ᱵᱷᱩᱴᱟᱱ ᱨᱮᱱᱟᱜ ᱥᱚᱝᱥᱚᱫᱽ

ᱵᱷᱩᱴᱟᱱ ᱨᱮᱱᱟᱜ ᱥᱚᱝᱥᱚᱫᱽ

རྒྱལ་ཡོངས་ཚོགས་ཁང་ *Gyelyong Tshokhang*
ᱵᱷᱩᱴᱟᱱ ᱨᱮᱱᱟᱜ ᱥᱚᱝᱥᱚᱫᱽ ; རྒྱལ་ཡོངས་ཚོགས་ཁང་ Gyelyong Tshokhang
ᱞᱮᱠᱟᱱ
ᱞᱮᱠᱟᱱ	ᱵᱟᱨ ᱠᱷᱟᱸᱫᱟ (Bicameral)
ᱦᱟᱣᱩᱥ	ᱡᱟᱹᱛᱤᱭᱟᱹᱨᱤ ᱠᱟᱣᱩᱱᱥᱤᱞ ᱡᱟᱹᱛᱤᱭᱟᱹᱨᱤ ᱥᱮᱢᱞᱮᱫ
ᱟᱹᱭᱩᱨ
ᱰᱨᱩᱠ ᱜᱭᱟᱞᱯᱳ (ᱨᱟᱡᱟ)	ᱡᱤᱜᱽᱢᱮ ᱠᱷᱮᱥᱟᱨ ᱱᱟᱢᱜᱭᱮᱞ ᱣᱟᱝᱪᱩᱠ ; ᱑᱔ ᱰᱤᱥᱮᱢᱵᱚᱨ ᱒᱐᱐᱖ ᱠᱷᱚᱱ ᱠᱷᱚᱱ
ᱡᱟᱹᱛᱤᱭᱟᱹᱨᱤ ᱠᱟᱣᱩᱱᱥᱤᱞ ᱨᱤᱱᱤᱡ ᱯᱟᱨᱥᱮᱛ	ᱥᱟᱝᱜᱮ ᱫᱚᱨᱡᱤ ; ᱑᱐ ᱢᱮ ᱒᱐᱒᱓ ᱠᱷᱚᱱ ᱠᱷᱚᱱ
ᱡᱟᱹᱛᱤᱭᱟᱹᱨᱤ ᱥᱮᱢᱞᱮᱫ ᱨᱤᱱᱤᱡ ᱥᱯᱤᱠᱟᱨ	ᱞᱩᱝᱴᱮᱱ ᱫᱚᱨᱡᱤ ; ᱒᱕ ᱡᱟᱱᱩᱣᱟᱨᱤ ᱒᱐᱒᱔ ᱠᱷᱚᱱ ᱠᱷᱚᱱ
ᱠᱟᱹᱴᱷᱟᱹᱢ
ᱢᱟᱹᱪᱤ	᱗᱒ ᱥᱚᱦᱮᱫ
National Council ᱨᱟᱡᱽᱟᱹᱨᱤ ᱫᱚᱞ	Non-partisan (20) Appointed (5)
National Assembly ᱨᱟᱡᱽᱟᱹᱨᱤ ᱫᱚᱞ	Government (30) PDP (30); Opposition (17) BTP (17);
ᱵᱟᱪᱷᱱᱟᱣ
National Council ᱢᱩᱪᱟᱹᱫ ᱵᱟᱪᱷᱱᱟᱣ	April 20, 2023
National Assembly ᱢᱩᱪᱟᱹᱫ ᱵᱟᱪᱷᱱᱟᱣ	30 November 2023 and 9 January 2024
ᱫᱩᱯᱨᱩᱵ ᱴᱷᱟᱶ
	ᱜᱭᱟᱞᱭᱚᱝ ᱛᱷᱚᱜᱽᱠᱷᱟᱝ, ᱛᱷᱤᱢᱯᱩ
ᱣᱮᱵᱽᱥᱟᱭᱤᱴ
	ᱡᱟᱹᱛᱤᱭᱟᱹᱨᱤ ᱠᱟᱣᱩᱱᱥᱤᱞ ᱡᱟᱹᱛᱤᱭᱟᱹᱨᱤ ᱥᱮᱢᱞᱮᱫ

