ᱵᱷᱤᱢᱠᱟᱱᱟᱨᱤ
| ᱵᱷᱤᱢᱠᱟᱱᱟᱨᱤ ᱵᱷᱤᱢ ᱠᱟᱱᱟᱨᱤ | |
|---|---|
| ᱦᱚᱲ ᱞᱮᱠᱷᱟ ᱡᱚᱠᱷᱟ ᱱᱚᱜᱚᱨ | |
  ᱵᱷᱤᱢᱠᱟᱱᱟᱨᱤ  ᱵᱷᱤᱢᱠᱟᱱᱟᱨᱤ | |
| Coordinates: 23°48′02″N 86°11′29″E / 23.800689°N 86.191389°ECoordinates: 23°48′02″N 86°11′29″E / 23.800689°N 86.191389°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱡᱷᱟᱨᱠᱷᱚᱸᱰ |
| ᱦᱚᱱᱚᱛ | ᱫᱷᱟᱱᱵᱟᱫᱽ |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 1.59 ᱠᱤᱢᱤ২ (0.61 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱞᱮᱠᱷᱟᱜᱩᱴ | ᱕,᱑᱗᱐ |
| • ᱰᱮᱱᱥᱤᱴᱤ | 3300/ᱠᱤᱢᱤ2 (8400/ᱜᱟᱺᱴ ᱢᱟᱹᱭᱤᱞ) |
| ᱯᱟᱹᱨᱥᱤ ᱠᱚ | |
| • ᱥᱚᱨᱠᱟᱨᱤ | ᱦᱤᱱᱫᱤ, ᱥᱟᱱᱛᱟᱲᱤ |
| IST (ᱭᱩᱴᱤᱥᱤ+᱐᱕:᱓᱐) | |
| ᱴᱮᱞᱤᱯᱷᱚᱱ/ ᱮᱥᱴᱤᱰᱤ ᱠᱳᱰ | ᱐᱖᱕᱔᱒ |
| ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱜᱤᱨᱤᱰᱤᱦ |
| ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱵᱟᱜᱷᱢᱟᱨᱟ |
| ᱣᱮᱵᱽᱥᱟᱭᱤᱴ | dhanbad |
ᱵᱷᱤᱢᱠᱟᱱᱟᱨᱤ (ᱵᱷᱤᱢ ᱠᱟᱱᱟᱨᱤ ᱞᱮᱠᱟᱛᱮ ᱦᱚᱸ ᱚᱞ ᱟᱠᱟᱱᱟ) ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱡᱷᱟᱨᱠᱷᱚᱸᱰ ᱨᱮ ᱫᱷᱟᱱᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱫᱷᱟᱱᱵᱟᱫᱽ ᱥᱚᱫᱚᱨ ᱥᱟᱵᱽᱰᱤᱵᱤᱡᱚᱱ ᱨᱮ ᱵᱟᱜᱷᱢᱟᱨᱟ ᱥᱤᱰᱤ ᱵᱞᱚᱠ ᱨᱮ ᱢᱤᱫ ᱦᱚᱲᱞᱮᱠᱷᱟ ᱥᱚᱦᱚᱨ ᱠᱟᱱᱟ ᱾
ᱚᱛᱱᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱫᱷᱟᱱᱵᱟᱫᱽ ᱦᱚᱱᱚᱛ ᱨᱮ ᱫᱷᱟᱱᱵᱟᱫᱽ ᱥᱚᱫᱚᱨ ᱥᱟᱵᱽᱰᱤᱵᱤᱡᱚᱱ ᱨᱮᱱᱟᱜ ᱥᱟᱢᱟᱝ ᱥᱮᱦᱮᱫ ᱨᱮ ᱢᱮᱱᱟᱜ ᱥᱚᱦᱚᱨ, ᱱᱚᱜᱚᱨ ᱟᱨ ᱴᱷᱟᱶ ᱠᱚ ᱮᱢ: ᱱᱚᱜᱚᱨ ᱯᱟᱞᱤᱠᱟ, ᱥᱤ.ᱴᱤ.: ᱦᱚᱲ ᱞᱮᱠᱷᱟ ᱱᱚᱜᱚᱨ, ᱮᱱ: ᱥᱩᱨ-ᱥᱩᱯᱩᱨ, ᱟᱨ: ᱫᱮᱦᱟᱛ/ ᱥᱚᱦᱨᱤ ᱛᱟᱞᱢᱟ, ᱰᱤ: ᱰᱮᱢ, ᱯᱤ: ᱯᱟᱣᱟᱨ ᱯᱞᱟᱱᱴ ᱦᱩᱰᱤᱧ ᱢᱟᱱ ᱪᱤᱛᱟᱹᱨ ᱨᱮ ᱡᱟᱭᱜᱟ ᱵᱟᱹᱱᱩᱜ ᱠᱷᱟᱹᱛᱤᱨ, ᱢᱟᱨᱟᱝ ᱢᱟᱱ ᱪᱤᱛᱟᱹᱨ ᱨᱮ ᱡᱟᱭᱜᱟ ᱵᱷᱮᱜᱟᱨ ᱜᱮᱭᱟ ᱾ |
ᱴᱷᱟᱶ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱤᱢ ᱠᱟᱱᱟᱨᱤ ᱫᱚ 23°48′02″N 86°11′29″E / 23.800689°N 86.191389°E ᱨᱮ ᱢᱮᱱᱟᱜᱼᱟ ᱾
ᱱᱳᱴ: ᱥᱟᱶᱛᱮ ᱢᱮᱱᱟᱜ ᱱᱚᱠᱥᱟ ᱫᱚ ᱚᱱᱟ ᱴᱚᱴᱷᱟ ᱨᱮᱱᱟᱜ ᱠᱤᱪᱷᱩ ᱩᱫᱩᱜᱚᱜ ᱞᱮᱠᱟᱱ ᱴᱷᱟᱶ ᱠᱚ ᱩᱫᱩᱜᱼᱟ ᱾ ᱱᱚᱠᱥᱟ ᱨᱮ ᱪᱤᱱᱦᱟᱹ ᱟᱠᱟᱱ ᱡᱚᱛᱚ ᱴᱷᱟᱶ ᱢᱟᱨᱟᱝ ᱯᱩᱨᱟᱹ ᱥᱠᱨᱤᱱ ᱱᱚᱠᱥᱟ ᱨᱮ ᱡᱩᱲᱟᱹᱣ ᱢᱮᱱᱟᱜᱼᱟ ᱾
ᱵᱤᱪᱷᱱᱟᱹᱛ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱮᱯ ᱨᱮ ᱧᱮᱞᱚᱜ ᱠᱟᱱ ᱴᱚᱴᱷᱟ ᱫᱚ ᱠᱚᱭᱞᱟ ᱠᱷᱟᱫᱟᱱ ᱛᱮ ᱯᱮᱨᱮᱡ ᱟᱠᱟᱱ ᱩᱥᱩᱞ ᱴᱚᱴᱷᱟ ᱨᱮᱱᱟᱜ ᱢᱤᱫ ᱴᱷᱟᱶ ᱠᱟᱱᱟ ᱾ ᱫᱟᱢᱳᱫᱚᱨ ᱜᱟᱰᱟ ᱫᱚ ᱪᱷᱳᱴᱟᱱᱟᱜᱽᱯᱩᱨ ᱯᱞᱟᱴᱚ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱩᱬ ᱜᱟᱰᱟ ᱠᱟᱱᱟ ᱾ ᱱᱚᱣᱟ ᱜᱟᱰᱟ ᱫᱚ ᱮᱛᱚᱢ ᱥᱤᱢᱟᱹ ᱫᱷᱟᱨᱮ ᱛᱮ ᱯᱟᱨᱚᱢᱚᱜᱼᱟ ᱾ ᱫᱟᱢᱳᱫᱚᱨ ᱫᱷᱟᱨᱮ ᱴᱚᱴᱷᱟ ᱫᱚ ᱢᱤᱫ ᱫᱷᱟᱣ ᱫᱷᱟᱱᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱢᱤᱫ ᱴᱷᱟᱶ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱒᱐᱐᱑ ᱨᱮ ᱵᱚᱠᱟᱨᱚ ᱦᱚᱱᱚᱛ ᱨᱮ ᱦᱮᱡ ᱮᱱᱟ ᱾ ᱢᱮᱯ ᱨᱮ ᱧᱮᱞᱚᱜ ᱠᱟᱱ ᱡᱟᱭᱜᱟ ᱨᱮᱱᱟᱜ ᱵᱟᱹᱲᱛᱤ ᱫᱚ ᱵᱟᱜᱷᱢᱟᱨᱟ (ᱥᱟᱶᱛᱟ ᱩᱛᱷᱱᱟᱹᱣ ᱵᱚᱱᱚᱛ) ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱵᱟᱜᱷᱢᱟᱨᱟ ᱥᱤᱰᱤ ᱵᱚᱱᱚᱛ ᱨᱮ ᱖᱗% ᱦᱚᱲ ᱮᱞ ᱫᱚ ᱟᱹᱛᱩ ᱴᱚᱴᱷᱟ ᱨᱮ ᱟᱨ ᱓᱓% ᱦᱚᱲ ᱫᱚ ᱥᱚᱦᱚᱨ ᱴᱚᱴᱷᱟ ᱨᱮ ᱠᱚ ᱛᱟᱦᱮᱸᱱᱟ ᱾ ᱱᱚᱣᱟ ᱵᱚᱱᱚᱛ ᱨᱮ ᱑᱘ ᱜᱚᱴᱟᱝ ᱦᱚᱲ ᱞᱮᱠᱷᱟ ᱥᱚᱦᱚᱨ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱨᱟᱡᱽᱜᱚᱸᱡᱽ ᱵᱮᱜᱚᱨ ᱮᱴᱟᱜ ᱥᱚᱦᱚᱨ ᱡᱟᱦᱟᱸ ᱫᱚ ᱦᱚᱱᱚᱛ ᱨᱮᱱᱟᱜ ᱠᱚᱧᱮ ᱥᱮᱦᱮᱫ ᱨᱮ ᱢᱮᱱᱟᱜᱼᱟ ᱾ ᱫᱷᱟᱱᱵᱟᱫᱽ ᱢᱤᱭᱩᱱᱤᱥᱤᱯᱟᱞ ᱠᱚᱨᱯᱚᱨᱮᱥᱚᱱ ᱨᱮᱱᱟᱜ ᱢᱤᱫ ᱴᱷᱟᱶ ᱫᱚ ᱠᱟᱛᱨᱟᱥ ᱨᱮᱱᱟᱜ ᱥᱩᱨ ᱥᱩᱯᱩᱨ ᱫᱷᱟᱹᱨᱤᱡ ᱥᱮᱱ ᱟᱠᱟᱱᱟ ᱾ ᱰᱤ.ᱮᱢ.ᱥᱤ. ᱴᱚᱴᱷᱟ ᱨᱮᱱᱟᱜ ᱡᱟᱭᱜᱟ ᱠᱚ ᱫᱚ ᱯᱩᱲᱥᱤ ᱞᱮᱠᱟᱛᱮ ᱪᱤᱱᱦᱟᱹᱣ ᱟᱠᱟᱱᱟ ᱾ ᱰᱤ.ᱮᱢ.ᱥᱤ. ᱴᱚᱴᱷᱟ ᱨᱮᱱᱟᱜ ᱵᱟᱹᱲᱛᱤ ᱦᱟᱹᱴᱤᱧ ᱫᱚ ᱦᱚᱱᱚᱛ ᱨᱮᱱᱟᱜ ᱛᱟᱞᱢᱟ ᱟᱨ ᱮᱛᱚᱢ ᱥᱮᱦᱮᱫ ᱨᱮᱱᱟᱜ ᱢᱟᱱᱪᱤᱛᱟᱹᱨ ᱨᱮ ᱩᱫᱩᱜ ᱟᱠᱟᱱᱟ ᱾ ᱵᱤ.ᱥᱤ.ᱥᱤ.ᱮᱞ. ᱨᱮᱱᱟᱜ ᱯᱩᱱᱭᱟᱹ ᱪᱟᱪᱞᱟᱣ ᱴᱚᱴᱷᱟ ᱫᱚ ᱯᱩᱨᱟᱹ ᱴᱚᱴᱷᱟ ᱛᱟᱞᱟ ᱨᱮ ᱪᱟᱪᱞᱟᱣ ᱦᱚᱨᱟ ᱢᱮᱱᱟᱜᱼᱟ - ᱠᱟᱛᱨᱟᱥ ᱴᱚᱴᱷᱟ, ᱜᱳᱵᱤᱱᱫᱽᱯᱩᱨ ᱴᱚᱴᱷᱟ, ᱵᱚᱨᱳᱲᱟ ᱴᱚᱴᱷᱟ ᱟᱨ ᱵᱞᱚᱠ-᱒ ᱴᱚᱴᱷᱟ ᱾ ᱯᱟᱪᱮ ᱡᱷᱟᱨᱤᱭᱟ ᱴᱚᱴᱷᱟ ᱨᱮᱱᱟᱜ ᱢᱚᱦᱩᱫᱟ ᱥᱮᱠᱴᱚᱨ ᱦᱚᱸ ᱱᱚᱣᱟ ᱴᱚᱴᱷᱟ ᱨᱮ ᱪᱟᱪᱞᱟᱣᱜ ᱠᱟᱱᱟ ᱾[᱑][᱒][᱓]
ᱰᱮᱢᱚᱜᱨᱟᱯᱷᱤᱠ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱵᱷᱤᱢ ᱠᱟᱱᱟᱨᱤ ᱨᱤᱱ ᱜᱩᱴ ᱦᱚᱲ ᱮᱞ ᱫᱚ ᱕,᱑᱗᱐ ᱜᱚᱴᱟᱝ ᱦᱚᱲ ᱢᱮᱱᱟᱜ ᱠᱚᱣᱟ, ᱚᱱᱟ ᱢᱩᱸᱫᱽ ᱠᱷᱚᱱ ᱒,᱗᱒᱒ (᱕᱓%) ᱠᱚᱲᱟ ᱟᱨ ᱒,᱔᱔᱘ (᱔᱗%) ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱖ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱨᱤᱱ ᱦᱚᱲ ᱫᱚ ᱖᱓᱙ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱵᱷᱤᱢ ᱠᱟᱱᱟᱨᱤ ᱨᱮ ᱥᱤᱠᱷᱱᱟᱹᱛ ᱟᱠᱟᱱ ᱦᱚᱲ ᱠᱚᱣᱟᱜ ᱜᱩᱴ ᱮᱞ ᱫᱚ ᱓,᱘᱓᱒ ᱦᱚᱲ ᱠᱚ (᱖ ᱥᱮᱨᱢᱟ ᱠᱷᱚᱱ ᱰᱷᱮᱨ ᱦᱚᱲᱟᱜ ᱘᱔.᱕᱗%) ᱛᱟᱦᱮᱸ ᱠᱟᱱᱟ ᱾[᱔]
ᱤᱱᱯᱨᱟᱥᱴᱨᱚᱠᱪᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱤᱢ ᱠᱟᱱᱟᱨᱤ ᱨᱮᱱᱟᱜ ᱚᱥᱟᱨ ᱵᱤᱥᱟᱨ ᱫᱚ ᱑.᱕᱙ ᱵᱚᱨᱜᱚ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱫᱷᱟᱱᱵᱟᱫᱽ ᱠᱷᱚᱱ ᱔᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱡᱚᱛᱚ ᱠᱷᱚᱱ ᱥᱩᱨ ᱨᱮᱞᱣᱮ ᱥᱴᱮᱥᱚᱱ ᱠᱷᱟᱱᱩᱰᱤᱦ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱐.᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱵᱟᱜᱷᱢᱟᱨᱟ ᱠᱷᱚᱱ ᱵᱟᱥ ᱥᱮᱵᱟ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱑ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱸᱰᱮ ᱫᱚ ᱵᱟᱨ ᱠᱤᱞᱚᱢᱤᱴᱚᱨ ᱜᱟᱱ ᱥᱚᱲᱚᱠ ᱟᱨ ᱡᱷᱤᱡ ᱱᱟᱞᱟ ᱢᱮᱱᱟᱜᱼᱟ ᱾ ᱨᱩᱠᱷᱤᱭᱟᱹ ᱫᱟᱜ ᱥᱟᱨᱵᱷᱟᱨ ᱨᱮᱱᱟᱜ ᱵᱟᱨᱭᱟ ᱢᱟᱨᱟᱝ ᱰᱟᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱦᱮᱱᱰ ᱯᱟᱢᱯ ᱟᱨ ᱵᱤᱱ ᱫᱚᱦᱚ ᱠᱩᱧ ᱠᱚ ᱾ ᱱᱚᱸᱰᱮ ᱑,᱐᱔᱒ ᱜᱚᱴᱟᱝ ᱜᱷᱟᱨᱚᱸᱡᱽ ᱨᱮ ᱵᱤᱡᱽᱞᱤ ᱡᱚᱲᱟᱣ ᱢᱮᱱᱟᱜᱼᱟ ᱾ ᱢᱮᱰᱤᱠᱟᱞ ᱥᱩᱵᱤᱫᱷᱟ ᱨᱮ ᱱᱚᱸᱰᱮ ᱢᱤᱫᱴᱟᱹᱝ ᱰᱚᱵᱟᱥ ᱠᱟᱯᱷ ᱢᱮᱱᱟᱜᱼᱟ ᱾ ᱥᱮᱪᱮᱫ ᱵᱮᱵᱚᱥᱛᱟ ᱨᱮ ᱱᱚᱸᱰᱮ ᱯᱮᱭᱟ ᱯᱨᱟᱭᱢᱟᱨᱤ ᱵᱤᱨᱫᱟᱹᱜᱟᱲ ᱢᱮᱱᱟᱜᱼᱟ ᱾ ᱵᱟᱜᱷᱢᱟᱨᱟ ᱨᱮ ᱫᱚ ᱛᱟᱱᱟᱞᱟ ᱵᱤᱨᱫᱟᱹᱜᱟᱲ, ᱩᱥᱩᱞ ᱛᱟᱱᱟᱞᱟ ᱵᱤᱨᱫᱟᱹᱜᱟᱲ ᱟᱨ ᱥᱟᱫᱷᱟᱨᱚᱱ ᱰᱤᱜᱽᱨᱤ ᱵᱤᱨᱫᱟᱹᱜᱟᱲ ᱠᱚ ᱢᱮᱱᱟᱜᱼᱟ ᱾[᱕]
ᱵᱤ.ᱥᱤ.ᱥᱤ.ᱮᱞ. ᱫᱚ ᱡᱚᱢᱩᱱᱤᱭᱟ ᱜᱟᱰᱟ ᱨᱮ ᱵᱮᱱᱟᱣ ᱟᱠᱟᱱ ᱰᱮᱢ ᱥᱩᱨ ᱨᱮ ᱢᱮᱱᱟᱜ ᱤᱱᱴᱮᱠ ᱵᱷᱮᱞ ᱠᱷᱚᱱ ᱫᱟᱜ ᱯᱟᱢᱯ ᱞᱟᱹᱜᱤᱫ ᱮ ᱜᱚᱴᱟ ᱟᱠᱟᱫᱟ ᱾ ᱱᱚᱸᱰᱮ ᱓᱕ ᱞᱟᱠᱷ ᱜᱮᱞᱚᱱ ᱫᱤᱱᱟᱹᱢ ᱦᱤᱞᱚᱜᱟᱜ ᱫᱟᱲᱮᱭᱟᱜ ᱫᱟᱜ ᱯᱟᱥᱱᱟᱣ ᱨᱮᱱᱟᱜ ᱯᱨᱚᱵᱷᱟᱣ ᱢᱮᱱᱟᱜᱼᱟ ᱾ ᱧᱩ ᱫᱟᱜ ᱫᱚ ᱵᱞᱚᱠ - ᱒ ᱴᱚᱴᱷᱟ ᱨᱮᱱᱟᱜ ᱢᱚᱛᱤᱜᱟᱨᱟᱦᱟ ᱠᱚᱞᱚᱱᱤ, ᱵᱷᱤᱢᱠᱟᱱᱟᱞᱤ, ᱱᱩᱫᱽᱠᱷᱩᱨᱠᱤ ᱟᱨ ᱱᱮᱦᱨᱩ ᱱᱟᱜᱟᱨ (ᱦᱚᱨᱤᱱᱟ ᱠᱚᱞᱚᱱᱤ) ᱨᱮ ᱮᱢᱚᱜᱼᱟ ᱾ ᱫᱟᱜ ᱫᱚ ᱵᱳᱨᱵᱷᱮᱞ ᱠᱷᱚᱱ ᱫᱟᱜ ᱦᱮᱡ ᱠᱟᱛᱮ ᱴᱤ/ᱮᱥ ᱨᱮ ᱵᱚᱨᱣᱮᱞ ᱠᱷᱚᱱ ᱚᱸᱰᱚᱠ ᱠᱟᱛᱮ ᱵᱷᱩᱡᱚᱞ ᱴᱮᱱᱠ ᱨᱮ ᱯᱮᱨᱮᱡ ᱦᱩᱭᱩᱜ ᱠᱟᱱᱟ ᱾ ᱚᱛ ᱨᱮᱱᱟᱜ ᱫᱟᱜ ᱴᱮᱱᱠ ᱠᱷᱚᱱ ᱫᱟᱜ ᱯᱟᱢᱯ ᱛᱮ ᱚᱵᱷᱚᱨ ᱦᱮᱰ ᱴᱮᱱᱠ ᱨᱮ ᱠᱚ ᱫᱚᱦᱚᱭᱟ ᱟᱨ ᱚᱱᱟ ᱛᱟᱭᱚᱢ ᱚᱵᱷᱚᱨ ᱦᱮᱰ ᱴᱮᱱᱠ ᱠᱷᱚᱱ ᱠᱚᱞᱚᱱᱤ ᱨᱮ ᱫᱟᱜ ᱮᱢᱚᱜᱼᱟ ᱾ ᱰᱤ. ᱡᱤ. ᱠᱚᱞᱳᱱᱤ ᱟᱨ ᱵᱮᱱᱮᱰᱤᱦ ᱠᱚᱞᱳᱱᱤ ᱨᱮ ᱵᱚᱨᱣᱮᱞ ᱛᱮ ᱫᱟᱜ ᱮᱢᱚᱜ ᱠᱟᱱᱟ ᱾[᱖]
ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱜᱷᱢᱟᱨᱟ ᱠᱚᱞᱮᱡᱽ ᱫᱚ ᱑᱙᱘᱕ ᱥᱟᱞᱮ ᱨᱮ ᱵᱷᱤᱢᱠᱟᱱᱟᱞᱤ, ᱯᱳ ᱵᱟᱜᱷᱢᱟᱨᱟ ᱨᱮ ᱵᱮᱱᱟᱣ ᱞᱮᱱᱟ ᱾ ᱵᱤᱱᱳᱫᱽ ᱵᱤᱦᱟᱨᱤ ᱢᱟᱦᱛᱳ ᱠᱚᱭᱞᱟᱱᱪᱚᱞ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ, ᱱᱚᱣᱟ ᱫᱚ ᱟᱨᱴᱥ ᱟᱨ ᱥᱟᱬᱮᱥ ᱨᱮ ᱠᱳᱨᱥ ᱠᱚ ᱮᱢᱚᱜᱼᱟ ᱾[᱗][᱘]
