ᱣᱟᱞᱴ ᱰᱤᱥᱱᱤ

ᱣᱟᱞᱴ ᱰᱤᱥᱱᱤ

ᱣᱟᱞᱴᱚᱨ ᱮᱞᱤᱭᱟᱥ ᱰᱤᱥᱱᱤ (᱕ ᱰᱤᱥᱮᱢᱵᱚᱨ ᱑᱙᱐᱑ - ᱑᱕ ᱰᱤᱥᱮᱢᱵᱚᱨ ᱑᱙᱖᱖) ᱫᱚ ᱢᱤᱫ ᱟᱢᱮᱨᱤᱠᱤᱭᱟᱹ ᱥᱤᱱᱢᱟᱹ ᱵᱮᱱᱟᱣᱤᱡ, ᱩᱫᱩᱜᱤᱭᱟᱹ, ᱠᱟᱛᱷᱟ ᱚᱱᱚᱞᱤᱭᱟᱹ, ᱥᱠᱨᱤᱱ ᱨᱟᱭᱴᱚᱨ, ᱮᱱᱤᱢᱮᱴᱚᱨ, ᱤᱱᱴᱚᱨᱯᱨᱮᱴᱚᱨ, ᱢᱚᱱᱮᱨᱚᱢᱚᱡᱤᱭᱟᱹ, ᱡᱮᱜᱮᱛ ᱨᱤᱱᱤᱡ ᱧᱩᱛᱩᱢᱟᱹᱱᱤᱡ, ᱟᱨ ᱥᱟᱶᱛᱟ ᱥᱩᱥᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱰᱤᱥᱱᱤ ᱵᱟᱜᱮ ᱥᱚᱛᱟᱵᱽᱫᱷᱤ ᱨᱮᱭᱟᱜ ᱚᱠᱛᱚ ᱨᱮᱫᱚ ᱢᱚᱱᱮᱨᱚᱢᱚᱡᱤᱭᱟᱹ ᱨᱮ ᱟᱡᱟᱜ ᱮᱱᱮᱢ ᱞᱟᱹᱜᱤᱫ ᱧᱩᱛᱩᱢᱟᱱ ᱴᱷᱟᱶ ᱮ ᱟᱢᱮᱴ ᱟᱠᱟᱜᱼᱟ ᱾ ᱣᱟᱞᱴ ᱰᱤᱥᱱᱤ ᱫᱚ ᱟᱡᱤᱡ ᱵᱚᱭᱦᱟ ᱨᱟᱭ ᱳ ᱰᱤᱥᱱᱤ ᱥᱟᱶ ᱥᱮᱞᱮᱫ ᱠᱟᱛᱮ ᱣᱟᱞᱴ ᱰᱤᱥᱱᱤ ᱯᱨᱚᱰᱚᱠᱥᱳᱱ ᱠᱤᱱ ᱛᱷᱟᱯᱚᱱ ᱞᱮᱜᱼᱟ ᱾ ᱰᱤᱥᱱᱤ ᱢᱤᱫ ᱚᱠᱛᱚᱨᱮ ᱫᱩᱱᱤᱭᱟᱹ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱤᱱᱢᱟᱹ ᱵᱮᱱᱟᱣᱤᱭᱟᱹ ᱠᱷᱚᱱ ᱢᱤᱫ ᱦᱚᱲ ᱮ ᱦᱩᱭ ᱞᱮᱱᱟ ᱾ ᱩᱱᱤ ᱦᱚᱛᱮᱛᱮ ᱛᱷᱟᱯᱚᱱ ᱞᱮᱱ ᱠᱚᱨᱯᱚᱨᱮᱥᱳᱱ ᱫᱚ ᱱᱤᱛᱚᱜ ᱣᱟᱞᱴ ᱰᱤᱥᱱᱤ ᱧᱩᱛᱩᱢ ᱛᱮ ᱱᱤᱛᱚᱜ ᱵᱟᱰᱟᱭᱚᱜ ᱠᱟᱱᱟ ᱟᱨ ᱚᱱᱟ ᱨᱮᱭᱟᱜ ᱥᱮᱨᱢᱟᱠᱤᱭᱟᱹ ᱠᱟᱨᱵᱟᱨ ᱫᱚ ᱛᱮᱦᱮᱧ ᱥᱩᱨᱥᱩᱯᱩᱨ ᱓᱕ ᱵᱤᱞᱤᱭᱚᱱ ᱟᱢᱮᱨᱤᱠᱟ ᱰᱳᱞᱟᱨ ᱵᱟᱨᱟᱵᱟᱹᱨᱤ ᱦᱩᱭᱩᱜ ᱠᱟᱱᱟ ᱾

