ᱵᱨᱚᱡᱽᱨᱟᱡᱽᱱᱚᱜᱚᱨ

ᱵᱨᱚᱡᱽᱨᱟᱡᱽᱱᱚᱜᱚᱨ
ᱵᱨᱚᱡᱽᱨᱟᱡᱽᱱᱚᱜᱚᱨ
ᱱᱚᱜᱚᱨ
	ᱵᱨᱚᱡᱽᱨᱟᱡᱽᱱᱚᱜᱚᱨ ᱵᱨᱚᱡᱽᱨᱟᱡᱽᱱᱚᱜᱚᱨᱥᱤᱧᱚᱛ ᱨᱮᱱᱟᱜ ᱳᱰᱤᱥᱟ ᱨᱮ ᱴᱷᱟᱶ
	Coordinates: 21°49′N 83°55′E / 21.82°N 83.92°ECoordinates: 21°49′N 83°55′E / 21.82°N 83.92°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱳᱰᱤᱥᱟ
ᱦᱚᱱᱚᱛ	ᱡᱷᱟᱨᱥᱩᱜᱩᱰᱟ
ᱩᱥᱩᱞ	216 ᱢᱤᱴᱚᱨ (709 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱞᱮᱠᱷᱟᱜᱩᱴ	᱘᱐,᱔᱐᱓
ᱯᱟᱹᱨᱥᱤ ᱠᱚ
• ᱥᱚᱨᱠᱟᱨᱤ	ᱳᱰᱤᱭᱟ
	IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ	᱗᱖᱘᱒᱑᱖
ᱴᱮᱞᱤᱯᱷᱚᱱ ᱠᱳᱰ	᱐᱖᱖᱔᱕
ᱜᱟᱹᱰᱤ ᱨᱤᱡᱤᱥᱴᱨᱤ	OD-23
ᱣᱮᱵᱽᱥᱟᱭᱤᱴ	odisha.gov.in

ᱵᱨᱚᱡᱽᱨᱟᱡᱽᱱᱚᱜᱚᱨ ᱫᱚ ᱥᱤᱧᱚᱛ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱡᱷᱟᱨᱥᱩᱜᱩᱰᱟ ᱦᱚᱱᱚᱛ ᱨᱮ ᱢᱮᱱᱟᱜ ᱢᱤᱫ ᱥᱚᱦᱚᱨ ᱟᱨ ᱱᱚᱜᱚᱨ ᱯᱟᱞᱤᱠᱟ ᱠᱟᱱᱟ ᱾ ᱥᱟᱱᱟᱢ ᱦᱚᱲ ᱠᱚᱣᱟᱜ ᱯᱟᱹᱛᱤᱭᱟᱹᱣ ᱞᱮᱠᱟᱛᱮ, ᱱᱚᱶᱟ ᱵᱟᱡᱟᱨ ᱨᱮᱱᱟᱜ ᱧᱩᱛᱩᱢ ᱫᱚ ᱵᱨᱚᱡᱽᱢᱚᱦᱚᱱ ᱵᱤᱨᱞᱟ ᱧᱩᱛᱩᱢ ᱛᱮ ᱫᱚᱦᱚ ᱞᱮᱱᱟ, ᱚᱠᱚᱭ ᱫᱚ ᱑᱙᱓᱖ ᱨᱮ ᱚᱨᱤᱭᱮᱱᱴ ᱯᱮᱯᱟᱨ ᱢᱤᱞᱥ ᱮ ᱛᱷᱟᱯᱚᱱ ᱞᱮᱫᱟ ᱾ ᱱᱚᱣᱟ ᱫᱚ ᱪᱟᱹᱴᱟᱹᱱᱤ ᱪᱮᱛᱟᱱ ᱨᱮ ᱢᱮᱱᱟᱜ ᱢᱤᱫᱴᱟᱹᱝ ᱦᱩᱰᱤᱧ ᱫᱷᱟᱨᱟ ᱦᱟᱜ ᱛᱷᱤᱨ ᱵᱟᱡᱟᱨ ᱠᱟᱱᱟ ᱾ ᱡᱟᱦᱟᱸ ᱫᱚ ᱟᱭᱤ.ᱵᱤ ᱜᱟᱰᱟ ᱟᱲᱮ ᱨᱮ ᱢᱮᱱᱟᱜᱼᱟ, ᱚᱠᱟᱨᱮ ᱵᱤᱥᱛᱤ ᱢᱟᱱᱫᱤᱨ ᱠᱚ ᱵᱤᱨᱞᱟ ᱜᱷᱟᱨᱚᱸᱡᱽ ᱦᱚᱛᱮᱛᱮ ᱛᱮᱭᱟᱨ ᱞᱮᱱᱟ ᱾ ᱛᱟᱭᱚᱢ ᱛᱮ ᱑᱙᱙᱙ ᱥᱟᱞᱮ ᱨᱮ ᱵᱤᱨᱞᱟ ᱜᱷᱟᱨᱚᱸᱡᱽ ᱨᱮᱱᱟᱜ ᱚᱨᱤᱭᱮᱱᱴ ᱯᱮᱯᱚᱨ ᱢᱤᱞᱥ, ᱫᱩᱞᱤᱪᱚᱸᱫᱽ ᱦᱟᱱᱩᱢᱟᱱᱟ ᱯᱨᱚᱥᱟᱫᱽ ᱥᱟᱦ ᱟᱜ ᱜᱚᱲᱚ ᱛᱮ, ᱱᱚᱣᱟ ᱫᱚ ᱮᱢᱥᱤᱮᱞ ᱟᱜ ᱢᱟᱞᱤᱠᱟᱱ ᱠᱚᱭᱞᱟ ᱠᱷᱟᱫᱟᱱ ᱞᱟᱹᱜᱤᱫ ᱧᱩᱛᱩᱢᱟᱱ ᱮᱱᱟ ᱾

ᱱᱚᱶᱟ ᱥᱚᱦᱚᱨ ᱨᱤᱱ ᱡᱟᱹᱥᱛᱤ ᱜᱟᱱ ᱦᱚᱲ ᱫᱚ ᱵᱤᱨᱞᱟ ᱤᱱᱰᱟᱥᱴᱨᱤ ᱜᱨᱩᱯ ᱨᱤᱱ ᱚᱨᱤᱭᱮᱱᱴ ᱯᱮᱯᱚᱨ ᱢᱤᱞ ᱨᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾ ᱵᱨᱚᱡᱽᱨᱟᱡᱽᱱᱚᱜᱚᱨ ᱥᱩᱨ ᱨᱮ ᱯᱚᱱᱚᱛ ᱢᱟᱞᱤᱠᱟᱱ ᱢᱚᱦᱟᱱᱚᱫᱤ ᱠᱚᱞᱯᱷᱤᱞᱰᱥ ᱞᱤᱢᱤᱴᱮᱰ (ᱮᱢ.ᱥᱤ.ᱮᱞ.) ᱥᱟᱶ ᱡᱚᱲᱟᱣ ᱟᱠᱟᱱ ᱟᱭᱤ.ᱵᱤ. ᱵᱷᱮᱞᱤ ᱠᱚᱞᱯᱷᱤᱞᱰ ᱟᱨ ᱚᱨᱤᱭᱮᱱᱴ ᱠᱚᱞᱤᱭᱟᱨᱤ ᱴᱚᱴᱷᱟ ᱨᱮᱱᱟᱜ ᱟᱭᱢᱟ ᱠᱷᱩᱞᱟᱹ ᱟᱨ ᱚᱛ ᱞᱟᱛᱟᱨ ᱨᱮ ᱠᱚᱭᱞᱟ ᱠᱷᱟᱫᱟᱱ ᱠᱚ ᱢᱮᱱᱟᱜᱼᱟ ᱾

ᱱᱟᱜᱟᱢ

ᱵᱨᱚᱡᱽᱨᱟᱡᱽᱱᱚᱜᱚᱨ ᱯᱩᱞᱤᱥ ᱥᱴᱮᱥᱚᱱ ᱫᱚ ᱑᱙᱓᱖ ᱥᱟᱞᱮ ᱨᱮ ᱛᱷᱟᱯᱚᱱ ᱞᱮᱱᱟ ᱛᱟᱦᱮᱸᱫ ᱾^[᱒] ᱚᱱᱟ ᱥᱮᱨᱢᱟ ᱜᱮ ᱵᱤᱨᱞᱟ ᱨᱮ ᱚᱨᱤᱭᱮᱱᱴ ᱯᱮᱯᱚᱨ ᱢᱤᱞᱥ ᱦᱚᱸ ᱛᱷᱟᱯᱚᱱ ᱞᱮᱱᱟ ᱾ ᱢᱤᱞ ᱫᱚ ᱑᱙᱓᱙ ᱥᱮᱨᱢᱟ ᱨᱮ ᱠᱟᱹᱢᱤ ᱮᱛᱚᱦᱚᱵ ᱞᱮᱫᱟ, ᱡᱟᱦᱟᱸ ᱨᱮᱭᱟᱜ ᱢᱩᱴᱷᱟᱹᱱ ᱫᱚ ᱱᱚᱣᱟ ᱴᱚᱴᱷᱟ ᱨᱤᱱ ᱠᱟᱹᱢᱤᱭᱟᱹ ᱠᱚ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱢᱤᱫ ᱵᱟᱥᱛᱤᱭ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱫᱚ ᱫᱩᱞᱤᱪᱚᱸᱫᱽ ᱦᱚᱱᱩᱢᱟᱱ ᱯᱨᱚᱥᱟᱫᱽ ᱥᱟᱦ ᱮ ᱪᱟᱞ ᱟᱫᱮ ᱛᱟᱦᱮᱸᱫ ᱾

ᱢᱩᱪᱟᱹᱫ ᱨᱮ, ᱑᱙᱖᱘ ᱥᱟᱞ ᱨᱮ ᱵᱨᱚᱡᱽᱨᱟᱡᱽᱱᱚᱜᱚᱨ ᱫᱚ ᱢᱤᱫ ᱱᱚᱜᱚᱨ ᱯᱚᱧᱪᱟᱭᱚᱛ (ᱱᱚᱰᱚᱠᱭᱩᱴᱤᱯᱷᱤᱰ ᱮᱨᱤᱭᱟ ᱠᱟᱣᱩᱱᱥᱤᱞ) (NAC) ᱮᱱᱟ, ᱟᱨ ᱑᱙᱘᱙ ᱥᱟᱞ ᱨᱮ ᱱᱚᱜᱚᱨ ᱯᱟᱞᱤᱠᱟ ᱮᱱᱟ, ᱡᱟᱦᱟᱸ ᱫᱚ ᱔᱒.᱗᱓ ᱜᱟᱺᱴ ᱠᱤᱞᱚᱢᱤᱴᱚᱨ ᱨᱮ ᱯᱟᱥᱱᱟᱣ ᱟᱠᱟᱱᱟ ᱾ ᱟᱨ ᱱᱚᱣᱟ ᱨᱮ ᱗ ᱜᱚᱴᱟᱝ ᱨᱟᱡᱚᱥᱴᱷᱤ ᱟᱹᱛᱩ ᱠᱚ, ᱞᱟᱢᱛᱤᱵᱚᱦᱚᱞ, ᱛᱮᱞᱮᱝᱯᱟᱞᱤ, ᱨᱮᱢᱡᱟ, ᱞᱟᱡᱽᱠᱩᱨᱟ, ᱜᱟᱸᱫᱽᱜᱷᱳᱨᱟ, ᱠᱟᱴᱟᱵᱟᱜᱟ ᱟᱨ ᱥᱟᱱᱡᱳᱵᱽ ᱥᱮᱞᱮᱫ ᱢᱮᱱᱟᱜᱼᱟ ᱾^[᱓]

