ᱢᱮᱬᱦᱮᱫ

Iron lamp

ᱢᱮᱬᱦᱮᱫ, ᱢᱮᱲᱦᱮᱸᱫ, ᱫᱚ ᱟᱹᱰᱤ ᱥᱟᱫᱷᱟᱨᱚᱱ ᱫᱷᱟᱹᱛᱩ ᱠᱟᱱᱟ ᱾ ᱱᱚᱶᱟ ᱨᱮᱭᱟᱜ ᱪᱤᱱᱦᱟᱹ ᱫᱚ ᱦᱩᱭᱩᱜ ᱠᱟᱱᱟ Fe ᱡᱟᱦᱟᱸ ᱫᱚ ᱞᱟᱹᱴᱤᱱ ᱟᱹᱲᱟᱹ "ᱯᱷᱮᱨᱚᱢ" (ferrum) ᱠᱷᱚᱱ ᱦᱟᱛᱟᱶ ᱟᱠᱟᱱᱟ | ᱱᱚᱶᱟ ᱨᱮᱦᱟᱜ ᱯᱚᱨᱚᱢᱟᱬᱩ ᱮᱞ ᱫᱚ ᱒᱖ ᱠᱟᱱᱟ ᱾ ᱠᱮᱴᱮᱡ ᱟᱨ ᱥᱟᱥᱛᱟ ᱜᱮ ᱠᱷᱟᱹᱛᱤᱨ ᱱᱚᱶᱟ ᱫᱚ ᱟᱹᱰᱤ ᱵᱟᱹᱲᱛᱤ ᱵᱮᱵᱷᱟᱨᱚᱜᱼᱟ ᱾ ᱤᱥᱯᱟᱛ ᱴᱮᱭᱟᱨ ᱞᱟᱹᱜᱤᱫ ᱱᱚᱶᱟ ᱫᱚ ᱢᱩᱬ ᱡᱤᱱᱤᱥ ᱠᱟᱱᱟ ᱾ ᱪᱩᱢᱵᱚᱠ ᱛᱮᱭᱟᱨ ᱨᱮᱦᱚᱸ ᱱᱚᱶᱟ ᱫᱚ ᱵᱮᱵᱷᱟᱨᱚᱜᱼᱟ |

ᱜᱩᱱ

• 
  ᱯᱷᱮᱨᱤᱠ ᱚᱠᱥᱟᱭᱤᱰ
• 
  ᱯᱷᱮᱨᱚᱥ ᱚᱠᱥᱟᱭᱤᱰ
• 
  ᱢᱮᱢᱦᱮᱫ ᱥᱚᱞᱯᱷᱮᱴ
• 
  ᱢᱮᱬᱦᱮᱫ ᱠᱞᱚᱨᱟᱭᱤᱰ

ᱵᱷᱶᱛᱤᱠ ᱜᱩᱱ

ᱢᱮᱬᱦᱮᱫ ᱫᱚ ᱫᱷᱩᱥᱟᱹᱨ ᱨᱚᱝ ᱨᱮᱭᱟᱜ ᱫᱷᱟᱹᱛᱩ ᱠᱟᱱᱟ ᱾ ᱱᱚᱶᱟ ᱫᱚ ᱪᱩᱢᱵᱚᱠ ᱮ ᱚᱨ ᱜᱮᱭᱟ ᱾ ᱫᱚᱢᱮ ᱠᱮᱴᱮᱡ ᱠᱷᱟᱹᱛᱤᱨ ᱱᱚᱶᱟ ᱫᱚ ᱟᱹᱰᱤ ᱜᱟᱱ ᱠᱟᱹᱢᱤ ᱨᱮ ᱞᱟᱜᱟᱜᱼᱟ ᱾

