ᱵᱷᱩᱣᱟᱱ ᱰᱷᱩᱝᱜᱟᱱᱟ

ᱵᱷᱩᱣᱟᱱ ᱰᱷᱩᱝᱜᱟᱱᱟ (ᱡᱟᱱᱟᱢ ᱧᱩᱛᱩᱢ ᱠᱚᱭᱤᱨᱟᱞᱟ; ᱡᱟᱱᱟᱢ ᱒ ᱚᱜᱚᱥᱴ ᱑᱙᱔᱗) ᱫᱚ ᱢᱤᱫ ᱱᱮᱯᱟᱞᱤ ᱚᱱᱚᱞᱤᱭᱟᱹ ᱟᱨ ᱚᱱᱚᱬᱦᱤᱭᱟᱹ ᱠᱟᱱᱟᱭ ᱾ ᱩᱱᱤᱫᱚ ᱟᱡᱟᱜ ᱦᱩᱰᱤᱧ ᱠᱟᱹᱦᱱᱤ 'ᱫᱟ ᱛᱷᱟᱣᱡᱮᱱᱰ ᱨᱩᱯᱤ ᱱᱚᱴ' ᱞᱟᱹᱜᱤᱫ ᱟᱹᱰᱤ ᱵᱟᱹᱲᱛᱤ ᱵᱟᱰᱟᱭᱚᱜᱼᱟ, ᱡᱟᱦᱟᱸ ᱫᱚ ᱤᱝᱞᱤᱥ ᱟᱨ ᱩᱨᱫᱩ ᱯᱟᱹᱨᱥᱤ ᱛᱮᱦᱚᱸ ᱛᱚᱨᱡᱚᱢᱟ ᱟᱠᱟᱱᱟ ᱾ ᱟᱡᱟᱜ ᱯᱩᱭᱞᱩ ᱩᱯᱟᱹᱱᱟᱥ 'ᱯᱟᱨᱤᱛᱭᱚᱠᱛᱟ' ᱫᱚ ᱒᱐᱒᱐ ᱥᱟᱞᱮ ᱨᱮ ᱪᱷᱟᱯᱟ ᱞᱮᱱᱟ ᱾^[᱑]

ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ

ᱩᱱᱤᱫᱚ ᱵᱷᱩᱣᱟᱱ ᱠᱚᱭᱤᱨᱟᱞᱟ ᱧᱩᱛᱩᱢ ᱛᱮ ᱒ ᱚᱜᱚᱥᱴ ᱑᱙᱔᱗ (᱑᱘ ᱥᱨᱟᱣᱚᱱ ᱒᱐᱐᱔ ᱵᱤ.ᱥ.) ᱥᱟᱞᱮ ᱨᱮ ᱥᱟᱢᱟᱝ ᱱᱮᱯᱟᱞ ᱨᱮᱱᱟᱜ ᱵᱤᱨᱟᱴᱱᱚᱜᱚᱨ ᱥᱚᱦᱚᱨ ᱨᱮ ᱢᱤᱫ ᱨᱟᱡᱽᱟᱹᱨᱤ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱨᱟᱡᱽᱟᱹᱨᱤ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱠᱟᱛᱮ ᱨᱮᱦᱚᱸ, ᱩᱱᱤᱫᱚ ᱨᱟᱡᱽᱟᱹᱨᱤ ᱫᱩᱱᱭᱟᱹ ᱥᱮᱫ ᱠᱷᱚᱱ ᱫᱚ ᱛᱤᱥᱦᱚᱸ ᱵᱟᱭ ᱢᱚᱱᱮ ᱞᱮᱱᱟ ᱾

