ᱵᱤᱸᱫᱷᱤᱭᱟ ᱩᱱᱫᱩᱨᱛᱤ

ᱵᱤᱸᱫᱷᱤᱭᱟ ᱩᱱᱫᱩᱨᱛᱤ
ᱵᱤᱸᱫᱷᱤᱭᱟ ᱩᱱᱫᱩᱨᱛᱤ
ᱱᱟᱹᱜᱟᱹᱨᱤᱭᱟᱹ	ᱥᱤᱧᱚᱛᱤᱭᱟᱹ
ᱠᱟᱹᱢᱤ	Professor of Psychology
ᱥᱤᱨᱯᱷᱟᱹ	Fulbright Scholar (2004); Association for Women in Psychology Distinguished Publication Award (2012);
Academic background
Alma mater	ᱟᱱᱫᱷᱨᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ
Academic work
Institutions	Tata Institution of Social sciences

ᱵᱤᱸᱫᱷᱤᱭᱟ ᱩᱱᱫᱩᱨᱛᱤ (ᱡᱟᱱᱟᱢ ᱑᱙᱕᱕) ᱢᱤᱫ ᱯᱷᱮᱢᱤᱱᱤᱥᱴ ᱯᱟᱹᱨᱩᱠᱷᱤᱭᱟᱹ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱡᱮᱱᱰᱟᱨ ᱨᱚᱞᱥ,^[᱑] ᱛᱤᱨᱞᱟᱹ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ, ᱟᱨ ᱡᱮᱱᱰᱟᱨ ᱵᱮᱥᱰ ᱵᱷᱟᱭᱚᱞᱮᱱᱥ ᱪᱮᱛᱟᱱ ᱨᱮ ᱟᱡᱟᱜ ᱠᱷᱚᱸᱫᱽᱨᱚᱸᱫᱽ ᱞᱟᱹᱜᱤᱫ ᱟᱨ ᱥᱤᱧᱚᱛᱤᱭᱟᱹ ᱛᱤᱨᱞᱟᱹ ᱠᱚ ᱵᱚᱫᱚᱞ ᱛᱮ ᱩᱠᱤᱞᱟᱹᱛᱤ ᱠᱟᱹᱢᱤ ᱞᱟᱹᱜᱤᱫ ᱵᱟᱰᱟᱭᱚᱜᱼᱟ᱾^[᱒] ᱩᱱᱫᱩᱨᱛᱤ ᱫᱚ ᱴᱟᱴᱟ ᱤᱱᱥᱴᱤᱪᱩᱴ ᱚᱯᱷ ᱥᱚᱥᱤᱭᱟᱞ ᱥᱟᱭᱤᱱᱥᱮᱥ ᱨᱮᱱᱟᱜ ᱥᱠᱩᱞ ᱚᱯ ᱡᱮᱱᱰᱟᱨ ᱥᱴᱟᱰᱤᱡᱽ ᱨᱮ ᱯᱨᱚᱯᱷᱮᱥᱚᱨ ᱚᱯ ᱥᱟᱭᱠᱚᱞᱚᱡᱤ ᱠᱟᱱᱟᱭ, ᱦᱟᱭᱫᱨᱟᱵᱟᱫᱽ, ᱥᱤᱧᱚᱛ᱾^[᱓]

