ᱣᱤᱠᱤᱯᱤᱰᱤᱭᱟ:ᱪᱟᱸᱫᱚ ᱨᱮᱱᱟᱜ ᱵᱟᱪᱷᱟᱣ ᱚᱱᱚᱞ/ᱡᱟᱱᱩᱣᱟᱨᱤ ᱒᱐᱑᱙
ᱥᱤᱧᱚᱛ ᱫᱚ ᱥᱚᱨᱠᱟᱨᱤ ᱛᱷᱚᱠ ᱨᱮ ᱢᱤᱫ ᱟᱹᱯᱱᱟᱹᱛ ᱯᱚᱱᱚᱛ ᱟᱨ ᱮᱥᱤᱭᱟ ᱢᱟᱦᱟᱫᱮᱥ ᱨᱤᱱᱤᱡ ᱢᱤᱫ ᱫᱤᱥᱚᱢ ᱠᱟᱱᱟ ᱾ ᱚᱛᱱᱚᱜ ᱟᱭᱛᱟᱱ ᱞᱮᱠᱟᱛᱮ ᱫᱷᱟᱹᱨᱛᱤ ᱨᱮ ᱗ ᱟᱱᱟᱝ ᱟᱨ ᱢᱟᱱᱣᱟ ᱮᱞ ᱞᱮᱠᱟᱛᱮ ᱫᱚᱥᱟᱨ ᱴᱷᱟᱶ ᱮ ᱟᱢᱮᱴ ᱦᱟᱠᱟᱫᱟ ᱾ ᱱᱚᱣᱟ ᱨᱮᱱᱟᱜ ᱩᱯᱨᱩᱢ ᱫᱷᱟᱹᱨᱛᱤ ᱨᱮᱱᱟᱜ ᱡᱷᱚᱛᱚ ᱠᱷᱚᱱ ᱥᱮᱬᱟ ᱟᱹᱯᱱᱟᱹᱛ ᱞᱮᱠᱟᱛᱮᱦᱚᱸ ᱢᱮᱱᱟᱜ-ᱟ ᱾ ᱱᱚᱣᱟ ᱨᱮᱱᱟᱜ ᱮᱛᱚᱢ ᱨᱮ ᱟᱹᱰᱤ ᱩᱥᱩᱞ ᱟᱨ ᱡᱷᱟᱹᱞ ᱛᱮ ᱡᱤᱞᱤᱧ ᱦᱟᱠᱟᱱ ᱦᱮᱢᱟᱞ ᱵᱩᱨᱩ, ᱠᱚᱧᱦᱮ ᱨᱮ ᱥᱤᱧᱚᱛ ᱢᱟᱦᱟ ᱫᱚᱨᱭᱟ, ᱥᱟᱢᱟᱝᱨᱮ ᱵᱮᱸᱜᱚᱞ ᱫᱚᱨᱮᱭᱟ, ᱯᱟᱪᱷᱮ ᱨᱮ ᱟᱨᱚᱵ ᱫᱚᱨᱮᱭᱟ ᱢᱮᱱᱟᱜ-ᱟ ᱾ ᱱᱩᱱᱥᱮᱬᱟ ᱚᱛᱠᱷᱚᱸᱰ ᱨᱮ ᱒᱙ ᱜᱚᱴᱟᱝ ᱯᱚᱱᱚᱛ ᱟᱨ ᱗ᱜᱚᱴᱟᱝ ᱛᱟᱞᱢᱟ ᱥᱟᱥᱮᱛ ᱤᱞᱟᱹᱠᱟᱹ ᱢᱮᱱᱟᱜ-ᱟ ᱾ ᱯᱩᱲᱥᱟᱹ ᱫᱤᱥᱚᱢ ᱞᱮᱠᱟᱛᱮ ᱮᱛᱚᱢ ᱨᱮ ᱪᱤᱱ, ᱱᱮᱯᱟᱞ, ᱵᱷᱩᱴᱟᱱ ᱥᱟᱢᱟᱝᱨᱮ ᱢᱤᱭᱟᱢᱟᱨ, ᱵᱟᱝᱞᱟᱫᱮᱥ, ᱯᱟᱪᱷᱮᱨᱮ ᱯᱟᱠᱤᱥᱛᱟᱱ ᱟᱨ ᱠᱚᱧᱮᱨᱮ ᱫᱚ ᱥᱨᱤᱞᱚᱸᱠᱟ ᱫᱤᱥᱚᱢ ᱢᱮᱱᱟᱜ-ᱟ ᱾