ᱵᱷᱟᱜᱤᱨᱚᱛᱷᱤ ᱟᱢᱢᱟ

ᱵᱷᱟᱜᱤᱨᱚᱛᱷᱤ ᱟᱢᱢᱟ (᱑᱙᱑᱔ – ᱒᱒ ᱡᱩᱞᱟᱭ ᱒᱐᱒᱑) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱛᱤᱨᱞᱟᱹᱭ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱠᱮᱨᱚᱞᱟ ᱨᱮᱱᱟᱜ ᱠᱚᱞᱞᱟᱢ ᱦᱚᱱᱚᱛ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱑᱐᱕ ᱵᱚᱪᱷᱚᱨ ᱩᱢᱮᱨ ᱨᱮ ᱥᱮᱪᱮᱫ ᱨᱩᱣᱟᱹᱲ ᱦᱮᱡ ᱠᱟᱛᱮ ᱡᱟᱹᱛᱤᱭᱟᱹᱨᱤ ᱫᱷᱮᱭᱟᱱ ᱮ ᱧᱟᱢ ᱠᱮᱫᱟ ᱾ ᱩᱱᱤ ᱫᱚ ᱥᱤᱧᱚᱛ ᱨᱮᱱᱟᱜ ᱫᱤᱥᱚᱢ ᱜᱚᱢᱠᱮ ᱴᱷᱮᱱ ᱠᱷᱚᱱ ᱥᱤᱧᱚᱛ ᱥᱚᱨᱠᱟᱨ ᱦᱚᱛᱮᱛᱮ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱪᱮᱛᱟᱱ ᱨᱮᱱᱟᱜ ᱱᱟᱜᱚᱨᱤᱠ ᱥᱤᱨᱯᱷᱟᱹ ᱱᱟᱨᱤ ᱥᱚᱠᱛᱤ ᱯᱩᱨᱚᱥᱠᱟᱨ ᱥᱟᱶᱛᱮ ᱢᱟᱱ ᱮᱢ ᱦᱩᱭ ᱞᱮᱱᱟ ᱟᱨ ᱢᱟᱹᱱᱟᱱ ᱢᱩᱠᱷᱭᱟᱹ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ ᱩᱱᱤ ᱫᱚ ᱥᱟᱨᱦᱟᱣ ᱞᱟᱹᱜᱤᱫ ᱮ ᱵᱟᱪᱷᱟᱣ ᱞᱮᱫᱮᱭᱟ ᱾

ᱡᱤᱭᱚᱱ

ᱽᱷᱟᱜᱤᱨᱚᱛᱷᱤ ᱟᱢᱢᱟ ᱫᱚ ᱑᱙᱑᱔ ᱨᱮ ᱵᱨᱤᱴᱤᱥ ᱥᱤᱧᱚᱛ ᱨᱮ ᱡᱟᱱᱟᱢ ᱞᱮᱱᱟᱭ ᱟᱨ ᱠᱮᱨᱚᱞᱟ ᱨᱮᱱᱟᱜ ᱠᱚᱞᱞᱟᱢ ᱦᱚᱱᱚᱛ ᱨᱮᱱᱟᱜ ᱯᱨᱟᱠᱠᱩᱞᱟᱢ ᱨᱮᱭ ᱛᱟᱦᱮᱸ ᱠᱟᱱᱟ ᱾^[᱑] ᱩᱱᱤᱭᱟᱜ ᱟᱭᱳ ᱫᱚ ᱜᱤᱫᱽᱨᱟᱹ ᱡᱟᱱᱟᱢ ᱚᱠᱛᱚ ᱨᱮᱭ ᱵᱚᱸᱜᱟ ᱛᱟᱞᱟ ᱮᱱᱟ ᱟᱨ ᱟᱢᱢᱟ ᱫᱚ ᱟᱡᱤᱡ ᱦᱩᱰᱤᱧ ᱵᱚᱭᱦᱟ ᱢᱤᱥᱤ ᱠᱚᱣᱟᱜ ᱧᱮᱞ ᱫᱚᱦᱚ ᱵᱷᱟᱨ ᱮ ᱦᱟᱛᱟᱣ ᱠᱮᱫᱟ ᱾ ᱵᱟᱯᱞᱟ ᱛᱟᱭᱚᱢ, ᱑᱙᱓᱐ ᱜᱮᱞᱟᱝ ᱨᱮ ᱩᱱᱤᱭᱟᱜ ᱡᱟᱶᱟᱭ ᱫᱚᱭ ᱵᱚᱸᱜᱟ ᱛᱟᱞᱟ ᱮᱱᱟ ᱟᱨ ᱩᱱᱤ ᱫᱚ ᱟᱡᱟᱜ ᱜᱤᱫᱽᱨᱟᱹ ᱠᱚ ᱮᱠᱞᱟ ᱜᱮ ᱦᱟᱨᱟ ᱵᱩᱨᱩ ᱠᱚ ᱞᱟᱹᱜᱤᱫ ᱮ ᱛᱟᱦᱮᱸ ᱮᱱᱟ ᱾ ᱨᱤᱯᱳᱨᱴ ᱞᱮᱠᱟᱛᱮ ᱟᱢᱢᱟ ᱫᱚ ᱢᱚᱬᱮ ᱥᱮ ᱛᱩᱨᱩᱭ ᱜᱚᱴᱟᱝ ᱜᱤᱫᱽᱨᱟᱹ, ᱑᱓ ᱥᱮ ᱑᱖ ᱜᱚᱴᱟᱝ ᱜᱚᱲᱚᱢ ᱠᱚᱲᱟ ᱠᱩᱲᱤ ᱟᱨ ᱑᱒ ᱜᱚᱴᱟᱝ ᱢᱟᱨᱟᱝ ᱜᱚᱲᱚᱢ ᱠᱚᱲᱟ ᱠᱩᱲᱤ ᱠᱚ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱴᱮᱞᱤᱵᱤᱡᱚᱱ ᱨᱮ ᱠᱨᱤᱠᱮᱴ ᱟᱨ ᱥᱳᱯ ᱳᱯᱮᱨᱟ ᱧᱮᱞ ᱮ ᱠᱩᱥᱤᱭᱟᱜ ᱛᱟᱦᱮᱸᱱ ᱾

᱑᱐᱕ ᱵᱚᱪᱷᱚᱨ ᱩᱢᱮᱨ ᱨᱮ, ᱟᱢᱢᱟ ᱫᱚ ᱟᱡᱟᱜ ᱥᱮᱪᱮᱫ ᱮ ᱪᱟᱞᱟᱣ ᱫᱚᱦᱚᱭ ᱞᱟᱹᱜᱤᱫ ᱮ ᱴᱷᱟᱹᱣᱠᱟᱹ ᱠᱮᱫᱟ ᱟᱨ ᱮᱞᱠᱷᱟ, ᱢᱟᱞᱟᱭᱟᱞᱟᱢ ᱯᱟᱹᱨᱥᱤ ᱟᱨ ᱪᱟᱹᱨᱵᱤᱭᱟᱹᱨᱤ ᱥᱟᱬᱮᱥ ᱨᱮ ᱵᱤᱱᱤᱰ ᱮ ᱮᱢ ᱠᱮᱫᱟ ᱾ ᱟᱡᱟᱜ ᱩᱢᱮᱨ ᱠᱷᱟᱹᱛᱤᱨ, ᱠᱮᱨᱚᱞᱟ ᱞᱤᱴᱨᱟᱥᱤ ᱢᱤᱥᱚᱱ ᱩᱱᱤ ᱫᱚ ᱯᱮ ᱫᱤᱱ ᱫᱷᱟᱹᱵᱤᱡ ᱚᱲᱟᱜ ᱨᱮ ᱵᱤᱱᱤᱰ ᱮᱢ ᱨᱮᱱᱟᱜ ᱟᱹᱭᱫᱟᱹᱨᱤ ᱮ ᱮᱢᱟᱫᱮᱭᱟ ᱾ ᱩᱱᱤ ᱫᱚ ᱒᱗᱕ ᱜᱚᱴᱟᱝ ᱯᱚᱭᱮᱱᱴ ᱠᱷᱚᱱ ᱒᱐᱕ ᱮ ᱥᱠᱳᱨ ᱠᱮᱫᱟ ᱟᱨ ᱥᱚᱢᱟᱱ ᱵᱤᱱᱤᱰ ᱮᱢ ᱟᱠᱟᱫ ᱡᱚᱛᱚ ᱠᱷᱚᱱ ᱢᱟᱨᱮ ᱦᱚᱲ ᱞᱮᱠᱟᱛᱮ ᱩᱯᱨᱩᱢ ᱮ ᱧᱟᱢ ᱠᱮᱫᱟ ᱾