ᱩᱱᱫᱩᱨᱛᱤ ᱟᱨ ᱟᱡᱤᱡ ᱜᱟᱛᱮ ᱠᱚ ᱒᱐᱑᱒ ᱨᱮ ᱮᱥᱳᱥᱤᱭᱮᱥᱚᱱ ᱯᱷᱚᱨ ᱣᱤᱢᱮᱱ ᱤᱱ ᱥᱟᱭᱠᱚᱞᱚᱡᱤ ᱠᱷᱚᱱ ᱰᱤᱥᱴᱤᱸᱜᱩᱤᱥᱰ ᱯᱟᱹᱵᱽᱞᱤᱠᱮᱥᱚᱱ ᱟᱣᱟᱨᱰ ᱠᱚ ᱧᱟᱢ ᱞᱮᱫᱼᱟ ᱟᱠᱚᱣᱟᱜ ᱦᱮᱱᱰᱵᱩᱠ ᱚᱯ ᱤᱱᱴᱟᱨᱱᱮᱥᱱᱟᱞ ᱯᱷᱮᱢᱤᱱᱤᱡᱢᱥ: ᱯᱟᱨᱥᱯᱮᱠᱴᱤᱵᱷᱥ ᱚᱱ ᱥᱟᱭᱠᱚᱞᱚᱡᱤ, ᱣᱤᱢᱮᱱ, ᱠᱚᱞᱪᱟᱨ ᱮᱱᱰ ᱨᱟᱭᱤᱴᱥ ᱨᱮ ᱠᱟᱹᱢᱤ ᱠᱟᱛᱮᱫ᱾^[᱔] ᱩᱱᱤ ᱫᱚ ᱑᱙᱙᱘ ᱨᱮ ᱭᱩᱱᱤᱵᱷᱟᱨᱥᱤᱴᱤ ᱚᱯᱷ ᱚᱠᱥᱯᱷᱚᱨᱰ ᱨᱮ ᱥᱟᱣᱛᱷ ᱮᱥᱤᱭᱟᱱ ᱵᱷᱤᱡᱤᱴᱤᱝ ᱥᱠᱚᱞᱟᱨᱥᱤᱯ ᱟᱨ ᱒᱐᱐᱔ ᱨᱮ ᱯᱷᱩᱞᱵᱨᱟᱭᱤᱴ ᱵᱷᱤᱡᱤᱴᱤᱝ ᱞᱮᱠᱪᱟᱨᱟᱨ ᱯᱷᱮᱞᱳᱥᱤᱯ ᱮ ᱧᱟᱢ ᱟᱠᱟᱫᱟ᱾^[᱕] ᱩᱱᱤ ᱫᱚ ᱱᱮᱥᱱᱟᱞ ᱮᱠᱟᱰᱮᱢᱤ ᱚᱯ ᱥᱟᱭᱠᱚᱞᱚᱡᱤ (ᱥᱤᱧᱚᱛ) ᱨᱮᱱ ᱯᱟᱥᱴ ᱯᱨᱮᱥᱤᱰᱮᱱᱴ ᱦᱚᱸᱭ ᱛᱟᱦᱮᱸ ᱠᱟᱱᱟ᱾

ᱡᱤᱭᱚᱱ ᱠᱟᱹᱦᱱᱤ

ᱩᱱᱫᱩᱨᱛᱤ ᱫᱚ ᱥᱮᱯᱴᱮᱢᱵᱚᱨ ᱒᱕, ᱑᱙᱕᱕ ᱨᱮ ᱵᱤᱥᱟᱠᱷᱟᱯᱟᱴᱱᱟᱢ, ᱥᱤᱧᱚᱛ ᱨᱮ ᱡᱟᱱᱟᱢ ᱞᱮᱱᱟ᱾ ᱢᱤᱫ ᱠᱚᱞᱮᱡᱽ ᱯᱨᱚᱯᱷᱮᱥᱚᱨ ᱟᱨ ᱢᱤᱫ ᱥᱠᱩᱞ ᱴᱤᱪᱟᱨ ᱨᱮᱱ ᱦᱚᱯᱚᱱ ᱮᱨᱟ ᱞᱮᱠᱟᱛᱮ ᱢᱤᱫ ᱛᱟᱞᱟᱱᱟ ᱠᱞᱟᱥ ᱜᱷᱟᱨᱚᱸᱡᱽ ᱨᱮ ᱦᱟᱨᱟ ᱵᱩᱨᱩ ᱟᱠᱟᱱ ᱩᱱᱫᱩᱨᱛᱤ ᱫᱚ ᱟᱡᱟᱜ ᱵᱟᱪᱷᱟᱣ ᱞᱮᱠᱟᱛᱮ ᱡᱟᱦᱟᱸᱱᱟᱜ ᱮᱠᱟᱰᱮᱢᱤᱠ ᱯᱷᱤᱞᱰ ᱪᱟᱞᱟᱣ ᱨᱮᱭᱟᱜ ᱫᱟᱣ ᱮ ᱧᱟᱢ ᱞᱮᱫᱟ᱾ ᱩᱱᱤᱭᱟᱜ ᱥᱮᱪᱮᱫ ᱫᱚ ᱡᱮᱱᱰᱟᱨ ᱵᱷᱮᱫᱽᱵᱷᱟᱣ ᱟᱨ ᱵᱟᱹᱲᱤᱡ ᱵᱮᱵᱷᱟᱨ ᱠᱷᱟᱹᱛᱤᱨ ᱵᱟᱭ ᱮᱥᱮᱫ ᱞᱮᱱ ᱨᱮᱦᱚᱸ, ᱵᱟᱹᱲᱤᱡ ᱡᱮᱱᱰᱟᱨ ᱱᱚᱨᱢᱥ ᱫᱚ ᱚᱲᱟᱜ ᱨᱮ ᱟᱨ ᱥᱤᱧᱚᱛᱤᱭᱟᱹ ᱥᱟᱶᱛᱟ ᱨᱮ ᱦᱚᱸ ᱥᱟᱹᱢᱩᱸᱫᱽ ᱜᱮ ᱛᱟᱦᱮᱸ ᱠᱟᱱᱟ᱾

