ᱥᱮᱨᱮᱧ

ᱥᱮᱨᱮᱧ ᱨᱮᱱᱟᱜ ᱡᱟᱭ ᱛᱮᱫ

ᱢᱚᱱᱮ ᱡᱤᱣᱤ ᱨᱮ ᱟᱹᱭᱠᱟᱹᱣᱜ ᱠᱟᱱ ᱨᱮᱱᱟᱜ ᱥᱟᱱᱟᱛᱮᱫ ᱯᱷᱚᱴᱮᱞ ᱞᱟᱹᱜᱤᱫ ᱥᱮ~ ᱚᱰᱚᱠᱚᱜ ᱠᱟᱱ ᱨᱟᱦᱟ ᱟᱛᱮ ᱨᱚᱲ ᱥᱮ ᱟᱲᱟᱝ ᱜᱮ

ᱥᱮᱨᱮᱧ

ᱯᱩᱭᱞᱩ ᱰᱟᱦᱟᱨ ᱥᱮᱨᱮᱧ-{ᱵᱟᱦᱟ, ᱢᱟᱜᱢᱚᱬᱮ, ᱞᱟᱜᱽᱬᱮ ᱠᱚᱨᱮ ᱥᱮᱨᱮᱧ ᱜᱟᱱᱚᱜ-ᱟ}

ᱪᱟᱯᱟᱠᱤᱭᱟ ᱵᱟᱲᱮ ᱫᱟᱨᱮ ᱞᱟᱛᱟᱨ ᱛᱮ, ᱵᱚᱭ ᱵᱤᱸᱫᱤ ᱡᱤᱞ ᱫᱚᱭ ᱫᱟᱹᱲ ᱠᱮᱫ-ᱟ ᱱᱟ, ᱢᱚᱱᱮ ᱛᱮ ᱢᱟᱸᱭ ᱱᱮᱜᱦᱚᱨ ᱠᱟᱱᱟ ᱱᱟ ᱾ ᱧᱮᱞᱮ ᱢᱮᱥᱮ ᱫᱟᱫᱟ ᱵᱚᱭ ᱵᱤᱸᱫᱤ ᱡᱤᱞ ᱫᱚ, ᱥᱟᱵᱮ ᱢᱮᱥᱮ ᱫᱟᱫᱟ ᱵᱚᱭ ᱵᱤᱸᱫᱤ ᱡᱤᱞ ᱫᱚ, ᱛᱩᱧᱮ ᱢᱮᱥᱮ ᱫᱟᱫᱟ ᱵᱚᱭ ᱵᱤᱸᱫᱤ ᱵᱤᱨ ᱡᱤᱞ ᱫᱚ ᱾

ᱯᱩᱭᱞᱩ ᱥᱮᱨᱮᱧ-ᱰᱟᱦᱟᱨ ᱯᱩᱭᱞᱩ ᱮᱱᱮᱡ-ᱰᱟᱦᱟᱨ ᱫᱚᱥᱟᱨ ᱥᱮᱨᱮᱧ-ᱞᱟᱜᱽᱬᱮ ᱫᱚᱥᱟᱨ ᱮᱱᱮᱡ-ᱞᱟᱜᱽᱬᱮ ᱛᱮᱥᱟᱨ ᱥᱮᱨᱮᱧ-ᱫᱚᱝ ᱛᱮᱥᱟᱨ ᱮᱱᱮᱡ-ᱫᱚᱝ ᱯᱩᱱᱟᱜ ᱥᱮᱨᱮᱧ-ᱫᱚᱝᱜᱮᱲ ᱯᱩᱱᱟᱜ ᱮᱱᱮᱡ-ᱫᱚᱝᱜᱮᱲ ᱢᱚᱬᱮᱭᱟᱜ ᱫᱚ-ᱯᱷᱤᱨᱠᱟᱹᱞ ᱚᱱᱟ ᱛᱟᱭᱚᱢ ᱛᱮ ᱵᱟᱦᱟ, ᱢᱟᱝᱢᱚᱬᱮ, ᱥᱚᱦᱨᱟᱭ, ᱨᱤᱸᱡᱟ, ᱠᱟᱨᱟᱢ, ᱴᱟᱱᱴᱟ ᱮᱢᱟᱱ ᱥᱮᱨᱮᱧ ᱮᱱᱮᱡ ᱠᱚ ᱡᱩᱜᱽ ᱡᱟᱹᱱᱤᱡ ᱛᱚᱝᱜᱮ ᱤᱫᱤ ᱭᱮᱱᱟ ᱾ ᱥᱮᱨᱮᱧ ᱠᱷᱚᱱ ᱮᱱᱮᱡ, ᱮᱱᱮᱡ ᱠᱷᱚᱱ ᱫᱩᱯᱩᱞᱟᱹᱲ, ᱫᱩᱯᱩᱞᱟᱹᱲ ᱠᱷᱚᱱ ᱡᱩᱯᱩᱨᱤ, ᱡᱩᱯᱩᱨᱤ ᱠᱷᱚᱱ ᱡᱟᱱᱟᱢ, ᱡᱟᱱᱟᱢ ᱠᱷᱚᱱ ᱫᱟ~ᱟᱱ, ᱫᱟ~ᱟᱱ ᱫᱟ~ᱟᱱ ᱛᱮᱜᱮ ᱥᱤᱨᱡᱚᱱ ᱮᱱᱟ ᱫᱚᱝ,

