ᱵᱤᱫᱽᱭᱟ ᱥᱤᱱᱦᱟ

ᱵᱤᱫᱽᱭᱟ ᱥᱤᱱᱦᱟ
ᱵᱤᱫᱽᱭᱟ ᱥᱤᱱᱦᱟ
	ᱵᱤᱫᱽᱭᱟ ᱥᱤᱱᱦᱟ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ	᱑᱕ ᱱᱚᱵᱷᱮᱢᱵᱚᱨ ᱑᱙᱔᱗; ᱵᱚᱢᱵᱮ, ᱵᱚᱢᱵᱮ ᱯᱨᱚᱣᱤᱱᱥ, ᱥᱤᱧᱚᱛ
ᱜᱩᱨ	᱑᱕ ᱚᱜᱚᱥᱴ ᱒᱐᱑᱙ (᱗᱑ ᱵᱚᱭᱚᱥ); ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ
ᱠᱟᱹᱢᱤ	ᱮᱠᱴᱨᱮᱥ
ᱠᱟᱹᱢᱤ ᱚᱠᱛᱚ	1974–1986, 2000–2019
ᱩᱥᱩᱞ	168 cm (5 ft 6 in)
ᱡᱤᱭᱚᱱ ᱥᱚᱦᱮᱫ	Venkateshwaran Iyer; (m. 1968; died 1996); Netaji Bhimrao Salunkhe; (m. 2001; div. 2009);
ᱦᱚᱯᱚᱱ	1 ᱦᱚᱯᱚᱱ ᱮᱨᱟ

ᱵᱤᱫᱽᱭᱟ ᱥᱤᱱᱦᱟ (᱑᱕ ᱱᱚᱵᱷᱮᱢᱵᱚᱨ ᱑᱙᱔᱗ – ᱑᱕ ᱚᱜᱚᱥᱴ ᱒᱐᱑᱙) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱛᱟᱦᱮᱸ ᱠᱟᱱᱟᱭ ᱡᱟᱦᱟᱸᱭ ᱫᱚ ᱦᱤᱱᱫᱤ ᱯᱷᱤᱞᱢ ᱨᱮ ᱮᱠᱴᱤᱝ ᱟᱠᱟᱫᱟᱭ, ᱵᱟᱹᱲᱛᱤ ᱠᱷᱚᱱ ᱵᱟᱹᱲᱛᱤ ᱨᱟᱡᱽᱱᱤᱜᱚᱱᱫᱷᱟ (᱑᱙᱗᱔), ᱪᱷᱳᱴᱤ ᱥᱤ ᱵᱟᱛ (᱑᱙᱗᱕) ᱟᱨ ᱯᱟᱛᱤ ᱯᱟᱛᱱᱤ ᱟᱣᱨ ᱣᱳᱦ (᱑᱙᱗᱘) ᱞᱟᱹᱜᱤᱫ ᱵᱟᱰᱟᱭᱚᱜ ᱠᱟᱱᱟᱭ᱾ ᱩᱱᱤ ᱟᱡᱟᱜ ᱠᱮᱨᱤᱭᱚᱨ ᱢᱤᱫ ᱢᱚᱰᱮᱞ ᱞᱮᱠᱟᱛᱮ ᱮᱛᱚᱦᱚᱵ ᱞᱮᱫᱟ ᱟᱨ ᱢᱤᱥ ᱵᱚᱢᱵᱮ ᱴᱟᱭᱤᱴᱮᱞ ᱮ ᱡᱤᱛᱠᱟᱹᱨ ᱞᱮᱱᱟ᱾ ᱟᱡᱟᱜ ᱯᱩᱭᱞᱩ ᱢᱩᱵᱷᱤ ᱨᱟᱡᱟ ᱠᱟᱠᱟ (᱑᱙᱗᱔) ᱠᱤᱨᱚᱱ ᱠᱩᱢᱟᱨ ᱵᱤᱨᱩᱫᱷ ᱨᱮ᱾ ᱛᱚᱵᱮ, ᱧᱩᱛᱩᱢ ᱩᱱᱤ ᱠᱟᱹᱴᱤᱡ ᱵᱚᱡᱮᱴ ᱵᱨᱮᱠᱼᱟᱣᱮ ᱦᱤᱴ ᱨᱟᱡᱽᱱᱤᱜᱚᱱᱫᱷᱟ (᱑᱙᱗᱔) ᱦᱚᱛᱮᱛᱮ ᱦᱮᱡ ᱮᱱᱟ, ᱡᱟᱦᱟᱸ ᱫᱚ ᱟᱡᱤᱡ ᱢᱮᱱᱴᱚᱨ ᱵᱟᱥᱩ ᱪᱟᱴᱟᱨᱡᱤ ᱦᱚᱛᱮᱛᱮ ᱰᱟᱭᱨᱮᱠᱴ ᱟᱠᱟᱱ ᱛᱟᱦᱮᱸᱫ᱾ ᱩᱱᱤ ᱟᱭᱢᱟ ᱯᱷᱤᱞᱢ ᱨᱮ ᱮᱠᱴᱤᱝ ᱟᱠᱟᱫᱟ ᱡᱟᱦᱟᱸ ᱛᱟᱭᱚᱢ ᱩᱱᱤ ᱡᱤᱨᱟᱹᱣ ᱮ ᱦᱟᱛᱟᱣ ᱠᱮᱫᱟ᱾ ᱛᱟᱭᱚᱢ ᱯᱟᱨᱴ ᱨᱮ ᱮᱠᱴᱤᱝ ᱨᱩᱣᱟᱹᱲ ᱠᱟᱛᱮ, ᱩᱱᱤ ᱟᱭᱢᱟ ᱴᱤᱵᱷᱤ ᱥᱤᱨᱤᱭᱟᱞ ᱟᱨ ᱥᱟᱞᱢᱟᱱ ᱠᱷᱟᱱᱟᱜ ᱢᱩᱵᱷᱤ ᱵᱚᱰᱤᱜᱟᱨᱰ (᱒᱐᱑᱑) ᱨᱮ ᱮᱠᱴᱤᱝ ᱠᱮᱫᱟ᱾

ᱮᱛᱚᱦᱚᱵ ᱡᱤᱭᱚᱱ

ᱵᱤᱫᱽᱭᱟ ᱥᱤᱱᱦᱟ ᱑᱕ ᱱᱚᱵᱷᱮᱢᱵᱚᱨ ᱑᱙᱔᱗ ᱨᱮ ᱢᱩᱢᱵᱟᱭ ᱨᱮ ᱡᱟᱱᱟᱢ ᱞᱮᱱᱟᱭ᱾ ᱟᱡᱤᱡ ᱵᱟᱵᱟ ᱯᱨᱚᱛᱟᱯ ᱮᱹ ᱨᱟᱱᱟ (ᱯᱷᱤᱞᱢ ᱧᱩᱛᱩᱢ), ᱡᱟᱦᱟᱸ ᱫᱚ ᱨᱟᱱᱟ ᱯᱨᱚᱛᱟᱯ ᱥᱤᱝ ᱦᱚᱸᱠᱚ ᱢᱮᱛᱟᱭᱟ, ᱢᱤᱫ ᱵᱷᱟᱨᱚᱛᱤᱭᱚ ᱯᱷᱤᱞᱢ ᱯᱨᱚᱰᱭᱩᱥᱚᱨ ᱮ ᱛᱟᱦᱮᱸ ᱠᱟᱱᱟ, ᱯᱷᱤᱞᱢ ᱰᱟᱭᱨᱮᱠᱴᱚᱨ ᱢᱳᱦᱟᱱ ᱥᱤᱱᱦᱟ ᱨᱮᱱ ᱠᱚᱲᱟ ᱵᱚᱦᱩᱭ ᱛᱟᱦᱮᱸ ᱠᱟᱱᱟ᱾

ᱠᱮᱨᱤᱭᱚᱨ

ᱢᱩᱵᱷᱤ

᱑᱘ ᱥᱮᱨᱢᱟ ᱩᱢᱮᱨ ᱨᱮ, ᱩᱱᱤ ᱢᱤᱫ ᱵᱤᱭᱩᱴᱤ ᱠᱳᱱᱴᱮᱥᱴ ᱨᱮ ᱵᱷᱟᱜ ᱮ ᱦᱟᱛᱟᱣ ᱞᱮᱫᱟ ᱡᱟᱦᱟᱸ ᱨᱮ ᱩᱱᱤ ᱢᱤᱥ ᱵᱚᱢᱵᱮ ᱮ ᱛᱟᱹᱜᱤ ᱞᱮᱱᱟ ᱟᱨ ᱩᱱᱤ ᱵᱷᱟᱨᱚᱛᱤᱭᱚ ᱥᱤᱱᱮᱢᱟ ᱨᱤᱱ ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱨ ᱢᱟᱦᱟᱱ ᱮᱠᱴᱨᱮᱥ ᱢᱮᱱᱛᱮ ᱠᱚ ᱵᱟᱰᱟᱭ ᱠᱟᱫᱮᱭᱟ᱾ ᱚᱱᱟ ᱛᱟᱭᱚᱢ ᱩᱱᱤ ᱟᱭᱢᱟ ᱧᱩᱛᱩᱢᱟᱱ ᱵᱨᱟᱱᱰ ᱞᱟᱹᱜᱤᱫ ᱢᱚᱰᱮᱞᱤᱝ ᱮ ᱮᱛᱚᱦᱚᱵ ᱠᱮᱫᱟ ᱟᱨ ᱵᱟᱥᱩ ᱪᱟᱴᱟᱨᱡᱤ ᱦᱚᱛᱮᱛᱮ ᱧᱟᱢ ᱮᱱᱟᱭ᱾ ᱟᱡᱟᱜ ᱯᱩᱭᱞᱩ ᱢᱩᱵᱷᱤ ᱨᱟᱡᱟ ᱠᱟᱠᱟ (᱑᱙᱗᱔) ᱠᱤᱨᱚᱱ ᱠᱩᱢᱟᱨ ᱵᱤᱨᱩᱫᱷ ᱨᱮ᱾ ᱛᱚᱵᱮ, ᱧᱩᱛᱩᱢ ᱩᱱᱤ ᱠᱟᱹᱴᱤᱡ ᱵᱚᱡᱮᱴ ᱵᱨᱮᱠᱼᱟᱣᱮ ᱦᱤᱴ ᱨᱟᱡᱽᱱᱤᱜᱚᱱᱫᱷᱟ (᱑᱙᱗᱔) ᱦᱚᱛᱮᱛᱮ ᱦᱮᱡ ᱮᱱᱟ, ᱡᱟᱦᱟᱸ ᱫᱚ ᱪᱟᱴᱟᱨᱡᱤ ᱦᱚᱛᱮᱛᱮ ᱰᱟᱭᱨᱮᱠᱴ ᱟᱠᱟᱱ ᱛᱟᱦᱮᱸᱫ᱾ ᱢᱩᱵᱷᱤ, ᱴᱤᱯᱤᱠᱟᱞ ᱵᱚᱞᱚᱠᱵᱚᱥᱴᱚᱨ ᱞᱮᱠᱟᱱ ᱚᱠᱚᱭ ᱦᱚᱸ ᱵᱤᱱᱟᱹ ᱥᱟᱡᱟᱣ ᱟᱹᱱᱤᱡ ᱥᱟᱶ, ᱢᱤᱫ ᱢᱟᱡᱚᱨ ᱵᱚᱠᱥ ᱚᱯᱷᱤᱥ ᱥᱟᱠᱥᱮᱥ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱛᱟᱭᱚᱢ ᱟᱨ ᱢᱤᱫ ᱦᱤᱴ ᱦᱮᱡ ᱮᱱᱟ, ᱪᱷᱳᱴᱤ ᱥᱤ ᱵᱟᱛ (᱑᱙᱗᱕), ᱵᱟᱹᱲᱛᱤ ᱵᱚᱡᱮᱴ ᱥᱟᱶ ᱢᱮᱱᱥᱴᱨᱤᱢ ᱯᱨᱳᱰᱟᱠᱥᱚᱱ ᱨᱮ ᱮᱠᱴᱤᱝ ᱞᱟᱹᱜᱤᱫ ᱰᱟᱦᱟᱨ ᱮ ᱵᱮᱱᱟᱣ ᱠᱮᱫᱟ – ᱠᱚᱨᱢ (᱑᱙᱗᱗) ᱨᱟᱡᱮᱥ ᱠᱷᱟᱱᱱᱟ ᱟᱨ ᱥᱟᱵᱟᱱᱟ ᱟᱡᱽᱢᱤ ᱥᱟᱶ, ᱢᱩᱠᱛᱤ (᱑᱙᱗᱗) ᱥᱟᱧᱡᱤᱵ ᱠᱩᱢᱟᱨ ᱟᱨ ᱥᱟᱥᱤ ᱠᱟᱯᱩᱨ ᱥᱟᱶ, ᱤᱱᱠᱟᱨ (᱑᱙᱗᱗) ᱵᱤᱱᱳᱫ ᱠᱷᱟᱱᱱᱟ ᱥᱟᱶ, ᱯᱟᱛᱤ ᱯᱟᱛᱱᱤ ᱟᱣᱨ ᱣᱳᱦ (᱑᱙᱗᱘) ᱥᱟᱧᱡᱤᱵ ᱠᱩᱢᱟᱨ ᱟᱨ ᱨᱟᱱᱡᱤᱛᱟ ᱠᱳᱨ ᱥᱟᱶ, ᱜᱩᱞᱡᱟᱨᱟᱜ ᱠᱤᱛᱟᱵ (᱑᱙᱗᱗), ᱥᱟᱵᱩᱛ (᱑᱙᱗᱙), ᱟᱨ ᱢᱤᱨᱟ (᱑᱙᱗᱙)᱾ ᱵᱤᱫᱽᱭᱟ ᱑᱐ ᱥᱮᱨᱢᱟ ᱚᱠᱛᱚ ᱨᱮ ᱓᱐ ᱜᱚᱴᱟᱝ ᱢᱩᱵᱷᱤ ᱨᱮ ᱮᱠᱴᱤᱝ ᱠᱮᱫᱟ᱾ ᱨᱟᱡᱽ ᱥᱤᱯᱯᱤ ᱰᱟᱭᱨᱮᱠᱴ ᱟᱠᱟᱫ ᱡᱳᱥ (᱑᱙᱘᱑) ᱨᱮ, ᱩᱱᱤ ᱟᱡᱟᱜ ᱢᱤᱫ ᱱᱮᱜᱮᱴᱤᱵᱽ ᱨᱳᱞ ᱮ ᱠᱟᱹᱢᱤ ᱠᱮᱫᱟ; ᱢᱤᱫ ᱜᱮᱝᱥᱴᱟᱨ ᱵᱷᱤᱠᱟᱨᱤ ᱠᱷᱚᱱ ᱠᱚᱭᱮᱱ ᱮ ᱠᱩᱢᱵᱽᱲᱩᱭᱟ᱾ ᱚᱱᱟ ᱥᱮᱨᱢᱟ ᱩᱱᱤ ᱨᱳᱢᱟᱱᱴᱤᱠ ᱯᱷᱤᱞᱢ ᱞᱚᱵᱽ ᱥᱴᱳᱨᱤ ᱨᱮ ᱵᱤᱡᱮᱛᱟ ᱯᱟᱱᱰᱤᱛ ᱤᱡ ᱟᱭᱳ ᱦᱚᱸᱭ ᱠᱟᱹᱢᱤ ᱠᱮᱫᱟ, ᱨᱟᱡᱮᱱᱫᱽᱨᱚ ᱠᱩᱢᱟᱨ ᱟᱨ ᱰᱮᱱᱱᱤ ᱵᱤᱨᱩᱫᱷ ᱨᱮ᱾

