ᱵᱷᱟᱹᱜᱤ ᱦᱚᱲ ᱤᱧ ᱵᱮᱱᱟᱣᱜᱼᱟ
ᱚᱞᱚᱜ ᱯᱟᱲᱦᱟᱣᱥ ᱵᱟᱹᱧ ᱵᱟᱹᱜᱤᱭᱟ, ᱟᱹᱰᱤ ᱞᱮᱠᱟᱱ ᱠᱟᱛᱷᱟᱹᱧ ᱪᱮᱫᱟ, ᱵᱷᱟᱹᱜᱤ ᱦᱚᱲ ᱤᱧ ᱵᱮᱱᱟᱣᱜᱼᱟ ᱾
ᱵᱩᱜᱤ ᱵᱟᱹᱲᱤᱡ ᱤᱧ ᱩᱨᱩᱢᱟ, ᱵᱩᱜᱤᱭᱟᱜ ᱤᱧ ᱨᱤᱠᱟᱹ ᱡᱚᱝᱼᱟ, ᱵᱷᱟᱹᱜᱤ ᱦᱚᱲ ᱤᱧ ᱵᱮᱱᱟᱣᱜᱼᱟ ᱾
ᱫᱤᱱᱮᱢ ᱥᱮᱛᱟᱜ ᱨᱮᱧ ᱵᱮᱨᱮᱫᱼᱟ, ᱫᱟᱹᱛᱟᱹᱱ ᱠᱟᱛᱮᱧ ᱯᱷᱟᱹᱨᱪᱟᱹᱜᱼᱟ, ᱵᱷᱟᱹᱜᱤ ᱦᱚᱲ ᱤᱧ ᱵᱮᱱᱟᱣᱜᱼᱟ ᱾
ᱦᱚᱲᱢᱚ ᱚᱡᱽᱨᱟ ᱵᱟᱹᱧ ᱫᱚᱦᱚᱭᱟ, ᱥᱚ ᱥᱮᱭᱟ ᱟᱜ ᱵᱟᱹᱧ ᱡᱚᱢ, ᱵᱷᱟᱹᱜᱤ ᱦᱚᱲ ᱤᱧ ᱵᱮᱱᱟᱣᱜᱼᱟ ᱾
ᱫᱚᱞᱚᱝ ᱠᱚ ᱯᱷᱟᱹᱨᱪᱟᱹᱧ ᱫᱚᱦᱚᱭᱟ, ᱡᱩᱛ ᱥᱟᱺᱦᱤᱸᱡ ᱦᱚᱨᱚᱜ ᱠᱚᱜᱼᱟ, ᱵᱷᱟᱹᱜᱤ ᱦᱚᱲ ᱤᱧ ᱵᱮᱱᱟᱣᱜᱼᱟ ᱾
ᱪᱤᱠᱟᱹᱬ ᱥᱟᱺᱦᱤᱸᱡ ᱤᱧ ᱨᱚᱲᱟ, ᱪᱚ~ᱪᱟᱨ~ᱦᱟᱫ ᱫᱚ ᱵᱟᱸᱧ ᱟᱲᱟᱝᱼᱟ, ᱵᱷᱟᱹᱜᱤ ᱦᱚᱲ ᱤᱧ ᱵᱮᱱᱟᱣᱜᱼᱟ ᱾
ᱵᱷᱟᱹᱜᱤ ᱦᱚᱲ ᱥᱟᱶ ᱤᱧ ᱜᱟᱛᱮᱜᱼᱟ, ᱵᱟᱹᱲᱤᱡ ᱦᱚᱲ ᱥᱟᱶ ᱵᱟᱹᱧ ᱥᱟᱶᱚᱜᱼᱟ, ᱵᱷᱟᱹᱜᱤ ᱦᱚᱲ ᱤᱧ ᱵᱮᱱᱟᱣᱜᱼᱟ ᱾
ᱢᱟᱨᱟᱝ ᱦᱚᱲ ᱠᱚᱧ ᱜᱩᱱᱟᱹᱣ ᱠᱚᱣᱟ, ᱠᱟᱹᱴᱤᱡ ᱠᱚ ᱫᱚᱧ ᱫᱩᱞᱟᱹᱲ ᱠᱚᱣᱟ, ᱵᱷᱟᱹᱜᱤ ᱦᱚᱲ ᱤᱧ ᱵᱮᱱᱟᱣᱜᱼᱟ ᱾
