ᱵᱤᱨᱵᱟᱦᱟ ᱦᱟᱸᱥᱫᱟ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱵᱤᱨᱵᱟᱦᱟ ᱦᱟᱸᱥᱫᱟ
বীরবাহা হাঁসদা.jpg
ᱯᱟᱺᱪᱷᱤ ᱥᱟᱹᱲᱤ ᱵᱟᱸᱫᱮ ᱠᱟᱛᱮ ᱵᱤᱨᱵᱟᱦᱟ ᱦᱟᱸᱥᱫᱟ
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ ᱘ ᱚᱠᱴᱚᱵᱚᱨ ᱑᱙᱘᱒(1982-10-08)
ᱵᱤᱱᱯᱩᱨ, ᱡᱷᱟᱲᱜᱨᱟᱢ, ᱥᱤᱧᱚᱛ
ᱠᱟᱹᱢᱤ ᱠᱷᱮᱞᱚᱸᱰᱟ.ᱱᱤ
ᱥᱤᱨᱯᱷᱟᱹ
  • ᱥᱮᱨᱟ ᱠᱷᱮᱞᱚᱸᱰᱟ.ᱱᱤ, ᱥᱟᱱᱛᱟᱲᱤ ᱯᱷᱤᱞᱢ ᱯᱷᱮᱭᱟᱨ ᱥᱤᱨᱯᱟᱹ ᱒᱐᱐᱘-᱒᱐᱑᱒

ᱵᱤᱨᱵᱟᱦᱟ ᱦᱟᱸᱥᱫᱟ ᱫᱚ ᱥᱤᱧᱚᱛ ᱨᱮᱱ ᱥᱟᱱᱛᱟᱲᱤ ᱥᱤᱱᱮᱢᱟ ᱨᱮᱱ ᱢᱤᱫᱴᱮᱱ ᱞᱟᱹᱴᱩ ᱠᱷᱮᱞᱚᱸᱰᱟ.ᱱᱤ ᱠᱟᱱᱟᱭ᱾ ᱩᱱᱤ ᱫᱚ ᱯᱟᱹᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱡᱷᱟᱲᱜᱨᱟᱢ ᱨᱮᱭᱟᱜ ᱵᱤᱱᱯᱩᱨ ᱛᱷᱟᱱᱟ ᱨᱮ ᱟᱸᱠᱨᱳ ᱚᱛᱚ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱵᱚᱸᱜᱟ ᱛᱟᱞᱟᱣ ᱠᱟᱱ ᱟᱡ ᱵᱟᱵᱟ ᱱᱚᱨᱮᱱ ᱦᱟᱸᱥᱫᱟ ᱫᱚ ᱡᱷᱟᱲᱜᱨᱟᱢ ᱯᱟᱨᱴᱤ (ᱱᱚᱨᱮᱱ) ᱨᱮᱱ ᱵᱩᱱᱤᱭᱟᱹᱫᱤᱭᱟᱹ ᱠᱟᱱᱟᱭ᱾ᱱᱚᱣᱟ ᱯᱟᱨᱴᱤ ᱠᱷᱚᱱ ᱟᱡ ᱵᱟᱵᱟ ᱟᱨ ᱟᱡ ᱜᱚᱜᱚ ᱪᱩᱱᱤᱵᱟᱞᱟ ᱦᱚᱸ ᱵᱤᱫᱷᱟᱱ ᱥᱚᱵᱷᱚ ᱨᱮᱱ ᱥᱚᱫᱚᱥᱥᱚ ᱠᱤᱱ ᱛᱟᱸᱦᱮᱸᱠᱟᱱᱟ᱾ ᱵᱤᱨᱵᱟᱦᱟ ᱦᱟᱸᱥᱫᱟ ᱦᱚᱸ ᱢᱤᱫ ᱫᱷᱟᱣ ᱱᱤᱨᱵᱟᱪᱚᱱ ᱨᱮᱭ ᱛᱸᱜᱩ ᱞᱮᱱᱟ᱾ ᱩᱱᱤ ᱫᱚ ᱠᱳᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱡ ᱱᱟᱜᱟᱢ ᱥᱟᱛᱟᱢ ᱨᱮ ᱚᱱᱟᱨᱥ ᱟᱨ ᱢᱟᱥᱴᱟᱨᱥ ᱮ ᱢᱩᱪᱟᱹᱫ ᱟᱠᱟᱫᱟ᱾ ᱱᱤᱛ ᱫᱷᱟᱹᱵᱤᱡ ᱟᱡ ᱫᱚ ᱰᱟᱸᱜᱩᱣᱟ ᱜᱮ ᱢᱮᱱᱟᱭᱟ᱾ ᱱᱤᱛ ᱫᱷᱟᱹᱵᱤᱡ ᱑᱔ ᱜᱚᱴᱟᱝ ᱥᱤᱱᱮᱢᱟ ᱨᱮ ᱟᱡ ᱮ ᱠᱷᱮᱞᱚᱸᱰ ᱟᱠᱟᱫᱟ᱾ ᱥᱟᱱᱛᱟᱲᱤ ᱥᱤᱱᱮᱢᱟ ᱵᱟᱫᱽ ᱠᱟᱛᱮ ᱦᱚᱸ ᱩᱱᱤ ᱵᱟᱝᱞᱟ ᱟᱨ ᱦᱤᱱᱫᱤ ᱥᱤᱱᱮᱢᱟ ᱨᱮ ᱦᱚᱸᱭ ᱠᱷᱮᱞᱚᱸᱰ ᱟᱠᱟᱫᱟ᱾[᱑]

ᱮᱛᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱤᱨᱵᱟᱦᱟ ᱦᱟᱸᱥᱫᱟ ᱟᱭᱟᱜ ᱯᱟᱴᱷᱩᱣᱟᱹ ᱡᱤᱭᱚᱱ ᱨᱮ ᱵᱷᱟᱨᱚᱛᱱᱟᱴᱴᱚᱢᱮ ᱪᱤᱫ ᱞᱮᱫᱟ᱾ ᱜᱷᱟᱴᱥᱤᱞᱟ ᱠᱚᱞᱮᱡᱽ ᱠᱷᱚᱡ ᱟᱡ ᱦᱟᱭ ᱤᱥᱠᱩᱞ ᱨᱮᱱᱟᱜ ᱚᱞ ᱯᱟᱲᱦᱟᱣᱮ ᱪᱟᱵᱟ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ ᱠᱳᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱡ ᱱᱟᱜᱟᱢ ᱥᱟᱛᱟᱢ ᱨᱮ ᱚᱱᱟᱨᱥ ᱟᱨ ᱢᱟᱥᱴᱟᱨᱥ ᱮ ᱢᱩᱪᱟᱹᱫ ᱟᱠᱟᱫᱟ᱾ ᱟᱡ ᱜᱚᱜᱚ ᱪᱩᱱᱤᱵᱟᱞᱟ ᱦᱚᱸ ᱮᱱᱮᱪ ᱥᱮᱨᱮᱧ ᱪᱮᱛᱟᱱ ᱟᱹᱰᱤᱜᱮ ᱨᱟᱹᱥᱠᱟᱹ ᱨᱚᱢᱚᱡᱮ ᱛᱟᱸᱦᱮᱸᱠᱟᱱᱟ᱾ ᱚᱱᱟᱛᱮ ᱵᱤᱨᱵᱟᱦᱟ ᱦᱚᱸ ᱮᱱᱮᱪ ᱥᱮᱨᱮᱧ ᱪᱤᱛ ᱛᱮ ᱡᱟᱸᱦᱟᱸ ᱮᱴᱠᱮ ᱴᱚᱸᱲᱮ ᱨᱮ ᱵᱟᱭ ᱯᱟᱲᱟᱣ ᱟᱠᱟᱱᱟ᱾ ᱦᱩᱰᱤᱧ ᱵᱚᱭᱚᱥ ᱠᱷᱚᱡ ᱜᱮ ᱟᱡ ᱫᱚ ᱠᱷᱮᱞᱚᱸᱰ ᱪᱤᱪᱤᱫᱮ ᱫᱷᱩᱨᱟᱹᱣ ᱞᱮᱱᱟ᱾ ᱟᱨ ᱱᱚᱝᱠᱟᱛᱮᱜᱮ ᱟᱡ ᱠᱷᱮᱞᱚᱸᱰᱟᱱᱤ ᱦᱚᱸᱭ ᱵᱮᱱᱟᱣ ᱮᱱᱟ᱾

ᱠᱟᱹᱢᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱭᱟᱜ ᱠᱟᱹᱢᱤ ᱡᱤᱭᱚᱱ ᱨᱮ ᱯᱩᱭᱞᱩ ᱫᱚ ᱥᱟᱱᱛᱟᱲᱤ ᱠᱷᱮᱞᱚᱸᱰᱤᱭᱟᱹ ᱯᱨᱮᱢ ᱢᱟᱨᱰᱤ ᱥᱟᱶᱛᱮ ᱠᱷᱮᱞᱚᱸᱰᱮ ᱮᱛᱦᱚᱵ ᱞᱮᱫᱟ᱾ ᱒᱐᱐᱘ ᱥᱮᱨᱢᱟ ᱨᱮ ᱟᱭᱟᱜ ᱯᱩᱭᱞᱩ ᱥᱤᱱᱮᱢᱟ ᱫᱚ ᱛᱚᱸᱦᱮᱸᱠᱟᱱᱟ 'ᱟᱫᱚ ᱟᱞᱚᱢ ᱟᱸᱥᱚᱜ ᱟ'᱾ ᱱᱚᱣᱟ ᱥᱤᱱᱮᱢᱟ ᱫᱟᱨᱟᱭᱛᱮ ᱟᱭᱟᱜ ᱧᱩᱛᱩᱢ ᱟᱹᱰᱤ ᱠᱟᱡᱟᱠ ᱯᱟᱥᱱᱟᱣ ᱮᱱᱟ ᱟᱨ ᱚᱱᱟ ᱠᱷᱟᱹᱛᱤᱨ ᱯᱩᱭᱞᱩ ᱫᱷᱟᱣ ᱨᱟᱹᱥᱠᱟᱹ ᱥᱤᱨᱯᱟᱹᱣ ᱧᱟᱢ ᱠᱮᱫᱟ᱾ ᱤᱱᱟᱹ ᱛᱟᱭᱚᱢ 'ᱟᱪᱪᱷᱟ ᱴᱷᱤᱠ ᱜᱮᱭᱟ', 'ᱟᱸᱥ ᱛᱟᱸᱦᱮᱸ ᱮᱱᱟ ᱟᱢᱨᱮ', 'ᱟᱢᱜᱮ ᱥᱟᱹᱨᱤ ᱫᱩᱞᱟᱹᱲᱤᱭᱟᱹ (᱒᱐᱑᱒)', 'ᱛᱚᱲᱮ ᱥᱩᱛᱟᱹᱢ (᱒᱐᱑᱓)', 'ᱡᱩᱯᱩᱨ ᱡᱩᱞᱤ', 'ᱟᱞᱚᱢ ᱨᱮᱦᱮᱧᱟᱹ ᱥᱟᱠᱚᱢ ᱥᱸᱫᱩᱨ', 'ᱡᱟᱸᱣᱟᱭ ᱚᱲᱟᱜ ᱵᱚᱸᱜᱟᱭ ᱪᱟᱯᱟᱞ ᱠᱤᱫᱤᱧ', 'ᱢᱚᱞᱚᱝ', 'ᱯᱷᱩᱞᱢᱳᱱᱤ' ᱞᱮᱠᱟᱱ ᱥᱤᱱᱮᱢᱟ ᱨᱮᱭ ᱠᱷᱮᱞᱚᱸᱰ ᱟᱠᱟᱫᱟ᱾ ᱟᱨ 'ᱟᱢᱜᱮ ᱥᱟᱹᱨᱤ ᱫᱩᱞᱟᱹᱲᱤᱭᱟᱹ (᱒᱐᱑᱒)' ᱥᱤᱱᱮᱢᱟ ᱞᱟᱹᱜᱤᱛ ᱥᱮᱨᱟ ᱠᱷᱮᱞᱚᱸᱰᱟᱹᱱᱤ ᱨᱮᱱᱟᱜ ᱥᱤᱨᱯᱟᱹ ᱦᱚᱸᱭ ᱧᱟᱢ ᱞᱮᱫᱟ᱾

