ᱵᱟᱱᱤ ᱠᱟᱯᱩᱨ
ᱵᱟᱱᱤ ᱠᱟᱯᱩᱨ (ᱡᱟᱱᱟᱢ ᱒᱓ ᱚᱜᱚᱥᱴ ᱑᱙᱘᱘) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱟᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱦᱤᱱᱫᱤ ᱯᱷᱤᱞᱢ ᱨᱮ ᱠᱟᱹᱢᱤ ᱠᱟᱱᱟᱭ ᱾ ᱴᱩᱨᱤᱡᱚᱢ ᱥᱴᱩᱰᱤᱥ ᱨᱮ ᱵᱷᱮᱪᱞᱚᱨ ᱰᱤᱜᱽᱨᱤ ᱯᱟᱲᱦᱟᱣ ᱛᱟᱭᱚᱢ, ᱩᱱᱤ ᱫᱚ ᱭᱚᱥ ᱨᱟᱡᱽ ᱯᱷᱤᱞᱢᱥ ᱨᱳᱢᱟᱱᱴᱤᱠ ᱠᱚᱢᱮᱰᱤ ᱯᱷᱤᱞᱢ ᱥᱩᱫᱷᱫᱷ ᱫᱮᱥᱤ ᱨᱳᱢᱟᱱᱥ (᱒᱐᱑᱓) ᱨᱮ ᱟᱡᱟᱜ ᱮᱱᱮᱡ ᱮᱦᱚᱵ ᱞᱮᱫ-ᱟ, ᱡᱟᱦᱟᱸ ᱞᱟᱹᱜᱤᱫ ᱛᱮ ᱩᱱᱤ ᱫᱚ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱯᱷᱚᱨ ᱵᱮᱥᱴ ᱯᱷᱮᱢᱤᱱᱤ ᱰᱮᱵᱩᱴ ᱮ ᱧᱟᱢ ᱞᱮᱫ-ᱟ ᱾
ᱠᱚᱢᱯᱟᱱᱤ ᱨᱮ ᱟᱡᱟᱜ ᱨᱳᱢᱟᱱᱴᱤᱠ ᱠᱚᱢᱮᱰᱤ ᱟᱦᱟ ᱠᱟᱞᱭᱟᱱᱚᱢ (᱒᱐᱑᱔) ᱟᱨ ᱵᱷᱤᱯᱤᱠᱨ (᱒᱐᱑᱖) ᱨᱮ ᱟᱡᱟᱜ ᱮᱱᱮᱡ ᱞᱟᱹᱜᱤᱫ ᱛᱮ ᱟᱹᱰᱤ ᱠᱚᱢ ᱨᱳᱢᱟᱱᱴᱤᱠ ᱠᱚ ᱧᱟᱢ ᱞᱮᱫᱟᱭ, ᱚᱱᱟ ᱛᱟᱭᱚᱢ ᱠᱟᱯᱩᱨ ᱫᱚ ᱯᱮ ᱥᱮᱨᱢᱟ ᱞᱟᱹᱜᱤᱫ ᱮ ᱵᱚᱸᱜᱟ ᱛᱟᱞᱟᱭᱮᱱᱟ ᱾ ᱒᱐᱑᱙ ᱥᱟᱞᱮ ᱨᱮ ᱟᱡ ᱫᱚ ᱟᱠᱥᱚᱱ ᱯᱷᱤᱞᱢ ᱡᱮᱞᱮᱠᱟ ᱣᱟᱨ (War) ᱨᱮ ᱠᱩᱲᱤ ᱦᱚᱯᱚᱱ ᱮᱱᱮᱡ ᱮ ᱠᱷᱮᱞ ᱞᱮᱫᱼᱟ ᱾ ᱟᱨ ᱨᱳᱢᱟᱱᱴᱤᱠ ᱠᱚᱢᱮᱰᱤ ᱪᱚᱱᱰᱤᱜᱚᱰ ᱠᱟᱨᱮ ᱟᱥᱤᱠᱤ (Chandigarh Kare Aashiqui) (᱒᱐᱒᱑) ᱨᱮ ᱢᱤᱫ ᱴᱨᱟᱱᱥᱡᱮᱱᱰᱟᱨ ᱠᱩᱲᱤ ᱦᱚᱯᱚᱱ ᱮᱱᱮᱡ ᱠᱟᱛᱮ ᱥᱟᱨᱦᱟᱣ ᱮ ᱧᱟᱢ ᱞᱮᱫᱼᱟ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱯᱩᱨ ᱫᱚ ᱫᱤᱞᱞᱤ, ᱥᱤᱧᱚᱛ ᱨᱮ ᱢᱤᱫ ᱯᱚᱧᱡᱟᱵᱤ ᱦᱤᱱᱫᱩ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱠᱟᱯᱩᱨ ᱟᱜ ᱵᱟᱵᱟ ᱥᱤᱵᱽ ᱠᱟᱯᱩᱨ ᱫᱚ ᱢᱤᱫ ᱢᱚᱵᱟᱤᱞ ᱮᱠᱥᱯᱳᱨᱴ ᱮᱱᱮᱡᱤᱭᱟᱹ ᱠᱟᱱᱟᱭ ᱟᱨ ᱟᱡ ᱟᱭᱳ ᱫᱤᱯᱤ ᱠᱟᱯᱩᱨ ᱫᱚ ᱢᱤᱫ ᱢᱟᱪᱮᱛ ᱞᱮᱠᱟᱛᱮ ᱢᱟᱨᱠᱮᱴᱤᱝ ᱮᱠᱡᱤᱠᱩᱴᱤᱵ ᱠᱟᱱᱟᱭ ᱾ ᱱᱩᱭ ᱫᱚ ᱮᱛᱚᱢ ᱯᱟᱪᱮ ᱫᱤᱞᱞᱤ ᱨᱮᱭᱟᱜ ᱟᱥᱚᱠ ᱵᱤᱦᱟᱨ ᱨᱮ ᱢᱚᱛᱟ ᱡᱚᱭ ᱠᱚᱣᱨ ᱯᱚᱵᱞᱤᱠ ᱟᱥᱲᱟ ᱠᱷᱚᱱ ᱟᱡᱟᱜ ᱯᱟᱲᱦᱟᱣ ᱯᱩᱨᱟᱹᱣ ᱞᱮᱫ-ᱟ ᱾ ᱛᱟᱭᱚᱢ ᱩᱱᱤ ᱫᱚ ᱢᱟᱭᱫᱟᱱ ᱜᱟᱨᱦᱤ ᱨᱮ ᱤᱱᱫᱤᱨᱟ ᱜᱟᱱᱫᱷᱤ ᱡᱟᱹᱛᱤᱭᱟᱹᱨᱤ ᱚᱯᱮᱱ ᱭᱩᱱᱤᱵᱷᱚᱨᱥᱤᱴᱤ ᱨᱮ ᱥᱮᱞᱮᱫ ᱞᱮᱱᱟᱭ, ᱴᱩᱨᱤᱥᱢ ᱥᱴᱮᱰᱤᱥ ᱨᱮ ᱟᱡᱟᱜ ᱰᱤᱜᱽᱨᱤ ᱯᱩᱨᱟᱹᱣ ᱠᱮᱫᱼᱟ, ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱨᱟᱡᱚᱥᱛᱷᱟᱱ ᱨᱮᱱᱟᱜ ᱡᱚᱭᱯᱩᱨ ᱨᱮ ᱚᱵᱮᱨᱳᱭ ᱦᱚᱴᱮᱞᱥ ᱟᱨ ᱨᱮᱥᱳᱨᱴᱥ ᱨᱮ ᱤᱱᱴᱟᱨᱱᱥᱤᱯ ᱮ ᱦᱟᱛᱟᱣ ᱞᱮᱫᱼᱟ ᱟᱨ ᱛᱟᱭᱚᱢ ᱛᱮ ᱤᱴᱤᱥᱤ ᱦᱚᱴᱮᱞ ᱨᱮ ᱠᱟᱹᱢᱤ ᱞᱮᱫᱼᱟ ᱾ ᱢᱚᱰᱮᱞᱤᱝ ᱯᱨᱚᱡᱮᱠᱴ ᱞᱟᱹᱜᱤᱫ ᱛᱮ ᱩᱱᱤ ᱫᱚ ᱮᱞᱟᱭᱤᱴ ᱢᱚᱰᱮᱞ ᱢᱟᱱᱮᱡᱽᱢᱮᱱᱴ ᱨᱮ ᱥᱮᱞᱮᱫ ᱞᱮᱱᱟᱭ ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱮᱛᱚᱦᱚᱵ ᱨᱮ ᱥᱮᱞᱮᱫ ᱟᱨ ᱵᱟᱱᱫᱷᱟᱣ (᱒᱐᱑᱓-᱒᱐᱑᱗)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱯᱩᱨ ᱫᱚ ᱦᱤᱱᱫᱤ ᱯᱷᱤᱞᱢ ᱤᱱᱰᱚᱥᱴᱨᱤ ᱨᱮ ᱟᱡᱟᱜ ᱠᱮᱨᱤᱭᱚᱨ ᱮᱛᱚᱦᱚᱵ ᱞᱮᱫᱟᱭ ᱭᱟᱥ ᱨᱟᱡᱽ ᱯᱷᱤᱞᱢᱥ ᱥᱟᱶ ᱯᱮᱭᱟ ᱯᱷᱤᱞᱢ ᱨᱮᱱᱟᱜ ᱠᱚᱱᱴᱨᱚᱠᱥᱚᱱ ᱨᱮ ᱾ ᱥᱩᱥᱟᱱᱛ ᱥᱤᱝ ᱨᱟᱡᱽᱯᱩᱛ ᱟᱨ ᱯᱚᱨᱤᱱᱤᱛᱤ ᱪᱳᱯᱨᱟ ᱥᱟᱶ ᱨᱳᱢᱟᱱᱴᱤᱠ ᱠᱚᱢᱮᱰᱤ ᱥᱩᱫᱷᱫᱷ ᱫᱮᱥᱤ ᱨᱳᱢᱟᱱᱥ ᱨᱮ ᱥᱚᱯᱳᱨᱴᱤᱝ ᱨᱳᱞ ᱨᱮ ᱯᱟᱥᱱᱟᱣ ᱞᱟᱹᱜᱤᱫ ᱩᱱᱤ ᱫᱚ ᱚᱰᱤᱥᱚᱱ ᱦᱚᱛᱮᱛᱮ ᱵᱟᱪᱷᱚᱱ ᱞᱮᱱᱟᱭ ᱾ ᱱᱚᱶᱟ ᱯᱷᱤᱞᱢ ᱨᱮ ᱞᱤᱵᱽ-ᱤᱱ ᱨᱤᱞᱮᱥᱚᱱ ᱨᱮᱱᱟᱜ ᱠᱟᱛᱷᱟ ᱠᱚ ᱵᱟᱰᱟᱭ ᱞᱮᱫᱼᱟ ᱾ ᱱᱚᱶᱟ ᱯᱷᱤᱞᱢ ᱫᱚ ᱠᱨᱤᱛᱤᱠ ᱠᱚᱣᱟᱜ ᱯᱚᱡᱤᱵᱽ ᱨᱤᱯᱮᱠᱴ ᱠᱚ ᱧᱟᱢ ᱞᱮᱫᱼᱟ ᱾ ᱟᱨ ᱠᱟᱯᱩᱨ ᱫᱚ ᱛᱟᱨᱟ ᱧᱩᱛᱩᱢᱟᱱ ᱢᱤᱫ ᱠᱩᱲᱤ ᱜᱤᱫᱽᱨᱟ. ᱠᱳᱭᱢᱳᱭ ᱨᱮᱱ ᱢᱳᱦᱟᱨ ᱵᱟᱥᱩ ᱫᱚ ᱠᱚᱯᱩᱨ ᱫᱚ ᱢᱤᱫ ᱱᱟᱯᱟᱭ ᱟᱠᱴᱨᱮᱥ ᱠᱟᱱᱟᱭ ᱢᱮᱱᱠᱷᱟᱱ ᱩᱱᱤ ᱫᱚ ᱟᱹᱰᱤ ᱢᱟᱨᱟᱝ ᱟᱠᱴᱨᱮᱥ ᱫᱚ ᱵᱟᱝ ᱠᱟᱱᱟᱭ᱾ ᱛᱟᱭᱚᱢ ᱛᱮ ᱤᱸᱰᱤᱭᱟᱱ ᱴᱟᱭᱢᱮᱥ ᱨᱮᱱ ᱢᱟᱫᱷᱩᱨᱮᱛᱟ ᱢᱩᱠᱷᱚᱨᱡᱤ ᱫᱚ ᱩᱱᱤ ᱫᱚ ᱢᱤᱫ ᱱᱟᱯᱟᱭ ᱟᱠᱴᱨᱮᱥ ᱠᱟᱱᱟᱭ ᱢᱮᱱᱛᱮᱭ ᱢᱮᱱ ᱞᱮᱫᱟ᱾ ᱥᱩᱫᱽᱫᱷ ᱫᱮᱥᱤ ᱨᱳᱢᱟᱱᱥ ᱡᱮᱜᱮᱛ ᱡᱟᱠᱟᱛ ᱵᱚᱠᱥ-ᱚᱯᱷᱤᱥ ᱨᱮ ᱗᱖ ᱠᱳᱴᱤ (᱙.᱘ ᱢᱤᱞᱤᱭᱚᱱ ᱟᱢᱮᱨᱤᱠᱟ ᱰᱚᱞᱟᱨ) ᱦᱟᱛᱟᱣ ᱞᱮᱫᱼᱟ ᱟᱨ ᱠᱚᱢᱚᱨᱥᱤᱭᱟᱞ ᱦᱮᱯᱨᱟᱣ ᱞᱮᱠᱟᱛᱮ ᱩᱪᱷᱟᱹᱱ ᱞᱮᱱᱟ ᱾ ᱕᱙ ᱟᱱᱟᱜ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱨᱮ, ᱠᱟᱯᱩᱨ ᱫᱚ ᱵᱮᱥᱴ ᱯᱷᱮᱢᱤᱱᱤ ᱰᱮᱵᱩᱴ ᱟᱣᱟᱨᱰ ᱮ ᱧᱟᱢ ᱞᱮᱫ-ᱟ ᱾