ᱟᱲᱟᱝ ᱥᱟᱬᱮᱥ

ᱟᱲᱟᱝ ᱥᱟᱬᱮᱥ ᱫᱚ ᱯᱟᱹᱨᱥᱤ ᱥᱟᱬᱮᱥ ᱨᱮᱭᱟᱜ ᱢᱤᱫ ᱦᱟᱹᱴᱤᱧ ᱵᱟᱝᱢᱟ ᱪᱟᱸᱜᱟ ᱠᱟᱱᱟ,ᱱᱚᱶᱟ ᱦᱟᱹᱴᱤᱧ ᱨᱮᱫᱚ ᱢᱟᱹᱱᱢᱤ ᱠᱚᱣᱟᱜ ᱢᱚᱪᱟ ᱠᱷᱚᱱ ᱚᱰᱚᱠᱚᱜ ᱠᱟᱱ ᱨᱟᱹᱲ,ᱟᱲᱟᱝ ᱟᱨ ᱨᱚᱲᱠᱚ ᱨᱮᱭᱟᱜ ᱜᱟᱹᱦᱤᱸᱨ ᱥᱟᱬᱮᱥᱤᱭᱟᱹ ᱦᱚᱨᱟᱛᱮ ᱨᱮᱭᱟᱜ ᱦᱟᱹᱴᱤᱧ ᱠᱟᱱᱟ ᱾ ᱟᱲᱟᱝ ᱜᱮ ᱯᱟ/ᱨᱥᱤ/ᱨᱚᱲᱠᱚ ᱨᱮᱭᱟᱜ ᱮᱛᱚᱦᱚᱵ ᱠᱟᱱᱟ,ᱟᱲᱟᱝ ᱵᱷᱮᱜᱮᱫ ᱡᱟᱦᱟᱸᱱ ᱨᱚᱲᱠᱚ ᱨᱮᱭᱟᱜ ᱠᱩᱠᱢᱩ ᱵᱟᱹᱱᱩᱜ-ᱟ ᱾ ᱨᱚᱲ/ᱯᱟᱹᱨᱥᱤ ᱫᱚ ᱢᱚᱪᱟ ᱠᱷᱚᱱ ᱚᱰᱚᱠᱚᱜ ᱠᱟᱱ ᱟᱲᱟᱝ ᱜᱮ ᱠᱟᱱᱟ ᱾ ᱮᱴᱟᱜ ᱡᱤᱵᱽ-ᱡᱤᱭᱟᱹᱞᱤ ᱠᱚᱣᱟᱜ ᱟᱲᱟᱝ ᱯᱟᱹᱨᱥᱤ ᱨᱮᱫᱚ ᱵᱟᱝ ᱞᱮᱠᱷᱟᱜ-ᱟ ᱾

ᱯᱟᱹᱨᱥᱤ ᱥᱟᱬᱮᱥ ᱨᱮᱭᱟᱜ ᱨᱩᱯ ᱢᱚᱦᱚᱨ

ᱯᱟᱹᱨᱥᱤ ᱨᱮᱭᱟᱜ ᱡᱚᱛᱚᱠᱷᱚᱱ ᱦᱩᱰᱤᱧ ᱨᱩᱯ ᱫᱚ ' ᱨᱟᱹᱲ ' ᱠᱟᱱᱟ,ᱡᱟᱦᱟᱸ ᱫᱚ ᱟᱲᱟᱝ ᱦᱚᱸᱠᱚ ᱢᱮᱛᱟᱜ ᱜᱮᱭᱟ ᱾ ᱨᱟᱹᱲ ᱵᱮᱜᱚᱨ ᱯᱟᱹᱨᱥᱤ ᱨᱮᱱᱟᱜ ᱠᱩᱠᱢᱩ ᱵᱟᱹᱱᱩᱜ-ᱟ ᱾ ᱯᱟᱹᱨᱥᱤ ᱥᱟᱬᱮᱥ ᱨᱮᱭᱟᱜ ᱨᱮᱭᱟᱜ ᱜᱟᱹᱦᱤᱨ ᱯᱚᱯᱚᱲᱦᱚᱱ ᱞᱟᱹᱜᱤᱫ ᱢᱤᱫ ᱜᱚᱱᱚᱝ ᱟᱱ ᱦᱟᱹᱴᱤᱧ ᱨᱮᱭᱟᱜ ᱴᱷᱟᱶ ᱟᱢᱮᱴ ᱟᱠᱟᱫᱟᱭ ᱾