ᱵᱷᱩᱴᱟᱱ ᱨᱮᱱᱟᱜ ᱥᱚᱝᱥᱚᱫᱽ (Dzongkha: རྒྱལ་ཡོངས་ཚོགས་ཁང་; Wylie: rgyal-yongs tshogs-khang; "Gyelyong Tshokhang") ᱫᱚ ᱵᱷᱩᱴᱟᱱ ᱨᱤᱱᱤᱡ ᱨᱟᱡᱟ ᱟᱨ ᱵᱟᱨ ᱠᱷᱟᱸᱫᱟ ᱥᱚᱝᱥᱚᱫᱽ ᱛᱮ ᱵᱮᱱᱟᱣ ᱟᱠᱟᱱᱟ᱾^[᱑] ᱱᱚᱣᱟ ᱵᱟᱨ ᱠᱷᱟᱸᱫᱟ ᱥᱚᱝᱥᱚᱫᱽ ᱨᱮ ᱫᱚ ᱢᱤᱫ ᱪᱮᱛᱟᱱ ᱠᱷᱟᱸᱫᱟ, ᱡᱟᱹᱛᱤᱭᱟᱹᱨᱤ ᱠᱟᱣᱩᱱᱥᱤᱞ, ᱟᱨ ᱢᱤᱫ ᱞᱟᱛᱟᱨ ᱠᱷᱟᱸᱫᱟ, ᱡᱟᱹᱛᱤᱭᱟᱹᱨᱤ ᱥᱮᱢᱞᱮᱫ ᱥᱮᱞᱮᱫ ᱢᱮᱱᱟᱜᱼᱟ᱾ ᱱᱤᱛᱚᱜᱟᱜ ᱥᱚᱝᱥᱚᱫᱽ ᱰᱷᱟᱸᱪᱟ ᱫᱚ ᱒᱐᱐᱗ ᱥᱮᱨᱢᱟ ᱨᱮ 'ᱛᱷᱚᱜᱽᱰᱩ' ᱵᱚᱫᱚᱞ ᱛᱮ ᱵᱮᱱᱟᱣ ᱞᱮᱱᱟ, ᱟᱨ ᱱᱚᱣᱟ ᱨᱮᱱ ᱯᱩᱭᱞᱩ ᱥᱚᱦᱮᱫ ᱠᱚ ᱒᱐᱐᱘ ᱥᱮᱨᱢᱟ ᱨᱮ ᱟᱠᱚᱣᱟᱜ ᱢᱟᱹᱪᱤ ᱠᱚ ᱦᱟᱛᱟᱣ ᱞᱮᱫᱟ᱾

ᱥᱚᱝᱥᱚᱫᱽ ᱨᱮᱱᱟᱜ ᱵᱮᱱᱟᱣ

ᱡᱟᱹᱛᱤᱭᱟᱹᱨᱤ ᱠᱟᱣᱩᱱᱥᱤᱞ ᱫᱚ ᱪᱮᱛᱟᱱ ᱠᱷᱟᱸᱫᱟ ᱠᱟᱱᱟ, ᱡᱟᱦᱟᱸ ᱫᱚ ᱵᱤᱪᱟᱹᱨ ᱠᱷᱟᱸᱫᱟ ᱞᱮᱠᱟᱛᱮ ᱦᱚᱸ ᱠᱟᱹᱢᱤᱭᱟ᱾ ᱱᱚᱣᱟ ᱨᱮ ᱒᱕ ᱡᱚᱱᱟ ᱥᱚᱦᱮᱫ ᱠᱚ ᱛᱟᱦᱮᱸᱱᱟ: ᱒᱐ ᱡᱚᱱᱟ ᱫᱚ ᱒᱐ ᱜᱚᱴᱟᱝ ᱡᱚᱝᱠᱷᱟᱜᱽ (ᱦᱚᱱᱚᱛ) ᱠᱷᱚᱱ ᱥᱚᱡᱷᱮ ᱠᱚ ᱵᱟᱪᱷᱱᱟᱣᱚᱜᱼᱟ ᱟᱨ ᱕ ᱡᱚᱱᱟ ᱫᱚ ᱵᱟᱪᱷᱱᱟᱣ ᱟᱹᱨᱤ ᱞᱮᱠᱟᱛᱮ ᱨᱟᱡᱟ ᱦᱚᱛᱮᱛᱮ ᱵᱟᱦᱟᱞᱚᱜᱼᱟ ᱠᱚ᱾ ᱡᱟᱹᱛᱤᱭᱟᱹᱨᱤ ᱠᱟᱣᱩᱱᱥᱤᱞ ᱫᱚ ᱥᱮᱨᱢᱟ ᱨᱮ ᱠᱚᱢ ᱠᱷᱚᱱ ᱠᱚᱢ ᱵᱟᱨ ᱫᱷᱟᱣ ᱫᱩᱯᱩᱲᱩᱵ ᱦᱩᱭᱩᱜᱼᱟ᱾ ᱥᱚᱦᱮᱫ ᱠᱚ ᱟᱠᱚ ᱛᱟᱞᱟ ᱠᱷᱚᱱ ᱢᱤᱫ ᱯᱟᱨᱥᱮᱛ ᱟᱨ ᱢᱤᱫ ᱡᱚᱜᱚ-ᱯᱟᱨᱥᱮᱛ ᱠᱚ ᱵᱟᱪᱷᱟᱣ ᱠᱚᱣᱟ᱾ ᱡᱟᱹᱛᱤᱭᱟᱹᱨᱤ ᱠᱟᱣᱩᱱᱥᱤᱞ ᱨᱮᱱ ᱥᱚᱦᱮᱫ ᱟᱨ ᱠᱮᱱᱰᱤᱰᱮᱴ ᱠᱚ ᱫᱚ ᱡᱟᱦᱟᱸᱱ ᱨᱟᱡᱽᱟᱹᱨᱤ ᱫᱚᱞ ᱨᱮ ᱥᱮᱞᱮᱫ ᱵᱟᱠᱚ ᱛᱟᱦᱮᱸ ᱫᱟᱲᱮᱭᱟᱜᱼᱟ᱾^[᱒] ᱡᱟᱹᱛᱤᱭᱟᱹᱨᱤ ᱟᱥᱮᱢᱵᱽᱞᱤ ᱫᱚ ᱞᱟᱛᱟᱨ ᱠᱷᱟᱸᱫᱟ ᱠᱟᱱᱟ᱾ ᱱᱚᱣᱟ ᱨᱮ ᱵᱟᱹᱲᱛᱤ ᱠᱷᱚᱱ ᱵᱟᱹᱲᱛᱤ ᱔᱗ ᱥᱚᱦᱮᱫ ᱠᱚ ᱛᱟᱦᱮᱸᱱᱟ, ᱡᱟᱦᱟᱸᱭ ᱫᱚ ᱵᱟᱪᱷᱱᱟᱣ ᱟᱹᱨᱤ ᱞᱮᱠᱟᱛᱮ ᱡᱚᱛᱚ ᱡᱚᱝᱠᱷᱟᱜ ᱨᱮᱱᱟᱜ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱱᱟᱹᱜᱟᱹᱨᱤᱭᱟᱹ ᱠᱚ ᱦᱚᱛᱮᱛᱮ ᱥᱚᱡᱷᱮ ᱠᱚ ᱵᱟᱪᱷᱱᱟᱣᱚᱜᱼᱟ᱾ ᱡᱚᱛᱚ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱢᱤᱫᱴᱟᱝ ᱡᱟᱹᱛᱤᱭᱟᱹᱨᱤ ᱥᱮᱢᱞᱮᱫ ᱥᱚᱦᱮᱫ ᱠᱚ ᱛᱟᱦᱮᱸᱱᱟ; ᱒᱐ ᱜᱚᱴᱟᱝ ᱡᱚᱝᱠᱷᱟᱜ ᱠᱷᱚᱱ ᱡᱚᱛᱚ ᱨᱮ ᱒ ᱠᱷᱚᱱ ᱗ ᱡᱚᱱᱟ ᱦᱟᱹᱵᱤᱡ ᱥᱚᱦᱮᱫ ᱠᱚ ᱛᱟᱦᱮᱸ ᱫᱟᱲᱮᱭᱟᱜᱼᱟ᱾ ᱑᱐ ᱥᱮᱨᱢᱟ ᱨᱮ ᱢᱤᱫ ᱫᱷᱟᱣ ᱵᱟᱪᱷᱱᱟᱣ ᱴᱚᱴᱷᱟ ᱨᱮᱱᱟᱜ ᱵᱮᱱᱟᱣ ᱨᱩᱣᱟᱹᱲ ᱦᱩᱭᱩᱜᱼᱟ᱾ ᱡᱟᱹᱛᱤᱭᱟᱹᱨᱤ ᱥᱮᱢᱞᱮᱫ ᱫᱚ ᱥᱮᱨᱢᱟ ᱨᱮ ᱠᱚᱢ ᱠᱷᱚᱱ ᱠᱚᱢ ᱵᱟᱨ ᱫᱷᱟᱣ ᱫᱩᱯᱩᱲᱩᱵ ᱦᱩᱭᱩᱜᱼᱟ, ᱟᱨ ᱟᱠᱚ ᱨᱮᱱ ᱥᱚᱦᱮᱫ ᱠᱚ ᱢᱩᱫᱽ ᱠᱷᱚᱱ ᱢᱤᱫ ᱥᱯᱤᱠᱟᱨ ᱟᱨ ᱢᱤᱫ ᱡᱚᱜᱚ-ᱥᱯᱤᱠᱟᱨ ᱠᱚ ᱵᱟᱪᱷᱟᱣ ᱠᱚᱣᱟ᱾ ᱥᱚᱦᱮᱫ ᱟᱨ ᱠᱮᱱᱰᱤᱰᱮᱴ ᱠᱚ ᱫᱚ ᱨᱟᱡᱽᱟᱹᱨᱤ ᱫᱚᱞ ᱨᱮ ᱥᱮᱞᱮᱫ ᱠᱚ ᱛᱟᱦᱮᱸ ᱫᱟᱲᱮᱭᱟᱜᱼᱟ᱾^[᱓] ᱥᱚᱢᱵᱤᱫᱷᱟᱱ ᱨᱮ ᱥᱚᱝᱥᱚᱫᱽ ᱵᱟᱪᱷᱱᱟᱣ ᱨᱮᱱᱟᱜ ᱚᱨᱡᱚ ᱞᱮᱠᱟᱛᱮ ᱠᱟᱹᱢᱤᱭᱟᱹ ᱜᱟᱫᱮᱞ (executive branch) ᱟᱨ ᱚᱱᱟ ᱨᱮᱱᱟᱜ ᱢᱚᱱᱛᱨᱟᱞᱚᱭ ᱠᱚ ᱵᱮᱱᱟᱣ ᱨᱮᱱᱟᱜ ᱦᱚᱨᱟ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱢᱟᱨᱟᱝ ᱢᱚᱱᱛᱨᱤᱭᱟᱜ ᱦᱩᱫᱟᱹ ᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ᱾ ᱨᱟᱡᱟ ᱫᱚ ᱡᱟᱹᱛᱤᱭᱟᱹᱨᱤ ᱥᱮᱢᱞᱮᱫ ᱨᱮ ᱥᱟᱱᱟᱢ ᱠᱷᱚᱱ ᱵᱟᱹᱲᱛᱤ ᱢᱟᱹᱪᱤ ᱡᱤᱛᱠᱟᱹᱨ ᱟᱠᱟᱱ ᱫᱚᱞ ᱨᱤᱱᱤᱡ ᱟᱹᱭᱩᱨᱤᱭᱟᱹ ᱫᱚ ᱢᱟᱨᱟᱝ ᱢᱚᱱᱛᱨᱤ ᱞᱮᱠᱟᱛᱮ ᱢᱟᱹᱱ ᱮ ᱮᱢᱟᱭᱟ᱾ ᱢᱟᱨᱟᱝ ᱢᱚᱱᱛᱨᱤ ᱫᱚ ᱵᱟᱨ ᱫᱷᱟᱣ (two terms) ᱞᱟᱹᱜᱤᱫ ᱜᱮ ᱛᱟᱦᱮᱸ ᱫᱟᱲᱮᱭᱟᱜᱼᱟᱭ᱾ ᱮᱴᱟᱜ ᱢᱚᱱᱛᱨᱤ ᱠᱚᱫᱚ ᱢᱟᱨᱟᱝ ᱢᱚᱱᱛᱨᱤᱭᱟᱜ ᱫᱤᱥᱼᱦᱩᱫᱤᱥ ᱛᱮ ᱨᱟᱡᱟ ᱦᱚᱛᱮᱛᱮ ᱡᱟᱹᱛᱤᱭᱟᱹᱨᱤ ᱥᱮᱢᱞᱮᱫ ᱨᱮᱱ ᱥᱚᱦᱮᱫ ᱠᱚ ᱢᱩᱫᱽ ᱠᱷᱚᱱ ᱵᱟᱦᱟᱞᱚᱜᱼᱟ ᱠᱚ᱾ ᱥᱟᱱᱟᱢ ᱢᱚᱱᱛᱨᱤ ᱜᱮ ᱵᱷᱩᱴᱟᱱ ᱨᱮᱱ ᱡᱟᱱᱟᱢ ᱱᱟᱹᱜᱟᱹᱨᱤᱭᱟᱹ ᱦᱩᱭᱩᱜ ᱞᱟᱹᱠᱛᱤ ᱠᱟᱱᱟ, ᱟᱨ ᱡᱟᱦᱟᱸ ᱢᱤᱫ ᱡᱚᱝᱠᱷᱟᱜ ᱠᱷᱚᱱ ᱵᱟᱨᱭᱟ ᱠᱷᱚᱱ ᱵᱟᱹᱲᱛᱤ ᱢᱚᱱᱛᱨᱤ ᱵᱟᱠᱚ ᱦᱩᱭ ᱫᱟᱲᱮᱭᱟᱜᱼᱟ᱾ ᱵᱷᱩᱴᱟᱱ ᱨᱤᱱᱤᱡ ᱨᱟᱡᱟ ᱫᱚ ᱵᱤᱞ ᱠᱚ ᱧᱮᱞ ᱟᱨ ᱚᱱᱟ ᱨᱮ ᱥᱩᱦᱤ ᱮᱢ ᱠᱟᱛᱮ ᱵᱷᱩᱴᱟᱱ ᱨᱮᱱᱟᱜ ᱟᱹᱨᱤ (legislation) ᱵᱮᱱᱟᱣ ᱞᱟᱹᱜᱤᱫ ᱥᱚᱝᱥᱚᱫᱽ ᱨᱮᱱᱟᱜ ᱠᱟᱹᱢᱤ ᱯᱩᱨᱟᱹᱣᱟᱭ, ᱟᱨ ᱞᱟᱹᱠᱛᱤ ᱯᱟᱲᱟᱣ ᱞᱮᱱᱠᱷᱟᱱ, ᱵᱟᱪᱷᱱᱟᱣ ᱟᱹᱨᱤ ᱞᱮᱠᱟᱛᱮ ᱡᱟᱹᱛᱤᱭᱟᱹᱨᱤ ᱨᱮᱯᱷᱟᱨᱮᱱᱰᱚᱢ ᱮ ᱮᱛᱚᱦᱚᱵ ᱫᱟᱲᱮᱭᱟᱜᱼᱟ᱾

ᱥᱚᱝᱥᱚᱫᱽ ᱨᱮᱱᱟᱜ ᱫᱟᱲᱮ ᱟᱨ ᱠᱟᱹᱢᱤᱦᱚᱨᱟ

ᱡᱟᱹᱛᱤᱭᱟᱹᱨᱤ ᱠᱟᱣᱩᱱᱥᱤᱞ ᱟᱨ ᱡᱟᱹᱛᱤᱭᱟᱹᱨᱤ ᱥᱮᱢᱞᱮᱫ ᱫᱚ ᱥᱚᱢᱵᱤᱫᱷᱟᱱ ᱞᱮᱠᱟᱛᱮ ᱮᱢ ᱟᱠᱟᱱ ᱫᱟᱲᱮ ᱟᱨ ᱠᱟᱹᱢᱤ ᱞᱮᱠᱟᱛᱮ ᱠᱚ ᱪᱟᱞᱟᱣᱟ᱾ ᱱᱚᱣᱟ ᱥᱟᱶᱛᱮ, ᱡᱚᱛᱚ ᱠᱷᱟᱸᱫᱟ ᱨᱮᱱᱟᱜ ᱠᱟᱹᱢᱤᱦᱚᱨᱟ ᱫᱚ 'ᱡᱟᱹᱛᱤᱭᱟᱹᱨᱤ ᱠᱟᱣᱩᱱᱥᱤᱞ ᱟᱹᱨᱤ' ᱟᱨ 'ᱡᱟᱹᱛᱤᱭᱟᱹᱨᱤ ᱥᱮᱢᱞᱮᱫ ᱟᱹᱨᱤ' ᱦᱚᱛᱮᱛᱮ ᱴᱷᱟᱹᱣᱠᱟᱹ ᱢᱮᱱᱟᱜᱼᱟ᱾ ᱱᱚᱣᱟ ᱟᱹᱨᱤ ᱠᱚᱫᱚ ᱠᱟᱹᱢᱤᱦᱚᱨᱟ (ᱡᱮᱞᱮᱠᱟ ᱠᱳᱨᱟᱢ ᱟᱨ ᱵᱷᱳᱴᱤᱝ) ᱟᱨ ᱠᱚᱢᱤᱴᱤ ᱠᱚ ᱞᱟᱹᱜᱤᱫ ᱠᱟᱹᱢᱤ ᱦᱟᱹᱴᱤᱧ ᱮ ᱞᱟᱹᱭ ᱥᱚᱫᱚᱨᱟ᱾