ᱥᱤᱨᱯᱷᱟᱹ ᱟᱨ ᱩᱯᱨᱩᱢ

ᱟᱢᱢᱟ ᱫᱚ ᱒᱐᱑᱙ ᱨᱮᱱᱟᱜ ᱱᱟᱨᱤ ᱥᱚᱠᱛᱤ ᱯᱩᱨᱚᱥᱠᱟᱨ ᱨᱮᱱᱟᱜ ᱡᱤᱛᱠᱟᱹᱨᱤᱭᱟᱹ ᱞᱮᱠᱟᱛᱮ ᱞᱟᱹᱭ ᱥᱚᱫᱚᱨ ᱦᱩᱭ ᱞᱮᱱᱟ ᱾ ᱢᱟᱹᱱᱟᱱ ᱢᱩᱠᱷᱭᱟᱹ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ ᱩᱱᱤ ᱫᱚ ᱵᱤᱥᱮᱥ ᱥᱟᱨᱦᱟᱣ ᱞᱟᱹᱜᱤᱫ ᱮ ᱵᱟᱪᱷᱟᱣ ᱞᱮᱫᱮᱭᱟ, ᱢᱮᱱ ᱠᱟᱛᱮ ᱡᱮ "ᱡᱩᱫᱤ ᱟᱵᱚ ᱫᱚ ᱡᱤᱭᱚᱱ ᱨᱮ ᱞᱟᱦᱟ ᱥᱮᱱ ᱥᱟᱱᱟᱭᱮᱫ ᱵᱚᱱᱟ, ᱮᱱᱠᱷᱟᱱ ᱟᱵᱚ ᱫᱚ ᱟᱵᱚ ᱡᱟᱱᱟᱝ ᱞᱟᱹᱜᱤᱫ ᱵᱚᱱ ᱵᱟᱹᱲᱛᱤ ᱫᱟᱲᱮᱭᱟᱫ ᱢᱟ, ᱡᱩᱫᱤ ᱟᱵᱚ ᱫᱚ ᱡᱤᱭᱚᱱ ᱨᱮ ᱪᱮᱫ ᱦᱚᱸ ᱵᱚᱱ ᱧᱟᱢ ᱥᱟᱱᱟᱭᱮᱫ ᱵᱚᱱᱟ, ᱚᱱᱟ ᱞᱟᱹᱜᱤᱫ ᱯᱩᱭᱞᱩ ᱞᱟᱦᱟ ᱥᱚᱨᱛ ᱫᱚ ᱱᱚᱣᱟ ᱜᱮ ᱠᱟᱱᱟ ᱡᱮ ᱟᱵᱚ ᱵᱷᱤᱛᱨᱤ ᱨᱮ ᱢᱮᱱᱟᱜ ᱥᱮᱪᱮᱫᱤᱭᱟᱹ ᱫᱚ ᱡᱚᱠᱷᱚᱱ ᱦᱚᱸ ᱵᱟᱭ ᱵᱚᱸᱜᱟ ᱛᱟᱞᱟ ᱢᱟ" ᱾ ᱮᱴᱟᱜ ᱡᱤᱛᱠᱟᱹᱨᱤᱭᱟᱹ ᱫᱚ ᱠᱮᱨᱚᱞᱟ ᱨᱤᱱᱤᱡ ᱜᱮ ᱙᱘ ᱵᱚᱪᱷᱚᱨ ᱩᱢᱮᱨ ᱨᱤᱱᱤᱡ ᱠᱟᱨᱛᱷᱟᱭᱟᱭᱟᱱᱤ ᱟᱢᱢᱟᱭ ᱛᱟᱦᱮᱸ ᱠᱟᱱᱟ ᱾

