ᱵᱭᱟᱥᱱᱚᱜᱚᱨ

ᱵᱭᱟᱥᱱᱚᱜᱚᱨ
ᱵᱭᱟᱥᱱᱚᱜᱚᱨ
ᱱᱚᱜᱚᱨ
	ᱵᱭᱟᱥᱱᱚᱜᱚᱨ ᱵᱭᱟᱥᱱᱚᱜᱚᱨᱥᱤᱧᱚᱛ ᱨᱮᱱᱟᱜ ᱳᱰᱤᱥᱟ ᱨᱮ ᱴᱷᱟᱶ
	Coordinates: 20°56′46″N 86°07′48″E / 20.9460°N 86.1301°ECoordinates: 20°56′46″N 86°07′48″E / 20.9460°N 86.1301°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱳᱰᱤᱥᱟ
ᱦᱚᱱᱚᱛ	ᱡᱟᱡᱽᱯᱩᱨ
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
ᱯᱟᱹᱨᱥᱤ ᱠᱚ
• ᱥᱚᱨᱠᱟᱨᱤ	ᱳᱰᱤᱭᱟ
	IST (ᱭᱩᱴᱤᱥᱤ+᱐᱕:᱓᱐)
ᱣᱮᱵᱽᱥᱟᱭᱤᱴ	odisha.gov.in

ᱵᱭᱟᱥᱱᱚᱜᱚᱨ ᱟᱨᱵᱟᱝ ᱵᱷᱭᱟᱥᱱᱚᱜᱚᱨ ᱫᱚ ᱥᱤᱧᱚᱛ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱡᱟᱡᱽᱯᱩᱨ ᱦᱚᱱᱚᱛ ᱨᱮ ᱢᱮᱱᱟᱜ ᱢᱤᱫ ᱥᱚᱦᱚᱨ ᱟᱨ ᱱᱚᱜᱚᱨ ᱯᱟᱞᱤᱠᱟ ᱠᱟᱱᱟ ᱾ ᱱᱚᱶᱟ ᱫᱚ ᱨᱚᱲ ᱯᱟᱹᱨᱥᱤ ᱛᱮ ᱡᱟᱡᱽᱯᱩᱨ ᱨᱳᱰ ᱧᱩᱛᱩᱢ ᱛᱮ ᱦᱚᱸ ᱵᱟᱰᱟᱭᱚᱜᱼᱟ ᱾^[᱑]^[᱒] ᱱᱚᱶᱟ ᱫᱚ ᱢᱤᱫ ᱤᱱᱰᱚᱥᱴᱨᱤᱭᱟᱞ ᱴᱚᱴᱷᱟ ᱠᱟᱱᱟ ᱟᱨ ᱱᱚᱰᱮ ᱟᱭᱢᱟ ᱥᱴᱤᱞ ᱵᱮᱱᱟᱣ ᱠᱚᱢᱯᱟᱹᱱᱤ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱱᱤᱞᱟᱪᱚᱞ ᱥᱴᱤᱞ ᱠᱚᱢᱯᱟᱹᱱᱤ ᱞᱤᱢᱤᱴᱮᱰ, ᱢᱮᱥᱠᱳ, ᱴᱟᱴᱟ ᱥᱴᱤᱞ ᱟᱨ ᱡᱤᱱᱫᱚᱞ ᱥᱴᱤᱞ ᱥᱮᱞᱮᱫ ᱢᱮᱱᱟᱜᱼᱟ ᱾ ᱦᱚᱱᱚᱛ ᱨᱟᱡᱟᱠᱟᱨᱤ ᱠᱚᱣᱟᱜ ᱢᱮᱱ ᱞᱮᱠᱟᱛᱮ, ᱱᱚᱶᱟ ᱵᱟᱡᱟᱨ ᱨᱮᱱᱟᱜ ᱥᱩᱨ ᱥᱩᱯᱩᱨ ᱨᱮ ᱑᱔ ᱜᱚᱴᱟᱝ ᱢᱟᱨᱟᱝ ᱠᱚᱢᱯᱟᱹᱱᱤ ᱟᱨ ᱟᱭᱢᱟ ᱞᱮᱠᱟᱱ ᱦᱩᱰᱤᱧ ᱠᱚᱢᱯᱟᱹᱱᱤ ᱠᱚ ᱢᱮᱱᱟᱜ ᱟᱠᱟᱫᱟ ᱾ ᱱᱚᱶᱟ ᱥᱚᱦᱚᱨ ᱫᱚ ᱳᱰᱤᱥᱟ ᱨᱤᱱ ᱧᱩᱛᱩᱢᱟᱱ ᱦᱚᱲ ᱠᱚᱣᱟᱜ ᱚᱲᱟᱜ ᱦᱚᱸ ᱠᱟᱱᱟ ᱾ ᱱᱚᱶᱟ ᱠᱚ ᱢᱩᱸᱫᱽ ᱨᱮ ᱯᱤ.ᱥᱤ. ᱜᱷᱚᱰᱮᱭᱤ (ᱢᱟᱨᱮ ᱠᱟᱹᱣᱰᱤ ᱢᱚᱱᱛᱨᱤ), ᱫᱮᱵᱤ ᱟᱥᱳᱠ ᱫᱟᱥ (ᱢᱟᱨᱮ ᱵᱤᱫᱷᱟᱭᱚᱠ), ᱨᱟᱢ ᱪᱚᱸᱫᱽᱨᱚ ᱠᱷᱩᱸᱴᱤᱭᱟ (ᱠᱚᱝᱜᱽᱨᱮᱥ), ᱨᱟᱡᱽᱟᱹᱨᱤ ᱟᱹᱭᱩᱨᱤᱭᱟᱹ ᱜᱤᱨᱤᱫᱷᱟᱨᱤ ᱵᱟᱨᱤᱠ (ᱵᱤᱡᱮᱰᱤ), ᱯᱨᱤᱛᱤ ᱨᱚᱱᱡᱚᱱ ᱜᱷᱚᱰᱮᱭᱤ (ᱵᱤᱫᱷᱟᱭᱚᱠ), ᱟᱠᱴᱚᱨ ᱟᱠᱟᱥ ᱫᱟᱥᱱᱟᱭᱚᱠ, ᱟᱡᱤᱡ ᱟᱠᱴᱨᱮᱥ ᱢᱚᱥᱤ ᱟᱱᱤᱛᱟ ᱫᱟᱥ ᱟᱨ ᱟᱠᱴᱨᱮᱥ ᱱᱟᱭᱱᱟ ᱫᱟᱥ ᱾ ᱱᱚᱶᱟ ᱫᱚ ᱠᱚᱨᱮᱭ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾

ᱱᱟᱜᱟᱢ

ᱦᱟᱣᱲᱟ ᱯᱩᱨᱤ ᱞᱟᱭᱤᱱ ᱨᱮ ᱢᱮᱱᱟᱜ ᱨᱮᱞᱣᱮ ᱥᱴᱮᱥᱚᱱ ᱥᱩᱨ ᱨᱮ ᱱᱚᱶᱟ ᱵᱟᱡᱟᱨ ᱫᱚ ᱵᱮᱱᱟᱣ ᱟᱠᱟᱱᱟ ᱾ ᱩᱱ ᱚᱠᱛᱚ ᱨᱮ ᱱᱚᱣᱟ ᱫᱚ ᱡᱟᱡᱽᱯᱩᱨ ᱟᱨ ᱠᱮᱶᱡᱷᱚᱨ ᱵᱟᱱᱟᱨ ᱥᱚᱦᱚᱨ ᱞᱟᱹᱜᱤᱫ ᱥᱩᱨ ᱨᱮᱞᱣᱮ ᱥᱴᱮᱥᱚᱱ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱞᱟᱹᱜᱤᱫ ᱛᱮ ᱱᱚᱣᱟ ᱥᱴᱮᱥᱚᱱ ᱡᱟᱡᱽᱯᱩᱨ ᱠᱮᱶᱡᱷᱚᱨ ᱨᱳᱰ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱮᱱᱟ ᱾ ᱑᱙᱖᱓ ᱥᱮᱨᱢᱟ ᱨᱮ ᱱᱚᱶᱟ ᱱᱚᱜᱚᱨᱯᱟᱞᱤᱠᱟ ᱵᱮᱱᱟᱣ ᱞᱮᱱᱟ ᱾ ᱱᱚᱶᱟ ᱫᱚ ᱒᱐᱑᱓ ᱨᱮ ᱟᱡᱟᱜ ᱥᱚᱱᱟ ᱡᱩᱵᱤᱞᱤ ᱢᱟᱱᱟᱣ ᱠᱮᱫᱼᱟ ᱾^[᱒]^[᱓]

