ᱡᱮᱜᱮᱛᱟᱹᱨᱤ ᱟᱹᱫᱤᱵᱟᱹᱥᱤ ᱢᱟᱦᱟᱸ

ᱡᱮᱜᱮᱛᱟᱹᱨᱤ ᱟᱹᱫᱤᱵᱟᱹᱥᱤ ᱢᱟᱦᱟᱸ

ᱨᱮᱫ:World Indigenous Day Celebration.jpg ᱟᱹᱫᱤᱵᱟᱹᱥᱤ ᱢᱟᱦᱟᱸ ᱢᱟᱱᱟᱣ ᱚᱠᱛᱚᱨᱮ ᱢᱤᱪᱷᱤᱞ, ᱵᱟᱝᱞᱟᱫᱮᱥ
Date	᱙ ᱟᱜᱚᱥᱴ (annually)

ᱡᱮᱜᱮᱛᱟᱹᱨᱤ ᱟᱹᱫᱤᱵᱟᱹᱥᱤ ᱢᱟᱦᱟᱸ (en:International Day of the World's Indigenous Peoples) ᱫᱚ ᱥᱮᱨᱢᱟ ᱨᱮᱱᱟᱜ ᱤᱝᱨᱮᱡᱤ ᱙ ᱟᱜᱚᱱᱴ ᱠᱚ ᱢᱟᱱᱟᱣᱟ᱾ ᱡᱟᱛᱤᱥᱚᱝᱜᱷᱚ ᱑᱙᱙᱔ ᱥᱮᱨᱢᱟ ᱠᱷᱚᱱ ᱱᱚᱣᱟ ᱢᱟᱦᱟᱸᱭ ᱢᱟᱱᱟᱣ ᱟᱹᱜᱩᱭᱫᱟ᱾