ᱥᱚᱝᱥᱚᱫᱽ ᱨᱮᱱᱟᱜ ᱟᱹᱨᱤ ᱵᱮᱱᱟᱣ ᱫᱟᱲᱮ

ᱥᱚᱝᱥᱚᱫᱽ ᱨᱮᱱᱟᱜ ᱢᱩᱬᱩᱛ ᱠᱟᱹᱢᱤ ᱫᱚ ᱵᱤᱞ ᱯᱟᱥ ᱠᱟᱱᱟ᱾ ᱪᱮᱛᱟᱱ ᱠᱷᱟᱸᱫᱟ (ᱡᱟᱹᱛᱤᱭᱟᱹᱨᱤ ᱠᱟᱣᱩᱱᱥᱤᱞ), ᱞᱟᱛᱟᱨ ᱠᱷᱟᱸᱫᱟ (ᱡᱟᱹᱛᱤᱭᱟᱹᱨᱤ ᱥᱮᱢᱞᱮᱫ), ᱟᱨᱵᱟᱝ ᱟᱴᱚᱨᱱᱤ ᱡᱮᱱᱟᱨᱮᱞ ᱟᱹᱨᱤ ᱵᱮᱱᱟᱣ ᱞᱟᱹᱜᱤᱫ ᱵᱤᱞ ᱠᱚ ᱚᱞ ᱫᱟᱲᱮᱭᱟᱜᱼᱟ, ᱢᱮᱱᱠᱷᱟᱱ ᱠᱟᱹᱣᱰᱤ ᱟᱨ ᱠᱟᱹᱣᱰᱤ-ᱟᱹᱨᱤ ᱵᱤᱞ ᱠᱚᱫᱚ ᱥᱩᱢᱩᱝ ᱡᱟᱹᱛᱤᱭᱟᱹᱨᱤ ᱥᱮᱢᱞᱮᱫ ᱨᱮ ᱜᱮ ᱥᱚᱫᱚᱨ ᱜᱟᱱᱚᱜᱼᱟ᱾ ᱟᱹᱨᱤ ᱠᱚᱫᱚ ᱵᱟᱱᱟᱨ ᱠᱷᱟᱸᱫᱟ ᱨᱮ ᱥᱚᱫᱚᱨ ᱦᱩᱭᱩᱜᱼᱟ, ᱟᱨ ᱡᱟᱦᱟᱸ ᱛᱤᱨᱮ ᱫᱚ ᱵᱟᱱᱟᱨ ᱠᱷᱟᱸᱫᱟ ᱨᱮᱱᱟᱜ ᱡᱩᱢᱤᱫᱽ ᱫᱩᱯᱩᱲᱩᱵ ᱨᱮ ᱦᱚᱸ ᱦᱩᱭ ᱫᱟᱲᱮᱭᱟᱜᱼᱟ᱾ ᱡᱚᱠᱷᱚᱱ ᱢᱤᱫ ᱠᱷᱟᱸᱫᱟ ᱨᱮ ᱵᱤᱞ ᱥᱚᱫᱚᱨ ᱟᱨ ᱯᱟᱥ ᱦᱩᱭ ᱞᱮᱱᱠᱷᱟᱱ, ᱚᱱᱟ ᱫᱚ ᱯᱟᱥ ᱦᱩᱭ ᱟᱠᱟᱱ ᱢᱟᱹᱦᱤᱛ ᱠᱷᱚᱱ ᱓᱐ ᱢᱟᱦᱟ ᱵᱷᱤᱛᱤᱨ ᱨᱮ ᱮᱴᱟᱜ ᱠᱷᱟᱸᱫᱟ ᱨᱮ ᱥᱚᱫᱚᱨ ᱦᱩᱭᱩᱜᱼᱟ᱾ ᱵᱚᱡᱮᱴ ᱵᱤᱞ ᱟᱨ ᱟᱹᱰᱤ ᱞᱟᱹᱠᱛᱤᱭᱟᱱ ᱠᱟᱹᱢᱤ ᱠᱚ ᱞᱟᱹᱜᱤᱫ, ᱵᱤᱞ ᱫᱚ ᱥᱚᱝᱥᱚᱫᱽ ᱨᱮᱱᱟᱜ ᱢᱤᱫ ᱥᱮᱥᱚᱱ ᱨᱮᱜᱮ ᱯᱟᱥ ᱦᱩᱭᱩᱜ ᱞᱟᱹᱠᱛᱤ ᱠᱟᱱᱟ᱾ ᱵᱤᱞ ᱠᱚᱫᱚ ᱢᱩᱪᱟᱹᱫ ᱨᱮ ᱨᱟᱡᱟ ᱴᱷᱮᱱ ᱵᱷᱮᱴᱳ ᱟᱨ ᱵᱚᱫᱚᱞ ᱞᱟᱹᱜᱤᱫ ᱪᱟᱞᱟᱜᱼᱟ, ᱢᱮᱱᱠᱷᱟᱱ ᱡᱩᱫᱤ ᱡᱟᱹᱛᱤᱭᱟᱹᱨᱤ ᱠᱟᱣᱩᱱᱥᱤᱞ ᱟᱨ ᱡᱟᱹᱛᱤᱭᱟᱹᱨᱤ ᱥᱮᱢᱞᱮᱫ ᱨᱮᱱᱟᱜ ᱡᱩᱢᱤᱫᱽ ᱫᱩᱯᱩᱲᱩᱵ ᱛᱟᱭᱚᱢ ᱵᱤᱞ ᱫᱚᱦᱲᱟ ᱛᱮ ᱵᱷᱮᱡᱟ ᱞᱮᱱᱠᱷᱟᱱ ᱨᱟᱡᱟ ᱫᱚ ᱚᱱᱟ ᱨᱮ ᱥᱩᱦᱤ ᱮᱢ ᱦᱩᱭ ᱟᱭᱟ᱾

