ᱵᱤᱨᱥᱟ ᱢᱩᱱᱰᱟ

ᱵᱤᱨᱥᱟᱹ ᱢᱩᱸᱰᱟᱹ

ᱵᱤᱨ ᱵᱤᱨᱥᱟ. ᱢᱩᱸᱰᱟᱹ ᱫᱚ ᱵᱤᱦᱟᱨ ᱯᱚᱱᱚᱛ ᱨᱟ.ᱧᱪᱤ ᱡᱤᱞᱞᱟ ᱨᱮᱭᱟᱜ ᱩᱞᱤ ᱟ.ᱛᱩᱨᱮ ᱡᱟᱱᱟᱢ ᱞᱮᱱᱟ ᱾

ᱵᱟᱵᱟ :- ᱥᱩᱜᱽᱱᱟ. ᱢᱩᱸᱰᱟ.

ᱟᱭᱳ :- ᱠᱟ.ᱨᱢᱤ ᱢᱩᱸᱰᱟ.

ᱵᱚᱭᱦᱟ :- ᱢᱚᱬᱮ ᱦᱚᱲ ᱵᱤᱨᱥᱟ. ᱢᱩᱸᱰᱟ. ᱫᱚ ᱯᱮ ᱦᱚᱲ ᱠᱷᱚᱱ ᱦᱩᱰᱤᱧᱤᱡ ᱾

ᱜᱤᱫᱽᱨᱟ. ᱚᱠᱛᱚ

ᱜᱤᱫᱽᱨᱟ. ᱚᱠᱛᱚ ᱫᱚ ᱪᱟᱞᱠᱟᱫ ᱟ.ᱛᱩᱨᱮᱭ ᱦᱟᱨᱟᱵᱩᱨᱩ ᱞᱮᱱᱟ ᱾ ᱟ.ᱛᱩᱨᱤᱱ ᱮᱴᱟᱜ ᱜᱤᱫᱽᱨᱟ. ᱞᱮᱠᱟ ᱜᱮ ᱰᱟᱺᱜᱽᱨᱤ, ᱢᱮᱨᱚᱢ ᱜᱩᱯᱤ ᱠᱟᱛᱮ ᱚᱠᱛᱚᱭ ᱠᱷᱮᱢᱟᱣ ᱞᱮᱜᱼᱟ ᱾ ᱱᱟᱪᱟᱨ ᱡᱟᱞᱟ ᱢᱟᱢᱚ ᱚᱲᱟᱜ ᱨᱮ ᱛᱟᱦᱮᱸᱼᱛᱟᱦᱮᱸ ᱠᱟ.ᱠᱤ ᱠᱚ ᱡᱟᱶᱟᱭ ᱠᱮᱫᱮ ᱠᱷᱟᱱ ᱩᱱᱤ ᱥᱟᱞᱟᱜ ᱚᱸᱰᱮ ᱪᱟᱞᱟᱣ ᱛᱟᱨᱟ ᱠᱟᱛᱮ ᱜᱩᱯᱤ ᱥᱟᱶᱛᱮ ᱚᱲᱟᱜ ᱠᱟ.ᱢᱤ ᱠᱚᱭ ᱪᱷᱩᱴᱟ.ᱣ ᱮᱱᱟ ᱾ ᱟᱥᱲᱟ ᱥᱮᱱᱚᱜ ᱞᱟ.ᱜᱤᱫ ᱚᱞᱚᱜ ᱥᱟᱢᱟᱱ ᱵᱟᱝ ᱛᱟᱦᱮᱸ ᱠᱟᱱ ᱛᱮ ᱜᱩᱯᱤ ᱚᱠᱛᱚ ᱜᱤᱛᱤᱞ ᱫᱷᱩᱲᱤ ᱪᱮᱛᱟᱱ ᱨᱮᱭ ᱜᱟᱨ ᱵᱟᱲᱟᱭ ᱛᱟᱦᱮᱸᱱ ᱾ ᱵᱤᱨᱥᱟ. ᱢᱩᱸᱰᱟ. ᱫᱚ ᱜᱤᱫᱽᱨᱟ. ᱠᱷᱚᱱ ᱜᱮ ᱢᱤᱫ ᱛᱤᱨᱤᱭᱟ.ᱣ ᱚᱨᱚᱝ ᱨᱩᱥᱤᱠᱟᱭ ᱛᱟᱦᱮᱸ ᱠᱟᱱᱟ ᱾

