ᱵᱷᱟᱜᱽᱭᱟᱵᱚᱛᱤ ᱠᱟᱪᱟᱨᱤ
ᱵᱷᱟᱜᱽᱭᱟᱵᱚᱛᱤ ᱠᱟᱪᱟᱨᱤ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱵᱚᱠᱥᱚᱨ ᱠᱟᱱᱟᱭ᱾ ᱩᱱᱤ ᱫᱚ ᱥᱚᱢᱵᱚᱨ, ᱥᱟᱨᱵᱤᱭᱟ ᱨᱮ ᱦᱩᱭ ᱟᱠᱟᱱ ᱙ ᱟᱱᱟᱜ ᱱᱮᱥᱚᱱᱥ ᱠᱟᱯ ᱵᱚᱠᱥᱤᱝ ᱴᱩᱨᱱᱟᱢᱮᱱᱴ ᱨᱮ ᱨᱩᱯᱟᱹ ᱢᱮᱰᱟᱞ ᱮ ᱡᱤᱛᱠᱟᱹᱨ ᱟᱠᱟᱫᱟ᱾ ᱩᱱᱤ ᱫᱚ ᱜᱩᱣᱟᱦᱟᱴᱤ ᱨᱮ ᱦᱩᱭ ᱟᱠᱟᱱ ᱒ ᱟᱱᱟᱜ ᱤᱱᱰᱤᱭᱟ ᱳᱯᱮᱱ ᱡᱮᱜᱮᱛᱟᱹᱨᱤ ᱵᱚᱠᱥᱤᱝ ᱴᱩᱨᱱᱟᱢᱮᱱᱴ ᱨᱮ ᱥᱳᱱᱟ ᱢᱮᱰᱟᱞ ᱮ ᱡᱤᱛᱠᱟᱹᱨ ᱟᱠᱟᱫᱟ᱾ ᱩᱱᱤ ᱫᱚ ᱵᱮᱸᱠᱚᱠ ᱨᱮ ᱦᱩᱭ ᱟᱠᱟᱱ ᱛᱷᱟᱭᱞᱮᱱᱰ ᱳᱯᱮᱱ ᱡᱮᱜᱮᱛᱟᱹᱨᱤ ᱵᱚᱠᱥᱤᱝ ᱴᱩᱨᱱᱟᱢᱮᱱᱴ ᱨᱮ ᱵᱨᱳᱸᱡᱽ ᱢᱮᱰᱟᱞ ᱮ ᱡᱤᱛᱠᱟᱹᱨ ᱟᱠᱟᱫᱟ᱾ ᱩᱱᱤ ᱫᱚ ᱠᱟᱱᱱᱩᱨ, ᱠᱮᱨᱟᱞᱟ ᱨᱮ ᱦᱩᱭ ᱟᱠᱟᱱ ᱔ ᱟᱱᱟᱜ ᱮᱞᱤᱴ ᱠᱩᱲᱤ ᱦᱚᱯᱚᱱ ᱡᱟᱹᱛᱤᱭᱟᱹᱨᱤ ᱵᱚᱠᱥᱤᱝ ᱪᱟᱢᱯᱤᱭᱟᱱᱥᱤᱯ ᱨᱮ ᱥᱳᱱᱟ ᱢᱮᱰᱟᱞ ᱮ ᱡᱤᱛᱠᱟᱹᱨ ᱟᱠᱟᱫᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱑ ᱡᱟᱱᱩᱣᱟᱨᱤ ᱑᱙᱙᱒ ᱨᱮ ᱫᱮᱵᱮᱱ ᱠᱟᱪᱟᱨᱤ ᱟᱨ ᱪᱟᱭᱛᱨᱟ ᱠᱟᱪᱟᱨᱤ ᱴᱷᱮᱱ ᱡᱟᱱᱟᱢ ᱞᱮᱱᱟᱭ᱾ ᱩᱱᱤ ᱫᱚ ᱟᱥᱟᱢ ᱨᱮᱱᱟᱜ ᱩᱫᱟᱞᱜᱩᱨᱤ ᱦᱚᱱᱚᱛ ᱨᱮ ᱴᱟᱝᱞᱟ ᱥᱩᱨ ᱩᱫᱽᱢᱟᱨᱤ ᱟᱹᱛᱩ ᱠᱷᱚᱱ ᱮ ᱦᱮᱡ ᱟᱠᱟᱱᱟ᱾ ᱜᱤᱫᱽᱨᱟᱹ ᱠᱷᱚᱱ ᱢᱤᱫ ᱥᱯᱳᱨᱴᱥ-ᱫᱩᱞᱟᱹᱲᱤᱭᱟᱹ, ᱵᱷᱟᱜᱽᱭᱟᱵᱚᱛᱤ ᱭᱟᱜ ᱵᱚᱠᱥᱤᱝ ᱥᱟᱶ ᱧᱟᱯᱟᱢ ᱫᱚ ᱯᱩᱨᱵᱚᱫᱷᱟᱨᱤᱛ ᱛᱟᱦᱮᱸ ᱠᱟᱱᱟ᱾ ᱖ ᱠᱞᱟᱥ ᱨᱮ, ᱩᱱᱤ ᱫᱚ ᱯᱷᱩᱴᱵᱚᱞ ᱮ ᱪᱮᱫ ᱞᱮᱱᱟ, ᱩᱱᱤ ᱦᱟᱭ ᱥᱠᱩᱞ ᱥᱮᱴᱮᱨᱚᱜ ᱛᱮ ᱵᱷᱳᱞᱤᱵᱚᱞ ᱟᱨ ᱠᱟᱵᱟᱰᱤ ᱨᱮ ᱥᱮᱞᱮᱫ ᱞᱮᱱᱟᱭ᱾ ᱮᱱᱛᱮᱨᱮᱦᱚᱸ, ᱛᱚᱵᱮ ᱢᱤᱫ ᱟᱥᱲᱟ ᱢᱟᱪᱮᱫ ᱵᱚᱠᱥᱤᱝ ᱠᱩᱨᱩᱢᱩᱴᱩᱭ ᱞᱟᱹᱜᱤᱫ ᱮ ᱥᱚᱞᱦᱮ ᱞᱮᱫᱟ ᱪᱮᱫᱟᱜ ᱥᱮ ᱱᱚᱣᱟ ᱥᱯᱳᱨᱴ ᱨᱮ ᱢᱤᱫ ᱵᱷᱟᱹᱜᱤ ᱯᱨᱳᱥᱯᱮᱠᱴ ᱛᱟᱦᱮᱸ ᱠᱟᱱᱟ᱾ ᱡᱚᱠᱷᱚᱱ ᱟᱡ ᱨᱤᱱ ᱟᱭᱳ ᱵᱟᱵᱟ ᱮᱛᱚᱦᱚᱵ ᱨᱮ ᱠᱚ ᱪᱤᱱᱛᱟᱹ ᱜᱮᱭᱟ, ᱵᱷᱟᱜᱽᱭᱟᱵᱚᱛᱤ ᱨᱤᱱ ᱠᱟᱠᱟ ᱩᱱᱠᱩ ᱩᱱᱤ ᱨᱤᱱ ᱦᱚᱯᱚᱱ ᱮᱨᱟ ᱟᱡᱟᱜ ᱥᱩᱯᱩᱱ ᱯᱩᱨᱟᱹᱣ ᱮ ᱮᱢᱟᱫ ᱠᱚ ᱞᱟᱹᱜᱤᱫ ᱠᱚ ᱯᱚᱛᱭᱟᱹᱣ ᱠᱮᱫ ᱠᱚᱣᱟ᱾ ᱒᱐᱐᱙ ᱨᱮ, ᱵᱷᱟᱜᱽᱭᱟᱵᱚᱛᱤ ᱠᱳᱠᱨᱟᱡᱷᱟᱨ ᱨᱮ (ᱵᱷᱟᱨᱚᱛ ᱨᱮᱱᱟᱜ ᱥᱯᱳᱨᱴᱥ ᱚᱛᱷᱚᱨᱤᱴᱤ) ᱨᱮᱭ ᱥᱮᱞᱮᱫ ᱮᱱᱟ ᱟᱨ ᱩᱱ ᱠᱷᱚᱱ ᱩᱱᱤ ᱞᱮᱛᱟᱲ ᱨᱟᱠᱟᱵ ᱮ ᱧᱮᱞ ᱟᱠᱟᱫᱟ᱾ ᱩᱱᱤ ᱫᱚ ᱵᱷᱟᱨᱚᱛ ᱨᱮᱱᱟᱜ ᱵᱚᱠᱥᱤᱝ ᱯᱷᱮᱰᱮᱨᱮᱥᱚᱱ ᱥᱟᱶ ᱨᱮᱡᱤᱥᱴᱟᱨ ᱟᱠᱟᱱᱟ ᱟᱨ ᱵᱷᱟᱨᱚᱛᱤᱭᱚ ᱨᱮᱞᱣᱮ ᱨᱤᱱ ᱢᱤᱫ ᱠᱟᱹᱢᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱨᱮᱞᱣᱮ ᱥᱯᱳᱨᱴᱥ ᱯᱨᱳᱢᱳᱥᱚᱱ ᱵᱳᱨᱰ ᱛᱟᱞᱟ ᱛᱮ ᱵᱚᱠᱥᱤᱝ ᱮ ᱮᱱᱮᱡᱟ᱾
ᱵᱚᱠᱥᱤᱝ ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱪᱟᱨᱤ ᱫᱚ ᱢᱤᱡᱳᱨᱟᱢ ᱨᱮᱱᱟᱜ ᱟᱭᱤᱡᱳᱞ ᱨᱮ ᱨᱟᱢᱦᱟᱢ ᱥᱯᱳᱨᱴᱥ ᱠᱚᱢᱯᱞᱮᱠᱥ ᱨᱮ ᱕ ᱟᱱᱟᱜ ᱭᱩᱛᱷ ᱠᱩᱲᱤ ᱡᱟᱹᱛᱤᱭᱟᱹᱨᱤ ᱵᱚᱠᱥᱤᱝ ᱪᱟᱢᱯᱤᱭᱟᱱᱥᱤᱯ ᱨᱮ ᱵᱨᱳᱸᱡᱽ ᱢᱮᱰᱟᱞ ᱮ ᱡᱤᱛᱠᱟᱹᱨ ᱟᱠᱟᱫᱟ᱾ ᱒᱐᱑᱑ ᱨᱮ, ᱩᱱᱤ ᱫᱚ ᱩᱛᱛᱚᱨᱟᱠᱷᱚᱸᱰ ᱨᱮ ᱮᱥ.ᱮᱪ.ᱮᱱ.ᱥᱤ. ᱥᱚᱨᱢᱟ ᱢᱮᱢᱳᱨᱤᱭᱟᱞ ᱯᱷᱮᱰᱮᱨᱮᱥᱚᱱ ᱠᱟᱯ ᱠᱩᱲᱤ ᱵᱚᱠᱥᱤᱝ ᱪᱟᱢᱯᱤᱭᱟᱱᱥᱤᱯ ᱒᱐᱑᱐-᱑᱑ ᱨᱮ ᱟᱨ ᱵᱷᱳᱯᱟᱞ ᱨᱮ ᱑᱒ ᱟᱱᱟᱜ ᱥᱤᱱᱤᱭᱚᱨ ᱠᱩᱲᱤ ᱡᱟᱹᱛᱤᱭᱟᱹᱨᱤ ᱵᱚᱠᱥᱤᱝ ᱪᱟᱢᱯᱤᱭᱟᱱᱥᱤᱯ ᱨᱮ ᱵᱟᱨᱭᱟ ᱵᱨᱳᱸᱡᱽ ᱢᱮᱰᱟᱞ ᱮ ᱡᱤᱛᱠᱟᱹᱨ ᱟᱠᱟᱫᱟ᱾