ᱨᱟᱥᱟᱭᱱᱤᱠ ᱜᱩᱱ

ᱥᱚᱞᱯᱷᱩᱨᱤᱠ ᱟᱥᱤᱰ ᱥᱟᱶ ᱢᱮᱥᱟ ᱠᱟᱴᱮ ᱱᱚᱶᱟ ᱫᱚ ᱯᱷᱮᱨᱚᱥ ᱥᱚᱞᱯᱷᱮᱴ ᱛᱮᱭᱟᱨᱟ ᱾ ᱱᱚᱶᱟ ᱠᱟᱹᱢᱤ ᱦᱚᱨᱟ ᱫᱷᱟᱹᱛᱩ ᱥᱟᱯᱷᱟᱭ ᱞᱟᱹᱜᱤᱫ ᱠᱚ ᱵᱮᱵᱦᱟᱨᱟ ᱾ ᱢᱮᱢᱦᱮᱰ ᱫᱚ ᱦᱚᱭ ᱟᱨ ᱫᱩᱜ ᱥᱟ ᱶᱢᱮᱥᱟ ᱠᱟᱛᱮ ᱤᱡ ᱮ ᱵᱮᱱᱟᱶᱟ ᱤ ᱤᱡ ᱟᱠᱟᱱ ᱢᱮᱬᱦᱮᱰ ᱛᱟᱹᱦᱩᱱ ᱤᱡᱩᱜᱼᱟ, ᱢᱩᱪᱟᱹᱫ ᱨᱮ ᱡᱚᱛᱚ ᱢᱮᱬᱦᱮᱰ ᱤᱡ ᱪᱟᱵᱟᱜᱼᱟ ᱾ ᱟᱞᱩᱢᱤᱱᱤᱭᱚᱢ ᱞᱮᱠᱟᱱ ᱫᱷᱟᱹᱛᱩ ᱫᱚ ᱵᱟᱭ ᱤᱡᱩᱜᱼᱟ ᱢᱮᱬᱦᱮᱰ ᱫᱚ ᱠᱨᱚᱢᱤᱭᱚᱢ ᱟᱟᱨ ᱚᱝᱜᱟᱨᱚᱠ ᱥᱟᱶ ᱢᱮᱥᱟ ᱠᱟᱛᱮ ᱤᱥᱯᱟᱛ ᱮ ᱵᱮᱱᱟᱶᱟ, ᱱᱚᱶᱟ ᱫᱚ ᱵᱟᱭ ᱤᱡᱩᱜᱼᱟ ᱾

ᱨᱟᱥᱟᱭᱱᱤᱠ ᱡᱚᱶᱜᱤᱠ

ᱱᱚᱶᱟ ᱫᱷᱟᱹᱛᱩ ᱮᱴᱟᱜ ᱫᱷᱟᱹᱛᱩ ᱥᱟᱶ ᱢᱮᱥᱟ ᱠᱟᱛᱮ ᱡᱚᱶᱜᱤᱠ ᱫᱷᱟᱹᱛᱩᱭ ᱵᱮᱱᱟᱶᱟ ᱾ ᱱᱚᱶᱟ ᱫᱚ ᱵᱟᱨ ᱵᱟᱠᱷᱟᱱ ᱯᱮᱭᱟ ᱮᱞᱮᱠᱴᱨᱚᱱ ᱮ ᱵᱟᱹᱜᱤᱭᱟ ᱾ ᱵᱟᱨᱭᱟ ᱮᱞᱮᱠᱴᱨᱚᱱ ᱮ ᱵᱟᱹᱜᱤ ᱠᱷᱟᱱ ᱯᱷᱮᱨᱚᱥ ᱡᱚᱶᱜᱤᱠ ᱠᱚ ᱢᱮᱛᱟᱜ-ᱟ ᱟᱨ ᱯᱮᱭᱟ ᱮᱞᱮᱠᱴᱨᱚᱱ ᱮ ᱵᱟᱹᱜᱤ ᱠᱷᱟᱱ ᱯᱷᱮᱨᱤᱠ ᱡᱚᱶᱜᱤᱠ ᱠᱚ ᱢᱮᱛᱟᱜ-ᱟ ᱾

ᱦᱟᱥᱟ ᱨᱮ ᱢᱮᱬᱦᱮᱫ

ᱟᱫᱚᱢ ᱡᱟᱜᱟ ᱠᱚᱨᱮ ᱫᱚ ᱦᱟᱥᱟ ᱨᱮᱦᱸ ᱢᱮᱬᱦᱮᱫ ᱧᱟᱢᱚᱜ ᱜᱮᱭᱟ ᱾ ᱚᱛ ᱞᱟᱛᱟᱨ ᱨᱮᱫᱚ ᱦᱮᱢᱟᱴᱟᱭᱤᱴ ᱧᱟᱢᱚᱜ-ᱟ ᱾ ᱦᱮᱢᱟᱴᱟᱭᱤᱴ ᱠᱷᱚᱱ ᱢᱮᱬᱦᱮᱰ ᱚᱰᱚᱠᱚᱜ-ᱟ ᱾ ᱡᱤᱞ ᱨᱮᱦᱸ ᱢᱮᱬᱦᱮᱰ ᱴᱟᱦᱮᱸᱱ ᱜᱮᱭᱟ ᱾ ᱢᱟᱭᱟᱢ ᱨᱮᱭᱟᱜ ᱦᱤᱢᱚᱜᱞᱚᱵᱤᱱ ᱨᱮᱦᱸ ᱢᱮᱬᱦᱮᱰ ᱛᱟᱦᱮᱸᱱᱟ, ᱤᱠᱷᱟᱹᱱ ᱡᱚᱛᱚ ᱢᱟᱭᱟᱢ ᱨᱮᱫᱚ ᱦᱤᱢᱚᱜᱞᱚᱵᱤᱱ ᱵᱟᱭ ᱛᱟᱦᱮᱸᱱᱟ ᱾

