗᱖), ᱤᱞᱟᱭᱟ ᱛᱷᱟᱞᱟᱭᱤᱢᱩᱨᱟᱭᱤ (᱑᱙᱗᱗), ᱯᱩᱱᱱᱤᱭᱟ ᱵᱩᱢᱤ (᱑᱙᱗᱘), ᱟᱨ ᱱᱟᱞᱟᱛᱷᱳᱨᱩ ᱠᱩᱰᱩᱢᱵᱟᱢ (᱑᱙᱗᱙) ᱞᱮᱠᱟᱱ ᱑᱐ ᱯᱷᱤᱞᱢ ᱨᱮ ᱮᱠᱴᱤᱝ ᱠᱮᱫᱟ᱾ ᱒᱐᱑᱓ ᱨᱮ, ᱩᱱᱤ ᱛᱮᱞᱩᱜᱩ ᱥᱤᱱᱮᱢᱟ ᱨᱮ ᱟᱡᱟᱜ ᱮᱱᱮᱢ ᱞᱟᱹᱜᱤᱫ ᱯᱚᱱᱚᱛ ᱨᱟᱜᱷᱩᱯᱟᱛᱤ ᱵᱷᱮᱱᱠᱟᱭᱟᱦ ᱟᱣᱟᱨᱰ ᱮ ᱧᱟᱢ ᱠᱮᱫᱟ᱾

ᱱᱤᱡᱮᱨ ᱡᱤᱭᱚᱱ

ᱵᱟᱱᱤᱥᱨᱤ ᱑᱙᱗᱘ ᱨᱮ ᱰᱨ. ᱠᱟᱨᱩᱱᱠᱟᱨᱟᱱ ᱥᱟᱶ ᱮ ᱵᱟᱯᱞᱟ ᱮᱱᱟ ᱟᱨ ᱯᱷᱤᱞᱢ ᱤᱱᱰᱟᱥᱴᱨᱤ ᱮ ᱵᱟᱹᱜᱤ ᱠᱮᱫᱟ᱾ ᱡᱩᱲᱤ ᱨᱤᱱ ᱢᱤᱫ ᱠᱚᱲᱟ ᱟᱨ ᱢᱤᱫ ᱠᱩᱲᱤ ᱢᱮᱱᱟᱜ ᱠᱤᱱᱟ᱾ ᱵᱟᱱᱤᱥᱨᱤ ᱑᱙᱘᱙ ᱠᱷᱚᱱ ᱮᱸᱜᱟᱛ ᱨᱳᱞ ᱨᱮ ᱮᱠᱴᱤᱝ ᱞᱟᱹᱜᱤᱫ ᱯᱷᱤᱞᱢ ᱨᱩᱣᱟᱹᱲ ᱦᱮᱡ ᱮᱱᱟ, ᱡᱮᱞᱮᱠᱟ ᱟᱡᱟᱜ ᱪᱟᱨᱤᱛᱟᱹᱨ ᱟᱛᱷᱟᱠᱩ ᱭᱟᱢᱩᱰᱩ ᱟᱢᱢᱟᱭᱤᱠᱤ ᱢᱳᱜᱩᱰᱩ (᱑᱙᱘᱙) ᱨᱮ᱾ ᱩᱱᱤ ᱑᱙᱙᱙ ᱨᱮ ᱦᱤᱱᱫᱤ ᱯᱷᱤᱞᱢ ᱢᱮᱸ ᱛᱮᱨᱮ ᱯᱭᱟᱟᱨ ᱢᱮᱸ ᱯᱟᱜᱟᱞ ᱨᱮ ᱦᱚᱸᱭ ᱛᱟᱦᱮᱸ ᱠᱟᱱᱟ, ᱛᱮᱞᱩᱜᱩ ᱰᱤᱨᱮᱠᱴᱚᱨ ᱠᱮ. ᱨᱟᱜᱷᱚᱵᱮᱱᱫᱽᱨᱚ ᱨᱟᱣ ᱫᱟᱨᱟᱭ ᱰᱤᱨᱮᱠᱴ ᱦᱩᱭ ᱞᱮᱱ ᱛᱟᱦᱮᱸᱱᱟ᱾

ᱩᱱᱤ ᱟᱡ ᱠᱚᱲᱟ ᱜᱤᱫᱽᱨᱟᱹ ᱟᱵᱷᱤᱱᱟᱭᱟ ᱵᱷᱮᱱᱠᱟᱴᱮᱥᱟ ᱠᱟᱨᱛᱷᱤᱠ ᱓᱖ ᱩᱢᱮᱨ ᱨᱮ ᱒᱓ ᱢᱮ ᱒᱐᱒᱐ ᱨᱮ ᱦᱟᱴᱠᱚ ᱵᱟᱱᱫᱽ ᱞᱮᱱ ᱠᱷᱟᱹᱛᱤᱨ ᱠᱚ ᱟᱫ ᱠᱮᱫᱮᱭᱟ᱾