ᱚᱜᱟᱥᱴᱟᱥ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱚᱜᱟᱥᱴᱟᱥ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶGaius Octavius Thurinus
23 September 63 BC
Rome, Roman Republic
ᱜᱩᱨ19 August AD 14 (aged 75)
Nola, Italia, Roman Empire
ᱫᱤᱥᱚᱢᱤᱭᱟᱹRoman
Statue-ᱚᱜᱟᱥᱴᱟᱥ
Roman

ᱚᱜᱟᱥᱴᱟᱥ ᱥᱮ ᱥᱚᱨᱟᱴ ᱚᱜᱟᱥᱴᱟᱥ(᱒᱓ ᱥᱮᱯᱴᱮᱢᱵᱚᱨ ᱡᱤᱥᱩ ᱡᱟᱱᱟᱢ ᱖᱓ ᱥᱮᱨᱢᱟ ᱞᱟᱦᱟ – ᱑᱙ ᱟᱜᱚᱥᱴ ᱡᱤᱥᱩ ᱡᱟᱱᱟᱢ ᱑᱔ ᱥᱮᱨᱢᱟ ᱛᱟᱭᱚᱢ) ᱫᱚ ᱨᱳᱢᱟᱱ ᱥᱟᱢᱨᱟᱡᱡᱚ ᱨᱮᱱ ᱯᱩᱭᱞᱩ ᱥᱚᱢᱨᱟᱴ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱟᱜ ᱡᱟᱱᱟᱢ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱ ᱛᱟᱭᱟ ᱚᱠᱛᱟᱵᱷᱤᱣᱥ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱟᱡᱟᱜ ᱧᱩᱛᱩᱢ ᱵᱚᱫᱚᱞ ᱠᱟᱛᱮᱫ ᱜᱟᱣᱥ ᱤᱣᱞᱤᱣᱥ ᱠᱟᱭᱮᱥᱟᱨ ᱚᱠᱛᱟᱵᱷᱤᱭᱟᱱᱩᱥ ᱮ ᱫᱚᱦᱚ ᱠᱮᱫᱼᱟ ᱾ ᱥᱚᱢᱨᱟᱴ ᱦᱩᱭᱩᱜ ᱞᱟᱦᱟ ᱨᱮ ᱚᱠᱛᱟᱵᱷᱤᱭᱟᱱ ᱧᱩᱛᱩᱢ ᱛᱮᱦᱚᱸᱭ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱱ ᱾ ᱚᱜᱟᱥᱴᱟᱥ ᱫᱚ ᱚᱴᱳᱠᱟᱨᱟᱥᱤ ᱥᱟᱥᱚᱱ ᱮ ᱪᱟᱹᱞᱩ ᱞᱮᱫᱼᱟ ᱾ ᱚᱠᱟ ᱛᱮ ᱯᱨᱤᱝᱠᱤᱯᱟᱛᱮ ᱧᱩᱛᱩᱢ ᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱚᱜᱟᱥᱴᱟᱥ ᱫᱚ ᱱᱤᱭᱟᱹ ᱨᱟᱥᱴᱨᱚ ᱨᱮᱱ ᱯᱨᱤᱝᱠᱮᱯᱥ ᱥᱮ ᱯᱩᱭᱞᱩ ᱱᱟᱜᱟᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱱᱤᱭᱟᱹ ᱥᱟᱥᱚᱱ ᱫᱚ ᱵᱟᱦᱨᱮ ᱧᱮᱞᱛᱮ ᱡᱚᱛᱚ ᱦᱚᱲ ᱞᱟᱹᱜᱤᱫ ᱢᱚᱱᱮᱜ ᱠᱟᱱ ᱛᱟᱦᱮᱸᱱ ᱨᱮᱦᱚᱸ ᱱᱤᱭᱟᱹ ᱠᱟᱹᱢᱤ ᱨᱮ ᱞᱟᱜᱟᱣ ᱠᱟᱛᱮᱫ ᱚᱜᱟᱥᱴᱟᱥ ᱫᱚ ᱟᱡ ᱜᱮ ᱡᱚᱛᱚᱭ ᱟᱢᱮᱴᱮᱫ ᱠᱟᱱ ᱛᱟᱦᱮᱸᱱ ᱾ ᱜᱽᱨᱤᱠ ᱟᱨ ᱨᱳᱢᱟᱱ ᱫᱤᱥᱟᱹᱢ ᱨᱮ ᱛᱷᱤᱨ ᱟᱨ ᱩᱛᱱᱟᱹᱣ ᱮ ᱟᱹᱜᱩ ᱞᱮᱫᱼᱟ ᱾ ᱱᱟᱜᱟᱢ ᱨᱮᱱ ᱛᱩᱠᱷᱟᱹᱲ ᱢᱤᱫ ᱟᱹᱭᱩᱨᱤᱡ ᱢᱮᱱᱛᱮᱭ ᱞᱮᱠᱷᱟᱜᱼᱟ ᱚᱜᱟᱥᱴᱟᱥ ᱫᱚ ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱜᱟᱥᱴᱟᱥ ᱫᱚ ᱢᱤᱫ ᱠᱤᱥᱟᱹᱬ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱑᱘ ᱥᱮᱨᱢᱟ ᱩᱢᱮᱨ ᱨᱮ ᱟᱡ ᱜᱚᱲᱚᱢ ᱦᱟᱲᱟᱢ ᱨᱮᱱ ᱵᱚᱭᱦᱟ ᱡᱩᱞᱤᱭᱟᱥ ᱥᱤᱡᱟᱨ ᱨᱮᱱ ᱟᱹᱥᱩᱞ ᱜᱤᱫᱽᱨᱟᱹ ᱟᱨ ᱵᱚᱸᱥ ᱞᱮᱠᱟᱛᱮᱭ ᱧᱩᱛᱩᱢ ᱮᱱᱟ ᱾ ᱥᱤᱡᱟᱨ ᱮ ᱜᱚᱡ ᱛᱟᱭᱚᱢ ᱨᱳᱢ ᱨᱮ ᱠᱷᱚᱢᱚᱛᱟ ᱨᱮᱱᱟᱜ ᱨᱮᱯᱮᱪᱮᱡ ᱮᱦᱚᱵ ᱮᱱᱟ ᱾ ᱢᱟᱨᱠ ᱮᱢᱴᱚᱱᱤ ᱟᱨ ᱞᱮᱯᱤᱫᱩᱥ ᱥᱟᱶ ᱩᱱᱤ ᱫᱚ ᱛᱮᱥᱟᱨ ᱥᱟᱥᱚᱱᱤᱭᱟᱹ ᱞᱮᱠᱟᱛᱮ ᱔᱓ ᱡᱤᱥᱩ ᱡᱟᱱᱟᱢ ᱞᱟᱦᱟ ᱵᱮᱱᱟᱣ ᱨᱩᱣᱟᱹᱲ ᱨᱳᱢᱟᱱ ᱨᱟᱡᱽ ᱥᱟᱥᱚᱱ ᱮ ᱮᱦᱚᱵ ᱮᱫᱼᱟ ᱾ ᱡᱤᱥᱩ ᱡᱟᱱᱟᱢ ᱔᱒ ᱥᱮᱨᱢᱟ ᱞᱟᱦᱟ ᱥᱤᱡᱟᱨ ᱨᱮᱱ ᱜᱚᱜᱚᱡᱤᱡ ᱵᱨᱩᱴᱟᱥ ᱟᱨ ᱠᱟᱥᱤᱣᱥ ᱛᱟᱹᱠᱤᱱ ᱯᱷᱤᱞᱤᱯᱯᱤ ᱨᱮ ᱦᱤᱨᱟᱹᱣ ᱠᱟᱛᱮᱜ ᱚᱠᱛᱟᱵᱷᱤᱭᱟᱱ ᱟᱨ ᱢᱟᱨᱠ ᱫᱚ ᱨᱳᱢᱟᱱ ᱥᱟᱢᱨᱟᱡᱡᱚ ᱵᱟᱨ ᱵᱷᱟᱜᱽ ᱛᱮ ᱠᱤᱱ ᱦᱟᱹᱴᱤᱧ ᱡᱚᱝ ᱟᱱᱟ ᱾ ᱚᱠᱛᱟᱵᱷᱤᱭᱟᱱ ᱫᱚ ᱥᱟᱢᱨᱟᱡᱽᱡᱚ ᱨᱮᱭᱟᱜ ᱯᱩᱪᱷᱤᱢ ᱥᱮᱫ ᱮ ᱧᱟᱢ ᱠᱮᱫᱼᱟ ᱾ ᱚᱱᱟ ᱛᱟᱭᱚᱢ ᱚᱠᱛᱟᱵᱷᱤᱭᱟᱱ ᱫᱚ ᱟᱭᱢᱟ ᱵᱟᱹᱭᱨᱤ ᱠᱚ ᱥᱟᱶ ᱞᱟᱹᱲᱦᱟᱹᱭ ᱠᱟᱛᱮᱫ ᱮ ᱫᱟᱲᱮ ᱤᱫᱤᱭᱮᱱᱟ ᱾ ᱡᱤᱥᱩ ᱡᱟᱱᱟᱢ ᱓᱒ ᱥᱮᱨᱢᱟ ᱞᱟᱦᱟᱨᱮ ᱞᱮᱯᱤᱫᱩᱥ ᱟᱨ ᱓᱑ ᱥᱮᱨᱢᱟ ᱨᱮ ᱫᱚ ᱚᱱᱴᱚᱱᱤ ᱟᱨ ᱢᱤᱥᱚᱨ ᱨᱮᱱ ᱨᱟᱱᱤ ᱠᱞᱤᱣᱚᱯᱮᱴᱨᱟ ᱛᱤᱠᱤᱱ ᱮ ᱦᱤᱨᱟᱹᱣ ᱠᱮᱫ ᱠᱤᱱᱟ ᱾ ᱚᱱᱟ ᱥᱟᱶ ᱜᱨᱤᱠ ᱟᱨ ᱨᱳᱢᱟᱱ ᱨᱮᱱᱟᱜ ᱠᱷᱚᱢᱚᱛᱟᱭ ᱟᱢᱮᱴ ᱠᱮᱫᱼᱟ ᱾ ᱡᱤᱥᱩ ᱡᱟᱱᱟᱢ ᱞᱟᱦᱟ ᱓᱑ ᱠᱷᱚᱱ ᱒᱓ ᱦᱟᱹᱵᱤᱡ ᱫᱚ ᱨᱳᱢᱟᱱ ᱨᱟᱡᱽ ᱨᱮᱱ ᱠᱚᱱᱥᱟᱞ ᱞᱮᱠᱟᱛᱮᱭ ᱠᱟᱹᱢᱤᱭᱮᱫ ᱠᱟᱱ ᱛᱟᱦᱮᱹᱱ ᱾ ᱒᱗ ᱥᱮᱨᱢᱟ ᱚᱜᱟᱥᱴᱟᱥ ᱩᱯᱟᱫᱷᱤᱭ ᱧᱟᱢ ᱠᱮᱫᱼᱟ ᱾ ᱒᱓ ᱥᱮᱨᱢᱟ ᱨᱮ ᱫᱚ ᱮᱠᱱᱟᱭᱚᱠ ᱢᱟᱱᱚᱛ ᱮ ᱧᱟᱢ ᱠᱮᱫᱼᱟ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱨᱳᱢᱟᱱ ᱥᱟᱢᱨᱟᱡᱽᱡᱚ ᱨᱮᱱᱟᱜ ᱥᱟᱥᱚᱱ ᱵᱮᱵᱚᱥᱛᱷᱟ ᱥᱟᱡᱟᱣ ᱨᱟᱠᱟᱵ ᱮ ᱮᱦᱚᱵ ᱠᱮᱫᱼᱟ ᱾ ᱤᱣᱨᱳᱯ ᱨᱮᱱᱟᱜ ᱟᱭᱢᱟ ᱱᱟᱣᱟ ᱡᱟᱜᱟᱭ ᱡᱤᱛᱠᱟᱹᱨ ᱠᱮᱫᱼᱟ ᱾ ᱜᱚᱡ ᱛᱟᱭᱚᱢ ᱩᱱᱤ ᱫᱚ ᱵᱚᱸᱜᱟ ᱞᱮᱠᱟ ᱠᱚ ᱢᱟᱱᱟᱣ ᱠᱮᱫᱮᱭᱟ ᱾ ᱟᱨ ᱩᱱᱤ ᱨᱮᱱ ᱟᱹᱥᱩᱞ ᱜᱤᱫᱽᱨᱟᱹ ᱛᱤᱵᱮᱨᱤᱣᱥ ᱣᱟᱜ ᱛᱤ ᱨᱮ ᱨᱳᱢᱟᱱ ᱨᱟᱡᱽ ᱠᱚ ᱞᱟᱫᱮ ᱠᱮᱫᱼᱟ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱣᱤᱠᱤᱯᱮᱰᱤᱭᱟ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]