ᱚᱞ ᱯᱟᱲᱦᱟᱣ

ᱵᱤᱨᱥᱟ. ᱫᱚ ᱯᱩᱭᱞᱩ ᱵᱤᱨᱡᱩᱣᱟ. ᱥᱟᱦᱮᱵᱽ ᱟᱥᱨᱚᱢ ᱨᱮᱭ ᱚᱞᱚᱜ ᱠᱟᱱ ᱛᱟᱦᱮᱸᱱ ᱾ ᱚᱸᱰᱮᱱᱟᱜ ᱵᱮᱵᱷᱟᱨ ᱠᱚ ᱵᱟᱭ ᱠᱩᱥᱤᱭᱟᱫ ᱛᱮ ᱢᱟ. ᱗. ᱕. ᱑᱘᱘᱖ ᱨᱮ ᱪᱟᱺᱭᱵᱟᱥᱟ ᱡᱚᱨᱢᱟᱱ ᱢᱤᱥᱚᱱᱟᱨᱤ ᱟᱥᱲᱟᱭ ᱩᱪᱟ.ᱲ ᱮᱱᱟ ᱾ ᱚᱸᱰᱮ ᱥᱟᱦᱮᱵᱽ ᱠᱚᱣᱟᱜ ᱵᱮᱵᱷᱟᱨ ᱵᱟᱭ ᱠᱩᱥᱤᱭᱟᱫ ᱨᱮᱦᱚᱸ ᱚᱞᱚᱜ ᱞᱟ.ᱜᱤᱫ ᱥᱟᱦᱟᱣ ᱛᱮ ᱦᱩᱭ ᱟᱫᱮᱭᱟ ᱾ ᱛᱤᱱᱟ.ᱝ ᱫᱤᱱ ᱛᱟᱭᱚᱢ ᱵᱟ.ᱲᱤᱡ ᱵᱮᱵᱷᱟᱨ ᱨᱮᱭᱟᱜ ᱮ ᱵᱤᱨᱩᱫᱷ ᱠᱮᱫ ᱠᱷᱟᱱ ᱟᱥᱲᱟ ᱠᱷᱚᱱ ᱠᱚ ᱩᱰᱩᱠ ᱜᱤᱰᱤ ᱠᱟᱫᱮᱭᱟ ᱾ ᱱᱚᱝᱠᱟ ᱛᱮ ᱢᱟᱭᱱᱚᱨ ᱫᱷᱟ.ᱵᱤᱡ ᱮ ᱯᱟᱲᱦᱟᱣ ᱮᱱᱟ ᱾

ᱫᱷᱤᱼᱫᱟᱲᱮ

ᱡᱟᱱᱟᱢ ᱟ.ᱛᱩ ᱟᱨ ᱟᱡᱟᱜ ᱡᱟ.ᱛᱤ ᱫᱷᱚᱨᱚᱢ ᱪᱮᱛᱟᱱ ᱨᱮ ᱟ.ᱰᱤ ᱜᱟ:ᱦᱤᱨ ᱫᱩᱞᱟ.ᱲ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱵᱤᱨᱥᱟ. ᱢᱩᱸᱰᱟ. ᱴᱷᱮᱱ ᱫᱚ ᱵᱚᱸᱜᱟ ᱫᱟᱲᱮ ᱥᱮ ᱵᱚᱸᱜᱟ ᱜᱮᱭ ᱚᱯᱮᱞ ᱟᱠᱟᱱ ᱨᱮᱭᱟᱜ ᱢᱤᱫ ᱯᱟ.ᱛᱭᱟ.ᱣ ᱛᱟᱦᱮᱸ ᱠᱟᱱᱟ ᱾ ᱑᱐. ᱓. ᱑᱘᱙᱕ ᱥᱟᱞᱮᱨᱮ ᱢᱤᱫ ᱟᱭᱳ ᱦᱚᱲ ᱟᱡᱤᱡ ᱨᱩᱣᱟ.ᱜ ᱠᱟᱱ ᱜᱤᱫᱽᱨᱟ. ᱟ.ᱜᱩ ᱠᱟᱛᱮ ᱵᱤᱨᱥᱟ. ᱦᱟᱜ ᱛᱤ ᱡᱟᱸᱜᱟ ᱨᱮᱭ ᱚᱛᱟ ᱛᱟᱵᱮᱨ ᱮᱱᱟ ᱾ ᱜᱤᱫᱽᱨᱟ. ᱦᱟᱜ ᱛᱤᱭ ᱛᱩᱱᱩᱢ ᱠᱮᱫ ᱠᱷᱟᱱ ᱜᱮ ᱜᱤᱫᱽᱨᱟ.ᱭ ᱵᱩᱜᱤ ᱮᱱᱟ ᱾ ᱤᱱᱟ. ᱛᱟᱭᱚᱢ ᱟ.ᱰᱤ ᱦᱚᱲ ᱠᱚ ᱵᱮᱥ ᱪᱟᱞᱟᱣ ᱮᱱᱟ ᱾ ᱟ.ᱛᱩᱼᱴᱚᱞᱟ ᱨᱤᱱ ᱦᱚᱲ ᱢᱟᱨᱟᱝ ᱟᱡᱟᱨ ᱫᱟᱨᱟᱭ ᱛᱮ ᱦᱟᱨᱠᱮᱛ ᱥᱟᱥᱮᱛ ᱠᱷᱟ.ᱛᱤᱨ ᱥᱟᱶᱛᱟ ᱨᱮᱭᱟᱜ ᱱᱟᱯᱟᱭ ᱠᱟᱛᱷᱟ ᱠᱚ ᱦᱤᱲᱤᱧ ᱠᱟᱛᱮ ᱡᱟ.ᱛᱤ ᱫᱷᱚᱨᱚᱢ ᱠᱚ ᱵᱟ.ᱜᱤᱭᱟᱫᱼᱟ ᱾ ᱡᱟ.ᱛᱤ ᱫᱷᱚᱨᱚᱢ ᱪᱮᱛᱟᱱ ᱨᱮ ᱵᱤᱨᱥᱟ. ᱢᱩᱸᱰᱟ.ᱭ ᱩᱭᱦᱟ.ᱨ ᱨᱩᱣᱟ.ᱲ ᱟᱫ ᱠᱚᱠᱷᱟᱱ ᱢᱚᱱᱮ ᱡᱤᱣᱤ ᱛᱟᱠᱚ ᱟ.ᱨᱩ ᱨᱩᱣᱟ.