ᱵᱟᱦᱟ

ᱵᱟᱦᱟ

ᱱᱮᱫᱚᱨᱞᱟᱸᱰ ᱨᱮᱭᱟᱜ ᱵᱟᱦᱟ

ᱵᱟᱦᱟ ᱫᱚ ᱟᱹᱰᱤ ᱱᱚᱨᱚᱢ, ᱵᱷᱮᱜᱟᱨ ᱵᱷᱮᱜᱟᱨ ᱨᱚᱝ ᱨᱮᱭᱟᱜ ᱟᱨ ᱵᱷᱮᱜᱟᱨ ᱵᱷᱮᱜᱟᱨ ᱥᱚ ᱨᱮᱭᱟᱜ ᱦᱮᱱᱟᱜ-ᱟ᱾ ᱟᱹᱰᱤ ᱜᱟᱱ ᱡᱟᱜᱟ ᱨᱮ ᱵᱟᱦᱟ ᱵᱮᱵᱷᱟᱨᱚᱜ-ᱟ ᱡᱮᱢᱚᱱ ᱡᱟᱱᱟᱢ ᱫᱤᱱ ᱢᱟᱱᱟᱣ ᱨᱮ, ᱵᱟᱦᱟ ᱵᱚᱸᱜᱟ ᱡᱷᱚᱜ, ᱢᱤᱫᱩᱱ ᱮᱢᱟᱱ ᱠᱚᱨᱮ ᱯᱮᱲᱟ ᱟᱛᱟᱝ ᱫᱟᱨᱟᱢ ᱡᱷᱚᱜ᱾

ᱵᱟᱦᱟ ᱵᱟᱪᱷᱟᱣ

ᱵᱟᱦᱟ ᱜᱚᱫ ᱡᱚᱠᱷᱮᱡ ᱨᱟᱪᱟᱜ ᱟᱛᱮ ᱫᱤᱥᱟᱹ ᱚᱨ ᱟᱛᱮ ᱫᱚ ᱵᱟᱦᱟ ᱵᱟᱠᱚ ᱜᱚᱫᱟ᱾ ᱵᱟᱦᱟ ᱫᱚ ᱮᱸᱜᱟ ᱠᱟᱹᱴᱩᱵ, ᱛᱟᱞᱟ ᱠᱟᱹᱴᱩᱵ ᱟᱨ ᱩᱫᱩᱜ ᱠᱟᱹᱴᱩᱵ ᱛᱮ ᱟᱹᱰᱤ ᱡᱚᱛᱚᱱ ᱛᱮ ᱜᱚᱫᱽ ᱞᱟᱹᱠᱛᱤ ᱾ᱟᱨ ᱠᱩᱥᱤ ᱢᱚᱱ ᱛᱮ ᱵᱟᱦᱟ ᱜᱚᱫᱽ ᱞᱟᱹᱠᱛᱤ᱾ ᱮᱴᱟᱜ ᱦᱚᱲᱟᱜ ᱵᱟᱲᱜᱮ ᱠᱷᱚᱱ ᱵᱟᱦᱟ ᱠᱩᱢᱵᱽᱲᱩ ᱠᱟᱛᱮ ᱜᱚᱥᱟᱸᱭ ᱮᱢᱟ ᱠᱚ ᱠᱷᱟᱱ ᱵᱚᱦᱚᱨ ᱵᱟᱭ ᱧᱟᱢᱚᱜ-ᱟ᱾

