ᱵᱷᱩᱴᱟᱱᱤᱡᱽ ᱧᱩᱞᱴᱨᱩᱢ
| ᱵᱷᱩᱴᱟᱱᱤᱡᱽ ᱧᱩᱞᱴᱨᱩᱢ | |
|---|---|
| ᱵᱷᱩᱴᱟᱱᱤᱡᱽ ᱧᱩᱞᱴᱨᱚᱢ དངུལ་ཀྲམ (Dzongkha) | |
| ISO 4217 | |
| Code | BTN |
| Denominations | |
| Subunit | |
| ᱑/᱑᱐᱐ | ᱪᱷᱮᱴᱨᱚᱢ |
| Symbol | Nu. |
| ᱪᱷᱮᱴᱨᱚᱢ | Ch. |
| Banknotes | |
| Freq. used | Nu.1, Nu.5, Nu.10, Nu.20, Nu.50, Nu.100, Nu.500, Nu.1000 |
| Coins | |
| Freq. used | Ch.20, Ch.25, Ch.50, Nu.1 |
| Rarely used | Ch.5, Ch.10 |
| Demographics | |
| User(s) |  ᱵᱷᱩᱴᱟᱱ |
| Issuance | |
| Central bank | ᱨᱚᱭᱮᱞ ᱢᱚᱱᱤᱴᱟᱨᱤ ᱚᱛᱷᱚᱨᱤᱴᱤ ᱚᱯᱷ ᱵᱷᱩᱴᱟᱱ |
| Website | www |
| Valuation | |
| Inflation | ᱕.᱒% |
| Source | ᱨᱚᱭᱮᱞ ᱢᱚᱱᱤᱴᱟᱨᱤ ᱚᱛᱷᱚᱨᱤᱴᱤ ᱚᱯᱷ ᱵᱷᱩᱴᱟᱱ, ᱒᱐᱑᱕ ᱟᱱᱩᱢᱟᱱᱤᱠ |
| Pegged with | ᱥᱤᱧᱚᱛᱤᱭᱟᱹ ᱴᱟᱠᱟ (ᱥᱚᱢᱟᱱ ᱨᱮ) |
ᱧᱩᱞᱴᱨᱚᱢ (/əŋˈɡʊltrəm/ əng-GUUL-trəm ᱟᱨᱵᱟᱝ /əŋˈɡuː(l)trəm/ əng-GOO(L)-trəm; ᱡᱚᱝᱠᱷᱟ: དངུལ་ཀྲམ, IPA: [ŋýˈʈúm], ᱢᱮᱱᱮᱛ: 'ᱨᱩᱯᱟᱹ ᱠᱟᱹᱣᱰᱤ'; ᱪᱤᱱᱦᱟᱹ: Nu., ᱠᱳᱰ: BTN) ᱫᱚ ᱵᱷᱩᱴᱟᱱ ᱨᱟᱡᱽ ᱨᱮᱱᱟᱜ ᱠᱟᱹᱣᱰᱤ ᱠᱟᱱᱟ ᱾ ᱱᱚᱶᱟ ᱫᱚ ᱑᱐᱐ ᱪᱷᱮᱴᱨᱚᱢ (Dzongkha: ཕྱེད་ཏམ, IPA: [pt͡ɕʰɛ́ˈtám], ᱢᱮᱱᱮᱛ: 