ᱠᱷᱟᱡᱽᱱᱟ
ᱠᱷᱟᱡᱽᱱᱟ ᱫᱚ ᱠᱟᱹᱣᱰᱤ ᱠᱟᱱᱟ, ᱡᱟᱦᱟᱸ ᱫᱚ ᱥᱚᱨᱠᱟᱨ ᱴᱷᱮᱱ ᱮᱢ ᱦᱩᱭᱩᱜᱼᱟ ᱾
ᱱᱚᱶᱟ ᱠᱟᱹᱣᱰᱤ ᱫᱚ ᱥᱚᱨᱠᱟᱨ ᱞᱟᱹᱜᱤᱫ ᱠᱟᱹᱢᱤ ᱠᱟᱱ ᱦᱚᱲ ᱠᱚ ᱮᱢᱟᱠᱚᱣᱟ, ᱚᱱᱟ ᱥᱟᱶᱛᱮ ᱥᱚᱨᱠᱟᱨ ᱦᱚᱲ ᱠᱚᱣᱟᱜ ᱵᱷᱟᱹᱞᱟᱹᱭ ᱞᱟᱹᱜᱤᱫᱽᱼᱮ ᱠᱷᱟᱨᱪᱟᱭᱟ ᱾ ᱱᱚᱶᱟ ᱠᱟᱹᱣᱰᱤ ᱛᱮᱜᱮ ᱯᱷᱟᱹᱫᱽ, ᱯᱟᱞᱴᱚᱱ ᱮᱢᱟᱱ ᱠᱟᱹᱢᱤ ᱠᱟᱱ ᱦᱚᱲ ᱠᱚ ᱮᱢᱟ ᱠᱚᱣᱟ ᱾ ᱥᱮᱪᱮᱫ, ᱨᱟᱱᱼᱢᱩᱜᱟᱹᱱ ᱥᱟᱶᱛᱮ ᱡᱟᱦᱟᱸᱱᱟᱜ ᱠᱚ ᱛᱮᱭᱟᱨ ᱟᱨᱵᱟᱝ ᱟᱹᱨᱩ ᱨᱩᱣᱟᱹᱲ ᱡᱮᱢᱚᱱ ᱚᱲᱟᱜ ᱠᱚ, ᱦᱚᱨ ᱠᱚ, ᱯᱚᱞ ᱮᱢᱟᱱ ᱮᱢᱟᱱ ᱠᱚ ᱞᱟᱹᱜᱤᱫ ᱦᱚᱸ ᱠᱷᱟᱨᱪᱟᱜᱼᱟ᱾
ᱠᱡᱷᱟᱡᱽᱱᱟ ᱨᱮᱱᱟᱜ ᱞᱮᱠᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱭᱢᱟ ᱞᱮᱠᱟᱱ ᱠᱷᱟᱡᱽᱱᱟ ᱢᱮᱱᱟᱜᱼᱟ, ᱚᱱᱟᱠᱚ ᱞᱟᱛᱟᱨ ᱨᱮ ᱚᱞ ᱮᱱᱟ ᱺᱼ
- ᱠᱚᱢᱯᱟᱹᱱᱤ ᱨᱮᱱᱟᱜ ᱟᱨᱡᱟᱶ ᱪᱮᱛᱟᱱ ᱮᱢᱚᱜ ᱠᱟᱱ ᱠᱷᱟᱡᱽᱱᱟ ᱫᱚ ᱠᱚᱨᱯᱚᱨᱮᱴ ᱠᱷᱟᱡᱽᱱᱟ ᱠᱚ ᱢᱮᱛᱟᱜ ᱠᱟᱱᱟ ᱾
- ᱢᱤᱫ ᱦᱚᱲᱟᱜ ᱟᱨᱡᱟᱣ ᱠᱟᱹᱣᱰᱤ ᱪᱮᱛᱟᱱ ᱨᱮ ᱞᱟᱜᱟᱣᱜ ᱠᱟᱱ ᱠᱷᱟᱡᱽᱱᱟ ᱫᱚ ᱟᱨᱡᱟᱣ ᱠᱷᱟᱡᱽᱱᱟ ᱵᱟᱝᱢᱟ ᱤᱱᱠᱚᱢ ᱠᱷᱟᱡᱽᱱᱟ ᱠᱚ ᱢᱮᱛᱟᱜᱼᱟ ᱾
