ᱵᱤᱱᱳᱫᱽ ᱵᱤᱦᱟᱨᱤ ᱢᱟᱦᱟᱛᱳ

ᱵᱤᱱᱳᱫᱽ ᱵᱤᱦᱟᱨᱤ ᱢᱟᱦᱟᱛᱳ
ᱵᱤᱱᱳᱫᱽ ᱵᱤᱦᱟᱨᱤ ᱢᱟᱦᱟᱛᱳ
ᱞᱳᱠᱥᱚᱵᱷᱟ ᱨᱤᱱᱤᱡ ᱥᱚᱝᱥᱚᱫᱽ ᱥᱚᱦᱮᱛ
	ᱟᱹᱢᱟᱹᱞᱤ ᱨᱮ; ᱑᱙᱙᱑ – ᱑᱙᱙᱑
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱨᱟᱢᱫᱟᱥ ᱥᱤᱝ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱨᱟᱵᱤᱱᱫᱨᱚ ᱠᱩᱢᱟᱨ ᱯᱟᱱᱰᱮ
ᱵᱟᱪᱷᱱᱟᱣ ᱮᱞᱟᱠᱟ	ᱜᱤᱨᱤᱰᱤᱦ
ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ
	ᱟᱹᱢᱟᱹᱞᱤ ᱨᱮ; ᱑᱙᱙᱐ – ᱑᱙᱙᱑
ᱵᱟᱪᱷᱱᱟᱣ ᱮᱞᱟᱠᱟ	ᱴᱩᱸᱰᱤ
	ᱟᱹᱢᱟᱹᱞᱤ ᱨᱮ; ᱑᱙᱘᱕ – ᱑᱙᱙᱐
ᱵᱟᱪᱷᱱᱟᱣ ᱮᱞᱟᱠᱟ	ᱥᱤᱸᱫᱽᱨᱤ
	ᱟᱹᱢᱟᱹᱞᱤ ᱨᱮ; ᱑᱙᱘᱐ – ᱑᱙᱘᱕
ᱵᱟᱪᱷᱱᱟᱣ ᱮᱞᱟᱠᱟ	ᱴᱩᱸᱰᱤ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ	᱒᱓ ᱥᱮᱯᱴᱮᱢᱵᱚᱨ ᱑᱙᱒᱓; ᱵᱟᱰᱟᱣᱟᱦᱟ, ᱵᱤᱦᱟᱨ ᱟᱨ ᱩᱰᱤᱥᱟ ᱯᱨᱚᱫᱮᱥ (ᱱᱤᱛᱚᱜ ᱫᱚ ᱡᱷᱟᱨᱠᱷᱚᱸᱰ), ᱵᱨᱤᱴᱤᱥ ᱥᱤᱧᱚᱛ
ᱜᱩᱨ	᱑᱘ ᱰᱤᱥᱮᱢᱵᱚᱨ ᱑᱙᱙᱑; (ᱩᱢᱮᱨ ᱖᱘); ᱫᱤᱞᱞᱤ, ᱥᱤᱧᱚᱛ
ᱡᱟᱹᱛᱤᱭᱟᱹᱨᱤ	ᱥᱤᱧᱚᱛᱤᱭᱟᱹ
ᱨᱟᱡᱽᱟᱹᱨᱤ ᱫᱚᱞ	ᱠᱚᱢᱢᱭᱩᱱᱤᱥᱴ ᱯᱟᱨᱴᱤ ᱚᱯᱷ ᱤᱱᱰᱤᱭᱟ; ᱡᱷᱟᱨᱠᱷᱚᱸᱰ ᱢᱩᱠᱛᱤ ᱢᱚᱨᱪᱟ;
ᱡᱤᱭᱚᱱ ᱥᱚᱦᱮᱫ	ᱯᱷᱩᱞᱢᱚᱱᱤ ᱫᱮᱵᱤ
ᱦᱚᱯᱚᱱ	᱗ (ᱥᱟᱶᱛᱮ ᱨᱟᱡᱽ ᱠᱤᱥᱳᱨ ᱢᱟᱦᱟᱛᱳ)
ᱥᱮᱪᱮᱫ ᱟᱠᱷᱲᱟ	ᱨᱟᱺᱪᱤ ᱠᱚᱞᱮᱡᱽ, ᱞᱚ ᱠᱚᱞᱮᱡᱽ ᱯᱟᱴᱱᱟ
ᱠᱟᱹᱢᱤ	barrister; ᱠᱟᱹᱢᱤ ᱫᱟᱲᱮᱭᱟᱱ; ᱨᱟᱡᱽᱟᱹᱨᱤᱭᱟᱹ;