'ᱛᱟᱞᱟ [ᱠᱟᱹᱣᱰᱤ]'; ᱑᱙᱗᱙ ᱫᱷᱟᱹᱵᱤᱡ ᱠᱟᱹᱣᱰᱤ ᱨᱮ ᱪᱮᱴᱨᱚᱢ ᱢᱮᱱᱛᱮ ᱚᱞ ᱛᱟᱦᱮᱸ ᱠᱟᱱᱟ) ᱨᱮ ᱦᱟᱹᱴᱤᱧ ᱟᱠᱟᱱᱟ ᱾ ᱨᱚᱭᱮᱞ ᱢᱚᱱᱤᱴᱟᱨᱤ ᱚᱛᱷᱚᱨᱤᱴᱤ ᱚᱯᱷ ᱵᱷᱩᱴᱟᱱ, ᱵᱷᱩᱴᱟᱱ ᱨᱮᱱᱟᱜ ᱛᱟᱞᱢᱟ ᱵᱮᱸᱠ, ᱧᱩᱞᱴᱨᱚᱢ ᱱᱳᱴ ᱟᱨ ᱠᱟᱹᱣᱰᱤ ᱵᱮᱱᱟᱣ ᱨᱮᱱᱟᱜ ᱟᱹᱭᱫᱟᱹᱨᱤ ᱢᱮᱱᱟᱜᱼᱟ ᱾ ᱧᱩᱞᱴᱨᱚᱢ ᱫᱚ ᱱᱤᱛᱚᱜ ᱥᱤᱧᱚᱛᱤᱭᱟᱹ ᱴᱟᱠᱟ ᱥᱟᱶ ᱥᱚᱢᱟᱱ ᱨᱮ ᱡᱚᱲᱟᱣ ᱢᱮᱱᱟᱜᱼᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱗᱘᱙ ᱫᱷᱟᱹᱵᱤᱡ, ᱠᱩᱪ ᱵᱤᱦᱟᱨ ᱴᱟᱠᱥᱟᱞ ᱨᱮᱱᱟᱜ ᱠᱟᱹᱣᱰᱤ ᱵᱷᱩᱴᱟᱱ ᱨᱮ ᱪᱟᱞᱟᱜ ᱠᱟᱱ ᱛᱟᱦᱮᱸᱫ᱾[᱑] ᱚᱱᱟ ᱛᱟᱭᱚᱢ, ᱵᱷᱩᱴᱟᱱ ᱫᱚ ᱟᱡᱟᱜ ᱠᱟᱹᱣᱰᱤ ᱪᱮᱴᱨᱚᱢ ᱧᱩᱛᱩᱢ ᱛᱮ ᱵᱮᱱᱟᱣ ᱮ ᱮᱦᱚᱵ ᱠᱮᱫᱼᱟ, ᱡᱟᱦᱟᱸ ᱫᱚ ᱵᱟᱹᱲᱛᱤ ᱠᱟᱭᱛᱮ ᱨᱩᱯᱟᱹ ᱨᱮᱱᱟᱜ ᱑⁄᱒ ᱴᱟᱠᱟ ᱛᱟᱦᱮᱸ ᱠᱟᱱᱟ ᱾ ᱑᱙᱒᱙ ᱫᱷᱟᱹᱵᱤᱡ ᱛᱩᱞᱟᱹᱢ ᱨᱩᱯᱟᱹ ᱟᱨ ᱛᱟᱸᱵᱟ ᱨᱮᱱᱟᱜ ᱠᱟᱹᱣᱰᱤ ᱜᱮ ᱪᱟᱞᱟᱜ ᱠᱟᱱ ᱛᱟᱦᱮᱸᱫ, ᱡᱚᱠᱷᱚᱱ ᱱᱟᱦᱟᱜ ᱦᱚᱨᱟ ᱛᱮ ᱨᱩᱯᱟᱹ ᱨᱮᱱᱟᱜ ᱑⁄᱒ ᱴᱟᱠᱟ ᱠᱟᱹᱣᱰᱤ ᱮᱛᱚᱦᱚᱵ ᱞᱮᱱᱟ, ᱚᱱᱟ ᱛᱟᱭᱚᱢ ᱑᱙᱓᱑ ᱨᱮ ᱵᱨᱚᱸᱡᱽ ᱑ ᱯᱟᱭᱥᱟ (᱑᱙᱒᱘ ᱚᱞ ᱟᱠᱟᱱ) ᱮᱛᱚᱦᱚᱵ ᱞᱮᱱᱟ ᱾ ᱱᱤᱠᱮᱞ ᱑⁄᱒ ᱴᱟᱠᱟ ᱨᱮᱱᱟᱜ ᱠᱟᱹᱣᱰᱤ ᱑᱙᱕᱐ ᱨᱮ ᱮᱛᱚᱦᱚᱵ ᱞᱮᱱᱟ ᱾ ᱡᱚᱠᱷᱚᱱ ᱠᱩᱪ ᱵᱤᱦᱟᱨ ᱴᱟᱠᱥᱟᱞ ᱨᱮᱱᱟᱜ ᱠᱟᱹᱣᱰᱤ ᱵᱷᱩᱴᱟᱱ ᱨᱮᱱᱟᱜ ᱟᱯᱱᱟᱨᱟᱜ ᱠᱟᱹᱣᱰᱤ ᱥᱟᱶ ᱪᱟᱞᱟᱜ ᱠᱟᱱ ᱛᱟᱦᱮᱸᱫ, ᱑᱙᱕᱗ ᱨᱮ ᱫᱚᱥᱚᱢᱤᱠ ᱦᱚᱨᱟ (decimalization) ᱮᱛᱚᱦᱚᱵ ᱞᱮᱱᱟ, ᱡᱚᱠᱷᱚᱱ ᱵᱷᱩᱴᱟᱱ ᱨᱮᱱᱟᱜ ᱯᱩᱭᱞᱩ ᱠᱟᱹᱣᱰᱤ ᱱᱟᱭᱟ ᱯᱟᱭᱥᱟ ᱨᱮ ᱵᱮᱱᱟᱣ ᱞᱮᱱᱟ᱾ ᱑᱙᱖᱖ ᱨᱮᱱᱟᱜ ᱠᱟᱹᱣᱰᱤ ᱠᱚᱫᱚ ᱒᱕ ᱱᱟᱭᱟ ᱯᱟᱭᱥᱟ, ᱕᱐ ᱱᱟᱭᱟ ᱯᱟᱭᱥᱟ ᱟᱨ ᱑ ᱴᱟᱠᱟ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱠᱩᱯᱨᱚ-ᱱᱤᱠᱮᱞ ᱛᱮ ᱵᱮᱱᱟᱣ ᱞᱮᱱᱟ᱾[᱒]
ᱡᱚᱠᱷᱚᱱ ᱵᱷᱩᱴᱟᱱ ᱥᱚᱨᱠᱟᱨ ᱑᱙᱖᱐ ᱨᱮᱱᱟᱜ ᱮᱛᱚᱦᱚᱵ ᱨᱮ ᱟᱡᱟᱜ ᱠᱟᱹᱣᱰᱤ ᱟᱹᱨᱤ ᱩᱛᱱᱟᱹᱣ ᱠᱮᱫᱼᱟ, ᱑᱙᱖᱘ ᱨᱮ ᱠᱟᱹᱣᱰᱤ ᱵᱮᱱᱟᱣ ᱠᱷᱟᱹᱛᱤᱨ ᱵᱮᱸᱠ ᱚᱯᱷ ᱵᱷᱩᱴᱟᱱ ᱛᱷᱟᱯᱚᱱ ᱞᱮᱱᱟ ᱾ ᱑᱙᱗᱔ ᱨᱮ ᱠᱟᱹᱣᱰᱤ ᱥᱩᱫᱷᱟᱹᱨ ᱦᱩᱭ ᱮᱱ ᱛᱟᱭᱚᱢ, ᱧᱩᱞᱴᱨᱚᱢ ᱫᱚ ᱥᱚᱨᱠᱟᱨᱤ ᱞᱮᱠᱟᱛᱮ ᱮᱛᱚᱦᱚᱵ ᱞᱮᱱᱟ, ᱡᱟᱦᱟᱸᱨᱮ ᱑᱐᱐ ᱪᱷᱮᱴᱨᱚᱢ ᱫᱚ ᱑ ᱧᱩᱞᱴᱨᱚᱢ ᱥᱟᱶ ᱥᱚᱢᱟᱱ ᱛᱟᱦᱮᱸ ᱠᱟᱱᱟ ᱾ ᱧᱩᱞᱴᱨᱚᱢ ᱫᱚ ᱥᱤᱧᱚᱛᱤᱭᱟᱹ ᱴᱟᱠᱟ ᱥᱟᱶ ᱥᱚᱢᱟᱱ ᱨᱮ ᱡᱚᱲᱟᱣ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱵᱷᱩᱴᱟᱱ ᱨᱮᱱᱟᱜ ᱠᱟᱹᱣᱰᱤ ᱠᱚ ᱫᱚᱦᱚ ᱞᱮᱫᱼᱟ᱾[᱓]
ᱱᱚᱶᱟ ᱟᱹᱲᱟᱹ ᱫᱚ ᱡᱚᱝᱠᱷᱟ ngul (ᱧᱩᱞ), "ᱨᱩᱯᱟᱹ" ᱟᱨ trum (ᱴᱨᱚᱢ), ᱢᱤᱫ ᱦᱤᱱᱫᱤ ᱟᱹᱲᱟᱹ ᱠᱷᱚᱱ ᱦᱮᱡ ᱟᱠᱟᱱᱟ ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ "ᱠᱟᱹᱣᱰᱤ" ᱠᱟᱱᱟ᱾[᱔] ᱑᱙᱗᱔ ᱨᱮ ᱠᱟᱹᱣᱰᱤ ᱢᱚᱱᱛᱨᱤ ᱢᱟᱰᱮᱨ (Ministry of Finance) ᱫᱚ Nu.1, Nu.5, Nu.10 ᱟᱨ Nu.100 ᱨᱮᱱᱟᱜ ᱯᱩᱭᱞᱩ ᱠᱟᱜᱚᱡᱽ ᱱᱳᱴ ᱠᱚᱭ ᱵᱮᱱᱟᱣ ᱞᱮᱫᱼᱟ ᱾ ᱱᱚᱣᱟ ᱛᱟᱭᱚᱢ ᱑᱙᱘᱒ ᱨᱮ ᱵᱷᱩᱴᱟᱱ ᱨᱮᱱᱟᱜ ᱨᱚᱭᱮᱞ ᱢᱚᱱᱤᱴᱟᱨᱤ ᱚᱛᱷᱚᱨᱤᱴᱤ ᱫᱚ ᱵᱷᱩᱴᱟᱱ ᱨᱮᱱᱟᱜ ᱛᱟᱞᱢᱟ ᱵᱮᱸᱠ ᱞᱮᱠᱟᱛᱮ ᱛᱷᱟᱯᱚᱱ ᱞᱮᱱᱟ, ᱡᱟᱦᱟᱸ ᱫᱚ ᱑᱙᱘᱓ ᱨᱮ ᱠᱟᱜᱚᱡᱽ ᱱᱳᱴ ᱵᱮᱱᱟᱣ ᱨᱮᱱᱟᱜ ᱟᱹᱭᱫᱟᱹᱨᱤ ᱦᱟᱛᱟᱣ ᱠᱮᱫᱼᱟ ᱟᱨ ᱠᱟᱹᱣᱰᱤ ᱢᱚᱱᱛᱨᱤ ᱢᱟᱰᱮᱨ ᱨᱮᱱᱟᱜ ᱟᱹᱭᱫᱟᱹᱨᱤ ᱵᱚᱫᱚᱞ ᱠᱮᱫᱼᱟ᱾[᱕]
ᱠᱚᱭᱮᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱗᱔ ᱨᱮ, ᱮᱞᱩᱢᱤᱱᱤᱭᱚᱢ Ch.5 ᱟᱨ Ch.10, ᱮᱞᱩᱢᱤᱱᱤᱭᱚᱢ-ᱵᱨᱚᱸᱡᱽ Ch.20, ᱟᱨ ᱠᱩᱯᱨᱚ-ᱱᱤᱠᱮᱞ Ch.25 ᱟᱨ Nu.1 ᱮᱛᱚᱦᱚᱵ ᱞᱮᱱᱟ ᱾ Ch.5 ᱫᱚ ᱯᱩᱱ ᱠᱚᱬ ᱟᱨ Ch.10 ᱫᱚ ᱥᱠᱮᱞᱚᱯ-ᱜᱚᱲᱦᱚᱱ (scallop-shaped) ᱛᱟᱦᱮᱸ ᱠᱟᱱᱟ ᱾ ᱑᱙᱗᱙ ᱨᱮ ᱱᱟᱣᱟ ᱠᱟᱹᱣᱰᱤ ᱮᱛᱚᱦᱚᱵ ᱞᱮᱱᱟ, ᱡᱟᱦᱟᱸ ᱨᱮ ᱵᱨᱚᱸᱡᱽ Ch.5 ᱟᱨ Ch.10, ᱟᱨ ᱠᱩᱯᱨᱚ-ᱱᱤᱠᱮᱞ Ch.25, Ch.50, Nu.1 ᱟᱨ Nu.3 ᱛᱟᱦᱮᱸ ᱠᱟᱱᱟ ᱾ ᱑᱙᱗᱙ ᱨᱮ ᱚᱞ ᱟᱠᱟᱱ ᱮᱞᱩᱢᱤᱱᱤᱭᱚᱢ-ᱵᱨᱚᱸᱡᱽ Ch.25 ᱦᱚᱸ ᱵᱮᱱᱟᱣ ᱞᱮᱱᱟ ᱾ Ch.5 ᱟᱨ Ch.10 ᱫᱚ ᱱᱤᱛᱚᱜ ᱵᱟᱝ ᱧᱮᱞᱚᱜᱼᱟ ᱾ ᱱᱤᱛᱚᱜ, ᱠᱟᱹᱣᱰᱤ ᱠᱚᱫᱚ Ch.20, Ch.25, Ch.50 ᱟᱨ Nu.1 ᱨᱮ ᱧᱟᱢᱚᱜᱼᱟ ᱾
| ᱪᱤᱛᱟᱹᱨ | ᱫᱟᱢ | ᱵᱤᱵᱚᱨᱚᱱ | ᱮᱛᱚᱦᱚᱵ ᱢᱟᱹᱦᱤᱛ |
|---|---|---|---|
| Ch.20 | ᱥᱟᱢᱟᱝ: ᱠᱷᱮᱛ ᱨᱮ ᱠᱟᱹᱢᱤ ᱠᱟᱱ ᱦᱚᱲ ᱾ ᱛᱟᱭᱚᱢ: ᱵᱷᱩᱴᱟᱱ ᱨᱮᱱᱟᱜ ᱠᱳᱴ ᱚᱯᱷ ᱟᱨᱢᱥ ᱾ | ᱑᱙᱗᱔ | |
| Ch.25 | ᱥᱟᱢᱟᱝ: ᱥᱚᱱᱟ ᱦᱟᱹᱠᱩ ᱾ ᱛᱟᱭᱚᱢ: ᱫᱚᱨᱡᱮ (Dorje) ᱾ | ᱑᱙᱗᱙ | |
| Ch.50 | ᱥᱟᱢᱟᱝ: ᱫᱷᱚᱱ ᱛᱩᱢᱫᱟᱜ (Treasure vase) ᱾ ᱛᱟᱭᱚᱢ: ᱘ ᱜᱚᱴᱟᱝ ᱵᱩᱫᱫᱷᱚ ᱪᱤᱱᱦᱟᱹ ᱾ | ᱑᱙᱗᱙ | |