ᱩᱱᱤᱫᱚ ᱟᱡᱟᱜ ᱮᱛᱚᱦᱚᱵ ᱥᱮᱪᱮᱫ ᱵᱟᱨᱟᱬᱟᱥᱤ, ᱥᱤᱧᱚᱛ ᱠᱷᱚᱱ ᱟᱨ ᱛᱟᱞᱢᱟ ᱥᱮᱪᱮᱫ ᱵᱤᱨᱟᱴᱱᱚᱜᱚᱨ ᱠᱷᱚᱱ ᱮ ᱧᱟᱢ ᱞᱮᱫᱼᱟ ᱾ ᱩᱱᱤᱫᱚ ᱨᱚᱛᱱᱚ ᱨᱟᱡᱽᱭᱚ ᱞᱚᱠᱠᱷᱢᱤ ᱠᱮᱢᱯᱟᱥ, ᱠᱟᱴᱷᱢᱟᱱᱰᱩ ᱠᱷᱚᱱ ᱟᱹᱱᱟᱹᱨᱤ ᱨᱮ ᱰᱤᱯᱞᱳᱢᱟ ᱮ ᱧᱟᱢ ᱞᱮᱫᱼᱟ ᱾ ᱠᱚᱞᱚᱢᱵᱚ ᱯᱞᱟᱱ ᱛᱟᱞᱟᱛᱮ, ᱩᱱᱤᱫᱚ ᱯᱟᱪᱮ ᱵᱟᱝᱞᱟ ᱨᱮᱱᱟᱜ ᱥᱟᱱᱛᱤᱱᱤᱠᱮᱛᱚᱱ ᱨᱮ ᱢᱮᱱᱟᱜ ᱵᱤᱥᱣᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱠᱟᱹᱣᱰᱤ ᱜᱚᱲᱚ ᱮ ᱧᱟᱢ ᱞᱮᱫᱼᱟ ᱾ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ, ᱩᱱᱤᱫᱚ ᱯᱮ ᱥᱮᱨᱢᱟ ᱢᱚᱬᱤᱯᱩᱨᱤ ᱮᱱᱮᱡ ᱮ ᱯᱟᱲᱦᱟᱣ ᱞᱮᱫᱼᱟ ᱾ ᱩᱱᱤᱫᱚ ᱑᱙᱗᱑ ᱥᱟᱞᱮ ᱨᱮ ᱢᱚᱬᱤᱯᱩᱨᱤ ᱮᱱᱮᱡ ᱟᱨ ᱵᱟᱝᱞᱟ ᱥᱟᱶᱦᱮᱫ ᱨᱮ ᱰᱤᱯᱞᱳᱢᱟ ᱮ ᱧᱟᱢ ᱞᱮᱫᱼᱟ ᱾ ᱩᱱᱤᱫᱚ ᱑᱙᱗᱓ ᱥᱟᱞᱮ ᱨᱮ ᱛᱨᱤᱵᱷᱩᱵᱚᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱟᱡᱟᱜ ᱯᱳᱥᱴ ᱜᱨᱮᱡᱩᱭᱮᱴ ᱥᱮᱪᱮᱫ ᱮ ᱯᱩᱨᱟᱹᱣ ᱞᱮᱫᱼᱟ ᱾