ᱰᱮᱢᱚᱜᱨᱟᱯᱷᱤᱠ

᱒᱐᱑᱑ ᱥᱟᱞ ᱨᱮᱱᱟᱜ ᱥᱤᱧᱚᱛ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ,^[᱔] ᱵᱭᱟᱥᱱᱚᱜᱚᱨ ᱨᱤᱱ ᱦᱚᱲ ᱮᱞ ᱫᱚ ᱓᱗,᱖᱐᱙ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱚᱲᱟ ᱠᱚᱣᱟᱜ ᱮᱞ ᱫᱚ ᱕᱓% ᱟᱨ ᱛᱤᱨᱞᱟᱹ ᱠᱚᱣᱟᱜ ᱮᱞ ᱫᱚ ᱔᱗% ᱢᱮᱱᱟᱜᱼᱟ ᱾ ᱵᱭᱟᱥᱱᱚᱜᱚᱨ ᱨᱮᱱᱟᱜ ᱥᱮᱪᱮᱫ ᱫᱚᱨ ᱫᱚ ᱘᱐% ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱕᱙.᱕% ᱠᱷᱚᱱ ᱰᱷᱮᱨ ᱜᱮᱭᱟ; ᱡᱟᱦᱟᱸ ᱨᱮ ᱠᱚᱲᱟ ᱥᱮᱪᱮᱫ ᱗᱙% ᱟᱨ ᱛᱤᱨᱞᱟᱹ ᱥᱮᱪᱮᱫ ᱖᱖% ᱢᱮᱱᱟᱜᱼᱟ; ᱦᱚᱲ ᱮᱞ ᱨᱮᱱᱟᱜ ᱑᱑% ᱴᱷᱟᱶ ᱖ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨᱟᱜ ᱢᱮᱱᱟᱜᱼᱟ ᱾ ᱤᱱᱰᱟᱥᱴᱨᱤ ᱠᱚ ᱞᱮᱠᱟᱛᱮ ᱱᱚᱣᱟ ᱫᱚ ᱥᱟᱱᱟᱢ ᱠᱷᱚᱱ ᱞᱚᱜᱚᱱ ᱞᱟᱦᱟᱱᱛᱤ ᱥᱚᱦᱚᱨ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱾

ᱥᱟᱜᱟᱲᱚᱢ

ᱱᱚᱣᱟ ᱨᱮᱞᱣᱮ ᱥᱴᱮᱥᱚᱱ ᱫᱚ ᱡᱟᱡᱽᱯᱩᱨ ᱠᱮᱶᱡᱷᱚᱨ ᱨᱳᱰ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ, ᱡᱟᱦᱟᱸ ᱫᱚ ᱦᱟᱣᱲᱟ-ᱪᱮᱱᱱᱟᱭ ᱢᱩᱬ ᱞᱟᱭᱤᱱ ᱨᱮ ᱢᱮᱱᱟᱜᱼᱟ ᱟᱨ ᱵᱷᱚᱫᱽᱨᱚᱠ ᱟᱨ ᱠᱚᱴᱚᱠ ᱛᱟᱞᱟ ᱨᱮ ᱢᱤᱫᱴᱟᱹᱝ ᱢᱩᱬ ᱥᱴᱮᱥᱚᱱ ᱠᱟᱱᱟ ᱾

ᱱᱚᱶᱟ ᱥᱚᱦᱚᱨ ᱫᱚ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱑᱖ ᱠᱷᱚᱱ ᱑᱕ ᱠᱤᱞᱚᱢᱤᱴᱚᱨ (᱙ ᱢᱤᱞ) ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱵᱭᱟᱥᱱᱚᱜᱚᱨ ᱫᱚ ᱵᱷᱩᱵᱽᱱᱮᱥᱚᱨ, ᱠᱮᱶᱡᱷᱚᱨ ᱞᱮᱠᱟᱛᱮ ᱨᱟᱣᱨᱠᱮᱞᱟ ᱟᱨ ᱵᱷᱚᱫᱽᱨᱚᱠ ᱞᱮᱠᱟᱛᱮ ᱵᱟᱞᱮᱥᱚᱨ ᱠᱷᱚᱱ ᱡᱚᱲᱟᱣ ᱟᱠᱟᱱ ᱟᱹᱰᱤ ᱜᱟᱱ ᱵᱟᱥ ᱥᱮᱵᱟ ᱢᱮᱱᱟᱜᱼᱟ ᱾

ᱥᱩᱨ ᱨᱮᱱᱟᱜ ᱩᱰᱟᱹᱱ ᱰᱟᱹᱦᱤ ᱫᱚ ᱵᱷᱩᱵᱽᱱᱮᱥᱚᱨ ᱨᱮ ᱵᱤᱡᱩ ᱯᱚᱴᱱᱟᱭᱚᱠ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱠᱟᱱᱟ ᱾

ᱟᱹᱨᱤᱪᱟᱹᱞᱤ

ᱢᱤᱴᱚᱞᱚᱡᱤᱠᱟᱞ ᱵᱭᱟᱥᱟ ᱥᱟᱨᱚᱵᱷᱚᱨᱟ ᱱᱚᱸᱰᱮ ᱢᱮᱱᱟᱜᱼᱟ ᱾ ᱢᱟᱨᱪ ᱪᱟᱸᱫᱚ ᱨᱮ ᱵᱷᱭᱟᱥᱚᱫᱮᱵᱽ ᱟᱜ ᱢᱟᱱᱚᱛ ᱛᱮ ᱱᱚᱰᱮ ᱑᱑ ᱢᱟᱦᱟᱸ ᱨᱮᱱᱟᱜ ᱢᱮᱞᱟ ᱮ ᱥᱟᱯᱲᱟᱣᱟ ᱾^[᱒]