ᱦᱚᱲ ᱠᱚ ᱥᱟᱶ ᱵᱟᱹᱧ ᱱᱮᱭᱟᱣᱜᱼᱟ, ᱮᱲᱮ ᱠᱟᱛᱷᱟ ᱦᱚᱸ ᱵᱟᱹᱧ ᱨᱚᱲᱟ, ᱵᱷᱟᱹᱜᱤ ᱦᱚᱲ ᱤᱧ ᱵᱮᱱᱟᱣᱜᱼᱟ ᱾
ᱚᱠᱟ ᱠᱚ ᱵᱟᱹᱲᱤᱡ ᱠᱚ ᱢᱮᱛᱟᱜ, ᱚᱱᱠᱟᱱᱟᱜ ᱫᱚ ᱵᱟᱹᱧ ᱠᱟᱹᱢᱤᱭᱟ, ᱵᱷᱟᱹᱜᱤ ᱦᱚᱲ ᱤᱧ ᱵᱮᱱᱟᱣᱜᱼᱟ ᱾
ᱦᱚᱲ ᱠᱚ ᱤᱧ ᱠᱚ ᱱᱮᱭᱟᱜ ᱤᱧᱟ, ᱢᱟᱨᱟᱝ ᱦᱚᱲ ᱠᱚ ᱴᱷᱮᱱ ᱤᱧ ᱞᱟᱹᱭᱟ, ᱵᱷᱟᱹᱜᱤ ᱦᱚᱲ ᱤᱧ ᱵᱮᱱᱟᱣᱜᱼᱟ ᱾
ᱪᱤᱨᱜᱟᱹᱞ ᱛᱟᱦᱮᱸᱱ ᱤᱧ ᱪᱮᱫ ᱡᱚᱝᱼᱟ, ᱡᱟᱦᱟᱸᱭ ᱴᱷᱮᱱ ᱵᱟᱹᱧ ᱮᱲᱮ ᱪᱚᱜᱼᱟ, ᱵᱷᱟᱹᱜᱤ ᱦᱚᱲ ᱤᱧ ᱵᱮᱱᱟᱣᱜᱼᱟ ᱾
ᱚᱠᱛᱚ ᱟᱹᱦᱤᱡ ᱚᱠᱛᱚ ᱨᱮᱭᱟᱜ, ᱡᱚᱛᱚ ᱠᱟᱹᱢᱤ ᱜᱤᱧ ᱠᱟᱹᱢᱤᱭᱟ, ᱵᱷᱟᱹᱜᱤ ᱦᱚᱲ ᱤᱧ ᱵᱮᱱᱟᱣᱜᱼᱟ ᱾
ᱚᱠᱟ ᱠᱟᱹᱢᱤ ᱵᱟᱹᱧ ᱦᱚᱫᱟ, ᱜᱟᱱ ᱞᱟᱹᱜᱤᱫ ᱛᱤᱧ ᱛᱮᱴᱮᱡᱟ, ᱵᱷᱟᱹᱜᱤ ᱦᱚᱲ ᱤᱧ ᱵᱮᱱᱟᱣᱜᱼᱟ ᱾
ᱦᱚᱲ ᱠᱚ ᱤᱧ ᱠᱚ ᱱᱮᱦᱚᱸᱛ ᱤᱧᱟ, ᱠᱟᱹᱢᱤ ᱫᱟᱲᱮ ᱛᱤᱧ ᱫᱟᱲᱮᱜᱼᱟ, ᱵᱷᱟᱹᱜᱤ ᱦᱚᱲ ᱤᱧ ᱵᱮᱱᱟᱣᱜᱼᱟ ᱾
ᱚᱱᱠᱟᱱ ᱠᱟᱹᱢᱤᱧ ᱧᱮᱞ ᱚᱪᱚᱭᱟ, ᱫᱤᱥᱚᱢ ᱦᱚᱲ ᱠᱚ ᱥᱟᱨᱦᱟᱣ ᱤᱧ ᱢᱟ, ᱵᱷᱟᱹᱜᱤ ᱦᱚᱲ ᱤᱧ ᱵᱮᱱᱟᱣᱜᱼᱟ ᱾