ᱵᱷᱤᱛᱚᱨᱠᱚᱱᱤᱠᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ
| ᱵᱷᱤᱛᱚᱨᱠᱚᱱᱤᱠᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ | |
|---|---|
IUCN category II (national park) | |
 ᱵᱷᱤᱛᱚᱨᱠᱚᱱᱤᱠᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮ ᱪᱟᱸᱫᱚ ᱨᱟᱠᱟᱵ | |
  | |
| Location | ᱠᱮᱱᱫᱽᱨᱟᱯᱚᱰᱟ ᱦᱚᱱᱚᱛ, ᱳᱰᱤᱥᱟ |
| Nearest city | ᱪᱟᱸᱫᱽᱵᱟᱞᱤ |
| Coordinates | 20°39′45″N 86°56′03″E / 20.6625°N 86.9341°E |
| Area | 145 km2 (56 sq mi) |
| Established | 16 September 1998 |
| Governing body | ᱥᱟᱪᱟᱨᱦᱮᱫ ᱟᱨ ᱵᱤᱨ ᱢᱚᱱᱛᱨᱤ ᱚᱲᱟᱜ, ᱥᱤᱧᱚᱛ ᱥᱚᱨᱠᱟᱨ |
| www | |
ᱥᱤᱧᱚᱛ ᱨᱮᱭᱟᱜ ᱳᱰᱤᱥᱟ ᱯᱚᱱᱚᱛ ᱨᱮᱭᱟᱜ ᱩᱛᱛᱚᱨᱼᱯᱩᱨᱵᱚ ᱛᱟᱞᱟᱢᱟᱞᱟ ᱠᱮᱱᱫᱽᱨᱚᱯᱚᱰᱟ ᱯᱚᱱᱚᱛ ᱠᱷᱚᱱ ᱑᱔᱕ ᱠᱤᱞᱚᱢᱤᱴᱚᱨ ᱥᱟᱹᱜᱤᱧ ᱨᱮ ᱢᱮᱱᱟᱜᱼᱟ ᱵᱷᱤᱛᱚᱨᱠᱚᱱᱤᱠᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ᱾ ᱱᱚᱣᱟ ᱫᱚ ᱑᱘᱘᱙ ᱥᱟᱹᱦᱤᱛ ᱥᱮᱯᱴᱮᱢᱵᱚᱨ ᱑᱖ ᱨᱮ ᱵᱟᱪᱷᱟᱣ ᱞᱮᱱᱟ ᱟᱨ ᱒᱐᱐᱒ ᱥᱟᱹᱦᱤᱛ ᱚᱜᱚᱥᱴᱚ ᱑᱙ ᱨᱮ ᱨᱟᱢᱥᱟᱨ ᱴᱷᱟᱶ ᱨᱮᱱᱟᱜ ᱢᱟᱹᱱ ᱮ ᱧᱟᱢ ᱠᱮᱫᱼᱟ᱾ ᱪᱤᱞᱤᱠᱟ ᱫᱟᱨᱦᱟ ᱛᱟᱭᱚᱢ ᱱᱚᱣᱟ ᱴᱚᱴᱷᱟ ᱫᱚ ᱯᱚᱱᱚᱛ ᱨᱮᱭᱟᱜ ᱫᱚᱥᱟᱨ ᱨᱟᱢᱥᱟᱨ ᱢᱮᱱᱛᱮ ᱠᱚ ᱩᱨᱩᱢ ᱟᱠᱟᱫᱼᱟ᱾ ᱱᱚᱶᱟ ᱫᱚ ᱖᱗᱒ ᱵᱚᱨᱜᱚ ᱠᱤᱞᱚᱢᱤᱴᱚᱨ ᱫᱷᱟᱹᱵᱤᱡ ᱥᱟᱥᱱᱟᱣ ᱟᱠᱟᱱᱟ ᱵᱷᱤᱛᱚᱨᱠᱚᱱᱤᱠᱟ ᱵᱤᱨ ᱡᱤᱭᱟᱹᱞᱤ ᱵᱤᱨ ᱠᱷᱚᱱ᱾
ᱜᱚᱦᱤᱨᱢᱚᱛᱷᱟ ᱥᱟᱹᱢᱩᱫ ᱫᱟᱨᱦᱟ ᱟᱨ ᱢᱟᱨᱤᱱ ᱫᱟᱜ ᱵᱤᱨ ᱫᱚ ᱥᱟᱢᱟᱝ(ᱯᱩᱨᱵᱚ) ᱨᱮ ᱢᱮᱱᱟᱜᱼᱟ ᱡᱟᱦᱟᱸ ᱫᱟᱜ ᱴᱚᱴᱷᱟ ᱢᱮᱝᱜᱚᱨᱚᱵᱥ ᱵᱚᱝᱜᱚ ᱫᱚᱨᱤᱭᱟᱹ ᱠᱷᱚᱱ ᱵᱷᱮᱜᱟᱨ ᱟᱠᱟᱱᱟ᱾
ᱱᱚᱣᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱟᱨ ᱵᱤᱨ ᱡᱤᱭᱟᱹᱞᱤ ᱵᱤᱨ ᱫᱚ ᱵᱨᱟᱷᱢᱚᱱᱤ,ᱵᱚᱭᱛᱚᱨᱚᱬᱤ,ᱫᱷᱟᱢᱚᱨᱟ ᱟᱨ ᱯᱟᱴᱥᱟᱞᱟ ᱱᱟᱹᱭ ᱫᱟᱨᱟᱭ ᱛᱮ ᱵᱩᱰᱟᱹ ᱟᱠᱟᱱᱟ᱾ ᱱᱟᱶᱟ ᱨᱮ ᱟᱭᱢᱟ ᱢᱳᱝᱜᱨᱚᱵ ᱞᱮᱠᱟᱱ ᱡᱤᱭᱟᱹᱞᱤ ᱢᱮᱱᱟᱜ ᱠᱚᱣᱟ ᱟᱨ ᱱᱚᱶᱟ ᱥᱤᱧᱚᱛ ᱨᱮᱱᱟᱜ ᱫᱚᱥᱟᱨ ᱤᱠᱚᱥᱤᱥᱴᱚᱢ ᱠᱟᱱᱟ᱾
ᱱᱚᱶᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱨᱟᱦᱟᱢ ᱫᱟᱜ ᱛᱟᱭᱟᱝ,ᱥᱤᱧᱛᱤᱭᱟᱹ ᱵᱚᱰᱟ ᱵᱤᱧ,ᱨᱟᱡᱽ ᱟᱭᱟᱝ,ᱦᱮᱱᱫᱮ ᱟᱭᱵᱤᱥ,ᱫᱟᱨᱴᱟᱥ ᱵᱤᱧ ᱪᱮᱬᱮ ᱟᱨ ᱟᱭᱢᱟ ᱮᱴᱟᱜ ᱡᱟᱹᱛ ᱨᱤᱱ ᱫᱟᱨᱮ ᱱᱟᱹᱬᱤ ᱟᱨ ᱡᱤᱭᱟᱹᱞᱤ ᱠᱚᱣᱟᱜ ᱚᱲᱟᱜ ᱠᱟᱱᱟ᱾