ᱢᱟᱨᱮ ᱠᱟᱛᱷᱟ

ᱚᱜᱚᱥᱛᱭᱚ ᱢᱩᱱᱤ ᱵᱟᱦᱟ ᱨᱮᱭᱟᱜ ᱯᱚᱨᱠᱟᱨ ᱵᱷᱮᱫᱽ ᱵᱟᱵᱚᱫᱽ ᱛᱮ ᱫᱟᱢᱟᱱ ᱠᱟᱛᱷᱟᱭ ᱞᱟᱹᱭ ᱟᱠᱟᱫᱟ᱾ ᱱᱚᱶᱟ ᱡᱮᱫᱮᱛ ᱨᱮ ᱓᱘ ᱦᱟᱡᱟᱨ ᱠᱚᱨᱚᱲ ᱞᱮᱠᱟᱱᱟᱜ ᱵᱟᱦᱟ ᱢᱮᱱᱟᱜ-ᱟ᱾ ᱚᱱᱟ ᱠᱷᱚᱱ ᱒᱐ ᱦᱟᱡᱟᱨ ᱠᱚᱨᱚᱲ ᱫᱚ ᱵᱚᱸᱜᱟ ᱞᱟᱹᱜᱤᱫ, ᱥᱤᱫᱷᱚ ᱠᱚ ᱞᱟᱹᱜᱤᱫ ᱑᱑ ᱦᱟᱡᱟᱨ ᱠᱚᱨᱚᱲ ᱟᱨ ᱥᱟᱨᱮᱡ ᱕ ᱦᱟᱟᱨ ᱠᱚᱨᱚᱲ ᱫᱚ ᱨᱟᱱ ᱞᱟᱹᱜᱤᱫ ᱫᱚᱦᱚ ᱟᱠᱟᱱᱟ᱾ ᱚᱥᱩᱨ ᱠᱚ ᱟᱠᱚᱣᱟᱜ ᱵᱮᱵᱷᱟᱨ ᱞᱟᱹᱜᱤᱫ ᱑ ᱦᱟᱡᱟᱨ ᱠᱚᱨᱚᱲ ᱠᱚ ᱨᱮᱡ ᱤᱫᱤᱭᱟᱱᱟ᱾ ᱢᱟᱱᱣᱟ ᱠᱚ ᱑ ᱦᱟᱡᱟᱨ ᱠᱚᱨᱚᱲ ᱵᱟᱦᱟ ᱵᱟᱵᱚᱫ ᱛᱮ ᱥᱚᱪᱮᱛᱚᱱ ᱠᱚ ᱛᱟᱦᱮᱸ ᱭᱮᱱᱟ᱾ ᱮᱱᱨᱮᱦᱚᱸ ᱩᱱᱟᱹᱜ ᱯᱚᱨᱠᱟᱨ ᱵᱟᱦᱟ ᱵᱟᱵᱚᱫᱽ ᱛᱮ ᱢᱟᱹᱱᱢᱤᱭᱟᱜ ᱥᱚᱢᱯᱩᱨᱩᱱ ᱜᱮᱭᱟᱱ ᱵᱟᱹᱱᱩᱜ-ᱟ᱾ ᱵᱟᱦᱟ ᱵᱷᱤᱛᱨᱤ ᱠᱷᱚᱱ ᱡᱚᱛᱚ ᱠᱷᱚᱱ ᱯᱟᱹᱦᱤᱞ ᱵᱟᱦᱟ ᱫᱚ ᱩᱯᱟᱹᱞ ᱵᱟᱦᱟ ᱠᱟᱱᱟ᱾ ᱱᱚᱶᱟ ᱵᱟᱦᱟ ᱠᱷᱚᱱ ᱜᱮ ᱮᱴᱟᱜ ᱵᱟᱦᱟ ᱠᱚ ᱡᱟᱱᱟᱢ ᱟᱠᱟᱱᱟ ᱢᱮᱱᱛᱮ ᱥᱟᱬᱮᱥᱤᱭᱟᱹ ᱠᱚᱠᱚ ᱢᱮᱱᱟ᱾ ᱮᱴᱟᱜ ᱵᱟᱦᱟ ᱠᱚ ᱨᱮᱭᱟᱜ ᱦᱚᱲᱢᱚ ᱟᱨ ᱟᱠᱟᱨ ᱵᱷᱮᱜᱟᱨ ᱮᱱᱟ᱾

ᱛᱤᱱᱟᱹᱜ ᱵᱟᱦᱟ ᱨᱮᱭᱟᱜ ᱜᱩᱱ

ᱠᱟᱜᱚᱡᱽ ᱵᱟᱦᱟ

ᱱᱚᱶᱟ ᱵᱟᱦᱟ ᱚᱲᱟᱜ ᱨᱮᱭᱟᱜ ᱵᱮᱲᱦᱟᱭ ᱛᱮ ᱨᱚᱦᱚᱭ ᱞᱮᱠᱷᱟᱱ ᱚᱲᱟᱜ ᱱᱟᱯᱟᱭ ᱨᱮ ᱛᱟᱦᱮᱸᱱᱟ᱾ ᱡᱟᱦᱟᱸ ᱥᱮᱫ ᱥᱮᱱᱚᱜ ᱡᱚᱛᱷᱮᱡ ᱱᱚᱶᱟ ᱵᱟᱦᱟ ᱤᱫᱤ ᱛᱚᱨᱟ ᱞᱮᱠᱷᱟᱱ ᱵᱮᱜᱷᱚᱴᱚᱱ ᱵᱟᱭ ᱦᱩᱭᱩᱜ-ᱟ᱾

ᱠᱚᱸᱦᱰᱟ ᱵᱟᱦᱟ

ᱫᱟᱹᱠᱷᱤᱱ ᱵᱷᱟᱨᱚᱛ ᱨᱮᱭᱟᱜ ᱨᱟᱭ ᱞᱮᱠᱟᱛᱮ ᱛᱤᱱᱟᱹᱜ ᱜᱟᱱ ᱠᱚᱸᱦᱰᱟ ᱵᱟᱦᱟ ᱛᱟᱞᱟ ᱨᱮ ᱦᱩᱲᱩ ᱵᱟᱦᱟ ᱫᱚᱦᱚ ᱠᱟᱛᱮ ᱰᱤᱥᱮᱢᱵᱚᱨ-ᱡᱱᱩᱣᱟᱨᱤ ᱪᱟᱸᱫᱚ ᱨᱮ ᱜᱩᱨᱤᱡ ᱯᱤᱸᱰᱟ ᱪᱮᱛᱟᱱ ᱨᱮᱠᱚ ᱫᱚᱦᱚᱭᱟ᱾ ᱟᱠᱚᱣᱟᱜ ᱯᱟᱹᱛᱭᱟᱹᱣ ᱱᱚᱝᱠᱟ ᱠᱟᱹᱢᱤ ᱞᱮᱠᱷᱟᱱ ᱚᱲᱟᱜ, ᱟᱹᱛᱩ ᱟᱨ ᱵᱟᱹᱫᱽ ᱨᱮ ᱥᱚᱢᱨᱩᱫᱷᱤ ᱦᱤᱡᱩᱜ-ᱟ᱾

ᱯᱷᱮᱰᱟᱛ

• https://or.wikipedia.org/wiki/%E0%AC%AB%E0%AD%81%E0%AC%B2

ᱵᱟᱦᱨᱮ ᱡᱚᱲᱟᱣ

• https://en.wikipedia.org/wiki/Flower

• http://wildflower.utexas.edu