ᱢᱮᱥᱳᱯᱳᱴᱟᱢᱤᱭᱟ

ᱢᱮᱥᱳᱯᱳᱴᱟᱢᱤᱭᱟ ᱯᱟᱥᱱᱟᱣ ᱠᱟᱛᱮ ᱥᱚᱫᱚᱨ ᱟᱠᱟᱱ ᱢᱟᱱᱪᱤᱛᱟᱹᱨ

ᱢᱮᱥᱳᱯᱳᱴᱟᱢᱤᱭᱟ

ᱢᱮᱥᱳᱯᱳᱴᱟᱢᱤᱭᱟ ᱨᱮᱭᱟᱜ ᱜᱨᱤᱠ ᱢᱮᱱᱮᱛ ᱫᱚ "ᱵᱟᱨᱭᱟ ᱜᱟᱰᱟ ᱛᱟᱞᱟᱨᱮ" ᱾ ᱱᱚᱣᱟ ᱴᱚᱴᱷᱟ ᱫᱚ ᱫᱚᱡᱽᱞᱟ (ᱴᱤᱜᱽᱨᱤᱥ) ᱟᱨ ᱯᱷᱩᱨᱟᱛ (ᱤᱭᱩᱯᱷᱨᱮᱴᱤᱥ) ᱜᱟᱰᱟ ᱨᱮᱭᱟᱜ ᱛᱟᱞᱟᱢᱟᱞᱟ ᱴᱚᱴᱷᱟᱨᱮ ᱯᱟᱲᱟᱣᱜᱼᱟ ᱾ ᱱᱚᱣᱟ ᱨᱮ ᱟᱫᱷᱩᱱᱤᱠ ᱤᱨᱟᱠ ᱵᱟᱵᱤᱞ ᱦᱚᱱᱚᱛ, ᱩᱛᱚᱨ ᱯᱩᱨᱩᱵᱽ ᱥᱤᱨᱤᱭᱟ, ᱫᱩᱠᱷᱤᱱ ᱯᱩᱨᱩᱵᱽ ᱛᱩᱨᱠᱤ ᱟᱨ ᱤᱨᱟᱱ ᱨᱮᱭᱟᱜ ᱠᱩᱡᱮᱥᱛᱷᱟᱱ ᱥᱩᱨ ᱨᱮᱭᱟᱜ ᱴᱚᱴᱷᱟ ᱥᱮᱞᱮᱫ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱠᱟᱸᱥᱟ ᱡᱩᱜᱽ ᱥᱚᱵᱷᱭᱚᱛᱟ ᱨᱮᱭᱟᱜ ᱮᱛᱚᱦᱚᱵ ᱴᱷᱟᱶ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱾ ᱱᱚᱰᱮ ᱥᱩᱢᱮᱨ, ᱚᱠᱚᱫᱤ ᱥᱚᱥᱱᱚᱜ, ᱵᱮᱵᱤᱞᱚᱱ ᱟᱨ ᱚᱥᱤᱨᱤᱭᱟ ᱨᱮᱭᱟᱜ ᱥᱟᱢᱨᱟᱡᱽ ᱵᱷᱮᱜᱟᱨ-ᱵᱷᱮᱜᱟᱨ ᱚᱠᱛᱚ ᱨᱮ ᱛᱷᱟᱯᱚᱱ ᱦᱩᱭ ᱞᱮᱱᱟ ᱾ ᱦᱚᱨᱚᱯᱟ ᱥᱚᱥᱱᱚᱜ ᱨᱮ ᱢᱮᱥᱳᱯᱳᱴᱟᱢᱤᱭᱟ ᱫᱚ 'ᱢᱮᱞᱩᱦᱟ' ᱢᱮᱱᱛᱮ ᱠᱚ ᱢᱮᱛᱟᱜᱼᱟ ᱾