 |
Nu.1 | ᱥᱟᱢᱟᱝ: ᱠᱳᱴ ᱚᱯᱷ ᱟᱨᱢᱥ ᱾ ᱛᱟᱭᱚᱢ: ᱫᱷᱚᱨᱚᱢ ᱪᱟᱠᱟ (Wheel of Dharma) ᱾ | ᱑᱙᱗᱙ |
ᱵᱮᱝᱠ ᱱᱳᱴ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱨᱮ ᱥᱤᱨᱤᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒ ᱡᱩᱱ ᱑᱙᱗᱔ ᱨᱮ, Nu.1, Nu.5 ᱟᱨ Nu.10 ᱱᱳᱴ ᱫᱚ ᱨᱚᱭᱮᱞ ᱜᱚᱵᱷᱚᱨᱢᱮᱱᱴ ᱚᱯᱷ ᱵᱷᱩᱴᱟᱱ ᱦᱚᱛᱮᱛᱮ ᱮᱛᱚᱦᱚᱵ ᱞᱮᱱᱟ, ᱚᱱᱟ ᱛᱟᱭᱚᱢ ᱑᱙᱗᱘ ᱨᱮ Nu.2, Nu.20, Nu.50, ᱟᱨ Nu.100 ᱮᱛᱚᱦᱚᱵ ᱞᱮᱱᱟ ᱾ ᱔ ᱚᱜᱚᱥᱴ ᱑᱙᱘᱒ ᱨᱮ, ᱨᱚᱭᱮᱞ ᱢᱚᱱᱤᱴᱟᱨᱤ ᱚᱛᱷᱚᱨᱤᱴᱤ ᱚᱯᱷ ᱵᱷᱩᱴᱟᱱ ᱟᱠᱴ ᱵᱮᱱᱟᱣ ᱞᱮᱱᱟ, ᱢᱮᱱᱠᱷᱟᱱ RMA ᱫᱚ ᱑ ᱱᱚᱵᱷᱮᱢᱵᱚᱨ ᱑᱙᱘᱓ ᱫᱷᱟᱹᱵᱤᱡ ᱠᱟᱹᱢᱤ ᱵᱟᱭ ᱮᱦᱚᱵ ᱞᱮᱫᱼᱟ, ᱟᱨ ᱑᱙᱘᱖ ᱫᱷᱟᱹᱵᱤᱡ ᱟᱡᱟᱜ ᱱᱳᱴ ᱵᱟᱭ ᱵᱮᱱᱟᱣ ᱞᱮᱫᱼᱟ ᱾
ᱱᱤᱛᱚᱜᱟᱜ ᱥᱤᱨᱤᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱐᱖ ᱨᱮ, ᱢᱚᱱᱤᱴᱟᱨᱤ ᱚᱛᱷᱚᱨᱤᱴᱤ ᱫᱚ ᱟᱡᱟᱜ ᱱᱟᱣᱟ ᱱᱳᱴ ᱥᱤᱨᱤᱡᱽ ᱮ ᱮᱛᱚᱦᱚᱵ ᱠᱮᱫᱼᱟ, ᱡᱟᱦᱟᱸ ᱨᱮ Nu.1, Nu.5, Nu.10, Nu.20, Nu.50, Nu.100, Nu.500, ᱟᱨ Nu.1000 ᱥᱮᱞᱮᱫ ᱢᱮᱱᱟᱜᱼᱟ ᱾
| ᱫᱟᱢ | ᱨᱚᱝ | ᱥᱟᱢᱟᱝ | ᱛᱟᱭᱚᱢ | ᱮᱛᱚᱦᱚᱵ ᱢᱟᱹᱦᱤᱛ |
|---|---|---|---|---|
| Nu.1 | ᱞᱤᱞ, ᱟᱨᱟᱜ ᱟᱨ ᱦᱟᱹᱨᱭᱟᱹᱲ | ᱫᱷᱚᱨᱚᱢ ᱪᱟᱠᱟ ᱥᱟᱶ ᱰᱨᱟᱜᱚᱱ | ᱥᱤᱢᱛᱳᱠᱷᱟ ᱡᱚᱝ (Simtokha Dzong) | ᱒᱐᱐᱖ |