ᱱᱤᱛ ᱫᱚ ᱵᱚ ᱥᱮᱨᱮᱧᱟ ᱫᱚᱝ ᱫᱚᱝ ᱥᱮᱨᱮᱧ {ᱵᱟᱞᱮ ᱫᱚᱝ, ᱪᱷᱟᱹᱴᱭᱟᱹᱨ ᱫᱚᱝ, ᱮᱴᱟᱜ ᱚᱠᱛᱚ ᱦᱚᱸ ᱜᱟᱱᱚᱜ ᱜᱮᱭᱟ}

ᱫᱚᱝ ᱫᱚ ᱚᱠᱟᱨᱮ ᱵᱩᱥᱟᱹᱲ ᱞᱮᱱ, ᱫᱚᱝ ᱫᱚ ᱚᱠᱟᱨᱮ ᱡᱟᱱᱟᱢ ᱞᱮᱱ, ᱫᱚᱝ ᱫᱚ ᱞᱤᱥᱚᱭ ᱞᱚᱥᱚᱭ, ᱫᱚᱝ ᱫᱚ ᱱᱟᱯᱟᱭ ᱫᱚᱝ ᱫᱚ ᱾ ᱫᱚᱝ ᱫᱚ ᱦᱤᱦᱤᱲᱤ ᱨᱮ ᱵᱩᱥᱟᱹᱲ ᱞᱮᱱ, ᱫᱚᱝ ᱫᱚ ᱯᱤᱯᱤᱲᱤ ᱨᱮ ᱡᱟᱱᱟᱢ ᱞᱮᱱ, ᱫᱚᱝ ᱫᱚ ᱞᱤᱥᱚᱭ ᱞᱚᱥᱚᱭ, ᱫᱚᱝ ᱫᱚ ᱠᱩᱸᱵᱟᱹ ᱞᱚᱭᱚᱝ ᱨᱮ, ᱫᱚᱝ ᱫᱚ ᱱᱟᱯᱟᱭ ᱫᱚᱝ ᱫᱚ ᱾