ᱵᱤᱱᱳᱫᱽ ᱵᱤᱦᱟᱨᱤ ᱢᱟᱦᱟᱛᱳ (᱒᱓ ᱥᱮᱯᱴᱮᱢᱵᱚᱨ ᱑᱙᱒᱓ – ᱑᱘ ᱰᱤᱥᱮᱢᱵᱚᱨ ᱑᱙᱙᱑) ᱫᱚ ᱢᱤᱫ ᱚᱠᱤᱞ ᱟᱨ ᱨᱟᱡᱽᱟᱹᱨᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱑᱙᱗᱒ ᱥᱟᱞ ᱨᱮ ᱡᱷᱟᱨᱠᱷᱚᱸᱰ ᱢᱩᱠᱛᱤ ᱢᱚᱨᱪᱟ ᱮ ᱛᱷᱟᱯᱚᱱ ᱞᱮᱫ ᱛᱟᱦᱮᱸᱫ ᱟᱨ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱛᱷᱟᱯᱚᱱ ᱞᱟᱹᱜᱤᱫ ᱞᱟᱲᱟᱣᱱᱟ ᱨᱤᱱᱤᱡ ᱟᱹᱭᱩᱨᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱑᱙᱘᱐, ᱑᱙᱘᱕ ᱟᱨ ᱑᱙᱙᱐ ᱨᱮ ᱵᱤᱦᱟᱨ ᱵᱤᱫᱷᱟᱱ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱑᱙᱙᱑ ᱥᱟᱞ ᱨᱮ ᱜᱤᱨᱤᱰᱤᱦ ᱠᱷᱚᱱ ᱞᱳᱠ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ ᱦᱚᱸᱭ ᱛᱟᱦᱮᱸ ᱠᱟᱱᱟᱭ ᱾^[᱑]^[᱒]^[᱓]