ᱲ ᱮᱱᱟ ᱾ ᱡᱚᱢᱤᱫᱟᱨ ᱠᱚ ᱪᱟ.ᱥᱤ ᱪᱮᱛᱟᱱ ᱨᱮ ᱱᱟᱦᱟᱪᱟᱨ ᱧᱮᱞ ᱠᱟᱛᱮ ᱟ.ᱛᱩ ᱦᱚᱲ ᱠᱚ ᱱᱚᱶᱟ ᱵᱤᱨᱩᱫᱷ ᱨᱮ ᱡᱩᱢᱤᱫᱽ ᱠᱚ ᱥᱟᱶᱼᱥᱟᱶᱛᱮ ᱨᱟᱠᱽᱼᱟ.ᱨᱤ ᱠᱟᱛᱷᱟ ᱠᱚᱦᱚᱸᱭ ᱞᱟ.ᱭ ᱵᱩᱡᱷᱟ.ᱣ ᱟᱠᱚ ᱠᱟᱱᱟ ᱧᱮᱞ ᱠᱟᱛᱮ ᱤᱸᱜᱽᱨᱮᱡᱽ ᱥᱚᱨᱠᱟᱨ ᱫᱚ ᱢᱟᱺ ᱙. ᱘. ᱑᱘᱙᱕ ᱦᱤᱛ ᱦᱤᱞᱚᱜ ᱵᱤᱨᱥᱟ. ᱢᱩᱸᱰᱟ. ᱥᱟᱵ ᱮ ᱨᱮᱭᱟᱜ ᱦᱩᱠᱩᱢ ᱮ ᱮᱢ ᱠᱮᱜᱼᱟ ᱾ ᱤᱠᱷᱟ.ᱱ ᱦᱚᱲ ᱠᱚ ᱟ.ᱰᱤ ᱡᱩᱨ ᱠᱚ ᱢᱟᱱᱟᱣ ᱵᱟᱛᱟᱣ ᱮ ᱠᱷᱟ.ᱛᱤᱨ ᱦᱚᱲ ᱟᱨ ᱯᱩᱞᱤᱥ ᱛᱟᱞᱟᱨᱮ ᱟ.ᱰᱤ ᱡᱩᱨ ᱞᱟ.ᱰᱷᱟ.ᱭ ᱦᱩᱭ ᱮᱱᱟ ᱾ ᱢᱟ. ᱒᱖. ᱘. ᱑᱘᱙᱕ ᱦᱤᱛᱨᱮ ᱧᱤᱸᱫᱟ. ᱓. ᱐᱐ ᱴᱟᱲᱟᱝ ᱚᱠᱛᱚ ᱥᱟᱵ ᱠᱟᱛᱮ ᱛᱷᱟᱱᱟ ᱛᱮᱠᱚ ᱤᱫᱤ ᱠᱮᱫᱮᱭᱟ ᱾ ᱟᱡ ᱥᱟᱶᱛᱮ ᱟᱨ ᱦᱚᱸ ᱑᱕ ᱦᱚᱲ ᱦᱚᱡᱟᱨᱤᱵᱟᱜᱽ ᱡᱤᱦᱚᱞ ᱨᱮ ᱵᱟᱨ ᱥᱮᱨᱢᱟ ᱠᱚ ᱛᱟᱦᱮᱸ ᱠᱟᱱᱟ ᱾ ᱡᱤᱦᱚᱞ ᱠᱷᱚᱱ ᱨᱩᱣᱟ.ᱲ ᱠᱟᱛᱮ ᱵᱟᱨᱮᱭᱟ ᱜᱟᱶᱛᱟ ᱡᱮᱢᱚᱱ ᱢᱤᱫ ᱫᱚ ᱱᱟᱶᱟ ᱫᱷᱚᱨᱚᱢ ᱯᱟᱥᱱᱟᱣ ᱟᱨ ᱫᱚᱥᱟᱨ ᱫᱚ ᱨᱟᱡᱽᱼᱟ.ᱨᱤ ᱵᱤᱨᱩᱫᱷᱨᱮ ᱛᱩᱯᱩᱫ ᱞᱟ.ᱜᱤᱫ ᱠᱚ ᱵᱮᱨᱮᱫ ᱠᱮᱜᱼᱟ ᱾

