ᱚᱝᱠᱚᱨ ᱣᱟᱴ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱚᱝᱠᱚᱨ ᱣᱟᱴ
ᱥᱟᱢᱟᱝ ᱠᱷᱚᱫᱟᱜ ᱚᱝᱠᱚᱨ ᱢᱩᱱᱫᱤᱨ ᱨᱮᱭᱟᱜ ᱧᱮᱱᱮᱞ
Religion
AffiliationHinduism
Provinceᱥᱤ ᱮᱢ ᱨᱤᱯ
Location
Locationᱚᱝᱠᱚᱨ
ᱚᱝᱠᱚᱨ ᱣᱟᱴ is located in Cambodia
ᱚᱝᱠᱚᱨ ᱣᱟᱴ
ᱠᱟᱢᱯᱚᱪᱤᱭᱟ ᱢᱟᱱᱪᱤᱛᱟᱹᱨ ᱨᱮ ᱚᱝᱠᱚᱨ ᱣᱟᱴ
Geographic coordinates13°24′45″N 103°52′0″E / 13.41250°N 103.86667°E / 13.41250; 103.86667Coordinates: 13°24′45″N 103°52′0″E / 13.41250°N 103.86667°E / 13.41250; 103.86667
Architecture
Typeᱠᱷᱮᱢᱮᱨ ᱵᱮᱱᱟᱣ ᱦᱚᱨᱟ (ᱚᱝᱠᱚᱨ ᱣᱟᱴ ᱛᱚᱦᱚᱨ)
Creatorᱫᱚᱥᱟᱨ ᱥᱩᱨᱡᱚᱵᱚᱨᱢᱚᱱ ᱚᱠᱛᱚ ᱨᱮ ᱮᱦᱚᱵ ᱟᱨ ᱮᱭᱟᱭ ᱡᱚᱭ ᱵᱚᱨᱢᱚᱱ ᱚᱠᱛᱚ ᱨᱮ ᱢᱩᱪᱟᱹᱫ
Completed᱑᱒ ᱥᱟᱭᱟᱝ


ᱚᱝᱠᱚᱨ ᱣᱟᱴ ᱵᱟᱝᱢᱟ ᱚᱝᱜᱽᱠᱚᱨ ᱣᱟᱴ ᱫᱚ ᱠᱟᱢᱵᱚᱰᱤᱭᱟ ᱨᱮᱱᱟᱜ ᱑᱒᱖ᱹ᱖ ᱦᱮᱠᱴᱚᱨ (᱑᱖᱒᱖᱐᱐᱐ ᱫᱚᱵᱚᱲ ᱢᱤᱴᱚᱨ ᱵᱟᱝᱢᱟ ᱔᱐᱒ ᱮᱠᱚᱨ) [᱑]ᱡᱟᱭᱜᱟ ᱨᱮ ᱢᱮᱱᱟᱜ ᱡᱮᱜᱮᱛ ᱨᱮᱭᱟᱜ ᱡᱚᱛᱚ ᱠᱷᱚᱱᱟᱜ ᱢᱟᱨᱟᱝ ᱫᱷᱟᱨᱢᱤᱠ ᱡᱟᱭᱜᱟ ᱠᱟᱱᱟ ᱾ ᱠᱷᱚᱢᱮᱨ ᱯᱟᱹᱨᱥᱤ ᱛᱮ ᱱᱚᱣᱟ ᱫᱚ អង្គរវត្ត ᱠᱚ ᱚᱞᱟ ᱟᱨ ᱱᱚᱣᱟ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱢᱩᱫᱽᱨᱤ ᱨᱮᱭᱟᱜ ᱨᱟᱡᱽᱜᱟᱲ ᱾ ᱦᱤᱱᱫᱩ ᱫᱷᱚᱨᱚᱢ ᱨᱮᱱᱤᱡ ᱵᱚᱸᱜᱟ ᱵᱷᱚᱜᱚᱵᱟᱱ ᱵᱤᱥᱱᱩ ᱞᱟᱹᱜᱤᱫ ᱠᱷᱮᱢᱮᱨ ᱨᱟᱡᱽ ᱵᱚᱝᱥᱚ ᱨᱮᱱᱤᱡ ᱨᱟᱡᱟ ᱫᱚᱥᱟᱨ ᱥᱩᱨᱡᱚᱵᱚᱨᱢᱚᱱ ᱱᱚᱣᱟ ᱢᱩᱫᱽᱨᱤ ᱫᱚᱭ ᱵᱮᱱᱟᱣ ᱟᱠᱟᱫ-ᱟ ᱾ ᱤᱠᱷᱟᱹᱱ ᱛᱟᱭᱚᱢ ᱛᱮ ᱑᱒ ᱥᱟᱭᱟᱝ ᱨᱮ ᱱᱚᱣᱟ ᱫᱚ ᱵᱚᱣᱫᱷᱚ ᱢᱩᱫᱽᱨᱤ ᱨᱮ ᱟᱹᱨᱩ ᱞᱮᱱᱟ ᱾ ।[᱒] ᱑᱒ ᱥᱟᱭᱟᱝ ᱨᱮᱭᱟᱜ ᱮᱛᱚᱦᱚᱵ ᱨᱮ ᱨᱟᱡᱟ ᱫᱚᱥᱟᱨ ᱥᱩᱨᱡᱚᱵᱚᱨᱢᱚᱱ ᱠᱷᱮᱢᱮᱨ ᱨᱟᱡᱽ ᱨᱮᱭᱟᱜ ᱨᱟᱡᱽᱜᱟᱲ ᱡᱚᱥᱚᱫᱷᱟᱯᱩᱨ ᱨᱮ (ᱠᱷᱮᱢᱮᱨ ᱯᱟᱹᱨᱥᱤ ᱛᱮ យសោធរបុរៈ, ᱱᱮᱛᱟᱨ ᱫᱚ ᱱᱚᱣᱟ ᱠᱚ ᱢᱮᱛᱟᱜ ᱠᱟᱱᱟ) ᱱᱚᱣᱟ ᱢᱩᱫᱽᱨᱤᱭ ᱵᱮᱱᱟᱣ ᱞᱮᱫ-ᱟ ᱾ [᱓] ᱱᱚᱣᱟ ᱫᱚ ᱟᱡᱟᱜ ᱨᱟᱡᱽᱠᱤᱭᱚ ᱢᱩᱫᱽᱨᱤ ᱵᱮᱝᱢᱟ ᱤᱥᱴᱚ ᱫᱮᱵᱤᱭᱟᱜ ᱯᱩᱡᱟᱹ ᱛᱷᱟᱱ ᱛᱟᱦᱮᱸ ᱠᱟᱱᱟ ᱾ ᱥᱮᱫᱟᱭ ᱨᱟᱯᱟᱡᱽ ᱠᱚᱣᱟᱜ ᱥᱚᱭᱵᱚ ᱯᱚᱨᱚᱢᱯᱚᱨᱟ ᱵᱚᱫᱚᱞ ᱛᱮ ᱱᱚᱶᱟ ᱫᱚ ᱵᱷᱚᱜᱚᱵᱟᱱ ᱵᱤᱥᱱᱩ ᱧᱩᱛᱩᱢ ᱛᱮᱠᱚ ᱟᱞᱟᱭ ᱟᱠᱟᱫ-ᱟ ᱾ ᱮᱴᱟᱜ ᱢᱩᱫᱽᱨᱤ ᱠᱷᱚᱱᱟᱜ ᱱᱚᱣᱟ ᱫᱚ ᱟᱹᱰᱤ ᱡᱚᱛᱚᱱ ᱨᱮᱠᱚ ᱫᱚᱦᱚ ᱞᱮᱫ-ᱟ ᱟᱨ ᱫᱷᱚᱨᱚᱢ ᱠᱟᱹᱢᱤ ᱦᱚᱨᱟ ᱨᱮᱭᱟᱜ ᱛᱟᱞᱢᱟ ᱴᱷᱟᱶ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱢᱩᱫᱽᱨᱤ ᱫᱚ ᱠᱷᱮᱢᱮᱨ ᱠᱚᱲᱟ ᱵᱟᱝᱢᱟ ᱵᱟᱰᱚᱦᱤ ᱨᱮᱭᱟᱜ ᱢᱤᱫ ᱵᱷᱟᱹᱜᱤ ᱫᱟᱹᱭᱠᱟᱹ ᱠᱟᱱᱟ ᱾ ᱱᱮᱛᱟᱨ ᱱᱚᱶᱟ ᱢᱩᱫᱽᱨᱤ ᱫᱚ ᱠᱟᱢᱯᱩᱪᱤᱭᱟ ᱨᱮᱭᱟᱜ ᱡᱟᱹᱛᱤᱭᱟᱹᱨᱤ ᱪᱤᱱᱦᱟᱹ ᱨᱮ ᱞᱮᱠᱷᱟᱜ ᱠᱟᱱᱟ ᱾ [᱔] ᱱᱚᱣᱟ ᱢᱩᱫᱽᱨᱤ ᱫᱚ ᱠᱟᱢᱯᱩᱪᱤᱭᱟ ᱨᱮᱭᱟᱜ ᱡᱟᱹᱛᱤᱭᱟᱹᱨᱤ ᱪᱤᱨ ᱨᱮᱦᱚᱸ ᱴᱷᱟᱶ ᱮ ᱧᱟᱢ ᱟᱠᱟᱫ-ᱟ ᱟᱨ ᱠᱟᱢᱯᱩᱪᱤᱭᱟ ᱠᱚ ᱦᱤᱡᱩᱜ ᱠᱟᱱ ᱧᱮᱱᱮᱞᱤᱭᱟᱹ ᱠᱚᱣᱟᱜ ᱚᱱᱚᱨ ᱴᱷᱟᱶ ᱠᱟᱱᱟ ᱾ [᱕]