ᱫᱚᱝ ᱥᱮᱨᱮᱧ {ᱵᱷᱟᱸᱰᱟᱱ ᱫᱚᱝ ᱠᱟᱱᱟ, ᱮᱴᱟᱜ ᱡᱚᱠᱷᱟᱜ ᱥᱮᱨᱮᱧ ᱦᱚᱸ ᱜᱟᱱᱚᱜ ᱜᱮᱭᱟ}

ᱚᱛ ᱡᱟᱱᱟᱢ ᱞᱮᱱᱟ ᱫᱷᱩᱵᱤ ᱜᱟᱥ ᱡᱟᱱᱟᱢ ᱞᱮᱱᱟ, ᱢᱟᱹᱱᱢᱤ ᱡᱟᱱᱟᱢ ᱞᱮᱱᱟ ᱫᱩᱠ ᱦᱚᱸ ᱡᱟᱱᱟᱱ ᱾ ᱠᱟᱸᱥᱟ ᱯᱤᱛᱚᱞ ᱡᱟᱱᱟᱢ ᱞᱮᱱᱟ ᱟᱹᱪᱩᱨ ᱵᱤᱦᱩᱨ ᱡᱟᱱᱟᱢ ᱞᱮᱱᱟ, ᱢᱟᱹᱱᱢᱤ ᱡᱟᱱᱟᱢ ᱞᱮᱱᱟ ᱫᱩᱠ ᱦᱚᱸ ᱡᱟᱱᱟᱢ ᱾

ᱫᱚᱝ ᱥᱮᱨᱮᱧ {ᱵᱟᱯᱞᱟ ᱫᱚᱝ ᱠᱟᱱᱟ, ᱮᱴᱟᱜ ᱡᱚᱠᱷᱟᱜ ᱥᱮᱨᱮᱧ ᱦᱚᱸ ᱜᱟᱱᱚᱜ ᱜᱮᱭᱟ}

ᱛᱚᱠᱚᱭ ᱥᱤᱨᱡᱟᱣ ᱞᱮᱫ-ᱟ ᱱᱚᱶᱟ ᱮᱱᱮᱡ ᱥᱮᱨᱮᱧ, ᱛᱚᱠᱚᱭ ᱥᱤᱨᱡᱟᱣ ᱞᱮᱫ-ᱟ ᱥᱤᱵᱤᱞ ᱨᱟᱦᱟ ᱾ ᱥᱤᱧ ᱪᱟᱸᱫᱚᱭ ᱥᱤᱨᱡᱟᱣ ᱞᱮᱫ-ᱟ ᱱᱚᱶᱟ ᱮᱱᱮᱡ ᱥᱮᱨᱮᱧ, ᱧᱤᱫᱟᱹᱪᱟᱸᱫᱚᱭ ᱥᱤᱨᱡᱟᱣ ᱞᱮᱫ-ᱟ ᱥᱤᱵᱤᱞ ᱨᱟᱦᱟ ᱾

ᱫᱚᱝ ᱥᱮᱨᱮᱧ {ᱱᱟᱜᱟᱢ ᱫᱚᱝ}

{ᱵᱟᱯᱞᱟ, ᱵᱷᱟᱸᱵᱟᱱ, ᱵᱟᱹᱦᱩ, ᱡᱟᱶᱟᱭ ᱧᱮᱞ ᱠᱚᱨᱮ ᱦᱚᱸ ᱥᱮᱨᱮᱧ ᱜᱟᱱᱚᱜ ᱜᱮᱭᱟ}

ᱥᱮᱫᱟᱭ ᱠᱷᱮᱨᱣᱟᱲ ᱫᱤᱥᱚᱢ ᱦᱮᱥᱮᱡ ᱥᱮᱠᱮᱡ ᱫᱤᱥᱚᱢ, ᱥᱮᱫᱟᱭ ᱠᱷᱮᱨᱣᱟᱲ ᱫᱤᱥᱚᱢ ᱪᱟᱢᱯᱟ ᱜᱟᱲ ᱨᱮ ᱾ ᱱᱟᱦᱟᱜ ᱠᱷᱮᱨᱣᱟᱲ ᱫᱤᱥᱚᱢ ᱦᱩᱨᱩᱫ ᱠᱷᱩᱱᱴᱩᱫ ᱫᱤᱥᱚᱢ, ᱱᱟᱦᱟᱜ ᱠᱷᱮᱨᱣᱟᱲ ᱫᱤᱥᱚᱢ ᱵᱩᱨᱩ ᱠᱚᱬ ᱨᱮ ᱾ ᱱᱟᱦᱟᱜ ᱠᱷᱮᱨᱣᱟᱲ ᱫᱤᱥᱚᱢ ᱜᱟᱰᱟ ᱰᱷᱤᱯ ᱨᱮ ᱾