ᱢᱟᱨᱟᱝ ᱟᱡᱟᱨ ᱛᱮ ᱦᱚᱲ ᱠᱚ ᱩᱨᱩᱼᱛᱤᱡᱩ ᱞᱮᱠᱟ ᱠᱚ ᱜᱚᱡ ᱮᱱ ᱨᱮᱦᱚᱸ ᱥᱚᱨᱠᱟᱨ ᱵᱟᱭ ᱢᱮᱫ ᱞᱩᱛᱩᱨᱟᱫ ᱠᱷᱟ.ᱛᱤᱨ ᱑᱘᱙᱙ ᱨᱮ ᱡᱚᱢᱤᱫᱟᱨ ᱟᱨ ᱵᱨᱤᱴᱤᱥ ᱥᱚᱨᱠᱟᱨ ᱥᱟᱶ ᱟ.ᱰᱤ ᱵᱚᱛᱚᱨᱟᱱ ᱛᱩᱯᱩᱫ ᱦᱩᱭ ᱮᱱᱟ ᱾

ᱵᱤᱨᱥᱟ. ᱦᱩᱞ

ᱢᱟ. ᱒᱔. ᱑᱒. ᱑᱘᱙᱙ ᱦᱤᱛ ᱦᱤᱞᱚᱜ ᱥᱤᱸᱜᱟ.ᱲ ᱚᱠᱛᱚ ᱢᱩᱸᱰᱟ. ᱠᱚᱣᱟᱜ ᱦᱩᱞ ᱮᱭᱦᱚᱵ ᱮᱱᱟ ᱾ ᱢᱟ. ᱒᱕. ᱑᱒. ᱑᱘᱙᱙ ᱦᱤᱛ ᱦᱤᱞᱚᱜ ᱒᱑ ᱚᱲᱟᱜ ᱠᱚ ᱟᱛᱟᱨᱟᱫᱼᱟ ᱾ ᱒᱗. ᱑᱒. ᱦᱤᱛ ᱦᱤᱞᱚᱜ ᱢᱤᱫ ᱦᱚᱲ ᱟᱨ ᱢᱟᱺ ᱖. ᱑. ᱑᱙᱐᱐ ᱦᱤᱛ ᱦᱤᱞᱚᱜ ᱵᱟᱨᱮᱭᱟ ᱠᱚᱸᱥᱴᱮᱵᱚᱞ ᱠᱚ ᱜᱚᱡ ᱠᱮᱫ ᱠᱤᱱᱟ ᱾ ᱱᱚᱝᱠᱟ ᱜᱮ ᱟ.ᱰᱤ ᱡᱩᱨ ᱦᱩᱞ ᱦᱩᱭ ᱮᱱᱟ ᱾ ᱢᱤᱫ ᱯᱟᱦᱴᱟ ᱟᱜᱼᱥᱟᱨ ᱠᱷᱟᱱ ᱫᱚᱥᱟᱨ ᱯᱟᱦᱴᱟ ᱜᱩᱞᱤ ᱵᱟ.ᱨᱩᱫᱽ ᱾ ᱱᱚᱝᱠᱟ ᱛᱮ ᱢᱟᱺ ᱒᱘. ᱑. ᱑᱙᱐᱐ ᱦᱤᱛ ᱦᱤᱞᱚᱜ ᱵᱟᱨᱮᱭᱟ ᱧᱩᱛᱩᱢᱟᱱ ᱢᱩᱸᱰᱟ. ᱥᱚᱨᱫᱟᱨ ᱟᱨ ᱓᱒ ᱥᱚᱦᱮᱛ ᱠᱚ ᱞᱟ.ᱰᱷᱟ.ᱭ ᱦᱟ.ᱯᱤᱫᱽ ᱨᱮᱭᱟᱜ ᱠᱚ ᱨᱤᱠᱟ. ᱠᱮᱜᱼᱟ ᱾ ᱵᱤᱨᱥᱟ. ᱦᱚᱸ ᱦᱟᱸᱰᱮ ᱱᱷᱟᱰᱮ ᱛᱟᱦᱮᱸ ᱠᱟᱛᱮ ᱵᱟᱧᱪᱟᱣᱜ ᱮ ᱨᱤᱠᱟ.ᱠᱮᱜᱼᱟ ᱾ ᱵᱤᱨᱥᱟ. ᱥᱟᱵᱮ ᱞᱟ.ᱜᱤᱫ ᱥᱚᱨᱠᱟᱨ ᱥᱤᱨᱯᱷᱟ. ᱞᱟᱞᱚᱪ ᱮ ᱫᱮᱠᱷᱟᱣ ᱠᱮᱫ ᱠᱷᱟᱱ ᱟᱯᱱᱟᱨ ᱡᱟ.ᱛᱤ ᱦᱚᱲ ᱜᱮ ᱥᱤᱨᱯᱷᱟ. ᱞᱟᱞᱚᱪ ᱛᱮᱠᱚ ᱥᱟᱵ ᱦᱚᱪᱚ ᱠᱮᱫᱮᱭᱟ ᱾ ᱱᱚᱝᱠᱟ ᱛᱮ ᱵᱤᱨᱥᱟ. ᱢᱩᱸᱰᱟ. ᱫᱚ ᱢᱟᱺ ᱓. ᱓. ᱑᱙᱐᱐ ᱦᱤᱛ ᱦᱤᱞᱚᱜ ᱯᱩᱞᱤᱥ ᱯᱷᱟ.ᱫᱽ ᱴᱷᱮᱱ ᱮ ᱥᱟᱵ ᱦᱚᱪᱚᱭᱮᱱᱟ ᱾

ᱡᱤᱦᱚᱞᱨᱮ ᱵᱤᱨᱥᱟ.