| Nu.5 | ᱥᱟᱥᱟᱝ, ᱵᱟᱫᱟᱢᱤ ᱟᱨ ᱟᱨᱟᱜ | ᱪᱮᱬᱮ ᱠᱚ | ᱯᱟᱨᱳ ᱛᱟᱠᱛᱥᱟᱝ (Paro Taktsang) | ᱒᱐᱐᱖ |
| Nu.10 | ᱵᱮᱝᱜᱟᱲ ᱨᱚᱝ, ᱜᱟᱹᱲ ᱦᱟᱹᱨᱭᱟᱹᱲ ᱟᱨ ᱥᱟᱥᱟᱝ | ᱡᱤᱜᱽᱢᱮ ᱥᱤᱝᱜᱮ ᱣᱟᱝᱪᱩᱠ; ᱰᱩᱝᱠᱚᱨ (Dungkar) | ᱯᱟᱨᱳ ᱨᱤᱱᱯᱩᱝ ᱡᱚᱝ (Paro Rinpung Dzong) | ᱒᱐᱐᱖ |
| Nu.20 | ᱥᱟᱥᱟᱝ ᱟᱨ ᱦᱟᱹᱨᱭᱟᱹᱲ | ᱡᱤᱜᱽᱢᱮ ᱫᱚᱨᱡᱤ ᱣᱟᱝᱪᱩᱠ | ᱯᱩᱱᱟᱠᱷᱟ ᱡᱚᱝ (Punakha Dzong) | ᱒᱐᱐᱖ |
| Nu.50 | ᱜᱩᱞᱟᱹᱵᱤ, ᱟᱨᱟᱜ ᱟᱨ ᱦᱟᱹᱨᱭᱟᱹᱲ | ᱡᱤᱜᱽᱢᱮ ᱠᱷᱮᱥᱚᱨ ᱱᱟᱢᱜᱭᱮᱞ ᱣᱟᱝᱪᱩᱠ | ᱴᱨᱚᱝᱥᱟ ᱡᱚᱝ (Trongsa Dzong) | ᱒᱐᱐᱘ |
| Nu.100 | ᱦᱟᱹᱨᱭᱟᱹᱲ | ᱡᱤᱜᱽᱢᱮ ᱥᱤᱝᱜᱮ ᱣᱟᱝᱪᱩᱠ; ᱱᱳᱨᱵᱩ ᱨᱤᱢᱯᱳᱪᱷᱮ | ᱛᱟᱥᱤᱪᱷᱳ ᱡᱚᱝ (Tashichho Dzong) | ᱒᱐᱐᱖ |
| Nu.500 | ᱜᱩᱞᱟᱹᱵᱤ, ᱟᱨᱟᱜ ᱟᱨ ᱦᱟᱹᱨᱭᱟᱹᱲ | ᱩᱜᱽᱭᱮᱱ ᱣᱟᱝᱪᱩᱠ | ᱯᱩᱱᱟᱠᱷᱟ ᱡᱚᱝ (Punakha Dzong) | ᱒᱐᱐᱖ |
| Nu.1000 | ᱥᱟᱥᱟᱝ, ᱟᱨᱟᱜ ᱟᱨ ᱥᱚᱱᱟ | ᱡᱤᱜᱽᱢᱮ ᱠᱷᱮᱥᱚᱨ ᱱᱟᱢᱜᱭᱮᱞ ᱣᱟᱝᱪᱩᱠ | ᱛᱟᱥᱤᱪᱷᱳ ᱡᱚᱝ (Tashichho Dzong) | ᱒᱐᱐᱘ |
ᱩᱭᱦᱟᱹᱨ ᱱᱳᱴ (Commemorative notes)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]Nu.100 (᱒᱐᱑᱑): ᱨᱚᱭᱮᱞ ᱵᱟᱯᱞᱟ ᱩᱭᱦᱟᱹᱨ ᱞᱟᱹᱜᱤᱫ ᱾ Nu.100 (᱒᱐᱑᱖): ᱨᱟᱡᱽᱠᱩᱢᱟᱨ ᱡᱤᱜᱽᱢᱮ ᱱᱟᱢᱜᱭᱮᱞ ᱣᱟᱝᱪᱩᱠ ᱟᱜ ᱡᱟᱱᱟᱢ ᱩᱭᱦᱟᱹᱨ ᱞᱟᱹᱜᱤᱫ ᱾
