ᱵᱷᱳᱡᱽᱨᱟᱭ ᱦᱮᱢᱵᱽᱨᱚᱢ
| ᱵᱷᱳᱡᱽᱨᱟᱭ ᱦᱮᱢᱵᱽᱨᱚᱢ Bhojrai Hembram | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱕ ᱡᱟᱱᱩᱣᱟᱨᱤ ᱑᱙᱔᱔ ᱱᱳᱣᱟᱯᱟᱲᱟ, ᱢᱟᱞᱫᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱚᱱᱚᱞᱤᱭᱟᱹ, ᱚᱱᱚᱲᱦᱤᱭᱟᱹ |
| ᱥᱤᱨᱯᱷᱟᱹ | ᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱩᱱᱩᱭᱦᱟᱹᱨ ᱥᱤᱨᱯᱟᱹ (᱒᱐᱐᱓) |
ᱵᱷᱳᱡᱽᱨᱟᱭ ᱦᱮᱢᱵᱽᱨᱚᱢ (᱑᱙᱔᱔ - ) ᱫᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱚᱱᱚᱲᱦᱤᱭᱟᱹ ᱟᱨ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱮᱭᱟᱭ ᱜᱮᱞ ᱜᱮᱥᱮᱨᱢᱟ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱚᱱᱚᱲᱦᱤᱭᱟᱹ ᱞᱮᱠᱟᱛᱮ ᱩᱯᱨᱩᱢ ᱢᱮᱱᱟᱜ ᱛᱟᱭᱟ᱾[᱑] ᱥᱟᱱᱛᱟᱲᱤ ᱥᱟᱶᱦᱮᱫ ᱪᱟᱨᱪᱟ ᱥᱟᱶ ᱥᱟᱶᱛᱮ ᱟᱹᱰᱤ ᱜᱟᱱ ᱢᱟᱨᱮ ᱟᱨ ᱫᱩᱨᱞᱚᱵᱷ ᱥᱟᱱᱛᱟᱲᱤ ᱯᱩᱛᱷᱤ ᱠᱚ ᱡᱚᱜᱟᱣ ᱫᱚᱦᱚ ᱞᱟᱹᱜᱤᱫ ᱦᱚᱸ ᱟᱡᱟᱜ ᱧᱩᱛᱩᱢ ᱢᱮᱱᱟᱜᱼᱟ᱾[᱒]
ᱡᱟᱱᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱳᱡᱽᱨᱟᱭ ᱦᱮᱢᱵᱽᱨᱚᱢ ᱫᱚ ᱑᱙᱔᱔ ᱥᱟᱞ ᱨᱮᱱᱟᱜ ᱕ ᱡᱟᱱᱩᱣᱟᱨᱤ ᱦᱤᱞᱚᱜ ᱢᱟᱞᱫᱟ ᱦᱚᱱᱚᱛ ᱨᱮᱱᱟᱜ ᱜᱟᱡᱳᱞ ᱥᱩᱨ ᱱᱳᱣᱟᱯᱟᱲᱟ (ᱢᱟᱢᱚ ᱚᱲᱟᱜ) ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱡ ᱵᱟᱵᱟ ᱦᱟᱜ ᱧᱩᱛᱩᱢ ᱫᱚ ᱥᱤᱝᱨᱟᱭ ᱦᱮᱢᱵᱽᱨᱚᱢ ᱟᱨ ᱟᱭᱳ ᱫᱚ ᱦᱤᱨᱟᱹᱢᱚᱱᱤ ᱦᱮᱢᱵᱽᱨᱚᱢ (ᱟᱫᱚᱢ ᱴᱷᱮᱱ ᱦᱤᱨᱟᱹ ᱫᱮᱵᱤ)᱾[᱓] ᱟᱡᱟᱜ ᱛᱷᱟᱭᱤ ᱵᱟᱥᱟ ᱫᱚ ᱫᱚᱠᱷᱤᱱ ᱫᱤᱱᱟᱡᱽᱯᱩᱨ ᱦᱚᱱᱚᱛ ᱨᱮᱱᱟᱜ ᱛᱚᱯᱚᱱ ᱵᱚᱱᱚᱛ ᱨᱮᱱᱟᱜ ᱵᱤᱠᱚᱞᱰᱟᱝᱜᱟ ᱟᱹᱛᱩ ᱨᱮ᱾[᱒]