ᱮᱛᱚᱦᱚᱵ ᱡᱤᱭᱚᱱ

ᱵᱤᱱᱳᱫᱽ ᱵᱤᱦᱟᱨᱤ ᱢᱟᱦᱟᱛᱳ ᱟᱜ ᱡᱟᱱᱟᱢ ᱫᱚ ᱒᱓ ᱥᱮᱯᱴᱮᱢᱵᱚᱨ ᱑᱙᱒᱓ ᱥᱟᱞ ᱨᱮ ᱫᱷᱟᱱᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱵᱚᱞᱤᱭᱟᱯᱩᱨ ᱰᱤᱵᱤᱡᱚᱱ ᱨᱮᱱᱟᱜ ᱵᱟᱰᱟᱫᱟᱦᱟ ᱟᱹᱛᱩ ᱨᱮ ᱦᱩᱭ ᱞᱮᱱᱟ ᱛᱟᱦᱮᱸᱫ ᱾ ᱩᱱᱤ ᱫᱚ ᱠᱩᱬᱢᱤ ᱡᱩᱜᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱵᱟᱵᱟ ᱢᱚᱦᱮᱱᱫᱨᱚ ᱢᱟᱦᱟᱛᱳ ᱫᱚ ᱢᱤᱫ ᱪᱟᱹᱥᱤ ᱛᱟᱦᱮᱸ ᱠᱟᱱᱟᱭ ᱟᱨ ᱟᱡ ᱟᱭᱳᱣᱟᱜ ᱧᱩᱛᱩᱢ ᱫᱚ ᱢᱚᱱᱫᱚᱠᱤᱱᱤ ᱫᱮᱵᱤ ᱛᱟᱦᱮᱸ ᱠᱟᱱᱟᱭ ᱾ ᱟᱡᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱵᱚᱞᱤᱭᱟᱯᱩᱨ ᱨᱮ ᱦᱩᱭ ᱞᱮᱱᱟ ᱾ ᱟᱡ ᱫᱚ ᱡᱷᱟᱨᱤᱭᱟ ᱰᱤ. ᱮ. ᱵᱤ. ᱨᱮ ᱢᱤᱰᱤᱞ ᱥᱠᱩᱞ ᱟᱨ ᱫᱷᱟᱱᱵᱟᱫᱽ ᱦᱟᱭ ᱤᱝᱞᱤᱥ ᱥᱠᱩᱞ ᱨᱮ ᱯᱟᱲᱦᱟᱣ ᱞᱮᱱᱟᱭ ᱾^[᱔]

ᱠᱟᱹᱢᱤ ᱡᱤᱭᱚᱱ

ᱢᱟᱦᱟᱛᱳ ᱫᱚ ᱢᱤᱫ ᱢᱟᱪᱮᱫ ᱞᱮᱠᱟᱛᱮᱭ ᱠᱟᱹᱢᱤ ᱠᱮᱫᱼᱟ ᱟᱨ ᱛᱟᱭᱚᱢ ᱛᱮ ᱢᱤᱫ ᱩᱠᱤᱞ ᱵᱮᱱᱟᱣ ᱨᱮᱱᱟᱜ ᱜᱚᱴᱟ ᱠᱮᱫᱼᱟᱭ ᱾ ᱩᱱᱤ ᱫᱚ ᱫᱷᱟᱱᱵᱟᱫᱽ ᱨᱮ ᱢᱤᱫ ᱠᱞᱟᱨᱠ ᱞᱮᱠᱟᱛᱮᱭ ᱠᱟᱹᱢᱤ ᱠᱮᱫᱼᱟ ᱾ ᱩᱱᱤ ᱫᱚ ᱤᱱᱴᱚᱨᱢᱤᱰᱤᱭᱮᱴ ᱥᱟᱨᱴᱤᱯᱷᱤᱠᱮᱴ ᱞᱟᱹᱜᱤᱫ ᱮ ᱯᱟᱲᱦᱟᱣ ᱠᱮᱫᱼᱟᱭ ᱯᱤ.ᱠᱮ. ᱨᱟᱭ ᱢᱮᱢᱳᱨᱤᱭᱟᱞ ᱠᱚᱞᱮᱡᱽ ᱨᱮ ᱾ ᱩᱱᱤ ᱫᱚ ᱨᱟᱺᱪᱤ ᱠᱚᱞᱮᱡᱽ ᱠᱷᱚᱱ ᱟᱡᱟᱜ ᱵᱷᱮᱜᱮᱫ ᱵᱤᱨᱫᱟᱹᱜᱟᱲ (bachelor's degree) ᱟᱨ ᱯᱟᱴᱱᱟ ᱞᱚ ᱠᱚᱞᱮᱡᱽ ᱠᱷᱚᱱ ᱟᱡᱟᱜ ᱞᱚ ᱰᱤᱜᱽᱨᱤ (law degree) ᱮ ᱦᱟᱢᱮᱴ ᱞᱮᱫᱼᱟ ᱾ ᱑᱙᱕᱖ ᱥᱮᱨᱢᱟ ᱨᱮ ᱫᱷᱟᱱᱵᱟᱫᱽ ᱨᱮ ᱢᱤᱫ ᱳᱠᱤᱞ ᱞᱮᱠᱟᱛᱮᱭ ᱥᱮᱪᱮᱫ ᱮᱦᱚᱵ ᱞᱮᱫᱟ ᱾ ᱩᱱᱤ ᱫᱚ ᱵᱚᱠᱟᱨᱚ ᱥᱴᱤᱞ ᱯᱞᱟᱱᱴ, ᱵᱷᱟᱨᱚᱛ ᱠᱳᱠᱤᱝ ᱠᱚᱞ ᱞᱤᱢᱤᱴᱮᱰ, ᱥᱮᱸᱴᱨᱟᱞ ᱠᱚᱞᱯᱷᱤᱞᱰᱥ, ᱯᱚᱧᱪᱮᱛ ᱰᱮᱢ, ᱢᱚᱛᱷᱚᱱ ᱰᱮᱢ ᱟᱨ ᱮᱴᱟᱜ ᱵᱮᱵᱚᱥᱛᱟ ᱠᱚ ᱠᱷᱟᱹᱛᱤᱨ ᱛᱮ ᱵᱷᱮᱜᱟᱨ ᱟᱠᱟᱱ ᱦᱚᱲ ᱠᱚᱣᱟᱜ ᱠᱟᱛᱷᱟᱭ ᱞᱟᱹᱭ ᱞᱮᱫᱟ ᱾^{[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

