ᱵᱷᱤᱨᱡᱤᱱᱤᱭᱟ ᱨᱳᱰᱨᱤᱜᱽᱥ
ᱵᱷᱤᱨᱡᱤᱱᱤᱭᱟ ᱨᱳᱰᱨᱤᱜᱽᱥ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ, ᱟᱨ ᱚᱱᱚᱞᱤᱭᱟᱹ ᱡᱟᱦᱟᱸᱭ ᱢᱟᱞᱟᱭᱟᱞᱟᱢ, ᱦᱤᱱᱫᱤ, ᱟᱨ ᱠᱟᱱᱱᱟᱰᱟ ᱯᱟᱹᱨᱥᱤ ᱯᱷᱤᱞᱢ, ᱛᱷᱤᱭᱮᱴᱚᱨ, ᱟᱨ ᱴᱮᱞᱤᱵᱤᱡᱚᱱ ᱨᱮ ᱟᱡᱟᱜ ᱠᱟᱹᱢᱤ ᱠᱚ ᱞᱟᱹᱜᱤᱫ ᱵᱟᱰᱟᱭᱚᱜ ᱠᱟᱱᱟᱭ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱢᱟᱸᱜᱟᱞᱳᱨ, ᱠᱚᱨᱱᱟᱴᱚᱠ, ᱥᱤᱧᱚᱛ ᱨᱮ ᱵᱷᱤᱱᱥᱮᱸᱴ ᱨᱳᱰᱨᱤᱜᱽᱥ ᱟᱨ ᱦᱤᱞᱫᱟ ᱨᱳᱰᱨᱤᱜᱽᱥ ᱨᱮᱱ ᱠᱮᱛᱷᱳᱞᱤᱠ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱟᱨ ᱦᱟᱨᱟ ᱵᱩᱨᱩ ᱞᱮᱱᱟᱭ᱾ ᱩᱱᱤ ᱫᱚ ᱥᱮᱱᱴ ᱟᱜᱽᱱᱮᱥ ᱠᱚᱞᱮᱡᱽ, ᱢᱟᱸᱜᱟᱞᱳᱨ ᱠᱷᱚᱱ ᱟᱡᱟᱜ ᱵᱤ.ᱮ. ᱰᱤᱜᱽᱨᱤ ᱯᱟᱹᱣᱨᱤ ᱠᱮᱫᱟ᱾
ᱛᱷᱤᱭᱮᱴᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱤᱨᱡᱤᱱᱤᱭᱟ ᱵᱟᱹᱲᱛᱤ ᱵᱷᱟᱜ ᱵᱟᱨ ᱜᱮᱞ ᱥᱮᱨᱢᱟ ᱠᱷᱚᱱ ᱵᱟᱹᱲᱛᱤ ᱛᱷᱤᱭᱮᱴᱚᱨ ᱨᱮ ᱠᱟᱹᱢᱤ ᱟᱠᱟᱫᱟ᱾ ᱩᱱᱤ ᱵᱮᱝᱜᱟᱞᱳᱨ ᱨᱮᱱᱟᱜ ᱤᱱᱰᱤᱭᱟᱱ ᱮᱱᱥᱮᱢᱵᱮᱞ ᱟᱨ ᱢᱩᱢᱵᱟᱭ ᱨᱮᱱᱟᱜ ᱢᱟᱥᱟᱞ ᱛᱷᱤᱭᱮᱴᱚᱨ ᱜᱩᱴ ᱨᱮᱱ ᱢᱮᱢᱵᱟᱨ ᱮ ᱛᱟᱦᱮᱸ ᱟᱠᱟᱱᱟ᱾ ᱩᱱᱤ ᱡᱟᱨᱢᱟᱱᱤ ᱠᱷᱚᱱ ᱣᱟᱞᱤ ᱟᱨ ᱯᱳᱞ ᱥᱠᱢᱤᱰᱴ ᱫᱟᱨᱟᱭ ᱛᱮ ᱰᱤᱨᱮᱠᱴᱚᱨ ᱟᱠᱟᱱ "ᱡᱟᱯᱟᱨᱰᱳᱠᱟᱞ ᱮᱱᱰ ᱫᱟ ᱠᱳᱠ" ᱧᱩᱛᱩᱢᱟᱱ ᱤᱱᱴᱟᱨᱱᱮᱥᱱᱟᱞ ᱯᱨᱳᱡᱮᱠᱴ ᱨᱮᱦᱚᱸ ᱦᱟᱹᱴᱤᱧ ᱮ ᱦᱟᱛᱟᱣ ᱟᱠᱟᱫᱟ᱾ ᱩᱱᱤ ᱟᱭᱢᱟ ᱴᱮᱞᱤᱵᱤᱡᱚᱱ ᱠᱚᱢᱚᱨᱥᱤᱭᱟᱞ ᱨᱮ ᱢᱳᱰᱮᱞᱤᱝ ᱦᱚᱸ ᱠᱮᱫᱟ᱾