ᱩᱱᱫᱩᱨᱛᱤ ᱫᱚ ᱟᱱᱫᱷᱨᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭ ᱯᱟᱲᱦᱟᱣ ᱞᱮᱱᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱑᱙᱗᱔ ᱨᱮ ᱤᱝᱞᱤᱥ ᱞᱤᱴᱟᱨᱮᱪᱟᱨ, ᱦᱤᱥᱴᱨᱤ ᱟᱨ ᱯᱚᱞᱤᱴᱤᱠᱥ ᱨᱮ ᱟᱡᱟᱜ ᱵᱤ.ᱮ. ᱮ ᱧᱟᱢ ᱠᱮᱫᱟ, ᱑᱙᱗᱖ ᱨᱮ ᱥᱟᱭᱠᱚᱞᱚᱡᱤ ᱨᱮ ᱢᱟᱥᱴᱟᱨ ᱚᱯᱷ ᱟᱨᱴ ᱰᱤᱜᱽᱨᱤ ᱟᱨ ᱑᱙᱘᱕ ᱨᱮ ᱥᱟᱭᱠᱚᱞᱚᱡᱤ ᱨᱮ ᱯᱤ.ᱮᱪ.ᱰᱤ. ᱮ ᱧᱟᱢ ᱠᱮᱫᱟ᱾ ᱟᱡᱟᱜ ᱯᱤ.ᱮᱪ.ᱰᱤ. ᱪᱮᱛᱟᱱ ᱨᱮ ᱠᱟᱹᱢᱤ ᱚᱠᱛᱮ, ᱩᱱᱫᱩᱨᱛᱤ ᱫᱚ ᱟᱡᱟᱜ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱦᱭᱩᱢᱟᱱ ᱨᱟᱭᱤᱴᱥ ᱜᱽᱨᱩᱯ ᱨᱮᱭ ᱥᱮᱞᱮᱫ ᱞᱮᱱᱟ ᱟᱨ ᱚᱱᱟ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱮ ᱣᱟᱠᱟᱞᱟᱛᱤ ᱞᱮᱫᱟ ᱡᱟᱦᱟᱸᱭ ᱫᱚ ᱠᱟᱨᱡᱽ ᱵᱟᱹᱠᱤ ᱠᱟᱨᱚᱱᱛᱮ ᱵᱚᱛᱚᱨ ᱨᱮ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱚᱲᱟᱜ ᱦᱤᱸᱥᱟᱹ ᱨᱮᱱ ᱠᱷᱚᱭᱠᱷᱚᱛᱤ ᱠᱚ ᱛᱟᱦᱮᱸ ᱠᱟᱱᱟ᱾ ᱩᱱᱫᱩᱨᱛᱤ ᱫᱚ ᱵᱮᱞ ᱦᱩᱠᱥ, ᱯᱷᱤᱞᱤᱥ ᱪᱮᱥᱞᱟᱨ ᱟᱨ ᱡᱤᱱ ᱢᱮᱨᱮᱠ ᱠᱚᱣᱟᱜ ᱠᱟᱹᱢᱤ ᱠᱷᱚᱱ ᱮ ᱨᱟᱹᱥᱠᱟᱹ ᱞᱮᱱᱟ, ᱡᱟᱦᱟᱸᱭ ᱫᱚ ᱯᱷᱮᱢᱤᱱᱤᱡᱢ ᱨᱮ ᱟᱡᱟᱜ ᱢᱚᱱᱮ ᱠᱚ ᱞᱟᱜᱟᱣ ᱠᱮᱫᱟ᱾ ᱩᱱᱤ ᱫᱚ ᱛᱮᱥᱟᱨ ᱤᱱᱰᱤᱭᱟᱱ ᱮᱥᱳᱥᱤᱭᱮᱥᱚᱱ ᱯᱷᱚᱨ ᱣᱤᱢᱮᱱᱥ ᱥᱴᱟᱰᱤᱡᱽ ᱢᱤᱴᱤᱝ ᱨᱮᱭ ᱥᱮᱞᱮᱫ ᱞᱮᱱᱟ ᱟᱨ ᱥᱤᱧᱚᱛᱤᱭᱟᱹ ᱛᱤᱨᱞᱟᱹ ᱠᱚᱣᱟᱜ ᱡᱤᱭᱚᱱ ᱵᱷᱟᱹᱜᱤ ᱪᱤᱠᱟᱹ ᱫᱟᱲᱮᱭᱟᱜᱼᱟ ᱚᱱᱟ ᱨᱮ ᱨᱤᱥᱟᱨᱪ ᱮ ᱮᱛᱚᱦᱚᱵ ᱠᱮᱫᱟ᱾

