ᱵᱮᱭᱥᱟᱞᱤ ᱫᱮᱥᱟᱭ
| ᱵᱮᱭᱥᱟᱞᱤ ᱫᱮᱥᱟᱭ | |
|---|---|
 ᱵᱮᱭᱥᱟᱞᱤ ᱫᱮᱥᱟᱭ | |
| ᱠᱟᱹᱢᱤ | ᱢᱚᱰᱮᱞ, ᱵᱳᱞᱤᱣᱩᱰ ᱮᱠᱴᱨᱮᱥ |
| ᱯᱮᱲᱟ ᱥᱟᱹᱜᱟᱹᱭᱟᱱᱠᱚ | ᱢᱚᱱᱢᱳᱦᱚᱱ ᱫᱮᱥᱟᱭ (grand father) |
ᱵᱮᱭᱥᱟᱞᱤ ᱫᱮᱥᱟᱭ ᱫᱚ ᱢᱤᱫ ᱥᱤᱧᱚᱛᱤᱭᱟ. ᱮᱠᱴᱨᱮᱥ, ᱢᱚᱰᱮᱞ ᱟᱨ ᱵᱤᱭᱩᱴᱤ ᱯᱤᱜᱟᱢᱮᱱᱴ ᱡᱤᱛᱠᱟᱹᱨᱤᱭᱟᱹ ᱠᱟᱱᱟᱭ ᱾[᱑] ᱢᱚᱱᱢᱳᱦᱚᱱ ᱫᱮᱥᱟᱭᱤᱡ ᱜᱚᱲᱚᱢ ᱠᱩᱲᱤ ᱠᱟᱱᱟᱭ ᱾ ᱩᱱᱤ ᱫᱚ ᱯᱷᱮᱢᱤᱱᱟ ᱢᱤᱥ ᱤᱱᱰᱤᱭᱟ ᱤᱱᱴᱚᱨᱱᱮᱥᱱᱟᱞ ᱒᱐᱐᱕ ᱨᱮᱱᱟᱜ ᱛᱷᱚᱠᱭ ᱟᱢᱮᱴ ᱞᱮᱫᱼᱟ ᱟᱨ ᱴᱳᱠᱤᱭᱳ ᱨᱮ ᱦᱩᱭ ᱟᱠᱟᱱ ᱢᱤᱥ ᱤᱱᱴᱚᱨᱱᱮᱥᱱᱟᱞ ᱒᱐᱐᱕ ᱨᱮ ᱥᱤᱧᱚᱛ ᱨᱮᱱᱟᱜ ᱨᱩᱯ ᱮ ᱟᱢᱮᱴ ᱞᱮᱫᱼᱟ ᱾ ᱩᱱᱤ ᱫᱚ ᱠᱟᱞ ᱠᱤᱥᱱᱮ ᱰᱮᱠᱷᱟ ᱯᱷᱤᱞᱢ ᱠᱷᱚᱱ ᱟᱡᱟᱜ ᱮᱱᱮᱡ ᱡᱤᱭᱚᱱ ᱮᱛᱚᱦᱚᱵ ᱞᱮᱫ-ᱟ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱮᱭᱥᱟᱞᱤ ᱫᱮᱥᱟᱭ ᱫᱚ ᱢᱤᱫ ᱜᱩᱡᱽᱨᱟᱴᱤ ᱠᱟᱱᱟᱭ ᱾[᱒] ᱢᱚᱱᱢᱳᱦᱚᱱ ᱫᱮᱥᱟᱭᱤᱡ ᱜᱚᱲᱚᱢ ᱠᱩᱲᱤ ᱠᱟᱱᱟᱭ ᱾
ᱵᱮᱭᱥᱟᱞᱤ ᱫᱮᱥᱟᱭ ᱫᱚ ᱵᱮᱝᱜᱟᱞᱩᱨᱩ ᱨᱮᱭ ᱦᱟᱨᱟ ᱞᱮᱱᱟ ᱾ ᱵᱷᱟᱭᱥᱟᱞᱤ ᱫᱚ ᱟᱡᱟᱜ ᱥᱮᱪᱮᱫ ᱫᱚ ᱵᱮᱝᱜᱟᱞᱩᱨᱩ ᱨᱮᱭᱟᱜ ᱥᱳᱯᱷᱤᱭᱟ ᱦᱟᱭ ᱥᱠᱩᱞ ᱨᱮᱭ ᱯᱟᱲᱦᱟᱣ ᱞᱮᱱᱟ ᱾ ᱩᱱᱤ ᱫᱚ ᱵᱮᱝᱜᱟᱞᱩᱨᱩ ᱨᱮᱭᱟᱜ ᱢᱟᱣᱩᱱᱴ ᱠᱟᱨᱢᱮᱞ ᱠᱚᱞᱮᱡᱽ ᱠᱷᱚᱱ ᱟᱡᱟᱜ ᱜᱨᱮᱡᱩᱣᱮᱥᱚᱱ ᱯᱩᱨᱟᱹᱣ ᱞᱮᱫ-ᱟ ᱾ ᱢᱤᱥ ᱤᱱᱰᱤᱭᱟ ᱠᱚᱸᱴᱮᱥᱴ ᱛᱟᱭᱚᱢ ᱩᱱᱤ ᱫᱚ ᱢᱚᱰᱮᱞᱤᱝ ᱟᱨ ᱮᱴᱟᱜ ᱯᱟᱲᱦᱟᱣ ᱞᱟᱹᱜᱤᱫ ᱟᱡᱟᱜ ᱜᱷᱟᱨᱚᱸᱡᱽ ᱥᱟᱶ ᱢᱩᱢᱵᱟᱭ ᱨᱮᱭ ᱥᱮᱱ ᱮᱱᱟ ᱾
ᱵᱮᱭᱥᱟᱞᱤ ᱫᱮᱥᱟᱭ ᱫᱚ ᱵᱮᱝᱜᱟᱞᱩᱨᱩ ᱨᱮ ᱨᱟᱢᱯᱷᱳᱞ ᱠᱚᱭ ᱪᱟᱞ ᱟᱫᱮ ᱛᱟᱦᱮᱸᱫ ᱟᱨ ᱢᱤᱫ ᱴᱚᱯ ᱢᱚᱰᱮᱞ ᱮ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱯᱩᱭᱞᱩ ᱮᱱᱮᱡ ᱫᱚ ᱑᱔ ᱵᱚᱪᱷᱚᱨ ᱩᱢᱮᱨ ᱨᱮ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱢᱩᱬᱩᱛ ᱥᱮᱱᱮᱞᱮᱫ ᱟᱨ ᱮᱱᱮᱡ ᱡᱮᱜᱮᱛ ᱨᱮ ᱟᱡᱟᱜ ᱯᱩᱭᱞᱩ ᱵᱮᱯᱟᱨᱤ ᱯᱚᱱᱰᱥ ᱰᱨᱤᱢ ᱯᱷᱞᱚᱣᱟᱨ ᱴᱮᱞᱠ (Ponds Dreamflower Talc) ᱨᱮ ᱛᱟᱦᱮᱸ ᱠᱟᱱᱟ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱛᱟᱱᱤᱥᱠ, ᱠᱚᱢᱯᱟᱠ, ᱨᱮᱢᱚᱱᱰᱥ ᱮᱢᱟᱱ ᱠᱚᱨᱮ ᱦᱚᱸᱭ ᱠᱟ. ᱣᱤᱥᱟᱞᱤ ᱫᱚ ᱟᱡᱟᱜ ᱧᱩᱛᱩᱢ ᱵᱷᱚᱭᱥᱟᱞᱤ ᱫᱮᱥᱟᱭ ᱫᱚ ᱵᱟᱝ ᱵᱚᱫᱚᱞ ᱟᱠᱟᱫᱟ, ᱡᱮᱞᱮᱠᱟ ᱟᱡᱟᱜ ᱯᱩᱭᱞᱩ ᱯᱷᱤᱞᱢ ᱠᱟᱞ ᱠᱤᱥᱱᱮ ᱫᱮᱠᱷᱟ ᱨᱮ ᱾ ᱒᱓ ᱟᱱᱟᱜ ᱵᱩᱥᱟᱱ ᱤᱱᱴᱚᱨᱱᱮᱥᱱᱟᱞ ᱯᱷᱤᱞᱢ ᱯᱷᱮᱥᱴᱤᱵᱟᱞ ᱨᱮ ᱯᱷᱤᱞᱢ ᱫᱚ ᱥᱚᱨᱠᱟᱨᱤ ᱞᱮᱠᱟᱛᱮ ᱵᱟᱪᱷᱚᱱ ᱞᱮᱱᱟ ᱟᱨ ᱮᱥᱤᱭᱟᱱ ᱥᱚᱨᱴ ᱯᱷᱤᱞᱢ ᱠᱚᱢᱯᱤᱴᱤᱥᱚᱱ ᱛᱷᱚᱠ ᱨᱮ ᱦᱮᱯᱨᱟᱣ ᱞᱮᱱᱟ ᱾
ᱢᱚᱰᱮᱞᱤᱝ ᱟᱨ ᱯᱨᱚᱵᱷᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱠᱚᱢᱯᱟᱠ ᱞᱮᱯᱴᱚᱯ ᱮᱰ ᱨᱮ ᱟᱨ ᱟᱹᱰᱤ ᱧᱩᱛᱩᱢᱟᱱ ᱨᱮᱢᱚᱱᱰ ᱮᱰ ᱨᱮ ᱧᱮᱞ ᱞᱮᱱᱟᱭ ᱾ ᱱᱤᱛᱚᱜ ᱫᱚ ᱱᱟᱯᱷᱤᱥᱟ ᱟᱞᱤ ᱥᱟᱶ ᱛᱮ ᱟᱨ ᱢᱤᱫᱴᱮᱱ ᱛᱟᱱᱤᱥᱠ ᱮᱰ ᱨᱮ ᱧᱮᱞᱚᱜ ᱠᱟᱱᱟᱭ ᱾ ᱩᱱᱤ ᱫᱚ ᱥᱣᱟᱨᱱᱟᱢ ᱚᱭᱤᱞ ᱟᱨ ᱯᱟᱣᱟᱨ ᱰᱮᱴᱟᱨᱡᱮᱱᱴ ᱞᱮᱠᱟᱱ ᱯᱨᱚᱰᱚᱠᱴ ᱠᱚ ᱞᱟᱹᱜᱤᱫ ᱮᱰᱵᱷᱤᱥᱟᱱ ᱠᱚᱭ ᱵᱮᱱᱟᱣ ᱟᱠᱟᱫᱟ ᱾ ᱣᱤᱥᱟᱞᱤ ᱫᱚ ᱥᱟᱦᱨᱩᱠᱷ ᱠᱷᱟᱱ ᱥᱟᱶ ᱥᱚᱱᱯᱷᱤᱴ ᱟᱨ ᱫᱟᱵᱩᱨ ᱜᱩᱞᱚᱵᱟᱨᱤ ᱨᱮ ᱢᱤᱫᱴᱮᱱ ᱮᱰ ᱨᱮᱭ ᱧᱮᱞ ᱞᱮᱱᱟ ᱾
ᱵᱮᱭᱥᱟᱞᱤ ᱫᱮᱥᱟᱭ ᱫᱚ ᱟᱡᱟᱜ ᱯᱩᱭᱞᱩ ᱵᱷᱤᱰᱤᱭᱳ ᱠᱩᱢᱟᱨ ᱥᱟᱱᱩ ᱞᱟᱹᱜᱤᱫ ᱛᱮ 'ᱚᱭᱤᱥᱟ ᱱᱟ ᱰᱮᱠᱷᱳ ᱢᱩᱡᱷᱮ' ᱥᱮᱨᱮᱧ ᱞᱟᱹᱜᱤᱫ ᱮ ᱵᱮᱱᱟᱣ ᱞᱮᱫ-ᱟ ᱾ ᱤᱣᱯᱷᱳᱨᱤᱭᱟ ᱵᱮᱱᱰ ᱞᱟᱹᱜᱤᱫ ᱛᱮ ᱩᱱᱤ ᱯᱮᱭᱟ ᱵᱷᱤᱰᱤᱭᱳᱭ ᱵᱮᱱᱟᱣ ᱞᱮᱫ-ᱟ ᱾ ᱩᱱᱤ ᱫᱚ ᱩᱱᱠᱩ ᱥᱟᱶ "ᱥᱚᱱᱮᱭᱟ" ᱨᱮ ᱠᱟ.ᱢᱤ ᱞᱮᱫᱟᱭ, ᱡᱟᱦᱟᱸ ᱫᱚ ᱯᱨᱚᱫᱤᱯ ᱥᱚᱨᱠᱟᱨ ᱦᱚᱛᱮᱛᱮ ᱰᱤᱨᱮᱠᱴᱚᱨᱤ ᱟᱠᱟᱱ "ᱢᱮᱦᱯᱩᱡ" ᱨᱮ ᱠᱟ.ᱢᱤ ᱞᱮᱫᱟᱭ ᱾
ᱵᱮᱭᱥᱟᱞᱤ ᱫᱮᱥᱟᱭ ᱫᱚ ᱮᱞᱟᱭᱴ ᱞᱩᱠ ᱚᱯᱷ ᱫ ᱤᱭᱚᱨ ᱠᱚᱸᱴᱮᱠᱥᱴ ᱨᱮ ᱥᱮᱞᱮᱫ ᱞᱮᱱᱟᱭ ᱟᱨ ᱫᱚᱥᱟᱨ ᱨᱟᱱᱚᱨ-ᱟᱯ ᱮ ᱛᱟᱦᱮᱸ ᱠᱟᱱᱟᱭ ᱾ ᱵᱷᱚᱭᱥᱟᱞᱤ ᱫᱚ ᱯᱳᱱᱰ ᱯᱷᱮᱢᱤᱱᱟ ᱢᱤᱥ ᱤᱱᱰᱤᱭᱟ ᱠᱚᱸᱥᱴᱤᱴ ᱨᱮ ᱥᱮᱞᱮᱫ ᱞᱮᱱᱟᱭ ᱟᱨ ᱯᱮᱭᱟ ᱨᱟᱱᱚᱨ-ᱟᱯ ᱞᱮᱠᱟᱛᱮ ᱢᱤᱥ ᱤᱱᱰᱤᱭᱟ ᱤᱱᱴᱚᱨᱱᱮᱥᱱᱟᱞ ᱮ ᱵᱮᱱᱟᱣ ᱞᱮᱱᱟᱭ, ᱢᱮᱱᱠᱷᱟᱱ ᱯᱮᱭᱟ ᱯᱷᱤᱱᱮᱞᱤᱥᱴ ᱨᱮ ᱵᱟᱝ ᱛᱟᱦᱮᱸ ᱠᱟᱱᱟᱭ ᱾ ᱤᱱᱟᱹ ᱥᱮᱨᱢᱟ ᱨᱮ ᱜᱮ ᱵᱷᱟᱭᱥᱟᱞᱤ ᱫᱚ ᱴᱳᱠᱤᱭᱳ ᱨᱮ ᱢᱤᱥ ᱤᱱᱴᱚᱨᱱᱮᱥᱱᱟᱞ ᱠᱚᱸᱴᱮᱠᱥᱴ ᱞᱟᱹᱜᱤᱫ ᱮ ᱥᱮᱱ ᱮᱱᱟ, ᱢᱮᱱᱠᱷᱟᱱ ᱠᱚᱱᱡᱩᱠᱴᱤᱵᱤᱴᱤᱥ (conjunctivitis) ᱠᱷᱟᱹᱛᱤᱨ ᱟᱡ ᱫᱚ ᱵᱟᱭ ᱡᱤᱛᱠᱟᱹᱨ ᱞᱮᱱᱟ ᱾