ᱫᱤᱱᱟ.ᱢ ᱦᱤᱞᱚᱜ ᱡᱤᱦᱚᱞ ᱠᱷᱟᱱᱟᱨᱮ ᱵᱤᱨᱥᱟ. ᱪᱮᱛᱟᱱ ᱨᱮ ᱵᱮᱼᱵᱟ.ᱲᱤᱡ ᱵᱟ.ᱲᱛᱤ ᱤᱫᱤᱭᱮᱱᱟ ᱾ ᱯᱮ ᱪᱟᱸᱫᱚ ᱛᱟᱭᱚᱢ ᱦᱚᱲᱢᱚ ᱠᱚᱦᱚᱸ ᱛᱟᱭ ᱵᱟ.ᱲᱤᱡ ᱤᱫᱤᱭᱮᱱ ᱠᱷᱟᱱ ᱡᱚᱢ ᱧᱩ ᱠᱚᱦᱚᱸᱭ ᱵᱟ.ᱜᱤ ᱤᱫᱤ ᱠᱮᱜᱼᱟ ᱾ ᱵᱟ.ᱭᱼᱵᱟ.ᱭ ᱛᱮ ᱨᱚᱲ ᱫᱟᱲᱮ ᱦᱚᱸ ᱵᱷᱤᱛᱨᱤ ᱤᱫᱤᱭᱮᱱ ᱛᱟᱭᱟ ᱟᱨ ᱯᱩᱱ ᱪᱟᱸᱫᱚ ᱛᱟᱭᱚᱢ ᱦᱟ.ᱭᱡᱟ ᱟᱡᱟᱨ ᱨᱮᱭ ᱯᱟᱲᱟᱣ ᱟᱠᱟᱱᱟ ᱢᱮᱱᱛᱮ ᱠᱚ ᱞᱟ.ᱭ ᱵᱟᱲᱟ ᱠᱮᱜᱼᱟ ᱾ ᱥᱟᱶᱛᱟ ᱨᱮ ᱡᱟ.ᱛᱤᱼᱫᱷᱚᱨᱚᱢ ᱪᱮᱛᱟᱱ ᱨᱮ ᱫᱩᱞᱟ.ᱲ ᱛᱟᱦᱮᱸ ᱠᱟᱱ ᱠᱷᱟ.ᱛᱤᱨ ᱵᱟ.ᱲᱤᱡ ᱥᱟᱢᱟᱝ ᱨᱮ ᱛᱷᱤᱨ ᱢᱟ ᱵᱟᱭ ᱛᱟᱥᱮᱸ ᱠᱟᱱᱟ ᱤᱠᱷᱟ.ᱱ ᱡᱤᱦᱚᱞ ᱠᱷᱟᱱᱟᱨᱮ ᱪᱮᱫᱟᱜ ᱪᱚ ᱛᱷᱤᱨ ᱨᱮᱜᱮᱭ ᱛᱟᱦᱮᱸ ᱮᱱᱟ ᱾ ᱟᱡᱤᱡ ᱡᱚᱴᱟᱣ ᱠᱚᱲᱟ ᱚᱢᱩᱞᱭᱚ ᱜᱮ ᱰᱟᱠᱛᱚᱨ ᱦᱚᱸᱭ ᱛᱟᱦᱮᱸ ᱠᱟᱱ ᱠᱷᱟ.ᱛᱤᱨ ᱩᱱᱤ ᱪᱮᱫ ᱦᱚᱸ ᱵᱟᱭ ᱢᱮᱱ ᱵᱟᱲᱟ ᱞᱮᱜᱼᱟ ᱾ ᱢᱚᱱᱮᱨᱮ ᱵᱚᱛᱚᱨ ᱛᱟᱦᱮᱸ ᱠᱟᱱᱟ ᱵᱟᱰᱟᱭ ᱮᱢᱟᱱ ᱞᱮᱠᱷᱟᱱ ᱠᱚ ᱩᱱᱤ ᱦᱚᱸ ᱠᱚ ᱥᱟᱥᱮᱛ ᱮᱢᱟᱱ ᱮᱭᱟ ᱾ ᱟ.ᱰᱤ ᱜᱟᱱ ᱦᱚᱲ ᱜᱮ ᱵᱤᱨᱥᱟ. ᱠᱚ ᱱᱟᱯᱟᱭ ᱨᱩᱣᱟ.ᱲ ᱮ ᱨᱮᱭᱟᱜ ᱠᱚ ᱨᱤᱠᱟ. ᱞᱮᱜᱼᱟ, ᱤᱠᱷᱟ.ᱱ ᱚᱱᱠᱟᱱ ᱛᱟᱠ ᱜᱮ ᱠᱟᱠᱚ ᱧᱟᱢ ᱞᱮᱜᱼᱟ ᱾

ᱢᱩᱪᱟ.ᱫ ᱡᱤᱭᱚᱱ

ᱱᱚᱝᱠᱟᱛᱮ ᱢᱟᱺ ᱙. ᱖. ᱑᱙᱐᱐ ᱦᱤᱛ ᱥᱮᱛᱟᱜ ᱙. ᱐᱐ ᱴᱟᱲᱟᱝ ᱚᱠᱛᱚ ᱨᱮ ᱟᱡᱟᱜ ᱡᱤᱣᱤ ᱵᱟ.ᱛᱤ ᱫᱚ ᱡᱟᱭᱡᱩᱜᱽ ᱞᱟ.ᱜᱤᱫ ᱤᱬᱤᱡ ᱥᱟ.ᱨᱤ ᱮᱱᱟ ᱾ ᱜᱚᱡ ᱦᱚᱲᱢᱚ ᱧᱮᱞ ᱵᱤᱱᱤᱰ ᱠᱟᱛᱮ ᱫᱷᱩᱲᱤ ᱫᱷᱟ.ᱨᱛᱤ ᱨᱮᱠᱚ ᱵᱟᱭ ᱥᱟ.ᱨᱤ ᱠᱟᱫᱮᱭᱟ ᱾ ᱛᱟᱭᱚᱢ ᱛᱮ ᱟᱸᱡᱚᱢᱚᱜᱼᱟ ᱵᱤᱥ ᱮᱢ ᱠᱟᱛᱮ ᱠᱚ ᱜᱚᱡ ᱦᱚᱪᱚ ᱟᱠᱟ ᱫᱮᱭᱟ ᱢᱮᱱᱛᱮ ᱾ ᱵᱤᱨᱥᱟ. ᱢᱩᱸᱰᱟ.ᱣᱟᱜ ᱦᱚᱭ ᱡᱤᱣᱤ ᱦᱟᱥᱟ ᱦᱚᱲᱢᱚ ᱫᱷᱩᱲᱤ ᱫᱷᱟ.ᱨᱛᱤ ᱨᱮ ᱢᱮᱥᱟ ᱥᱟ.ᱨᱤᱭᱮᱱ ᱨᱮᱦᱚᱸ, ᱟᱡᱟᱜ ᱡᱟ.ᱛᱤ ᱥᱟᱶᱛᱟ ᱫᱩᱜ ᱫᱚᱦᱚᱭ ᱞᱟ.ᱜᱤᱫ ᱠᱟ.ᱢᱤ ᱫᱚ ᱥᱟᱱᱟᱢ ᱦᱚᱲᱟᱜ ᱢᱚᱱᱮ ᱡᱤᱣᱤ ᱨᱮ ᱫᱤᱭᱟ.ᱣᱲᱟ ᱵᱟ.ᱛᱤ ᱞᱮᱠᱟ ᱡᱩᱞ ᱟᱠᱟ ᱛᱟᱦᱮᱸᱱᱟ ᱾

ᱵᱟᱨᱦᱮ ᱡᱚᱱᱚᱲ

Birsa Munda - The Great Hero of the Tribals at Government of Odisha website.