ᱩᱱᱫᱩᱨᱛᱤ ᱫᱚ ᱒᱐᱑᱐ ᱨᱮ ᱴᱟᱴᱟ ᱤᱱᱥᱴᱤᱪᱩᱴ ᱚᱯᱷ ᱥᱚᱥᱤᱭᱟᱞ ᱥᱟᱭᱤᱱᱥᱮᱥ ᱨᱮᱭ ᱥᱮᱞᱮᱫ ᱮᱱᱟ᱾ ᱩᱱᱤ ᱫᱚ ᱯᱷᱮᱢᱤᱱᱤᱥᱴ ᱠᱟᱣᱩᱱᱥᱮᱞᱤᱝ ᱪᱮᱛᱟᱱ ᱨᱮ ᱠᱳᱨᱥ ᱵᱮᱱᱟᱣ ᱞᱟᱹᱜᱤᱫ ᱥᱮᱱᱴᱟᱨ ᱯᱷᱚᱨ ᱦᱮᱞᱛᱷ ᱮᱱᱰ ᱮᱞᱟᱭᱤᱰ ᱛᱷᱤᱢᱥ (CEHAT) ᱥᱟᱶ ᱮ ᱠᱟᱹᱢᱤ ᱞᱮᱫᱟ ᱟᱨ ᱒᱐᱑᱓ ᱨᱮᱱᱟᱜ ᱵᱷᱚᱞᱩᱢ ᱯᱷᱮᱢᱤᱱᱤᱥᱴ ᱠᱟᱣᱩᱱᱥᱮᱞᱤᱝ ᱮᱱᱰ ᱰᱳᱢᱮᱥᱴᱤᱠ ᱵᱷᱟᱭᱚᱞᱮᱱᱥ ᱤᱱ ᱤᱱᱰᱤᱭᱟ ᱨᱮ ᱚᱲᱟᱜ ᱦᱤᱸᱥᱟᱹ ᱞᱟᱹᱜᱤᱫ ᱯᱷᱮᱢᱤᱱᱤᱥᱴ ᱠᱟᱣᱩᱱᱥᱮᱞᱤᱝ ᱪᱮᱛᱟᱱ ᱨᱮ ᱢᱤᱫ ᱪᱮᱯᱴᱟᱨ ᱮ ᱮᱢ ᱞᱮᱫᱟ᱾ ᱩᱱᱤ ᱫᱚ ᱤᱱᱴᱟᱨᱱᱮᱥᱱᱟᱞ ᱥᱮᱱᱴᱟᱨ ᱯᱷᱚᱨ ᱨᱤᱥᱟᱨᱪ ᱚᱱ ᱣᱤᱢᱮᱱ (ICRW) ᱟᱨ ᱵᱤᱞ ᱮᱱᱰ ᱢᱮᱞᱤᱱᱰᱟ ᱜᱮᱴᱥ ᱯᱷᱟᱣᱩᱱᱰᱮᱥᱚᱱ ᱦᱚᱛᱮᱛᱮ ᱥᱯᱚᱱᱥᱚᱨ ᱟᱠᱟᱱ ᱟᱱᱫᱷᱨᱟ ᱯᱨᱚᱫᱮᱥ ᱨᱮᱱ ᱛᱤᱨᱞᱟᱹ ᱟᱨ ᱠᱩᱲᱤ ᱜᱤᱫᱽᱨᱟᱹ ᱠᱚ ᱢᱩᱫᱽ ᱨᱮ ᱥᱮᱠᱥ ᱴᱨᱟᱯᱷᱤᱠᱤᱝ ᱠᱷᱩᱞᱟᱹ ᱞᱟᱹᱜᱤᱫ ᱢᱩᱬ ᱨᱤᱥᱟᱨᱪᱟᱨ ᱮ ᱛᱟᱦᱮᱸ ᱠᱟᱱᱟ᱾