- ᱢᱤᱫ ᱦᱚᱲᱟᱜ ᱠᱤᱨᱤᱧ ᱪᱮᱛᱟᱱ ᱨᱮᱱᱟ ᱠᱷᱟᱡᱽᱱᱟ ᱠᱟᱹᱣᱰᱤ ᱫᱚ ᱟᱹᱠᱷᱨᱤᱧ ᱠᱷᱟᱡᱽᱱᱟ ᱵᱟᱝᱢᱟ ᱥᱮᱞᱥ ᱴᱮᱠᱥ ᱠᱚ ᱢᱮᱛᱟᱜᱼᱟ ᱾
- ᱢᱤᱫ ᱦᱚᱲᱟᱜ ᱟᱯᱱᱟᱨ ᱟᱠᱟᱫ ᱫᱷᱚᱱ ᱪᱮᱛᱟᱱ ᱨᱮᱱᱟᱜ ᱠᱷᱟᱡᱽᱱᱟ ᱫᱚ ᱫᱷᱚᱱ ᱠᱷᱟᱡᱽᱱᱟ ᱵᱟᱝ ᱯᱨᱚᱯᱚᱨᱴᱤ ᱴᱮᱨᱥ ᱠᱚ ᱢᱮᱛᱟᱜᱼᱟ, ᱚᱱᱟ ᱡᱤᱱᱤᱥ ᱠᱚ ᱡᱮᱢᱚᱱ ᱚᱲᱟᱜ, ᱡᱟᱜᱟ ᱮᱢᱟᱱ ᱾
- ᱚᱯᱷᱤᱥᱤᱭᱟᱞ ᱠᱟᱜᱚᱡᱽᱼᱯᱚᱛᱚᱨ ᱛᱮᱭᱟᱨ ᱡᱚᱷᱟᱜ ᱠᱚ ᱤᱫᱤᱭᱮᱫ ᱠᱷᱟᱡᱽᱱᱟ ᱫᱚ ᱥᱴᱟᱢᱯ ᱰᱤᱣᱴᱤᱡᱽ ᱠᱚ ᱢᱮᱛᱟᱜ ᱠᱟᱱᱟ ᱾
- ᱢᱤᱫ ᱦᱚᱲ ᱜᱚᱡ ᱞᱮᱱ ᱨᱮ ᱡᱟᱦᱟᱸ ᱠᱷᱟᱡᱽᱱᱟ ᱠᱚ ᱮᱢ ᱮᱫᱟ ᱚᱱᱟ ᱫᱚ ᱤᱱᱦᱮᱨᱤᱴᱮᱱᱥ ᱟᱨᱵᱟᱝ ᱤᱥᱴᱮᱴ ᱴᱮᱠᱥ ᱠᱚ ᱢᱮᱛᱟᱜᱼᱟ ᱾
ᱱᱚᱣᱟ ᱠᱚ ᱦᱚᱸ ᱯᱮ ᱛᱷᱚᱠ ᱨᱮ ᱠᱚ ᱦᱟᱹᱴᱤᱧ ᱟᱠᱟᱫᱼᱟ
- ᱯᱷᱞᱟᱴ ᱴᱮᱠᱥᱮᱥ: ᱡᱚᱛᱚ ᱦᱚᱲ ᱜᱮ ᱥᱚᱢᱟᱱ ᱥᱟᱭᱠᱚᱨᱟ ᱠᱷᱟᱡᱽᱱᱟ ᱮᱢ ᱦᱩᱭ ᱟᱠᱚᱣᱟ ᱾ ᱨᱩᱥᱤᱭᱟ ᱨᱮ ᱯᱷᱞᱟᱴ ᱤᱱᱠᱚᱢ ᱴᱮᱠᱥ ᱢᱮᱱᱟᱜᱼᱟ ᱟᱨ ᱡᱚᱛᱚ ᱦᱚᱲ ᱑᱓% ᱴᱮᱠᱥ ᱮᱢ ᱦᱩᱭ ᱟᱠᱚ ᱠᱟᱱᱟ ᱾
- ᱯᱨᱚᱜᱨᱮᱥᱤᱵᱽ ᱴᱮᱠᱥᱮᱥ: ᱵᱟᱹᱲᱛᱤ ᱠᱟᱹᱣᱰᱤ ᱟᱨᱡᱟᱣ ᱟᱠᱟᱠ ᱦᱚᱲᱫᱚ, ᱵᱟᱹᱲᱛᱤ ᱜᱮ ᱠᱷᱟᱡᱽᱱᱟ ᱮᱢ ᱦᱩᱭ ᱟᱠᱚᱣᱟ, ᱱᱚᱣᱟ ᱨᱟᱭ ᱫᱚ ᱟᱭᱢᱟ ᱫᱤᱥᱚᱢ ᱨᱮᱜᱮ ᱢᱮᱱᱟᱜᱼᱟ ᱾