ᱥᱮᱪᱮᱫ ᱟᱨ ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱑᱙᱕᱖ ᱥᱟᱞ ᱨᱮ ᱢᱤᱫ ᱯᱨᱟᱭᱢᱟᱨᱤ ᱤᱥᱠᱩᱞ ᱠᱷᱚᱱ ᱥᱮᱪᱮᱫ ᱮ ᱮᱦᱚᱵ ᱞᱮᱫᱟ᱾[᱓] ᱤᱱᱟᱹ ᱛᱟᱭᱚᱢ ᱫᱚᱣᱞᱚᱛᱯᱩᱨ ᱦᱟᱭ ᱤᱥᱠᱩᱞ ᱠᱷᱚᱱ ᱢᱮᱴᱨᱤᱠ ᱮ ᱯᱟᱥ ᱞᱮᱫᱟ᱾ ᱠᱟᱹᱢᱤ ᱡᱤᱭᱚᱱ ᱫᱚ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱟᱜ ᱥᱮᱪ (Irrigation) ᱵᱤᱵᱷᱟᱜᱽ ᱠᱷᱚᱱ ᱮ ᱮᱦᱚᱵ ᱞᱮᱫᱟ ᱟᱨ ᱚᱱᱰᱮ ᱠᱷᱚᱱ ᱜᱮ ᱠᱟᱹᱢᱤ ᱠᱷᱚᱱ ᱮ ᱡᱤᱨᱟᱹᱣ ᱟᱠᱟᱱᱟ᱾[᱒]
ᱥᱟᱶᱦᱮᱫ ᱪᱟᱨᱪᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱡᱩᱣᱟᱹᱱ ᱩᱢᱮᱨ ᱠᱷᱚᱱ ᱜᱮ ᱚᱞ ᱛᱚᱞ ᱮ ᱮᱦᱚᱵ ᱞᱮᱫᱟ᱾ ᱚᱱᱚᱲᱦᱮ ᱵᱮᱜᱚᱨ ᱦᱚᱸ ᱥᱮᱨᱮᱧ, ᱚᱱᱚᱞ, ᱠᱟᱹᱦᱱᱤ ᱟᱨ ᱜᱟᱭᱟᱱ ᱠᱚᱭ ᱚᱞ ᱟᱠᱟᱫᱟ᱾ ᱟᱡᱟᱜ ᱚᱲᱟᱜ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱟᱨ ᱥᱟᱶᱦᱮᱫ ᱨᱮᱱᱟᱜ ᱟᱭᱢᱟ ᱢᱟᱨᱮ ᱯᱩᱛᱷᱤ ᱠᱚ ᱨᱟᱠᱷᱟ ᱫᱚᱦᱚ ᱟᱠᱟᱫᱟ, ᱡᱟᱦᱟᱸ ᱫᱚ ᱢᱤᱫ ᱦᱩᱰᱤᱧ ᱢᱤᱣᱡᱤᱭᱚᱢ ᱞᱮᱠᱟ ᱧᱮᱞᱚᱜᱼᱟ᱾[᱒]
ᱚᱞ ᱟᱠᱟᱫ ᱯᱩᱛᱷᱤ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡ ᱦᱚᱛᱮᱛᱮ ᱩᱪᱷᱟᱹᱱ ᱟᱠᱟᱱ ᱯᱩᱛᱷᱤ ᱠᱚᱫᱚ ᱦᱩᱭᱩᱜ ᱠᱟᱱᱟ:[᱑][᱓]
- ᱥᱟᱸᱫᱮᱥ (ᱚᱱᱚᱲᱦᱮ ᱯᱩᱛᱷᱤ) - ᱑᱙᱗᱗
- ᱜᱤᱫᱟᱹ (ᱜᱤᱫᱽᱨᱟᱹ ᱚᱱᱚᱲᱦᱮ) - ᱑᱙᱘᱐
- ᱢᱟᱭᱱᱚ ᱢᱤᱨᱩ (ᱥᱮᱨᱮᱧ ᱯᱩᱛᱷᱤ) - ᱑᱙᱘᱙