ᱚᱛᱱᱚᱜ

ᱵᱨᱚᱡᱽᱨᱟᱡᱽᱱᱚᱜᱚᱨ ᱫᱚ ᱒᱑.᱘᱒° ᱠᱚᱧᱮ ᱘᱓.᱙᱒° ᱥᱟᱢᱟᱝ ᱨᱮ ᱢᱮᱱᱟᱜᱼᱟ ᱾^[᱔] ᱱᱚᱣᱟ ᱨᱮᱱᱟᱜ ᱜᱚᱲᱦᱚᱱ ᱩᱥᱩᱞ ᱫᱚ ᱒᱑᱖ ᱢᱤᱴᱚᱨ (᱗᱐᱘ ᱯᱷᱤᱴ) ᱢᱮᱱᱟᱜᱼᱟ ᱾ ᱢᱟᱦᱟᱱᱟᱫᱤ ᱜᱟᱰᱟ ᱨᱮᱱᱟᱜ ᱢᱤᱫᱴᱟᱹᱝ ᱥᱚᱦᱚᱫ ᱜᱟᱰᱟ, ᱤᱵᱽ ᱜᱟᱰᱟ, ᱥᱚᱦᱚᱨ ᱨᱮᱱᱟᱜ ᱥᱟᱢᱟᱝ ᱥᱮᱫ ᱛᱮ ᱵᱟᱲᱦᱟᱣᱜ ᱠᱟᱱᱟ ᱾^[᱓]

ᱵᱨᱚᱡᱽᱨᱟᱡᱽᱱᱚᱜᱚᱨ ᱵᱤᱫᱷᱟᱱᱥᱚᱵᱷᱟ ᱨᱮ ᱵᱨᱚᱡᱽᱨᱟᱡᱽᱱᱚᱜᱚᱨ, ᱵᱮᱞᱯᱟᱦᱟᱲ, ᱵᱟᱸᱫᱷᱵᱟᱦᱟᱞ, ᱜᱚᱯᱟᱞᱯᱩᱨ, ᱠᱟᱱᱚᱠᱛᱩᱨᱟ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱴᱚᱴᱷᱟ ᱥᱮᱞᱮᱫ ᱢᱮᱱᱟᱜᱼᱟ ᱾ ᱱᱚᱶᱟ ᱵᱮᱜᱚᱨ ᱦᱚᱸ ᱵᱨᱚᱡᱽᱨᱟᱡᱽᱱᱚᱜᱚᱨ ᱵᱤᱨ ᱴᱚᱴᱷᱟ ᱫᱚ ᱟᱹᱰᱤ ᱢᱟᱨᱟᱝ ᱜᱮᱭᱟ, ᱡᱟᱦᱟᱸ ᱨᱮ ᱨᱮᱢᱮᱱᱰᱟ, ᱵᱟᱱᱦᱟᱨᱯᱟᱞᱤ, ᱠᱩᱰᱳᱯᱟᱞᱤ, ᱛᱤᱞᱤᱭᱟ, ᱥᱳᱱᱟᱨᱤ, ᱨᱟᱡᱽᱯᱩᱨ, ᱨᱟᱢᱯᱩᱨ, ᱞᱳᱭᱤᱥᱤᱝ, ᱵᱟᱨᱠᱷᱟᱱᱰᱤᱭᱟ, ᱯᱟᱛᱷᱨᱟᱯᱟᱞᱤ ᱮᱢᱟᱱ ᱢᱮᱱᱟᱜᱼᱟ ᱾ ᱙ ᱮᱞ, ᱞᱟᱢᱴᱤᱵᱚᱦᱟᱞ, ᱢᱟᱱᱰᱟᱞᱤᱭᱟ, ᱦᱤᱞᱴᱚᱯ ᱠᱳᱞᱳᱱᱤ, ᱵᱷᱩᱴᱵᱚᱝᱜᱟᱞᱩ, ᱡᱤ.ᱮᱢ. ᱠᱚᱢᱯᱞᱮᱠᱥ, ᱢᱟᱭᱱᱚᱨᱮᱥᱠᱭᱩ ᱥᱴᱮᱥᱚᱱ, ᱥᱟᱱᱡᱚᱵᱽ, ᱵᱚᱰᱡᱚᱵᱽ, ᱠᱩᱥᱟᱢᱩᱱᱰᱟ, ᱤᱥᱤᱪᱚᱣᱠ, ᱥᱟᱨᱜᱤᱢᱟᱞ, ᱵᱟᱜᱷᱨᱟᱪᱟᱠᱟ, ᱤᱱᱟᱞᱚᱯᱟᱞᱤ, ᱟᱢᱫᱟᱨᱦᱟ, ᱵᱟᱜᱷᱤᱭᱟᱵᱟᱨᱱᱟ, ᱵᱟᱞᱚᱝᱜᱤᱵᱷᱟᱞ, ᱵᱟᱞᱤᱯᱩᱴ, ᱵᱟᱨᱯᱟᱞᱤ, ᱵᱮᱞᱤᱫᱷᱩᱰᱟ, ᱵᱷᱳᱭᱢᱩᱱᱰᱟ, ᱵᱩᱸᱰᱤᱭᱟ, ᱪᱟᱱᱫᱚᱱᱤᱢᱟᱞ, ᱪᱟᱨᱵᱷᱟᱴᱤ, ᱪᱮᱞᱟᱠᱩᱴᱷᱤ, ᱪᱤᱪᱤᱸᱰᱟ, ᱫᱮᱵᱽᱜᱚᱸᱡᱽ, ᱠᱷᱩᱥᱩᱨᱟᱢᱩᱱᱰᱟ, ᱜᱳᱨᱢᱟᱞ, ᱠᱟᱱᱫᱟᱠᱩᱰᱟ, ᱠᱟᱴᱟᱯᱟᱞᱤ, ᱠᱮᱪᱳᱵᱷᱟᱞ, ᱠᱚᱭᱤᱞᱟᱜᱟ, ᱠᱩᱰᱳᱯᱟᱞᱤ, ᱞᱳᱭᱤᱡᱤᱝ, ᱢᱟᱫᱷᱩᱯᱩᱨ, ᱱᱟᱭᱠᱮᱰᱤᱦᱤ, ᱱᱤᱠᱴᱤᱢᱟᱞ, ᱱᱩᱣᱟᱢᱩᱱᱰᱟ, ᱨᱟᱡᱽᱯᱩᱨ, ᱨᱚᱝᱠᱟᱴᱟ, ᱛᱷᱚᱨᱠᱚᱥᱯᱩᱨ ᱟᱨ ᱛᱤᱞᱤᱢᱟᱞ ᱾

