ᱵᱤᱬᱟ (ᱮᱠᱴᱨᱮᱥ)

ᱵᱤᱬᱟ (ᱡᱟᱱᱟᱢ ᱛᱟᱡᱳᱨ ᱥᱩᱞᱛᱟᱱᱟ; ᱔ ᱡᱩᱞᱟᱭ ᱑᱙᱒᱖ – ᱑᱔ ᱱᱚᱵᱷᱮᱢᱵᱚᱨ ᱒᱐᱐᱔), ᱵᱤᱬᱟ ᱠᱩᱢᱟᱨᱤ ᱧᱩᱛᱩᱢ ᱛᱮᱦᱚᱸ ᱵᱟᱰᱟᱭᱚᱜ ᱠᱟᱱᱟ, ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱮ ᱛᱟᱦᱮᱸ ᱠᱟᱱᱟ᱾

ᱮᱛᱚᱦᱚᱵ ᱡᱤᱭᱚᱱ ᱟᱨ ᱵᱮᱠᱜᱨᱟᱣᱩᱱᱰ ᱵᱤᱬᱟ ᱫᱚ ᱔ ᱡᱩᱞᱟᱭ ᱑᱙᱒᱖ ᱨᱮ ᱵᱨᱤᱴᱤᱥ ᱤᱱᱰᱤᱭᱟ ᱨᱮᱱᱟᱜ ᱠᱩᱭᱮᱴᱴᱟ, ᱵᱟᱞᱩᱪᱤᱥᱛᱟᱱ ᱮᱡᱮᱱᱥᱤ ᱨᱮ ᱛᱟᱡᱳᱨ ᱥᱩᱞᱛᱟᱱᱟ ᱞᱮᱠᱟᱛᱮ ᱡᱟᱱᱟᱢ ᱞᱮᱱᱟᱭ᱾ ᱚᱠᱛᱚ ᱨᱮᱱᱟᱜ ᱠᱤᱪᱷᱩ ᱴᱚᱴᱷᱟ ᱨᱮ, ᱟᱡᱟᱜ ᱜᱷᱟᱨᱚᱸᱡᱽ ᱞᱟᱦᱳᱨ ᱨᱮ ᱩᱪᱟᱹᱲ ᱮᱱᱟ ᱟᱨ ᱩᱱᱠᱩ ᱞᱟᱦᱳᱨ ᱨᱮ ᱠᱚ ᱛᱟᱦᱮᱸ ᱮᱱᱟ᱾

ᱩᱱᱤ ᱯᱷᱤᱞᱢ ᱮᱠᱴᱚᱨ-ᱦᱤᱨᱳ ᱟᱞ ᱱᱟᱥᱤᱨ ᱥᱟᱶ ᱑᱙᱔᱗ ᱨᱮ ᱡᱩᱱᱟᱜᱟᱲ ᱨᱮ ᱵᱟᱯᱞᱟ ᱮᱱᱟ ᱟᱨ ᱩᱱᱤ ᱥᱟᱶ ᱵᱟᱨᱭᱟ ᱜᱤᱫᱽᱨᱟᱹ ᱠᱚ ᱛᱟᱦᱮᱸ ᱠᱟᱱᱟ᱾ ᱟᱞ ᱱᱟᱥᱤᱨ ᱵᱷᱳᱯᱟᱞ ᱨᱮ ᱢᱤᱫ ᱨᱳᱭᱟᱞ ᱜᱷᱟᱨᱚᱸᱡᱽ ᱠᱷᱚᱱ ᱮ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤ ᱫᱚ ᱯᱩᱭᱞᱩ ᱮᱠᱴᱨᱮᱥ ᱢᱤᱱᱟ ᱥᱳᱨᱮ ᱟᱨ ᱛᱟᱭᱚᱢ ᱛᱮ ᱢᱚᱱᱳᱨᱟᱢᱟ ᱥᱟᱶ ᱯᱩᱭᱞᱩ ᱠᱷᱚᱱ ᱜᱮ ᱵᱟᱯᱞᱟ ᱟᱠᱟᱱ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱠᱩ ᱵᱟᱱᱟᱨ ᱠᱤᱪᱷᱩ ᱯᱷᱤᱞᱢ ᱨᱮ ᱥᱟᱶᱛᱮ ᱠᱟᱹᱢᱤ ᱠᱮᱫᱟ ᱢᱮᱱᱠᱷᱟᱱ ᱩᱱᱠᱩᱣᱟᱜ ᱯᱷᱤᱞᱢ ᱫᱚ ᱵᱚᱠᱥ-ᱚᱯᱷᱤᱥ ᱨᱮ ᱯᱷᱞᱳᱯ ᱮᱱᱟ᱾ ᱟᱞ ᱱᱟᱥᱤᱨ ᱫᱚ ᱑᱙᱕᱗ ᱨᱮ ᱴᱮᱴᱟᱱᱟᱥ ᱠᱷᱟᱹᱛᱤᱨ ᱛᱮ ᱜᱩᱨ ᱮᱱᱟ᱾

ᱠᱟᱹᱢᱤ

ᱵᱤᱬᱟ ᱫᱚ ᱯᱨᱤ-ᱯᱟᱨᱴᱤᱥᱚᱱ ᱯᱷᱤᱞᱢ ᱨᱮ ᱦᱤᱨᱳᱭᱤᱱ ᱨᱳᱞ ᱯᱞᱮ ᱠᱟᱛᱮ ᱮᱦᱚᱵ ᱞᱮᱫᱟ᱾ ᱩᱱᱤ ᱑᱖ ᱥᱮᱨᱢᱟ ᱜᱟᱱ ᱩᱢᱮᱨ ᱨᱮ ᱜᱟᱨᱤᱵᱽ ᱟᱨ ᱜᱟᱣᱟᱸᱫᱷᱤ (᱑᱙᱔᱒) ᱥᱟᱶ ᱟᱡᱟᱜ ᱰᱮᱵᱭᱩ ᱵᱮᱱᱟᱣ ᱠᱮᱫᱟ᱾ ᱜᱟᱨᱤᱵᱽ ᱫᱚ ᱩᱨᱫᱩ ᱨᱮ ᱵᱮᱱᱟᱣ ᱟᱠᱟᱱ ᱛᱟᱦᱮᱸᱱᱟ ᱟᱨ ᱜᱟᱣᱟᱸᱫᱷᱤ ᱫᱚ ᱯᱟᱧᱡᱟᱵᱤ ᱨᱮ ᱢᱮᱦᱵᱩᱵ ᱠᱷᱟᱱ ᱫᱟᱨᱟᱭ ᱛᱮ ᱰᱤᱨᱮᱠᱴ ᱟᱠᱟᱱ ᱛᱟᱦᱮᱸᱱᱟ᱾ ᱜᱟᱨᱤᱵᱽ ᱨᱮ, ᱩᱱᱤ ᱞᱟᱛᱟ ᱭᱟᱜ ᱨᱳᱞ ᱯᱞᱮ ᱠᱮᱫᱟ ᱟᱨ ᱜᱟᱣᱟᱸᱫᱷᱤ ᱨᱮ ᱩᱱᱤ ᱥᱭᱟᱢ ᱵᱤᱨᱩᱫᱷ ᱦᱤᱨᱳᱭᱤᱱ ᱯᱞᱮ ᱠᱮᱫᱟ, ᱚᱠᱚᱭ ᱫᱚ ᱦᱤᱨᱳ ᱯᱞᱮ ᱞᱮᱫᱟ᱾ ᱩᱱᱤ ᱯᱨᱤ-ᱯᱟᱨᱴᱤᱥᱚᱱ ᱦᱤᱱᱫᱤ ᱟᱨ ᱩᱨᱫᱩ ᱯᱷᱤᱞᱢ ᱨᱮ ᱟᱡᱟᱜ ᱨᱳᱞ ᱞᱟᱹᱜᱤᱫ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱱᱟ᱾ ᱯᱷᱤᱞᱢ ᱨᱮ ᱟᱡᱟᱜ ᱮᱛᱚᱦᱚᱵ ᱥᱮᱨᱢᱟ ᱱᱟᱡᱢᱟ (᱑᱙᱔᱓), ᱯᱷᱩᱞ (᱑᱙᱔᱕) ᱟᱨ ᱦᱩᱢᱟᱭᱩᱱ (᱑᱙᱔᱕) ᱞᱮᱠᱟᱱ ᱯᱷᱤᱞᱢ ᱥᱟᱶ ᱦᱮᱡ ᱞᱮᱱᱟ᱾ ᱵᱷᱟᱨᱚᱛ ᱨᱮᱱᱟᱜ ᱵᱷᱟᱜᱽᱵᱟᱸᱴᱷ ᱢᱟᱲᱟᱝ ᱨᱮ ᱟᱡᱟᱜ ᱢᱩᱪᱟᱹᱫ ᱯᱷᱤᱞᱢ ᱨᱟᱡᱽᱯᱩᱛᱟᱱᱤ (᱑᱙᱔᱖) ᱛᱟᱦᱮᱸ ᱠᱟᱱᱟ, ᱚᱠᱟ ᱨᱮ ᱩᱱᱤ ᱢᱤᱫ ᱥᱚᱯᱳᱨᱴᱤᱝ ᱨᱳᱞ ᱯᱞᱮ ᱞᱮᱫᱟ᱾ ᱩᱱᱤ ᱑᱙᱔᱗ ᱨᱮ ᱵᱷᱟᱜᱽᱵᱟᱸᱴᱷ ᱛᱟᱭᱚᱢ ᱵᱷᱟᱨᱚᱛ ᱨᱮ ᱛᱟᱦᱮᱸᱱ ᱨᱮᱱᱟᱜ ᱵᱤᱪᱟᱹᱨ ᱠᱮᱫᱟ ᱟᱨ ᱑᱙᱔᱐ ᱨᱮᱱᱟᱜ ᱛᱟᱞᱟ-ᱠᱷᱚᱱ-ᱢᱩᱪᱟᱹᱫ, ᱑᱙᱕᱐, ᱑᱙᱖᱐, ᱑᱙᱗᱐ ᱟᱨ ᱑᱙᱘᱐ ᱨᱮᱱᱟᱜ ᱮᱛᱚᱦᱚᱵ ᱨᱮ ᱮᱠᱴᱤᱝ ᱠᱮᱫᱟ᱾ ᱩᱱᱤ ᱦᱟᱞᱟᱠᱩ (᱑᱙᱕᱖), ᱪᱟᱞᱛᱤ ᱠᱟ ᱱᱟᱟᱢ ᱜᱟᱟᱰᱤ (᱑᱙᱕᱘), ᱠᱟᱟᱜᱟᱡ ᱠᱮ ᱯᱷᱩᱞ (᱑᱙᱕᱙), ᱛᱟᱟᱡ ᱢᱟᱦᱟᱞ (᱑᱙᱖᱓), ᱫᱳ ᱨᱟᱥᱛᱮ (᱑᱙᱖᱙) ᱟᱨ ᱯᱟᱠᱤᱡᱟᱦ (᱑᱙᱗᱒) ᱞᱮᱠᱟᱱ ᱢᱟᱨᱟᱝ ᱯᱨᱳᱰᱟᱠᱥᱚᱱ ᱨᱮ ᱨᱳᱞ ᱯᱞᱮ ᱠᱮᱫᱟ᱾ ᱩᱱᱤ ᱑᱙᱘᱓ ᱨᱮ ᱨᱟᱡᱤᱭᱟ ᱥᱩᱞᱛᱟᱱ (᱑᱙᱘᱓) ᱨᱤᱞᱤᱡᱽ ᱛᱟᱭᱚᱢ ᱨᱤᱴᱟᱭᱟᱨ ᱮᱱᱟ ᱚᱠᱟ ᱨᱮ ᱩᱱᱤ ᱮᱢᱯᱨᱮᱥ ᱥᱟᱟᱦ ᱛᱩᱨᱠᱷᱟᱱ ᱮ ᱯᱞᱮ ᱠᱮᱫᱟ᱾

ᱜᱩᱨ

ᱵᱤᱬᱟ ᱫᱚ ᱑᱔ ᱱᱚᱵᱷᱮᱢᱵᱚᱨ ᱒᱐᱐᱔ ᱨᱮ ᱒᱑ ᱥᱮᱨᱢᱟ ᱨᱤᱴᱟᱭᱚᱨᱢᱮᱱᱴ ᱛᱟᱭᱚᱢ ᱵᱳᱢᱵᱮ ᱨᱮ ᱜᱩᱨ ᱮᱱᱟ ᱡᱚᱠᱷᱚᱱ ᱩᱱᱤ ᱗᱘ ᱵᱚᱪᱷᱚᱨ ᱩᱢᱮᱨ ᱛᱟᱦᱮᱸ ᱠᱟᱱ ᱛᱟᱭᱟ ᱢᱤᱫ ᱡᱤᱞᱤᱧ ᱵᱮᱢᱟᱨ ᱠᱷᱚᱱ ᱡᱷᱚᱞᱟᱣ ᱠᱟᱛᱮ᱾ ᱩᱱᱤ ᱔᱑ ᱥᱮᱨᱢᱟ (᱑᱙᱔᱒ – ᱑᱙᱘᱓) ᱯᱟᱥᱱᱟᱣ ᱟᱠᱟᱱ ᱠᱟᱹᱢᱤ ᱨᱮ ᱗᱐ ᱠᱷᱚᱱ ᱵᱟᱹᱲᱛᱤ ᱯᱷᱤᱪᱟᱨ ᱯᱷᱤᱞᱢ ᱨᱮ ᱩᱯᱥᱛᱤᱛ ᱞᱮᱱ ᱛᱟᱦᱮᱸᱱᱟ᱾