᱒᱐᱑᱒ ᱨᱮ, ᱩᱱᱤ ᱫᱚ ᱜᱩᱣᱟᱦᱟᱴᱤ ᱨᱮ ᱑᱓ ᱟᱱᱟᱜ ᱥᱤᱱᱤᱭᱚᱨ ᱠᱩᱲᱤ ᱡᱟᱹᱛᱤᱭᱟᱹᱨᱤ ᱵᱚᱠᱥᱤᱝ ᱪᱟᱢᱯᱤᱭᱟᱱᱥᱤᱯ ᱨᱮ ᱟᱨ ᱩᱞᱟᱱᱵᱟᱛᱟᱨ, ᱢᱚᱝᱜᱳᱞᱤᱭᱟ ᱨᱮ ᱮᱥᱤᱭᱟᱱ ᱠᱩᱲᱤ ᱵᱚᱠᱥᱤᱝ ᱪᱟᱢᱯᱤᱭᱟᱱᱥᱤᱯ ᱨᱮ ᱨᱩᱯᱟᱹ ᱢᱮᱰᱟᱞ ᱟᱨ ᱵᱨᱳᱸᱡᱽ ᱢᱮᱰᱟᱞ ᱮ ᱡᱤᱛᱠᱟᱹᱨ ᱟᱠᱟᱫᱟ᱾
᱒᱐᱑᱕ ᱨᱮ, ᱩᱱᱤ ᱫᱚ ᱜᱩᱣᱟᱦᱟᱴᱤ ᱨᱮ ᱱᱟᱣᱟ ᱵᱳᱸᱜᱟᱭᱜᱟᱶ ᱨᱮ ᱑᱖ ᱟᱱᱟᱜ ᱥᱤᱱᱤᱭᱚᱨ (ᱮᱞᱤᱴ) ᱠᱩᱲᱤ ᱡᱟᱹᱛᱤᱭᱟᱹᱨᱤ ᱵᱚᱠᱥᱤᱝ ᱪᱟᱢᱯᱤᱭᱟᱱᱥᱤᱯ ᱨᱮ ᱨᱩᱯᱟᱹ ᱢᱮᱰᱟᱞ ᱮ ᱡᱤᱛᱠᱟᱹᱨ ᱟᱠᱟᱫᱟ᱾
᱒᱐᱑᱘ ᱨᱮ, ᱩᱱᱤ ᱫᱚ ᱤᱥᱛᱟᱱᱵᱩᱞ, ᱛᱩᱨᱠᱤ ᱨᱮ ᱟᱦᱢᱮᱛ ᱠᱳᱢᱮᱨᱛ ᱡᱮᱜᱮᱛᱟᱹᱨᱤ ᱵᱚᱠᱥᱤᱝ ᱴᱩᱨᱱᱟᱢᱮᱱᱴ ᱨᱮ ᱘᱑ ᱠᱤᱞᱳᱜᱨᱟᱢ ᱠᱮᱴᱮᱜᱚᱨᱤ ᱨᱮ ᱥᱳᱱᱟ ᱮ ᱡᱤᱛᱠᱟᱹᱨ ᱟᱠᱟᱫᱟ, ᱥᱤᱢᱨᱟᱱᱡᱤᱛ ᱠᱚᱣᱨ ᱟᱨ ᱢᱳᱱᱤᱠᱟ ᱥᱟᱶ ᱡᱟᱦᱟᱸ ᱫᱚ ᱖᱔ ᱠᱤᱞᱳᱜᱨᱟᱢ ᱟᱨ ᱔᱘ ᱠᱤᱞᱳᱜᱨᱟᱢ ᱨᱮ ᱥᱳᱱᱟ ᱢᱮᱰᱟᱞ ᱠᱤᱱ ᱡᱤᱛᱠᱟᱹᱨ ᱟᱠᱟᱫᱟ᱾ ᱩᱱᱤ ᱫᱚ ᱴᱩᱨᱱᱟᱢᱮᱱᱴ ᱨᱮᱱᱟᱜ ‘ᱡᱚᱛᱚ ᱠᱷᱚᱱ ᱵᱷᱟᱹᱜᱤ ᱴᱮᱠᱱᱤᱠᱟᱞ ᱵᱚᱠᱥᱚᱨ ᱟᱣᱟᱨᱰ’ ᱦᱚᱸ ᱮᱢ ᱦᱩᱭ ᱟᱠᱟᱱᱟ᱾
