ᱵᱤᱡᱟᱭᱟ ᱰᱟᱵᱽᱵᱮ
ᱵᱤᱡᱟᱭᱟ ᱰᱟᱵᱽᱵᱮ (᱑ ᱡᱩᱱ ᱑᱙᱕᱑ – ᱒᱓ ᱯᱷᱮᱵᱽᱨᱩᱣᱟᱨᱤ ᱒᱐᱑᱘) ᱵᱷᱟᱨᱚᱛ ᱨᱮᱱ ᱠᱟᱱᱱᱟᱰᱟ ᱯᱟᱹᱨᱥᱤ ᱨᱮᱱ ᱚᱱᱚᱞᱤᱭᱟᱹ, ᱛᱤᱨᱞᱟᱹ ᱟᱹᱭᱫᱟᱹᱨᱤ ᱞᱟᱹᱜᱤᱫ ᱠᱟᱹᱢᱤᱭᱟᱹ, ᱯᱟᱹᱨᱩᱠᱷᱤᱭᱟᱹ ᱟᱨ ᱥᱚᱢᱟᱞᱚᱪᱚᱠ ᱮ ᱛᱟᱦᱮᱸ ᱠᱟᱱᱟ᱾[᱑] ᱟᱭᱢᱟ ᱡᱚᱠᱷᱮᱡ ᱱᱟᱦᱟᱜ ᱠᱟᱱᱱᱟᱰᱟ ᱯᱟᱹᱨᱥᱤ ᱨᱮᱱ ᱯᱩᱭᱞᱩ ᱛᱤᱨᱞᱟᱹ ᱚᱱᱚᱞᱤᱭᱟᱹ ᱢᱮᱱᱛᱮ ᱵᱟᱰᱟᱭᱚᱜ ᱠᱟᱱ ᱰᱟᱵᱽᱵᱮ, ᱠᱚᱨᱱᱟᱴᱚᱠ ᱨᱮ ᱛᱤᱨᱞᱟᱹ ᱟᱹᱭᱫᱟᱹᱨᱤ ᱞᱟᱹᱲᱦᱟᱹᱭ ᱨᱮᱱ ᱢᱩᱬ ᱦᱚᱲ ᱮ ᱛᱟᱦᱮᱸ ᱠᱟᱱᱟ᱾[᱒][᱓]
ᱡᱤᱭᱚᱱ ᱠᱟᱛᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱤᱡᱟᱭᱟ ᱫᱚ ᱑ ᱡᱩᱱ ᱑᱙᱕᱑ ᱨᱮ ᱵᱮᱞᱩᱨ ᱛᱟᱞᱩᱠ ᱨᱮᱱᱟᱜ ᱰᱟᱵᱽᱵᱮ ᱟᱹᱛᱩ ᱨᱮ ᱠᱨᱤᱥᱱᱟᱢᱩᱨᱛᱤ ᱟᱨ ᱥᱤᱛᱟᱞᱟᱠᱥᱢᱤ ᱴᱷᱮᱱ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱫᱚ ᱠᱟᱞᱟᱥᱟᱯᱩᱨᱟ ᱟᱨ ᱡᱟᱵᱟᱜᱟᱞ ᱨᱮ ᱟᱡᱟᱜ ᱥᱮᱪᱮᱫ ᱯᱩᱨᱟᱹᱣ ᱞᱮᱫᱟ, ᱛᱟᱭᱚᱢ ᱛᱮ ᱦᱟᱥᱟᱱ ᱟᱨ ᱢᱟᱭᱥᱩᱨᱩ ᱛᱮ ᱪᱟᱞᱟᱣ ᱮᱱᱟ ᱪᱮᱛᱟᱱ ᱥᱮᱪᱮᱫ ᱞᱟᱹᱜᱤᱫ᱾ ᱩᱱᱤ ᱫᱚ ᱢᱟᱭᱥᱩᱨᱩ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱠᱟᱱᱱᱟᱰᱟ ᱯᱷᱮᱠᱮᱞᱴᱤ ᱥᱚᱦᱮᱫ ᱞᱮᱠᱟᱛᱮ ᱠᱟᱹᱢᱤ ᱞᱮᱫᱟ᱾
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱱᱚᱞᱤᱭᱟᱹ ᱞᱮᱠᱟᱛᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱰᱟᱵᱽᱵᱮ ᱭᱟᱜ ᱯᱩᱭᱞᱩ ᱧᱩᱛᱩᱢᱟᱱ ᱥᱟᱶᱦᱮᱫ ᱠᱟᱹᱢᱤ ᱫᱚ ᱛᱟᱦᱮᱸ ᱠᱟᱱᱟ ‛ᱤᱨᱩᱛᱷᱟᱵᱮ’ (ᱤᱝᱞᱤᱥ: 'They Exist'), ᱚᱱᱚᱲᱦᱮᱸ ᱠᱚᱣᱟᱜ ᱢᱤᱫ ᱥᱟᱧᱪᱟᱣ, ᱡᱟᱦᱟᱸ ᱫᱚ ᱑᱙᱗᱕ ᱨᱮ ᱪᱷᱟᱯᱟ ᱞᱮᱱᱟ᱾ ᱟᱡᱟᱜ ᱮᱴᱟᱜ ᱢᱩᱬ ᱠᱟᱹᱢᱤ ᱠᱚᱫᱚ ᱦᱩᱭᱩᱜ ᱠᱟᱱᱟ ‛ᱱᱤᱨᱩ ᱞᱚᱦᱟᱫᱟ ᱪᱤᱱᱛᱮ’ (ᱤᱝᱞᱤᱥ: 'The Worries of Water and Metal') (᱑᱙᱘᱕) ᱟᱨ 'ᱱᱟᱨᱤ ᱫᱟᱨᱤ ᱫᱤᱜᱟᱱᱛᱷᱟ' ᱮᱢᱟᱱ᱾ ᱟᱡᱟᱜ ᱟᱭᱢᱟ ᱠᱟᱹᱢᱤ ᱫᱚ ᱛᱤᱨᱞᱟᱹ ᱠᱚ ᱪᱮᱛᱟᱱ ᱨᱮ ᱛᱟᱦᱮᱸᱱᱟ᱾
ᱛᱤᱨᱞᱟᱹ ᱟᱹᱭᱫᱟᱹᱨᱤ ᱞᱟᱹᱲᱦᱟᱹᱭ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱤᱡᱟᱭᱟ ᱰᱟᱵᱽᱵᱮ ᱫᱚ ᱑᱙᱗᱘ ᱨᱮ ᱵᱮᱱᱟᱣ ᱟᱠᱟᱱ ‛ᱥᱟᱢᱟᱛᱷᱟ ᱵᱮᱫᱤᱠᱮ’ ᱨᱮᱱ ᱵᱩᱱᱤᱭᱟᱹᱫᱤᱭᱟᱹ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱮ ᱛᱟᱦᱮᱸ ᱠᱟᱱᱟ, ᱛᱤᱨᱞᱟᱹ ᱚᱱᱚᱞᱤᱭᱟᱹ ᱟᱨ ᱠᱟᱹᱢᱤᱭᱟᱹ ᱠᱚᱣᱟᱜ ᱢᱤᱫ ᱜᱩᱴ ᱡᱟᱦᱟᱸ ᱫᱚ ᱡᱟᱱᱟᱝ ᱵᱟᱨᱟᱵᱟᱹᱨᱤ, ᱛᱤᱨᱞᱟᱹ ᱠᱚ ᱪᱮᱛᱟᱱ ᱨᱮ ᱜᱷᱟᱨᱚᱸᱡᱽ ᱦᱟᱢᱞᱟ, ᱡᱩᱛᱩᱜᱽ, ᱜᱤᱫᱽᱨᱟᱹ ᱵᱟᱯᱞᱟ, ᱮᱴᱟᱜ ᱡᱟᱹᱛᱤ ᱵᱷᱮᱫᱽᱵᱷᱟᱵᱽ ᱟᱨ ᱫᱟᱵᱟᱣ ᱟᱠᱟᱱ ᱠᱞᱟᱥ ᱠᱚ ᱞᱟᱹᱜᱤᱫ ᱥᱟᱶᱛᱟ ᱵᱟᱹᱲᱤᱡ ᱵᱤᱪᱟᱹᱨ ᱵᱟᱵᱚᱛ ᱨᱮ ᱵᱟᱰᱟᱭ ᱮᱢ ᱯᱟᱥᱱᱟᱣ ᱞᱟᱹᱜᱤᱫ ᱠᱟᱹᱢᱤ ᱠᱟᱱᱟ, ᱵᱤᱥᱮᱥ ᱠᱟᱭᱛᱮ ᱛᱤᱨᱞᱟᱹ ᱠᱚ ᱞᱟᱹᱜᱤᱫ᱾ ᱰᱟᱵᱽᱵᱮ ᱫᱚ ᱠᱚᱨᱱᱟᱴᱚᱠ ᱡᱟᱠᱟᱛ ᱨᱮ ᱟᱡᱟᱜ ᱚᱱᱚᱲᱦᱮᱸ, ᱚᱱᱚᱞ, ᱠᱟᱹᱢᱤ ᱦᱚᱨᱟ, ᱥᱟᱶᱦᱮᱫ ᱡᱟᱣᱨᱟ ᱟᱨ ᱥᱟᱶᱛᱟ ᱠᱟᱹᱢᱤ ᱠᱚ ᱦᱚᱛᱮᱛᱮ ᱱᱚᱣᱟ ᱠᱟᱹᱢᱤ ᱠᱚ ᱨᱟᱠᱟᱵ ᱨᱮ ᱢᱟᱬᱟᱝ ᱦᱚᱨ ᱮ ᱛᱟᱦᱮᱸ ᱠᱟᱱᱟ᱾
ᱜᱩᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱤᱡᱟᱭᱟ ᱰᱟᱵᱽᱵᱮ ᱫᱚ ᱖ ᱡᱟᱱᱩᱣᱟᱨᱤ ᱑᱙᱙᱙ ᱨᱮ ᱢᱤᱫ ᱥᱚᱲᱚᱠ ᱵᱟᱹᱲᱤᱡ ᱜᱷᱚᱴᱚᱱ ᱨᱮ ᱧᱟᱯᱟᱢ ᱛᱟᱭᱚᱢ ᱠᱟᱹᱢᱤ ᱠᱷᱚᱱ ᱵᱟᱹᱲᱛᱤ ᱫᱚ ᱵᱟᱭ ᱠᱟᱹᱢᱤ ᱞᱮᱫᱟ᱾ ᱩᱱᱤ ᱫᱚ ᱒᱓ ᱯᱷᱮᱵᱽᱨᱩᱣᱟᱨᱤ ᱒᱐᱑᱘ ᱨᱮ ᱢᱟᱭᱥᱩᱨᱩ ᱨᱮ ᱦᱟᱴᱠᱮ ᱠᱷᱟᱹᱛᱤᱨ ᱛᱮ ᱜᱩᱨ ᱮᱱᱟ᱾[᱔][᱕]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Writer Vijaya Dabbe passes away". Times of India. 24 Feb 2018. Retrieved 22 Oct 2020.
- ↑ "ಹಿರಿಯ ಸಾಹಿತಿ ವಿಜಯಾ ದಬ್ಬೆ ನಿಧನ" [Senior writer Vijaya Dabbe no more]. Vijayakarnataka (in Kannada). 23 Feb 2018. Retrieved 22 Oct 2020.
{{cite news}}: CS1 maint: unrecognized language (link) - ↑ "ಮಹಿಳಾ ಚಳುವಳಿಗೆ ಗಟ್ಟಿ ನೆಲೆ ಒದಗಿಸಿದ ದಬ್ಬೆ" [Dabbe, who cemented strong base for women movement]. Prajavani (in Kannada). 26 Mar 2018. Retrieved 23 Oct 2020.
{{cite news}}: CS1 maint: unrecognized language (link) - ↑ "Writer Vijaya Dabbe dead". The Hindu. 24 Feb 2018. Retrieved 23 Oct 2020.
- ↑ "Vijaya Dabbe is no more". citytoday. 24 Feb 2018. Retrieved 23 Oct 2020.[permanent dead link]