ᱵᱷᱩᱴᱟᱱ ᱨᱮ ᱥᱟᱜᱟᱲᱚᱢ
ᱵᱷᱩᱴᱟᱱ ᱨᱮᱱᱟᱜ ᱥᱟᱜᱟᱲᱚᱢ (English: Transport in Bhutan) ᱵᱮᱵᱚᱥᱛᱟ ᱫᱚ ᱘,᱐᱐᱐ ᱠᱤᱞᱚᱢᱤᱴᱚᱨ (᱕,᱐᱐᱐ ᱢᱟᱭᱤᱞ) ᱥᱚᱲᱚᱠ ᱟᱨ ᱯᱩᱱᱭᱟᱹ ᱩᱰᱟᱹᱱ ᱰᱟᱹᱦᱤ ᱪᱮᱛᱟᱱ ᱨᱮ ᱴᱮᱦᱟᱸᱰ ᱟᱠᱟᱱᱟ, ᱡᱟᱦᱟᱸ ᱢᱩᱫᱽ ᱨᱮ ᱯᱮᱭᱟ ᱫᱚ ᱪᱟᱹᱞᱩ ᱢᱮᱱᱟᱜᱼᱟ ᱟᱨ ᱡᱚᱲᱟᱣ ᱢᱮᱱᱟᱜᱼᱟ᱾ ᱯᱟᱨᱚ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱫᱚ ᱢᱤᱫᱴᱟᱹᱝ ᱩᱰᱟᱹᱱ ᱰᱟᱹᱦᱤ ᱠᱟᱱᱟ ᱡᱟᱦᱟᱸ ᱨᱮ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱜᱟᱹᱰᱤ ᱠᱚ ᱦᱤᱡᱩᱜ ᱥᱮᱱᱚᱜᱼᱟ᱾ ᱵᱷᱩᱴᱟᱱ ᱨᱮᱱᱟᱜ ᱤᱱᱯᱷᱨᱟᱥᱴᱨᱚᱠᱪᱚᱨ ᱢᱚᱰᱟᱨᱱᱟᱭᱡᱮᱥᱚᱱ ᱯᱨᱚᱜᱨᱟᱢ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱞᱮᱠᱟᱛᱮ, ᱑᱙᱖᱐ ᱫᱚᱥᱚᱠ ᱠᱷᱚᱱ ᱱᱚᱸᱰᱮᱱᱟᱜ ᱥᱚᱲᱚᱠ ᱵᱮᱵᱚᱥᱛᱟ ᱩᱛᱷᱱᱟᱹᱣ ᱤᱫᱤᱜ ᱠᱟᱱᱟ᱾ ᱱᱚᱸᱰᱮ ᱫᱚ ᱨᱮᱞᱣᱮ ᱵᱟᱹᱱᱩᱜᱼᱟ (ᱡᱩᱫᱤ ᱦᱚᱸ ᱢᱤᱫᱴᱟᱹᱝ ᱨᱮᱱᱟᱜ ᱯᱞᱟᱱ ᱢᱮᱱᱟᱜᱼᱟ), ᱟᱨ ᱵᱷᱩᱴᱟᱱ ᱫᱚ ᱢᱤᱫ ᱚᱛ ᱛᱮ ᱮᱥᱮᱫ ᱫᱤᱥᱚᱢ ᱠᱟᱱ ᱠᱷᱟᱹᱛᱤᱨ ᱱᱚᱸᱰᱮ ᱫᱚ ᱡᱟᱦᱟᱱ ᱢᱟᱨᱟᱝ ᱫᱟᱜ ᱰᱟᱦᱟᱨ ᱥᱮ ᱵᱚᱱᱫᱚᱨ ᱫᱚ ᱵᱟᱹᱱᱩᱜᱼᱟ᱾[᱑]
ᱥᱚᱲᱚᱠ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱐᱓ ᱥᱟᱞ ᱨᱮ ᱵᱷᱩᱴᱟᱱ ᱨᱮ ᱘,᱐᱕᱐ ᱠᱤᱞᱚᱢᱤᱴᱚᱨ (᱕,᱐᱐᱐ ᱢᱟᱭᱤᱞ) ᱥᱚᱲᱚᱠ ᱛᱟᱦᱮᱸ ᱠᱟᱱᱟ, ᱚᱱᱟ ᱢᱩᱫᱽ ᱨᱮ ᱔,᱙᱙᱑ ᱠᱤᱞᱚᱢᱤᱴᱚᱨ (᱓,᱑᱐᱑ ᱢᱟᱭᱤᱞ) ᱫᱚ ᱯᱟᱠᱟ ᱥᱚᱲᱚᱠ ᱟᱨ ᱓,᱐᱕᱙ ᱠᱤᱞᱚᱢᱤᱴᱚᱨ (᱑,᱙᱐᱑ ᱢᱟᱭᱤᱞ) ᱫᱚ ᱠᱟᱪᱟ ᱥᱚᱲᱚᱠ ᱛᱟᱦᱮᱸ ᱠᱟᱱᱟ᱾[᱑] ᱯᱟᱠᱟ ᱥᱚᱲᱚᱠ ᱨᱮᱱᱟᱜ ᱚᱵᱷᱟᱵᱽ ᱠᱷᱟᱹᱛᱤᱨ, ᱑᱙᱖᱑ ᱫᱷᱟᱹᱵᱤᱡ ᱵᱷᱩᱴᱟᱱ ᱨᱮ ᱦᱮᱡ ᱥᱮᱱ ᱫᱚ ᱛᱟᱲᱟᱢ ᱛᱮ ᱥᱮ ᱥᱟᱫᱚᱢ ᱛᱮ ᱦᱩᱭᱩᱜ ᱠᱟᱱ ᱛᱟᱦᱮᱸᱫ; ᱥᱤᱧᱚᱛ ᱥᱤᱢᱟᱹ ᱠᱷᱚᱱ ᱛᱷᱤᱢᱯᱩ ᱫᱷᱟᱹᱵᱤᱡ ᱒᱐᱕ ᱠᱤᱞᱚᱢᱤᱴᱚᱨ (᱑᱒᱗ ᱢᱟᱭᱤᱞ) ᱥᱟᱺᱜᱤᱧ ᱥᱮᱱᱚᱜ ᱞᱟᱹᱜᱤᱫ ᱛᱩᱨᱩᱭ ᱫᱤᱱ ᱞᱟᱜᱟᱣᱜ ᱠᱟᱱ ᱛᱟᱦᱮᱸᱫ᱾[᱒] ᱯᱩᱭᱞᱩ ᱩᱛᱷᱱᱟᱹᱣ ᱯᱞᱟᱱ (᱑᱙᱖᱑-᱖᱖) ᱚᱠᱛᱚ ᱨᱮ ᱥᱚᱲᱚᱠ ᱵᱮᱱᱟᱣ ᱠᱟᱹᱢᱤ ᱡᱚᱨ ᱥᱚᱨ ᱛᱮ ᱮᱛᱚᱦᱚᱵ ᱞᱮᱱᱟ᱾ ᱯᱩᱭᱞᱩ ᱑᱗᱕ ᱠᱤᱞᱚᱢᱤᱴᱚᱨ ᱡᱤᱞᱤᱧ ᱯᱟᱠᱟ ᱥᱚᱲᱚᱠ ᱫᱚ ᱑᱙᱖᱒ ᱨᱮ ᱯᱩᱨᱟᱹᱣ ᱞᱮᱱᱟ᱾ ᱛᱟᱭᱚᱢ ᱛᱮ ᱢᱤᱫ ᱪᱟᱸᱜᱟ ᱥᱚᱲᱚᱠ ᱫᱚ ᱯᱟᱨᱚ ᱥᱟᱞᱟᱜ ᱯᱷᱩᱱᱴᱥᱚᱞᱤᱝ-ᱛᱷᱤᱢᱯᱩ ᱥᱚᱲᱚᱠ ᱮ ᱡᱚᱲᱟᱣ ᱠᱮᱫᱼᱟ᱾
᱑᱙᱗᱐ ᱨᱮᱱᱟᱜ ᱛᱟᱞᱟ ᱨᱮ ᱑,᱕᱐᱐ ᱠᱤᱞᱚᱢᱤᱴᱚᱨ ᱜᱟᱱ ᱥᱚᱲᱚᱠ ᱵᱮᱱᱟᱣ ᱞᱮᱱᱟ᱾ ᱑᱙᱘᱙ ᱥᱟᱞ ᱨᱮ ᱒,᱒᱘᱐ ᱠᱤᱞᱚᱢᱤᱴᱚᱨ ᱥᱚᱲᱚᱠ ᱱᱮᱴᱣᱟᱨᱠ ᱛᱟᱦᱮᱸ ᱠᱟᱱᱟ᱾ ᱮᱛᱚᱢ ᱨᱮᱱᱟᱜ ᱢᱩᱬᱩᱛ ᱥᱚᱦᱚᱨ ᱠᱚ ᱡᱚᱲᱟᱣ ᱞᱟᱹᱜᱤᱫ ᱯᱟᱠᱟ ᱥᱚᱲᱚᱠ ᱵᱮᱱᱟᱣ ᱟᱠᱟᱱ ᱨᱮᱦᱚᱸ, ᱵᱩᱨᱩ ᱴᱚᱴᱷᱟ ᱠᱷᱟᱹᱛᱤᱨ ᱢᱤᱫ ᱵᱮᱰᱟ ᱠᱷᱚᱱ ᱟᱨ ᱢᱤᱫ ᱵᱮᱰᱟ ᱥᱮᱱᱚᱜ ᱟᱹᱰᱤ ᱟᱸᱴ ᱜᱮᱭᱟ᱾ ᱵᱟᱹᱲᱛᱤ ᱠᱷᱚᱱ ᱵᱟᱹᱲᱛᱤ ᱥᱚᱲᱚᱠ ᱜᱟᱰᱟ ᱟᱲᱮ ᱟᱲᱮ ᱛᱮ ᱥᱮᱱ ᱟᱠᱟᱱᱟ᱾
ᱫᱤᱥᱚᱢ ᱨᱮᱱᱟᱜ ᱢᱩᱬᱩᱛ ᱥᱚᱲᱚᱠ ᱫᱚ ᱥᱟᱢᱟᱝ-ᱯᱟᱪᱮ ᱨᱟᱡᱽᱰᱟᱦᱟᱨ (East-West Highway) ᱠᱟᱱᱟ, ᱡᱟᱦᱟᱸ ᱫᱚ ᱞᱮᱴᱨᱟᱞ ᱨᱳᱰ ᱢᱮᱱᱛᱮ ᱵᱟᱰᱟᱭᱚᱜᱼᱟ᱾ ᱱᱚᱣᱟ ᱥᱚᱲᱚᱠ ᱫᱚ ᱑᱙᱖᱒ ᱥᱟᱞ ᱨᱮ ᱵᱮᱱᱟᱣ ᱮᱦᱚᱵ ᱞᱮᱱᱟ᱾ ᱱᱚᱣᱟ ᱥᱚᱲᱚᱠ ᱫᱚ ᱥᱤᱧᱚᱛ ᱥᱤᱢᱟᱹ ᱨᱮ ᱢᱮᱱᱟᱜ ᱯᱷᱩᱱᱴᱥᱚᱞᱤᱝ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱥᱟᱢᱟᱝ ᱨᱮ ᱛᱨᱟᱥᱤᱜᱟᱝ ᱨᱮ ᱢᱩᱪᱟᱹᱫ ᱟᱠᱟᱱᱟ᱾
ᱨᱮᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱩᱴᱟᱱ ᱨᱮ ᱫᱚ ᱡᱟᱦᱟᱱ ᱨᱮᱞᱣᱮ ᱵᱟᱹᱱᱩᱜᱼᱟ᱾[᱓] ᱒᱕ ᱡᱟᱱᱩᱣᱟᱨᱤ ᱒᱐᱐᱕ ᱨᱮ ᱵᱷᱩᱴᱟᱱ ᱨᱤᱱᱤᱡ ᱨᱟᱡᱟ ᱟᱨ ᱥᱤᱧᱚᱛ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱨᱮᱞ ᱞᱤᱸᱠ ᱛᱷᱟᱯᱚᱱ ᱞᱟᱹᱜᱤᱫ ᱢᱤᱫ ᱵᱩᱡᱷᱟᱹᱣ-ᱨᱮᱵᱮᱱ (agreement) ᱨᱮ ᱥᱩᱦᱤ ᱞᱮᱫᱼᱟ ᱠᱤᱱ᱾
ᱥᱤᱧᱚᱛ ᱥᱟᱞᱟᱜ ᱡᱚᱲᱟᱣ ᱞᱟᱹᱜᱤᱫ ᱞᱟᱛᱟᱨ ᱨᱮ ᱮᱢ ᱟᱠᱟᱱ ᱨᱮᱞ ᱞᱤᱸᱠ ᱠᱚ ᱯᱞᱟᱱ ᱟᱠᱟᱱᱟ:[᱔]
| ᱥᱤᱧᱚᱛ ᱨᱮᱱᱟᱜ ᱯᱚᱱᱚᱛ | ᱞᱤᱸᱠ ᱨᱮᱱᱟᱜ ᱧᱩᱛᱩᱢ | ᱵᱤᱵᱚᱨᱚᱱ |
|---|---|---|
| ᱯᱚᱪᱷᱤᱢ ᱵᱟᱝᱞᱟ | ᱵᱟᱱᱟᱨᱦᱟᱴ–ᱥᱟᱢᱛᱥᱮ (Samtse) | ᱵᱟᱱᱟᱨᱦᱟᱴ ᱠᱷᱚᱱ ᱵᱷᱩᱴᱟᱱ ᱨᱮᱱᱟᱜ ᱥᱟᱢᱛᱥᱮ ᱫᱷᱟᱹᱵᱤᱡ᱾ |
| ᱯᱚᱪᱷᱤᱢ ᱵᱟᱝᱞᱟ | ᱦᱟᱥᱤᱢᱟᱨᱟ–ᱯᱷᱩᱱᱴᱥᱚᱞᱤᱝ | ᱦᱟᱥᱤᱢᱟᱨᱟ ᱠᱷᱚᱱ ᱴᱚᱨᱤᱵᱟᱹᱨᱤ ᱫᱷᱟᱹᱵᱤᱡ ᱑᱘ ᱠᱤᱞᱚᱢᱤᱴᱚᱨ ᱵᱨᱚᱰ ᱜᱮᱡᱽ ᱞᱟᱭᱤᱱ᱾ ᱱᱚᱣᱟ ᱫᱚ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱦᱚᱛᱮᱛᱮ ᱵᱮᱱᱟᱣᱜᱼᱟ᱾ |
| ᱟᱥᱟᱢ | ᱠᱳᱠᱨᱟᱡᱷᱟᱲ–ᱜᱮᱞᱮᱯᱷᱩ | ᱠᱳᱠᱨᱟᱡᱷᱟᱲ ᱠᱷᱚᱱ ᱜᱮᱞᱮᱯᱷᱩ ᱫᱷᱟᱹᱵᱤᱡ ᱕᱗ ᱠᱤᱞᱚᱢᱤᱴᱚᱨ᱾ ᱱᱚᱣᱟ ᱨᱮᱱᱟᱜ ᱥᱚᱨᱵᱷᱮ ᱒᱐᱒᱓ ᱨᱮ ᱯᱩᱨᱟᱹᱣ ᱟᱠᱟᱱᱟ ᱟᱨ ᱒᱐᱒᱖ ᱥᱩᱫᱷᱟᱹ ᱵᱮᱱᱟᱣ ᱯᱩᱨᱟᱹᱣᱜᱼᱟ᱾[᱕] |
| ᱟᱥᱟᱢ | ᱯᱟᱴᱥᱟᱞᱟ–ᱱᱟᱝᱞᱟᱢ | ᱯᱟᱴᱥᱟᱞᱟ ᱠᱷᱚᱱ ᱱᱟᱝᱞᱟᱢ ᱫᱷᱟᱹᱵᱤᱡ ᱔᱐ ᱠᱤᱞᱚᱢᱤᱴᱚᱨ᱾ |
| ᱟᱥᱟᱢ | ᱨᱚᱝᱜᱤᱭᱟ–ᱥᱟᱢᱫᱨᱩᱯ ᱡᱚᱝᱠᱷᱟᱨ | ᱨᱚᱝᱜᱤᱭᱟ ᱠᱷᱚᱱ ᱥᱟᱢᱫᱨᱩᱯ ᱡᱚᱝᱠᱷᱟᱨ ᱫᱷᱟᱹᱵᱤᱡ ᱖᱐ ᱠᱤᱞᱚᱢᱤᱴᱚᱨ᱾ |
ᱩᱰᱟᱹᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱩᱴᱟᱱ ᱨᱮ ᱯᱩᱱᱭᱟᱹ ᱩᱰᱟᱹᱱ ᱰᱟᱹᱦᱤ ᱢᱮᱱᱟᱜᱼᱟ: ᱯᱟᱨᱚ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ, ᱵᱟᱛᱷᱯᱟᱞᱟᱛᱷᱟᱝ ᱩᱰᱟᱹᱱ ᱰᱟᱹᱦᱤ, ᱭᱚᱝᱯᱷᱩᱞᱞᱟ ᱩᱰᱟᱹᱱ ᱰᱟᱹᱦᱤ, ᱟᱨ ᱜᱮᱞᱮᱯᱷᱩ ᱩᱰᱟᱹᱱ ᱰᱟᱹᱦᱤ᱾[᱑] ᱯᱟᱨᱚ ᱫᱚ ᱫᱤᱥᱚᱢ ᱨᱮᱱᱟᱜ ᱢᱤᱫᱴᱟᱹᱝ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱠᱟᱱᱟ᱾ ᱰᱨᱩᱠ ᱮᱭᱟᱨ ᱫᱚ ᱱᱚᱸᱰᱮᱱᱟᱜ ᱡᱟᱹᱛᱤᱭᱟᱹᱨᱤ ᱮᱭᱟᱨᱞᱟᱭᱤᱱ ᱠᱟᱱᱟ, ᱡᱟᱦᱟᱸ ᱫᱚ ᱯᱟᱨᱚ ᱥᱟᱞᱟᱜ ᱮᱴᱟᱜ ᱫᱤᱥᱚᱢ ᱠᱚᱭ ᱡᱚᱲᱟᱣᱼᱟ᱾
ᱱᱚᱣᱟ ᱩᱰᱟᱹᱱ ᱰᱟᱹᱦᱤ ᱫᱚ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱩᱥᱩᱞ ᱟᱨ ᱪᱮᱞᱮᱧᱡᱤᱝ ᱩᱰᱟᱹᱱ ᱰᱟᱹᱦᱤ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ᱾ ᱯᱟᱭᱞᱚᱴ ᱠᱚ ᱞᱟᱹᱜᱤᱫ ᱟᱹᱰᱤ ᱠᱚᱢ ᱩᱯᱚᱠᱚᱨᱚᱱ (equipment) ᱢᱮᱱᱟᱜᱼᱟ, ᱟᱨ ᱦᱩᱰᱤᱧ ᱨᱟᱱᱣᱮ ᱨᱮ ᱟᱬᱜᱚ ᱞᱟᱹᱜᱤᱫ ᱟᱞᱟᱜᱽ ᱴᱨᱮᱱᱤᱝ ᱨᱮᱱᱟᱜ ᱞᱟᱹᱠᱛᱤ ᱯᱟᱲᱟᱣᱜᱼᱟ᱾[᱖]
ᱵᱟᱛᱷᱯᱟᱞᱟᱛᱷᱟᱝ ᱟᱨ ᱭᱚᱝᱯᱷᱩᱞᱞᱟ ᱫᱚ ᱵᱷᱩᱴᱟᱱ ᱨᱮᱱᱟᱜ ᱰᱚᱢᱮᱥᱴᱤᱠ ᱩᱰᱟᱹᱱ ᱰᱟᱹᱦᱤ ᱠᱟᱱᱟ᱾[᱗] ᱜᱮᱞᱮᱯᱷᱩ ᱨᱮ ᱢᱤᱫ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱯᱞᱟᱱ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱚᱠᱴᱚᱵᱚᱨ ᱒᱐᱐᱘ ᱨᱮ ᱱᱚᱣᱟ ᱫᱚ ᱰᱚᱢᱮᱥᱴᱤᱠ ᱩᱰᱟᱹᱱ ᱰᱟᱹᱦᱤ ᱞᱮᱠᱟᱛᱮ ᱵᱚᱫᱚᱞ ᱠᱮᱫᱼᱟ ᱠᱚ᱾[᱘]
ᱟᱨᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 3 "Bhutan". The World Factbook. CIA. Retrieved 2011-07-25.
- ↑ Worden, Robert L. (1991). "Roads". In Savada, Andrea Matles (ed.). Bhutan: A Country Study. Federal Research Division.
- ↑ "Bhutan–Railway Data". World Bank. Retrieved 2011-07-26.
- ↑ "Pointers March 2005". Railway Gazette International. 2005-03-01. Retrieved 2011-07-26.
- ↑ "रेल में बैठकर जा सकेंगे विदेश, 2026 तक इस खूबसूरत देश तक बिछ जाएगी पटरी". Live Hindustan. 5 Aug 2023.
- ↑ "Guide to Bhutan: Everything you need to know to plan your trip". Once In A Lifetime Journey. 2016-12-07. Retrieved 2017-04-10.
- ↑ Gyalsten K Dorji (19 December 2011). "On Drukair 's historic flight". Kuensel. Retrieved 18 January 2012.
- ↑ Tenzing Lamsang (9 October 2008). "Gelephu Int'l Airport – Now A Domestic One". Kuensel. Retrieved 12 February 2011.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱵᱷᱩᱴᱟᱱ ᱨᱮ ᱥᱟᱜᱟᱲᱚᱢ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |