ᱛᱚᱣᱟᱝ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱛᱚᱣᱟᱝ
ᱵᱟᱡᱟᱨ
Tawang with Tawang Monastery in background
Tawang with Tawang Monastery in background
Lua error in ᱢᱳᱰᱩᱞ:Location_map at line 522: Unable to find the specified location map definition: "Module:Location map/data/India Arunachal Pradesh" does not exist.Location in Arunachal Pradesh, India
Coordinates: 27°35′18″N 91°51′55″E / 27.58833°N 91.86528°E / 27.58833; 91.86528Coordinates: 27°35′18″N 91°51′55″E / 27.58833°N 91.86528°E / 27.58833; 91.86528
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛᱚᱨᱩᱬᱟᱪᱚᱲ ᱯᱨᱚᱫᱮᱥ
ᱦᱚᱱᱚᱛᱛᱚᱣᱟᱝ
ᱥᱚᱨᱠᱟᱨ
 • ᱞᱮᱠᱟᱱᱢᱩᱱᱤᱥᱤᱯᱟᱞ ᱠᱚᱨᱯᱚᱨᱮᱥᱚᱱ
 • ᱪᱟᱪᱞᱟᱣᱱᱚᱜᱚᱨ ᱯᱟᱞᱤᱠᱟ
ᱩᱥᱩᱞ2669 ᱢᱤᱴᱚᱨ (8757 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ(2011)
 • ᱞᱮᱠᱷᱟᱜᱩᱴ᱑᱑,᱒᱐᱒
IST (ᱭᱩᱴᱤᱥᱤ+5:30)
ᱜᱟᱹᱰᱤ ᱨᱤᱡᱤᱥᱴᱨᱤAR
ᱦᱚᱭᱞᱚᱝCwb