ᱟᱢᱢᱟ ᱫᱚ ᱵᱟᱹᱲᱤᱡ ᱦᱚᱲᱢᱚ ᱠᱷᱟᱹᱛᱤᱨ ᱥᱤᱨᱯᱷᱟᱹ ᱟᱛᱟᱝ ᱟᱠᱷᱲᱟ ᱨᱮ ᱥᱮᱞᱮᱫ ᱵᱟᱭ ᱫᱟᱲᱮᱭᱟᱫ ᱠᱟᱱ ᱛᱟᱦᱮᱸᱱ, ᱢᱮᱱᱠᱷᱟᱱ ᱩᱱ ᱛᱟᱭᱚᱢ ᱜᱮ ᱩᱱᱤ ᱫᱚ ᱑,᱕᱐᱐ ᱴᱟᱠᱟ ᱯᱚᱛᱤ ᱪᱟᱸᱫᱚ ᱨᱤᱴᱨᱳᱥᱯᱮᱠᱴᱤᱵᱽ ᱯᱮᱱᱥᱚᱱ ᱮ ᱧᱟᱢ ᱠᱮᱫᱟ ᱾ ᱩᱱᱤ ᱫᱚ ᱢᱟᱬᱟᱝ ᱨᱮ ᱱᱚᱣᱟ ᱧᱟᱢ ᱞᱟᱹᱜᱤᱫ ᱟᱫᱷᱟᱨ ᱧᱟᱢ ᱞᱟᱹᱜᱤᱫ ᱟᱡᱟᱜ ᱵᱟᱭᱳᱢᱮᱴᱨᱤᱠ ᱠᱷᱚᱵᱚᱨ ᱮᱢ ᱵᱟᱭ ᱫᱟᱲᱮᱭᱟᱫ ᱠᱟᱱ ᱛᱟᱦᱮᱸᱱ ᱢᱮᱱᱠᱷᱟᱱ ᱢᱤᱫ ᱡᱟᱹᱛᱤᱭᱟᱹᱨᱤᱠᱨᱤᱛ ᱵᱮᱸᱠ ᱩᱱᱤ ᱫᱚ ᱞᱟᱹᱠᱛᱤᱭᱟᱱ ᱠᱚ ᱯᱩᱨᱟᱹᱣ ᱨᱮ ᱜᱚᱲᱚ ᱟᱫᱮᱭᱟ ᱾

ᱵᱚᱸᱜᱟ ᱛᱟᱞᱟ

᱒᱒ ᱡᱩᱞᱟᱭ ᱒᱐᱒᱑ ᱨᱮ, ᱟᱢᱢᱟ ᱫᱚ ᱑᱐᱗ ᱵᱚᱪᱷᱚᱨ ᱩᱢᱮᱨ ᱨᱮ ᱵᱚᱸᱜᱟ ᱛᱟᱞᱟ ᱮᱱᱟ ᱾^[᱒]^[᱓]

ᱥᱟᱹᱠᱷᱭᱟᱹᱛ

↑ "Kerala's oldest student Bhageerathiyamma, 107, passes away". Mathrubhumi. 2021-07-23. Retrieved 2022-01-11.
↑ "Bhageerathi Amma passes away". The Week. 23 July 2021. Archived from the original on 23 July 2021. Retrieved 23 July 2021.
↑ "Kerala's 'oldest learner' Bhageerathi Amma no more - Times of India". The Times of India. Retrieved 2021-07-23.

ᱵᱟᱦᱨᱮ ᱡᱚᱱᱚᱲ

[1] "Kerala's oldest student Bhageerathiyamma, 107, passes away". Mathrubhumi. 2021-07-23. Retrieved 2022-01-11.

[2] "Bhageerathi Amma passes away". The Week. 23 July 2021. Archived from the original on 23 July 2021. Retrieved 23 July 2021.

[3] "Kerala's 'oldest learner' Bhageerathi Amma no more - Times of India". The Times of India. Retrieved 2021-07-23.

[᱑]

[᱒]

[᱓]