ᱰᱮᱢᱚᱜᱨᱟᱯᱷᱤᱠ

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱥᱤᱧᱚᱛ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ^[᱕] ᱵᱨᱚᱡᱽᱨᱟᱡᱽᱱᱚᱜᱚᱨ ᱨᱮ ᱘᱐,᱔᱐᱓ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱡᱚᱛᱚ ᱦᱚᱲ ᱮᱞ ᱨᱮ ᱠᱚᱲᱟ ᱕᱒% ᱟᱨ ᱛᱤᱨᱞᱟᱹ ᱔᱘% ᱢᱮᱱᱟᱜ ᱠᱚᱣᱟ ᱾ ᱵᱨᱚᱡᱽᱨᱟᱡᱽᱱᱚᱜᱚᱨ ᱨᱮ ᱥᱤᱠᱷᱱᱟᱹᱛ ᱫᱚᱨ ᱫᱚ ᱖᱙% ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱡᱟᱹᱛᱤᱭᱟᱹᱨᱤ ᱥᱤᱠᱷᱱᱟᱹᱛ ᱫᱚᱨ ᱫᱚ ᱕᱙.᱕% ᱠᱷᱚᱱ ᱰᱷᱮᱨ ᱜᱮᱭᱟ ᱾ ᱠᱚᱲᱟ ᱥᱤᱠᱷᱱᱟᱹᱛ ᱫᱚᱨ ᱫᱚ ᱗᱗% ᱟᱨ ᱛᱤᱨᱞᱟᱹ ᱥᱤᱠᱷᱱᱟᱹᱛ ᱫᱚᱨ ᱖᱐% ᱢᱮᱱᱟᱜᱼᱟ ᱾ ᱑᱒% ᱦᱚᱲ ᱮᱞ ᱖ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱢᱮᱱᱟᱜ ᱠᱚᱣᱟ ᱾

ᱤᱱᱰᱟᱥᱴᱨᱤ

ᱵᱨᱚᱡᱽᱨᱟᱡᱽᱱᱚᱜᱚᱨ ᱨᱮ ᱳᱨᱤᱭᱮᱱᱴ ᱯᱮᱯᱚᱨ ᱢᱤᱞᱥ ᱚᱯᱷ ᱵᱤᱨᱞᱟ (ᱫᱩᱞᱤᱪᱚᱸᱫᱽ ᱦᱚᱱᱩᱢᱟᱱ ᱯᱨᱚᱥᱟᱫᱽ ᱥᱟᱦ ᱦᱚᱛᱮᱛᱮ ᱪᱟᱞᱟᱣ ᱟᱠᱟᱱᱟ) ᱧᱩᱛᱩᱢᱟᱱ ᱢᱤᱫ ᱢᱟᱨᱟᱝ ᱯᱮᱯᱚᱨ ᱢᱤᱞ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱤᱱᱰᱟᱥᱴᱨᱤ ᱠᱟᱱᱟ ᱾ ᱱᱚᱶᱟ ᱫᱚ ᱑᱙᱓᱖ ᱥᱮᱨᱢᱟ ᱨᱮ ᱛᱷᱟᱯᱚᱱ ᱞᱮᱱᱟ ᱟᱨ ᱑᱙᱓᱙ ᱥᱮᱨᱢᱟ ᱨᱮ ᱵᱮᱱᱟᱣ ᱮᱦᱚᱵ ᱞᱮᱱᱟ ᱾ ᱢᱮᱱᱠᱷᱟᱱ, ᱑᱙᱙᱙ ᱠᱷᱚᱱ, ᱵᱨᱟᱡᱽᱨᱟᱡᱽᱱᱚᱜᱚᱨ ᱨᱮ ᱳᱯᱤᱮᱢ ᱵᱚᱱᱫᱚ ᱮᱱᱟ ᱾ ᱚᱱᱟ ᱠᱷᱚᱱ ᱦᱟᱡᱟᱨ ᱠᱟᱹᱢᱤᱭᱟᱠᱚ ᱢᱟᱫᱷᱭᱟ ᱯᱨᱟᱫᱷᱮᱥ ᱨᱮᱭᱟᱜ ᱟᱢᱟᱞᱟᱭ ᱨᱮ ᱳᱯᱤᱮᱢ ᱨᱮ ᱠᱚ ᱪᱟᱞᱟᱣ ᱟᱠᱟᱱᱟ ᱟᱨ ᱵᱟᱝ ᱮᱢᱥᱤᱮᱞ ᱵᱨᱚᱡᱽᱨᱟᱡᱽᱱᱚᱜᱚᱨ ᱨᱮᱠᱚ ᱠᱟᱹᱢᱤ ᱠᱟᱱᱟ ᱾^[᱖]