ᱫᱚᱝ ᱥᱮᱨᱮᱧ {ᱱᱟᱜᱟᱢ ᱫᱚᱝ ᱠᱟᱱᱟ, ᱡᱚᱛᱚ ᱚᱠᱛᱚ ᱠᱮᱜᱮ ᱥᱮᱨᱮᱧ ᱜᱟᱱᱚᱜ-ᱟ}

ᱪᱟᱹᱭᱜᱟᱲ ᱪᱟᱢᱯᱟᱜᱟᱲ ᱞᱤᱞᱤᱵᱤᱛᱤ, ᱵᱟᱫᱚᱞᱤ ᱠᱚᱸᱭᱰᱟ ᱞᱤᱠᱷᱚᱱ ᱜᱚᱲᱦᱚᱱ, ᱪᱤᱠᱟᱹᱛᱮ ᱜᱟᱲ ᱫᱚᱵᱚᱱ ᱵᱟᱹᱜᱤᱭᱟᱫ-ᱟ ᱾ ᱪᱟᱹᱭᱜᱟᱲ ᱪᱟᱢᱯᱟᱜᱟᱲ ᱪᱟᱭᱟᱭᱮᱱᱟ, ᱵᱟᱫᱚᱞᱤ ᱠᱚᱸᱭᱰᱟ ᱵᱟᱜᱟᱦᱤᱭᱮᱱ, ᱚᱱᱟᱛᱮ ᱜᱟᱲ ᱫᱚᱵᱚᱱ ᱵᱟᱹᱜᱤᱭᱟᱫ-ᱟ ᱾

ᱫᱚᱝ ᱥᱮᱨᱮᱧ {ᱥᱟᱨᱱᱟ ᱫᱷᱚᱨᱚᱢ ᱫᱚᱝ, ᱡᱚᱛᱚ ᱚᱠᱛᱚ ᱜᱮ ᱥᱮᱨᱮᱧ ᱜᱟᱱᱚᱜ-ᱟ}

ᱟᱵᱚ ᱟᱹᱫᱤᱵᱟᱹᱥᱤ ᱥᱟᱱᱟᱱ ᱠᱷᱮᱨᱣᱟᱲ ᱡᱟᱹᱛᱤ, ᱞᱟᱥᱟᱬ ᱦᱮᱫᱜᱮ ᱛᱟᱵᱚ, ᱡᱟᱦᱮᱨ ᱜᱟᱲ ᱫᱚ ᱾ ᱥᱟᱨᱛᱮ ᱥᱟᱹᱜᱩᱱ ᱥᱟᱨᱱᱟ, ᱫᱷᱚᱨᱚᱢ ᱛᱷᱩᱢᱛᱮ ᱚᱱᱟ, ᱞᱟᱥᱟᱬ ᱦᱮᱫᱜᱮ ᱛᱟᱵᱚ, ᱥᱟᱨᱱᱟ ᱫᱷᱚᱨᱚᱢ ᱾

ᱫᱚᱝ ᱥᱮᱨᱮᱧ {ᱵᱟᱹᱦᱩ, ᱡᱟᱶᱟᱭ ᱧᱮᱞ ᱡᱚᱠᱷᱟᱜ ᱨᱮᱭᱟᱜ, ᱮᱴᱟᱜ ᱚᱠᱛᱚᱦᱚᱸᱥᱮᱨᱮᱧ ᱜᱟᱱᱚᱜ ᱜᱮᱭᱟ}

ᱪᱮᱞᱮ ᱟᱯᱮ ᱯᱮᱲᱟ ᱪᱮᱛᱮ ᱛᱟᱯᱮ ᱡᱟᱹᱛᱤ? ᱠᱚᱪᱮ ᱠᱟᱬᱵᱟ ᱯᱮᱲᱟ ᱦᱮᱸᱥᱮᱞ ᱯᱟᱭᱬᱟ, ᱛᱤ ᱨᱮ ᱟᱜ ᱥᱟᱨ ᱛᱟᱞᱮ ᱥᱟᱹᱨᱤ ᱥᱟᱯᱟᱵ, ᱡᱟᱹᱛᱤ ᱛᱟᱞᱮ ᱯᱮᱲᱟ ᱨᱤᱞᱟᱹᱢᱟᱞᱟ ᱾ ᱟᱯᱮ ᱫᱚ ᱪᱤᱞᱤ ᱪᱮᱛᱮ ᱛᱟᱯᱮ ᱡᱟᱹᱛᱤ? ᱠᱤᱛᱟᱹ ᱠᱟᱺᱦᱰᱩᱢ ᱯᱮᱲᱟ ᱨᱮᱭᱟᱲ ᱠᱟᱸᱫᱷᱟ, ᱛᱤ ᱨᱮ ᱢᱮᱱᱟᱜ ᱛᱟᱞᱮ ᱥᱚᱱᱮᱨ ᱥᱤᱠᱲᱤ, ᱡᱟᱹᱛᱤ ᱛᱟᱞᱮ ᱯᱮᱲᱟ ᱪᱮᱨᱮᱡ ᱵᱮᱨᱮᱡ ᱾

ᱫᱚᱝ ᱥᱮᱨᱮᱧ {ᱠᱩᱲᱤ ᱜᱤᱫᱽᱨᱟᱹ ᱵᱤᱫᱟᱹᱭ ᱚᱠᱛᱚ ᱨᱮᱱᱟᱜ}

ᱥᱟᱹᱜᱤᱧ ᱫᱤᱥᱚᱢ ᱢᱤᱨᱩ ᱥᱟᱹᱜᱤᱧ ᱱᱟᱸᱭᱦᱟᱹᱨ, ᱡᱚᱱᱚᱢᱮᱨ ᱡᱩᱜᱽ ᱢᱤᱨᱩ ᱜᱟᱛᱮ ᱟᱯᱟᱫ ᱾ ᱨᱩᱣᱟᱜ ᱦᱟᱹᱥᱩᱜ ᱢᱤᱨᱩ ᱠᱷᱚᱵᱚᱨ ᱥᱮᱴᱮᱨᱚᱜ ᱛᱮ, ᱫᱷᱩᱵᱤ ᱛᱟᱥᱟᱫ ᱢᱤᱨᱩ ᱚᱢᱚᱱ ᱟᱢ ᱫᱚ ᱾

ᱫᱚᱝ ᱥᱮᱨᱮᱧ {ᱡᱚᱛᱚ ᱚᱠᱛᱚ ᱨᱮᱜᱮ ᱥᱮᱨᱮᱧ ᱜᱟᱱᱚᱜ-ᱟ}

ᱠᱩᱞᱦᱤ ᱢᱩᱪᱟᱹᱫ ᱨᱮᱢᱟ, ᱥᱟᱹᱜᱩᱱ ᱯᱮᱨᱮᱡ ᱴᱷᱤᱞᱤ, ᱵᱚᱞᱚᱱ ᱜᱮᱭᱟᱹᱧ ᱟᱹᱛᱩ, ᱯᱮᱲᱟ ᱦᱤᱨᱤ ᱾ ᱠᱩᱞᱤᱭᱤᱧ ᱨᱮᱦᱚᱸ ᱠᱚ, ᱵᱟᱠᱚ ᱠᱩᱞᱤᱧ ᱨᱮᱦᱚᱸ, ᱤᱧ ᱛᱤᱧ ᱞᱟᱹᱭ ᱥᱚᱫᱚᱨᱚᱜ, ᱴᱩᱣᱟᱨ ᱥᱚᱨᱮᱱ ᱾

ᱫᱚᱝ ᱥᱮᱨᱮᱧ {ᱫᱷᱚᱨᱚᱢ ᱫᱚᱝ}

{ᱡᱚᱛᱚ ᱚᱠᱛᱚ ᱨᱮᱜᱮ ᱥᱮᱨᱮᱧ ᱜᱟᱱᱚᱜ-ᱟ}

ᱪᱤᱠᱟᱹᱛᱮ ᱠᱩᱸᱭᱰᱤ ᱥᱩᱱᱩᱢᱟᱱᱟ, ᱪᱤᱠᱟᱹᱛᱮ ᱢᱟᱛᱠᱚᱢ ᱨᱟᱥᱟᱦᱟᱱᱟ ᱾ ᱡᱤᱣᱤᱨᱮ ᱫᱷᱚᱨᱚᱢ ᱥᱟᱹᱨᱤᱭᱟᱱᱟ, ᱫᱷᱟᱹᱨᱛᱤᱨᱮ ᱫᱷᱚᱨᱚᱢ ᱢᱟᱰᱮᱨᱮᱱᱟ ᱾

