ᱥᱟᱥᱟᱝ

ᱥᱟᱥᱟᱝ

ᱥᱟᱥᱟᱝ ᱫᱟ

ᱥᱟᱥᱟᱝ ᱫᱚ ᱢᱤᱫ ᱵᱩᱫᱟ, ᱡᱟᱹᱛ ᱨᱮᱱᱟᱜ ᱫᱟᱨᱮ ᱠᱟᱱᱟ ᱾ ᱱᱚᱣᱟ ᱯᱮ ᱛᱷᱚᱠ ᱨᱮ ᱦᱟᱹᱴᱤᱧ ᱟᱠᱟᱱᱟ ᱥᱟᱫᱟᱨᱚᱱ ᱥᱟᱥᱟᱝ, ᱠᱟᱹᱯᱩᱨ ᱥᱟᱥᱟᱝ ᱟᱨ ᱵᱤᱨ ᱥᱟᱥᱟᱝ ᱾ ᱱᱚᱣᱟ ᱵᱮᱜᱚᱨ ᱟᱨᱦᱚᱸ ᱫᱟᱨᱮ ᱥᱟᱥᱟᱝ ᱢᱮᱱᱛᱮ ᱢᱤᱜ ᱢᱮᱱᱟᱜ-ᱟ ᱾ ᱫᱟᱨᱮ ᱥᱟᱥᱟᱝ ᱨᱮᱱᱟᱜ ᱜᱩᱱ ᱫᱚ ᱱᱚᱣᱟ ᱠᱷᱚᱱ ᱵᱷᱮᱜᱟᱨ ᱜᱮᱭᱟ ᱾ ᱥᱟᱥᱟᱝ ᱫᱟᱨᱮ ᱫᱚ ᱜᱚᱫᱽ ᱫᱟᱨᱮ ᱞᱮᱠᱟ ᱧᱮᱞᱚᱜ-ᱟ ᱟᱨ ᱥᱟᱠᱟᱢ ᱦᱚᱸ ᱜᱚᱫᱽ ᱥᱟᱠᱟᱢ ᱞᱮᱠᱟ ᱜᱮ ᱾ ᱥᱟᱹᱨᱩ ᱞᱮᱠᱟ ᱜᱮ ᱚᱛ ᱵᱷᱤᱛᱤᱨ ᱨᱮ ᱥᱟᱥᱟᱝ ᱫᱚ ᱫᱟ ᱟ ᱾ ᱥᱟᱠᱟᱢ ᱛᱤᱨᱢᱤᱫ ᱠᱟᱛᱮ ᱡᱤ ᱞᱮᱠᱷᱟᱱ ᱥᱟᱥᱟᱥᱟᱝ ᱨᱚᱱᱟᱜ ᱥᱚ ᱦᱤᱡᱩᱜ-ᱟ ᱾ ᱳᱰᱤᱥᱟ ᱨᱮᱱᱟᱜ ᱠᱚᱱᱫᱷᱚᱢᱟᱲ ᱡᱤᱞᱟᱹ ᱨᱮ ᱪᱟᱥ ᱦᱩᱭᱩᱜ ᱠᱟᱱ ᱥᱟᱥᱟᱝ ᱫᱚ ᱨᱚᱝ ᱟᱨ ᱜᱩᱱ ᱞᱟᱹᱜᱤᱫ ᱟᱹᱰᱤ ᱧᱩᱛᱩᱢᱟᱱᱟ ᱾

ᱥᱟᱥᱟᱝ ᱪᱟᱥ

ᱥᱟᱥᱟᱝ ᱨᱮᱱᱟᱜ ᱥᱟᱬᱮᱥ ᱧᱩᱛᱩᱢ ᱫᱚ ᱠᱩᱨᱠᱩ ᱢᱟᱞᱚᱝᱜᱟ ᱾ ᱱᱚᱣᱟ ᱪᱟᱥ ᱞᱟᱹᱜᱤᱫ ᱫᱚ ᱥᱟᱥᱟᱝ ᱜᱮ ᱠᱷᱟᱸᱰᱭᱟᱹ ᱠᱷᱟᱹᱰᱭᱟᱹ ᱦᱟᱜ ᱛᱚᱯᱟ ᱦᱩᱭᱩᱜ-ᱟ ᱾ ᱟᱨ ᱚᱸᱰᱮ ᱠᱷᱚᱱ ᱢᱤᱫ ᱢᱟᱨᱟᱝ ᱵᱩᱫᱟᱹ ᱚᱢᱚᱱᱚᱜ-ᱟ ᱾ ᱟᱹᱰᱤ ᱵᱟᱹᱲᱛᱤ ᱨᱮ ᱕ ᱯᱷᱩᱴ ᱜᱟᱱ ᱩᱥᱩᱞ ᱫᱟᱨᱮ ᱟ ᱟᱠ ᱚᱱᱟ ᱨᱮᱱᱟᱜ ᱨᱮ ᱡᱷᱟᱢᱯᱟ ᱡᱷᱩᱨᱟᱹ ᱫᱟ ᱚᱰᱚᱠᱚᱜ-ᱟ ᱾ ᱮᱦᱚᱵ ᱫᱚ ᱚᱱᱟ ᱠᱷᱟᱺᱰᱭᱟᱹ ᱥᱟᱥᱟᱝ ᱠᱷᱚᱱ ᱜᱮ ᱟᱹᱰᱤ ᱜᱟᱱ ᱥᱟᱠᱟᱢ ᱚᱰᱚᱠᱚᱜ-ᱟ ᱾ ᱥᱟᱠᱟᱢ ᱫᱚ ᱢᱤᱫ ᱯᱷᱩᱴ ᱠᱷᱚᱱ ᱡᱤᱞᱤᱧ ᱟᱨ ᱒-᱓ ᱤᱸᱪ ᱜᱟᱱ ᱚᱥᱟᱨ ᱦᱩᱭᱩᱜ-ᱟ ᱾ ᱵᱟᱱᱟᱨ ᱯᱟᱴᱷᱟ ᱥᱤᱨ ᱫᱚ ᱥᱚᱢᱟᱱ ᱜᱮ ᱟᱴᱮᱫ ᱠᱚᱜ-ᱟ ᱾ ᱥᱟᱥᱟᱝ ᱫᱷᱟᱨᱟ ᱜᱮ ᱵᱟᱦᱟ ᱦᱚᱸ ᱵᱟᱦᱟ ᱟ ᱢᱮᱱ ᱠᱷᱟᱱ ᱡᱚ ᱫᱚ ᱵᱟᱭ ᱡᱚ ᱟ ᱾ ᱱᱚᱣᱟ ᱨᱮᱱᱟᱜ ᱫᱟ ᱫᱚ ᱥᱟᱥᱟᱝ ᱞᱮᱠᱟᱛᱮ ᱵᱚᱱ ᱵᱮᱵᱷᱟᱨᱮᱜ-ᱟ ᱾ ᱟᱭᱢᱟ ᱫᱤᱥᱚᱢ ᱨᱮᱜᱮ ᱱᱚᱣᱟ ᱫᱚ ᱪᱟᱥ ᱦᱩᱭᱩᱜ-ᱟ ᱾ ᱳᱰᱤᱥᱟ ᱯᱚᱱᱚᱛ ᱨᱮ ᱫᱚ ᱠᱚᱱᱫᱷᱚᱢᱟᱬᱚ ᱟᱨ ᱯᱷᱩᱞᱵᱟᱬᱤ ᱡᱤᱞᱞᱟᱹ ᱨᱮ ᱟᱹᱰᱤ ᱡᱩᱨ ᱪᱟᱥ ᱦᱩᱭᱩᱜ-ᱟ ᱾

ᱜᱩᱱ

ᱥᱟᱥᱟᱝ ᱨᱮ ᱫᱚ ᱠᱩᱨᱠᱩᱢᱤᱱ ᱧᱩᱛᱩᱢᱟᱜ ᱥᱟᱥᱟᱝ ᱨᱚᱝ ᱛᱟᱦᱮᱸᱱᱟ ᱾ ᱚᱱᱟ ᱥᱟᱶᱛᱮ ᱥᱚᱸᱫᱷᱟᱲ ᱥᱩᱱᱩᱢ ᱛᱟᱦᱮᱸᱱᱟ ᱾ ᱚᱱᱟᱛᱮ ᱥᱟᱥᱟᱝ ᱥᱟᱠᱟᱢ ᱛᱮ ᱯᱚᱴᱚᱢ ᱠᱟᱛᱮ ᱯᱤᱴᱷᱟᱹ ᱠᱚ ᱛᱮᱭᱟᱨᱟ ᱾

ᱵᱮᱵᱷᱟᱨ

ᱥᱟᱥᱟᱝ ᱫᱟᱨᱮ ᱨᱮᱱᱟᱜ ᱢᱩᱬ ᱫᱚ ᱨᱟᱞ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱟ ᱾ ᱥᱟᱥᱟᱝ ᱫᱟᱨᱮ ᱨᱮᱱᱟᱜ ᱱᱚᱣᱟ ᱨᱮᱦᱮᱫ ᱜᱮ ᱥᱟᱥᱟᱝ ᱫᱚ ᱠᱚ ᱢᱮᱛᱟᱜ ᱠᱟᱱᱟ ᱾ ᱡᱟᱦᱟᱸ ᱫᱚ ᱵᱮᱨᱮᱞᱟᱜ ᱨᱚᱦᱚᱲ ᱠᱟᱛᱮ ᱠᱚ ᱵᱮᱵᱷᱟᱨᱟ ᱾

• ᱜᱤᱫᱽᱨᱟᱹ ᱦᱩᱭᱮᱱ ᱟᱨᱵᱟᱝ ᱦᱟᱲᱟᱢ ᱵᱩᱰᱷᱤ ᱫᱤᱱ ᱦᱤᱞᱚᱜ ᱵᱮᱨᱮᱞ ᱥᱟᱥᱟᱝ ᱨᱟᱥᱟ ᱧᱩ ᱞᱮᱠᱷᱟᱱ ᱦᱚᱲᱢᱚ ᱨᱮ ᱫᱟᱲᱮᱭ ᱯᱮᱨᱮᱡᱟ ᱟᱨ ᱦᱚᱲᱢᱚ ᱨᱮᱱᱟᱜ ᱨᱩᱣᱟ

ᱠᱚᱭ ᱥᱟᱦᱟᱭᱟ ᱾

• ᱨᱤᱫ ᱥᱟᱥᱟᱝ ᱦᱚᱲᱢᱚ ᱨᱮ ᱚᱡᱚᱜ ᱞᱮᱱ ᱠᱷᱟᱱ ᱦᱚᱲᱢᱚ ᱨᱮ ᱜᱷᱟᱣ ᱡᱟᱨ ᱵᱟᱝ ᱦᱩᱭᱩᱜ-ᱟ ᱟᱨ ᱧᱤᱫᱟᱹ ᱵᱮᱲᱟ ᱞᱟᱜᱟᱣ ᱠᱟᱛᱮᱢ ᱡᱟᱹᱨᱤᱫᱽ ᱠᱷᱟᱱ ᱡᱟᱹᱯᱤᱫ ᱵᱮᱥ ᱦᱤᱡᱩᱜ-ᱟ ᱾
• ᱯᱤᱛ, ᱟᱢᱵᱚᱞ ᱮᱢᱟᱱ ᱨᱩᱣᱟᱹ ᱠᱚ ᱨᱮ ᱵᱮᱨᱮᱞ ᱥᱟᱥᱟᱝ ᱨᱟᱥᱟ ᱜᱩᱲ ᱥᱟᱞᱟᱜ ᱧᱩ ᱞᱮᱠᱷᱟᱱ ᱞᱟᱵᱽ ᱧᱟᱢᱚᱜ-ᱟ ᱾
• ᱥᱟᱥᱟᱝ ᱫᱚ ᱢᱚᱥᱞᱟ ᱞᱮᱠᱟᱛᱮ ᱦᱚᱸ ᱠᱚ ᱵᱮᱵᱷᱟᱨ ᱜᱮᱭᱟ ᱾ ᱥᱤᱧᱚᱛ ᱨᱮ ᱱᱚᱣᱟ ᱫᱚ ᱠᱩᱥᱤᱭᱟᱱᱟᱜ ᱢᱚᱥᱞᱟ ᱠᱟᱱᱟ ᱾ ᱱᱚᱣᱟ ᱫᱚ ᱤᱥᱤᱱ ᱵᱟᱥᱟᱝᱟᱜ ᱨᱮ ᱨᱚᱝ ᱮ ᱨᱟᱠᱟᱵᱟ ᱾
• ᱠᱚᱧᱮ ᱥᱤᱧᱚᱛ ᱨᱮᱱᱟᱜ ᱤᱥᱤᱱ ᱵᱟᱥᱟᱝ ᱨᱮ ᱫᱚ ᱟᱹᱰᱤ ᱡᱟᱹᱥᱛᱤ ᱥᱟᱥᱟᱝ ᱠᱚ ᱵᱮᱵᱷᱟᱨᱟ ᱾

ᱵᱟᱨᱦᱮ ᱡᱚᱱᱚᱲ

• Turmeric, from the U.S. National Institutes of Health
• Turmeric List of Chemicals (Dr. Duke's)
• Plant Cultures: review of botany, history and uses
• Scientists say curry compound kills cancer cells