᱑᱙᱕᱒ ᱥᱟᱞ ᱨᱮ ᱢᱟᱦᱟᱛᱳ ᱫᱚ ᱡᱷᱟᱨᱤᱭᱟ ᱠᱷᱚᱱ ᱵᱟᱪᱷᱱᱟᱣ ᱨᱮ ᱞᱟᱹᱲᱦᱟᱹᱭ ᱮᱱᱟᱭ, ᱢᱮᱱᱠᱷᱟᱱ ᱩᱱᱤ ᱫᱚ ᱵᱟᱭ ᱡᱤᱛᱠᱟᱹᱨ ᱞᱮᱱᱟ ᱾ ᱑᱙᱗᱑ ᱨᱮ, ᱩᱱᱤ ᱫᱚ ᱵᱷᱟᱨᱚᱛᱤᱭᱚ ᱠᱚᱢᱩᱱᱤᱥᱴ ᱯᱟᱨᱴᱤ ᱞᱟᱹᱜᱤᱫ ᱛᱮ ᱫᱷᱟᱱᱵᱟᱫᱽ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱥᱮᱞᱮᱫ ᱞᱮᱱᱟᱭ ᱟᱨ ᱫᱚᱥᱟᱨ ᱴᱷᱟᱶ ᱮ ᱟᱢᱮᱴ ᱞᱮᱫᱼᱟ ᱾ ᱩᱱᱤ ᱫᱚ ᱵᱤᱫᱷᱟᱱ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟᱭ ᱟᱨ ᱑᱙᱘᱐ ᱥᱟᱞ ᱠᱷᱚᱱ ᱑᱙᱘᱕ ᱥᱟᱞ ᱫᱷᱟᱹᱨᱤᱡ ᱴᱩᱸᱰᱤ ᱨᱮᱱᱟᱜ ᱵᱤᱫᱷᱟᱱ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾ ᱚᱱᱟ ᱛᱟᱭᱚᱢ ᱑᱙᱙᱐ ᱥᱟᱞ ᱨᱮ ᱥᱤᱸᱫᱽᱨᱤ ᱟᱨ ᱴᱩᱸᱰᱤ ᱨᱮᱱᱟᱜ ᱵᱤᱫᱷᱟᱱ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ ᱮ ᱵᱮᱱᱟᱣ ᱮᱱᱟ ᱾ ᱚᱱᱟ ᱛᱟᱭᱚᱢ ᱑᱙᱙᱑ ᱨᱮ ᱜᱤᱨᱤᱰᱤᱦ ᱨᱤᱱᱤᱡ ᱥᱚᱦᱮᱛ ᱞᱮᱠᱟᱛᱮ ᱞᱳᱠ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾^[᱕]