ᱞᱟᱜᱽᱬᱮ ᱥᱮᱨᱮᱧ {ᱨᱮᱸᱜᱮᱡ ᱦᱚᱲ ᱦᱟᱥᱟ ᱞᱟ~ ᱡᱚᱠᱷᱟᱜ ᱮ ᱥᱮᱮᱧ ᱡᱚᱝ ᱠᱟᱱᱟ}

ᱛᱟ~ ᱞᱟ ᱥᱤ~ ᱛᱩᱝ ᱨᱮ~ ᱦᱟᱥᱟᱧ ᱞᱟ~ᱞᱟ ᱠᱟᱱ,ᱚ~ᱲᱟᱜ ᱨᱮ ᱮᱨᱟ ᱦᱚᱯᱚᱱ ᱨᱮᱸ~ᱜᱮᱡ ᱡᱟ~ᱞᱟ ᱛᱮ ᱾ ᱚᱛ ᱞᱚ~ᱞᱚ ᱠᱟᱱᱟ ᱥᱮᱨᱢᱟ ᱥᱤ~ᱛᱩᱝ ᱠᱟᱱ,ᱨᱤ~ᱢᱤ~ᱞ ᱜᱚᱫᱽᱢᱮ ᱪᱟ~ᱫᱚ ᱩ~ᱢᱩᱞ ᱠᱟ.~ᱧ ᱢᱮ ᱾

ᱞᱟᱜᱽᱬᱮ ᱥᱮᱨᱮᱧ {ᱡᱚᱛᱚ ᱚᱠᱛᱚᱜᱮ ᱥᱮᱨᱮᱧ ᱜᱟᱱᱚᱜ-ᱟ}

ᱡᱟᱱᱟᱢ ᱟᱹᱛᱩ ᱡᱟᱱᱟᱢ ᱫᱤᱥᱚᱢ, ᱨᱟᱹᱥᱠᱟᱹ ᱞᱟᱞᱮ ᱪᱟᱯᱮ, ᱡᱟᱱᱟᱢ ᱟᱭᱳ ᱵᱟᱵᱟ ᱠᱚᱞᱮ, ᱫᱩᱞᱟᱹᱲ ᱞᱟᱞᱮ ᱪᱟᱯᱮ ᱾ ᱦᱚᱭ ᱥᱤᱛᱩᱝ ᱨᱟᱵᱟᱝ ᱡᱟᱹᱯᱩᱫ ᱨᱮᱸᱜᱮᱡ ᱛᱮᱛᱟᱝ ᱡᱟᱞᱟ, ᱛᱚᱣᱟ ᱫᱟᱨᱮ ᱜᱚᱢᱦᱮᱲ ᱩᱢᱩᱞ, ᱛᱟᱦᱮᱱ ᱨᱤᱞᱟᱹ ᱢᱟᱞᱟ ᱾

ᱞᱟᱜᱽᱬᱮ

ᱰᱟᱹᱝᱜᱩᱣᱟ ᱦᱚᱲᱢᱚ ᱞᱤᱠ ᱞᱤᱠ, ᱞᱤᱠ ᱞᱤᱠ ᱠᱮᱢ ᱫᱟᱬᱟ ᱵᱟᱲᱟᱭ ᱾ ᱪᱟᱢᱯᱟ ᱵᱟᱦᱟ ᱨᱩᱯᱫᱚ, ᱵᱟᱦᱟ ᱛᱩᱞᱟᱹᱢ ᱦᱚᱲᱢᱚ, ᱵᱟᱦᱟ ᱨᱟᱥᱟᱢ ᱪᱮᱯᱮᱡ ᱵᱷᱟᱶᱟᱨ ᱡᱟᱹᱞᱤ ᱥᱟᱵᱚᱜ ᱾