ᱵᱚᱫᱚᱞ ᱫᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱧᱩᱞᱴᱨᱚᱢ ᱫᱚ ᱥᱤᱧᱚᱛᱤᱭᱟᱹ ᱴᱟᱠᱟ ᱥᱟᱶ ᱥᱚᱢᱟᱱ ᱨᱮ ᱡᱚᱲᱟᱣ ᱢᱮᱱᱟᱜᱼᱟ (᱑ ᱧᱩᱞᱴᱨᱚᱢ = ᱑ ᱥᱤᱧᱚᱛᱤᱭᱟᱹ ᱴᱟᱠᱟ) ᱾
ᱟᱨᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Old Coins of Bhutan". Mintage World. Retrieved 10 October 2021.
- ↑ "Currency Information: Bhutanese Rupee". ExchangeRate.com. Retrieved 29 September 2016.
This article contains quotations from this source, which is available under a Creative Commons Attribution-Sharealike 3.0 Unported License. - ↑ "Royal Monetary Authority of Bhutan - History". rma.org.bt. Archived from the original on 18 April 2021. Retrieved 17 April 2021.
- ↑ Berlin, Howard M. (24 October 2008). World Monetary Units: An Historical Dictionary, Country by Country. McFarland. ISBN 9781476606736 – via Google Books.
- ↑ "Royal Monetary Authority Act of Bhutan 1982" (PDF). Government of Bhutan. 1982. Retrieved 2010-10-08.