ᱱᱟᱜᱟᱢ

᱕ ᱜᱚᱴᱟᱝ ᱢᱚᱦᱟᱫᱮᱥ ᱨᱮ ᱔᱐ ᱜᱚᱴᱟᱝ ᱫᱤᱥᱟᱹᱢ ᱠᱷᱚᱱ ᱡᱟᱹᱥᱛᱤ ᱫᱤᱥᱟᱹᱢᱨᱮ ᱕ ᱦᱟᱡᱟᱨ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱠᱳᱨᱮᱱ ᱓᱗ ᱠᱳᱴᱤ ᱢᱟᱹᱱᱢᱤ ᱢᱮᱱᱟᱜ ᱠᱳᱣᱟ᱾ ᱢᱤᱢᱤᱫ ᱫᱤᱥᱟᱹᱢ ᱨᱮ ᱢᱤᱢᱤᱫ ᱨᱚᱠᱚᱢ ᱧᱩᱛᱩᱢ ᱛᱮᱠᱩ ᱦᱚᱦᱚ ᱟᱠᱩᱣᱟ᱾ ᱚᱠᱟᱨᱮ ᱫᱚ ᱟᱹᱫᱤᱵᱟᱹᱥᱤ ᱥᱮ ᱡᱚᱱᱚᱡᱟᱛᱤ ᱥᱮ ᱱᱨᱤ ᱡᱟᱛᱤ ᱥᱮ ᱟᱹᱫᱤᱢ ᱡᱟᱹᱛᱤ ᱱᱚᱝᱠᱟᱱ ᱱᱟᱱᱟᱱ ᱯᱨᱟᱠᱟᱱ ᱠᱚ ᱦᱚᱦᱚ ᱟᱠᱩᱣᱟ᱾ ᱟᱫᱚ ᱡᱟᱹᱥᱛᱤ ᱵᱷᱟᱜᱽ ᱜᱮ ᱟᱹᱰᱤᱵᱟᱹᱥᱤ ᱧᱩᱛᱩᱢ ᱜᱮᱠᱩ ᱠᱩᱥᱤᱭᱟᱜᱼᱟ᱾ ᱟᱹᱫᱤᱵᱟᱹᱥᱤ ᱚᱠᱚᱭ ᱠᱟᱱᱟᱠᱩ ᱚᱱᱟ ᱨᱮᱱᱟᱜ ᱡᱟᱸᱦᱟᱸᱱ ᱱᱤᱨᱫᱤᱥᱴᱚ ᱵᱟᱝ ᱢᱮᱱᱟᱜ ᱨᱮᱦᱚᱸ ᱠᱤᱪᱷᱩ ᱠᱤᱪᱷᱩ ᱪᱤᱱᱦᱟᱹ ᱫᱟᱨᱟᱭ ᱛᱮ ᱵᱩᱡᱷᱟᱹᱜᱼᱟ ᱡᱮ ᱱᱩᱠᱩ ᱫᱚ ᱠᱩ ᱟᱹᱫᱤᱵᱟᱹᱥᱤ ᱠᱟᱱᱟ᱾ ᱡᱟᱹᱛᱤᱥᱚᱝᱜᱷᱚ ᱫᱚ ᱟᱹᱫᱤᱵᱟᱹᱥᱤ ᱢᱮᱱᱛᱮ ᱤᱱᱰᱤᱡᱮᱱᱟᱥ ᱟᱹᱲᱟᱹᱭ ᱵᱮᱵᱷᱟᱨᱟ᱾ ᱟᱹᱫᱤᱵᱟᱹᱥᱤ ᱠᱳᱣᱟᱜ ᱟᱹᱭᱫᱟᱹᱨᱤ ᱠᱚ ᱞᱟᱹᱜᱤᱛ ᱟᱭ ᱮᱞ ᱳ ᱠᱚᱱᱵᱷᱮᱱᱥᱚᱱ ᱑᱐᱗ (᱑᱙᱕᱗) ᱟᱨ ᱡᱱᱵᱷᱮᱱᱥᱚᱱ ᱑᱖᱙ (᱑᱙᱘᱙) ᱢᱮᱱᱟᱜᱼᱟ᱾ ᱟᱹᱫᱤᱵᱟᱹᱥᱤ ᱠᱩ ᱞᱟᱹᱜᱤᱛ ᱱᱚᱣᱟ ᱵᱟᱨᱮᱭᱟ ᱠᱚᱱᱵᱷᱮᱱᱥᱚᱱ ᱜᱮ ᱡᱮᱜᱮᱛ ᱡᱟᱠᱟᱛ ᱨᱮᱱᱟᱜ ᱯᱩᱭᱞᱩ ᱟᱹᱭᱤᱱ ᱠᱟᱱᱟ᱾ ᱱᱚᱣᱟ ᱠᱩ ᱯᱟᱸᱡᱟ ᱛᱮᱜᱮ ᱫᱤᱥᱟᱹᱢ ᱫᱤᱥᱟᱹᱢ ᱨᱮ ᱟᱞᱟᱫᱟ ᱟᱞᱟᱫᱟ ᱟᱹᱭᱤᱱ ᱠᱚ ᱢᱮᱱᱟᱜᱼᱟ᱾

ᱥᱤᱠᱨᱤᱛᱤ

᱒᱓ ᱰᱤᱥᱮᱢᱵᱚᱨ ᱑᱙᱙᱔ ᱥᱮᱨᱢᱟ ᱨᱮ ᱡᱟᱛᱤᱥᱚᱝᱜᱷᱚ ᱨᱮᱱᱟᱜ ᱥᱟᱫᱷᱟᱨᱚᱱ ᱯᱚᱨᱤᱥᱚᱫ ᱨᱮ ᱡᱮᱜᱮᱛᱟᱹᱨᱤ ᱟᱹᱫᱤᱵᱟᱹᱥᱤ ᱢᱟᱦᱟᱸ ᱔᱙/᱒᱑᱔ ᱫᱷᱟᱨᱟ ᱛᱮ ᱙ ᱟᱜᱚᱥᱴ ᱨᱮ ᱢᱟᱱᱟᱣ ᱞᱟᱹᱜᱤᱛ ᱥᱤᱠᱨᱤᱛᱤᱭ ᱧᱟᱢ ᱠᱮᱫᱟ᱾ ᱤᱱᱟᱹ ᱛᱟᱭᱚᱢ ᱠᱷᱚᱱ ᱱᱤᱛ ᱫᱷᱟᱹᱵᱤᱡ ᱜᱚᱴᱚ ᱫᱷᱟᱹᱨᱛᱤ ᱨᱮᱱ ᱟᱹᱫᱤᱵᱟᱹᱥᱤ ᱠᱚ ᱤᱝᱨᱮᱡᱤ ᱥᱮᱨᱢᱟ ᱨᱮᱱᱟᱜ ᱙ ᱟᱜᱚᱥᱴ ᱦᱤᱞᱟᱹᱜ ᱟᱹᱫᱤᱵᱟᱹᱥᱤ ᱢᱟᱦᱟᱸ ᱢᱮᱱᱛᱮ ᱠᱚ ᱢᱟᱱᱟᱣ ᱟᱹᱜᱩᱭᱫᱟ᱾

᱑᱙᱙᱔ ᱠᱷᱚᱱ ᱒᱐᱐᱔ ᱥᱮᱨᱢᱟ ᱫᱷᱟᱹᱵᱤᱡ ᱜᱮᱞ ᱥᱮᱨᱢᱟ ᱯᱩᱭᱞᱩ ᱟᱹᱫᱤᱵᱟᱹᱥᱤ ᱫᱚᱥᱚᱠ ᱟᱨ ᱒᱐᱐᱔ ᱠᱷᱚᱱ ᱒᱐᱑᱔ ᱫᱷᱟᱹᱵᱤᱡ ᱫᱚᱥᱟᱨ ᱫᱚᱥᱚᱠ ᱛᱟᱸᱦᱮᱸᱠᱟᱱᱟ᱾ ᱛᱚᱵᱮ ᱱᱤᱛ ᱦᱚᱸ ᱫᱷᱟᱹᱨᱛᱤ ᱨᱮᱱ ᱡᱟᱹᱥᱛᱤ ᱵᱷᱟᱜᱽ ᱟᱹᱫᱤᱵᱟᱹᱥᱤ ᱠᱚ ᱜᱮ ᱢᱚᱡᱽ ᱫᱚ ᱵᱟᱹᱱᱩᱜ ᱠᱳᱣᱟ᱾

ᱟᱹᱫᱤᱵᱟᱹᱥᱤ ᱢᱟᱦᱟᱸ ᱢᱟᱱᱟᱣ

ᱥᱤᱧᱚᱛ

ᱱᱚᱣᱟ ᱵᱷᱟᱨᱚᱛ ᱩᱯᱳ ᱢᱚᱦᱟᱫᱮᱥ ᱵᱷᱤᱛᱨᱤᱨᱮ ᱥᱤᱧᱚᱛ ᱨᱮᱜᱮ ᱡᱚᱛᱚᱠᱷᱚᱱ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱠᱚ ᱫᱚ ᱠᱚ ᱰᱷᱤᱨ ᱜᱮᱭᱟ᱾ ᱥᱤᱧᱚᱛ ᱨᱮᱱᱟᱜ ᱡᱚᱛᱚᱞᱮᱠᱟᱱ ᱯᱚᱱᱚᱛ ᱨᱮᱜᱮ ᱟᱹᱫᱤᱵᱟᱹᱥᱤ ᱢᱟᱹᱱᱢᱤ ᱫᱚ ᱢᱮᱱᱟᱜ ᱠᱳᱣᱟ᱾ ᱥᱤᱧᱚᱛ ᱨᱮ ᱫᱚ ᱟᱹᱫᱤᱵᱟᱹᱥᱤ ᱠᱚ ᱥᱤᱰᱤᱣᱞ ᱴᱨᱟᱭᱤᱵᱽ (ᱮᱥᱴᱤ) ᱢᱮᱱᱛᱮ ᱠᱩ ᱵᱟᱰᱟᱭ ᱠᱳᱣᱟ᱾ ᱟᱫᱚ ᱡᱟᱸᱦᱟᱸ ᱯᱚᱱᱚᱛ ᱨᱮ ᱟᱹᱫᱤᱵᱟᱹᱥᱤ ᱠᱚ ᱢᱮᱱᱟᱜ ᱠᱳᱣᱟ ᱚᱸᱰᱮ ᱜᱮ ᱟᱹᱫᱤᱵᱟᱹᱥᱤ ᱢᱟᱦᱟᱸ ᱫᱚ ᱠᱩ ᱢᱟᱱᱟᱣ ᱜᱮᱭᱟ᱾ ᱥᱚᱨᱠᱟᱨᱤ ᱵᱷᱟᱵᱮ ᱱᱚᱣᱟ ᱟᱹᱫᱤᱵᱟᱹᱥᱤ ᱢᱟᱦᱟᱸ ᱫᱚ ᱠᱩ ᱢᱟᱱᱟᱣᱟ᱾ ᱟᱨ ᱵᱮᱥᱚᱨᱠᱟᱨᱤᱵᱷᱟᱵᱮ ᱟᱭᱢᱟ ᱞᱮᱠᱟᱱ ᱥᱮᱢᱞᱮᱫᱽ ᱠᱚ ᱱᱚᱣᱟ ᱢᱟᱦᱟᱸ ᱨᱮ ᱟᱭᱢᱟ ᱞᱮᱠᱟᱱ ᱠᱟᱹᱢᱤᱦᱚᱨᱟ ᱠᱩ ᱥᱟᱡᱟᱣ ᱥᱟᱯᱲᱟᱣᱟ᱾

ᱱᱮᱯᱟᱞ

ᱱᱮᱯᱟᱞ ᱨᱮ ᱦᱚᱸ ᱢᱤᱫ ᱥᱟᱭ ᱪᱮᱛᱟᱱ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱠᱚ ᱢᱮᱱᱟᱜ ᱠᱳᱣᱟ᱾ ᱱᱮᱯᱟᱞ ᱨᱮ ᱦᱚᱸ ᱟᱹᱫᱤᱵᱟᱹᱥᱤ ᱢᱮᱱᱛᱮ ᱠᱚ ᱞᱮᱠᱷᱟ ᱠᱳᱣᱟ᱾ ᱟᱹᱫᱤᱵᱟᱹᱥᱤ ᱠᱳᱣᱟᱜ ᱟᱹᱭᱫᱟᱹᱨᱤ ᱞᱟᱹᱜᱤᱛ ᱛᱮ ᱵᱮᱱᱟᱣ ᱟᱠᱟᱱᱟ ᱯᱩᱭᱞᱩ ᱡᱮᱜᱮᱛᱟᱹᱨᱤ ᱟᱭᱤᱱ ᱟᱭᱮᱞᱳ ᱠᱚᱱᱵᱷᱮᱱᱥᱚᱱ ᱑᱖᱙ ᱱᱮᱯᱟᱞ ᱥᱚᱨᱠᱟᱨᱮ ᱢᱟᱱᱟᱣ ᱵᱟᱛᱟᱣ ᱠᱟᱫᱟ᱾ ᱟᱹᱫᱤᱵᱟᱹᱥᱤ ᱢᱟᱦᱟᱸ ᱨᱮ ᱱᱮᱯᱟᱞ ᱥᱚᱨᱠᱟᱨ ᱯᱟᱥᱟᱯᱟᱥᱤ ᱟᱹᱫᱤᱵᱟᱹᱥᱤ ᱠᱳᱣᱟ ᱟᱭᱢᱟ ᱞᱮᱠᱟᱱ ᱥᱮᱢᱞᱮᱫᱽ ᱠᱚ ᱱᱟᱱᱟ ᱦᱩᱱᱟᱹᱨ ᱠᱟᱹᱢᱤ ᱦᱚᱨᱟ ᱠᱩ ᱥᱟᱯᱲᱟᱣᱟ᱾

