ᱱᱟᱵᱷᱟᱡᱳ ᱯᱟᱹᱨᱥᱤ

ᱱᱟᱵᱷᱟᱡᱳ ᱥᱮ ᱱᱟᱵᱷᱟᱦᱳ (ᱱᱟᱵᱷᱟᱡᱳ: Diné bizaad ᱥᱮ Naabeehó bizaad) ᱫᱚ ᱱᱟᱼᱰᱮᱱ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱱᱟᱜ ᱢᱤᱫ ᱠᱚᱧᱮ ᱟᱛᱷᱟᱵᱟᱥᱠᱟᱱ ᱯᱟᱹᱨᱥᱤ ᱠᱟᱱᱟ ᱾ ᱱᱚᱶᱟ ᱯᱟᱹᱨᱥᱤ ᱫᱚ ᱮᱛᱚᱢ ᱟᱢᱮᱨᱤᱠᱟ ᱨᱮᱱᱟᱜ ᱯᱟᱪᱮ ᱴᱚᱴᱷᱟᱠᱤᱭᱟᱹ ᱯᱟᱹᱨᱥᱤ ᱥᱟᱶ ᱥᱟᱹᱜᱟᱹᱭ ᱡᱚᱯᱲᱟᱣ ᱢᱮᱱᱟᱜᱼᱟ ᱾ ᱱᱟᱵᱷᱟᱡᱳ ᱫᱚ ᱠᱚᱧᱮᱼᱯᱟᱪᱮ ᱥᱮᱞᱮᱫ ᱯᱚᱱᱚᱛ ᱟᱢᱮᱨᱤᱠᱟ ᱨᱮᱱᱟᱜ ᱱᱟᱵᱷᱟᱡᱳ ᱨᱮᱠᱚ ᱨᱚᱲᱼᱟ ᱾ ᱱᱟᱵᱷᱟᱡᱳ ᱯᱟᱹᱨᱥᱤ ᱫᱚ ᱟᱢᱮᱨᱤᱠᱟ ᱨᱮᱱ ᱟᱹᱫᱤᱢ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱥᱟᱱᱟᱢ ᱠᱷᱚᱱ ᱡᱟᱹᱥᱛᱤ ᱨᱚᱲᱚᱜ ᱠᱟᱱ ᱯᱟᱹᱨᱥᱤ ᱠᱟᱱᱟ, ᱒᱐᱑᱑ ᱥᱮᱨᱢᱟ ᱨᱮᱱᱟᱜ ᱦᱚᱲᱥᱚᱝ ᱞᱮᱠᱟᱛᱮ ᱱᱚᱶᱟ ᱯᱟᱹᱨᱥᱤ ᱛᱮ ᱑᱗᱐,᱐᱐᱐ ᱜᱟᱱ ᱦᱚᱲ ᱚᱲᱟᱜ ᱨᱮᱠᱚ ᱨᱚᱲᱼᱟ ᱾ ᱱᱚᱶᱟ ᱯᱟᱹᱨᱥᱤ ᱛᱮ ᱨᱚᱲᱼᱮᱫ ᱠᱟᱱ ᱦᱚᱲ ᱠᱚᱠᱚ ᱠᱚᱢ ᱪᱟᱞᱟᱜ ᱠᱟᱱᱟ, ᱛᱚᱵᱮ ᱱᱟᱵᱷᱟᱡᱳ ᱫᱤᱥᱚᱢ ᱨᱮᱱᱟᱜ ᱥᱮᱪᱮᱫ ᱠᱟᱹᱢᱤᱦᱚᱨᱟ ᱛᱮ ᱱᱚᱶᱟ ᱮᱴᱠᱮᱴᱚᱬᱮᱸ ᱟᱹᱰᱤᱜᱟᱱ ᱠᱚᱢ ᱟᱠᱟᱱᱟ ᱾