ᱵᱤᱢᱤ
ᱵᱤᱢᱤ (᱑᱙᱔᱓ – ᱒᱒ ᱚᱜᱚᱥᱴ ᱑᱙᱗᱗) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱵᱷᱟᱨᱚᱛᱤᱭᱚ ᱯᱷᱤᱞᱢ ᱡᱮᱞᱮᱠᱟ ᱟᱵᱽᱨᱩ, ᱦᱚᱢᱨᱟᱡᱽ ᱟᱨ ᱯᱟᱛᱟᱝᱜᱟ ᱨᱮᱭ ᱠᱟᱹᱢᱤ ᱟᱠᱟᱫᱟ ᱾ ᱩᱱᱤ ᱫᱚ ᱥᱩᱱᱤᱞ ᱫᱟᱛ ᱥᱟᱶ ᱦᱚᱢᱨᱟᱡᱽ ᱨᱮᱭ ᱠᱟᱹᱢᱤ ᱟᱠᱟᱫᱟ ᱟᱨ ᱧᱩᱛᱩᱢ ᱮ ᱠᱚᱢᱟᱣ ᱞᱮᱫ ᱛᱟᱦᱮᱸᱫ ᱾ ᱯᱷᱤᱞᱢ ᱮᱠᱥᱯᱟᱨᱴ ᱨᱟᱡᱮᱥ ᱥᱩᱵᱽᱨᱟᱢᱟᱱᱤᱭᱟᱱ ᱞᱮᱠᱟᱛᱮ, ᱡᱳᱞᱤ ᱧᱩᱛᱩᱢ ᱟᱱ ᱢᱤᱫ ᱯᱷᱨᱳᱰ ᱯᱷᱤᱞᱢ ᱵᱨᱳᱠᱚᱨ ᱩᱱᱤᱭᱟᱜ ᱠᱮᱨᱤᱭᱟᱨ ᱟᱨ ᱤᱢᱮᱡᱽ ᱮ ᱵᱟᱹᱲᱤᱡ ᱠᱮᱫᱟ, ᱱᱚᱝᱠᱟ ᱫᱩᱜᱽᱜᱽᱞᱤ ᱜᱟᱛᱮ ᱠᱟᱱ ᱞᱮᱠᱟᱭ ᱩᱫᱩᱜ ᱠᱟᱛᱮ ᱟᱨ ᱵᱤᱢᱤ ᱫᱚ ᱥᱟᱹᱨᱫᱤ ᱨᱮ ᱫᱟᱞᱟᱞᱤ ᱞᱟᱹᱜᱤᱫ ᱮ ᱵᱟᱹᱲᱤᱡ ᱠᱮᱫᱮᱭᱟ ᱾
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱤᱢᱤ ᱫᱚ ᱑᱙᱖᱗ ᱨᱮ ᱵᱤᱹ ᱟᱨᱹ ᱪᱳᱯᱽᱲᱟ-ᱰᱟᱭᱨᱮᱠᱴ ᱦᱚᱢᱨᱟᱡᱽ ᱨᱮ ᱥᱩᱱᱤᱞ ᱫᱟᱛ ᱵᱤᱨᱩᱫᱷ ᱨᱮ ᱰᱮᱵᱽᱭᱩ ᱞᱮᱫ ᱛᱟᱦᱮᱸᱫ ᱾ ᱯᱷᱤᱞᱢ ᱫᱚ ᱦᱤᱴ ᱮᱱᱟ ᱢᱮᱱᱠᱷᱟᱱ ᱩᱱᱤᱭᱟᱜ ᱠᱮᱨᱤᱭᱟᱨ ᱨᱮ ᱵᱟᱭ ᱜᱚᱲᱚ ᱫᱟᱲᱮᱭᱟᱫᱼᱟ ᱾ ᱩᱱᱤ ᱫᱚ ᱥᱚᱥᱤ ᱠᱟᱯᱩᱨ ᱥᱟᱶ ᱯᱟᱛᱟᱝᱜᱟ (᱑᱙᱗᱑) ᱟᱨ ᱵᱟᱪᱟᱱ (᱑᱙᱗᱔) ᱨᱮᱭ ᱧᱮᱞ ᱞᱮᱱᱟ ᱾ ᱩᱱᱤ ᱫᱚ ᱫᱤᱯᱚᱠ ᱠᱩᱢᱟᱨ ᱵᱤᱨᱩᱫᱷ ᱟᱵᱽᱨᱩ (᱑᱙᱖᱘) ᱨᱮ ᱢᱩᱬ ᱠᱩᱲᱤ ᱮᱠᱴᱨᱮᱥ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱑᱙᱗᱓ ᱨᱮ ᱯᱟᱧᱡᱟᱵᱤ ᱯᱷᱤᱞᱢ ᱱᱟᱱᱟᱠ ᱱᱟᱢ ᱡᱟᱦᱟᱡᱽ ᱦᱟᱭ ᱨᱮᱭ ᱧᱮᱞ ᱞᱮᱱᱟ ᱾ ᱟᱡᱟᱜ ᱢᱩᱪᱟᱹᱫ ᱯᱷᱤᱞᱢ ᱫᱚ ᱠᱨᱳᱫᱷᱤ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱑᱙᱗᱗ ᱨᱮ ᱩᱱᱤ ᱜᱩᱡᱩᱜ ᱛᱟᱭᱚᱢ ᱯᱩᱱ ᱥᱮᱨᱢᱟ ᱨᱮ ᱨᱤᱞᱤᱡᱽ ᱞᱮᱱᱟ ᱾
ᱯᱟᱨᱥᱟᱞ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱤᱢᱤ ᱫᱚ ᱯᱟᱧᱡᱟᱵᱤ ᱥᱤᱠᱷ ᱠᱩᱲᱤ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱥᱤᱵᱽ ᱟᱜᱽᱨᱟᱣᱟᱞ ᱮ ᱵᱟᱯᱞᱟ ᱞᱮᱫᱮᱭᱟ, ᱡᱟᱦᱟᱸᱭ ᱫᱚ ᱢᱤᱫ ᱤᱱᱰᱚᱥᱴᱨᱤᱭᱟᱞᱤᱥᱴ ᱨᱤᱱ ᱠᱚᱲᱟ ᱜᱤᱫᱽᱨᱟᱹ ᱠᱟᱱᱟᱭ, ᱡᱟᱦᱟᱸ ᱥᱟᱶ ᱩᱱᱤ ᱨᱤᱱ ᱢᱤᱫ ᱠᱚᱲᱟ ᱟᱨ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ ᱾ ᱢᱤᱭᱩᱡᱤᱠ ᱰᱟᱭᱨᱮᱠᱴᱚᱨ ᱨᱚᱵᱤ ᱫᱚ ᱩᱱᱤ ᱠᱚᱞᱠᱟᱛᱟ ᱨᱮ ᱢᱤᱫ ᱯᱟᱨᱴᱤ ᱨᱮ ᱧᱟᱯᱟᱢ ᱠᱟᱛᱮ ᱛᱟᱭᱚᱢ ᱛᱮ ᱩᱱᱤ ᱟᱨ ᱥᱤᱵᱽ ᱫᱚ ᱢᱩᱢᱵᱟᱭ ᱮ ᱱᱮᱣᱛᱟ ᱠᱤᱱᱟ ᱾ ᱩᱱᱤ ᱫᱚ ᱩᱱᱠᱤᱱ ᱵᱤᱹ ᱟᱨᱹ ᱪᱳᱯᱽᱲᱟ ᱥᱟᱶ ᱮ ᱩᱯᱨᱩᱢ ᱠᱤᱱᱟ ᱟᱨ ᱚᱱᱟ ᱜᱮ ᱵᱤᱢᱤ ᱟᱡᱟᱜ ᱯᱩᱭᱞᱩ ᱯᱷᱤᱞᱢ ᱮ ᱧᱟᱢ ᱠᱮᱫᱼᱟ ᱾ ᱩᱱᱤ ᱨᱤᱱ ᱡᱟᱶᱟᱭ ᱩᱱᱤᱭᱟᱜ ᱴᱷᱟᱹᱣᱠᱟᱹ ᱮ ᱜᱚᱲᱚ ᱠᱮᱫ ᱨᱮᱦᱚᱸ, ᱩᱱᱤ ᱨᱤᱱ ᱟᱭᱳ ᱵᱟᱵᱟ ᱟᱨ ᱥᱟᱹᱜᱟᱹᱭᱟᱱ ᱠᱚ ᱩᱱᱠᱤᱱ ᱡᱩᱨᱤ ᱠᱤᱱ ᱵᱟᱹᱜᱤ ᱠᱟᱫ ᱠᱤᱱᱟ ᱪᱮᱫᱟᱜ ᱥᱮ ᱩᱱᱠᱩ ᱵᱤᱢᱤ ᱯᱷᱤᱞᱢ ᱤᱱᱰᱚᱥᱴᱨᱤ ᱨᱮ ᱥᱮᱞᱮᱫᱚᱜ ᱨᱮᱱᱟᱜ ᱵᱤᱨᱳᱫᱷ ᱨᱮ ᱠᱚ ᱛᱟᱦᱮᱸ ᱠᱟᱱᱟ ᱾ ᱪᱮᱫᱟᱜ ᱥᱮ ᱥᱩᱱᱤᱞ ᱫᱟᱛ ᱩᱱᱤ ᱞᱟᱹᱜᱤᱫ ᱮ ᱥᱮᱨᱮᱧ ᱠᱮᱫᱼᱟ ("ᱱᱟ ᱥᱟᱨ ᱡᱷᱩᱠᱟ ᱠᱮ ᱡᱤᱭᱳ, ᱱᱟ ᱢᱩᱦ ᱪᱷᱩᱯᱟᱠᱮ ᱡᱤᱭᱳ"), ᱵᱤᱢᱤᱭᱟᱜ ᱢᱚᱦᱤᱛ ᱤᱢᱮᱡᱽ ᱧᱮᱧᱮᱞᱤᱭᱟᱹ ᱠᱚᱣᱟᱜ ᱢᱚᱱᱮ ᱮ ᱡᱤᱛᱠᱟᱹᱨ ᱠᱮᱫᱼᱟ ᱾ ᱢᱤᱫ ᱚᱠᱛᱚ ᱨᱮ, ᱩᱱᱤ ᱫᱚ ᱵᱳᱞᱤᱣᱩᱰ ᱨᱤᱱᱤᱡ ᱡᱚᱛᱚ ᱠᱷᱚᱱ ᱪᱚᱨᱚᱠ ᱮᱠᱴᱨᱮᱥ ᱮ ᱠᱚ ᱢᱮᱛᱟᱭ ᱠᱟᱱ ᱛᱟᱦᱮᱸᱫ ᱾ ᱩᱱᱤᱭᱟᱜ ᱧᱩᱛᱩᱢᱟᱱ ᱯᱷᱤᱞᱢᱯᱷᱮᱭᱟᱨ ᱯᱷᱳᱴᱳᱥᱩᱴ, ᱡᱟᱦᱟᱸ ᱨᱮ ᱩᱱᱤ ᱢᱤᱫ ᱥᱴᱟᱭᱤᱞᱟᱭᱤᱡᱽ ᱥᱣᱤᱢᱥᱩᱴ ᱮ ᱦᱚᱨᱚᱜ ᱞᱮᱫ ᱛᱟᱦᱮᱸᱫ, ᱦᱮᱰᱞᱟᱭᱤᱱ ᱮ ᱵᱮᱱᱟᱣ ᱠᱮᱫᱼᱟ ᱟᱨ ᱩᱱᱤ ᱢᱤᱫ ᱵᱳᱞᱰ ᱮᱠᱴᱨᱮᱥ ᱞᱮᱠᱟᱛᱮ ᱴᱷᱟᱯᱚᱱ ᱠᱮᱫᱮᱭᱟ ᱾ ᱩᱱᱤ ᱫᱚ ᱢᱤᱫ ᱟᱹᱰᱤ ᱢᱟᱨᱟᱝ ᱚᱲᱟᱜ, ᱞᱟᱠᱡᱚᱨᱤ ᱜᱟᱹᱰᱤ ᱟᱨ ᱢᱤᱫ ᱢᱟᱨᱟᱝ ᱣᱟᱨᱰᱨᱳᱵᱽ ᱨᱤᱱᱤᱡ ᱢᱟᱹᱞᱤᱠ ᱮ ᱛᱟᱦᱮᱸ ᱠᱟᱱᱟ, ᱪᱮᱫᱟᱜ ᱥᱮ ᱩᱱ ᱚᱠᱛᱚ ᱨᱮ ᱩᱱᱤ ᱫᱚ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱯᱟᱹᱭᱴᱤ ᱧᱟᱢ ᱮᱠᱴᱨᱮᱥ ᱮ ᱛᱟᱦᱮᱸ ᱠᱟᱱᱟ ᱾ ᱦᱟᱢᱨᱟᱡᱽ ᱨᱮᱱᱟᱜ ᱥᱟᱠᱥᱮᱥ ᱛᱟᱭᱚᱢ ᱜᱮ, ᱩᱱᱤᱭᱟᱜ ᱛᱟᱭᱚᱢ ᱨᱮᱱᱟᱜ ᱢᱟᱨᱟᱝ ᱯᱨᱳᱡᱮᱠᱴ ᱟᱵᱽᱨᱩ ᱑᱙᱖᱘ ᱨᱮ ᱨᱤᱞᱤᱡᱽ ᱮᱱᱟ ᱾ ᱱᱚᱣᱟ ᱯᱷᱤᱞᱢ, ᱢᱮᱱᱠᱷᱟᱱ ᱵᱚᱠᱥ ᱚᱯᱷᱤᱥ ᱨᱮ ᱵᱟᱭ ᱠᱟᱹᱢᱤ ᱠᱮᱫᱼᱟ ᱾ ᱮᱥᱳᱠ ᱠᱩᱢᱟᱨ ᱟᱨ ᱱᱤᱨᱩᱯᱟ ᱨᱳᱭ ᱞᱮᱠᱟᱱ ᱢᱟᱨᱟᱝ ᱮᱠᱴᱟᱨ ᱦᱚᱸ ᱯᱷᱤᱞᱢ ᱨᱮ ᱥᱮᱞᱮᱫ ᱠᱟᱛᱮ ᱦᱚᱸ ᱱᱟᱥᱮ ᱦᱚᱸ ᱵᱟᱠᱚ ᱜᱚᱲᱚ ᱫᱟᱲᱮᱭᱟᱫᱼᱟ ᱾ ᱟᱵᱽᱨᱩ ᱯᱷᱮᱞ ᱛᱟᱭᱚᱢ ᱡᱤᱱᱤᱥ ᱠᱚ ᱵᱤᱢᱤ ᱞᱟᱹᱜᱤᱫ ᱞᱟᱛᱟᱨ ᱥᱮᱫ ᱪᱟᱞᱟᱣ ᱮᱱᱟ ᱡᱟᱦᱟᱸᱭ ᱫᱚ ᱱᱤᱛᱚᱜ ᱢᱮᱜᱟᱡᱤᱱ ᱨᱮ ᱯᱷᱳᱴᱳᱥᱩᱴ ᱞᱟᱹᱜᱤᱫ ᱠᱚ ᱠᱟᱹᱢᱤᱭᱟ ᱾ ᱯᱟᱛᱟᱝᱜᱟ, ᱥᱟᱥᱤ ᱠᱟᱯᱩᱨ ᱥᱟᱶ ᱑᱙᱗᱑ ᱨᱮᱱᱟᱜ ᱯᱷᱤᱞᱢ ᱦᱚᱸ ᱧᱮᱧᱮᱞᱤᱭᱟᱹ ᱠᱚᱣᱟᱜ ᱢᱚᱱᱮ ᱵᱟᱭ ᱡᱤᱛᱠᱟᱹᱨ ᱫᱟᱲᱮᱭᱟᱫᱼᱟ ᱾ ᱚᱱᱠᱟᱛᱮ ᱞᱮᱛᱟᱲ ᱜᱮ ᱯᱷᱞᱳᱯ ᱯᱷᱤᱞᱢ ᱛᱟᱭᱚᱢ, ᱩᱱᱤ ᱫᱚ ᱵᱤᱥᱢᱨᱤᱛ ᱛᱮ ᱪᱟᱞᱟᱣ ᱮᱱᱟ ᱾
ᱟᱡᱟᱜ ᱜᱩᱡᱩᱜ ᱛᱟᱭᱚᱢ ᱨᱤᱞᱤᱡᱽ ᱟᱠᱟᱱ ᱳᱵᱤᱪᱩᱣᱟᱨᱤ ᱨᱮ, ᱟᱹᱰᱤ ᱜᱟᱱ ᱦᱟᱨᱟᱢ ᱰᱤᱴᱮᱞ ᱠᱚ ᱥᱚᱫᱚᱨ ᱞᱮᱱᱟ ᱡᱟᱦᱟᱸ ᱨᱮ ᱟᱡ ᱨᱤᱱ ᱡᱟᱶᱟᱭ ᱫᱟᱨᱟᱭ ᱛᱮ ᱦᱚᱲᱢᱚ ᱨᱮ ᱦᱚᱸ ᱠᱚ ᱮᱥᱮᱨ ᱮᱫ ᱛᱟᱦᱮᱸᱫ ᱟᱨ ᱩᱱᱠᱤᱱᱟᱜ ᱛᱟᱭᱚᱢ ᱨᱮᱱᱟᱜ ᱰᱤᱵᱷᱳᱨᱥ ᱦᱚᱸ ᱾ ᱩᱱᱤ ᱡᱩᱫᱟᱹ ᱮᱱ ᱛᱟᱭᱚᱢ, ᱩᱱᱤ ᱫᱚ ᱠᱚᱞᱠᱟᱛᱟ ᱨᱮ ᱢᱤᱫ ᱴᱮᱠᱥᱴᱟᱭᱤᱞ ᱵᱤᱡᱱᱮᱥ ᱮ ᱮᱛᱚᱦᱚᱵ ᱠᱮᱫᱟ ᱢᱮᱱᱠᱷᱟᱱ ᱚᱱᱟ ᱦᱚᱸ ᱵᱟᱭ ᱪᱟᱹᱞᱩ ᱫᱟᱲᱮᱭᱟᱫᱼᱟ, ᱟᱨ ᱠᱟᱨᱡᱟ ᱮᱢ ᱵᱟᱹᱲᱤᱡ ᱠᱟᱛᱮ ᱟᱡᱟᱜ ᱥᱟᱹᱯᱟᱹᱛᱤ ᱠᱚ ᱟᱹᱠᱷᱨᱤᱧ ᱞᱟᱹᱜᱤᱫ ᱮ ᱵᱟᱹᱫᱽᱫᱷ ᱮᱱᱟ, ᱩᱱᱤ ᱵᱮᱜᱚᱨ ᱚᱲᱟᱜ ᱨᱮ ᱠᱟᱹᱢᱤ ᱠᱟᱛᱮ ᱾ ᱩᱱᱤ ᱫᱚ ᱢᱤᱫ ᱯᱷᱤᱞᱢ ᱵᱨᱳᱠᱚᱨ ᱥᱟᱶ ᱥᱟᱹᱜᱟᱹᱭ ᱮ ᱮᱛᱚᱦᱚᱵ ᱠᱮᱫᱟ ᱢᱮᱱᱠᱷᱟᱱ ᱠᱟᱹᱭ ᱢᱮᱱ ᱞᱮᱠᱟᱛᱮ ᱩᱱᱤ ᱫᱚ ᱩᱱᱤ ᱥᱟᱹᱨᱫᱤ ᱨᱮ ᱦᱚᱸᱭ ᱟᱹᱠᱷᱨᱤᱧ ᱠᱮᱫᱮᱭᱟ ᱾ ᱯᱨᱳᱯᱷᱮᱥᱟᱱᱟᱞ ᱟᱨ ᱯᱟᱨᱥᱟᱞ ᱡᱤᱭᱚᱱ ᱠᱷᱟᱹᱛᱤᱨ ᱫᱩᱠᱷᱤ ᱠᱟᱛᱮ, ᱵᱤᱢᱤ ᱫᱚ ᱟᱞᱠᱳᱦᱚᱞ ᱨᱮ ᱥᱟᱦᱟᱨᱟ ᱮ ᱦᱟᱛᱟᱣ ᱠᱮᱫᱼᱟ ᱾
ᱢᱩᱪᱟᱹᱫ ᱨᱮ, ᱢᱤᱫ ᱥᱟᱱᱛᱟᱯ ᱟᱨ ᱫᱩᱠᱷ ᱵᱷᱚᱨᱟᱣ ᱡᱤᱭᱚᱱ ᱛᱟᱭᱚᱢ, ᱵᱤᱢᱤ ᱫᱚ ᱒᱒ ᱚᱜᱚᱥᱴ ᱑᱙᱗᱗ ᱨᱮ ᱢᱩᱢᱵᱟᱭ ᱨᱮᱱᱟᱜ ᱱᱟᱱᱟᱵᱟᱛᱤ ᱦᱟᱥᱯᱟᱛᱟᱞ ᱨᱮᱱᱟᱜ ᱡᱮᱱᱮᱨᱟᱞ ᱣᱟᱨᱰ ᱨᱮ ᱟᱞᱠᱳᱦᱚᱞ ᱠᱷᱟᱹᱛᱤᱨ ᱦᱩᱭ ᱟᱠᱟᱱ ᱞᱤᱵᱷᱟᱨ ᱨᱳᱜ ᱠᱷᱟᱹᱛᱤᱨ ᱜᱩᱡ ᱮᱱᱟ ᱾ ᱟᱡᱟᱜ ᱦᱚᱲᱢᱚ ᱫᱚ ᱵᱟᱹᱲᱤᱡ ᱞᱮᱠᱟᱛᱮ ᱫᱟᱦ ᱥᱩᱥᱟᱹᱨ ᱡᱟᱭᱜᱟ ᱛᱮ ᱢᱤᱫ ᱴᱷᱮᱞᱟ ᱦᱟᱛ ᱜᱟᱹᱰᱤ ᱨᱮ ᱠᱚ ᱤᱫᱤ ᱠᱮᱫᱼᱟ ᱾