ᱵᱮᱵᱽᱥᱟᱭ

ᱵᱮᱵᱽᱥᱟᱭ ᱺ- ᱥᱤᱱᱢᱟ ᱵᱮᱱᱟᱣᱤᱭᱟᱹ, ᱣᱟᱞᱴ ᱰᱤᱥᱱᱤ ᱠᱚᱢᱯᱟᱱᱤ ᱨᱤᱱᱤᱡ ᱡᱚᱜᱚ ᱵᱩᱱᱤᱭᱟᱹᱫᱤᱭᱟᱹ, ᱡᱟᱦᱟᱸᱭ ᱫᱚ ᱯᱩᱭᱞᱩ ᱣᱟᱞᱴ ᱰᱤᱥᱱᱤ ᱯᱨᱳᱰᱚᱠᱥᱚᱱ ᱧᱩᱛᱩᱢ ᱛᱮ ᱩᱯᱨᱩᱢ ᱛᱟᱦᱮᱸ ᱠᱟᱱ ᱛᱟᱭᱟ ᱾

ᱡᱤᱣᱤᱡᱩᱨᱤ ᱺ- ᱞᱤᱞᱤᱭᱚᱱ ᱵᱟᱶᱱᱰᱥ ᱰᱤᱥᱱᱤ (᱑᱙᱒᱕ - ᱑᱙᱖᱖) ᱾

ᱣᱟᱞᱴ ᱰᱤᱥᱱᱤᱭᱟᱜ ᱡᱟᱱᱟᱢ ᱛᱷᱟᱱ

ᱞᱟᱥ ᱮᱸᱡᱤᱞᱤᱥ ᱵᱟᱯᱟᱰᱟᱭ ᱧᱩᱛᱩᱢᱟᱱ ᱥᱤᱱᱢᱟ ᱵᱟᱰᱚᱦᱤ ᱣᱟᱞᱴ ᱰᱤᱥᱱᱤᱭᱟᱜ ᱪᱤᱠᱟᱜᱷ, ᱤᱞᱤᱱᱳᱭᱤᱥ ᱨᱮ ᱢᱮᱱᱟᱜ ᱵᱟᱥᱟ ᱫᱚ ᱢᱤᱫ ᱢᱭᱩᱡᱤᱭᱚᱢ ᱞᱮᱠᱟ ᱛᱮᱠᱚ ᱟᱹᱨᱩᱭᱮᱜᱼᱟ ᱾ ᱦᱳᱞᱤᱩᱰ ᱨᱤᱯᱚᱨᱴᱟᱨ ᱟᱜ ᱵᱮᱣᱨᱟ ᱞᱮᱠᱟᱛᱮ ᱥᱤᱱᱢᱟ ᱵᱮᱱᱟᱣᱤᱭᱟᱹ ᱟᱨ ᱟᱡᱤᱡ ᱵᱚᱭᱦᱟ ᱨᱳᱭ ᱟᱜ ᱡᱟᱱᱟᱢ ᱛᱷᱟᱱ ᱨᱮ ᱡᱩᱛ ᱟᱹᱨᱩ ᱨᱮᱭᱟᱜ ᱠᱟᱹᱢᱤ ᱕ ᱰᱤᱥᱮᱢᱵᱚᱨ ᱒᱐᱑᱓ ᱨᱮᱠᱚ ᱮᱛᱚᱦᱚᱵ ᱟᱠᱟᱜᱼᱟ ᱾ ᱡᱩᱛᱨᱟᱹᱣ ᱟᱹᱨᱩ ᱨᱮᱭᱟᱜ ᱠᱟᱹᱢᱤ ᱯᱩᱨᱟᱹᱣ ᱮᱱ ᱛᱟᱭᱚᱢ ᱱᱚᱣᱟ ᱫᱚ ᱱᱟᱜᱢᱮᱛ ᱧᱩᱛᱩᱢ ᱞᱮᱠᱟᱛᱮ ᱧᱩᱢ ᱦᱟᱞᱟᱝ ᱦᱩᱭᱩᱜᱼᱟ ᱾ ᱵᱮᱱᱟᱣ ᱠᱟᱹᱢᱤ ᱥᱤᱰᱱᱤ ᱨᱮᱭᱟᱜ ᱑᱑᱒ ᱟᱱᱟᱜ ᱡᱟᱱᱟᱢ ᱢᱟᱦᱟᱸ ᱥᱟᱶ ᱛᱮᱜᱮ ᱮᱛᱚᱦᱚᱵ ᱮᱱᱟ ᱾ ᱱᱚᱶᱟ ᱥᱟᱹᱜᱩᱱ ᱚᱠᱛᱚᱨᱮ ᱫᱚᱦᱲᱟ ᱛᱮ ᱨᱟᱹᱥᱠᱟᱹ ᱨᱚᱢᱚᱡᱽ ᱢᱟᱱᱟᱣ ᱟᱛᱮ ᱥᱤᱠᱟᱜᱳ ᱨᱤᱱᱤᱡ ᱢᱮᱭᱳᱨ ᱨᱟᱦᱢ ᱤᱢᱟᱱᱩᱣᱮᱞ ᱫᱚ ᱕ ᱰᱤᱥᱮᱢᱵᱚᱨ ᱦᱤᱞᱚᱜ ᱣᱟᱞᱴ ᱰᱤᱥᱱᱤ ᱢᱟᱦᱟᱸ ᱢᱮᱱᱛᱮᱭ ᱵᱤᱠᱱᱟᱹᱣ ᱠᱮᱜᱼᱟ ᱾ ᱰᱤᱥᱱᱤᱭᱟᱜ ᱜᱩᱨ ᱥᱮᱨᱢᱟ ᱑᱙᱖᱖ ᱨᱮ ᱟᱡᱟᱜ ᱖᱕ ᱟᱱᱟᱜ ᱡᱟᱱᱟᱢ ᱢᱟᱦᱟᱸ ᱢᱟᱱᱟᱣ ᱠᱟᱛᱮ ᱑᱐ ᱢᱟᱦᱟᱸ ᱛᱟᱭᱚᱢ ᱦᱩᱭ ᱞᱮᱱ ᱛᱟᱦᱮᱸᱫ ᱾

ᱥᱟᱹᱠᱷᱭᱟᱹᱛ

http://www.oxforddictionaries.com/definition/english/Disney-Walt?q=disney https://web.archive.org/web/20091003001653/http://www.suntimes.com/lifestyles/1790811%2Cdisney-walt-museum-san-francisco-092709.article

https://www.webcitation.org/6h27Bo3fn?url=http://www.britannica.com/biography/Walt-Disney https://www.webcitation.org/6h27JNbGV?url=http://www.independent.co.uk/travel/uncle-walts-lost-ancestors-1266622.html

https://www.webcitation.org/6h27ELbtk?url=http://kchistory.org/cdm4/item_viewer.php?CISOROOT=%2FBiographies&CISOPTR=31&CISOBOX=1&REC=2

ᱵᱟᱦᱨᱮ ᱡᱚᱱᱚᱲ

https://www.imdb.com/name/nm0000370/

http://tcmdb.com/participant/participant.jsp?participantId=50875

https://worldcat.org/identities/lccn-n78-95660

http://www.waltdisney.org/

http://www.thewaltdisneybirthplace.org/

https://vault.fbi.gov/walter-elias-disney