- ᱨᱤᱜᱽᱨᱮᱥᱤᱵᱽ ᱴᱮᱠᱥᱮᱥ: ᱦᱚᱲ ᱠᱚᱢ ᱠᱚ ᱟᱨᱡᱟᱣᱟ ᱢᱮᱱᱠᱷᱟᱱ ᱵᱟᱹᱲᱛᱤ ᱠᱷᱟᱡᱽᱱᱟ ᱮᱢ ᱦᱩᱭᱩᱜᱼᱟ, ᱱᱚᱣᱟ ᱫᱚ ᱨᱤᱜᱽᱨᱮᱥᱤᱵᱽ ᱴᱮᱠᱥ ᱠᱚ ᱢᱛᱟᱜᱼᱟ ᱾ ᱟᱹᱠᱷᱨᱤᱧ ᱠᱷᱟᱡᱽᱱᱟ ᱫᱚ ᱨᱤᱜᱽᱨᱮᱥᱤᱵᱽ ᱠᱷᱟᱡᱽᱱᱟ ᱠᱚ ᱢᱮᱛᱟᱜ ᱠᱟᱱᱟ, ᱪᱮᱫᱟᱜ ᱥᱮ ᱠᱚᱢ ᱟᱨᱡᱟᱣᱮᱱ ᱦᱚᱲ ᱫᱚ ᱵᱟᱹᱲᱛᱤ ᱜᱮ ᱮᱢ ᱦᱩᱭ ᱟᱠᱚ ᱠᱟᱱᱟ, ᱠᱤᱥᱟᱹᱬ ᱦᱚᱲ ᱠᱚ ᱡᱚᱠᱷᱟ ᱨᱮ ᱾
ᱟᱭᱢᱟ ᱞᱮᱠᱟᱱ ᱵᱷᱮᱯᱮᱫ ᱠᱷᱟᱡᱽᱱᱟ ᱮᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱷᱮᱜᱟᱨ ᱵᱷᱮᱜᱟᱨ ᱴᱚᱴᱷᱟᱨᱤᱱ ᱥᱚᱨᱠᱟᱨ ᱵᱷᱮᱯᱮᱫ ᱟᱨᱟᱭᱢᱟ ᱠᱷᱟᱡᱽᱱᱟ ᱠᱚ ᱤᱫᱤᱭᱮᱫᱼᱟ ᱾
ᱡᱩᱢᱤᱫᱽ ᱯᱚᱱᱚᱛ ᱨᱮ, ᱫᱟᱹᱭᱠᱟᱹ ᱞᱮᱠᱟᱛᱮ, ᱡᱟᱹᱛᱤᱭᱟᱹᱨᱤ ᱥᱚᱨᱠᱟᱨ ᱟᱨᱡᱟᱣᱣᱠᱷᱟᱡᱽᱱᱟ ᱤᱫᱩᱭᱟᱭ, ᱟᱨᱦᱚᱸ ᱯᱚᱱᱚᱛ ᱥᱚᱨᱠᱟᱨᱟᱜ ᱟᱨᱡᱟᱣ ᱟᱨᱵᱟᱝ ᱟᱹᱠᱷᱨᱤᱧ ᱠᱷᱟᱡᱽᱱᱟ ᱢᱮᱱᱟᱜᱼᱟ ᱟᱨᱵᱟᱝᱠᱷᱟᱱ ᱵᱟᱱᱟᱨ ᱦᱚᱸ ᱟᱨ ᱱᱟᱜᱟᱨ ᱨᱮᱦᱚᱸ ᱟᱹᱠᱷᱨᱤᱧ ᱠᱷᱟᱡᱽᱱᱟ ᱵᱟᱝᱠᱷᱟᱱ ᱫᱷᱚᱱ ᱠᱷᱟᱡᱽᱱᱟ ᱢᱮᱱᱟᱜᱼᱟ ᱾ ᱟᱹᱠᱷᱨᱤᱧ ᱠᱷᱟᱡᱽᱱᱟ ᱫᱚ ᱡᱚᱛᱚ ᱫᱤᱥᱚᱢ ᱨᱮ ᱵᱷᱮᱯᱮᱫ ᱜᱮᱭᱟ ᱾
