ᱵᱤᱱᱟ ᱥᱮᱴ ᱞᱟᱥᱠᱟᱨᱤ
ᱵᱤᱱᱟ ᱥᱮᱴ ᱞᱟᱥᱠᱟᱨᱤ (ᱡᱟᱱᱟᱢ) ᱫᱚ ᱥᱤᱧᱚᱛ ᱨᱮ ᱫᱩᱣᱟᱹᱨ ᱥᱟᱢᱟᱝ ᱟᱥᱲᱟ ᱨᱤᱱᱤᱡ ᱛᱷᱟᱯᱚᱱᱤᱭᱟᱹ ᱠᱟᱱᱟᱭ ᱾ ᱓᱐ ᱥᱮᱨᱢᱟ ᱠᱷᱚᱱ ᱵᱟᱹᱲᱛᱤ ᱚᱠᱛᱚ ᱨᱮ ᱩᱱᱤ ᱢᱩᱢᱵᱟᱭ ᱨᱮ ᱑᱐᱐,᱐᱐᱐ ᱜᱤᱫᱽᱨᱟᱹ ᱠᱚ ᱥᱮᱪᱮᱫ ᱥᱟᱯᱲᱟᱣ ᱨᱮ ᱜᱚᱲᱚ ᱮᱢ ᱟᱠᱟᱫᱟ ᱾ ᱒᱐᱑᱓ ᱨᱮ ᱩᱱᱤ ᱥᱛᱨᱤ ᱥᱟᱠᱛᱤ ᱯᱩᱨᱚᱥᱠᱟᱨ ᱮ ᱧᱟᱢ ᱠᱮᱫᱟ ᱾
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱞᱟᱥᱠᱟᱨᱤ ᱫᱚ ᱜᱤᱫᱽᱨᱟᱹ ᱢᱚᱱᱮ ᱥᱟᱬᱮᱥ ᱨᱮ ᱟᱡᱟᱜ ᱯᱩᱭᱞᱩ ᱰᱤᱜᱽᱨᱤ ᱮ ᱦᱟᱛᱟᱣ ᱠᱮᱫᱟ ᱾
ᱩᱱᱤ ᱑᱙᱘᱘ ᱨᱮ ᱠᱳᱞᱟᱵᱟ ᱨᱮ ᱠᱩᱯᱷᱮ ᱯᱟᱨᱮᱰ ᱨᱮ ᱟᱡᱟᱜ ᱯᱩᱭᱞᱩ ᱟᱥᱲᱟ ᱛᱷᱟᱯᱚᱱ ᱚᱠᱛᱚ ᱠᱟᱹᱢᱤ ᱮ ᱮᱛᱚᱦᱚᱵ ᱠᱮᱫᱟ ᱾ ᱚᱱᱟ ᱚᱠᱛᱚ ᱨᱮ ᱡᱷᱩᱜᱽᱜᱤ ᱡᱷᱚᱯᱲᱤ ᱨᱮᱱ ᱜᱤᱫᱽᱨᱟᱹ ᱫᱚ ᱠᱷᱟᱹᱞᱤ ᱠᱤᱥᱟᱬ ᱜᱤᱫᱽᱨᱟᱹ ᱵᱮᱥ ᱟᱥᱲᱟ ᱨᱮ ᱥᱮᱱᱚᱜ ᱠᱟᱱ ᱠᱚ ᱛᱟᱦᱮᱸᱱᱟ ᱚᱱᱟ ᱜᱮ ᱠᱚ ᱧᱮᱞ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱱᱟ ᱾ ᱩᱱᱤ ᱮᱛᱚᱦᱚᱵ ᱨᱮ ᱒᱕ ᱜᱤᱫᱽᱨᱟᱹ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱩ ᱨᱤᱱ ᱵᱟᱱᱡᱟᱨᱟ ᱟᱭᱳ ᱵᱟᱵᱟ ᱠᱚ ᱠᱚᱢ ᱠᱟᱹᱣᱰᱤ ᱨᱮ ᱢᱟᱹᱪᱷᱤ ᱜᱷᱟᱣ ᱨᱮ ᱠᱟᱹᱢᱤ ᱮᱫ ᱛᱟᱦᱮᱸᱱᱟ ᱾ ᱩᱱᱤ ᱥᱟᱶᱛᱟ ᱠᱟᱹᱢᱤ ᱨᱮ ᱟᱡᱟᱜ ᱢᱟᱥᱴᱟᱨ ᱰᱤᱜᱽᱨᱤ ᱮᱢ ᱚᱠᱛᱚ ᱨᱮ ᱱᱚᱣᱟ ᱵᱤᱪᱟᱹᱨ ᱞᱟᱹᱜᱤᱫ ᱮ ᱩᱫᱽᱜᱟᱹᱣ ᱞᱮᱱ ᱛᱟᱦᱮᱸᱱᱟ ᱾ ᱩᱱᱤ ᱴᱚᱴᱷᱟᱠᱤᱭᱟᱹ ᱟᱥᱲᱟ ᱮ ᱥᱟᱸᱜᱷᱟᱨ ᱠᱮᱫᱟ ᱟᱨ ᱩᱱᱤ ᱵᱟᱰᱟᱭ ᱠᱟᱛᱮ ᱟᱹᱰᱤ ᱟᱥᱪᱟᱨᱭᱟ ᱮᱱᱟᱭ ᱡᱮ ᱜᱤᱫᱽᱨᱟᱹ ᱠᱚ ᱯᱮ ᱥᱮ ᱯᱩᱱ ᱥᱮᱨᱢᱟ ᱛᱟᱭᱚᱢ ᱠᱚ ᱵᱟᱹᱜᱤᱭᱟ ᱾ ᱜᱤᱫᱽᱨᱟᱹ ᱨᱤᱱ ᱟᱭᱳ ᱵᱟᱵᱟ ᱥᱟᱸᱜᱷᱟᱨ ᱠᱟᱛᱮ ᱩᱱᱤ ᱧᱟᱢ ᱠᱮᱫᱟ ᱡᱮ ᱜᱤᱫᱽᱨᱟᱹ ᱠᱚ ᱟᱠᱚᱣᱟᱜ ᱜᱷᱟᱨᱚᱸᱡᱽ ᱠᱟᱹᱣᱰᱤ ᱠᱟᱢᱟᱣ ᱨᱮ ᱯᱟᱴ ᱮᱢ ᱞᱟᱹᱜᱤᱫ ᱱᱤᱥᱪᱤᱛ ᱨᱩᱯ ᱛᱮ ᱢᱮᱱᱟᱜ ᱠᱚᱣᱟ ᱾ ᱡᱩᱫᱤ ᱜᱷᱟᱨᱚᱸᱡᱽ ᱡᱤᱣᱟᱹᱫ ᱠᱚᱜ ᱨᱮ ᱛᱟᱦᱮᱸᱱᱟ ᱮᱱᱠᱷᱟᱱ ᱩᱱᱠᱩ ᱥᱟᱞᱟᱜ ᱟᱲᱟᱜ ᱵᱟᱝ ᱠᱚ ᱧᱟᱢ ᱫᱟᱲᱮᱭᱟᱜᱼᱟ ᱾ ᱨᱟᱡᱟᱱᱤ ᱯᱟᱨᱟᱧᱡᱯᱮ ᱨᱮᱱᱟᱜ ᱜᱚᱲᱚ ᱥᱟᱶ ᱩᱱᱤ ᱢᱤᱫ ᱟᱥᱲᱟ ᱮ ᱮᱛᱚᱦᱚᱵ ᱠᱮᱫᱟ ᱡᱟᱦᱟᱸ ᱫᱚ ᱩᱱᱠᱩᱣᱟᱜ ᱫᱩᱣᱟᱹᱨ ᱥᱟᱢᱟᱝ ᱨᱮ ᱦᱩᱭ ᱫᱟᱲᱮᱭᱟᱜᱼᱟ ᱾
,_at_the_presentation_of_Stree_Shakti_Puraskar_2013_on_the_occasion_of_International_Women%E2%80%99s_Day,_at_Rashtrapati_Bhavan.jpg)
᱒᱐᱑᱓ ᱨᱮ ᱡᱮᱜᱮᱛ ᱛᱤᱨᱞᱟᱹ ᱫᱤᱱ ᱨᱮ ᱵᱷᱟᱨᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱯᱨᱟᱬᱚᱵ ᱢᱩᱠᱷᱟᱨᱡᱤ ᱩᱱᱤ ᱥᱛᱨᱤ ᱥᱟᱠᱛᱤ ᱯᱩᱨᱚᱥᱠᱟᱨ ᱮ ᱮᱢ ᱟᱫᱮᱭᱟ ᱾ ᱱᱚᱣᱟ ᱟᱣᱟᱨᱰ ᱱᱟᱣᱟ ᱫᱤᱞᱞᱤ ᱨᱮ ᱯᱨᱮᱥᱤᱰᱮᱱᱴᱤᱭᱟᱞ ᱢᱟᱦᱟᱞ - ᱨᱟᱥᱴᱨᱚᱯᱚᱛᱤ ᱵᱷᱚᱵᱚᱱ ᱨᱮ ᱵᱮᱱᱟᱣ ᱟᱠᱟᱱ ᱛᱩᱨᱩᱭ ᱜᱚᱴᱟᱝ ᱨᱮ ᱢᱤᱫ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱥᱮᱪᱮᱫ ᱟᱨ ᱴᱨᱮᱱᱤᱝ ᱨᱮ ᱠᱟᱹᱢᱤ ᱞᱟᱹᱜᱤᱫ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱦᱚᱛᱮᱛᱮ ᱱᱟᱢᱤᱛ ᱦᱩᱭ ᱞᱮᱱ ᱛᱟᱦᱮᱸᱱᱟ ᱾[᱑]
᱒᱐᱑᱖ ᱨᱮ ᱰᱭᱩᱠ ᱟᱨ ᱰᱟᱪᱮᱥ ᱚᱯᱷ ᱠᱮᱢᱵᱨᱤᱡᱽ ᱢᱩᱢᱵᱟᱭ ᱨᱮ ᱩᱱᱤ ᱠᱤᱱ ᱥᱟᱸᱜᱷᱟᱨ ᱠᱮᱫᱮᱭᱟ ᱾ ᱚᱱᱟ ᱥᱮᱨᱢᱟ ᱟᱥᱲᱟ ᱨᱮᱱᱟᱜ ᱠᱮᱢᱯᱮᱭᱤᱱ ᱟᱠᱚᱣᱟᱜ ᱥᱤᱠᱷᱱᱟᱹᱛᱷᱤᱭᱟᱹ ᱛᱟᱭᱚᱢ ᱜᱟᱞᱤ ᱠᱚ ᱧᱩᱛᱩᱢ ᱮᱢ ᱥᱮᱴᱮᱨ ᱠᱮᱫᱟ ᱾ ᱢᱩᱢᱵᱟᱭ ᱨᱮᱱᱟᱜ ᱯᱮ ᱴᱚᱴᱷᱟ ᱨᱮ ᱩᱢᱟᱹᱭᱫᱤᱛ ᱥᱮᱭᱞᱳᱢᱟ ᱠᱚ ᱧᱩᱛᱩᱢ ᱟᱠᱚᱣᱟᱜ ᱵᱤᱫᱽᱭᱟᱹᱨᱛᱷᱤ ᱛᱟᱭᱚᱢ ᱮᱢ ᱦᱩᱭ ᱞᱮᱱ ᱛᱟᱦᱮᱸᱱᱟ ᱾ ᱡᱚᱥ ᱮᱴᱟᱜ ᱵᱤᱫᱽᱭᱟᱹᱨᱛᱷᱤ ᱠᱚ ᱥᱮᱪᱮᱫ ᱟᱨ ᱡᱩᱥᱛᱩᱡᱩ ᱧᱟᱢ ᱞᱟᱹᱜᱤᱫ ᱩᱫᱽᱜᱟᱹᱣ ᱮᱢ ᱠᱟᱱᱟ ᱾[᱒]