- ᱫᱩᱞᱟᱹᱲ ᱢᱤᱨᱩ (ᱚᱱᱚᱲᱦᱮ ᱯᱩᱛᱷᱤ) - ᱑᱙᱘᱙
- ᱪᱟᱹᱭ ᱪᱟᱢᱯᱟ (ᱚᱱᱚᱲᱦᱮ ᱯᱩᱛᱷᱤ) - ᱑᱙᱙᱑
- ᱥᱟᱞ ᱥᱟᱠᱣᱟ (ᱚᱱᱚᱲᱦᱮ ᱯᱩᱛᱷᱤ) - ᱑᱙᱙᱔
- ᱥᱤᱨᱡᱟᱹᱱ ᱥᱤᱨᱤᱡᱚᱞ (ᱚᱱᱚᱲᱦᱮ ᱯᱩᱛᱷᱤ) - ᱑᱙᱙᱖
- ᱥᱩᱜᱤ ᱥᱟᱨᱳ (ᱥᱮᱨᱮᱧ ᱯᱩᱛᱷᱤ) - ᱑᱙᱙᱖
- ᱯᱟᱱᱤᱨ ᱯᱤᱭᱳ (ᱥᱮᱨᱮᱧ ᱯᱩᱛᱷᱤ) - ᱑᱙᱙᱘
- ᱪᱟᱪᱳᱰᱤᱰᱤ (ᱚᱱᱚᱲᱦᱮ ᱯᱩᱛᱷᱤ) - ᱑᱙᱙᱙
- ᱵᱷᱮᱫᱽ ᱵᱷᱚᱝ (ᱚᱱᱚᱲᱦᱮ ᱯᱩᱛᱷᱤ) - ᱒᱐᱐᱓
ᱢᱟᱹᱱ ᱟᱨ ᱥᱤᱨᱯᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- AISWA ᱯᱟᱦᱴᱟ ᱠᱷᱚᱱ ᱢᱟᱹᱱ ᱥᱟᱠᱟᱢ (᱑᱙᱙᱒)
- ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ 'ᱜᱩᱱᱤᱡᱚᱱ' ᱢᱟᱹᱱ᱾
- ᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱩᱱᱩᱭᱦᱟᱹᱨ ᱥᱤᱨᱯᱟᱹ (᱒᱐᱐᱓)᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 ᱦᱮᱢᱵᱽᱨᱚᱢ, ᱯᱚᱨᱤᱢᱚᱞ. ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱᱟᱜ ᱱᱟᱜᱟᱢ (Santali Sahitya Itihas) (in Bengali). ᱠᱚᱞᱠᱟᱛᱟ: ᱱᱤᱨᱢᱚᱞ ᱵᱩᱠ ᱮᱡᱮᱱᱥᱤ. p. 258.
- 1 2 3 4 "Santali Poet Bhojrai Hembram: বিরল আদিবাসী পুঁথি-সাহিত্যের সংগ্রাহক ভোজরাই হেমব্রম". ETV Bharat. 28 May 2022. Retrieved 3 Feb 2024.
- 1 2 3 "ভোজরাই হেমব্রম". Adibasinews. 9 Dec 2016. Retrieved 3 Feb 2024.