ᱤᱱᱰᱟᱥᱴᱨᱤ

ᱯᱷᱮᱨᱚᱠᱨᱚᱢ ᱯᱞᱟᱱᱴ ᱫᱚ ᱑᱙᱖᱙ ᱥᱮᱨᱢᱟ ᱨᱮ ᱤᱰᱤᱠᱳᱞ ᱨᱮᱱᱟᱜ ᱢᱤᱫ ᱰᱤᱵᱤᱡᱚᱱ ᱞᱮᱠᱟᱛᱮ ᱠᱟᱹᱢᱤ ᱮᱦᱚᱵ ᱞᱮᱱᱟ, ᱡᱟᱦᱟᱸ ᱨᱮ ᱥᱮᱨᱢᱟ ᱨᱮ ᱑᱒,᱐᱐᱐ ᱢᱮᱴᱨᱤᱠ ᱴᱚᱱ ᱦᱟᱭ ᱠᱟᱨᱵᱚᱱ ᱯᱷᱮᱨᱚᱠᱨᱚᱢ (HCFC) ᱯᱨᱚᱰᱚᱠᱥᱚᱱ ᱯᱷᱚᱨᱱᱮᱥ ᱥᱟᱶᱛᱮ ᱯᱨᱚᱰᱚᱠᱥᱚᱱ ᱦᱩᱭ ᱫᱟᱲᱮᱭᱟᱜᱼᱟ ᱾ ᱛᱟᱭᱚᱢ ᱛᱮ, ᱚᱠᱴᱚᱵᱚᱨ ᱑᱙᱗᱐ ᱨᱮ ᱥᱞᱮᱜᱽ ᱯᱷᱚᱨᱱᱮᱥ ᱥᱟᱶ ᱥᱮᱨᱢᱟ ᱨᱮ ᱑᱐,᱐᱐᱐ ᱢᱮᱴᱨᱤᱠ ᱴᱚᱱ ᱞᱟᱛᱟᱨ ᱠᱟᱨᱵᱚᱱ ᱯᱷᱮᱨᱚᱠᱨᱚᱢ (LCFC) ᱨᱮᱱᱟᱜ ᱵᱟᱹᱲᱛᱤ ᱠᱮᱯᱮᱥᱤᱴᱤ ᱵᱮᱱᱟᱣ ᱮᱱᱟ ᱾ ᱢᱮᱱᱠᱷᱟᱱ, ᱥᱩᱯᱟᱨᱤ ᱠᱚᱢ ᱥᱩᱯᱟᱨᱤ ᱥᱟᱢᱟᱝ ᱟᱯᱷᱨᱤᱠᱟ ᱯᱷᱮᱨᱚᱠᱨᱚᱢ ᱨᱮᱱᱟᱜ ᱥᱮᱱᱚᱜ ᱟᱨ ᱮᱞ.ᱥᱤ.ᱯᱤ.ᱥᱤ. ᱨᱮᱱᱟᱜ ᱞᱟᱹᱠᱛᱤ ᱨᱮ ᱥᱩᱢᱩᱝ ᱟᱱᱟᱴ ᱠᱷᱟᱹᱛᱤᱨ, IDCOL ᱫᱚ ᱮᱞ.ᱥᱤ.ᱯᱤ.ᱥᱤ. ᱨᱮᱱᱟᱜ ᱯᱨᱚᱰᱚᱠᱥᱚᱱ ᱫᱚᱦᱚᱭ ᱨᱮᱱᱟᱜ ᱜᱷᱚᱴᱚᱱ ᱮᱱᱟ ᱟᱨ ᱞᱟᱹᱠᱛᱤᱭᱟᱱ ᱯᱟᱨᱥᱟᱞ ᱥᱟᱶᱛᱮ, ᱡᱩᱞᱟᱭ ᱑᱙᱙᱘ ᱨᱮ ᱟᱡᱟᱜ ᱥᱞᱮᱜᱽ ᱯᱷᱚᱨᱱᱮᱥ ᱫᱚ ᱨᱮᱰᱠᱥᱚᱱ ᱯᱷᱚᱨᱱᱮᱥ ᱨᱮ ᱵᱚᱫᱚᱞ ᱠᱮᱫᱼᱟ, ᱡᱚᱛᱚ ᱥᱮᱨᱢᱟ ᱨᱮ ᱖᱐᱐᱐ ᱢᱮᱴᱨᱤᱠ ᱴᱚᱱ ᱮᱴᱠᱮᱴᱚᱬᱮ ᱮᱞ.ᱥᱤ.ᱯᱤ.ᱥᱤ. ᱨᱮᱱᱟᱜ ᱯᱨᱚᱰᱚᱠᱥᱚᱱ ᱦᱩᱭ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱥᱟᱶᱛᱮ, HCFC ᱨᱮᱱᱟᱜ ᱜᱩᱴ ᱤᱱᱥᱴᱚᱞᱰ ᱠᱮᱯᱮᱥᱤᱴᱤ ᱫᱚ ᱥᱮᱨᱢᱟ ᱨᱮ ᱑᱘,᱐᱐᱐ MT ᱦᱟᱛᱟᱣ ᱮᱱᱟ ᱾ ᱱᱮᱛᱟᱨᱟᱜ ᱤᱱᱥᱴᱚᱞᱰ ᱠᱮᱯᱮᱥᱤᱴᱤ ᱫᱚ ᱥᱮᱨᱢᱟ ᱨᱮ ᱑᱙,᱐᱐᱐ ᱢᱮᱴᱨᱤᱠ ᱴᱚᱱ ᱠᱟᱱᱟ ᱾ ᱯᱷᱚᱨᱱᱮᱥ ᱨᱮᱱᱟᱜ ᱨᱮᱴᱮᱰ ᱠᱮᱯᱮᱥᱤᱴᱤ ᱫᱚ ᱙ ᱢᱮᱜᱟᱣᱟᱴ ᱟᱨ ᱖.᱕ ᱢᱮᱜᱟᱣᱟᱴ ᱠᱟᱱᱟ ᱾ ᱱᱚᱶᱟ ᱯᱨᱚᱴᱟᱴᱤ ᱫᱚ ᱒᱐᱐᱒ ᱥᱮᱨᱢᱟ ᱨᱮᱱᱟᱜ ᱮᱯᱨᱤᱞ ᱪᱟᱸᱫᱚ ᱨᱮ IFCAL ᱦᱚᱛᱮᱛᱮ ᱦᱟᱛᱟᱣ ᱞᱮᱱᱟ ᱾ ᱯᱷᱮᱨᱚᱠᱨᱚᱢ ᱯᱞᱟᱱᱴ ᱨᱮ ᱚᱯᱮᱱ ᱢᱟᱭᱱ ᱠᱷᱚᱱ ᱠᱨᱚᱢ ᱚᱨᱥ, ᱚᱨᱥ ᱯᱨᱟᱭᱯᱷᱮᱨᱮᱥᱚᱱ ᱟᱨ ᱢᱮᱞᱮᱱᱰᱤᱝ ᱯᱨᱚᱥᱮᱥ ᱢᱮᱱᱟᱜᱼᱟ ᱾ ᱯᱨᱚᱰᱚᱠᱥᱚᱱ ᱯᱨᱚᱥᱮᱥ ᱨᱮ ᱠᱨᱳᱢᱤᱭᱟᱢ ᱚᱠᱥᱟᱭᱤᱰ ᱮᱞᱮᱠᱴᱨᱤᱠ ᱟᱨᱠ ᱯᱷᱚᱨᱱᱮᱥ ᱛᱮ ᱠᱨᱳᱢᱤᱭᱟᱢ ᱛᱮ ᱵᱚᱫᱚᱞ ᱟᱨ ᱚᱱᱟ ᱛᱟᱭᱚᱢ ᱠᱟᱨᱵᱚᱱ ᱨᱮᱱᱟᱜ ᱜᱚᱲᱚ ᱛᱮ ᱢᱮᱴᱟᱞᱤᱠ ᱚᱠᱥᱟᱭᱤᱰ ᱨᱮᱱᱟᱜ ᱟᱨᱦᱚᱸ ᱰᱮᱯᱷᱟᱭᱞᱚᱵᱽ ᱛᱮ HCFC ᱯᱨᱚᱰᱚᱠᱥᱚᱱ ᱦᱩᱭᱩᱜᱼᱟ ᱾