ᱵᱟᱝᱞᱟᱫᱮᱥ

ᱵᱟᱝᱞᱟᱫᱮᱥ ᱨᱮ ᱥᱚᱨᱠᱟᱨᱤ ᱵᱷᱟᱵᱮ ᱢᱟᱱᱟᱣ ᱵᱟᱛᱟᱣ ᱠᱟᱱ ᱕᱐ ᱜᱚᱴᱟᱝ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱢᱮᱱᱟᱜ ᱠᱳᱣᱟ᱾ ᱟᱫᱚ ᱟᱹᱫᱤᱵᱟᱹᱥᱤ ᱥᱮᱢᱞᱮᱫᱽ ᱠᱳᱣᱟᱜ ᱦᱤᱥᱟᱹᱵᱛᱮ ᱟᱨᱦᱚᱸ ᱰᱷᱤᱨ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱵᱟᱝᱞᱟᱫᱮᱥ ᱨᱮ ᱢᱮᱱᱟᱜ ᱠᱳᱣᱟ᱾ ᱱᱚᱸᱰᱮ ᱫᱚ ᱟᱹᱫᱤᱵᱟᱹᱥᱤ ᱠᱚ ᱫᱚ ᱥᱚᱨᱠᱟᱨᱤᱵᱷᱟᱵᱮ ᱱᱨᱤ ᱜᱳᱥᱴᱷᱤ ᱢᱮᱱᱛᱮ ᱠᱚ ᱞᱮᱠᱷᱟᱜᱼᱟ᱾ ᱟᱹᱫᱤᱵᱟᱹᱥᱤ ᱠᱳᱣᱟᱜ ᱟᱹᱭᱫᱟᱹᱨᱤ ᱞᱟᱹᱜᱤᱛ ᱛᱮ ᱵᱮᱱᱟᱣ ᱟᱠᱟᱱᱟ ᱯᱩᱭᱞᱩ ᱡᱮᱜᱮᱛᱟᱹᱨᱤ ᱟᱭᱤᱱ ᱟᱭᱮᱞᱳ ᱠᱚᱱᱵᱷᱮᱱᱥᱚᱱ ᱑᱐᱗ ᱵᱟᱝᱞᱟᱫᱮᱥ ᱥᱚᱨᱠᱟᱨᱮ ᱢᱟᱱᱟᱣ ᱵᱟᱛᱟᱣ ᱨᱮᱦᱚᱸ ᱟᱹᱫᱤᱵᱟᱹᱥᱤ ᱢᱟᱦᱟᱸ ᱫᱚ ᱥᱚᱨᱠᱟᱨᱤᱵᱷᱟᱵᱮ ᱵᱟᱹᱠᱩ ᱢᱟᱱᱟᱣᱟ᱾ ᱩᱞᱴᱟᱹᱛᱮ ᱟᱹᱫᱤᱵᱟᱹᱥᱤ ᱥᱮᱢᱞᱮᱫᱽ ᱠᱳᱣᱟᱜ ᱥᱟᱡᱟᱣ ᱥᱟᱯᱲᱟᱣ ᱨᱮ ᱥᱚᱨᱠᱟᱨ ᱨᱮᱱ ᱯᱩᱞᱤᱥ ᱵᱟᱹᱦᱱᱤ ᱵᱟᱫᱷᱟ ᱦᱚᱸ ᱠᱚ ᱮᱢ ᱜᱮᱭᱟ᱾ ᱛᱟᱨᱯᱚᱨᱮ ᱦᱚᱸ ᱟᱭᱢᱟ ᱞᱮᱠᱟᱱ ᱟᱹᱫᱤᱵᱟᱹᱥᱤ ᱥᱮᱢᱞᱮᱫᱽ ᱠᱚ ᱟᱹᱫᱤᱵᱟᱹᱥᱤ ᱢᱟᱦᱟᱸ ᱫᱤᱥᱟᱹᱛᱮ ᱟᱭᱢᱟ ᱞᱮᱠᱟᱱ ᱠᱟᱹᱢᱤ ᱦᱚᱨᱟ ᱠᱩ ᱥᱟᱡᱟᱣ ᱥᱟᱯᱲᱟᱣᱟ᱾

ᱟᱹᱫᱤᱵᱟᱹᱥᱤ ᱢᱟᱦᱟᱸ ᱨᱮᱱᱟᱜ Theme ᱠᱚ

• 2020: “Covid-19 and Indigenous Peoples' Resilience”
• 2019: “Indigenous Languages”
• 2018: “Indigenous Peoples’ Migration and Movement”
• 2017: “Tenth Anniversary of the Adoption of the UN Declaration on the Rights of Indigenous Peoples”
• 2016: “Indigenous Peoples’ Right to Education”
• 2015: “Post 2015 Agenda: Ensuring indigenous peoples’ health and well-being”
• 2014: “Bridging the gap: implementing the rights of indigenous peoples”
• 2013: Indigenous peoples building alliances: Honouring treaties, agreements and other constructive arrangements
• 2012: Indigenous Media, Empowering Indigenous Voices
• 2011: Indigenous designs: celebrating stories and cultures, crafting their own future
• 2010: Celebrating Indigenous Film Making
• 2009: Indigenous Peoples and HIV/AIDS
• 2008: Reconciliation between States and indigenous peoples
• 2007: Urgent need to preserve indigenous languages
• 2006: Indigenous Peoples: human rights, dignity and development with identity
• 2005: The Cause of Indigenous Peoples is Ours

ᱵᱟᱨᱦᱮ ᱡᱚᱱᱚᱲ

• International Day of the World's Indigenous Peoples on the United Nations website
• International Day 2011 – Theme and programme of activities for 9 August 2011
• World's Indigenous Peoples Kingston, Ontario, Canada's Celebration by Ollin
• International Day of the World's Indigenous Peoples on the United Nations website
• Indigenous designs: Celebrating stories and cultures crafting our own culture – Video of the event for 9 August 2011 recorded by the UN