ᱥᱟᱶᱦᱮᱫᱤᱭᱟᱹ ᱠᱟᱹᱢᱤ ᱡᱤᱭᱚᱱ

ᱩᱱᱤᱭᱟᱜ ᱯᱩᱭᱞᱩ ᱚᱞ ᱫᱚ 'ᱥᱚᱵᱽᱫᱟᱠᱚᱥ ᱠᱚ ᱟ ᱡᱟᱥᱛᱟᱭᱤ' ᱧᱩᱛᱩᱢᱟᱱ ᱢᱤᱫ ᱚᱱᱚᱬᱦᱮᱸ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱒᱐᱒᱖ ᱵᱤ.ᱥ. ᱨᱮ ᱢᱚᱫᱷᱩᱯᱚᱨᱠᱟ ᱯᱟᱛᱷᱟᱢ ᱨᱮ ᱪᱷᱟᱯᱟ ᱞᱮᱱᱟ ᱾ ᱟᱡᱟᱜ ᱠᱟᱹᱦᱱᱤ ᱠᱚ ᱟᱭᱢᱟ ᱞᱮᱠᱟᱱ ᱥᱟᱶᱦᱮᱫᱤᱭᱟᱹ ᱯᱟᱛᱷᱟᱢ ᱡᱮᱞᱮᱠᱟ ᱢᱚᱫᱷᱩᱯᱚᱨᱠᱟ, ᱜᱚᱨᱤᱢᱟ ᱟᱨ ᱮᱴᱟᱜ ᱫᱤᱥᱚᱢ ᱨᱮᱱᱟᱜ ᱢᱟᱨᱮ ᱠᱷᱚᱵᱚᱨ ᱠᱟᱜᱚᱡᱽ ᱠᱚᱨᱮ ᱪᱷᱟᱯᱟ ᱟᱠᱟᱱᱟ ᱾ ᱩᱱᱤᱫᱚ ᱨᱚᱲ ᱨᱮᱱᱟᱜ ᱯᱷᱩᱨᱜᱟᱹᱞ ᱟᱨ ᱫᱤᱥᱚᱢ ᱪᱟᱪᱞᱟᱣ ᱨᱮᱱᱟᱜ ᱦᱚᱠ ᱞᱟᱹᱜᱤᱫ ᱟᱭᱢᱟ ᱫᱤᱥᱚᱢ ᱨᱮᱱᱟᱜ ᱠᱷᱚᱵᱚᱨ ᱠᱟᱜᱚᱡᱽ ᱨᱮᱭ ᱚᱞ ᱟᱠᱟᱫᱼᱟ ᱾ ᱩᱱᱤᱫᱚ ᱛᱤᱨᱞᱟᱹ ᱚᱱᱚᱞᱤᱭᱟᱹ ᱠᱚ ᱪᱟᱸᱫᱚᱠᱤᱭᱟᱹ ᱧᱟᱯᱟᱢ ᱟᱨ ᱥᱟᱶᱦᱮᱫ ᱪᱮᱛᱟᱱ ᱨᱮ ᱜᱟᱞᱢᱟᱨᱟᱣ ᱞᱟᱹᱜᱤᱫ 'ᱜᱩᱱᱡᱚᱱ' ᱧᱩᱛᱩᱢᱟᱱ ᱢᱤᱫ ᱜᱟᱶᱛᱟ ᱵᱮᱱᱟᱣ ᱨᱮ ᱢᱟᱨᱨ ᱦᱚᱲ ᱠᱚ ᱢᱩᱫᱽ ᱨᱮ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾

ᱩᱱᱤᱫᱚ ᱠᱟᱴᱷᱢᱟᱱᱰᱩ ᱨᱮ PEN ᱥᱮᱱᱴᱟᱨ ᱵᱮᱱᱟᱣ ᱞᱟᱹᱜᱤᱫ ᱥᱩᱦᱤ ᱠᱚᱨᱟᱣ ᱟᱠᱟᱫ ᱒᱐ ᱦᱚᱲ ᱥᱚᱦᱮᱫ ᱠᱚ ᱢᱩᱫᱽ ᱨᱮ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾

ᱩᱱᱤᱫᱚ ᱑᱙᱖᱙ (᱒᱐᱒᱖ ᱵᱤ.ᱥ.) ᱠᱷᱚᱱ ᱑᱙᱙᱑ (᱒᱐᱔᱘ ᱵᱤ.ᱥ.) ᱫᱷᱟᱹᱵᱤᱡ 'ᱥᱤᱭᱩᱰᱤ' ᱧᱩᱛᱩᱢᱟᱱ ᱢᱤᱫ ᱥᱟᱶᱦᱮᱫᱤᱭᱟᱹ ᱯᱟᱛᱷᱟᱢ ᱨᱮ ᱥᱟᱯᱲᱮᱛ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱼᱟ ᱾