ᱟᱭᱤᱵᱤ ᱵᱷᱮᱞᱤ ᱠᱳᱭᱞᱟ ᱴᱚᱴᱷᱟ ᱦᱚᱸ ᱵᱨᱚᱡᱽᱨᱟᱡᱽᱱᱚᱜᱚᱨ ᱟᱨ ᱚᱱᱟ ᱥᱩᱨ ᱨᱮᱱᱟᱜ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱾ ᱑᱙᱗᱓ ᱥᱟᱞ ᱨᱮ ᱡᱟᱹᱛᱤᱭᱟᱹᱨᱤ ᱠᱟᱹᱢᱤ ᱦᱩᱭᱩᱜ ᱢᱟᱬᱟᱝ ᱨᱮ ᱵᱨᱚᱡᱽᱨᱟᱡᱽᱱᱚᱜᱚᱨ ᱨᱮ ᱯᱮᱭᱟ ᱚᱛ ᱞᱟᱛᱟᱨ ᱠᱷᱟᱫᱟᱱ ᱠᱚ ᱪᱟᱞᱟᱜ ᱠᱟᱱ ᱛᱟᱦᱮᱸᱫ ᱾ ᱡᱟᱹᱛᱤᱭᱟᱹᱨᱤ ᱠᱟᱹᱢᱤ ᱛᱟᱭᱚᱢ ᱑᱙᱘᱔ ᱥᱮᱨᱢᱟ ᱠᱷᱚᱱ ᱟᱭᱤᱵᱤ ᱵᱷᱮᱞᱤ ᱨᱮ ᱚᱯᱮᱱᱠᱟᱥᱴ ᱠᱷᱟᱫᱟᱱ ᱠᱚ ᱮᱛᱚᱦᱚᱵ ᱠᱮᱫᱟ ᱾ ᱱᱤᱛᱚᱜ ᱟᱭᱤ ᱵᱷᱮᱞᱤ ᱴᱚᱴᱷᱟ ᱨᱮ ᱯᱮᱭᱟ ᱚᱯᱮᱱᱠᱟᱥᱴ ᱠᱷᱟᱫᱟᱱ ᱠᱚ ᱢᱮᱱᱟᱜᱼᱟ, ᱡᱟᱦᱟᱸ ᱨᱮᱱᱟᱜ ᱧᱩᱛᱩᱢ ᱠᱚᱫᱚ ᱞᱟᱡᱽᱠᱩᱨᱟ ᱚᱯᱮᱱᱠᱟᱥᱴ ᱠᱷᱟᱫᱟᱱ, ᱥᱚᱢᱞᱮᱥᱣᱨᱤ ᱚᱯᱮᱱᱠᱟᱥᱴ ᱠᱷᱟᱫᱟᱱ ᱟᱨ ᱞᱤᱞᱟᱨᱤ ᱚᱯᱮᱱᱠᱟᱥᱴ ᱠᱷᱟᱫᱟᱱ ᱾^[᱗] ᱟᱨ ᱡᱚᱛᱚ ᱚᱛ ᱦᱟᱥᱟ ᱠᱷᱟᱫᱟᱱ ᱚᱨᱤᱭᱮᱱᱴ ᱠᱚᱞᱤᱭᱚᱨᱤ ᱴᱚᱴᱷᱟ ᱨᱮ ᱪᱟᱞᱟᱜ ᱠᱟᱱᱟ ᱾

ᱥᱚᱨᱠᱟᱨᱤ ᱱᱤᱡᱮᱨᱟᱜ ᱠᱚᱢᱯᱟᱱᱤ ᱱᱮᱥᱱᱟᱞ ᱮᱞᱩᱢᱤᱱᱤᱭᱚᱢ ᱠᱚᱢᱯᱟᱱᱤ ᱞᱤᱢᱤᱴᱮᱰ, ᱥᱚᱦᱚᱨ ᱥᱩᱨ ᱨᱮ ᱢᱤᱫ ᱮᱞᱩᱢᱤᱱᱤᱭᱚᱢ ᱥᱢᱮᱞᱴᱟᱨ ᱯᱞᱟᱱᱴ ᱟᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱤᱡᱽᱞᱤ ᱯᱞᱟᱱᱴ ᱛᱷᱟᱯᱚᱱ ᱨᱮᱭᱟᱜ ᱮ ᱯᱞᱟᱱ ᱮᱫᱟ ᱾

ᱴᱤ ᱟᱨ ᱮᱞ ᱠᱨᱚᱥᱟᱠᱤ ᱨᱮᱯᱷᱨᱟᱠᱴᱚᱨᱤᱡᱽ ᱞᱤᱢᱤᱴᱰ (ᱢᱟᱨᱮ ᱴᱟᱴᱟ ᱨᱮᱯᱷᱨᱟᱠᱴᱚᱨᱤᱡᱽ ᱞᱤᱢᱤᱴᱰ)[᱑] ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱮᱯᱷᱨᱟᱠᱴᱚᱨᱤ ᱠᱚᱢᱯᱟᱱᱤ ᱠᱟᱱᱟ ᱾ ᱱᱚᱣᱟ ᱫᱚ ᱑᱙᱕᱘ ᱥᱟᱞ ᱨᱮ ᱳᱰᱤᱥᱟ ᱨᱮᱭᱟᱜ ᱡᱷᱟᱨᱥᱩᱜᱩᱰᱟ ᱦᱚᱱᱚᱛ ᱨᱮᱭᱟᱜ ᱵᱮᱞᱯᱟᱦᱟᱲ ᱥᱚᱦᱚᱨ ᱨᱮ ᱛᱷᱟᱯᱚᱱ ᱞᱮᱱᱟ ᱾