ᱛᱚᱣᱟᱝ ᱫᱚ ᱚᱨᱩᱱᱟᱪᱚᱞ ᱯᱨᱚᱫᱮᱥ ᱯᱚᱱᱚᱛ ᱨᱮᱭᱟᱜ ᱢᱤᱫ ᱵᱟᱡᱟᱨ ᱠᱟᱱᱟ ᱡᱟᱦᱟᱸ ᱫᱚ ᱛᱚᱣᱟᱝ ᱦᱚᱱᱚᱛ ᱨᱮᱭᱟᱜ ᱢᱩᱠᱷᱤᱭᱟᱹᱥᱟᱲᱟ ᱦᱚᱸ ᱠᱟᱱᱟ ᱾ ᱛᱚᱣᱟᱝ ᱫᱚ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱩᱛᱚᱨ-ᱯᱩᱪᱷᱤᱢ ᱱᱟᱠᱷᱟ ᱨᱮ ᱢᱮᱱᱟᱜᱼᱟ ᱾ ᱛᱚᱣᱟᱝ ᱨᱮᱭᱟᱜ ᱩᱛᱚᱨ-ᱯᱩᱨᱩᱵᱽ ᱱᱟᱠᱷᱟ ᱨᱮᱫᱚ ᱛᱤᱵᱚᱛ, ᱫᱩᱠᱷᱤᱱ-ᱯᱩᱪᱷᱤᱢ ᱨᱮᱫᱚ ᱵᱷᱩᱴᱟᱱ, ᱟᱨ ᱫᱩᱠᱷᱤᱱ-ᱯᱩᱨᱩᱵᱽ ᱨᱮᱫᱚ ᱯᱩᱪᱷᱤᱢ ᱠᱚᱢᱮᱝ ᱢᱮᱱᱟᱜᱼᱟ ᱾ ᱛᱚᱣᱟᱝ ᱫᱚ ᱦᱮᱢᱟᱞ ᱵᱩᱨᱩ ᱨᱮᱭᱟᱜ ᱫᱟᱥᱱᱟ ᱨᱮ ᱫᱚᱨᱮᱭᱟ ᱞᱟᱛᱟᱨ ᱠᱷᱚᱱ ᱓᱕᱐᱐ ᱠᱤ.ᱢᱤ. ᱩᱥᱩᱞ ᱨᱮ ᱢᱮᱱᱟᱜᱼᱟ ᱾

ᱛᱚᱣᱟᱝ ᱨᱮᱭᱟᱜ ᱢᱩᱠᱷᱤᱭᱟᱹ ᱠᱟᱢ-ᱠᱟᱡᱽ ᱫᱚ ᱪᱟᱥᱵᱟᱥ ᱟᱨ ᱡᱟᱱᱣᱟ ᱠᱚ ᱟᱹᱥᱩᱞ ᱠᱚ ᱾ ᱱᱚᱣᱟ ᱫᱚ ᱥᱤᱨᱡᱚᱱ ᱨᱮᱭᱟᱜ ᱨᱩᱯ ᱨᱚᱝ ᱞᱚᱠᱟᱛᱮ ᱟᱹᱰᱤ ᱜᱮ ᱪᱚᱨᱚᱠ ᱪᱮᱦᱮᱨᱟᱦᱟ ᱾ ᱩᱠᱩ ᱟᱠᱟᱱ ᱥᱚᱨᱚᱜᱽ ᱨᱮᱭᱟᱜ ᱧᱩᱛᱩᱢ ᱛᱮ ᱱᱚᱣᱟ ᱫᱚ ᱥᱟᱸᱜᱷᱟᱨᱤᱭᱟᱹ ᱠᱚᱣᱟᱜ ᱢᱚᱱᱮ ᱟᱹᱰᱤ ᱜᱮ ᱢᱩᱦᱤᱛᱟ ᱾ ᱛᱚᱣᱟᱝ ᱫᱚ ᱟᱹᱰᱤ ᱜᱮ ᱪᱚᱨᱚᱠ ᱪᱮᱦᱨᱟᱦᱟ ᱾ ᱧᱮᱧᱮᱞᱤᱭᱟᱹ ᱠᱚ ᱱᱚᱰᱮᱱᱟᱜ ᱟᱹᱰᱤ ᱪᱚᱨᱚᱠ ᱪᱟᱴᱟᱱᱤ, ᱠᱟᱹᱴᱤᱡ ᱠᱟᱹᱴᱤᱡ ᱟᱹᱛᱩ, ᱱᱮᱢᱚᱥ ᱡᱷᱟᱨᱱᱟ ᱟᱨ ᱱᱚᱣᱟ ᱠᱚ ᱥᱟᱶ ᱥᱟᱶᱛᱮ ᱟᱹᱰᱤ ᱜᱟᱱ ᱧᱮᱞ ᱡᱚᱝ ᱨᱮᱭᱟᱜ ᱛᱟᱠ ᱢᱮᱱᱟᱜᱼᱟ ᱾ ᱱᱚᱣᱟ ᱠᱚ ᱪᱷᱟᱰᱟ ᱠᱟᱛᱮ ᱱᱚᱰᱮᱱᱟᱜ ᱱᱟᱜᱟᱢ, ᱫᱷᱚᱨᱚᱢ ᱟᱨ ᱢᱟᱨᱮ ᱠᱟᱛᱷᱟ ᱠᱚ ᱨᱮᱭᱟᱜ ᱢᱤᱞᱚᱱ ᱧᱟᱯᱟᱢᱚᱜ ᱨᱮᱭᱟᱜ ᱦᱚᱸ ᱧᱮᱞᱚᱜᱼᱟ ᱾ ᱛᱚᱣᱟᱝ ᱨᱮᱭᱟᱜ ᱧᱩᱛᱩᱢ ᱫᱚ ᱑᱗ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮ ᱢᱤᱨᱟᱠ ᱞᱟᱢᱟᱭ ᱪᱷᱟᱹᱴᱭᱟᱹᱨ ᱞᱮᱫ ᱛᱟᱦᱮᱸᱫ ᱾ ᱱᱚᱰᱮ ᱫᱚ ᱢᱳᱱᱯᱟ ᱡᱟᱹᱛᱤ ᱟᱱ ᱟᱹᱫᱤᱵᱟᱹᱥᱤ ᱠᱚ ᱛᱟᱦᱮᱸᱱᱟ ᱾ ᱱᱚᱣᱟ ᱡᱟᱹᱛᱤ ᱫᱚ ᱢᱚᱜᱚᱞ ᱠᱚ ᱥᱟᱹᱜᱟᱹᱭ ᱛᱟᱠᱚ ᱢᱮᱱᱟᱜᱼᱟ ᱾ ᱱᱩᱠᱩ ᱫᱚ ᱫᱷᱤᱨᱤ ᱟᱨ ᱢᱟᱫ ᱛᱮ ᱵᱮᱱᱟᱣ ᱟᱠᱟᱫ ᱚᱲᱟᱜ ᱨᱮᱠᱚ ᱛᱟᱦᱮᱸᱱᱟ ᱾ ᱥᱤᱨᱡᱚᱱ ᱨᱮᱭᱟᱜ ᱪᱚᱨᱚᱠ ᱪᱮᱦᱨᱟ ᱥᱟᱶ ᱥᱟᱶᱛᱮ ᱧᱮᱧᱮᱞᱤᱭᱟᱹ ᱠᱚᱫᱚ ᱱᱚᱰᱮᱱᱟᱜ ᱟᱹᱰᱤᱜᱟᱱ ᱵᱚᱣᱫᱷ ᱯᱤᱴᱷ ᱦᱚᱸ ᱠᱚ ᱧᱮᱞ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱢᱚᱴᱷ ᱠᱚᱫᱚ ᱟᱹᱰᱤ ᱵᱷᱟᱹᱜᱤ ᱩᱯᱨᱩᱢ ᱮ ᱟᱢᱮᱴ ᱟᱠᱟᱫᱼᱟ ᱾ ᱱᱚᱰᱮ ᱫᱚ ᱮᱥᱤᱭᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱚᱴᱷ ᱫᱚ ᱛᱚᱣᱟᱝ ᱢᱚᱴᱷ ᱜᱮ ᱠᱟᱱᱟ ᱾ ᱟᱡᱟᱜ ᱵᱚᱣᱫᱷ ᱢᱚᱴᱷᱚ ᱞᱟᱹᱜᱤᱫ ᱱᱚᱣᱟ ᱫᱚ ᱯᱩᱨᱟᱹ ᱡᱮᱜᱮᱛ ᱨᱮ ᱪᱤᱱᱦᱟᱹᱣ ᱢᱮᱱᱟᱜᱼᱟ ᱾

ᱛᱚᱣᱟᱝ ᱢᱚᱴᱷ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱚᱣᱟᱝ ᱢᱚᱴᱷ ᱚᱨᱩᱬᱟᱪᱚᱲ ᱯᱠᱚᱫᱮᱥ ᱨᱮᱭᱟᱜ ᱛᱚᱣᱟᱝ ᱵᱟᱡᱟᱨ ᱨᱮ ᱢᱮᱱᱟᱜ ᱢᱤᱫ ᱵᱚᱣᱫᱷᱚ ᱠᱟᱱᱟ ᱾ ᱛᱚᱣᱟᱝ ᱢᱚᱴᱷ ᱫᱚ ᱢᱮᱨᱟᱠ ᱞᱟᱢᱟ ᱞᱳᱰᱨᱮ ᱜᱽᱭᱟᱛᱥᱳ ᱜᱮ ᱑᱖᱘᱐-᱘᱑ ᱮᱰᱤ ᱨᱮᱭ ᱵᱮᱱᱟᱣ ᱦᱚᱪᱚ ᱞᱮᱫᱼᱟ ᱾ ᱛᱚᱣᱟᱝ ᱢᱚᱴᱷ ᱫᱚ ᱢᱤᱫ ᱵᱩᱨᱩ ᱨᱮ ᱵᱮᱱᱟᱣ ᱟᱠᱟᱱᱟ ᱾ ᱫᱚᱨᱮᱭᱟ ᱞᱟᱛᱟᱨ ᱠᱷᱚᱱ ᱱᱚᱣᱟ ᱨᱮᱭᱟᱜ ᱩᱥᱩᱞ ᱫᱚ ᱑᱐,᱐᱐᱐ ᱯᱷᱩᱴ ᱢᱮᱱᱟᱜᱼᱟ ᱾ ᱱᱚᱰᱮ ᱫᱚ ᱟᱹᱰᱤ ᱜᱟᱱ ᱠᱟᱹᱴᱤᱡ ᱱᱟᱹᱭ ᱦᱚᱸ ᱞᱤᱸᱜᱤᱱ ᱠᱟᱱᱟ ᱾ ᱱᱚᱰᱮ ᱠᱷᱚᱱ ᱫᱚ ᱯᱩᱨᱟᱹ ᱛᱭᱟᱸᱜᱽ-ᱪᱩ ᱜᱷᱟᱹᱴᱤ ᱨᱮᱭᱟᱜ ᱪᱚᱨᱚᱠ ᱪᱮᱦᱨᱟ ᱧᱮᱢᱮᱞ ᱧᱮᱞ ᱜᱟᱱᱚᱜᱼᱟ ᱾ ᱛᱚᱣᱟᱝ ᱢᱚᱴᱷ ᱥᱟᱺᱜᱤᱧ ᱠᱷᱚᱱ ᱫᱚ ᱠᱤᱞᱟ ᱞᱮᱠᱟ ᱧᱮᱞᱚᱜᱼᱟ ᱾ ᱯᱩᱨᱟᱹ ᱫᱤᱥᱚᱢ ᱨᱮ ᱱᱚᱣᱟ ᱫᱚ ᱟᱡ ᱞᱮᱠᱟᱱᱟᱜ ᱢᱤᱫᱴᱟᱹᱝ ᱥᱩᱢᱩᱝ ᱵᱚᱣᱫᱷ ᱢᱚᱴᱷ ᱠᱟᱱᱟ ᱾ ᱛᱚᱣᱟᱝ ᱢᱚᱴᱷ ᱫᱚ ᱮᱥᱤᱭᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱚᱣᱫᱷ ᱢᱚᱴᱷ ᱠᱟᱱᱟ ᱾ ᱛᱚᱣᱟᱝ ᱢᱚᱴᱷ ᱨᱮᱫᱚ ᱗᱐᱐ ᱜᱟᱱ ᱵᱚᱣᱫᱷ ᱥᱟᱹᱫᱷᱩ ᱠᱚ ᱛᱟᱦᱮᱸ ᱫᱟᱲᱮᱭᱟᱜᱼᱟ ᱾ ᱛᱚᱣᱟᱝ ᱢᱚᱴᱷ ᱥᱩᱨ ᱨᱮᱫᱚ ᱢᱤᱫ ᱡᱷᱟᱨᱱᱟ ᱦᱚᱸ ᱞᱤᱸᱜᱤᱱ ᱠᱟᱱᱟ ᱾ ᱱᱚᱣᱟ ᱡᱚᱞᱫᱷᱟᱨᱟ ᱫᱚ ᱟᱹᱰᱤ ᱜᱮ ᱪᱚᱨᱚᱠᱟ ᱟᱨ ᱱᱚᱣᱟ ᱫᱚ ᱢᱚᱴᱷ ᱞᱟᱹᱜᱤᱫ ᱫᱟᱜ ᱦᱚᱸᱭ ᱯᱮᱨᱮᱡ ᱡᱚᱜᱟᱣ ᱮᱫᱼᱟ ᱾ ᱛᱚᱣᱟᱝ ᱢᱚᱴᱷ ᱨᱮᱭᱟᱜ ᱵᱚᱞᱚᱱ ᱫᱩᱣᱟᱹᱨ ᱫᱚ ᱫᱩᱠᱷᱤᱱ ᱯᱟᱦᱴᱟ ᱨᱮ ᱢᱮᱱᱟᱜᱼᱟ ᱾ ᱵᱚᱞᱚᱱ ᱫᱩᱣᱟᱹᱨ ᱫᱚ ᱠᱟᱠᱟᱞᱤᱝ ᱢᱮᱱᱛᱮ ᱧᱩᱛᱩᱢ ᱟᱠᱟᱱᱟ ᱾ ᱠᱟᱠᱟᱞᱤᱝ ᱧᱮᱞ ᱡᱚᱝ ᱫᱚ ᱡᱷᱩᱯᱲᱤ ᱞᱮᱠᱟ ᱧᱮᱞᱚᱜᱼᱟ ᱟᱨ ᱱᱚᱣᱟ ᱨᱮᱭᱟᱜ ᱵᱟᱨᱭᱟ ᱠᱟᱸᱛ ᱵᱮᱱᱟᱣ ᱨᱮᱫᱚ ᱫᱷᱤᱨᱤ ᱞᱟᱜᱟᱣ ᱦᱩᱭ ᱟᱠᱟᱱᱟ ᱾ ᱱᱚᱣᱟ ᱠᱟᱸᱛ ᱨᱮᱫᱚ ᱟᱹᱰᱤ ᱱᱟᱯᱟᱭ ᱱᱟᱯᱟᱭ ᱪᱤᱛᱟᱹᱨ ᱜᱚᱲᱦᱚᱱ ᱟᱠᱟᱱᱟ ᱡᱟᱦᱟᱸ ᱫᱚ ᱧᱮᱧᱮᱞᱤᱭᱟᱹ ᱠᱚ ᱟᱹᱰᱤ ᱠᱚ ᱠᱩᱥᱤᱭᱟᱜᱼᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱝᱭᱟᱝ ᱜᱽᱭᱟᱛᱥᱚ (ᱛᱩᱨᱩᱭ ᱟᱹᱱᱤᱡ ᱫᱟᱞᱟᱭᱤ ᱞᱟᱢᱟ) ᱟᱜ ᱡᱟᱱᱟᱢ ᱴᱚᱴᱷᱟ ᱾[᱑]

ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧᱚᱛ ᱨᱮ ᱒᱐᱑᱑ ᱥᱟᱞᱮ ᱨᱮ ᱦᱩᱭ ᱞᱮᱱ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱛᱚᱣᱟᱝ ᱨᱤᱱ ᱡᱚᱛᱚ ᱛᱮ ᱦᱚᱲ ᱮᱞᱮᱞ ᱫᱚ ᱑᱑,᱒᱐᱒ ᱠᱚ ᱛᱟᱦᱮᱸ ᱠᱟᱱᱟ ᱾[᱒]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Ugyenling Monastery: Birth Place of the 6th Dalai Lama". Be On The Road | Live your Travel Dream! (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 10 ᱡᱩᱱ 2012. Archived from the original on 28 ᱰᱤᱥᱮᱢᱵᱚᱨ 2016. Retrieved 22 ᱮᱯᱨᱤᱞ 2017.
  2. http://www.censusindia.gov.in/2011census/dchb/1201_PART_B_DCHB_TAWANG.pdf

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • Tawang ᱴᱨᱟᱵᱷᱮᱞ ᱵᱟᱵᱚᱫᱽ ᱠᱟᱛᱷᱟ ᱣᱤᱠᱤᱦᱤᱨᱤ (Wikivoyage) ᱨᱮ
  • [[᱑]]ᱛᱚᱣᱟᱝ ᱨᱮᱱᱟᱜ ᱣᱤᱠᱤᱦᱤᱨᱤ.