ᱱᱤᱡᱮᱨᱟᱜ ᱡᱤᱭᱚᱱ

ᱩᱱᱤ ᱫᱚ ᱯᱷᱩᱞᱢᱚᱱᱤ ᱫᱮᱵᱤ ᱥᱟᱶᱮ ᱵᱟᱯᱞᱟ ᱮᱱᱟ ᱾^{[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]} ᱟᱡ ᱨᱤᱱ ᱵᱟᱨᱭᱟ ᱠᱩᱲᱤ ᱜᱤᱫᱽᱨᱟᱹ ᱪᱚᱸᱫᱽᱨᱚᱵᱚᱛᱤ ᱫᱮᱵᱤ ᱟᱨ ᱛᱟᱨᱟᱵᱚᱛᱤ ᱫᱮᱵᱤ ᱟᱨ ᱢᱚᱬᱮ ᱜᱚᱴᱟᱝ ᱠᱚᱲᱟ ᱜᱤᱫᱽᱨᱟᱹ ᱨᱟᱡᱽ ᱠᱤᱥᱳᱨ ᱢᱟᱦᱟᱛᱳ, ᱱᱤᱞ ᱠᱚᱢᱚᱞ ᱢᱟᱦᱟᱛᱳ, ᱪᱚᱸᱫᱽᱨᱚ ᱥᱮᱠᱷᱚᱨ ᱢᱟᱦᱟᱛᱳ, ᱯᱨᱚᱫᱤᱯ ᱠᱩᱢᱟᱨ ᱢᱟᱦᱟᱛᱳ ᱟᱨ ᱚᱥᱳᱠ ᱠᱩᱢᱟᱨ ᱢᱟᱦᱟᱛᱳ ᱾