᱒᱐᱑᱙ ᱨᱮ ᱯᱟᱨᱤᱭᱳᱜ ᱦᱩᱭ ᱞᱮᱱ ᱛᱟᱦᱮᱸᱱ ᱡᱮ ᱓᱑ ᱥᱮᱨᱢᱟ ᱪᱮᱛᱟᱱ ᱫᱷᱟᱹᱵᱤᱡ ᱩᱱᱤ ᱢᱩᱢᱵᱟᱭ ᱨᱮ ᱑᱐᱐,᱐᱐᱐ ᱜᱤᱫᱽᱨᱟᱹ ᱠᱚ ᱥᱮᱪᱮᱫ ᱥᱟᱯᱲᱟᱣ ᱨᱮ ᱜᱚᱲᱚᱭ ᱮᱢ ᱟᱠᱟᱫᱟ ᱾ ᱚᱱᱟ ᱚᱠᱛᱚ ᱫᱷᱟᱹᱵᱤᱡ ᱟᱥᱲᱟ ᱵᱷᱤᱛᱨᱤ ᱠᱷᱚᱱ ᱥᱟᱱᱟᱢ ᱨᱮᱭᱟᱜ ᱥᱟᱢᱟᱱ ᱥᱟᱶ ᱮᱭᱟᱭ ᱦᱟᱹᱞᱫᱤ ᱟᱥᱲᱟ ᱵᱟᱥ ᱛᱟᱦᱮᱸ ᱠᱟᱱᱟ ᱾ ᱩᱱᱠᱩ ᱢᱩᱫᱽ ᱨᱮ ᱡᱚᱛᱚ ᱫᱤᱱ ᱨᱮ ᱯᱩᱱ ᱫᱷᱟᱣ ᱥᱟᱺᱜᱤᱧ ᱵᱟᱺᱫᱩ ᱛᱟᱦᱮᱸ ᱠᱟᱱᱟ ᱟᱨ ᱵᱟᱨ ᱟᱨ ᱟᱫᱷᱟ ᱴᱟᱲᱟᱝ ᱞᱟᱹᱜᱤᱫ ᱛᱮ ᱚᱱᱟ ᱞᱟᱹᱜᱤᱫ ᱡᱚᱛᱚ ᱵᱟᱥ ᱢᱟᱦᱟᱸᱨᱮ ᱑᱐᱐ ᱜᱤᱫᱽᱨᱟᱹ ᱠᱚ ᱪᱮᱫ ᱮᱫ ᱠᱚ ᱛᱟᱦᱮᱸᱱᱟ ᱾[᱓]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "President Confers Stree Shakti Puruskar on International Women's Day". pib.gov.in. Retrieved 2020-04-20.
- ↑ "This NGO is Motivating Slum Kids to Stay in School By Naming Alleys and Streets After Them". The Better India (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2016-05-19. Retrieved 2020-04-19.
- ↑ "From Doorstep to On Wheels: How This Woman Taught Over 1 Lakh Slum Kids in 30 Yrs". The Better India (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2019-11-12. Retrieved 2020-04-19.