ᱵᱮᱭᱥᱟᱞᱤ ᱫᱮᱥᱟᱭ ᱫᱚ ᱥᱤᱧᱚᱛ ᱨᱤᱱ ᱢᱟᱨᱟᱝ ᱰᱤᱡᱟᱭᱤᱱᱚᱨ ᱠᱚ ᱞᱟᱹᱜᱤᱫ ᱨᱟᱢᱯᱷᱳᱞ ᱠᱚᱭ ᱪᱟᱞ ᱟᱠᱟᱜᱼᱟ ᱾ ᱩᱱᱤ ᱫᱚ ᱞᱚᱠᱢᱮ ᱯᱷᱮᱥᱚᱱ ᱣᱤᱠ, ᱰᱷᱟᱠᱟ ᱯᱷᱮᱥᱚᱱ ᱣᱤᱠ ᱟᱨ ᱥᱨᱤᱞᱚᱝᱠᱟ ᱯᱷᱮᱥᱚᱱ ᱣᱤᱠ ᱨᱮ ᱥᱮᱞᱮᱫ ᱞᱮᱱᱟᱭ ᱟᱨ ᱞᱳᱨᱤᱭᱟᱞ, ᱢᱚᱥᱪᱤᱱᱳ ᱮᱢᱟᱱ ᱠᱚ ᱞᱟᱹᱜᱤᱫ ᱥᱳ ᱠᱚᱭ ᱥᱮᱞᱮᱫ ᱟᱠᱟᱫᱟ ᱾ ᱩᱱᱤ ᱫᱚ ᱟᱹᱰᱤ ᱜᱟᱱ ᱯᱨᱤᱱᱴ ᱟᱨ ᱤᱰᱤᱭᱟᱴᱳᱨᱤᱭᱟᱞ ᱠᱟᱹᱢᱤ ᱦᱚᱸᱭ ᱠᱟᱹᱢᱤ ᱟᱠᱟᱫᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Misra, Iti Shree (26 April 2012). "A model's shelf life is very small: Vaishali Desai". The Times of India. Retrieved 18 September 2023.
- ↑ "Vaishali Desai to play journalist in 'Meet The Patels'". Mumbai: Dainik Jagran. 7 November 2014. Archived from the original on 16 May 2015. Retrieved 18 September 2023.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱵᱮᱭᱥᱟᱞᱤ ᱫᱮᱥᱟᱭ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- ᱵᱮᱭᱥᱟᱞᱤ ᱫᱮᱥᱟᱭ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)