ᱱᱚᱶᱟ ᱫᱚ ᱟᱥᱚᱠᱟᱭ ᱛᱮ ᱵᱮᱥᱤᱠ, ᱰᱚᱞᱚᱢᱤᱴ, ᱦᱟᱭ ᱮᱞᱩᱢᱤᱱᱟ, ᱢᱚᱱᱚᱞᱤᱴᱤᱠ, ᱥᱤᱞᱤᱠᱟ, ᱯᱷᱞᱚ ᱠᱚᱱᱴᱨᱚᱞ ᱯᱨᱚᱰᱟᱠᱴ ᱟᱨ ᱴᱮᱯᱷᱚᱞ ᱠᱞᱮ ᱨᱮᱯᱷᱨᱟᱠᱴᱚᱨᱤᱡᱽ ᱮ ᱛᱮᱭᱟᱨ ᱮᱫᱟ, ᱡᱟᱦᱟᱸ ᱨᱮ ᱓᱐᱔,᱗᱖᱐ ᱴᱚᱱ ᱥᱮᱨᱢᱟ ᱯᱤᱪᱷᱤ ᱛᱷᱟᱯᱚᱱ ᱫᱟᱲᱮ ᱢᱮᱱᱟᱜᱼᱟ ᱾

ᱥᱟᱜᱟᱲᱚᱢ

ᱥᱚᱲᱚᱠ

ᱵᱨᱚᱡᱽᱨᱟᱡᱽᱱᱚᱜᱚᱨ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱔᱙ (NH 49) ᱨᱮ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱪᱷᱚᱛᱤᱥᱜᱚᱰ ᱨᱮᱱᱟᱜ ᱵᱤᱞᱟᱥᱯᱩᱨ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱠᱷᱚᱲᱚᱜᱽᱯᱩᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱱᱚᱰᱮ ᱠᱷᱚᱱ ᱫᱤᱱᱟᱹᱢ ᱦᱤᱞᱚᱜ ᱵᱷᱩᱵᱽᱱᱮᱥᱚᱨ, ᱠᱚᱴᱚᱠ, ᱵᱨᱚᱦᱢᱚᱯᱩᱨ, ᱨᱟᱣᱩᱨᱠᱮᱞᱟ ᱟᱨ ᱥᱚᱢᱵᱚᱞᱯᱩᱨ ᱞᱮᱠᱟᱱ ᱳᱰᱤᱥᱟ ᱨᱮᱭᱟᱜ ᱢᱩᱬ ᱥᱚᱦᱚᱨ ᱠᱚ ᱞᱟᱹᱜᱤᱫ ᱟᱭᱢᱟ ᱱᱤᱡᱮᱨᱟᱜ ᱵᱟᱥ ᱥᱮᱵᱟ ᱢᱮᱱᱟᱜᱼᱟ ᱾

ᱨᱮᱞ ᱰᱟᱦᱟᱨ

ᱵᱨᱚᱡᱽᱨᱟᱡᱽᱱᱚᱜᱚᱨ ᱨᱮᱞᱣᱮ ᱥᱴᱮᱥᱚᱱ (BRJN) ᱫᱚ ᱦᱟᱣᱲᱟ-ᱱᱟᱜᱽᱯᱩᱨ-ᱢᱩᱢᱵᱟᱭ ᱨᱮᱞᱣᱮ ᱰᱟᱦᱟᱨ ᱨᱮᱱᱟᱜ ᱴᱟᱴᱟᱱᱚᱜᱚᱨ-ᱵᱤᱞᱟᱥᱯᱩᱨ ᱦᱟᱹᱴᱤᱧ ᱨᱮ ᱢᱮᱱᱟᱜ ᱢᱤᱫᱴᱟᱹᱝ ᱥᱴᱮᱥᱚᱱ ᱠᱟᱱᱟ ᱾ ᱱᱚᱶᱟ ᱫᱚ ᱮᱛᱚᱢ ᱥᱟᱢᱟᱝ ᱛᱟᱞᱢᱟ ᱨᱮᱞᱣᱮ ᱨᱮᱱᱟᱜ ᱵᱤᱞᱟᱥᱯᱩᱨ ᱦᱟᱹᱴᱤᱧ ᱦᱚᱛᱮᱛᱮ ᱪᱟᱪᱞᱟᱣᱜ ᱠᱟᱱᱟ ᱾ ᱱᱚᱶᱟ ᱫᱚ ᱳᱰᱤᱥᱟ ᱨᱮᱭᱟᱜ ᱱᱚᱶᱟ ᱴᱚᱴᱷᱟ ᱨᱮ ᱢᱮᱱᱟᱜ ᱟᱭᱢᱟ ᱞᱮᱠᱟᱱ ᱠᱳᱭᱞᱟ ᱠᱷᱟᱫᱟᱱ ᱠᱚ ᱞᱟᱹᱜᱤᱫ ᱢᱤᱫ ᱢᱩᱬ ᱞᱚᱰᱡᱤᱝ ᱦᱮᱰᱠᱩᱣᱟᱴᱚᱨ ᱞᱮᱠᱟᱛᱮ ᱠᱟᱹᱢᱤ ᱠᱟᱱᱟ ᱾ ᱵᱨᱚᱡᱽᱨᱟᱡᱽᱱᱚᱜᱚᱨ ᱨᱮᱞᱣᱮ ᱥᱴᱮᱥᱚᱱ ᱫᱚ ᱦᱟᱣᱲᱟ, ᱢᱩᱢᱵᱟᱭ, ᱱᱟᱶᱟ ᱫᱤᱞᱞᱤ, ᱵᱷᱩᱵᱽᱱᱮᱥᱚᱨ ᱟᱨ ᱚᱦᱢᱚᱫᱟᱵᱟᱫᱽ ᱠᱷᱚᱱ ᱥᱮᱱᱚᱜ ᱠᱟᱱ ᱴᱨᱮᱱ ᱠᱷᱚᱱ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱡᱷᱟᱨᱥᱩᱜᱩᱲᱟ, ᱡᱟᱦᱟᱸ ᱫᱚ ᱑᱑ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ, ᱪᱮᱱᱱᱟᱭ ᱟᱨ ᱵᱮᱝᱜᱟᱞᱩᱨᱩ ᱥᱟᱶᱛᱮ ᱫᱤᱥᱚᱢ ᱨᱮᱱᱟᱜ ᱮᱴᱟᱜ ᱴᱚᱴᱷᱟ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱱᱚᱰᱮ ᱟᱨ ᱢᱤᱫᱴᱟᱹᱝ ᱨᱮᱞᱣᱮ ᱥᱴᱮᱥᱚᱱ, ᱟᱭᱤ.ᱵᱤ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱵᱨᱚᱡᱽᱨᱟᱡᱽᱱᱚᱜᱚᱨ ᱠᱷᱚᱱ ᱑.᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾

ᱩᱰᱟᱹᱱ ᱰᱟᱹᱦᱤ

ᱥᱩᱨ ᱨᱮᱱᱟᱜ ᱩᱰᱟᱹᱱ ᱰᱟᱹᱦᱤ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱵᱤᱨ ᱥᱩᱨᱮᱱᱫᱨᱚ ᱥᱟᱭ ᱩᱰᱟᱹᱱ ᱰᱟᱹᱦᱤ, ᱡᱷᱟᱨᱥᱩᱜᱩᱰᱟ (᱑᱕ ᱠᱤᱞᱚᱢᱤᱴᱚᱨ), ᱵᱤᱞᱟᱥᱟ ᱫᱮᱵᱤ ᱠᱮᱱᱣᱚᱛ ᱩᱰᱟᱹᱱ ᱰᱟᱹᱦᱤ, ᱵᱤᱞᱟᱥᱯᱩᱨ (᱒᱑᱙ ᱠᱤᱞᱚᱢᱤᱴᱚᱨ), ᱥᱣᱟᱢᱤ ᱵᱤᱵᱮᱠᱟᱱᱚᱱᱫᱚ ᱩᱰᱟᱹᱱ ᱰᱟᱹᱦᱤ, ᱨᱟᱭᱯᱩᱨ (᱓᱑᱙ ᱠᱤᱞᱚᱢᱤᱴᱚᱨ), ᱵᱤᱨᱥᱟ ᱢᱩᱱᱰᱟ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ, ᱨᱟᱺᱪᱤ (᱓᱕᱑ ᱠᱤᱞᱚᱢᱤᱴᱚᱨ) ᱟᱨ ᱵᱤᱡᱩ ᱯᱚᱴᱱᱟᱭᱚᱠ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ, ᱵᱷᱩᱵᱽᱱᱮᱥᱚᱨ (᱓᱖᱐ ᱠᱤᱞᱚᱢᱤᱴᱚᱨ) ᱢᱮᱱᱟᱜᱼᱟ ᱾^[᱘]^[᱙]

᱒᱐᱐᱙ ᱥᱮᱨᱢᱟ ᱨᱮ, ᱥᱤᱧᱚᱛᱤᱭᱟᱹ ᱩᱰᱟᱹᱱ ᱰᱟᱹᱦᱤ ᱯᱨᱟᱫᱷᱤᱠᱚᱨᱚᱱ ᱫᱚ ᱡᱷᱟᱨᱥᱩᱜᱩᱲᱟ ᱨᱮ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱫᱚᱥᱟᱨ ᱚᱲᱟᱜ ᱩᱰᱟᱹᱱ ᱰᱟᱹᱦᱤ ᱵᱮᱱᱟᱣ ᱨᱮᱱᱟᱜ ᱜᱚᱴᱟ ᱠᱮᱫᱟ ᱾ ᱒᱐᱑᱒ ᱥᱮᱨᱢᱟ ᱨᱮ ᱯᱩᱨᱟᱹᱣ ᱛᱟᱭᱚᱢ, ᱡᱷᱟᱨᱥᱩᱜᱩᱰᱟ ᱩᱰᱟᱹᱱ ᱰᱟᱹᱦᱤ ᱵᱨᱚᱡᱽᱨᱟᱡᱽᱱᱚᱜᱚᱨ (᱒᱐ ᱠᱤᱞᱚᱢᱤᱴᱚᱨ) ᱥᱮᱱᱚᱜ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱥᱩᱨ ᱩᱰᱟᱹᱱ ᱰᱟᱹᱦᱤ ᱵᱮᱱᱟᱣ ᱮᱱᱟ ᱾^[᱑᱐] ᱮᱭᱟᱨ ᱳᱰᱤᱥᱟ ᱫᱚ ᱒ ᱱᱚᱵᱷᱮᱢᱵᱚᱨ ᱒᱐᱑᱒ ᱨᱮ ᱨᱟᱣᱩᱨᱠᱮᱞᱟ, ᱡᱷᱟᱨᱥᱩᱜᱩᱰᱟ ᱟᱨ ᱵᱷᱩᱵᱽᱱᱮᱥᱚᱨ ᱛᱟᱞᱟ ᱨᱮ ᱱᱚᱱ-ᱥᱮᱰᱭᱩᱞᱰ ᱠᱚᱢᱚᱨᱥᱤᱭᱟᱞ ᱩᱰᱟᱹᱱ ᱮ ᱮᱦᱚᱵ ᱠᱮᱫᱼᱟ ᱾^[᱑᱑]