ᱦᱚᱲᱢᱚ ᱥᱟᱶᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱤ.ᱥᱤ.ᱥᱤ.ᱮᱞ. ᱫᱚ ᱵᱷᱤᱢᱠᱟᱱᱟᱞᱤ ᱨᱮ ᱢᱤᱫ ᱰᱤᱥᱯᱮᱱᱥᱟᱨᱤ ᱢᱮᱱᱟᱜᱼᱟ ᱾[᱖]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "District Census Handbook Dhanbad" (PDF). Series 21, Part XIIA, pages 4-5, 5-6, 8. Directorate of Census Operations, Jharkhand. Retrieved 4 June 2019.
- ↑ "2011 Census C.D. Block Wise Primary Census Abstract Data(PCA)". Jharkhand – District-wise CD Blocks. Registrar General and Census Commissioner, India. Retrieved 8 October 2017.
- ↑ "Area". Bharat Coking Coal Limited. Archived from the original on 26 July 2019. Retrieved 2 July 2019.
- ↑ "2011 Census C.D. Block Wise Primary Census Abstract Data(PCA)". Jharkhand – District-wise CD Blocks. Registrar General and Census Commissioner, India. Retrieved 11 June 2019.
- ↑ "District Census Handbook, Dhanbad, 2011, Series 21, Part XII A" (PDF). Pages 639-664 Statements. Directorate of Census Operations, Jharkhand. Retrieved 9 June 2019.
- 1 2 "Bharat Coking Coal Limited". Block II Area. BCCL. Archived from the original on 25 January 2021. Retrieved 12 June 2019.
- ↑ "Baghmara College". IndCareer. Retrieved 15 June 2019.
- ↑ "Baghmara College". India Study Channel. Retrieved 15 June 2019.