ᱟᱹᱨᱤᱪᱟᱹᱞᱤ ᱟᱨ ᱠᱷᱮᱞᱚᱸᱰ

ᱢᱟᱦᱟᱛᱳ ᱫᱚ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱟᱹᱨᱤᱪᱟᱹᱞᱤ ᱟᱹᱰᱤ ᱜᱮᱭ ᱠᱩᱥᱤᱭᱟᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱡᱷᱟᱨᱠᱷᱚᱸᱰ ᱨᱤᱱᱤᱡ ᱞᱚᱠ ᱰᱮᱱᱥ ᱠᱚ ᱵᱷᱟᱹᱵᱤᱛ ᱦᱚᱪᱚ ᱞᱟᱹᱜᱤᱫ ᱡᱮᱠᱷᱟ ᱠᱚᱭ ᱛᱷᱟᱯᱚᱱ ᱞᱮᱫᱟ ᱟᱨ ᱜᱳᱦᱮᱞ ᱯᱩᱡᱟ, ᱛᱩᱥᱩ ᱯᱟᱨᱟᱵᱽ, ᱡᱤᱛᱤᱭᱟ, ᱠᱟᱨᱟᱢ ᱯᱟᱨᱟᱵᱽ, ᱥᱳᱦᱨᱟᱭ ᱟᱨ ᱢᱚᱱᱥᱟ ᱯᱩᱡᱟ ᱞᱮᱠᱟᱱ ᱯᱟᱨᱟᱵᱽ ᱠᱚᱨᱮᱭ ᱥᱮᱞᱮᱫ ᱞᱮᱱᱟ ᱾ ᱩᱱᱤ ᱫᱚ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱯᱟᱹᱨᱥᱤ ᱠᱚ, ᱵᱤᱥᱮᱥ ᱠᱟᱛᱮ ᱠᱩᱲᱢᱟᱞᱤ, ᱠᱩᱲᱢᱤᱞᱤ ᱢᱟᱦᱟᱛᱳ ᱨᱮᱱᱟᱜ ᱯᱟᱹᱨᱥᱤ ᱵᱟᱹᱲᱛᱤ ᱵᱟᱰᱟᱭ ᱞᱟᱹᱜᱤᱫ ᱠᱟᱹᱢᱤ ᱞᱮᱫᱼᱟ ᱟᱨ ᱠᱩᱲᱢᱟᱞᱤ ᱥᱟᱶᱦᱮᱫ ᱟᱨ ᱨᱚᱱᱚᱲ ᱨᱮᱱᱟᱜ ᱚᱱᱚᱞᱤᱭᱟᱹ ᱞᱚᱠᱷᱢᱤᱠᱟᱸᱛ ᱢᱟᱦᱟᱛᱳ ᱫᱚ ᱠᱩᱲᱢᱟᱞᱤ ᱵᱟᱰᱟᱭ ᱞᱟᱹᱜᱤᱫ ᱮ ᱠᱩᱨᱩᱢᱩᱴᱩ ᱞᱮᱫᱼᱟ ᱾ ᱠᱷᱳᱨᱴᱷᱟ ᱨᱤᱱᱤᱡ ᱚᱱᱚᱞᱤᱭᱟᱹ ᱟᱨ ᱚᱱᱚᱞᱤᱭᱟᱹ ᱥᱨᱤᱱᱤᱵᱟᱥ ᱯᱩᱱᱟᱨᱤ ᱫᱚ ᱩᱱᱤᱭᱟᱜ ᱜᱚᱲᱚᱢ ᱦᱟᱲᱟᱢ ᱠᱟᱱᱟᱭ ᱾ ᱱᱚᱶᱟ ᱛᱮ ᱨᱟᱺᱪᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱠᱩᱲᱢᱟᱞᱤ ᱯᱟᱲᱦᱟᱣ ᱮᱛᱚᱦᱚᱵ ᱞᱮᱱᱟ ᱾^{[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱥᱮᱪᱮᱫ

ᱢᱟᱦᱟᱛᱳ ᱫᱚ ᱥᱮᱪᱮᱫ ᱨᱮᱱᱟᱜ ᱫᱟᱣ ᱮ ᱮᱢᱟᱫᱮ ᱛᱟᱦᱮᱸᱫ ᱾ ᱩᱱᱤ ᱫᱚ "ᱯᱟᱲᱳ ᱟᱨ ᱞᱟᱰᱳ" ᱨᱮᱱᱟᱜ ᱩᱯᱨᱩᱢ ᱮ ᱮᱢ ᱞᱮᱫᱼᱟ ᱾ ᱩᱱᱤ ᱫᱚ ᱟᱭᱢᱟ ᱟᱥᱲᱟ ᱟᱨ ᱠᱚᱞᱮᱡᱽ ᱠᱚ ᱵᱮᱱᱟᱣ ᱨᱮ ᱜᱚᱲᱚ ᱞᱟᱹᱜᱤᱫ ᱫᱷᱚᱱ ᱦᱚᱸᱭ ᱮᱢᱟᱫᱮ ᱛᱟᱦᱮᱸᱫ ᱾^[᱖]