ᱥᱮᱪᱮᱫ

ᱵᱤᱞᱤᱵᱷᱟᱨᱥ ᱪᱟᱨᱪ ᱨᱮᱥᱤᱰᱮᱱᱥᱤᱭᱟᱞ ᱟᱥᱲᱟ
ᱜᱟᱸᱫᱽᱜᱷᱳᱨᱟ ᱩᱱᱩᱥᱩᱞ ᱟᱥᱲᱟ
ᱱᱮᱦᱨᱩ ᱢᱮᱢᱳᱨᱤᱭᱟᱞ ᱮᱢ.ᱤ. ᱟᱥᱲᱟ, ᱨᱟᱡᱽᱯᱩᱨ
ᱨᱟᱢᱯᱩᱨ ᱠᱚᱞᱤᱭᱟᱨᱤ ᱦᱟᱭ ᱥᱠᱩᱞ
ᱵᱩᱱᱰᱤᱭᱟ ᱦᱟᱭ ᱥᱠᱩᱞ
ᱠᱩᱰᱚᱯᱟᱞᱤ ᱦᱟᱭ ᱥᱠᱩᱞ
ᱳ.ᱯᱤ.ᱮᱢ ᱠᱚᱲᱟ ᱦᱟᱭ ᱥᱠᱩᱞ
ᱳ.ᱯᱤ.ᱮᱢ ᱛᱤᱨᱞᱟᱹ ᱦᱟᱭ ᱥᱠᱩᱞ
ᱮᱪ ᱞᱟᱭᱤᱱ ᱠᱩᱲᱤ ᱦᱟᱭ ᱥᱠᱩᱞ
ᱞᱟᱢᱛᱤᱵᱟᱦᱟᱞ ᱦᱟᱭ ᱥᱠᱩᱞ
ᱥᱤᱠᱥᱟ ᱱᱤᱠᱮᱛᱟᱱ
ᱰᱤᱮᱵᱷᱤ ᱯᱟᱵᱽᱞᱤᱠ ᱥᱠᱩᱞ
ᱰᱮᱱᱤᱭᱟᱞ ᱯᱟᱵᱽᱞᱤᱠ ᱟᱥᱲᱟ
ᱥᱨᱤᱢᱟ ᱟᱨᱟᱵᱤᱱᱟ ᱦᱟᱭ ᱥᱠᱩᱞ
ᱥᱚᱨᱚᱥᱣᱚᱛᱤ ᱥᱤᱥᱩ ᱵᱤᱫᱽᱭᱟ ᱢᱚᱱᱫᱤᱨ

ᱱᱚᱸᱰᱮ ᱮᱴᱟᱜ ᱛᱟᱱᱟᱞᱟ ᱟᱥᱲᱟ ᱦᱚᱸ ᱢᱮᱱᱟᱜᱼᱟ ᱾

ᱥᱟᱹᱠᱷᱭᱟᱹᱛ

↑ "Pin Code: Sr Brajarajnagar, Jharsuguda, Orissa". Pincode.net.in. Retrieved 2014-01-03.
↑ "History". Jharsuguda Police. Archived from the original on 3 January 2014. Retrieved 2014-01-03.
1 2 "Information About Brajrajnagar". Odisha eMunicipality Services. pp. 1–2. Archived from the original on 4 January 2014. Retrieved 2014-01-03.
↑ Falling Rain Genomics, Inc - Brajarajnagar
↑ http://www.censusindia.gov.in/pca/SearchDetails.aspx?Id=427062 ^{[dead link]}
↑ Com, Moneycontrol (3 January 2014). "Orient Paper and Industries: Company History". Money Control. Retrieved 2014-01-03.
↑ "Industry: Mahanadi Coalfields Ltd". Jharsuguda district website. Archived from the original on 18 February 2011. Retrieved 2014-01-03.
↑ "Nearest airport to Brajrajnagar, India". travelmath.com. Retrieved 2014-01-03.
↑ "Nearest Airport to brajrajnagar". holyindia.org. Retrieved 2014-01-03.
↑ "AAI plans 2nd airport in state". Business Standard India. Business Standard. 7 January 2009. Retrieved 2014-01-03.
↑ "Air Odisha launched commercial flights between Rourkela, Jharsuguda, Bhubaneswar". Orissa Diary. 2 November 2012. Archived from the original on 11 March 2013. Retrieved 2014-01-03.

ᱵᱟᱦᱨᱮ ᱡᱚᱱᱚᱲ

ᱳᱨᱤᱭᱮᱱᱴ ᱯᱮᱯᱚᱨ ᱢᱤᱞ ᱮᱦᱚᱵᱚᱜ ᱠᱟᱱᱟ ( http://jsglive.in/2017/05/11/orient-paper-mill-brajrajnagar-is-likely-to-be-re-open/)
ᱡᱷᱟᱨᱥᱩᱜᱩᱰᱟ ᱦᱚᱱᱚᱛ, ᱥᱚᱨᱠᱟᱨᱤ ᱣᱮᱵᱽᱥᱟᱭᱤᱴ
ᱵᱨᱚᱡᱽᱨᱟᱡᱽᱱᱚᱜᱚᱨ

[1] "Pin Code: Sr Brajarajnagar, Jharsuguda, Orissa". Pincode.net.in. Retrieved 2014-01-03.

[2] "History". Jharsuguda Police. Archived from the original on 3 January 2014. Retrieved 2014-01-03.

[mun-3] 1 2 "Information About Brajrajnagar". Odisha eMunicipality Services. pp. 1–2. Archived from the original on 4 January 2014. Retrieved 2014-01-03.

[4] Falling Rain Genomics, Inc - Brajarajnagar

[5] ttp://www.censusindia.gov.in/pca/SearchDetails.aspx?Id=427062 ^{[dead link]}

[6] Com, Moneycontrol (3 January 2014). "Orient Paper and Industries: Company History". Money Control. Retrieved 2014-01-03.

[7] "Industry: Mahanadi Coalfields Ltd". Jharsuguda district website. Archived from the original on 18 February 2011. Retrieved 2014-01-03.

[8] "Nearest airport to Brajrajnagar, India". travelmath.com. Retrieved 2014-01-03.

[9] "Nearest Airport to brajrajnagar". holyindia.org. Retrieved 2014-01-03.

[10] "AAI plans 2nd airport in state". Business Standard India. Business Standard. 7 January 2009. Retrieved 2014-01-03.

[11] "Air Odisha launched commercial flights between Rourkela, Jharsuguda, Bhubaneswar". Orissa Diary. 2 November 2012. Archived from the original on 11 March 2013. Retrieved 2014-01-03.

[᱑]

[᱒]

[᱓]

[᱔]

[᱕]

[᱖]

[᱗]

[᱘]

[᱙]

[᱑᱐]

[᱑᱑]