ᱱᱚᱣᱟ ᱜᱟᱰᱟ ᱨᱮᱭᱟᱜ ᱢᱩᱴᱷᱟᱹᱱ ᱨᱮ ᱥᱩᱢᱮᱨᱤᱭᱟᱹ ᱛᱟᱞᱟᱨᱮ ᱵᱮᱵᱤᱞᱚᱱᱤᱭᱟ ᱟᱨ ᱩᱛᱚᱨ ᱨᱮ ᱚᱥᱤᱨᱤᱭᱟ ᱥᱚᱥᱱᱚᱜ ᱵᱮᱱᱟᱣ ᱨᱟᱠᱟᱵ ᱮᱱᱟ ᱾ ᱱᱚᱣᱟ ᱥᱚᱥᱱᱚᱜ ᱠᱚ ᱤᱫᱤᱠᱟᱛᱮ ᱱᱚᱝᱠᱟ ᱠᱟᱛᱷᱟ ᱦᱮᱡ ᱟᱹᱜᱩ ᱟᱠᱟᱱᱟ ᱫᱚ ᱥᱩᱢᱮᱨᱤᱭᱟ ᱫᱚ ᱥᱚᱥᱱᱚᱜ ᱮ ᱡᱟᱱᱟᱢ ᱟᱠᱟᱜᱼᱟ ᱵᱮᱵᱤᱞᱚᱱᱤᱭᱟ ᱫᱚ ᱱᱚᱣᱟ ᱩᱛᱱᱟᱹᱣ ᱨᱮᱭᱟᱜ ᱞᱟᱯᱷᱟᱝ ᱴᱷᱟᱶ ᱫᱷᱟᱹᱵᱤᱡ ᱮ ᱥᱮᱴᱮᱨ ᱠᱮᱜᱼᱟ ᱟᱨ ᱚᱥᱤᱨᱤᱭᱟ ᱫᱚ ᱱᱚᱣᱟᱭ ᱢᱩᱪᱟᱹᱫ ᱠᱮᱜᱼᱟ ᱾ ᱫᱚᱥᱟᱨ ᱟᱹ ᱲᱟᱹ ᱛᱮ ᱥᱩᱢᱮᱨᱤᱭᱟ, ᱵᱮᱵᱤᱞᱚᱱᱤᱭᱟ, ᱚᱥᱤᱨᱤᱭᱟ ᱱᱚᱣᱟ ᱯᱮᱭᱟ ᱥᱚᱥᱱᱚᱜ ᱟᱜ ᱥᱮᱱᱮᱞᱮᱫ ᱛᱮ ᱡᱟᱦᱟᱸ ᱥᱚᱥᱱᱚᱜ ᱵᱮᱱᱟᱣ ᱨᱟᱠᱟᱵ ᱮᱱᱟ ᱚᱱᱟᱜᱮ ᱢᱮᱥᱳᱯᱳᱴᱟᱢᱤᱭᱟ ᱥᱚᱥᱱᱚᱜ ᱢᱮᱱᱛᱮ ᱠᱚ ᱢᱮᱛᱟᱫᱼᱟ ᱾ ᱢᱮᱥᱳᱯᱳᱴᱟᱢᱤᱭᱟ ᱨᱮ ᱯᱩᱱᱭᱟᱹ ᱧᱩᱛᱩᱢᱟᱱ ᱥᱚᱥᱱᱚᱜ ᱢᱮᱱᱟᱜᱼᱟ, ᱥᱩᱢᱮᱨᱤᱭᱟ, ᱵᱮᱵᱤᱞᱚᱱ, ᱚᱥᱤᱨᱤᱭᱟ ᱠᱮᱞᱰᱨᱤᱭᱟ ᱾