ᱡᱷᱟᱨᱠᱷᱚᱸᱰ ᱢᱩᱠᱛᱤ ᱢᱚᱨᱪᱟ

ᱵᱤᱱᱳᱫᱽ ᱵᱤᱦᱟᱨᱤ ᱢᱟᱦᱟᱛᱳ ᱫᱚ ᱒᱕ ᱥᱮᱨᱢᱟ ᱫᱷᱟᱹᱨᱤᱡ ᱠᱚᱢᱭᱩᱱᱤᱥᱴ ᱯᱟᱨᱴᱤ ᱨᱤᱱᱤᱡ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤᱭᱟᱜ ᱢᱚᱱᱮ ᱛᱟᱦᱮᱸ ᱠᱟᱱᱟ ᱡᱮ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱟᱨ ᱡᱚᱱᱚᱥᱚᱝᱜᱷᱚ ᱫᱚ ᱥᱚᱢᱟᱡᱽᱵᱟᱸᱫᱽ ᱟᱨ ᱯᱩᱧᱡᱤᱵᱟᱫᱽ ᱨᱮᱱᱟᱜ ᱯᱟᱨᱴᱤ ᱠᱟᱱᱟ, ᱫᱚᱞᱤᱛ ᱡᱟᱹᱛᱤ ᱠᱚᱣᱟᱜ ᱫᱚ ᱵᱟᱝ ᱾ ᱩᱱᱤᱭᱟᱜ ᱢᱚᱱᱮ ᱨᱮ, ᱱᱚᱣᱟ ᱯᱟᱨᱴᱤ ᱠᱚᱨᱤᱱ ᱥᱚᱦᱮᱫ ᱞᱮᱠᱟᱛᱮ ᱫᱚᱞᱤᱛ ᱠᱚ ᱞᱟᱹᱜᱤᱫ ᱞᱟᱹᱲᱦᱟᱹᱭ ᱫᱚ ᱟᱹᱰᱤ ᱢᱩᱥᱠᱤᱞ ᱦᱩᱭᱩᱜᱼᱟ ᱾

ᱚᱨᱡᱚ ᱞᱮᱠᱟᱛᱮ, ᱩᱱᱤ ᱡᱷᱟᱨᱠᱷᱚᱸᱰ ᱢᱩᱠᱛᱤ ᱢᱚᱨᱪᱟ ᱵᱮᱱᱟᱣ ᱠᱮᱫᱟᱭ ᱾ ᱱᱚᱣᱟ ᱵᱮᱱᱟᱨ ᱞᱟᱛᱟᱨ ᱨᱮ ᱡᱷᱟᱨᱠᱷᱚᱸᱰ ᱢᱤᱫ ᱵᱷᱮᱜᱟᱨ ᱯᱚᱱᱚᱛ ᱦᱩᱭᱩᱜ ᱞᱟᱹᱜᱤᱫ ᱟᱭᱢᱟ ᱵᱤᱨᱩᱫᱷ ᱦᱩᱭ ᱞᱮᱱᱟ ᱾

ᱢᱟᱦᱟᱛᱳ ᱫᱚ ᱵᱤᱸᱫᱷᱮᱥᱣᱚᱨᱤ ᱯᱨᱚᱥᱟᱫᱽ ᱠᱮᱥᱚᱨᱤ, ᱥᱚᱱᱡᱚᱭ ᱵᱳᱥᱩ ᱢᱟᱞᱤᱠ, ᱥᱚᱱᱛᱳᱥ ᱨᱟᱱᱟ ᱟᱨ ᱥᱩᱨᱭᱚ ᱥᱤᱝ ᱵᱮᱥᱨᱟ ᱥᱟᱶᱛᱮ ᱡᱷᱟᱨᱠᱷᱚᱸᱰ ᱠᱳᱨᱳᱱᱮᱴᱤᱝ ᱥᱚᱢᱤᱛᱤ (JCC) ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾ ᱱᱚᱣᱟ ᱠᱚᱢᱤᱴᱤ ᱫᱚ ᱡᱷᱟᱨᱠᱷᱚᱸᱰ ᱨᱤᱱ ᱵᱷᱮᱜᱟᱨ ᱵᱷᱮᱜᱟᱨ ᱜᱟᱶᱛᱟ ᱠᱚ ᱥᱟᱶ ᱥᱟᱹᱜᱟᱹᱭ ᱢᱮᱱᱟᱜ ᱛᱟᱠᱚᱣᱟ ᱾ ᱑᱙᱘᱙ ᱥᱮᱨᱢᱟ ᱨᱮ ᱡᱷᱟᱨᱠᱷᱚᱸᱰ ᱥᱚᱨᱠᱟᱨ ᱦᱚᱛᱮᱛᱮ ᱢᱤᱫ ᱠᱚᱢᱤᱴᱤ ᱵᱮᱱᱟᱣ ᱦᱩᱭ ᱞᱮᱱᱟ, ᱡᱟᱦᱟᱸ ᱫᱚ ᱱᱚᱣᱟ ᱴᱚᱴᱷᱟ ᱞᱟᱹᱜᱤᱫ ᱰᱷᱮᱨ ᱵᱷᱟᱜᱽ ᱮᱢ ᱞᱟᱹᱠᱛᱤ ᱠᱟᱱᱟ ᱾^[᱗]