ᱠᱟᱪᱟᱨᱤ ᱫᱚ ᱑᱐ ᱟᱱᱟᱜ ᱠᱩᱲᱤ ᱡᱮᱜᱮᱛ ᱵᱚᱠᱥᱤᱝ ᱪᱟᱢᱯᱤᱭᱟᱱᱥᱤᱯ ᱒᱐᱑᱘ ᱨᱮ ᱑᱐-ᱥᱚᱫᱚᱥᱭᱚ ᱵᱷᱟᱨᱚᱛᱤᱭᱚ ᱫᱚᱞ ᱨᱮᱱᱟᱜ ᱦᱟᱹᱴᱤᱧ ᱠᱟᱱᱟᱭ, ᱡᱟᱦᱟᱸ ᱫᱚ ᱱᱟᱣᱟ ᱫᱤᱞᱞᱤ, ᱵᱷᱟᱨᱚᱛ ᱨᱮ ᱦᱩᱭ ᱟᱠᱟᱱᱟ ᱟᱨ ᱚᱞᱤᱢᱯᱤᱠ ᱵᱚᱠᱥᱚᱨ ᱢᱮᱨᱤ ᱠᱚᱢ ᱮ ᱞᱤᱰ ᱮᱫᱟ᱾
᱒᱐᱑᱙ ᱨᱮ ᱰᱤᱥᱮᱢᱵᱚᱨ ᱨᱮ, ᱠᱟᱪᱟᱨᱤ ᱫᱚ ᱠᱟᱱᱱᱩᱨ, ᱠᱮᱨᱟᱞᱟ ᱨᱮ ᱒-᱘ ᱰᱤᱥᱮᱢᱵᱚᱨ ᱒᱐᱑᱙ ᱠᱷᱚᱱ ᱔ ᱟᱱᱟᱜ ᱮᱞᱤᱴ ᱠᱩᱲᱤ ᱡᱟᱹᱛᱤᱭᱟᱹᱨᱤ ᱵᱚᱠᱥᱤᱝ ᱪᱟᱢᱯᱤᱭᱟᱱᱥᱤᱯ ᱨᱮ ᱵᱷᱟᱜᱽ ᱮ ᱦᱟᱛᱟᱣ ᱞᱮᱫᱟ᱾ ᱩᱱᱤ ᱫᱚ ᱕-᱐ ᱛᱮ ᱥᱮᱞᱤ ᱥᱤᱝ ᱮ ᱦᱟᱨᱟᱣ ᱠᱟᱛᱮᱫ ᱘᱑ ᱠᱤᱞᱳᱜᱨᱟᱢ ᱠᱮᱴᱮᱜᱚᱨᱤ ᱨᱮ ᱥᱳᱱᱟ ᱢᱮᱰᱟᱞ ᱮ ᱡᱤᱛᱠᱟᱹᱨ ᱟᱠᱟᱫᱟ᱾
᱒᱐᱑᱙ ᱨᱮ ᱥᱮᱯᱴᱮᱢᱵᱚᱨ ᱨᱮ, ᱠᱟᱪᱟᱨᱤ ᱮ ᱩᱫᱷᱟᱹᱨ ᱠᱮᱫᱟ ᱡᱮ ᱠᱩᱢᱵᱽᱲᱩ ᱠᱚ ᱜᱩᱣᱟᱦᱟᱴᱤ ᱨᱮ ᱟᱡᱟᱜ ᱢᱟᱞᱤᱜᱟᱶ ᱨᱮᱱᱟᱜ ᱨᱮᱥᱤᱰᱮᱱᱥ ᱨᱮ ᱠᱚ ᱵᱚᱞᱚ ᱮᱱᱟ ᱟᱨ ᱟᱡᱟᱜ ᱵᱚᱠᱥᱤᱝ ᱢᱮᱰᱟᱞ ᱟᱨ ᱟᱭᱢᱟ ᱴᱩᱨᱱᱟᱢᱮᱱᱴ ᱠᱷᱚᱱ ᱩᱭᱦᱟᱹᱨᱟᱱ ᱡᱤᱱᱤᱥ ᱠᱚ ᱠᱚ ᱠᱩᱢᱵᱽᱲᱩ ᱠᱮᱫᱟ᱾