ᱤᱝᱞᱤᱥ ᱛᱮ ᱱᱚᱶᱟ ᱦᱟᱹᱴᱤᱧ ᱫᱚ ᱯᱷᱳᱱᱮᱴᱤᱠᱥ (Phonetics) ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱯᱷᱳᱱᱮᱴᱤᱠᱥ ᱟᱹᱲᱟᱹ ᱫᱚ ᱜᱨᱤᱠ ᱟᱹᱲᱟᱹ ᱯᱷᱳᱱ (Phone) ᱠᱷᱚᱱ ᱦᱮᱡ ᱟᱠᱟᱱᱟ ᱾

ᱱᱚᱶᱟ ᱠᱚᱨᱟᱣ ᱨᱮ ᱯᱮᱭᱟ ᱦᱟ.ᱴᱤᱧ ᱢᱮᱱᱟᱜ-ᱟ ᱾ ᱚᱱᱟ ᱠᱚᱫᱚ ᱡᱮᱢᱚᱱ ᱵᱮᱱᱟᱣ(Production),ᱢᱟᱫᱷᱭᱚᱢ(Medium) ᱟᱨ ᱟᱯᱱᱟᱨ(Reception) ᱾ ᱱᱚᱝᱠᱟᱛᱮ ᱵᱟᱰᱟᱭᱚᱜ ᱠᱟᱱᱟ,ᱯᱷᱳᱱᱮᱴᱤᱠᱥ ᱫᱚ ᱠᱟᱛᱷᱟ ᱟᱲᱟᱝᱠᱚ ᱨᱮᱭᱟᱜ ᱯᱚᱯᱚᱲᱦᱚᱱ ᱜᱮ ᱠᱟᱱᱟ ᱾

ᱢᱟᱹᱱᱢᱤ ᱢᱚᱪᱟ ᱠᱷᱚᱱ ᱞᱮᱠᱟᱱ ᱞᱮᱠᱟᱱ ᱨᱟᱹᱲ/ᱟᱲᱟᱝᱠᱚ ᱚᱰᱚᱠᱚᱜ ᱠᱟᱱᱟ,ᱚᱱᱟᱛᱮ ᱢᱚᱪᱟ ᱫᱚ ᱨᱟᱹᱲ ᱵᱮᱱᱟᱣ ᱡᱚᱱᱛᱨᱚ ᱠᱚ ᱢᱮᱛᱟᱜ ᱠᱟᱱᱟ ᱾ ᱡᱟᱦᱟᱸᱭ ᱱᱚᱶᱟ ᱨᱚᱹᱲᱠᱚᱭ ᱟᱸᱡᱚᱢᱟ ᱵᱟᱝᱢᱟ ᱩᱱᱤᱭᱜ ᱞᱩᱛᱩᱨ ᱨᱮ ᱛᱟᱠᱮᱨ/ᱛᱟᱨᱥᱮ ᱟᱭᱟ,ᱚᱱᱟ ᱫᱚ ᱡᱚᱱᱛᱨᱚ ᱥᱮ ᱞᱩᱛᱩᱨ ᱫᱚ ᱟᱯᱱᱟᱨ(Reception) ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟᱠᱤᱱ ᱠᱚᱨᱟᱣ ᱨᱮ ᱡᱟᱦᱟᱸ ᱦᱚᱭ (Air) ᱨᱮᱭᱟᱜ ᱟᱹᱰᱤᱜᱮ ᱞᱟᱹᱠᱛᱤ ᱢᱮᱱᱟᱜ-ᱟ,ᱚᱱᱟᱛᱮ ᱦᱚᱭ ᱫᱚ ᱢᱟᱫᱷᱭᱚᱢ ᱠᱚ ᱢᱮᱛᱟᱜ ᱠᱟᱱᱟ ᱾ ᱯᱷᱳᱱᱮᱴᱤᱠᱥ ᱫᱚ ᱟᱲᱟᱝ ᱡᱚᱱᱛᱨᱚ ᱟᱨ ᱦᱚᱲᱢᱚ ᱜᱩᱱ ᱠᱚ ᱥᱟᱶ ᱟᱹᱰᱤᱜᱮ ᱡᱚᱯᱚᱲᱟᱣ ᱛᱟᱦᱮᱸᱱ ᱠᱟᱱᱟ ᱾ ᱱᱚᱶᱟ ᱫᱚ ᱯᱮᱭᱟ ᱵᱷᱮᱜᱟᱨ ᱵᱷᱮᱜᱟᱨ ᱚᱵᱚᱥᱛᱷᱟ ᱨᱮ ᱠᱚᱨᱟᱣᱚᱜ ᱠᱟᱱᱟ ᱾

ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱑/ᱟᱲᱟᱝ ᱚᱵᱚᱠᱚᱜ ᱯᱷᱳᱱᱮᱴᱤᱠᱥ (Articulatory Phonetics )- ᱡᱟᱸᱦᱟ ᱫᱚ ᱟᱲᱟᱝ ᱚᱵᱚᱠᱚᱜ ᱥᱮ ᱡᱟᱱᱟᱢᱚᱜ ᱠᱟᱱ ᱢᱚᱪᱟ ᱨᱚᱲ ᱡᱚᱱᱛᱨᱚ ᱥᱟᱶ ᱡᱚᱯᱚᱲᱟᱣ ᱛᱟᱦᱮᱸᱱ ᱠᱟᱱᱟ ᱾ ᱒/ ᱠᱟᱱᱴᱟ ᱦᱚᱭ ᱯᱷᱳᱱᱮᱴᱤᱠᱥ (Acuostic Phonetics)--ᱡᱟᱦᱟᱸ ᱫᱚ ᱠᱟᱱᱴᱟ ᱦᱚᱭ ᱛᱮ ᱠᱟᱛᱷᱟ ᱟᱲᱟᱝ ᱨᱮᱭᱟᱜ ᱵᱚᱱᱚᱫᱚᱞ ᱢᱟᱫᱷᱭᱚᱢ ᱥᱟᱶ ᱡᱚᱯᱚᱲᱟᱣ ᱛᱟᱦᱮᱸᱱ ᱠᱟᱱᱟ ᱾ ᱓/ ᱟᱸᱜᱡᱚᱢ ᱯᱷᱳᱱᱮᱴᱤᱠᱥ (Auditory Phonetics)-- ᱡᱟᱦᱟᱸ ᱫᱚ ᱠᱟᱛᱷᱟ ᱟᱲᱟᱝᱠᱚ ᱟᱯᱱᱟᱨ ᱥᱟᱶ ᱡᱚᱯᱚᱲᱟᱣ ᱛᱟᱦᱮᱸᱱ ᱠᱟᱱᱟ ᱟᱨ ᱟᱸᱜᱡᱚᱢ ᱡᱚᱱᱛᱨᱚ ᱵᱟᱝᱢᱟ ᱞᱩᱛᱩᱨ ᱥᱟᱶ ᱡᱚᱯᱚᱲᱟᱣ ᱛᱟᱦᱮᱸᱱ ᱠᱟᱱᱟ ᱾ ᱱᱚᱶᱟ ᱨᱮᱫᱚ ᱟᱲᱟᱝ ᱞᱩᱛᱩᱨ ᱨᱮᱭ ᱟᱫᱮᱨ ᱯᱟᱥᱱᱟᱣᱟ,ᱵᱷᱤᱛᱨᱤᱭ ᱵᱷᱮᱡᱟᱭᱟ (Implfies) ᱟᱨ ᱵᱷᱤᱛᱨᱤ ᱞᱩᱛᱩᱨ ᱨᱮᱭ ᱛᱟᱠᱮᱨ ᱛᱟᱨᱥᱮᱭᱟ ᱾ ᱱᱚᱝᱠᱟᱛᱮ ᱞᱩᱛᱩᱨ ᱨᱤᱱ ᱥᱟᱱᱟᱢ ᱦᱤᱸᱥ ᱠᱚᱭ ᱡᱚᱴᱮᱫ ᱤᱫᱤ ᱠᱚᱣᱟ ᱾