ᱥᱤᱱᱮᱢᱟ ᱨᱮ ᱠᱷᱮᱞᱚᱸᱰ ᱵᱟᱫᱽ ᱠᱟᱛᱮ ᱦᱚᱸ ᱟᱡ ᱟᱭᱢᱟ ᱥᱮᱨᱮᱧ ᱨᱮᱱᱟᱜ ᱵᱷᱤᱰᱤᱳ ᱨᱮᱭ ᱠᱟᱹᱢᱤ ᱟᱠᱫᱟ᱾ ᱚᱱᱟᱠᱩ ᱵᱷᱤᱛᱨᱤᱨᱮ 'ᱮ ᱱᱟ ᱢᱚᱥᱞᱟ ᱵᱟᱦᱟ', 'ᱮ ᱰᱚᱜᱚᱨ ᱱᱟ', 'ᱪᱟᱜ ᱪᱚ ᱪᱟᱸᱫᱚ', 'ᱜᱚᱲᱟᱢ ᱥᱟᱹᱨᱤ ᱥᱟᱹᱨᱤ' ᱮᱢᱟᱱᱛᱮᱭᱟᱜ ᱢᱮᱱᱟᱜ-ᱟ᱾

ᱥᱤᱨᱯᱟᱹᱠᱩ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱨᱟᱹᱥᱠᱟᱹ ᱥᱤᱨᱯᱟᱹ᱾
  • ᱒᱐᱐᱘ ᱥᱮᱨᱢᱟ ᱠᱷᱚᱱ ᱒᱐᱑᱒ ᱥᱮᱨᱢᱟ ᱫᱷᱟᱹᱵᱤᱡ ᱥᱟᱱᱛᱟᱲᱤ ᱯᱷᱤᱞᱢ ᱯᱷᱮᱭᱟᱨ ᱥᱤᱨᱯᱟᱹ᱾
  • ᱫᱤᱞᱞᱤ ᱡᱮᱜᱮᱛᱟᱹᱨᱤᱭᱟᱹ ᱯᱷᱤᱞᱢ ᱯᱚᱨᱚᱵᱽ ᱨᱮ ᱯᱷᱩᱞᱢᱳᱱᱤ ᱥᱤᱱᱮᱢᱟ ᱑᱒᱒ ᱟᱜ ᱴᱷᱟᱶᱮ ᱧᱟᱢ ᱞᱮᱫᱟ (᱒᱐᱑᱘)᱾[᱒]
  • ᱯᱟᱹᱪᱷᱤᱢ ᱵᱟᱝᱞᱟ ᱨᱮᱱ ᱢᱩᱠᱠᱷᱳ ᱢᱳᱱᱛᱨᱤ ᱢᱚᱢᱚᱛᱟ ᱵᱚᱱᱫᱚᱯᱟᱫᱫᱷᱟᱭ ᱴᱷᱮᱱ ᱠᱷᱚᱱ ᱥᱚᱢᱵᱚᱨᱫᱷᱚᱱᱟ (᱒᱐᱑᱙)᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱯᱟᱨᱵᱳᱛᱤᱯᱩᱨ ᱨᱮ ᱥᱤᱧᱚᱛ ᱨᱮᱱ ᱠᱷᱮᱞᱚᱸᱰᱟ.ᱱᱤ, ᱡᱚᱱᱚᱠᱚᱱᱴᱷᱚ, ᱒᱕-᱐᱓-᱒᱐᱑᱘
  2. ᱵᱤᱨᱵᱟᱦᱟᱨ ᱥᱤᱱᱮᱢᱟ ᱫᱤᱞᱞᱤᱨ ᱥᱤᱱᱮᱢᱟ ᱯᱚᱨᱚᱵᱮ