ᱥᱮᱫᱟᱭ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱮᱫᱟᱭ ᱫᱚ ᱢᱤᱫ ᱱᱟᱜᱟᱨ ᱵᱟᱝᱠᱷᱟᱱ ᱴᱷᱟᱶ ᱮᱴᱟᱜ ᱴᱷᱟᱶ~ᱮ ᱟᱴᱟᱠᱟ (attack) ᱟᱨ ᱚᱸᱰᱮᱱ ᱠᱚ ᱦᱚᱲ ᱠᱷᱟᱡᱽᱱᱟ ᱮᱢ ᱦᱩᱭ ᱟᱠᱚᱟ ᱾ ᱚᱸᱰᱮᱱ ᱠᱚ ᱦᱚᱲ ᱠᱟᱹᱣᱰᱤ ᱵᱟᱝᱠᱷᱟᱱ ᱡᱟᱦᱟᱸᱱ ᱡᱤᱱᱤᱥ ᱮᱢ ᱦᱩᱭ ᱟᱠᱟᱣᱟ ᱮᱱᱠᱷᱟᱱ ᱵᱟᱠᱚ ᱟᱴᱟᱠ ᱠᱚᱣᱟ ᱾ ᱰᱮᱱᱤᱜᱮᱞᱰ ᱫᱚ ᱧᱩᱛᱯᱢᱟᱱᱟᱜ ᱴᱨᱤᱵᱩᱴ (tribute) ᱛᱟᱦᱮᱸ ᱠᱟᱱᱟ, ᱩᱱ ᱡᱚᱠᱷᱟᱜ ᱰᱮᱱᱢᱟᱨᱠ ᱨᱤᱱ ᱦᱚᱲ ᱟᱫᱷᱟ ᱤᱝᱞᱚᱸᱰ ᱠᱚ ᱡᱤᱛᱠᱟᱹᱨ ᱞᱮᱫ ᱛᱟᱦᱮᱸᱫ ᱟᱨ ᱤᱝᱞᱤᱥ ᱦᱚᱲ ᱢᱤᱫ ᱦᱟᱡᱟᱨ ᱨᱩᱯᱟᱹ (silver) ᱠᱟᱹᱣᱰᱤ ᱮᱢ ᱦᱩᱭᱟᱫ ᱠᱚ ᱛᱟᱦᱮᱸᱫ ᱾
ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- WikiCPA.com tax articles Archived ᱒᱐᱐᱗-᱐᱓-᱒᱖ at the Wayback Machine.
- Tax Rates and Tax Revenue by Seth J. Chandler and
- Per Unit Tax by Fiona Maclachlan, Wolfram Demonstrations Project
- http://www.bharat.gov.in/citizen/taxes.php