ᱟᱣᱥᱴᱨᱮᱞᱤᱭᱟ ᱨᱮ ᱠᱤᱪᱷᱩ ᱥᱮᱨᱢᱟ ᱛᱟᱭᱚᱢ, ᱵᱤᱫᱽᱭᱟ ᱵᱷᱟᱨᱚᱛ ᱨᱩᱣᱟᱹᱲ ᱦᱮᱡ ᱮᱱᱟ ᱟᱨ ᱴᱮᱞᱤᱵᱤᱡᱚᱱ ᱥᱤᱨᱤᱭᱟᱞ ᱨᱮ ᱮᱠᱴᱤᱝ ᱮ ᱮᱛᱚᱦᱚᱵ ᱠᱮᱫᱟ᱾ ᱥᱟᱞᱢᱟᱱ ᱠᱷᱟᱱᱟᱜ ᱵᱚᱰᱤᱜᱟᱨᱰ (᱒᱐᱑᱑), ᱒᱕ ᱥᱮᱨᱢᱟ ᱛᱟᱭᱚᱢ ᱟᱡᱟᱜ ᱯᱷᱤᱞᱢ, ᱟᱡᱟᱜ ᱢᱩᱪᱟᱹᱫ ᱯᱷᱤᱞᱢ ᱦᱚᱸ ᱛᱟᱦᱮᱸ ᱠᱟᱱᱟ᱾