ᱰᱷᱩᱝᱜᱟᱱᱟ ᱫᱚ ᱒᱐᱐᱒ ᱥᱟᱞᱮ ᱨᱮᱱᱟᱜ ᱥᱮᱯᱴᱮᱢᱵᱚᱨ ᱪᱟᱸᱫᱚ ᱨᱮ ᱠᱚᱵᱤ ᱠᱮᱫᱟᱨ ᱢᱟᱱ ᱵᱭᱟᱛᱷᱤᱛ ᱦᱚᱛᱮᱛᱮ ᱥᱟᱯᱲᱟᱣ ᱟᱠᱟᱱ ᱟᱨ ᱨᱟᱡᱽᱟᱹᱨᱤᱭᱟᱹ ᱜᱚᱱᱮᱥ ᱢᱟᱱ ᱥᱤᱝ ᱥᱮᱞᱮᱫ ᱟᱠᱟᱱ ᱢᱤᱫ ᱟᱠᱷᱲᱟ ᱨᱮ ᱢᱤᱫ ᱚᱱᱚᱬᱦᱮᱸᱭ ᱨᱚᱲ ᱞᱮᱫᱼᱟ ᱾ ᱰᱷᱩᱝᱜᱟᱱᱟ ᱟᱜ ᱚᱱᱚᱬᱦᱮᱸ ᱟᱸᱡᱚᱢ ᱠᱟᱛᱮ ᱥᱤᱝ ᱫᱚ ᱟᱹᱰᱤ ᱵᱟᱹᱲᱛᱤ ᱨᱟᱹᱥᱠᱟᱹᱭ ᱵᱩᱡᱷᱟᱹᱣ ᱞᱮᱫᱼᱟ ᱾

ᱩᱱᱤᱫᱚ ᱒᱐᱑᱖ ᱥᱟᱞᱮ ᱨᱮ ᱵᱤ.ᱯᱤ. ᱠᱚᱭᱤᱨᱟᱞᱟ ᱥᱢᱨᱤᱛᱤ ᱴᱨᱚᱥᱴ ᱦᱚᱛᱮᱛᱮ ᱮᱛᱚᱦᱚᱵ ᱟᱠᱟᱱ ᱵᱤ.ᱯᱤ. ᱠᱚᱭᱤᱨᱟᱞᱟ ᱥᱟᱶᱦᱮᱫ ᱥᱤᱨᱯᱷᱟᱹ ᱛᱮᱠᱚ ᱥᱟᱨᱦᱟᱣ ᱞᱮᱫᱮᱭᱟ ᱾

᱒᱐᱒᱐ ᱥᱟᱞᱮ ᱨᱮ, ᱩᱱᱤᱫᱚ ᱟᱡᱟᱜ ᱯᱩᱭᱞᱩ ᱩᱯᱟᱹᱱᱟᱥ 'ᱯᱟᱨᱤᱛᱭᱚᱠᱛᱟ' ᱮ ᱪᱷᱟᱯᱟ ᱠᱮᱫᱼᱟ, ᱡᱟᱦᱟᱸ ᱫᱚ ᱧᱩᱛᱩᱢᱟᱱ ᱢᱚᱫᱚᱱ ᱯᱩᱨᱚᱥᱠᱟᱨ ᱞᱟᱹᱜᱤᱫ ᱥᱚᱴᱞᱤᱥᱴ ᱨᱮ ᱥᱮᱞᱮᱫ ᱞᱮᱱᱟ ᱾

ᱥᱟᱹᱠᱷᱭᱟᱹᱛ

↑ "महिला लेखिकाहरुको गुणात्मक बृद्धि होस् : भुवन ढु". जनमत साहित्यिक मासिक (in ᱱᱮᱯᱟᱞᱤ). 2021-08-17. Retrieved 2021-11-12.

ᱵᱟᱦᱨᱮ ᱡᱚᱱᱚᱲ

Bhok story

[1] "महिला लेखिकाहरुको गुणात्मक बृद्धि होस् : भुवन ढु". जनमत साहित्यिक मासिक (in ᱱᱮᱯᱟᱞᱤ). 2021-08-17. Retrieved 2021-11-12.

[᱑]