ᱧᱩᱛᱩᱢ ᱚᱢᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱷᱮᱢᱮᱨ ᱯᱟᱹᱨᱥᱤ ᱛᱮ ᱚᱝᱠᱚᱨ ᱣᱟᱴ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱢᱩᱫᱽᱨᱤ ᱱᱟᱜᱟᱨ ᱵᱟᱝᱢᱟ ᱢᱩᱫᱽᱨᱤ ᱨᱮᱭᱟᱜ ᱨᱟᱡᱽᱜᱟᱲ ᱾ ᱥᱚᱸᱥᱠᱨᱩᱛ ᱟᱹᱲᱟᱹ ᱱᱚᱜᱚᱨ ᱠᱷᱚᱱᱟᱜ ᱠᱷᱮᱢᱮᱨ ᱟᱹᱲᱟᱹ "ᱱᱚᱜᱚᱨ (នគរ)” ᱫᱚ ᱚᱢᱚᱱ ᱟᱠᱟᱱᱟ ᱾ ᱠᱷᱮᱢᱮᱨ ᱟᱹᱲᱟᱹ ᱣᱟᱴ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱢᱩᱫᱽᱨᱤ ᱨᱟᱪᱟ ᱾ ᱱᱚᱶᱟ ᱟᱹᱲᱟᱹ ᱦᱚᱸ ᱥᱚᱸᱥᱠᱨᱩᱛ ᱟᱹᱲᱟᱹ ᱣᱟᱴ ᱠᱷᱚᱱᱟᱜ ᱜᱮ ᱦᱟᱛᱟᱣ ᱟᱠᱟᱱᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱟᱡᱟ ᱫᱚᱥᱟᱨ ᱥᱩᱨᱡᱚᱵᱚᱨᱢᱚᱱ

ᱱᱮᱛᱟᱨ ᱚᱠᱛᱚ ᱨᱮ ᱨᱤᱯ ᱵᱟᱡᱟᱨ ᱠᱷᱚᱱᱟᱜ ᱩᱛᱚᱨ ᱱᱟᱠᱷᱟ ᱨᱮ ᱓ᱹ᱔ ᱢᱟᱭᱤᱞ ᱵᱟᱝᱢᱟ ᱕ᱹ᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱚᱝᱠᱚᱨ ᱣᱟᱴ ᱢᱩᱫᱽᱨᱤ ᱫᱚ ᱢᱮᱱᱟᱜ-ᱟ ᱾ ᱱᱚᱶᱟ ᱥᱩᱨ ᱠᱚᱨᱮ ᱠᱟᱢᱯᱩᱪᱤᱭᱟ ᱨᱮᱭᱟᱜ ᱟᱹᱰᱤ ᱜᱟᱱ ᱢᱟᱨᱮ ᱢᱩᱫᱽᱨᱤ ᱦᱚᱸ ᱢᱮᱱᱟᱜ-ᱟ ᱾ ᱢᱟᱨᱮ ᱦᱚᱲ ᱠᱟᱛᱷᱟ ᱚᱝᱥᱟᱨ ᱫᱮᱵᱽᱜᱩᱱ ᱠᱚᱭᱤᱡ ᱨᱟᱡᱟ ᱤᱱᱫᱽᱨᱚ ᱱᱤᱡᱚᱨ ᱦᱚᱯᱚᱱ ᱯᱨᱮᱪᱟ ᱠᱮᱛ ᱢᱮᱞᱮ ᱞᱟᱹᱜᱤᱫ ᱢᱤᱫ ᱫᱚᱞᱟᱱ ᱵᱮᱱᱟᱣ ᱞᱟᱹᱜᱤᱫ ᱮ ᱢᱮᱱ ᱞᱮᱫ ᱛᱟᱦᱮᱸᱫ ᱟᱨ ᱚᱱᱟ ᱫᱚ ᱦᱩᱭᱩᱜ ᱠᱟᱱᱟ ᱚᱝᱠᱚᱨ ᱣᱟᱴ ᱾ ᱚᱸᱰᱮᱱ ᱠᱚ ᱦᱚᱲᱟᱜ ᱠᱟᱛᱷᱟ ᱚᱝᱥᱟᱨ ᱢᱤᱫ ᱵᱚᱸᱜᱟ ᱵᱟᱰᱚᱦᱤ ᱚᱱᱟ ᱢᱩᱫᱽᱨᱤ ᱫᱚ ᱢᱤᱫ ᱧᱤᱫᱟᱹ ᱨᱮ ᱵᱮᱱᱟᱣ ᱞᱮᱫ-ᱟ ᱾ ᱱᱚᱶᱟ ᱠᱟᱛᱷᱟ ᱫᱚ ᱑᱓ ᱥᱟᱭᱟᱝ ᱨᱮᱱᱤᱡ ᱪᱤᱱ ᱨᱮᱱᱤᱡ ᱫᱟᱲᱟᱱᱤᱭᱟᱹ ᱡᱷᱚᱣ ᱫᱟᱜᱽᱣᱟᱱ ᱮ ᱚᱞ ᱟᱠᱟᱫ-ᱟ ᱾

ᱯᱷᱚᱴᱚ ᱜᱮᱞᱮᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. name="Guinness">"Largest religious structure". Guinness World Records. Retrieved 29 April 2016.
  2. Ashley M. Richter (8 September 2009). "Recycling Monuments: The Hinduism/Buddhism Switch at Angkor". CyArk. Retrieved 7 June 2015.
  3. Higham, C. (2014). Early Mainland Southeast Asia. Bangkok: River Books Co., Ltd. pp. 372, 378–379. ISBN 978-616-7339-44-3.
  4. "Government ::Cambodia". CIA World Factbook. Archived from the original on 2010-12-29. Retrieved 2019-12-06.
  5. "Cambodia's Angkor Wat Breaking Records for Visitors Again | News from Tourism Cambodia". Tourism of Cambodia.