ᱥᱩᱢᱮᱨᱤᱭᱟ ᱥᱚᱥᱱᱚᱜ

᱑᱘ ᱟᱱᱟᱜ ᱥᱚᱛᱟᱵᱽᱫᱤ ᱫᱷᱟᱹᱵᱤᱡ ᱥᱚᱝᱥᱟᱨ ᱱᱚᱣᱟ ᱢᱟᱦᱟᱱ ᱢᱟᱹᱱᱢᱤ ᱥᱚᱥᱱᱚᱜ ᱨᱮᱭᱟᱜ ᱜᱮᱭᱟᱱ ᱠᱷᱚᱱ ᱟᱹᱰᱤ ᱥᱟᱺᱜᱤᱧ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱑᱙ ᱟᱱᱟᱜ ᱥᱚᱛᱟᱵᱽᱫᱤ ᱨᱮᱭᱟᱜ ᱮᱛᱚᱦᱚᱵ ᱨᱮ ᱤᱸᱜᱽᱞᱚᱸᱰ ᱟᱨ ᱯᱷᱨᱟᱱᱥ ᱨᱮᱭᱟᱜ ᱯᱩᱨᱵᱤᱫᱟᱥ ᱫᱚ ᱱᱚᱣᱟ ᱥᱚᱥᱱᱚᱜ ᱠᱚ ᱯᱟᱱᱛᱮ ᱧᱟᱢ ᱨᱮ ᱡᱤᱛᱠᱟᱹ ᱨᱮ ᱟᱢᱮᱴ ᱠᱮᱜᱼᱟ ᱾ ᱑᱘᱕᱐ ᱮᱰᱤ ᱨᱮ ᱤᱸᱜᱽᱞᱤᱥ ᱯᱩᱨᱵᱤᱫᱟᱥ ᱨᱟᱞᱤᱱᱥᱚᱱ ᱫᱚ ᱵᱤᱦᱤᱥᱛᱩᱱ ᱥᱩᱨ ᱨᱮ ᱢᱤᱫ ᱫᱷᱤᱨᱤ ᱚᱞ ᱮ ᱯᱟᱱᱛᱮ ᱧᱟᱢ ᱠᱮᱜᱼᱟ ᱾ ᱱᱚᱣᱟ ᱫᱷᱤᱨᱤ ᱚᱞ ᱨᱮ ᱯᱷᱟᱨᱥᱤ ᱟᱨ ᱵᱮᱵᱤᱞᱚᱱᱤᱭᱟ ᱯᱟᱹᱨᱥᱤ ᱨᱮᱭᱟᱜ ᱢᱮᱥᱟ ᱜᱚᱲᱦᱚᱱ ᱛᱟᱦᱮᱸ ᱠᱟᱱᱟ ᱾ ᱟᱨ ᱵᱟᱹᱲᱛᱤ ᱠᱩᱨᱩᱢᱩᱴᱩ ᱛᱟᱭᱚᱢ ᱨᱟᱞᱤᱱᱥᱚᱱ ᱫᱚ ᱱᱚᱣᱟ ᱯᱟᱲᱦᱟᱣ ᱫᱟᱲᱮᱭᱟᱜ ᱨᱮ ᱡᱤᱛᱠᱟᱹ ᱨᱮ ᱟᱢᱮᱴ ᱞᱮᱜᱼᱟ ᱾ ᱟᱨ ᱚᱨᱡᱚ ᱞᱮᱠᱟᱛᱮ ᱢᱮᱥᱳᱯᱳᱴᱟᱢᱤᱭᱟ ᱨᱮᱭᱟᱜ ᱫᱟᱯᱟᱞ ᱥᱟᱦᱟ ᱮᱱᱟ ᱾