ᱩᱱᱫᱩᱨᱛᱤ ᱭᱟᱜ ᱥᱠᱚᱞᱟᱨᱥᱤᱯ ᱫᱚ ᱥᱟᱶᱛᱟ ᱨᱮ ᱛᱤᱨᱞᱟᱹ ᱠᱚ ᱡᱟᱦᱟᱸ ᱥᱟᱶᱛᱟᱠᱤᱭᱟᱹ ᱵᱟᱹᱲᱤᱡ ᱵᱤᱪᱟᱹᱨ ᱠᱚ ᱥᱟᱢᱟᱝ ᱮᱫᱟ ᱚᱱᱟ ᱪᱮᱛᱟᱱ ᱨᱮ ᱡᱩᱨ ᱮᱢᱟᱜᱼᱟ᱾ ᱩᱱᱤ ᱫᱚ ᱯᱮᱭᱟ ᱨᱤᱥᱟᱨᱪ ᱴᱚᱴᱷᱟ ᱪᱮᱛᱟᱱ ᱨᱮ ᱫᱷᱭᱟᱱ ᱮ ᱮᱢᱟᱜᱼᱟ: ᱚᱲᱟᱜ ᱦᱤᱸᱥᱟᱹ, ᱢᱮᱱᱴᱟᱞ ᱤᱞᱱᱮᱥ, ᱟᱨ ᱠᱟᱹᱢᱤ-ᱜᱷᱟᱨᱚᱸᱡᱽ ᱨᱮ ᱡᱷᱚᱜᱽᱲᱟ ᱡᱟᱦᱟᱸ ᱫᱚ ᱠᱟᱹᱴᱷᱚᱨ ᱡᱮᱱᱰᱟᱨ ᱨᱚᱞᱥ ᱠᱷᱚᱱ ᱦᱩᱭᱩᱜᱼᱟ᱾ ᱥᱤᱧᱚᱛ ᱨᱮ, ᱟᱭᱢᱟ ᱛᱤᱨᱞᱟᱹ ᱠᱚ ᱥᱟᱶᱛᱟ ᱟᱨ ᱜᱷᱟᱨᱚᱸᱡᱽ ᱨᱮᱱᱟᱜ ᱟᱥᱟ ᱯᱩᱨᱟᱹᱣ ᱨᱮ ᱠᱚ ᱟᱠᱟᱴᱚᱜᱼᱟ, ᱡᱟᱦᱟᱸ ᱨᱮ ᱛᱤᱨᱞᱟᱹ ᱠᱚᱣᱟᱜ ᱪᱟᱹᱠᱨᱤ ᱠᱟᱹᱢᱤ ᱪᱮᱛᱟᱱ ᱨᱮ ᱥᱟᱶᱛᱟᱠᱤᱭᱟᱹ ᱥᱚᱦᱚᱫ ᱵᱟᱹᱱᱩᱜᱼᱟ᱾ ᱥᱟᱭᱠᱚᱞᱚᱡᱤᱠᱟᱞ ᱰᱤᱥᱚᱨᱰᱟᱨ ᱡᱮᱞᱮᱠᱟ ᱰᱤᱯᱨᱮᱥᱚᱱ, ᱮᱸᱡᱽᱡᱟᱭᱤᱴᱤ ᱟᱨ ᱥᱳᱢᱮᱴᱤᱠ ᱥᱤᱢᱴᱚᱢ ᱰᱤᱥᱚᱨᱰᱟᱨ ᱥᱤᱧᱚᱛ ᱨᱮ ᱛᱤᱨᱞᱟᱹ ᱠᱚ ᱢᱩᱫᱽ ᱨᱮ ᱟᱹᱰᱤ ᱜᱮ ᱧᱮᱞᱚᱜᱼᱟ ᱟᱨ ᱟᱭᱢᱟ ᱡᱚᱠᱷᱮᱡ ᱵᱤᱱ ᱰᱟᱭᱤᱜᱽᱱᱚᱥ ᱟᱠᱟᱫ ᱟᱨ ᱵᱤᱱ ᱴᱨᱤᱴᱢᱮᱱᱴ ᱟᱠᱟᱫ ᱜᱮ ᱠᱚ ᱛᱟᱦᱮᱸᱱᱟ᱾ ᱱᱚᱣᱟ ᱥᱟᱶᱛᱮ, ᱠᱷᱟᱹᱞᱤ ᱠᱚᱲᱟ ᱜᱮ ᱚᱲᱟᱜ ᱦᱤᱸᱥᱟᱹ ᱨᱮ ᱵᱟᱠᱚ ᱥᱮᱞᱮᱫᱚᱜᱼᱟ, ᱢᱮᱱᱠᱷᱟᱱ ᱠᱩᱲᱤ ᱜᱟᱛᱮ ᱡᱮᱞᱮᱠᱟ ᱥᱟᱹᱥᱩᱨ ᱜᱚᱲᱚᱢ ᱦᱟᱲᱟᱢ ᱦᱚᱸ ᱥᱤᱧᱚᱛ ᱨᱮᱱ ᱛᱤᱨᱞᱟᱹ ᱠᱚ ᱪᱮᱛᱟᱱ ᱨᱮ ᱦᱤᱸᱥᱟᱹ ᱠᱚ ᱪᱟᱞᱟᱣᱟ᱾ ᱩᱱᱫᱩᱨᱛᱤ ᱭᱟᱜ ᱠᱟᱹᱢᱤ ᱫᱚ ᱚᱱᱟ ᱯᱟᱣᱟᱨ ᱥᱴᱨᱟᱠᱪᱟᱨ ᱠᱚ ᱪᱮᱛᱟᱱ ᱨᱮ ᱫᱷᱭᱟᱱ ᱮ ᱮᱢᱟᱜᱼᱟ ᱡᱟᱦᱟᱸ ᱫᱚ ᱥᱤᱧᱚᱛ ᱨᱮ ᱛᱤᱨᱞᱟᱹ ᱠᱚᱣᱟᱜ ᱡᱤᱭᱚᱱ ᱪᱮᱛᱟᱱ ᱨᱮ ᱮᱥᱮᱨ ᱮ ᱫᱚᱦᱚᱭᱟ, ᱟᱠᱚᱣᱟᱜ ᱡᱤᱭᱚᱱ ᱨᱮᱱᱟᱜ ᱠᱣᱟᱞᱤᱴᱤ ᱵᱷᱟᱹᱜᱤ ᱪᱤᱠᱟᱹ ᱨᱮᱱᱟᱜ ᱡᱚᱥ ᱥᱟᱶᱛᱮ᱾