ᱥᱟᱹᱠᱷᱭᱟᱹᱛ

↑ "Saffron Munda loves everything green – BJP cries neglect as chief minister warms up to old JMM associates". The Telegraph. Kolkota.
↑ "झारखंड आंदोलन के जनक बिनोद बिहारी को पुण्यतिथि पर श्रद्धांजलि के लिए जुटे लोग". livehindustan.
↑ "बिनोद बिहारी महतो ने दिया "पढ़ो और लड़ो" का मूलमंत्र". akhandbharatnews. Archived from the original on 21 February 2019. Retrieved 20 February 2019.
↑ Mehato, Raj Kishore (16 June 2017). झारखण्‍ड आंदोलन के मसीहा बिनोद बिहारी महतो : Jharkhand Andolan Ke Masiha Binod Bihari Mahato. Diamond Pocket Books Pvt. ISBN 9789352780822.
↑ Mehta, Rajkishore. Jharkhand Andolan Ke Masiha : Binod Bihari Mehato. Diamond Pocket Books (P). ISBN 9788128801235.
↑ "Dhanbad: पढ़ो और लड़ो का नारा देकर अमर हो गए शिक्षाविद बिनोद बिहारी महतो, अलग झारखंड राज्य आंदोलन को मुकाम तक पहुंचाया". Jagran.com. Archived from the original on 9 July 2022. Retrieved 10 July 2022.
↑ Kumāra, Braja Bihārī (1998). Small States Syndrome in India. Concept Publishing Company. ISBN 9788170226918.

[1] "Saffron Munda loves everything green – BJP cries neglect as chief minister warms up to old JMM associates". The Telegraph. Kolkota.

[2] "झारखंड आंदोलन के जनक बिनोद बिहारी को पुण्यतिथि पर श्रद्धांजलि के लिए जुटे लोग". livehindustan.

[3] "बिनोद बिहारी महतो ने दिया "पढ़ो और लड़ो" का मूलमंत्र". akhandbharatnews. Archived from the original on 21 February 2019. Retrieved 20 February 2019.

[4] Mehato, Raj Kishore (16 June 2017). झारखण्‍ड आंदोलन के मसीहा बिनोद बिहारी महतो : Jharkhand Andolan Ke Masiha Binod Bihari Mahato. Diamond Pocket Books Pvt. ISBN 9789352780822.

[5] Mehta, Rajkishore. Jharkhand Andolan Ke Masiha : Binod Bihari Mehato. Diamond Pocket Books (P). ISBN 9788128801235.

[Jagran-6] "Dhanbad: पढ़ो और लड़ो का नारा देकर अमर हो गए शिक्षाविद बिनोद बिहारी महतो, अलग झारखंड राज्य आंदोलन को मुकाम तक पहुंचाया". Jagran.com. Archived from the original on 9 July 2022. Retrieved 10 July 2022.

[7] Kumāra, Braja Bihārī (1998). Small States Syndrome in India. Concept Publishing Company. ISBN 9788170226918.

[᱑]

[᱒]

[᱓]

[᱔]

[᱕]

[᱖]

[᱗]