ᱫᱷᱤᱨᱤ ᱚᱞ

ᱦᱮᱸᱫᱮ ᱫᱷᱤᱨᱤ ᱛᱮ ᱢᱤᱫᱴᱟᱹᱜ ᱟᱨ ᱢᱤᱫᱴᱟᱹᱜ ᱫᱷᱤᱨᱤ ᱚᱞ ᱑᱙᱐᱑ ᱥᱟᱞᱮᱨᱮ ᱥᱩᱥᱟ ᱟᱢᱮᱴ ᱟᱠᱟᱫ ᱫᱷᱤᱨᱤ ᱪᱟᱴᱟᱱᱤ ᱨᱮ ᱵᱮᱵᱤᱞᱚᱱᱤᱭᱟ ᱯᱟᱹᱨᱥᱤ ᱛᱮ ᱢᱤᱫ ᱞᱮᱜᱟᱞ ᱠᱳᱰ ᱚᱞ-ᱛᱚᱞ ᱛᱟᱦᱮᱸ ᱠᱟᱱᱟ ᱾ ᱑᱙ ᱟᱱᱟᱜ ᱥᱚᱫᱤ ᱨᱮ ᱑ᱮ ᱮᱛᱚᱦᱚᱵ ᱨᱮᱜᱮ ᱥᱟᱨ ᱞᱤᱣᱱᱟᱨᱰ ᱣᱩᱞᱤ ᱫᱚ ᱤᱨᱟᱱ ᱨᱮᱭᱟᱜ ᱟᱹᱰᱤ ᱢᱟᱨᱮ ᱱᱟᱜᱟᱨ ᱩᱨ ᱨᱮᱭᱟᱜ ᱞᱟ ᱠᱟᱛᱮ ᱟᱹᱰᱤ ᱞᱟᱹᱠᱛᱤ ᱟᱱᱟᱜ ᱡᱤᱱᱤᱥ ᱮ ᱧᱟᱢ ᱠᱮᱜᱼᱟ ᱚᱱᱟ ᱱᱟᱜᱟᱨ ᱨᱮᱭᱟᱜ ᱞᱟ ᱛᱚᱞᱟᱥ ᱨᱮ ᱦᱟᱥᱟ ᱨᱮᱭᱟᱜ ᱥᱟᱨᱮᱡ ᱟᱠᱟᱱ ᱢᱟᱨᱮ ᱚᱲᱟᱜ, ᱟᱹᱰᱤ ᱞᱮᱠᱟᱝ ᱵᱟᱰᱚᱦᱤ ᱜᱚᱲᱦᱚᱱ ᱡᱟᱭ ᱥᱟᱢᱟᱱ ᱟᱨ ᱫᱤᱥᱚᱢ ᱥᱟᱥᱚᱱᱤᱭᱟᱹ ᱠᱚᱣᱟᱜ ᱢᱟᱬ ᱜᱷᱟᱹᱴᱤ ᱟᱨ ᱦᱚᱸ ᱟᱹᱰᱤ ᱜᱟᱱ ᱛᱚᱞᱟᱥ ᱧᱟᱢ ᱮᱱᱟ ᱾ ᱱᱚᱶᱟ ᱞᱟ ᱛᱚᱞᱟᱥ ᱨᱮ ᱧᱟᱢ ᱮᱱ ᱞᱮᱠᱟᱱ ᱞᱮᱠᱟᱱ ᱡᱤᱱᱤᱥ ᱟᱨ ᱫᱷᱤᱨᱤ ᱚᱞ ᱯᱟᱲᱦᱟᱣ ᱠᱮᱫ ᱛᱟᱭᱚᱢ ᱢᱮᱥᱳᱯᱳᱴᱟᱢᱤᱭᱟ ᱨᱮᱭᱟᱜ ᱢᱟᱦᱟᱱ ᱥᱚᱥᱱᱚᱜ ᱢᱟᱹᱱᱢᱤ ᱠᱚᱣᱟᱜ ᱥᱚᱫᱚᱨ ᱥᱟᱢᱟᱝ ᱛᱮ ᱦᱮᱡ ᱮᱱᱟ ᱾