ᱥᱚᱝᱥᱚᱫᱽ ᱨᱮᱱᱟᱜ ᱮᱴᱟᱜ ᱫᱟᱲᱮ ᱠᱚ

ᱥᱚᱝᱥᱚᱫᱽ ᱴᱷᱮᱱ ᱵᱷᱩᱴᱟᱱ ᱨᱮᱱᱟᱜ ᱡᱮᱡᱟᱹᱛᱤᱭᱟᱹᱨᱤ ᱥᱤᱢᱟᱹ, ᱟᱨ ᱵᱷᱤᱛᱤᱨ ᱨᱮᱱᱟᱜ ᱡᱚᱝᱠᱷᱟᱜ ᱟᱨ ᱜᱮᱣᱚᱜᱽ ᱦᱟᱹᱴᱤᱧ ᱠᱚ ᱵᱚᱫᱚᱞ ᱨᱮᱱᱟᱜ ᱫᱟᱲᱮ ᱢᱮᱱᱟᱜᱼᱟ, ᱢᱮᱱᱠᱷᱟᱱ ᱱᱚᱣᱟ ᱞᱟᱹᱜᱤᱫ ᱥᱟᱱᱟᱢ ᱥᱚᱦᱮᱫ ᱠᱚ ᱢᱩᱫᱽ ᱠᱷᱚᱱ ᱠᱚᱢ ᱠᱷᱚᱱ ᱠᱚᱢ ᱗᱕% ᱥᱚᱦᱮᱫ (ᱱᱤᱛᱚᱜ ᱕᱔) ᱠᱚᱣᱟᱜ ᱥᱚᱦᱚᱫ ᱞᱟᱹᱠᱛᱤᱭᱟ᱾ ᱥᱚᱝᱥᱚᱫᱽ ᱫᱚ ᱴᱚᱴᱷᱟᱠᱤᱭᱟᱹ ᱥᱚᱨᱠᱟᱨ ᱥᱟᱥᱚᱱ ᱠᱚ ᱦᱚᱸᱭ ᱧᱮᱞᱟ: ᱡᱚᱝᱠᱷᱟᱜ ᱛᱷᱚᱜᱽᱰᱩ, ᱜᱮᱣᱚᱜᱽ ᱛᱷᱚᱜᱽᱰᱮ, ᱟᱨ ᱛᱷᱨᱚᱢᱰᱮ᱾ ᱥᱚᱢᱵᱤᱫᱷᱟᱱ ᱞᱮᱠᱟᱛᱮ ᱡᱟᱹᱛᱤᱭᱟᱹᱨᱤ ᱥᱮᱢᱞᱮᱫ ᱨᱮ ᱠᱚᱢ ᱠᱷᱚᱱ ᱠᱚᱢ ᱵᱟᱨ-ᱯᱮ ᱦᱟᱹᱴᱤᱧ ᱥᱚᱦᱮᱫ (ᱱᱤᱛᱚᱜ ᱓᱒) ᱠᱚᱣᱟᱜ ᱜᱚᱲᱚ ᱛᱮ ᱥᱚᱨᱠᱟᱨ ᱵᱤᱨᱩᱫᱽ ᱨᱮ ᱚᱱᱟᱥᱛᱷᱟ ᱯᱨᱚᱥᱛᱟᱵᱽ ᱟᱹᱜᱩ ᱫᱟᱲᱮᱭᱟᱜᱼᱟ᱾ ᱡᱩᱫᱤ ᱵᱷᱳᱴ ᱯᱟᱥ ᱞᱮᱱᱠᱷᱟᱱ, ᱨᱟᱡᱟ ᱥᱚᱨᱠᱟᱨ ᱮ ᱵᱟᱨᱜᱤᱞ ᱫᱟᱲᱮᱭᱟᱭᱟ᱾

ᱱᱳᱴ ᱠᱚ

ᱟᱨᱦᱚᱸ ᱧᱮᱞ ᱢᱮ

ᱯᱷᱮᱰᱟᱛ ᱠᱚ

↑ "Constitution of the Kingdom of Bhutan (English)" (PDF). Government of Bhutan. 2008-07-18.
↑ "National Council Act 2008" (PDF). Government of Bhutan. 2008.
↑ "National Assembly Act 2008" (PDF). Government of Bhutan. 2008-08-12.

ᱵᱟᱨᱦᱮ ᱡᱚᱱᱚᱲ ᱠᱚ

ᱵᱷᱩᱴᱟᱱ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱠᱟᱣᱩᱱᱥᱤᱞ ᱚᱱᱞᱟᱭᱤᱱ ᱵᱷᱩᱴᱟᱱ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱥᱮᱢᱞᱮᱫ ᱚᱱᱞᱟᱭᱤᱱ Archived ᱒᱐᱐᱘-᱐᱔-᱑᱓ at the Wayback Machine. ᱵᱷᱩᱴᱟᱱ ᱨᱮᱱᱟᱜ ᱥᱚᱢᱵᱤᱫᱷᱟᱱ

[Constitution-1] "Constitution of the Kingdom of Bhutan (English)" (PDF). Government of Bhutan. 2008-07-18.

[NCAct-2] "National Council Act 2008" (PDF). Government of Bhutan. 2008.

[NAAct-3] "National Assembly Act 2008" (PDF). Government of Bhutan. 2008-08-12.

[᱑]

[᱒]

[᱓]