ᱥᱟᱹᱠᱷᱭᱟᱹᱛ

↑ "To Be or Not to Be a 'Woman' in a Man's World". News18 (in ᱟᱝᱜᱽᱨᱮᱡᱤ). 2018-03-08. Retrieved 2020-11-27.
↑ "Vindhya Undurti - Psychology's Feminist Voices". www.feministvoices.com. Retrieved 2020-10-15.
↑ "TISS Faculty & Staff: Prof Vindhya Undurti".
↑ Rutherford, Alexandra; Capdevila, Rose; Undurti, Vindhya; Palmary, Ingrid (23 August 2011). Handbook of International Feminisms: Perspectives on psychology, women, culture, and rights. Springer. Springer. ISBN 978-1441998682.
↑ "Fulbright Scholar program directory" (PDF).

ᱵᱟᱦᱨᱮ ᱡᱚᱱᱚᱲ

[1] "To Be or Not to Be a 'Woman' in a Man's World". News18 (in ᱟᱝᱜᱽᱨᱮᱡᱤ). 2018-03-08. Retrieved 2020-11-27.

[:0-2] "Vindhya Undurti - Psychology's Feminist Voices". www.feministvoices.com. Retrieved 2020-10-15.

[:1-3] "TISS Faculty & Staff: Prof Vindhya Undurti".

[4] Rutherford, Alexandra; Capdevila, Rose; Undurti, Vindhya; Palmary, Ingrid (23 August 2011). Handbook of International Feminisms: Perspectives on psychology, women, culture, and rights. Springer. Springer. ISBN 978-1441998682.

[5] "Fulbright Scholar program directory" (PDF).

[᱑]

[᱒]

[᱓]

[᱔]

[᱕]