ᱥᱚᱥᱱᱚᱜ ᱨᱤᱱ ᱢᱩᱬ ᱵᱚᱥᱠᱚᱫᱤᱭᱟᱹ

ᱥᱩᱢᱮᱨᱤᱭᱟ ᱥᱚᱥᱱᱚᱜ ᱨᱤᱱᱤᱡ ᱡᱟᱱᱟᱢ ᱫᱟᱛᱟ ᱫᱚ ᱚᱠᱚᱭ ᱮ ᱛᱟᱦᱮᱸ ᱠᱟᱱᱟ ᱱᱚᱶᱟ ᱠᱩᱠᱞᱤ ᱫᱚ ᱢᱤᱫ ᱵᱤᱵᱟᱹᱫᱽ ᱞᱮᱠᱟᱜᱮ ᱾ ᱱᱚᱶᱟ ᱥᱚᱥᱱᱚᱜ ᱨᱤᱱ ᱢᱩᱬ ᱵᱚᱥᱠᱚᱫᱤᱭᱟᱹ ᱠᱚ ᱤᱫᱤ ᱠᱟᱛᱮ ᱴᱷᱟᱹᱣᱠᱟᱹ ᱯᱚᱨᱢᱟᱱ ᱨᱮᱭᱟᱜ ᱟᱱᱟᱴ ᱢᱮᱱᱟᱜᱼᱟ ᱾ ᱡᱟᱦᱟᱸ ᱠᱷᱟᱹᱛᱤᱨ ᱜᱩᱨᱩ ᱯᱚᱸᱰᱤᱛ ᱠᱚᱣᱟᱜ ᱩᱭᱦᱟᱹᱨ ᱦᱩᱫᱤᱥ ᱨᱮ ᱟᱹᱰᱤ ᱵᱷᱮᱜᱟᱨ ᱛᱟᱦᱮᱸ ᱟᱹᱜᱩ ᱟᱠᱟᱱᱟ ᱾ ᱛᱤᱱᱟᱹᱝ ᱜᱟᱱ ᱯᱚᱸᱰᱤᱛ ᱠᱚᱣᱟᱜ ᱱᱚᱣᱟ ᱢᱚᱱᱚᱛ ᱠᱟᱱᱟ ᱫᱚ ᱥᱩᱢᱮᱨᱤᱭᱟ ᱨᱤᱱ ᱢᱩᱬ ᱵᱚᱥᱠᱚᱫᱤᱭᱟᱹ ᱢᱚᱝᱜᱚᱞ ᱟᱨᱵᱟᱝ ᱫᱨᱟᱵᱤᱰ ᱠᱚ ᱛᱟᱦᱮᱸ ᱡᱟᱦᱟᱸᱱ ᱠᱚᱜ ᱠᱷᱟᱱ ᱫᱩᱥᱨᱟᱹ ᱯᱚᱸᱰᱤᱛ ᱠᱚᱣᱟᱜ ᱢᱚᱱᱚᱛ ᱫᱚ ᱥᱩᱢᱮᱨᱤᱭᱟ ᱥᱚᱥᱱᱚᱜ ᱨᱮᱫᱚ ᱟᱨᱡᱚ ᱟᱨ ᱫᱨᱟᱵᱤᱰ ᱥᱚᱥᱱᱚᱜ ᱟᱜ ᱨᱤᱛ ᱵᱤᱦᱤᱛ ᱯᱮᱨᱮᱡ ᱟᱠᱟᱱᱟ ᱾ ᱛᱤᱱᱟᱹᱝ ᱜᱟᱱ ᱱᱟᱜᱟᱢᱤᱭᱟᱹ ᱠᱚ ᱞᱮᱠᱟᱛᱮ ᱫᱚᱨᱭᱟ ᱛᱟᱞᱟ ᱨᱤᱱ ᱦᱚᱲ ᱥᱩᱢᱮᱨᱤᱭᱟ ᱥᱚᱥᱱᱚᱜ ᱨᱤᱱ ᱡᱟᱱᱟᱢ ᱫᱟᱛᱟ ᱫᱚ ᱠᱚ ᱛᱟᱦᱮᱸ ᱠᱟᱱᱟ ᱾ ᱤᱠᱷᱟᱹᱱ ᱰᱚᱸ ᱠᱤᱛᱷ ᱟᱜ ᱢᱚᱱᱚᱛ ᱫᱚ ᱱᱚᱶᱟ ᱡᱮ ᱥᱚᱱᱫᱷᱩ ᱟᱨ ᱥᱩᱢᱮᱨᱤᱭᱟᱱ ᱵᱟᱱᱟᱨ ᱥᱚᱥᱱᱚᱜ ᱨᱮᱜᱮ ᱞᱟᱹᱠᱛᱤ ᱞᱮᱠᱟᱱ ᱥᱚᱢᱟᱱᱛᱟ ᱨᱮᱭᱟᱜ ᱡᱷᱚᱞᱚᱠ ᱧᱮᱞᱚᱜᱼᱟ ᱾

ᱥᱟᱹᱠᱷᱭᱟᱹᱛ

http://www.bbc.co.uk/history/ancient/cultures/mesopotamia_gallery.shtml

http://www.historyandpolicy.org/papers/policy-paper-13.html

https://doi.org/10.1086%2F371676

https://en.m.wikipedia.org/wiki/OCLC

https://www.worldcat.org/oclc/624382576

ᱵᱟᱦᱨᱮ ᱡᱚᱱᱚᱲ

http://www.ancientopedia.com/Mesopotamia/

http://www.mesopotamia.co.uk/

https://web.archive.org/web/20070721235759/http://fax.libs.uga.edu/DS49xB8x1920/

http://fax.libs.uga.edu/DS49x2xM465D/1f/dweller_in_mesopotamia.pdf

http://fax.libs.uga.edu/DS69x5xH236M/1f/mesopotamian_archaeology.pdf

http://www.wdl.org/en/item/11773/