ᱱᱚᱶᱟ ᱯᱞᱟᱱᱴ ᱫᱚ ᱳᱰᱤᱥᱟ ᱨᱮᱱᱟᱜ ᱡᱟᱡᱽᱯᱩᱨ ᱦᱚᱱᱚᱛ ᱨᱮ ᱡᱟᱡᱽᱯᱩᱨ ᱨᱳᱰ ᱨᱮ ᱢᱮᱱᱟᱜᱼᱟ ᱟᱨ ᱵᱷᱩᱵᱽᱱᱮᱥᱚᱨ ᱟᱨ ᱠᱚᱞᱠᱟᱛᱟ ᱡᱚᱲᱟᱣᱟᱜ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ-᱕ ᱠᱷᱚᱱ ᱑᱒ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱥᱩᱨ ᱨᱮᱞᱣᱮ ᱥᱴᱮᱥᱚᱱ ᱫᱚ ᱡᱟᱡᱽᱯᱩᱨ ᱠᱮᱶᱡᱷᱚᱨ ᱨᱳᱰ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ, ᱡᱟᱦᱟᱸ ᱫᱚ ᱯᱞᱟᱱᱴ ᱠᱷᱚᱱ ᱒ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱟᱨ ᱥᱩᱨ ᱨᱮᱱᱟᱜ ᱩᱰᱟᱹᱱ ᱰᱟᱹᱦᱤ ᱫᱚ ᱵᱷᱩᱵᱽᱱᱮᱥᱚᱨ ᱠᱟᱱᱟ (ᱡᱟᱦᱟᱸ ᱫᱚ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱦᱚᱸ ᱠᱟᱱᱟ) ᱡᱟᱦᱟᱸ ᱫᱚ ᱯᱞᱟᱱᱴ ᱠᱷᱚᱱ ᱑᱒᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾

ᱥᱟᱹᱠᱷᱭᱟᱹᱛ

↑ S. C. Bhatt, G.K.B. (2005). Land and people of Indian states and union territories : (in 36 volumes). 21. Orissa. Land and people of Indian states and union territories / eds. S.C. Bhatt; 3011. Kalpaz publ. p. 184. ISBN 978-81-7835-377-7. Retrieved 2019-05-24.
1 2 3 Pioneer, The (2019-05-24). "Vyasa Sarovar Mela, civic body jubilee end". The Pioneer. Retrieved 2019-05-24.^{[permanent dead link]}
↑ Orissa (India); Senapati, N.; Sahu, N.K. (1972). Orissa District Gazetteers: Cuttack. Gazetteer of India (in ᱟᱝᱜᱽᱨᱮᱡᱤ). Superintendent, Orissa Government Press. Retrieved 2019-06-21.
↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.

ᱵᱟᱦᱨᱮ ᱡᱚᱱᱚᱲ

[S._C._Bhatt_2005_p._184-1] S. C. Bhatt, G.K.B. (2005). Land and people of Indian states and union territories : (in 36 volumes). 21. Orissa. Land and people of Indian states and union territories / eds. S.C. Bhatt; 3011. Kalpaz publ. p. 184. ISBN 978-81-7835-377-7. Retrieved 2019-05-24.

[Pioneer_2019-2] 1 2 3 Pioneer, The (2019-05-24). "Vyasa Sarovar Mela, civic body jubilee end". The Pioneer. Retrieved 2019-05-24.^{[permanent dead link]}

[Orissa_(India)_Senapati_Sahu_p.-3] Orissa (India); Senapati, N.; Sahu, N.K. (1972). Orissa District Gazetteers: Cuttack. Gazetteer of India (in ᱟᱝᱜᱽᱨᱮᱡᱤ). Superintendent, Orissa Government Press. Retrieved 2019-06-21.

[4] "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.

[᱑]

[᱒]

[᱓]

[᱔]