ᱢᱮᱬᱦᱮᱫ ᱛᱮᱭᱟᱨ

ᱢᱮᱬᱦᱮᱫ ᱦᱮᱰᱮᱡᱽ ᱪᱩᱞᱦᱟᱹ

ᱢᱟᱨᱟᱝ ᱢᱟᱨᱟᱝ ᱠᱟᱹᱨᱠᱷᱟᱱᱟ ᱨᱮ ᱦᱮᱢᱟᱴᱟᱭᱤᱴ ᱠᱚᱠ ᱥᱟᱶ ᱛᱚᱨᱞᱟᱶ ᱠᱟᱛᱮ ᱢᱮᱬᱦᱮᱫ ᱠᱚ ᱵᱮᱱᱟᱶᱟ ᱾

ᱵᱮᱵᱷᱟᱨ

ᱫᱷᱟᱹᱛᱩ ᱞᱮᱠᱟᱛᱮ

ᱮᱴᱟᱜ ᱫᱷᱟᱹᱛᱩ ᱠᱷᱚᱱᱟᱜ ᱢᱮᱬᱦᱮᱰ ᱜᱮ ᱵᱟᱲᱛᱤ ᱵᱮᱵᱷᱟᱨᱩᱜ-ᱟ, ᱪᱮᱫᱟᱜ ᱪᱮ ᱱᱚᱶᱟ ᱫᱚ ᱠᱮᱴᱮᱡ ᱟ ᱟᱟᱨ ᱥᱟᱥᱛᱟ ᱜᱮᱭᱟ ᱾ ᱱᱚᱶᱟ ᱫᱚ ᱚᱲᱟᱜ, ᱯᱚᱞ, ᱠᱟᱱᱴᱟ, ᱱᱩᱲᱤ ᱵᱮᱱᱟᱶ ᱠᱚᱨᱮ ᱵᱮᱱᱷᱟᱨᱚᱜ-ᱟ ᱾ ᱪᱩᱢᱵᱚᱠ ᱮ ᱚᱨ ᱠᱷᱟᱹᱛᱤᱨ ᱱᱚᱶᱟ ᱫᱚ ᱪᱩᱢᱵᱚᱠ ᱨᱮᱦᱚᱸ ᱵᱮᱵᱷᱟᱨᱚᱜ-ᱟ ᱾

ᱡᱚᱶᱜᱤᱠ ᱞᱮᱠᱟ ᱛᱮ

ᱢᱮᱬᱦᱮᱫ ᱡᱚᱶᱜᱤᱠ ᱫᱚ ᱟᱹᱰᱤ ᱜᱟᱱ ᱠᱟᱹᱢᱤ ᱨᱮ ᱞᱟᱜᱟᱜ-ᱟ ᱤ ᱢᱮᱬᱦᱮᱰ ᱠᱞᱚᱨᱟᱭᱤᱰ ᱫᱟᱜ ᱮ ᱥᱟᱯᱷᱟᱭᱟ ᱾ ᱢᱮᱬᱦᱮᱰ ᱥᱚᱞᱯᱷᱮᱴ ᱰᱚ ᱥᱤᱨᱢᱤᱴ ᱨᱮ ᱵᱮᱵᱦᱟᱨᱚᱜ-ᱟ ᱾

ᱡᱚᱢᱟᱜ ᱨᱮ

ᱡᱤᱶᱤ ᱦᱚᱭ (ᱚᱢᱚᱲᱡᱟᱱ) ᱦᱚᱲᱢᱚ ᱨᱮᱭᱟᱜ ᱡᱤᱞ ᱡᱟᱜᱟ ᱛᱮ ᱥᱮᱴᱮᱨ ᱞᱟᱹᱜᱤᱫ ᱢᱮᱬᱦᱮᱫ ᱢᱮᱥᱟ ᱞᱟᱹᱰᱩ ᱵᱚ ᱡᱚᱢᱟ ᱠᱟᱨᱚᱱ ᱱᱚᱶᱟ ᱢᱮᱬᱦᱮᱫ ᱛᱮ ᱵᱮᱱᱟᱶ ᱟᱠᱟᱱ ᱦᱤᱢᱚᱜᱞᱚᱵᱤᱱ ᱜᱮ ᱡᱤᱶᱤ ᱦᱚᱭ ᱮ ᱜᱚᱜᱟ ᱾

ᱵᱟᱦᱨᱮ ᱡᱚᱱᱚᱲ

• https://or.wikipedia.org/wiki/%E0%AC%B2%E0%AD%81%E0%AC%B9%E0%AC%BE

• It's Elemental – Iron
• The Most Tightly Bound Nuclei
• Chemistry in its element podcast (MP3) from the Royal Society of Chemistry's Chemistry World: Iron
• Iron at The Periodic Table of Videos (University of Nottingham)
• Metallurgy for the non-Metallurgist