ᱴᱮᱞᱤᱵᱤᱡᱚᱱ

ᱵᱤᱫᱽᱭᱟ ᱥᱤᱱᱦᱟ ᱴᱤᱵᱷᱤ ᱥᱤᱨᱤᱭᱟᱞ ᱡᱮᱞᱮᱠᱟ ᱵᱟᱦᱩ ᱨᱟᱱᱤ (᱒᱐᱐᱐), ᱦᱟᱢ ᱫᱳ ᱦᱟᱭᱱ ᱱᱟ, ᱵᱷᱟᱵᱷᱤ ᱟᱨ ᱠᱠᱟᱵᱽᱭᱟᱸᱡᱟᱞᱤ (᱒᱐᱐᱔) ᱨᱮ ᱮᱠᱴᱤᱝ ᱠᱮᱫᱟ᱾ ᱒᱐᱑᱑ ᱨᱮ ᱩᱱᱤ ᱮᱱᱹᱰᱤᱹᱴᱤᱹᱵᱷᱤᱹ ᱤᱢᱮᱡᱤᱱ ᱥᱤᱨᱤᱭᱟᱞ ᱦᱟᱨ ᱡᱤᱛ ᱨᱮ ᱧᱮᱞ ᱮᱱᱟᱭ᱾ ᱩᱱᱤ ᱡᱤ ᱴᱤᱵᱷᱤ ᱥᱳ ᱨᱮ ᱟᱥᱟᱫ ᱟᱨ ᱟᱭᱟᱱ ᱨᱤᱱ ᱜᱚᱲᱚᱢ ᱟᱭᱳ, ᱵᱟᱰᱤ ᱵᱤ ᱟᱜ ᱨᱳᱞ ᱮ ᱠᱟᱹᱢᱤ ᱠᱮᱫᱟ, ᱠᱩᱵᱩᱞ ᱦᱟᱭ᱾ ᱩᱱᱤ ᱤᱛᱛᱤ ᱥᱤ ᱠᱷᱩᱥᱤ ᱨᱮ ᱱᱮᱦᱟ ᱨᱤᱱ ᱜᱚᱲᱚᱢ ᱟᱭᱳ ᱞᱮᱠᱟᱛᱮ ᱦᱚᱸ ᱧᱮᱞ ᱞᱮᱱᱟᱭ, ᱪᱟᱸᱫᱽᱨᱟ ᱱᱟᱱᱫᱤᱱᱤ ᱨᱮ ᱪᱟᱸᱫᱽᱨᱟᱜᱩᱯᱛ ᱨᱤᱱ ᱜᱚᱲᱚᱢ ᱟᱭᱳ ᱞᱮᱠᱟᱛᱮ ᱟᱨ ᱠᱩᱞᱯᱷᱤ ᱠᱩᱢᱟᱨ ᱵᱟᱡᱮᱣᱟᱞᱟ ᱨᱮ ᱠᱩᱞᱯᱷᱤ ᱨᱤᱱ ᱜᱚᱲᱚᱢ ᱟᱭᱳ ᱞᱮᱠᱟᱛᱮ᱾

ᱥᱟᱹᱠᱷᱭᱟᱹᱛ

ᱵᱟᱦᱨᱮ ᱡᱚᱱᱚᱲ

ᱵᱤᱫᱽᱭᱟ ᱥᱤᱱᱦᱟ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
Archived pictures of Vidya Sinha at The Indian Express